Sri Kashi Vishwanatha Suprabhatam in Bengali:
॥ শ্রীকাশীবিশ্বনাথসুপ্রভাতম্ ॥
॥ শ্রীগুরুভ্যো নমঃ ॥
বিশ্বেশং মাধবং ধুণ্ডিং দণ্ডপাণিং চ ভৈরবম্ ।
বন্দে কাশীং গুহাং গঙ্গাং ভবানীং মণিকর্ণিকাম্ ॥ ১ ॥
উত্তিষ্ঠ কাশি ভগবান্ প্রভুবিশ্বনাথো
গঙ্গোর্মি-সংগতি-শুভৈঃ পরিভূষিতোঽব্জৈঃ ।
শ্রীধুণ্ডি-ভৈরব-মুখৈঃ সহিতাঽঽন্নপূর্ণা
মাতা চ বাঞ্ছতি মুদা তব সুপ্রভাতম্ ॥ ২ ॥
ব্রহ্মা মুরারিস্ত্রিপুরান্তকারিঃ
ভানুঃ শশী ভূমিসুতো বুধশ্চ ।
গুরুশ্চ শুক্রঃ শনি-রাহু-কেতবঃ
কুর্বন্তু সর্বে ভুবি সুপ্রভাতম্ ॥ ৩ ॥
বারাণসী-স্থিত-গজানন-ধুণ্ডিরাজ
তাপত্রয়াপহরণে প্রথিত-প্রভাব ।
আনন্দ-কন্দলকুল-প্রসবৈকভূমে
নিত্যং সমস্ত-জগতঃ কুরু সুপ্রভাতম্ ॥ ৪ ॥
ব্রহ্মদ্রবোপমিত-গাঙ্গ-পয়ঃ-প্রবাহৈঃ
পুণ্যৈঃ সদৈব পরিচুংবিত-পাদপদ্মে ।
মধ্যে-ঽখিলামরগণৈঃ পরিসেব্যমানে
শ্রীকাশিকে কুরু সদা ভুবি সুপ্রভাতম্ ॥ ৫ ॥
প্রত্নৈরসংখ্য-মঠ-মন্দির-তীর্থ-কুণ্ড-
প্রাসাদ-ঘট্ট-নিবহৈঃ বিদুষাং বরৈশ্চ
আবর্জয়স্যখিল-বিশ্ব-মনাংসি নিত্যং
শ্রীকাশিকে কুরু সদা ভুবি সুপ্রভাতম্ ॥ ৬ ॥।
কে বা নরা নু সুধিয়ঃ কুধিয়ো.অধিয়ো বা
বাঞ্ছন্তি নান্তসময়ে শরণং ভবত্যাঃ ।
হে কোটি-কোটি-জন-মুক্তি-বিধান-দক্ষে
শ্রীকাশিকে কুরু সদা ভুবি সুপ্রভাতম্ ॥ ৭ ॥
যা দেবৈরসুরৈর্মুনীন্দ্রতনয়ৈর্গন্ধর্ব-যক্ষোরগৈঃ
নাগৈর্ভূতলবাসিভির্দ্বিজবরৈস্সংসেবিতা সিদ্ধয়ে ।
যা গঙ্গোত্তরবাহিনী-পরিসরে তীর্থৈরসংখ্যৈর্বৃতা
সা কাশী ত্রিপুরারিরাজ-নগরী দেয়াৎ সদা মঙ্গলম্ ॥ ৮ ॥
তীর্থানাং প্রবরা মনোরথকরী সংসার-পারাপরা
নন্দা-নন্দি-গণেশ্বরৈরুপহিতা দেবৈরশেষৈঃ-স্তুতা ।
যা শংভোর্মণি-কুণ্ডলৈক-কণিকা বিষ্ণোস্তপো-দীর্ঘিকা
সেয়ং শ্রীমণিকর্ণিকা ভগবতী দেয়াৎ সদা মঙ্গলম্ ॥ ৯ ॥
অভিনব-বিস-বল্লী পাদ-পদ্মস্য বিষ্ণোঃ
মদন-মথন-মৌলের্মালতী পুষ্পমালা ।
জয়তি জয়-পতাকা কাপ্যসৌ মোক্ষলক্ষ্ম্যাঃ
ক্ষপিত-কলি-কলঙ্কা জাহ্নবী নঃ পুনাতু ॥ ১০ ॥
গাঙ্গং বারি মনোহারি মুরারি-চরণচ্যুতম্ ।
ত্রিপুরারি-শিরশ্চারি পাপহারি পুনাতু মাম্ ॥ ১১ ॥
বিঘ্নাবাস-নিবাসকারণ-মহাগণ্ডস্থলালংবিতঃ
সিন্দূরারুণ-পুঞ্জ-চন্দ্রকিরণ-প্রচ্ছাদি-নাগচ্ছবিঃ ।
শ্রীবিঘ্নেশ্বর-বল্লভো গিরিজয়া সানন্দমানন্দিতঃ (পাঠভেদ বিশ্বেশ্বর)
স্মেরাস্যস্তব ধুণ্ডিরাজ-মুদিতো দেয়াৎ সদা মঙ্গলম্ ॥ ১২ ॥
কণ্ঠে যস্য লসৎকরাল-গরলং গঙ্গাজলং মস্তকে
বামাঙ্গে গিরিরাজরাজ-তনয়া জায়া ভবানী সতী ।
নন্দি-স্কন্দ-গণাধিরাজ-সহিতঃ শ্রীবিশ্বনাথপ্রভুঃ
কাশী-মন্দির-সংস্থিতোঽখিলগুরুঃ দেয়াৎ সদা মঙ্গলম্ ॥ ১৩ ॥
শ্রীবিশ্বনাথ করুণামৃত-পূর্ণ-সিন্ধো
শীতাংশু-খণ্ড-সমলংকৃত-ভব্যচূড ।
উত্তিষ্ঠ বিশ্বজন-মঙ্গল-সাধনায়
নিত্যং সর্বজগতঃ কুরু সুপ্রভাতম্ ॥ ১৪ ॥
শ্রীবিশ্বনাথ বৃষভ-ধ্বজ বিশ্ববন্দ্য
সৃষ্টি-স্থিতি-প্রলয়-কারক দেবদেব ।
বাচামগোচর মহর্ষি-নুতাঙ্ঘ্রি-পদ্ম
বারাণসীপুরপতে কুরু সুপ্রভাতম্ ॥ ১৫ ॥
শ্রীবিশ্বনাথ ভবভঞ্জন দিব্যভাব
গঙ্গাধর প্রমথ-বন্দিত সুন্দরাঙ্গ ।
নাগেন্দ্র-হার নত-ভক্ত-ভয়াপহার
বারাণসীপুরপতে কুরু সুপ্রভাতম্ ॥ ১৬ ॥
শ্রীবিশ্বনাথ তব পাদয়ুগং নমামি
নিত্যং তবৈব শিব নাম হৃদা স্মরামি ।
বাচং তবৈব যশসাঽনঘ ভূষয়ামি
বারাণসীপুরপতে কুরু সুপ্রভাতম্ ॥ ১৭ ॥
কাশী-নিবাস-মুনি-সেবিত-পাদ-পদ্ম
গঙ্গা-জলৌঘ-পরিষিক্ত-জটাকলাপ ।
অস্যাখিলস্য জগতঃ সচরাচরস্য
বারাণসীপুরপতে কুরু সুপ্রভাতম্ ॥ ১৮ ॥
গঙ্গাধরাদ্রিতনয়া-প্রিয় শান্তমূর্তে
বেদান্ত-বেদ্য সকলেশ্বর বিশ্বমূর্তে ।
কূটস্থ নিত্য নিখিলাগম-গীত-কীর্তে
বারাণসীপুরপতে কুরু সুপ্রভাতম্ ॥ ১৯ ॥
বিশ্বং সমস্তমিদমদ্য ঘনান্ধকারে
মোহাত্মকে নিপতিতং জডতামুপেতম্ ।
ভাসা বিভাস্য পরয়া তদমোঘ-শক্তে
বারাণসীপুরপতে কুরু সুপ্রভাতম্ ॥ ২০ ॥
সূনুঃ সমস্ত-জন-বিঘ্ন-বিনাস-দক্ষো
ভার্যাঽন্নদান-নিরতা-ঽবিরতং জনেভ্যঃ ।
খ্যাতঃ স্বয়ং চ শিবকৃৎ সকলার্থি-ভাজাং
বারাণসীপুরপতে কুরু সুপ্রভাতম্ ॥ ২১ ॥
যে নো নমন্তি ন জপন্তি ন চামনন্তি
নো বা লপন্তি বিলপন্তি নিবেদয়ন্তি ।
তেষামবোধ-শিশু-তুল্য-ধিয়াং নরাণাং
বারাণসীপুরপতে কুরু সুপ্রভাতম্ ॥ ২২ ॥
শ্রীকণ্ঠ কণ্ঠ-ধৃত-পন্নগ নীলকণ্ঠ
সোৎকণ্ঠ-ভক্ত-নিবহোপহিতোপ-কণ্ঠ ।
ভস্মাঙ্গরাগ-পরিশোভিত-সর্বদেহ
বারাণসীপুরপতে কুরু সুপ্রভাতম্ ॥ ২৩ ॥
শ্রীপার্বতী-হৃদয়-বল্লভ পঞ্চ-বক্ত্র
শ্রীনীল-কণ্ঠ নৃ-কপাল-কলাপ-মাল ।
শ্রীবিশ্বনাথ মৃদু-পঙ্কজ-মঞ্জু-পাদ
বারাণসীপুরপতে কুরু সুপ্রভাতম্ ॥ ২৪ ॥
দুগ্ধ-প্রবাহ-কমনীয়-তরঙ্গ-ভঙ্গে
পুণ্য-প্রবাহ-পরিপাবিত-ভক্ত-সঙ্গে ।
নিত্যং তপস্বি-জন-সেবিত-পাদ-পদ্মে
গঙ্গে শরণ্য-শিবদে কুরু সুপ্রভাতম্ ॥ ২৫ ॥
সানন্দমানন্দ-বনে বসন্তং আনন্দ-কন্দং হত-পাপ-বৃন্দম্ ।
বারাণসী-নাথমনাথ-নাথং শ্রীবিশ্বনাথং শরণং প্রপদ্যে ॥ ২৬ ॥
Also Read:
Shri Kashi Viswanatha Suprabhatam Lyrics in Hindi | English | Bengali | Gujarati | Marathi | Kannada | Malayalam | Oriya | Telugu | Tamil
