ଶ୍ରୀକୃଷ୍ଣାଷ୍ଟକ ବ୍ରହ୍ମାନନ୍ଦଵିରଚିତଂ Lyrics in Oriya:
ଶ୍ରୀ ଗଣେଶାୟ ନମଃ ।
ଚତୁର୍ମୁଖାଦିସଂସ୍ତୁତଂ ସମସ୍ତସାତ୍ଵତାନୁତମ୍ ।
ହଲାୟୁଧାଦିସଂୟୁତଂ ନମାମି ରାଧିକାଧିପମ୍ ॥ ୧॥
ବକାଦିଦୈତ୍ୟକାଲକଂ ସଗୋପଗୋପିପାଲକମ୍ ।
ମନୋହରାସିତାଲକଂ ନମାମି ରାଧିକାଧିପମ୍ ॥ ୨॥
ସୁରେନ୍ଦ୍ରଗର୍ଵଗଞ୍ଜନଂ ଵିରଞ୍ଚିମୋହଭଞ୍ଜନମ୍ ।
ଵ୍ରଜାଙ୍ଗନାନୁରଞ୍ଜନଂ ନମାମି ରାଧିକାଧିପମ୍ ॥ ୩॥
ମୟୂରପିଚ୍ଛମଣ୍ଡନଂ ଗଜେନ୍ଦ୍ରଦନ୍ତଖଣ୍ଡନମ୍ ।
ନୃଶଂସକଂସଦଣ୍ଡନଂ ନମାମି ରାଧିକାଧିପମ୍ ॥ ୪॥
ପ୍ରଦତ୍ତଵିପ୍ରଦାରକଂ ସୁଦାମଧାମକାରକମ୍ ।
ସୁରଦ୍ରୁମାପହାରକଂ ନମାମି ରାଧିକାଧିପମ୍ ॥ ୫॥
ଧନଞ୍ଜୟାଜୟାଵହଂ ମହାଚମୂକ୍ଷୟାଵହମ୍ ।
ପିତାମହଵ୍ୟଥାପହଂ ନମାମି ରାଧିକାଧିପମ୍ ॥ ୬॥
ମୁନୀନ୍ଦ୍ରଶାପକାରଣଂ ୟଦୁପ୍ରଜାପହାରଣମ୍ ।
ଧରାଭରାଵତାରଣଂ ନମାମି ରାଧିକାଧିପମ୍ ॥ ୭॥
ସୁଵୃକ୍ଷମୂଲଶାୟିନଂ ମୃଗାରିମୋକ୍ଷଦାୟିନମ୍ ।
ସ୍ଵକୀୟଧାମମାୟିନଂ ନମାମି ରାଧିକାଧିପମ୍ ॥ ୮॥
ଇଦଂ ସମାହିତୋ ହିତଂ ଵରାଷ୍ଟକଂ ସଦା ମୁଦା ।
ଜପଞ୍ଜନୋ ଜନୁର୍ଜରାଦିତୋ ଦ୍ରୁତଂ ପ୍ରମୁଚ୍ୟତେ ॥ ୯॥
॥ ଇତି ଶ୍ରୀପରମହଂସବ୍ରହ୍ମାନନ୍ଦଵିରଚିତଂ ଶ୍ରୀକୃଷ୍ଣାଷ୍ଟକଂ ସମ୍ପୂର୍ଣମ୍ ॥