Shri Ramashtakam 3 Lyrics in Gujarati:
॥ રામાષ્ટકમ્ ૩ ॥
ભજે વિશેષસુન્દરં સમસ્તપાપખણ્ડનમ્ ।
સ્વભક્તચિત્તરઞ્જનં સદૈવ રામમદ્વયમ્ ॥ ૧ ॥
જટાકલાપશોભિતં સમસ્તપાપનાશકમ્ ।
સ્વભક્તભીતિભઙ્જનં ભજે હ રામમદ્વયમ્ ॥ ૨ ॥
નિજસ્વરૂપબોધકં કૃપાકરં ભવાપહમ્ ।
સમં શિવં નિરઞ્જનં ભજે હ રામમદ્વયમ્ ॥ ૩ ॥
સહપ્રપઞ્ચકલ્પિતં હ્યનામરૂપવાસ્તવમ્ ।
નિરાકૃતિં નિરામયં ભજે હ રામમદ્વયમ્ ॥ ૪ ॥
નિષ્પ્રપઞ્ચનિર્વિકલ્પનિર્મલં નિરામયમ્ ॥
ચિદેકરૂપસન્તતં ભજે હ રામમદ્વયમ્ ॥ ૫ ॥
ભવાબ્ધિપોતરૂપકં હ્યશેષદેહકલ્પિતમ્ ।
ગુણાકરં કૃપાકરં ભજે હ રામમદ્વયમ્ ॥ ૬ ॥
મહાવાક્યબોધકૈર્વિરાજમનવાક્પદૈઃ ।
પરબ્રહ્મ વ્યાપકં ભજે હ રામમદ્વયમ્ ॥ ૭ ॥
શિવપ્રદં સુખપ્રદં ભવચ્છિદં ભ્રમાપહમ્ ।
વિરાજમાનદૈશિકં ભજે હ રામમદ્વયમ્ ॥ ૮ ॥
રામાષ્ટકં પઠતિ યઃ સુકરં સુપુણ્યં
વ્યાસેન ભાષિતમિદં શૃણુતે મનુષ્યઃ ।
વિદ્યાં શ્રિયં વિપુલસૌખ્યમનન્તકીર્તિં
સમ્પ્રાપ્ય દેહવિલયે લભતે ચ મોક્ષમ્ ॥ ૯ ॥
॥ ઇતિ શ્રીવ્યાસવિરચિતં રામાષ્ટકં સમ્પૂર્ણમ્ ॥
Also Read:
Shri Rama Ashtakam 3 Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
