Hanuman Mangalashtakam / Prasannanjaneya Mangalashtakam Lyrics in Malayalam:
ഹനുമത്മങ്ഗലാഷ്ടകം പ്രസന്നാഞ്ജനേയ മങ്ഗലാഷ്ടകം ച
ഓം ഗം ഗണപതയേ നമഃ ।
ഓം ശ്രീവാഗീശ്വര്യൈ നമഃ ।
ഓം ശ്രീശോമേശ്വരാഭ്യാം നമഃ ।
ഓം ശ്രീ സീതാരാമാഭ്യാം നമഃ ।
ഓം ശ്രീ പ്രസന്നാഞ്ജനേയായ നമഃ ॥
ശ്രീമദ്ധര്‍മപുരീ പ്രസന്നാഞ്ജനേയ മങ്ഗലാശാസനം ॥
ഭാസ്വദ്വാനരരൂപായ വായുപുത്രായ ധീമതേ ।
അഞ്ജനീഗര്‍ഭജാതായ ആഞ്ജനേയായ മങ്ഗലം ॥ 1 ॥
സൂര്യശിഷ്യായ ശൂരായ സൂര്യകോടിപ്രകാശിനേ ।
സുരേന്ദ്രാദിഭിര്‍വന്ദ്യായ ആഞ്ജനേയായ മങ്ഗലം ॥ 2 ॥
രാമസുഗ്രീവസന്ധാത്രേ രാമായാര്‍പിതചേതസേ ।
രാമനാമൈക നിഷ്ഠായ രാമമിത്രായ മങ്ഗലം ॥ 3 ॥
മനോജവേന ഗന്ത്രേ ച സമുദ്രോല്ലങ്ഘനായ ച ।
മൈനാകാര്‍ചിതപാദായ രാമദൂതായ മങ്ഗലം ॥ 4 ॥
നിര്‍ജിത സുരസായാസ്മൈ സംഹൃതസിംഹികാസവേ ।
ലങ്കിണീഗര്‍വഭങ്ഗായ രാമദൂതായ മങ്ഗലം ॥ 5 ॥
ഹൃതലങ്കേശഗര്‍വായ ലങ്കാദഹനകാരിണേ ।
സീതാശോകവിനാശായ രാമദൂതായ മങ്ഗലം ॥ 6 ॥
ഭീഭത്സരണരങ്ഗായ ദുഷ്ടദൈത്യ വിനാശിനേ ।
രാമലക്ഷ്മണവാഹായ രാമഭൃത്യായ മങ്ഗലം ॥ 7 ॥
ധൃതസഞ്ജീവഹസ്തായ കൃതലക്ഷ്മണജീവിനേ ।
ഭൃതലങ്കാസുരാര്‍തായ രാമഭടായ മങ്ഗലം ॥ 8 ॥
ജാനകീരാമസന്ധാത്രേ ജാനകീഹ്ലാദകാരിണേ ।
ഹൃത്പ്രതിഷ്ഠിതരാമായ രാമദാസായ മങ്ഗലം ॥ 9 ॥
രംയേ ധര്‍മപുരീക്ഷേത്രേ നൃസിംഹസ്യ ച മന്ദിരേ ।
വിലസദ് രാമനിഷ്ഠായ വായുപുത്രായ മങ്ഗലം ॥ 10 ॥
ഗായന്തം രാമ രാമേതി ഭക്തം തം രക്ഷകായ ച ।
ശ്രീ പ്രസന്നാഞ്ജനേയായ വരദാത്രേ ച മങ്ഗലം ॥ 11 ॥
വിശ്വലോകസുരക്ഷായ വിശ്വനാഥനുതായ ച ।
ശ്രീപ്രസന്നാഞ്ജനേയായ വരദാത്രേ ച മങ്ഗലം ॥ 12 ॥
ഇതി ശ്രീകോരിഡേ വിശ്വനാഥശര്‍മണാവിരചിതം ശ്രീമദ്ധര്‍മപുരീ
പ്രസന്നാഞ്ജനേയ മങ്ഗലാഷ്ടകം സമ്പൂര്‍ണം ॥