Ramasahasranamastotram from Bhushundiramaya Lyrics in Oriya:
॥ ରାମସହସ୍ରନାମସ୍ତୋତ୍ରମ୍ ଭୁଷୁଣ୍ଡିରାମାୟଣାନ୍ତର୍ଗତମ୍ ॥
ତ୍ରୟୋଦଶୋଽଧ୍ୟାୟଃ
ବ୍ରହ୍ମୋଵାଚ –
ଅଥ ତ୍ରୟୋଦଶତମେ ଦିନେ ନାମଵିଘିତ୍ସୟା ।
କୁମାରାଣାଂ ସୁଜନୁଷାଂ ପରମାୟୁଶ୍ଚିକୀର୍ଷୟା ॥ ୧ ॥
ଵସିଷ୍ଠୋ ଵଂଶପୌରୌଧାଃ ମୁଦାୟୁକ୍ତଃ ସମାୟୟୌ ।
ରାଜ୍ଞୋ ଦଶରଥସ୍ୟାନ୍ତଃପୁରେ ସର୍ଵସମର୍ଦ୍ଧନେ ॥ ୨ ॥ var ସମୃଦ୍ଧନେ
ସମାୟାତଂ ମୁନିଧେଷ୍ଠଂ ରାଜା ଦଶରଥୋଽଗ୍ରହୀତ୍ ।
ଅହୋ ମେ ଭାଗ୍ୟସଂପତ୍ୟା ସଙ୍ଗତୋଽଦ୍ୟ ପୁରୋହିତଃ ॥ ୩ ॥
ପ୍ରାଜାପତ୍ୟୋ ମୁନିଶ୍ରେଷ୍ଠଃ ପରମାନନ୍ଦଦର୍ଶନଃ ।
ନମସ୍ତେ ମୁନିଶାର୍ଦୂଲ ପ୍ରାଜାପତ୍ୟ ମହାପ୍ରଭ ॥ ୪ ॥ var ମହାପ୍ରଭୋ
ଵସିଷ୍ଠ ଉଵାଚ –
ନରେନ୍ଦ୍ର ଵତ ତେ ଭାଗ୍ୟଂ ଜାତୋଽସି ତନୁ ପୁତ୍ରଵାନ୍ ॥ ୫ ॥
ତେଷାମହଂ କୁମାରାଣାଂ ନାମକୃତ୍ୟଂ ସୁଖପ୍ରଦମ୍ ।
ତଵାଜ୍ଞୟା ଵିଧାସ୍ୟାମି ୟଦ୍ଗୋପ୍ୟମମରୈରପି ॥ ୬ ॥
ଅହୋ ଅମୀ ପ୍ରଭୋରଂଶା ରାମସ୍ୟାମିତତେଜସଃ ।
ୟୋଽସୌ ତଵ କୁମାରାଣାମଗ୍ରଣୀ ରାମ ଏଵ ସଃ ॥ ୭ ॥
ଅସ୍ୟ ଚତ୍ଵାର ଏଵାଂଶାଃ ବ୍ରହ୍ମରୂପାଃ ସନାତନାଃ ।
ଵାସୁଦେଵଃ ସଂକର୍ଷଣଃ ପ୍ରଦ୍ୟୁମ୍ନଶ୍ଚାନିରୁଦ୍ଧକଃ ॥ ୮ ॥
ଚତ୍ଵାର ଏତେ ପୁରୁଷାଃ ସ୍ଵସ୍ଵକାର୍ୟଵିଧାୟକାଃ ।
ଧର୍ମରୂପାସ୍ତୁ ରାମସ୍ୟ ପୁରୁଷୋତ୍ତମରୂପିଣଃ ॥ ୯ ॥
ତତଃ ସଂସ୍ତାତସଂସ୍କାରାନ୍ ମନ୍ତ୍ରିତାନ୍ ଵିଧିଵର୍ତ୍ମନା ।
ନାମାନି ଚକ୍ରେ ଵ୍ରହ୍ମର୍ଷିଃ କୋଟିକଲ୍ପଵିଦୁତ୍ତମଃ ॥ ୧୦ ॥
ଵସିଷ୍ଠ ଉଵାଚ –
ରାମଃ ଶ୍ୟାମୋ ହରିର୍ଵିଷ୍ଣୁଃ କେଶଵଃ କେଶିନାଶନଃ ।
ନାରାୟଣୋ ମାଧଵଶ୍ଚ ଶ୍ରୀଧରୋ ମଧୁସୂଦନଃ ॥ ୧୧ ॥
ରାଵଣାରିଃ କଂସନିହା ଵକୀପ୍ରାଣନିଵର୍ତ୍ତନଃ ।
ତାଡକାହନନୋଦ୍ୟୁକ୍ତୋ ଵିଶ୍ଵାମିତ୍ରପ୍ରିୟଃ କୃତୀ ॥ ୧୨ ॥
ଵେଦାଙ୍ଗୋ ୟଜ୍ଞଵାରାହୋ ଧର୍ମଜ୍ଞୋ ମେଦିନୀପତିଃ ।
ଵାସୁଦେଵୋଽରଵିନ୍ଦାକ୍ଷୋ ଗୋଵିନ୍ଦୋ ଗୋପତିଃ ପ୍ରଭୁଃ ॥ ୧୩ ॥
ପଦ୍ମାକାନ୍ତୋ ଵିକୁଣ୍ଠାଭୂଃ କୀର୍ତିକନ୍ୟାସୁଖପ୍ରଦଃ ।
ଜାନକୀପ୍ରାଣନାଥଶ୍ଚ ସୀତାଵିଶ୍ଲେଷନାଶନଃ ॥ ୧୪ ॥
ମୁକୁନ୍ଦୋ ମୁକ୍ତିଦାତା ଚ କୌସ୍ତୁଭୀ କରୁଣାକରଃ ।
ଖରଦୂଷଣନାଶୀ ଚ ମାରୀଚପ୍ରାଣନାଶକଃ ॥ ୧୫ ॥
ସୁବାହୁମାରଣୋତ୍ସାହୀ ପକ୍ଷିଶ୍ରାଦ୍ଧଵିଧାୟକଃ ।
ଵିହଙ୍ଗପିତୃସମ୍ବନ୍ଧୀ କ୍ଷଣତୁଷ୍ଟୋ ଗତିପ୍ରଦଃ ॥ ୧୬ ॥
ପୂତନାମାତୃଗତିଦୋ ଵିନିଵୃତ୍ତତୃଣାନିଲଃ ।
ପାଵନଃ ପରମାନନ୍ଦଃ କାଲିନ୍ଦୀଜଲକେଲିକୃତ୍ ॥ ୧୭ ॥
ସରୟୂଜଲକେଲିଶ୍ଚ ସାକେତପୁରଦୈଵତଃ ।
ମଥୁରାସ୍ଥାନନିଲୟୋ ଵିଶ୍ରୁତାତ୍ମା ତ୍ରୟୀସ୍ତୁତଃ ॥ ୧୮ ॥
କୌନ୍ତେୟଵିଜୟୋଦ୍ୟୁକ୍ତଃ ସେତୁକୃତ୍ ସିନ୍ଧୁଗର୍ଭଵିତ୍ ।
ସପ୍ତତାଲପ୍ରଭେଦୀ ଚ ମହାସ୍ଥିକ୍ଷେପଣୋଦ୍ଧୁରଃ ॥ ୧୯ ॥
କୌଶଲ୍ୟାନନ୍ଦନଃ କୃଷ୍ଣଃ କିଶୋରୀଜନଵଲ୍ଲଭଃ ।
ଆଭୀରୀଵଲ୍ଲଭୋ ଵୀରଃ କୋଟିକନ୍ଦର୍ପଵିଗ୍ରହଃ ॥ ୨୦ ॥
ଗୋଵର୍ଦ୍ଧନଗିରିପ୍ରାଶୀ ଗୋଵର୍ଦ୍ଧନଗିରୀଶ୍ଵରଃ ।
ଗୋକୁଲେଶୋ ନ୍ନଜେଶଶ୍ଚ ସହଜାପ୍ରାଣଵଲ୍ଲଭଃ ॥ ୨୧ ॥
ଭୂଲୀଲାକେଲିସନ୍ତୋଷୀ ଵାମାକୋଟିପ୍ରସାଦନଃ ।
ଭିଲ୍ଲପତ୍ନୀକୃପାସିନ୍ଧୁଃ କୈଵର୍ତ୍ତକରୁଣାକରଃ ॥ ୨୨ ॥
ଜାମ୍ବଵଦ୍ଭକ୍ତିଦୋ ଭୋକ୍ତା ଜାମ୍ବଵତ୍ୟଙ୍ଗନାପତିଃ ।
ସୀତାପ୍ରିୟୋ ରୁକ୍ମିଣୀଶଃ କଲ୍ୟାଣଗୁଣସାଗରଃ ॥ ୨୩ ॥
ଭକ୍ତପ୍ରିୟୋ ଦାଶରଥିଃ କୈଟଭାରିଃ କୃତୋତ୍ସଵଃ ।
କଦମ୍ବଵନମଧ୍ୟସ୍ଥଃ ଶିଲାସଂତାରଦାୟକଃ ॥ ୨୪ ॥
ରାଘଵୋ ରଘୁଵୀରଶ୍ଚ ହନୁମତ୍ସଖ୍ୟଵର୍ଦ୍ଧନଃ ।
ପୀତାମ୍ବରୋଽଚ୍ୟୁତଃ ଶ୍ରୀମାନ୍ ଶ୍ରୀଗୋପୀଜନଵଲ୍ଲଭଃ ॥ ୨୫ ॥
ଭକ୍ତେଷ୍ଟୋ ଭକ୍ତିଦାତା ଚ ଭାର୍ଗଵଦ୍ଵିଜଗର୍ଵଜିତ୍ ।
କୋଦଣ୍ଡରାମଃ କ୍ରୋଧାତ୍ମା ଲଙ୍କାଵିଜୟପଣ୍ଡିତଃ ॥ ୨୬ ॥
କୁମ୍ଭକର୍ଣନିହନ୍ତା ଚ ୟୁଵା କୈଶୋରସୁନ୍ଦରଃ ।
ଵନମାଲୀ ଘନଶ୍ୟାମୋ ଗୋଚାରଣପରାକ୍ରମୀ ॥ ୨୭ ॥
କାକପକ୍ଷଧରୋ ଵେଷୋ ଵିଟୋ ଧୃଷ୍ଟଃ ଶଠଃ ପତିଃ ।
ଅନୁକୂଲୋ ଦକ୍ଷିଣଶ୍ଚ ତାରଃ କପଟକୋଵିଦଃ ॥ ୨୮ ॥
ଅଶ୍ଵମେଧପ୍ରଣେତା ଚ ରାଜା ଦଶରଥାତ୍ମଜଃ ।
ରାଘଵେନ୍ଦ୍ରୋ ମହାରାଜଃ ଶ୍ରୀରାମାନନ୍ଦଵିଗ୍ରହଃ ॥ ୨୯ ॥
କ୍ଷତ୍ତ୍ରଃ କ୍ଷତ୍ତ୍ରକୁଲୋତ୍ତସୋ ମହାତେଜାଃ ପ୍ରତାପଵାନ୍ ।
ମହାସୈନ୍ୟୋ ମହାଚାପୋ ଲକ୍ଷ୍ମଣୈକାନ୍ତସୁପ୍ରିୟଃ ॥ ୩୦ ॥
କୈକେୟୀପ୍ରଣନିର୍ମାତା ଵୀତରାଜ୍ୟୋ ଵନାଲୟଃ ।
ଚିତ୍ରକୂଟପ୍ରିୟସ୍ଥାନୋ ମୃଗୟାଚାରତତ୍ପରଃ ॥ ୩୧ ॥
କିରାତଵେଷଃ କ୍ରୂରାତ୍ମା ପଶୁମାଂସୈକଭୋଜନଃ ।
ଫଲପୁଷ୍ପକୃତାହାରଃ କନ୍ଦମୂଲନିଷେଵଣଃ ॥ ୩୨ ॥
ପୟୋଵ୍ରତୋ ଵିଧାନଜ୍ଞଃ ସଦ୍ଧର୍ମପ୍ରତିପାଲକଃ ।
ଗଦାଧରୋ ୟଜ୍ଞକର୍ତ୍ତା ଶ୍ରାଦ୍ଧକର୍ତା ଦ୍ଵିଜାର୍ଚକଃ ॥ ୩୩ ॥
ପିତୃଭକ୍ତୋ ମାତୃଭକ୍ତୋ ବନ୍ଧୁଃ ସ୍ଵଜନତୋଷକୃତ୍ ।
ମତ୍ସ୍ୟଃ କୂର୍ମୋ ନୃସିଂହଶ୍ଚ ଵରାହୋ ଵାମନସ୍ତଥା ॥ ୩୪ ॥
ରଘୁରାମଃ ପରଶୁରାମୋ ବଲରାମୋ ରମାପତିଃ ।
ରାମଲିଙ୍ଗସ୍ଥାପୟିତା ଶିଵଭକ୍ତିପରାୟଣଃ ॥ ୩୫ ॥ var ରୁଦ୍ରମାହାତ୍ମ୍ୟଵର୍ଧନଃ
ଚଣ୍ଡିକାର୍ଚନକୃତ୍ୟଜ୍ଞଶ୍ଚଣ୍ଡୀପାଠଵିଧାନଵିତ୍ ।
ଅଷ୍ଟମୀଵ୍ରତକର୍ମଜ୍ଞୋ ଵିଜୟାଦଶମୀପ୍ରିୟଃ ॥ ୩୬ ॥
କପିସୈନ୍ୟସମାରମ୍ଭୀ ସୁଗ୍ରୀଵପ୍ରାଣଦଃ ପରଃ ।
ସୂର୍ୟଵଂଶଧ୍ଵଜୋ ଧୀରୋ ବ୍ରହ୍ମଣ୍ୟୋ ବ୍ରାହ୍ମଣପ୍ରିୟଃ ॥ ୩୭ ॥
ବ୍ରହ୍ମାର୍ପଣୀ ବ୍ରହ୍ମହୋତା ବ୍ରହ୍ମକର୍ମଵିଦୁତ୍ତମଃ ।
ବ୍ରହ୍ମଜ୍ଞୋ ବ୍ରାହ୍ମଣାଚାରଃ କୃତକୃତ୍ୟଃ ସନାତନଃ ॥ ୩୮ ॥
ସଚ୍ଚିଦାନନ୍ଦରୂପଶ୍ଚ ନିରୀହୋ ନିର୍ଵିକାରକଃ ।
ନିତ୍ୟାକାରୋ ନିରାଧାରୋ ରାମୋ ରମୟତାଂ ଵରଃ ॥ ୩୯ ॥
ରକାରାଦିର୍ମକାରାଦିଃ ରାମଃ କୈଵଲ୍ୟମଙ୍ଗଲଃ ।
ସଂଦର୍ଭୋ ସଂଶୟଚ୍ଛେତ୍ତା ଶେଷଶାୟୀ ସତାଂ ଗତିଃ ॥ ୪୦ ॥
ପୁରୁଷଃ ପୁରୁଷାକାରଃ ପ୍ରମେୟଃ ପୁରୁଷୋତ୍ତମଃ ।
ଵଶୀଧରୋ ଵିହାରଜ୍ଞୋ ରସାନନ୍ଦୀଜିତସ୍ମରଃ ॥ ୪୧ ॥
ପୂର୍ଣାତିଥିଵିନୋଦୀ ଚ ଵୃନ୍ଦାଵନଵିଲାସକୃତ୍ ।
ରତ୍ନକଟକଧରୋ ଵୀରୋ ମୁକ୍ତାହାରଵିଭୂଷଣଃ ॥ ୪୨ ॥
ନୃତ୍ୟପ୍ରିୟୋ ନୃତ୍ୟକରୋ ନିତ୍ୟସୀତାଵିହାରଵାନ୍ ।
ମହାଲକ୍ଷ୍ମୀଦୃଢାନନ୍ଦୋ ପ୍ରମୋଦଵନନାୟକଃ ॥ ୪୩ ॥
ପରପ୍ରେମା ପରାନନ୍ଦଃ ପରଭକ୍ତିସ୍ଵରୂପକଃ ।
ଅଗ୍ନିରୂପଃ କାଲରୂପଃ ପ୍ରଲୟାନ୍ତମହାନଲଃ ॥ ୪୪ ॥ var ମହବଲଃ
ସୁପ୍ରସନ୍ନଃ ପ୍ରସାଦାତ୍ମା ପ୍ରସନ୍ନାସ୍ୟଃ ପରଃ ପ୍ରଭୁଃ ।
ପ୍ରୀତିଃ ପ୍ରୀତି ମନାଃ ପ୍ରୀତିଃ ଶକଟାସୁରଭଞ୍ଜନଃ ॥ ୪୫ ॥ var ପ୍ରୀତଃ ପ୍ରୀତ ମନାଃ
ଖଟ୍ଵାସୁରଵଧୋଦ୍ୟୁକ୍ତଃ କାଲରୂପୋ ଦୁରନ୍ତକଃ ।
ହଂସଃ ସ୍ମରସହସ୍ରାତ୍ମା ସ୍ମରଣୀୟୋ ରୁଚିପ୍ରଦଃ ॥ ୪୬ ॥
ପଣ୍ଡା ପଣ୍ଡିତମାନୀ ଚ ଵେଦରୂପଃ ସରସ୍ଵତୀ ।
ଗୁହ୍ୟାର୍ଥଦୋ ଗୁରୁର୍ଦେଵୋ ମନ୍ତ୍ରଜ୍ଞୋ ମନ୍ତ୍ରଦୀକ୍ଷିତଃ ॥ ୪୭ ॥
ୟୋଗଜ୍ଞୋ ୟୋଗଵିନ୍ନାଥଃ ସ୍ଵାତ୍ମୟୋଗଵିଶାରଦଃ ।
ଅଧ୍ୟାତ୍ମଶାସ୍ତ୍ରସାରଜ୍ଞୋ ରସରୂପୋ ରସାତ୍ମକଃ ॥ ୪୮ ॥
ଶୃଙ୍ଗାରଵେଶୋ ମଦନୋ ମାନିନୀମାନଵର୍ଦ୍ଧନଃ ।
ଚନ୍ଦନଦ୍ରଵସଶୀତଶ୍ଚନ୍ଦନଦ୍ରଵଲେପନଃ ॥ ୪୯ ॥
ଶ୍ରୀଵତ୍ସଲାନ୍ଛନଃ ଶ୍ରୀମାନ୍ ମାନୀ ମାନୁଷଵିଗ୍ରହଃ ।
କରଣଂ କାରଣଂ କର୍ତାଽଽଧାରୋ ଵିଧରଣୋ ଧରଃ ॥ ୫୦ ॥
ଧରିତ୍ରୀଧରଣୋ ଧୀରଃ ସ୍ତ୍ର୍ୟଧୀଶଃ ସତ୍ୟଵାକ୍ ପ୍ରିୟଃ ।
ସତ୍ୟକୃତ୍ ସତ୍ରକର୍ତା ଚ କର୍ମୀ କର୍ମଵିଵର୍ଦ୍ଧନଃ ॥ ୫୧ ॥
କାର୍ମୁକୀ ଵିଶିଖୀ ଶକ୍ତିଧରୋ ଵିଜୟଦାୟକଃ
ଊର୍ଜ୍ଜସ୍ଵଲୋ ବଲୀ ଜିଷ୍ଣୁର୍ଲଙ୍କେଶପ୍ରାଣନାଶକଃ ॥ ୫୨ ॥
ଶିଶୁପାଲପ୍ରହନ୍ତା ଚ ଦନ୍ତଵକ୍ତ୍ରଵିନାଶନଃ ।
ପରମୋତ୍ସାହନୋଽସହ୍ୟଃ କଲିଦୋଷଵିନାଶନଃ ॥ ୫୩ ॥ var ପରମୋତ୍ସାହନୋ ସତ୍ତ୍ଵ
ଜରାସନ୍ଧମହାୟୁଦ୍ଧୋ ନିଃକିଂଚନଜନପ୍ରିୟଃ । var ୟୋଦ୍ଧା
ଦ୍ଵାରକାସ୍ଥାନନିର୍ମାତା ମଥୁରାଵାସଶୂନ୍ୟକୃତ୍ ॥ ୫୪ ॥
କାକୁତ୍ସ୍ଥୋ ଵିନୟୀ ଵାଗ୍ମୀ ମନସ୍ଵୀ ଦକ୍ଷିଣାପ୍ରଦଃ ।
ପ୍ରାଚ୍ୟଵାଚୀପ୍ରତୀଚ୍ୟୁକ୍ତଦକ୍ଷିଣୋ ଭୂରିଦକ୍ଷିଣଃ ॥ ୫୫ ॥
ଦକ୍ଷୟଜ୍ଞସମାନେତା ଵିଶ୍ଵକେଲିଃ ସୁରାର୍ଚିତଃ ।
ଦେଵାଧିପୋ ଦିଵୋଦାସୋ ଦିଵାସ୍ଵାପୀ ଦିଵାକରଃ ॥ ୫୬ ॥
କମଲାକ୍ଷଃ କୃପାଵାସୋ ଦ୍ଵିଜପତ୍ନୀମନୋହରଃ ।
ଵିଭୀଷଣଶରଣ୍ୟଶ୍ଚ ଶରଣଂ ପରମା ଗତିଃ ॥ ୫୭ ॥
ଚାଣୂରବଲନିର୍ମାଥୀ ମହାମାତଙ୍ଗନାଶନଃ ।
ବଦ୍ଧକକ୍ଷୋ ମହାମଲ୍ଲୀ ମଲ୍ଲୟୁଦ୍ଧଵିଶାରଦଃ ॥ ୫୮ ॥
ଅପ୍ରମେୟଃ ପ୍ରମେୟାତ୍ମା ପ୍ରମାଣାତ୍ମା ସନାତନଃ ।
ମର୍ୟାଦାଵତରୋ ଵିଜ୍ଞୋ ମର୍ୟାଦାପୁରୁଷୋତ୍ତମଃ ॥ ୫୯ ॥
ମହାକ୍ରତୁଵିଧାନଜ୍ଞଃ କ୍ରତୁକର୍ମା କ୍ରତୁପ୍ରିୟଃ ।
ଵୃଷସ୍କନ୍ଧୋ ଵୃଷସ୍କନ୍ଦୋ ଵୃଷଧ୍ଵଜମହାସଖଃ ॥ ୬୦ ॥
ଚକ୍ରୀ ଶାର୍ଙ୍ଗୀ ଗଦାପାଣିଃ ଶଙ୍ଖଭୃତ୍ ସୁସ୍ମିତାନନଃ ।
ୟୋଗଧ୍ୟାନୀ ୟୋଗଗମ୍ୟୋ ୟୋଗାଚାର୍ୟୋ ଦୃଢାସନଃ ॥ ୬୧ ॥
ଜିତାହାରୋ ମିତାହାରଃ ପରହା ଦିଗ୍ଜୟୋଦ୍ଧୁରଃ ।
ସୁପର୍ଣାସନସଂସ୍ଥାତା ଗଜାଭୋ ଗଜମୋକ୍ଷଣଃ ॥ ୬୨ ॥
ଗଜଗାମୀ ଜ୍ଞାନଗମ୍ୟୋ ଭକ୍ତିଗମ୍ୟୋ ଭୟାପହଃ ।
ଭଗଵାନ୍ ସୁମହୈଶ୍ଵର୍ୟଃ ପରମଃ ପରମାମୃତଃ ॥ ୬୩ ॥
ସ୍ଵାନନ୍ଦୀ ସଚ୍ଚିଦାନନ୍ଦୀ ନନ୍ଦିଗ୍ରାମନିକେତନଃ ।
ଵର୍ହୋତ୍ତଂସଃ କଲାକାନ୍ତଃ କାଲରୂପଃ କଲାକରଃ ॥ ୬୪ ॥
କମନୀୟଃ କୁମାରାଭୋ ମୁଚୁକୁନ୍ଦଗତିପ୍ରଦଃ ।
ମୁକ୍ତିଭୂରିଫଲାକାରଃ କାରୁଣ୍ୟଧୃତଵିଗ୍ରହଃ ॥ ୬୫ ॥
ଭୂଲୀଲାରମଣୋଦ୍ୟୁକ୍ତଃ ଶତଧାକୃତଵିଗ୍ରହଃ ।
ରସାସ୍ଵାଦୀ ରସାନନ୍ଦୀ ରସାତଲଵିନୋଦକୃତ୍ ॥ ୬୬ ॥
ଅପ୍ରତର୍କ୍ୟଃ ପୁନୀତାତ୍ମା ଵିନୀତାତ୍ମା ଵିଧାନଵିତ୍ ।
ଭୁଜ୍ୟୁଃ ସଭାଜନଃ ସଭ୍ୟଃ ପଣ୍ଡଃ ପଣ୍ଡୁର୍ଵିପଣ୍ୟଜଃ ॥ ୬୭ ॥
ଚର୍ଷଣୀ ଉତ୍କଟୋ ଵୀତୋ ଵିତ୍ତଦଃ ସଵିତାଽଵିତା ।
ଵିଭଵୋ ଵିଵିଧାକାରୋ ରାମଃ କଲ୍ୟାଣସାଗରଃ ॥ ୬୮ ॥
ସୀତାସ୍ଵୟଵରୋଦ୍ୟୁକ୍ତୋ ହରକାର୍ମୁକଭଞ୍ଜନଃ ।
ରାଵଣୋନ୍ମାଦଶମନଃ ସୀତାଵିରହକାତରଃ ॥ ୬୯ ॥
କୁମାରକୁଶଲଃ କାମଃ କାମଦଃ କୋତିଵର୍ଦ୍ଧନଃ ।
ଦୁର୍ୟୋଧନମହାଵୈରୀ ୟୁଧିଷ୍ଠିରହିତପ୍ରଦଃ ॥ ୭୦ ॥
ଦ୍ରୌପଦୀଚୀରଵିସ୍ତାରୀ କୁନ୍ତୀଶୋକନିଵାରଣଃ ।
ଗାନ୍ଧାରୀଶୋକସଂତାନଃ କୃପାକୋମଲମାନସଃ ॥ ୭୧ ॥
ଚିତ୍ରକୂଟକୃତାଵାସୋ ଗଙ୍ଗାସଲିଲପାଵନଃ ।
ବ୍ରହ୍ମଚାରୀ ସଦାଚାରଃ କମଲାକେଲିଭାଜନଃ ॥ ୭୨ ॥
ଦୁରାସଦଃ କଲହକୃତ୍ କଲିଃ କଲିଵିନାଶନଃ ।
ଚାରୀ ଦଣ୍ଡାଜିନୀ ଛତ୍ରୀ ପୁସ୍ତକୀ କୃଷ୍ଣମେଖଲଃ ॥ ୭୩ ॥ var ବ୍ରହ୍ମଚାରୀ ଦଣ୍ଡଛତ୍ରୀ
ଦଣ୍ଡକାରଣ୍ୟମଧ୍ୟସ୍ଥଃ ପଞ୍ଚଵଟ୍ୟାଲୟସ୍ଥିତଃ ।
ପରିଣାମଜୟାନନ୍ଦୀ ନନ୍ଦିଗ୍ରାମସୁଖପ୍ରଦଃ ॥ ୭୪ ॥
ଇନ୍ଦ୍ରାରିମାନମଥନୋ ବଦ୍ଧଦକ୍ଷିଣସାଗରଃ ।
ଶୈଲସେତୁଵିନିର୍ମାତା କପିସୈନ୍ୟମହୀପତିଃ ॥ ୭୫ ॥
ରଥାରୂଢୋ ଗଜାରୂଢୋ ହୟାରୂଢୋ ମହାବଲୀ ।
ନିଷଙ୍ଗୀ କଵଚୀ ଖଡ୍ଗୀ ଖଲଗର୍ଵନିଵହଣଃ ॥ ୭୬ ॥
ଵେଦାନ୍ତଵିଜ୍ଞୋ ଵିଜ୍ଞାନୀ ଜାନକୀବ୍ରହ୍ମଦର୍ଶନଃ ।
ଲଙ୍କାଜେତା ଵିମାନସ୍ଥୋ ନାଗପାଶଵିମୋଚକଃ ॥ ୭୭ ॥
ଅନନ୍ତକୋଟିଗଣଭୂଃ କଲ୍ୟାଣଃ କେଲିନୀପତିଃ ।
ଦୁର୍ଵାସାପୂଜନପରୋ ଵନଵାସୀ ମହାଜଵଃ ॥ ୭୮ ॥
ସୁସ୍ମୟଃ ସୁସ୍ମିତମୁଖଃ କାଲିୟାହିଫଣାନଟଃ ।
ଵିଭୁର୍ଵିଷହରୋ ଵତ୍ସୋ ଵତ୍ସାସୁରଵିନାଶନଃ ॥ ୭୯ ॥
ଵୃଷପ୍ରମଥନୋ ଵେତ୍ତା ମରୀଚିର୍ମୁନିରଙ୍ଗିରାଃ ।
ଵସିଷ୍ଠୋ ଦ୍ରୋଣପୁତ୍ରଶ୍ଚ ଦ୍ରୋଣାଚାର୍ୟୋ ରଘୂତ୍ତମଃ ॥ ୮୦ ॥
ରଘୁଵର୍ୟୋ ଦୁଃଖହନ୍ତା ଵନଧାଵନସଶ୍ରମଃ ।
ଭିଲ୍ଲଗ୍ରାମନିଵାସୀ ଚ ଭିଲ୍ଲଭିଲ୍ଲିହିତପ୍ରଦଃ ॥ ୮୧ ॥
ରାମୋ ରଵିକୁଲୋତ୍ତଂସଃ ଵୃଷ୍ଣିଗର୍ଭୋ ମହାମଣିଃ । var ପୃଶ୍ନିଗର୍ଭୋ
ୟଶୋଦାବନ୍ଧନପ୍ରାପ୍ତୋ ୟମଲାର୍ଜୁନଭଞ୍ଜନଃ ॥ ୮୨ ॥
ଦାମୋଦରୋ ଦୁରାରାଧ୍ୟୋ ଦୂରଗଃ ପ୍ରିୟଦର୍ଶନଃ ।
ମୃତ୍ତିକାଭକ୍ଷଣକ୍ରୀଡୋ ବ୍ରହ୍ମାଣ୍ଡାଵଲିଵିଗ୍ରହଃ ॥ ୮୩ ॥
ବାଲଲୀଲାଵିନୋଦୀ ଚ ରତିଲୀଲାଵିଶାରଦଃ ।
ଵସୁଦେଵସୁତଃ ଶ୍ରୀମାନ୍ ଭଵ୍ୟୋ ଦଶରଥାତ୍ମଜଃ ॥ ୮୪ ॥
ଵଲିପ୍ରିୟୋ ଵାଲିହନ୍ତା ଵିକ୍ରମୀ କେସରୀ କରୀ ।
ସନିଗ୍ରହଫଲାନନ୍ଦୀ ସନିଗ୍ରହନିଵାରଣଃ ॥ ୮୫ ॥
ସୀତାଵାମାଙ୍ଗସଂଲିଷ୍ଟଃ କମଲାପାଙ୍ଗଵୀକ୍ଷିତଃ ।
ସ୍ୟମନ୍ତପଞ୍ଚକସ୍ଥାୟୀ ଭୃଗୁଵଂଶମହାୟଶାଃ ॥ ୮୬ ॥
ଅନନ୍ତୋଽନନ୍ତମାତା ଚ ରାମୋ ରାଜୀଵଲୋଚନଃ ।
ଇତ୍ୟେଵଂ ନାମସାହସ୍ରଂ ରାଜେନ୍ଦ୍ର ତନୟସ୍ୟ ତେ ॥ ୮୭ ॥
ୟଃ ପଠେତ୍ପ୍ରାତରୁତ୍ଥାୟ ଧୌତପାଦଃ ଶୁଚିଵ୍ରତ୍ରଃ ।
ସ ୟାତି ରାମସାୟୁଜ୍ୟଂ ଭୁକ୍ତ୍ଵାନ୍ତେ କେଵଲଂ ପଦମ୍ ॥ ୮୮ ॥
ନ ୟତ୍ର ତ୍ରିଗୁଣଗ୍ରାସୋ ନ ମାୟା ନ ସ୍ମୟୋ ମଦଃ ।
ତଦ୍ୟାତି ଵିରଜଂ ସ୍ଥାନଂ ରାମନାମାନୁକୀର୍ତୟନ୍ ॥ ୮୯ ॥
ନ ତେ ପୁତ୍ରସ୍ୟ ନାମାନି ସଂଖ୍ୟାତୁମହମୀଶ୍ଵରଃ ।
ସଂକ୍ଷେପେଣ ତୁ ୟତ୍ପ୍ରୋକ୍ତଂ ତନ୍ମାତ୍ରମଵଧାରୟ ॥ ୯୦ ॥
ୟାଵନ୍ତି ସନ୍ତି ରୂପାଣି ଵିଷ୍ଣୋରମିତତେଜସଃ ।
ତାଵନ୍ତି ତଵ ପୁତ୍ରସ୍ୟ ପରବ୍ରହ୍ମସ୍ଵରୂପିଣଃ ॥ ୯୧ ॥
ପାଜ୍ଵଭୌତିକମେତଦ୍ଧି ଵିଶ୍ଵଂ ସମୁପଧାରୟ ।
ତତଃ ପରଂ ପରବ୍ରହ୍ମ ଵିଦ୍ଧି ରାମଂ ସନାତନମ୍ ॥ ୯୨ ॥
ନଶ୍ଵରଂ ସକଲଂ ଦୃଶ୍ୟଂ ରାମଂ ବ୍ରୂମଃ ସନାତନମ୍ ।
ଏତଦ୍ଧି ତଵ ପୁତ୍ରତ୍ଵଂ ପ୍ରାପ୍ତୋ ରାମଃ ପରାତ୍ପରଃ ॥ ୯୩ ॥
ସଦ୍ଵେଦୈରପି ଵେଦାନ୍ତୈର୍ନେତି ନେତୀତି ଗୀୟତେ । var ଵେଦାନ୍ତେ
ତମେଵ ଜଲଦଶ୍ୟାମଂ ରାମଂ ଭାଵୟ ଭାଵୟ ॥ ୯୪ ॥
ୟ ଏତତ୍ ପଠତେ ନିତ୍ୟଂ ରାମସାହସ୍ରକଂ ଵିଭୋ ।
ସ ୟାତି ପରମାଂ ମୁକ୍ତିଂ ରାମକୈଵଲ୍ୟରୂପିଣୀମ୍ ॥ ୯୫ ॥
ମା ଶଙ୍କିଷ୍ଠା ନରାଧୀଶଃ ଶ୍ରୀରାମରସିକସ୍ୟ ଚ ।
ଅନନ୍ତକୋଟିରୂପାଣି ରାମସ୍ତେଷାଂ ଵିଭାଵକଃ ॥ ୯୫ ॥
ତ୍ରୈଲୋକ୍ୟମେତଦଖିଲଂ ରାମଵୀର୍ୟେ ପ୍ରତିଷ୍ଠିତମ୍ ।
ଵିଜାନନ୍ତି ନରାଃ ସର୍ଵେ ନାସ୍ୟ ରୂପଂ ଚ ନାମ ଚ ॥ ୯୭ ॥
ୟ ଏତସ୍ମିନ୍ ମହାପ୍ରୀତିଂ କଲୟିଷ୍ୟନ୍ତି ମାନଵାଃ ।
ତ ଏଵ ଧନ୍ୟା ରାଜେନ୍ଦ୍ର ନାନ୍ୟେ ସ୍ଵଜନଦୂଷକାଃ ॥ ୯୮ ॥
ଇତି ଶ୍ରୀମଦାଦିରାମାୟଣେ ବ୍ରହ୍ମଭୁଶୁଣ୍ଡସଵାଦେ ଵସିଷ୍ଠକୃତନାମ-
ସହସ୍ରକଥନଂ ନାମ ତ୍ରୟୋଦଶୋଽଧ୍ୟାୟଃ ॥
Also Read 1000 Names of Rama by Bhushundiramaya:
Rama Sahasranama Stotram from Bhushundiramaya in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
