Templesinindiainfo

Best Spiritual Website

Shri Siddha Sarayu Stotra Ashtakam Lyrics in Malayalam

Sri Siddhasarayustotrashtakam in Malayalam:

ശ്രീസിദ്ധസരയൂസ്തോത്രാഷ്ടകം
ശ്രീരാമനാമമഹിമാനമുദീരയന്തീ
തദ്ധാമ-സാമ-ഗുണ-ഗൌരവമുദ്ഗീരന്തീ ।
ആപൂര-പൂര-പരിപൂത-ഗഭീരഘോഷാ
ദോഷാടവീ-വിഘടനം സരയൂസ്തനോതു || 1 ||

ശ്രീഭാരതീയ-വിജയ-ധ്വജ-ശൈലരാജ-
പ്രോഡ്ഡീയമാന-കലകേതന-കീര്‍തിവല്ലീ ।
ശ്രീമാനസോത്തരസരഃ-പ്രഭവാദ്യശക്തി-
ര്‍മൂര്‍താ നദീശതനുതാ സരയൂര്‍വിഭാതി || 2 ||

സാകേത-ഗൌരവഗിരഃ പരിബൃംഹയന്തീ
ശ്രീരാഘവേന്ദ്രമഭിതഃകില ദര്‍ശയന്തീ ।
ഗങ്ഗാം ഭൃഗുപ്രവരതീര്‍ഥമനുസ്രവന്തീ
ധന്യാ പുനാതു സരയൂര്‍ഗിരിരാജകന്യാ || 3 ||

ഇക്ഷ്വാകുമുഖ്യ-രവിവംശ-സമര്‍ചിതാങ്ഘ്രി-
ര്‍ദിവ്യാവദാത-ജലരാശി-ലസത്പ്രവാഹാ ।
പാപൌഘ -കാനനഘടാ -ദഹനപ്രഭാവാ
ദാരിദ്ര്യ-ദുഃഖ-ദമനീ സരയൂര്‍ധിനോതു || 4 ||

ത്രൈലോക്യപുണ്യമിവ വിദ്രുതമേകനിഷ്ഠം
നിസ്തന്ദ്ര-ചന്ദ്രകിരണാമൃത-ലോഭനീയം ।
സര്‍വാര്‍ഥദം സകല-മങ്ഗല-ദാനദക്ഷം
വന്ദേ പ്രവാഹമതുലം ലലിതം സരയ്വാഃ || 5 ||

നിത്യം സമസ്ത-ജന-താപഹരം പവിത്രം
ദേവാസുരാര്‍ചിതമുദഗ്ര -സമഗ്രധാരം ।
ഹാരം ഹരേര്‍ഹരിണ-രേണുവിലാസകൂലം
ശ്രീസാരവം സലിലമുദ്ധമുപഘ്നമീഡേ || 6 ||

വന്യാഃ സരിദ്-ദ്രുമലതാ-ഗജ-വാജി-സിംഹാ
ഹംസാഃ ശുകാ ഹരിണ-മര്‍കട-കോല-കീടാഃ ।
മത്സ്യാ ഭുജങ്ഗ-കമഠാ അപി സംശ്രിതാസ്ത്വാം
പൂജ്യാ ഭവന്തി ജഗതാം മഹിതാ മഹാര്‍ഹാഃ || 7 ||

ഏകാദശീമഥ മഹാനവമീം ഭജന്തോ
ദിവ്യാവഗാഹനരതാ സമുപേത്യ ധീരാഃ ।
ശ്രീജാനകീശചരണാംബുജ -ദത്തചിത്താ-
നാവര്‍തയന്തി ഭവമത്ര ജലേ സരയ്വാഃ || 8 ||

പുണ്യൈര്‍ധന്യൈര്‍വസിഷ്ഠാദിഭിരഥ മുനിഭിഃ സേവിതാം ദിവ്യദേഹാം
ഗൌരാങ്ഗീം സ്വര്‍ണരത്നോജ്ജ്വല-പടല-ലസദ്-ഭൂഷണാഖ്യാം ദയാര്‍ദ്രാം ।
ശ്രീനാഗേശാഭിമുഖ്യാം സുരവരഝരിണീം സര്‍വസിദ്ധിപ്രദാത്രീം
തോഷ്ടയേ ബ്രഹ്മരൂപ-പ്രകടിത-സരയൂം കോടിസൂര്യ-പ്രകാശാം || 9 ||

ദേവ്യാഃ സരയ്വാഃ സ്തവനം സര്‍വമങ്ഗല-മങ്ഗലം ।
ശ്രീരാമേശ്വരയോഃ സദ്യോ വശീകരണമുത്തമം || 10 ||

കാശീപീഠാധിനാഥേന ശങ്കരാചാര്യഭിക്ഷുണാ ।
മഹേശ്വരേണ രചിതഃ സ്തവോഽയം സത്സു രാജതാം || 11 ||

ഇതി കാശീപീഠാധീശ്വര-ജഗദ്ഗുരു ശങ്കരാചാര്യ-സ്വാമി-
ശ്രീമഹേശ്വരാനന്ദസരസ്വതീവിരചിതം സിദ്ധസരയൂസ്തോത്രാഷ്ടകം സമ്പൂര്‍ണം ।

Shri Siddha Sarayu Stotra Ashtakam Lyrics in Malayalam

Leave a Reply

Your email address will not be published. Required fields are marked *

Scroll to top