Sri Hanumada Ashtottara Shatanama Stotram 5 Lyrics in Oriya :
॥ ହନୁମଦଷ୍ଟୋତ୍ତରଶତନାମସ୍ତୁତିଃ ୫ ॥
(କାର୍ୟକାରସ୍ଵାମିନାଥାର୍ୟଵିରଚିତା ରାମନାମାଙ୍କିତା)
ରାମଦୂତୋ ରାମଭୃତ୍ୟୋ ରାମଚିତ୍ତାପହାରକଃ ।
ରାମନାମଜପାସକ୍ତୋ ରାମକୀର୍ତିପ୍ରଚାରକଃ ॥ ୧ ॥
ରାମାଲିଙ୍ଗନସୌଖ୍ୟଜ୍ଞୋ ରାମଵିକ୍ରମହର୍ଷିତଃ ।
ରାମବାଣପ୍ରଭାଵଜ୍ଞୋ ରାମସେଵାଧୁରନ୍ଧରଃ ॥ ୨ ॥
ରାମହୃତ୍ପଦ୍ମମାର୍ତଣ୍ଡୋ ରାମସଙ୍କଲ୍ପପୂରକଃ ।
ରାମାମୋଦିତଵାଗ୍ଵୃତ୍ତିଃ ରାମସନ୍ଦେଶଵାହକଃ ॥ ୩ ॥
ରାମତାରକଗୁହ୍ୟଜ୍ଞୋ ରାମାହ୍ଲାଦନପଣ୍ଡିତଃ ।
ରାମଭୂପାଲସଚିଵୋ ରାମଧର୍ମପ୍ରଵର୍ତକଃ ॥ ୪ ॥
ରାମାନୁଜପ୍ରାଣଦାତା ରାମଭକ୍ତିଲତାସୁମମ୍ ।
ରାମଚନ୍ଦ୍ରଜୟାଶଂସୀ ରାମଧୈର୍ୟପ୍ରଵର୍ଧକଃ ॥ ୫ ॥
ରାମପ୍ରଭାଵତତ୍ତ୍ଵଜ୍ଞୋ ରାମପୂଜନତତ୍ପରଃ ।
ରାମମାନ୍ୟୋ ରାମହୃଦ୍ୟୋ ରାମକୃତ୍ୟପରାୟଣଃ ॥ ୬ ॥
ରାମସୌଲଭ୍ୟସଂଵେତ୍ତା ରାମାନୁଗ୍ରହସାଧକଃ ।
ରାମାର୍ପିତଵଚଶ୍ଚିତ୍ତଦେହଵୃତ୍ତିପ୍ରଵର୍ତ୍ତିତଃ ॥ ୭ ॥
ରାମସାମୁଦ୍ରିକାଭିଜ୍ଞୋ ରାମପାଦାବ୍ଜଷଟ୍ପଦଃ ।
ରାମାୟଣମହାମାଲାମଧ୍ୟାଞ୍ଚିତମହାମଣିଃ ॥ ୮ ॥
ରାମାୟଣରସାସ୍ଵାଦସ୍ରଵଦଶ୍ରୁପରିପ୍ଲୁତଃ ।
ରାମକୋଦଣ୍ଡଟଙ୍କାରସହକାରିମହାସ୍ଵନଃ ॥ ୯ ॥
ରାମସାୟୂଜ୍ୟସାମ୍ରାଜ୍ୟଦ୍ଵାରୋଦ୍ଘାଟନକର୍ମକୃତ୍ ।
ରାମପାଦାବ୍ଜନିଷ୍ୟନ୍ଦିମଧୁମାଧୁର୍ୟଲୋଲୁପଃ ॥ ୧୦ ॥
ରାମକୈଙ୍କର୍ୟମାତ୍ରୈକପୁରୁଷାର୍ଥକୃତାଦରଃ ।
ରାମାୟଣମହାମ୍ଭୋଧିମଥନୋତ୍ଥସୁଧାଘଟଃ ॥ ୧୧ ॥
ରାମାଖ୍ୟକାମଧୁଗ୍ଦୋଗ୍ଧା ରାମଵକ୍ତ୍ରେନ୍ଦୁସାଗରଃ ।
ରାମଚନ୍ଦ୍ରକରସ୍ପର୍ଶଦ୍ରଵଚ୍ଛୀତକରୋପଲଃ ॥
ରାମାୟଣମହାକାଵ୍ୟଶୁକ୍ତିନିକ୍ଷିପ୍ତମୌକ୍ତିକଃ ।
ରାମାୟଣମହାରଣ୍ୟଵିହାରରତକେସରୀ ॥ ୧୩ ॥
ରାମପତ୍ନ୍ୟେକପତ୍ନୀତ୍ଵସପତ୍ନାୟିତଭକ୍ତିମାନ୍ ।
ରାମେଙ୍ଗିତରହସ୍ୟଜ୍ଞୋ ରାମମନ୍ତ୍ରପ୍ରୟୋଗଵିତ୍ ॥ ୧୪ ॥
ରାମଵିକ୍ରମଵର୍ଷର୍ତୁପୂର୍ଵଭୂନୀଲନୀରଦଃ ।
ରାମକାରୁଣ୍ୟମାର୍ତ୍ତଣ୍ଡପ୍ରାଗୁଦ୍ୟଦରୁଣାୟିତଃ ॥ ୧୫ ॥
ରାମରାଜ୍ୟାଭିଷେକାମ୍ବୁପଵିତ୍ରୀକୃତମସ୍ତକଃ ।
ରାମଵିଶ୍ଲେଷଦାଵାଗ୍ନିଶମନୋଦ୍ୟତନୀରଦଃ ॥ ୧୬ ॥
ରାମାୟଣଵିୟଦ୍ଗଙ୍ଗାକଲ୍ଲୋଲାୟିତକୀର୍ତିମାନ୍ ।
ରାମପ୍ରପନ୍ନଵାତ୍ସଲ୍ୟଵ୍ରତତାତ୍ପର୍ୟକୋଵିଦଃ ॥ ୧୭ ॥
ରାମାଖ୍ୟାନସମାଶ୍ଵସ୍ତସୀତାମାନସସଂଶୟଃ ।
ରାମସୁଗ୍ରୀଵମୈତ୍ର୍ୟାଖ୍ୟହଵ୍ୟଵାହେନ୍ଧନାୟିତଃ ॥ ୧୮ ॥
ରାମାଙ୍ଗୁଲୀୟମାହାତ୍ମ୍ୟସମେଧିତପରାକ୍ରମଃ ।
ରାମାର୍ତ୍ତିଧ୍ଵଂସନଚଣଚୂଡାମଣିଲସତ୍କରଃ ॥ ୧୯ ॥
ରାମନାମମଧୁସ୍ୟନ୍ଦଦ୍ଵଦନାମ୍ବୁଜଶୋଭିତଃ ।
ରାମନାମପ୍ରଭାଵେଣ ଗୋଷ୍ପଦୀକୃତଵାରିଧିଃ ॥ ୨୦ ॥
ରାମୌଦାର୍ୟପ୍ରଦୀପାର୍ଚିର୍ଵର୍ଧକସ୍ନେହଵିଗ୍ରହଃ ।
ରାମଶ୍ରୀମୁଖଜୀମୂତଵର୍ଷଣୋନ୍ମୁଖଚାତକଃ ॥ ୨୧ ॥
ରାମଭକ୍ତ୍ୟେକସୁଲଭବ୍ରହ୍ମଚର୍ୟଵ୍ରତେ ସ୍ଥିତଃ ।
ରାମଲକ୍ଷ୍ମଣସଂଵାହକୃତାର୍ଥୀକୃତଦୋର୍ୟୁଗଃ ॥ ୨୨ ॥
ରାମଲକ୍ଷ୍ମଣସୀତାଖ୍ୟତ୍ରୟୀରାଜିତହୃଦ୍ଗୁହଃ ।
ରାମରାଵଣସଙ୍ଗ୍ରାମଵୀକ୍ଷଣୋତ୍ଫୁଲ୍ଲଵିଗ୍ରହଃ ॥ ୨୩ ॥
ରାମାନୁଜେନ୍ଦ୍ରଜିଦ୍ୟୁଦ୍ଧଲବ୍ଧଵ୍ରଣକିଣାଙ୍କିତଃ ।
ରାମବ୍ରହ୍ମାନୁସନ୍ଧାନଵିଧିଦୀକ୍ଷାପ୍ରଦାୟକଃ ॥ ୨୪ ॥
ରାମରାଵଣସଙ୍ଗ୍ରାମମହାଧ୍ଵରଵିଧାନକୃତ୍ ।
ରାମନାମମହାରତ୍ନନିକ୍ଷେପମଣିପେଟକଃ ॥ ୨୫ ॥
ରାମତାରାଧିପଜ୍ୟୋତ୍ସ୍ନାପାନୋନ୍ମତ୍ତଚକୋରକଃ ।
ରାମାୟଣାଖ୍ୟସୌଵର୍ଣପଞ୍ଜରସ୍ଥିତଶାରିକଃ ॥ ୨୬ ॥
ରାମଵୃତ୍ତାନ୍ତଵିଧ୍ଵସ୍ତସୀତାହୃଦୟଶଲ୍ୟକଃ ।
ରାମସନ୍ଦେଶଵର୍ଷାମ୍ବୁଵହନ୍ନୀଲପୟୋଧରଃ ॥ ୨୭ ॥
ରାମରାକାହିମକରଜ୍ୟୋତ୍ସ୍ନାଧଵଲଵିଗ୍ରହଃ ।
ରାମସେଵାମହାୟଜ୍ଞଦୀକ୍ଷିତୋ ରାମଜୀଵନଃ ॥ ୨୮ ॥
ରାମପ୍ରାଣୋ ରାମଵିତ୍ତଂ ରାମାୟତ୍ତକଲେବରଃ ।
ରାମଶୋକାଶୋକଵନଭଞ୍ଜନୋଦ୍ୟତ୍ପ୍ରଭଞ୍ଜନଃ ॥ ୨୯ ॥
ରାମପ୍ରୀତିଵସନ୍ତର୍ତୁସୂଚକାୟିତକୋକିଲଃ ।
ରାମକାର୍ୟାର୍ଥୋପରୋଧଦୂରୋତ୍ସାରଣଲମ୍ପଟଃ ॥ ୩୦ ॥
ରାମାୟଣସରୋଜସ୍ଥହଂସୋ ରାମହିତେ ରତଃ ।
ରାମାନୁଜକ୍ରୋଧଵହ୍ନିଦଗ୍ଧସୁଗ୍ରୀଵରକ୍ଷକଃ ॥ ୩୧ ॥
ରାମସୌହାର୍ଦକଲ୍ପଦ୍ରୁସୁମୋଦ୍ଗମନଦୋହଦଃ ।
ରାମେଷୁଗତିସଂଵେତ୍ତା ରାମଜୈତ୍ରରଥଧ୍ଵଜଃ ॥ ୩୨ ॥
ରାମବ୍ରହ୍ମନିଦିଧ୍ୟାସନିରତୋ ରାମଵଲ୍ଲଭଃ ।
ରାମସୀତାଖ୍ୟୟୁଗଲୟୋଜକୋ ରାମମାନିତଃ ॥ ୩୩ ॥
ରାମସେନାଗ୍ରଣୀ ରାମକୀର୍ତିଘୋଷଣଡିଣ୍ଡିମଃ ।
ରାମେତିଦ୍ଵ୍ୟକ୍ଷରାକାରକଵଚାଵୃତଵିଗ୍ରହଃ ॥
ରାମାୟଣମହାଵୃକ୍ଷଫଲାସକ୍ତକପୀଶ୍ଵରଃ ।
ରାମପାଦାଶ୍ରୟାନ୍ଵେଷିଵିଭୀଷଣଵିଚାରଵିତ୍ ॥ ୩୫ ॥
ରାମମାହାତ୍ମ୍ୟସର୍ଵସ୍ଵଂ ରାମସଦ୍ଗୁଣଗାୟକଃ ।
ରାମଜାୟାଵିଷାଦାଗ୍ନିନିର୍ଦଗ୍ଧରିପୁସୈନିକଃ ॥ ୩୬ ॥
ରାମକଲ୍ପଦ୍ରୁମୂଲସ୍ଥୋ ରାମଜୀମୂତଵୈଦ୍ୟୁତଃ ।
ରାମନ୍ୟସ୍ତସମସ୍ତାଶୋ ରାମଵିଶ୍ଵାସଭାଜନମ୍ ॥ ୩୭ ॥
ରାମପ୍ରଭାଵରଚିତଶୈତ୍ୟଵାଲାଗ୍ନିଶୋଭିତଃ ।
ରାମଭଦ୍ରାଶ୍ରୟୋପାତ୍ତଧୀରୋଦାତ୍ତଗୁଣାକରଃ ॥ ୩୮ ॥
ରାମଦକ୍ଷିଣହସ୍ତାବ୍ଜମୁକୁଟୋଦ୍ଭାସିମସ୍ତକଃ ।
ରାମଶ୍ରୀଵଦନୋଦ୍ଭାସିସ୍ମିତୋତ୍ପୁଲକମୂର୍ତିମାନ୍ ।
ରାମବ୍ରହ୍ମାନୁଭୂତ୍ୟାପ୍ତପୂର୍ଣାନନ୍ଦନିମଜ୍ଜିତଃ ॥ ୩୯ ॥
ଇତୀଦଂ ରାମଦୂତସ୍ୟ ଵାୟୁସୂନୋର୍ମହାତ୍ମନଃ ।
ରାମନାମାଙ୍କିତଂ ନାମମଷ୍ଟୋତ୍ତରଶତଂ ଶୁଭମ୍ ॥ ୪୦ ॥
ପ୍ରସାଦାଦାଞ୍ଜନେୟସ୍ୟ ଦେଶିକାନୁଗ୍ରହେଣ ଚ ।
ରଚିତଂ ସ୍ଵାମିନାଥେନ କାର୍ୟକାରେଣ ଭକ୍ତିତଃ ॥ ୪୧ ॥
ଭୂୟାଦଭୀଷ୍ଟଫଲଦଂ ଶ୍ରଦ୍ଧୟା ପଠତାଂ ନୃଣାମ୍ ।
ଇହଲୋକେ ପରତ୍ରାପି ରାମସାୟୂଜ୍ୟଦାୟକମ୍ ॥ ୪୨ ॥
Also Read:
Shri Hanumada Ashtottara Shatanama Stotram 5 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
