Ramasahasranamastotram from Bhushundiramaya Lyrics in Bengali:
॥ রামসহস্রনামস্তোত্রম্ ভুষুণ্ডিরামায়ণান্তর্গতম্ ॥
ত্রয়োদশোঽধ্যায়ঃ
ব্রহ্মোবাচ –
অথ ত্রয়োদশতমে দিনে নামবিঘিত্সয়া ।
কুমারাণাং সুজনুষাং পরমায়ুশ্চিকীর্ষয়া ॥ ১ ॥
বসিষ্ঠো বংশপৌরৌধাঃ মুদায়ুক্তঃ সমায়য়ৌ ।
রাজ্ঞো দশরথস্যান্তঃপুরে সর্বসমর্দ্ধনে ॥ ২ ॥ var সমৃদ্ধনে
সমায়াতং মুনিধেষ্ঠং রাজা দশরথোঽগ্রহীত্ ।
অহো মে ভাগ্যসংপত্যা সঙ্গতোঽদ্য পুরোহিতঃ ॥ ৩ ॥
প্রাজাপত্যো মুনিশ্রেষ্ঠঃ পরমানন্দদর্শনঃ ।
নমস্তে মুনিশার্দূল প্রাজাপত্য মহাপ্রভ ॥ ৪ ॥ var মহাপ্রভো
বসিষ্ঠ উবাচ –
নরেন্দ্র বত তে ভাগ্যং জাতোঽসি তনু পুত্রবান্ ॥ ৫ ॥
তেষামহং কুমারাণাং নামকৃত্যং সুখপ্রদম্ ।
তবাজ্ঞয়া বিধাস্যামি য়দ্গোপ্যমমরৈরপি ॥ ৬ ॥
অহো অমী প্রভোরংশা রামস্যামিততেজসঃ ।
য়োঽসৌ তব কুমারাণামগ্রণী রাম এব সঃ ॥ ৭ ॥
অস্য চত্বার এবাংশাঃ ব্রহ্মরূপাঃ সনাতনাঃ ।
বাসুদেবঃ সংকর্ষণঃ প্রদ্যুম্নশ্চানিরুদ্ধকঃ ॥ ৮ ॥
চত্বার এতে পুরুষাঃ স্বস্বকার্যবিধায়কাঃ ।
ধর্মরূপাস্তু রামস্য পুরুষোত্তমরূপিণঃ ॥ ৯ ॥
ততঃ সংস্তাতসংস্কারান্ মন্ত্রিতান্ বিধিবর্ত্মনা ।
নামানি চক্রে ব্রহ্মর্ষিঃ কোটিকল্পবিদুত্তমঃ ॥ ১০ ॥
বসিষ্ঠ উবাচ –
রামঃ শ্যামো হরির্বিষ্ণুঃ কেশবঃ কেশিনাশনঃ ।
নারায়ণো মাধবশ্চ শ্রীধরো মধুসূদনঃ ॥ ১১ ॥
রাবণারিঃ কংসনিহা বকীপ্রাণনিবর্ত্তনঃ ।
তাডকাহননোদ্যুক্তো বিশ্বামিত্রপ্রিয়ঃ কৃতী ॥ ১২ ॥
বেদাঙ্গো য়জ্ঞবারাহো ধর্মজ্ঞো মেদিনীপতিঃ ।
বাসুদেবোঽরবিন্দাক্ষো গোবিন্দো গোপতিঃ প্রভুঃ ॥ ১৩ ॥
পদ্মাকান্তো বিকুণ্ঠাভূঃ কীর্তিকন্যাসুখপ্রদঃ ।
জানকীপ্রাণনাথশ্চ সীতাবিশ্লেষনাশনঃ ॥ ১৪ ॥
মুকুন্দো মুক্তিদাতা চ কৌস্তুভী করুণাকরঃ ।
খরদূষণনাশী চ মারীচপ্রাণনাশকঃ ॥ ১৫ ॥
সুবাহুমারণোত্সাহী পক্ষিশ্রাদ্ধবিধায়কঃ ।
বিহঙ্গপিতৃসম্বন্ধী ক্ষণতুষ্টো গতিপ্রদঃ ॥ ১৬ ॥
পূতনামাতৃগতিদো বিনিবৃত্ততৃণানিলঃ ।
পাবনঃ পরমানন্দঃ কালিন্দীজলকেলিকৃত্ ॥ ১৭ ॥
সরয়ূজলকেলিশ্চ সাকেতপুরদৈবতঃ ।
মথুরাস্থাননিলয়ো বিশ্রুতাত্মা ত্রয়ীস্তুতঃ ॥ ১৮ ॥
কৌন্তেয়বিজয়োদ্যুক্তঃ সেতুকৃত্ সিন্ধুগর্ভবিত্ ।
সপ্ততালপ্রভেদী চ মহাস্থিক্ষেপণোদ্ধুরঃ ॥ ১৯ ॥
কৌশল্যানন্দনঃ কৃষ্ণঃ কিশোরীজনবল্লভঃ ।
আভীরীবল্লভো বীরঃ কোটিকন্দর্পবিগ্রহঃ ॥ ২০ ॥
গোবর্দ্ধনগিরিপ্রাশী গোবর্দ্ধনগিরীশ্বরঃ ।
গোকুলেশো ন্নজেশশ্চ সহজাপ্রাণবল্লভঃ ॥ ২১ ॥
ভূলীলাকেলিসন্তোষী বামাকোটিপ্রসাদনঃ ।
ভিল্লপত্নীকৃপাসিন্ধুঃ কৈবর্ত্তকরুণাকরঃ ॥ ২২ ॥
জাম্ববদ্ভক্তিদো ভোক্তা জাম্ববত্যঙ্গনাপতিঃ ।
সীতাপ্রিয়ো রুক্মিণীশঃ কল্যাণগুণসাগরঃ ॥ ২৩ ॥
ভক্তপ্রিয়ো দাশরথিঃ কৈটভারিঃ কৃতোত্সবঃ ।
কদম্ববনমধ্যস্থঃ শিলাসংতারদায়কঃ ॥ ২৪ ॥
রাঘবো রঘুবীরশ্চ হনুমত্সখ্যবর্দ্ধনঃ ।
পীতাম্বরোঽচ্যুতঃ শ্রীমান্ শ্রীগোপীজনবল্লভঃ ॥ ২৫ ॥
ভক্তেষ্টো ভক্তিদাতা চ ভার্গবদ্বিজগর্বজিত্ ।
কোদণ্ডরামঃ ক্রোধাত্মা লঙ্কাবিজয়পণ্ডিতঃ ॥ ২৬ ॥
কুম্ভকর্ণনিহন্তা চ য়ুবা কৈশোরসুন্দরঃ ।
বনমালী ঘনশ্যামো গোচারণপরাক্রমী ॥ ২৭ ॥
কাকপক্ষধরো বেষো বিটো ধৃষ্টঃ শঠঃ পতিঃ ।
অনুকূলো দক্ষিণশ্চ তারঃ কপটকোবিদঃ ॥ ২৮ ॥
অশ্বমেধপ্রণেতা চ রাজা দশরথাত্মজঃ ।
রাঘবেন্দ্রো মহারাজঃ শ্রীরামানন্দবিগ্রহঃ ॥ ২৯ ॥
ক্ষত্ত্রঃ ক্ষত্ত্রকুলোত্তসো মহাতেজাঃ প্রতাপবান্ ।
মহাসৈন্যো মহাচাপো লক্ষ্মণৈকান্তসুপ্রিয়ঃ ॥ ৩০ ॥
কৈকেয়ীপ্রণনির্মাতা বীতরাজ্যো বনালয়ঃ ।
চিত্রকূটপ্রিয়স্থানো মৃগয়াচারতত্পরঃ ॥ ৩১ ॥
কিরাতবেষঃ ক্রূরাত্মা পশুমাংসৈকভোজনঃ ।
ফলপুষ্পকৃতাহারঃ কন্দমূলনিষেবণঃ ॥ ৩২ ॥
পয়োব্রতো বিধানজ্ঞঃ সদ্ধর্মপ্রতিপালকঃ ।
গদাধরো য়জ্ঞকর্ত্তা শ্রাদ্ধকর্তা দ্বিজার্চকঃ ॥ ৩৩ ॥
পিতৃভক্তো মাতৃভক্তো বন্ধুঃ স্বজনতোষকৃত্ ।
মত্স্যঃ কূর্মো নৃসিংহশ্চ বরাহো বামনস্তথা ॥ ৩৪ ॥
রঘুরামঃ পরশুরামো বলরামো রমাপতিঃ ।
রামলিঙ্গস্থাপয়িতা শিবভক্তিপরায়ণঃ ॥ ৩৫ ॥ var রুদ্রমাহাত্ম্যবর্ধনঃ
চণ্ডিকার্চনকৃত্যজ্ঞশ্চণ্ডীপাঠবিধানবিত্ ।
অষ্টমীব্রতকর্মজ্ঞো বিজয়াদশমীপ্রিয়ঃ ॥ ৩৬ ॥
কপিসৈন্যসমারম্ভী সুগ্রীবপ্রাণদঃ পরঃ ।
সূর্যবংশধ্বজো ধীরো ব্রহ্মণ্যো ব্রাহ্মণপ্রিয়ঃ ॥ ৩৭ ॥
ব্রহ্মার্পণী ব্রহ্মহোতা ব্রহ্মকর্মবিদুত্তমঃ ।
ব্রহ্মজ্ঞো ব্রাহ্মণাচারঃ কৃতকৃত্যঃ সনাতনঃ ॥ ৩৮ ॥
সচ্চিদানন্দরূপশ্চ নিরীহো নির্বিকারকঃ ।
নিত্যাকারো নিরাধারো রামো রময়তাং বরঃ ॥ ৩৯ ॥
রকারাদির্মকারাদিঃ রামঃ কৈবল্যমঙ্গলঃ ।
সংদর্ভো সংশয়চ্ছেত্তা শেষশায়ী সতাং গতিঃ ॥ ৪০ ॥
পুরুষঃ পুরুষাকারঃ প্রমেয়ঃ পুরুষোত্তমঃ ।
বশীধরো বিহারজ্ঞো রসানন্দীজিতস্মরঃ ॥ ৪১ ॥
পূর্ণাতিথিবিনোদী চ বৃন্দাবনবিলাসকৃত্ ।
রত্নকটকধরো বীরো মুক্তাহারবিভূষণঃ ॥ ৪২ ॥
নৃত্যপ্রিয়ো নৃত্যকরো নিত্যসীতাবিহারবান্ ।
মহালক্ষ্মীদৃঢানন্দো প্রমোদবননায়কঃ ॥ ৪৩ ॥
পরপ্রেমা পরানন্দঃ পরভক্তিস্বরূপকঃ ।
অগ্নিরূপঃ কালরূপঃ প্রলয়ান্তমহানলঃ ॥ ৪৪ ॥ var মহবলঃ
সুপ্রসন্নঃ প্রসাদাত্মা প্রসন্নাস্যঃ পরঃ প্রভুঃ ।
প্রীতিঃ প্রীতি মনাঃ প্রীতিঃ শকটাসুরভঞ্জনঃ ॥ ৪৫ ॥ var প্রীতঃ প্রীত মনাঃ
খট্বাসুরবধোদ্যুক্তঃ কালরূপো দুরন্তকঃ ।
হংসঃ স্মরসহস্রাত্মা স্মরণীয়ো রুচিপ্রদঃ ॥ ৪৬ ॥
পণ্ডা পণ্ডিতমানী চ বেদরূপঃ সরস্বতী ।
গুহ্যার্থদো গুরুর্দেবো মন্ত্রজ্ঞো মন্ত্রদীক্ষিতঃ ॥ ৪৭ ॥
য়োগজ্ঞো য়োগবিন্নাথঃ স্বাত্ময়োগবিশারদঃ ।
অধ্যাত্মশাস্ত্রসারজ্ঞো রসরূপো রসাত্মকঃ ॥ ৪৮ ॥
শৃঙ্গারবেশো মদনো মানিনীমানবর্দ্ধনঃ ।
চন্দনদ্রবসশীতশ্চন্দনদ্রবলেপনঃ ॥ ৪৯ ॥
শ্রীবত্সলান্ছনঃ শ্রীমান্ মানী মানুষবিগ্রহঃ ।
করণং কারণং কর্তাঽঽধারো বিধরণো ধরঃ ॥ ৫০ ॥
ধরিত্রীধরণো ধীরঃ স্ত্র্যধীশঃ সত্যবাক্ প্রিয়ঃ ।
সত্যকৃত্ সত্রকর্তা চ কর্মী কর্মবিবর্দ্ধনঃ ॥ ৫১ ॥
কার্মুকী বিশিখী শক্তিধরো বিজয়দায়কঃ
ঊর্জ্জস্বলো বলী জিষ্ণুর্লঙ্কেশপ্রাণনাশকঃ ॥ ৫২ ॥
শিশুপালপ্রহন্তা চ দন্তবক্ত্রবিনাশনঃ ।
পরমোত্সাহনোঽসহ্যঃ কলিদোষবিনাশনঃ ॥ ৫৩ ॥ var পরমোত্সাহনো সত্ত্ব
জরাসন্ধমহায়ুদ্ধো নিঃকিংচনজনপ্রিয়ঃ । var য়োদ্ধা
দ্বারকাস্থাননির্মাতা মথুরাবাসশূন্যকৃত্ ॥ ৫৪ ॥
কাকুত্স্থো বিনয়ী বাগ্মী মনস্বী দক্ষিণাপ্রদঃ ।
প্রাচ্যবাচীপ্রতীচ্যুক্তদক্ষিণো ভূরিদক্ষিণঃ ॥ ৫৫ ॥
দক্ষয়জ্ঞসমানেতা বিশ্বকেলিঃ সুরার্চিতঃ ।
দেবাধিপো দিবোদাসো দিবাস্বাপী দিবাকরঃ ॥ ৫৬ ॥
কমলাক্ষঃ কৃপাবাসো দ্বিজপত্নীমনোহরঃ ।
বিভীষণশরণ্যশ্চ শরণং পরমা গতিঃ ॥ ৫৭ ॥
চাণূরবলনির্মাথী মহামাতঙ্গনাশনঃ ।
বদ্ধকক্ষো মহামল্লী মল্লয়ুদ্ধবিশারদঃ ॥ ৫৮ ॥
অপ্রমেয়ঃ প্রমেয়াত্মা প্রমাণাত্মা সনাতনঃ ।
মর্যাদাবতরো বিজ্ঞো মর্যাদাপুরুষোত্তমঃ ॥ ৫৯ ॥
মহাক্রতুবিধানজ্ঞঃ ক্রতুকর্মা ক্রতুপ্রিয়ঃ ।
বৃষস্কন্ধো বৃষস্কন্দো বৃষধ্বজমহাসখঃ ॥ ৬০ ॥
চক্রী শার্ঙ্গী গদাপাণিঃ শঙ্খভৃত্ সুস্মিতাননঃ ।
য়োগধ্যানী য়োগগম্যো য়োগাচার্যো দৃঢাসনঃ ॥ ৬১ ॥
জিতাহারো মিতাহারঃ পরহা দিগ্জয়োদ্ধুরঃ ।
সুপর্ণাসনসংস্থাতা গজাভো গজমোক্ষণঃ ॥ ৬২ ॥
গজগামী জ্ঞানগম্যো ভক্তিগম্যো ভয়াপহঃ ।
ভগবান্ সুমহৈশ্বর্যঃ পরমঃ পরমামৃতঃ ॥ ৬৩ ॥
স্বানন্দী সচ্চিদানন্দী নন্দিগ্রামনিকেতনঃ ।
বর্হোত্তংসঃ কলাকান্তঃ কালরূপঃ কলাকরঃ ॥ ৬৪ ॥
কমনীয়ঃ কুমারাভো মুচুকুন্দগতিপ্রদঃ ।
মুক্তিভূরিফলাকারঃ কারুণ্যধৃতবিগ্রহঃ ॥ ৬৫ ॥
ভূলীলারমণোদ্যুক্তঃ শতধাকৃতবিগ্রহঃ ।
রসাস্বাদী রসানন্দী রসাতলবিনোদকৃত্ ॥ ৬৬ ॥
অপ্রতর্ক্যঃ পুনীতাত্মা বিনীতাত্মা বিধানবিত্ ।
ভুজ্যুঃ সভাজনঃ সভ্যঃ পণ্ডঃ পণ্ডুর্বিপণ্যজঃ ॥ ৬৭ ॥
চর্ষণী উত্কটো বীতো বিত্তদঃ সবিতাঽবিতা ।
বিভবো বিবিধাকারো রামঃ কল্যাণসাগরঃ ॥ ৬৮ ॥
সীতাস্বয়বরোদ্যুক্তো হরকার্মুকভঞ্জনঃ ।
রাবণোন্মাদশমনঃ সীতাবিরহকাতরঃ ॥ ৬৯ ॥
কুমারকুশলঃ কামঃ কামদঃ কোতিবর্দ্ধনঃ ।
দুর্যোধনমহাবৈরী য়ুধিষ্ঠিরহিতপ্রদঃ ॥ ৭০ ॥
দ্রৌপদীচীরবিস্তারী কুন্তীশোকনিবারণঃ ।
গান্ধারীশোকসংতানঃ কৃপাকোমলমানসঃ ॥ ৭১ ॥
চিত্রকূটকৃতাবাসো গঙ্গাসলিলপাবনঃ ।
ব্রহ্মচারী সদাচারঃ কমলাকেলিভাজনঃ ॥ ৭২ ॥
দুরাসদঃ কলহকৃত্ কলিঃ কলিবিনাশনঃ ।
চারী দণ্ডাজিনী ছত্রী পুস্তকী কৃষ্ণমেখলঃ ॥ ৭৩ ॥ var ব্রহ্মচারী দণ্ডছত্রী
দণ্ডকারণ্যমধ্যস্থঃ পঞ্চবট্যালয়স্থিতঃ ।
পরিণামজয়ানন্দী নন্দিগ্রামসুখপ্রদঃ ॥ ৭৪ ॥
ইন্দ্রারিমানমথনো বদ্ধদক্ষিণসাগরঃ ।
শৈলসেতুবিনির্মাতা কপিসৈন্যমহীপতিঃ ॥ ৭৫ ॥
রথারূঢো গজারূঢো হয়ারূঢো মহাবলী ।
নিষঙ্গী কবচী খড্গী খলগর্বনিবহণঃ ॥ ৭৬ ॥
বেদান্তবিজ্ঞো বিজ্ঞানী জানকীব্রহ্মদর্শনঃ ।
লঙ্কাজেতা বিমানস্থো নাগপাশবিমোচকঃ ॥ ৭৭ ॥
অনন্তকোটিগণভূঃ কল্যাণঃ কেলিনীপতিঃ ।
দুর্বাসাপূজনপরো বনবাসী মহাজবঃ ॥ ৭৮ ॥
সুস্ময়ঃ সুস্মিতমুখঃ কালিয়াহিফণানটঃ ।
বিভুর্বিষহরো বত্সো বত্সাসুরবিনাশনঃ ॥ ৭৯ ॥
বৃষপ্রমথনো বেত্তা মরীচির্মুনিরঙ্গিরাঃ ।
বসিষ্ঠো দ্রোণপুত্রশ্চ দ্রোণাচার্যো রঘূত্তমঃ ॥ ৮০ ॥
রঘুবর্যো দুঃখহন্তা বনধাবনসশ্রমঃ ।
ভিল্লগ্রামনিবাসী চ ভিল্লভিল্লিহিতপ্রদঃ ॥ ৮১ ॥
রামো রবিকুলোত্তংসঃ বৃষ্ণিগর্ভো মহামণিঃ । var পৃশ্নিগর্ভো
য়শোদাবন্ধনপ্রাপ্তো য়মলার্জুনভঞ্জনঃ ॥ ৮২ ॥
দামোদরো দুরারাধ্যো দূরগঃ প্রিয়দর্শনঃ ।
মৃত্তিকাভক্ষণক্রীডো ব্রহ্মাণ্ডাবলিবিগ্রহঃ ॥ ৮৩ ॥
বাললীলাবিনোদী চ রতিলীলাবিশারদঃ ।
বসুদেবসুতঃ শ্রীমান্ ভব্যো দশরথাত্মজঃ ॥ ৮৪ ॥
বলিপ্রিয়ো বালিহন্তা বিক্রমী কেসরী করী ।
সনিগ্রহফলানন্দী সনিগ্রহনিবারণঃ ॥ ৮৫ ॥
সীতাবামাঙ্গসংলিষ্টঃ কমলাপাঙ্গবীক্ষিতঃ ।
স্যমন্তপঞ্চকস্থায়ী ভৃগুবংশমহায়শাঃ ॥ ৮৬ ॥
অনন্তোঽনন্তমাতা চ রামো রাজীবলোচনঃ ।
ইত্যেবং নামসাহস্রং রাজেন্দ্র তনয়স্য তে ॥ ৮৭ ॥
য়ঃ পঠেত্প্রাতরুত্থায় ধৌতপাদঃ শুচিব্রত্রঃ ।
স য়াতি রামসায়ুজ্যং ভুক্ত্বান্তে কেবলং পদম্ ॥ ৮৮ ॥
ন য়ত্র ত্রিগুণগ্রাসো ন মায়া ন স্ময়ো মদঃ ।
তদ্যাতি বিরজং স্থানং রামনামানুকীর্তয়ন্ ॥ ৮৯ ॥
ন তে পুত্রস্য নামানি সংখ্যাতুমহমীশ্বরঃ ।
সংক্ষেপেণ তু য়ত্প্রোক্তং তন্মাত্রমবধারয় ॥ ৯০ ॥
য়াবন্তি সন্তি রূপাণি বিষ্ণোরমিততেজসঃ ।
তাবন্তি তব পুত্রস্য পরব্রহ্মস্বরূপিণঃ ॥ ৯১ ॥
পাজ্বভৌতিকমেতদ্ধি বিশ্বং সমুপধারয় ।
ততঃ পরং পরব্রহ্ম বিদ্ধি রামং সনাতনম্ ॥ ৯২ ॥
নশ্বরং সকলং দৃশ্যং রামং ব্রূমঃ সনাতনম্ ।
এতদ্ধি তব পুত্রত্বং প্রাপ্তো রামঃ পরাত্পরঃ ॥ ৯৩ ॥
সদ্বেদৈরপি বেদান্তৈর্নেতি নেতীতি গীয়তে । var বেদান্তে
তমেব জলদশ্যামং রামং ভাবয় ভাবয় ॥ ৯৪ ॥
য় এতত্ পঠতে নিত্যং রামসাহস্রকং বিভো ।
স য়াতি পরমাং মুক্তিং রামকৈবল্যরূপিণীম্ ॥ ৯৫ ॥
মা শঙ্কিষ্ঠা নরাধীশঃ শ্রীরামরসিকস্য চ ।
অনন্তকোটিরূপাণি রামস্তেষাং বিভাবকঃ ॥ ৯৫ ॥
ত্রৈলোক্যমেতদখিলং রামবীর্যে প্রতিষ্ঠিতম্ ।
বিজানন্তি নরাঃ সর্বে নাস্য রূপং চ নাম চ ॥ ৯৭ ॥
য় এতস্মিন্ মহাপ্রীতিং কলয়িষ্যন্তি মানবাঃ ।
ত এব ধন্যা রাজেন্দ্র নান্যে স্বজনদূষকাঃ ॥ ৯৮ ॥
ইতি শ্রীমদাদিরামায়ণে ব্রহ্মভুশুণ্ডসবাদে বসিষ্ঠকৃতনাম-
সহস্রকথনং নাম ত্রয়োদশোঽধ্যায়ঃ ॥
Also Read 1000 Names of Rama by Bhushundiramaya:
Rama Sahasranama Stotram from Bhushundiramaya in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
