ભુવન-કેલિકલા-રસિકે શિવે
ઝટિતિ ઝઞ્ઝણ-ઝઙ્કૃત-નૂપૂરે ।
ધ્વનિમયં ભવ-બીજમનશ્વરં
જગદિદં તવ શબ્દમયં વપુઃ ॥ ૧॥
વિવિધ-ચિત્ર-વિચિત્રમદ્ભુતં
સદસદાત્મકમસ્તિ ચિદાત્મકમ્ ।
ભવતિ બોધમયં ભજતાં હૃદિ
શિવ શિવેતિ શિવેતિ વચોઽનિશમ્ ॥ ૨॥
જનનિ મઞ્જુલ-મઙ્ગલ-મન્દિરં
જગદિદં જગદમ્બ તવેપ્સિતમ્ ।
શિવ-શિવાત્મક-તત્ત્વમિદં પરં
હ્યહમહો નુ નતોઽસ્મિ નતોઽસ્મ્યહમ્ ॥ ૩॥
સ્તુતિમહો કિલ કિં તવ કુર્મહે
સુરગુરોરપિ વાક્પટુતા કુતઃ ।
ઇતિ વિચાર્ય પરે પરમેશ્વરિ
હ્યહમહો નુ નતોઽસ્મિ નતોઽસ્મ્યહમ્ ॥ ૪॥
ચિતિ ચમત્કૃતિચિન્તનમસ્તુ મે
નિજપરં ભવભેદ-નિકૃન્તનમ્ ।
પ્રતિપલં શિવશક્તિમયં શિવે
હ્યહમહો નુ નતોઽસ્મિ નતોઽસ્મ્યહમ્ ॥ ૫॥
ઇતિ શ્રીદત્તાત્રેયાનન્દનાથવિરચિતં પ્રણતિપઞ્ચકં સમ્પૂર્ણમ્ ।
Pranatipanchakam Lyrics in Gujarati | પ્રણતિપઞ્ચકમ્