Shri Yugal Kishor Ashtakam Text in Kannada:
ಶ್ರೀಯುಗಲಕಿಶೋರಾಷ್ಟಕಮ್
ಶ್ರೀಮದ್ರೂಪಗೋಸ್ವಾಮಿವಿರಚಿತಮ್ ।
ನವಜಲಧರವಿದ್ಯುದ್ಯೋತವರ್ಣೌ ಪ್ರಸನ್ನೌ
ವದನನಯನಪದ್ಮೌ ಚಾರುಚನ್ದ್ರಾವತಂಸೌ ।
ಅಲಕತಿಲಕಫಾಲೌ ಕೇಶವೇಶಪ್ರಫುಲ್ಲೌ
ಭಜ ಭಜ ತು ಮನೋ ರೇ ರಾಧಿಕಾಕೃಷ್ಣಚನ್ದ್ರೌ ॥ 1॥
ವಸನಹರಿತನೀಲೌ ಚನ್ದನಾಲೇಪನಾಂಗೌ
ಮಣಿಮರಕತದೀಪ್ತೌ ಸ್ವರ್ಣಮಾಲಾಪ್ರಯುಕ್ತೌ ।
ಕನಕವಲಯಹಸ್ತೌ ರಾಸನಾಟ್ಯಪ್ರಸಕ್ತೌ
ಭಜ ಭಜ ತು ಮನೋ ರೇ ರಾಧಿಕಾಕೃಷ್ಣಚನ್ದ್ರೌ ॥ 2॥
ಅತಿಮತಿಹರವೇಶೌ ರಂಗಭಂಗೀತ್ರಿಭಂಗೌ
ಮಧುರಮೃದುಲಹಾಸ್ಯೌ ಕುಂಡಲಾಕೀರ್ಣಕರ್ಣೌ ।
ನಟವರವರರಮ್ಯೌ ನೃತ್ಯಗೀತಾನುರಕ್ತೌ
ಭಜ ಭಜ ತು ಮನೋ ರೇ ರಾಧಿಕಾಕೃಷ್ಣಚನ್ದ್ರೌ ॥ 3॥
ವಿವಿಧಗುಣವಿದಗ್ಧೌ ವನ್ದನೀಯೌ ಸುವೇಶೌ
ಮಣಿಮಯಮಕರಾದ್ಯೈಃ ಶೋಭಿತಾಂಗೌ ಸ್ಫುರನ್ತೌ ।
ಸ್ಮಿತನಮಿತಕಟಾಕ್ಷೌ ಧರ್ಮಕರ್ಮಪ್ರದತ್ತೌ
ಭಜ ಭಜ ತು ಮನೋ ರೇ ರಾಧಿಕಾಕೃಷ್ಣಚನ್ದ್ರೌ ॥ 4॥
ಕನಕಮುಕುಟಚೂಡೌ ಪುಷ್ಪಿತೋದ್ಭೂಷಿತಾಂಗೌ
ಸಕಲವನನಿವಿಷ್ಟೌ ಸುನ್ದರಾನನ್ದಪುಂಜೌ ।
ಚರಣಕಮಲದಿವ್ಯೌ ದೇವದೇವಾದಿಸೇವ್ಯೌ
ಭಜ ಭಜ ತು ಮನೋ ರೇ ರಾಧಿಕಾಕೃಷ್ಣಚನ್ದ್ರೌ ॥ 5॥
ಅತಿಸುವಲಿತಗಾತ್ರೌ ಗನ್ಧಮಾಲ್ಯೈರ್ವಿರಾಜೌ
ಕತಿ ಕತಿ ರಮಣೀನಾಂ ಸೇವ್ಯಮಾನೌ ಸುವೇಶೌ ।
ಮುನಿಸುರಗಣಭಾವ್ಯೌ ವೇದಶಾಸ್ತ್ರಾದಿವಿಜ್ಞೌ
ಭಜ ಭಜ ತು ಮನೋ ರೇ ರಾಧಿಕಾಕೃಷ್ಣಚನ್ದ್ರೌ ॥ 6॥
ಅತಿಸುಮಧುರಮೂರ್ತೌ ದುಷ್ಟದರ್ಪಪ್ರಶಾನ್ತೌ
ಸುಖರಸವರದೌ ದ್ವೌ ಸರ್ವಸಿದ್ಧಿಪ್ರದಾನೌ ।
ಅತಿರಸವಶಮಗ್ನೌ ಗೀತವಾದ್ಯೈರ್ವಿತಾನೌ
ಭಜ ಭಜ ತು ಮನೋ ರೇ ರಾಧಿಕಾಕೃಷ್ಣಚನ್ದ್ರೌ ॥ 7॥
ಅಗಮನಿಗಮಸಾರೌ ಸೃಷ್ಟಿಸಂಹಾರಕಾರೌ
ವಯಸಿ ನವಕಿಶೋರೌ ನಿತ್ಯವೃನ್ದಾವನಸ್ಥೌ ।
ಶಮನಭಯವಿನಾಶೌ ಪಾಪಿನಸ್ತಾರಯನ್ತೌ
ಭಜ ಭಜ ತು ಮನೋ ರೇ ರಾಧಿಕಾಕೃಷ್ಣಚನ್ದ್ರೌ ॥ 8॥
ಇದಂ ಮನೋಹರಂ ಸ್ತೋತ್ರಂ ಶ್ರದ್ಧಯಾ ಯಃ ಪಠೇನ್ನರಃ ।
ರಾಧಿಕಾಕೃಷ್ಣಚನ್ದ್ರೌ ಚ ಸಿದ್ಧಿದೌ ನಾತ್ರ ಸಂಶಯಃ ॥ 9॥
ಇತಿ ಶ್ರೀಮದ್ರೂಪಗೋಸ್ವಾಮಿವಿರಚಿತಂ ಶ್ರೀಯುಗಲಕಿಶೋರಾಷ್ಟಕಂ ಸಮ್ಪೂರ್ಣಮ್ ।
