ଶ୍ରୀମଟ୍ଟପଲ୍ଲିନୃସିଂହମଙ୍ଗଲାଷ୍ଟକମ୍ Lyrics in Oriya:
ମଟ୍ଟପଲ୍ଲିନିଵାସାୟ ମଥୁରାନନ୍ଦରୂପିଣେ ।
ମହାୟଜ୍ଞସ୍ଵରୂପାୟ ଶ୍ରୀନୃସିଂହାୟ ମଙ୍ଗଲମ୍ ॥ ୧॥
କୃଷ୍ଣଵେଣୀତଟସ୍ଥାୟ ସର୍ଵାଭୀଷ୍ଟପ୍ରଦାୟିତେ ।
ପ୍ରହ୍ଲାଦପ୍ରିୟରୂପାୟ ଶ୍ରୀନୃସିଂହାୟ ମଙ୍ଗଲମ୍ ॥ ୨॥
କର୍ତସ୍ଥିତାୟ ତୀରାୟ ଗମ୍ଭୀରାୟ ମହାତ୍ମନେ ।
ସର୍ଵାରିଷ୍ଟଵିନାଶାୟ ଶ୍ରୀନୃସିଂହାୟ ମଙ୍ଗଲମ୍ ॥ ୩॥
ଋଗ୍ୟଜୁସ୍ସାମରୂପାୟ ମନ୍ତ୍ରାରୂଢାୟ ଧୀମତେ ।
ଶ୍ରିତାନାଂ କଲ୍ପଵୃକ୍ଷାୟ ଶ୍ରୀନୃସିଂହାୟ ମଙ୍ଗଲମ୍ ॥ ୪॥
ଗୁହାଶୟାୟ ଗୁହ୍ୟାୟ ଗୁହ୍ୟଵିଦ୍ୟାସ୍ଵରୂପିଣେ ।
ଗୁହରାନ୍ତେ ଵିହାରାୟ ଶ୍ରୀନୃସିଂହାୟ ମଙ୍ଗଲମ୍ ॥ ୫॥
ଶ୍ରୀପଲ୍ୟଦ୍ରିମଧ୍ୟସ୍ଥାୟ ନିଧୟେ ମଥୁରାୟ ଚ ।
ସୁଖପ୍ରଦାୟ ଦେଵାୟ ଶ୍ରୀନୃସିଂହାୟ ମଙ୍ଗଲମ୍ ॥ ୬॥
ତାପନୀୟରହସ୍ଥାୟ ତାପତ୍ରୟଵିନାଶିନେ ।
ନତାନାଂ ପାରିଜାତାୟ ଶ୍ରୀନୃସିଂହାୟ ମଙ୍ଗଲମ୍ ॥ ୭॥
ରାଜ୍ୟଲକ୍ଷ୍ମ୍ୟା ସମେତାୟ ରାଗଦ୍ଵେଷଵିନାଶିନେ
ମଟ୍ଟପଲ୍ଲିନିଵାସାୟ ଶ୍ରୀନୃସିଂହାୟ ମଙ୍ଗଲମ୍ ॥ ୮॥
ଇତି ଶ୍ରୀମଟ୍ଟପଲ୍ଲିନୃସିଂହମଙ୍ଗଲାଷ୍ଟକମ୍ ।
Shri Mattapalli Nrisimha Mangalashtakam Lyrics in Oriya
