Ashtottara Shatanama

Shri Lalithambika Devi Ashtottara Shatanama Stotram Lyrics in Bengali

This stotram is also known as Shiva Kamasundaryamb Ashtottara Shatanama Stotram in Nataraja Naama Manjari p 218.

Sri Lalitambika Divyashtottarashatanama Stotram Lyrics in Bengali:

শ্রীললিতাম্বিকা দিব্যাষ্টোত্তরশতনামস্তোত্রম্
শিবকামসুদর্যম্বাষ্টোত্তরশতনামস্তোত্রম্ চ
॥ পূর্ব পীঠিকা ॥

শ্রী ষণ্মুখ উবাচ ।
বন্দে বিঘ্নেশ্বরং শক্তিং বন্দে বাণীং বিধিং হরিম্ ।
বন্দে লক্ষ্মীং হরং গৌরীং বন্দে মায়া মহেশ্বরম্ ॥ ১ ॥

বন্দে মনোন্ময়ীং দেবীং বন্দে দেবং সদাশিবম্ ।
বন্দে পরশিবং বন্দে শ্রীমত্ত্রিপুরসুন্দরীম্ ॥ ২ ॥

পঞ্চব্রহ্মাসনাসীনাং সর্বাভীষ্টার্থসিদ্ধয়ে ।
সর্বজ্ঞ ! সর্বজনক ! সর্বেশ্বর ! শিব ! প্রভো ! ॥ ৩ ॥

নাম্নামষ্টোত্তরশতং শ্রীদেব্যাঃ সত্যমুত্তমম্ ।
শ্রোতুমিচ্ছাম্যঽহং তাত! নামসারাত্মকং স্তবম্ ॥ ৪ ॥

শ্রীশিব উবাচ ।
তদ্বদামি তব স্নেহাচ্ছৃণু ষণ্মুখ ! তত্ত্বতঃ ।

মহামনোন্মনী শক্তিঃ শিবশক্তিঃ শিবঙ্করী । শিবশ্ঙ্করী
ইচ্ছাশক্তিঃ ক্রিয়াশক্তিঃ জ্ঞানশক্তিস্বরূপিণী ॥ ১ ॥

শান্ত্যাতীতা কলা নন্দা শিবমায়া শিবপ্রিয়া ।
সর্বজ্ঞা সুন্দরী সৌম্যা সচ্চিদানন্দবিগ্রহা ॥ ২ ॥

পরাত্পরাময়ী বালা ত্রিপুরা কুণ্ডলী শিবা ।
রুদ্রাণী বিজয়া সর্বা সর্বাণী ভুবনেশ্বরী ॥ ৩ ॥

কল্যাণী শূলিনী কান্তা মহাত্রিপুরসুন্দরী ।
মালিনী মানিনী শর্বা মগ্নোল্লাসা চ মোহিনী ॥ ৪ ॥

মাহেশ্বরী চ মাতঙ্গী শিবকামা শিবাত্মিকা ।
কামাক্ষী কমলাক্ষী চ মীনাক্ষী সর্বসাক্ষিণী ॥ ৫ ॥

উমাদেবী মহাকালী শ্যামা সর্বজনপ্রিয়া ।
চিত্পরা চিদ্ঘনানন্দা চিন্ময়া চিত্স্বরূপিণী ॥ ৬ ॥

মহাসরস্বতী দুর্গা জ্বালা দুর্গাঽতিমোহিনী ।
নকুলী শুদ্ধবিদ্যা চ সচ্চিদানন্দবিগ্রহা ॥ ৭ ॥

সুপ্রভা স্বপ্রভা জ্বালা ইন্দ্রাক্ষী বিশ্বমোহিনী ।
মহেন্দ্রজালমধ্যস্থা মায়াময়বিনোদিনী ॥ ৮ ॥

শিবেশ্বরী বৃষারূঢা বিদ্যাজালবিনোদিনী ।
মন্ত্রেশ্বরী মহালক্ষ্মীর্মহাকালী ফলপ্রদা ॥ ৯ ॥

চতুর্বেদবিশেষজ্ঞা সাবিত্রী সর্বদেবতা ।
মহেন্দ্রাণী গণাধ্যক্ষা মহাভৈরবমোহিনী ॥ ১০ ॥

মহাময়ী মহাঘোরা মহাদেবী মদাপহা ।
মহিষাসুরসংহন্ত্রী চণ্ডমুণ্ডকুলান্তকা ॥ ১১ ॥

চক্রেশ্বরী চতুর্বেদা সর্বাদিঃ সুরনায়িকা ।
ষড্শাস্ত্রনিপুণা নিত্যা ষড্দর্শনবিচক্ষণা ॥ ১২ ॥

কালরাত্রিঃ কলাতীতা কবিরাজমনোহরা ।
শারদা তিলকা তারা ধীরা শূরজনপ্রিয়া ॥ ১৩ ॥

উগ্রতারা মহামারী ক্ষিপ্রমারী রণপ্রিয়া ।
অন্নপূর্ণেশ্বরী মাতা স্বর্ণকান্তিতটিপ্রভা ॥ ১৪ ॥

স্বরব্যঞ্জনবর্ণাঢ্যা গদ্যপদ্যাদিকারণা ।
পদবাক্যার্থনিলয়া বিন্দুনাদাদিকারণা ॥ ১৫ ॥

মোক্ষেশী মহিষী নিত্যা ভুক্তিমুক্তিফলপ্রদা ।
বিজ্ঞানদায়িনী প্রাজ্ঞা প্রজ্ঞানফলদায়িনী ॥ ১৬ ॥

অহঙ্কারা কলাতীতা পরাশক্তিঃ পরাত্পরা ।
নাম্নামষ্টোত্তরশতং শ্রীদেব্যাঃ পরমাদ্ভুতম্ ॥ ১৭ ॥

॥ ফলশ্রুতি ॥

সর্বপাপক্ষয় করং মহাপাতকনাশনম্ ।
সর্বব্যাধিহরং সৌখ্যং সর্বজ্বরবিনাশনম্ ॥ ১ ॥

গ্রহপীডাপ্রশমনং সর্বশত্রুবিনাশনম্ ।
আয়ুরারোগ্যধনদং সর্বমোক্ষশুভপ্রদম্ ॥ ২ ॥

দেবত্বমমরেশত্বং ব্রহ্মত্বং সকলপ্রদম্ ।
অগ্নিস্তম্ভং জলস্তম্ভং সেনাস্তম্ভাদিদায়কম্ ॥ ৩ ॥

শাকিনীডাকিনীপীডা হাকিন্যাদিনিবারণম্ ।
দেহরক্ষাকরং নিত্যং পরতন্ত্রনিবারণম্ ॥ ৪ ॥

মন্ত্রং য়ন্ত্রং মহাতন্ত্রং সর্বসিদ্ধিপ্রদং নৃণাম্ ।
সর্বসিদ্ধিকরং পুংসামদৃশ্যত্বাকরং বরম্ ॥ ৫ ॥

সর্বাকর্ষকরং নিত্যং সর্বস্ত্রীবশ্যমোহনম্ ।
মণিমন্ত্রৌষধীনাং চ সিদ্ধিদং শীঘ্রমেব চ ॥ ৬ ॥

ভয়শ্চৌরাদিশমনং দুষ্টজন্তুনিবারণম্ ।
পৃথিব্যাদিজনানাং চ বাক্স্থানাদিপরো বশম্ ॥ ৭ ॥

নষ্টদ্রব্যাগমং সত্যং নিধিদর্শনকারণম্ ।
সর্বথা ব্রহ্মচারীণাং শীঘ্রকন্যাপ্রদায়কম্ ॥ ৮ ॥

সুপুত্রফলদং শীঘ্রমশ্বমেধফলপ্রদম্ ।
য়োগাভ্যাসাদি ফলদং শ্রীকরং তত্ত্বসাধনম্ ॥ ৯ ॥

মোক্ষসাম্রাজ্যফলদং দেহান্তে পরমং পদম্ ।
দেব্যাঃ স্তোত্রমিদং পুণ্যং পরমার্থং পরমং পদম্ ॥ ১০ ॥

বিধিনা বিষ্ণুনা দিব্যং সেবিতং ময়া চ পুরা ।
সপ্তকোটিমহামন্ত্রপারায়ণফলপ্রদম্ ॥ ১১ ॥

চতুর্বর্গপ্রদং নৃণাং সত্যমেব ময়োদিতম্ ।
নাম্নামষ্টোত্তরশতং য়চ্ছাম্যঽহং সুখপ্রদম্ ॥ ১২ ॥

কল্যাণীং পরমেশ্বরীং পরশিবাং শ্রীমত্ত্রিপুরসুন্দরীং
মীনাক্ষীং ললিতাম্বিকামনুদিনং বন্দে জগন্মোহিনীম্ ।
চামুণ্ডাং পরদেবতাং সকলসৌভাগ্যপ্রদাং সুন্দরীং
দেবীং সর্বপরাং শিবাং শশিনিভাং শ্রী রাজরাজেশ্বরীম্ ॥

ইতি শ্রীমন্ত্ররাজকল্পে মোক্ষপাদে স্কন্দেশ্বরসংবাদে
শ্রীললিতাদিব্যাষ্টোত্তরশতনামস্তোত্রং সম্পূর্ণম্ ।

Also Read:

Shri Lalithambika Devi Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment