Home / Shiva Stotram / Shiva Astotram Lyrics in Kannada | Lord Shiva Stotram

Shiva Astotram Lyrics in Kannada | Lord Shiva Stotram

Lord Shivastotram Lyrics in Kannada:

ಶಿವಾಸ್ತೋತ್ರಮ್
ಶಿವಾರೂಪಧರೇ ದೇವಿ ಕಾಮಕಾಲಿ ನಮೋಽಸ್ತು ತೇ ।
ಉಲ್ಕಾಮುಖಿ ಲಲಜ್ಜಿಹ್ವೇ ಘೋರರಾವೇ ಶೃಗಾಲಿನಿ ॥ 1 ॥

ಶ್ಮಶಾನವಾಸಿನಿ ಪ್ರೇತೇ ಶವಮಾಂಸಪ್ರಿಯೇಽನಘೇ ।
ಅರಣ್ಯಚಾರಿಣಿ ಶಿವೇ ಫೇರೋ ಜಮ್ಬೂಕರೂಪಿಣಿ ॥ 2 ॥

ನಮೋಽಸ್ತು ತೇ ಮಹಾಮಾಯೇ ಜಗತ್ತಾರಿಣಿ ಕಾಲಿಕೇ ।
ಮಾತಂಗಿ ಕುಕ್ಕುಟೇ ರೌದ್ರಿ ಕಾಲಕಾಲಿ ನಮೋಽಸ್ತು ತೇ ॥ 3 ॥ var ಕಾಲಿಕಾಲಿ

ಸರ್ವಸಿದ್ಧಿಪ್ರದೇ ದೇವಿ ಭಯಂಕರಿ ಭಯಾವಹೇ । var ಸರ್ವಸಿದ್ಧಿಪ್ರದೇ ಭೀಮೇ
ಪ್ರಸನ್ನಾ ಭವ ದೇವೇಶಿ ಮಮ ಭಕ್ತಸ್ಯ ಕಾಲಿಕೇ ॥ 4 ॥

ಸಂಸಾರತಾರಿಣಿ ಜಯೇ ಜಯ ಸರ್ವಶುಭಂಕರಿ ।
ವಿಸ್ರಸ್ತಚಿಕುರೇ ಚಂಡೇ ಚಾಮುಂಡೇ ಮುಂಡಮಾಲಿನಿ ॥ 5 ॥

ಸಂಹಾರಕಾರಿಣಿ ಕ್ರುದ್ಧೇ ಸರ್ವಸಿದ್ಧಿಂ ಪ್ರಯಚ್ಛ ಮೇ ।
ದುರ್ಗೇ ಕಿರಾತಿ ಶವರಿ ಪ್ರೇತಾಸನಗತೇಽಭಯೇ ॥ 6 ॥

ಅನುಗ್ರಹಂ ಕುರು ಸದಾ ಕೃಪಯಾ ಮಾಂ ವಿಲೋಕಯ ।
ರಾಜ್ಯಂ ಪ್ರಯಚ್ಛ ವಿಕಟೇ ವಿತ್ತಮಾಯುಃ ಸುತಾನ್ ಸ್ತ್ರಿಯಮ್ ॥ 7 ॥

ಶಿವಾಬಲಿವಿಧಾನೇನ ಪ್ರಸನ್ನಾ ಭವ ಫೇರವೇ ।
ನಮಸ್ತೇಽಸ್ತು ನಮಸ್ತೇಽಸ್ತು ನಮಸ್ತೇಽಸ್ತು ನಮೋ ನಮಃ ॥ 8 ॥

ಇತ್ಯೇತೈರಷ್ಟಭಿಃ ಶ್ಲೋಕೈಃ ಶಿವಾಸ್ತೋತ್ರಮುದೀರಯೇತ್ ।

ಇತ್ಯಾದಿನಾಥವಿರಚಿತಾಯಾಂ ಮಹಾಕಾಲಸಂಹಿತಾಯಾಂ ಕಾಮಕಲಾಖಂಡ್ಯಾಂ
ಉತ್ತರೀಭಾಗೇ ಶಿವಾಬಲಿಪ್ರಯೋಗೋ ನಾಮೇ ಚತುರ್ಥಪಟಲಾನ್ತರ್ಗತಂ
ಶಿವಾಸ್ತೋತ್ರಂ ಸಮ್ಪೂರ್ಣಮ್ ।

Add Comment

Click here to post a comment