Templesinindiainfo

Best Spiritual Website

Sri Padmanabha Shatakam Lyrics in Oriya

Padmanabha Satakam is a beautiful devotional poem directly addressed to Lord Padmanabha, the presiding deity of the kingdom, by Maharaja Swathi Tirunal of Travancore. The significant contribution of the Maharaja to the world of Carnatic music is well-known. In Padmanabha Satakam the poet follows the style of Narayaneeyam composed by another great Sanskrit scholar and poet, Meppathur Narayana Bhattathiri. Bhattathiri has condensed Srimad Bhagavatam in 1000slokas of unsurpassed poetic beauty and depth of devotion. Padmanabha Satakam is a more condensed version of Srimad Bhagavatam (or, we can say, of Narayeneeyam) in 100 slokas of great poetic merit where the poet has poured out his heart to his favorite deity Lord Padmanabha.

The poem is divided into 10 Daskas containing 10 slokas each. The commentator (Sri Guruswamy)has included a brief synopsis of the contents of the Dasaka in a couplet or two which are also included in the text.

Padmanabhashatakam Lyrics in Oriya:

॥ ଶ୍ରୀପଦ୍ମନାଭଶତକମ୍ ॥
ମହାରାଜା ସ୍ଵାତି ତିରୁନାଳ୍ ଵିରଚିତମ୍
॥ ଶ୍ରୀ ଗଣେଶାୟ ନମଃ ॥
॥ ପ୍ରଥମଂ ଦଶକମ୍ ॥
ୟା ତେ ପାଦସରୋଜଧୂଲିରନିଶଂ ବ୍ରହ୍ମାଦିଭିର୍ନିସ୍ପୃହୈଃ
ଭକ୍ତ୍ୟା ସନ୍ନତକନ୍ଧରୈଃ ସକୁତୁକଂ ସନ୍ଧାର୍ୟମାଣା ହରେ ।
ୟା ଵିଶ୍ଵଂ ପ୍ରପୁନାତି ଜାଲମଚିରାତ୍ ସଂଶୋଷୟତ୍ୟଂହସାଂ
ସା ମାଂ ହୀନଗୁଣଂ ପୁନାତୁ ନିତରାଂ ଶ୍ରୀପଦ୍ମନାଭାନ୍ଵହମ୍ ॥ ୧ ॥

ସତ୍ତ୍ଵୈକପ୍ରଵଣାଶୟା ମୁନିଵରା ଵେଦୈଃ ସ୍ତୁଵନ୍ତଃ ପରୈଃ
ତ୍ଵନ୍ମାହାତ୍ମ୍ୟପୟୋନିଧେରିହପରଂ ନାଦ୍ୟାପି ପାରଙ୍ଗତାଃ ।
ଏଵଂ ସତ୍ୟହମଲ୍ପବୁଦ୍ଧିରଵଶଃ ସ୍ତୋତୁଂ କଥଂ ଶକ୍ନୁୟାଂ
ତ୍ଵତ୍କାରୁଣ୍ୟମୃତେ ହରେ! ତରତି କଃ ପୋତଂ ଵିନା ସାଗରମ୍ ॥ ୨ ॥

ତସ୍ମାଚ୍ଛିନ୍ଧି ମଦୀୟମୋହମଖିଲଂ ସଂସାରବନ୍ଧାଵହଂ
ଭକ୍ତିଂ ତ୍ଵତ୍ପଦୟୋର୍ଦିଶ ସ୍ଥିରତରାଂ ସର୍ଵାପଦୁନ୍ମୀଲିନୀମ୍ ।
ଵାଣୀଂ ତ୍ଵତ୍ପଦଵର୍ଣନେ ପଟୁତମାଂ ଵିଦ୍ଵଜ୍ଜନାହ୍ଲାଦିନୀଂ
ଦେହି ତ୍ଵତ୍ପଦସେଵକାୟ ନନୁ ମେ କାରୁଣ୍ୟଵାରାଂନିଧେ ॥ ୩ ॥

ୟେନେଦଂ ଭୁଵନଂ ତତଂ ସ୍ଵବଲତୋ ୟସ୍ୟାଜ୍ଞୟୋଦେତ୍ୟହର୍-
ନାଥୋ ଵାତ୍ୟନିଲୋ ଦହତ୍ୟପି ଶିଖିଃ ସର୍ଵେଽପି ୟନ୍ନିର୍ମିତାଃ ।
ୟଶ୍ଚେଦଂ ସକଲଂ ଜଗତ୍ସ୍ଵଜଠରେ ଧତ୍ତେ ଚ କଲ୍ପାଵଧୌ
ତତ୍ତାଦୃଗ୍ଵିଭଵେ ତ୍ଵୟି ପ୍ରମୁଦିତେ କିଂ ଵା ଦୁରାପଂ ନୃଣାମ୍ ॥ ୪ ॥

ଭକ୍ତାନାମଖିଲେପ୍ସିତାର୍ଥଘଟନେ ବଦ୍ଧୋଦ୍ୟମସ୍ତ୍ଵଂ ହରେ!
ନିତ୍ୟଂ ଖଲ୍ଵିତି ବୋଦ୍ଧ୍ୟମସ୍ତି ବହୁଶୋ ଦେଵ! ପ୍ରମାଣଂ ମମ ।
ନୋ ଚେଦ୍ଵ୍ୟାସଵଚସ୍ତଵୈଵ ଵଚନଂ ଵେଦୋପଗୀତଂ ଵଚୋ
ହା ରଥ୍ୟାଜନଵାଦଵଦ୍ବତ ଭଵେନ୍ମିଥ୍ୟା ରମାଵଲ୍ଲଭ! ॥ ୫ ॥

ଇନ୍ଦ୍ରଦ୍ୟୁମ୍ନନୃପଃ କରୀନ୍ଦ୍ରଜନନଂ ପ୍ରାପ୍ତୋଽଥ ଶାପେନ ଵୈ
ନକ୍ରାକ୍ରାନ୍ତପଦୋ ଵିମୋଚନପଟୁର୍ନାଭୂତ୍ସହସ୍ରଂ ସମାଃ ।
ଭୂୟସ୍ତ୍ଵାମୟମର୍ଚୟନ୍ ସରସିଜୈଃ ଶୁଣ୍ଡୋଦ୍ଧୃତୈଃ ସାଦରଂ
ସାରୂପ୍ୟଂ ସମଵାପ ଦେଵ ଭଵତୋ ନକ୍ରୋଽପି ଗନ୍ଧର୍ଵତାମ୍ ॥ ୬ ॥

ପାପଃ କଶ୍ଚିଦଜାମିଲାଖ୍ୟଧରଣୀଦେଵୋଽଵସତ୍ସନ୍ତତଂ
ସ୍ଵୈରିଣ୍ୟା ସହ କାମମୋହିତମତିସ୍ତ୍ଵାଂ ଵିସ୍ମରନ୍ ମୁକ୍ତିଦମ୍ ।
ଅନ୍ତେ ଚାହ୍ଵୟଦୀଶ! ଭୀତହୃଦୟୋ ନାରାୟଣେତ୍ୟାତ୍ମଜଂ
ନୀତଃ ସୋଽପି ଭଵଦ୍ଭଟୈସ୍ତଵପଦଂ ସଂରୁଧ୍ୟ ୟାମ୍ୟାନ୍ ଭଟାନ୍ ॥ ୭ ॥

ପାଞ୍ଚାଲୀଂ ନୃପସନ୍ନିଧୌ ଖଲମତିର୍ଦୁଶ୍ଶାସନଃ ପୁଷ୍ପିଣୀଂ
ଆକର୍ଷଶ୍ଚିକୁରେଣ ଦୀନଵଦନାଂ ଵାସଃ ସମାକ୍ଷିପ୍ତଵାନ୍ ।
ୟାଵତ୍ସା ଭୁଵନୈକବନ୍ଧୁମଵଶା ସସ୍ମାର ଲଜ୍ଜାକୁଲା
କ୍ରୋଶନ୍ତୀ ଵ୍ୟତନୋଃ ପଟୌଘମମଲଂ ତସ୍ୟାସ୍ତ୍ଵନନ୍ତଂ ହରେ ! ॥ ୮ ॥

ୟାମାର୍ଧେନ ତୁ ପିଙ୍ଗଲା ତଵ ପଦଂ ପ୍ରାପ୍ତା ହି ଵାରାଙ୍ଗନା
ବାଲଃ ପଞ୍ଚଵୟୋୟୁତୋ ଧ୍ରୁଵପଦଂ ଚୌତ୍ତାନପାଦିର୍ଗତଃ ।
ୟାତଶ୍ଚାପି ମୃକଣ୍ଡୁମୌନିତନୟଃ ଶୌରେ! ଚିରଂ ଜୀଵିତଂ
ନାହଂ ଵକ୍ତୁମିହ କ୍ଷମସ୍ତଵ କୃପାଲଭ୍ୟଂ ଶୁଭଂ ପ୍ରାଣିନାମ୍ ॥ ୯ ॥

ଏଵଂ ଭକ୍ତଜନୌଘକଲ୍ପକତରୁଂ ତଂ ତ୍ଵାଂ ଭଜନ୍ତଃ କ୍ଷଣଂ
ପାପିଷ୍ଠା ଅପି ମୁକ୍ତିମାର୍ଗମମଲଂ କେ କେ ନ ୟାତା ଵିଭୋ! ।
ସ ତ୍ଵଂ ମାମପି ତାଵକୀନଚରଣେ ଭକ୍ତଂ ଵିଧାୟାନତଂ
ସ୍ୟାନନ୍ଦୂରପୁରେଶ! ପାଲୟ ମୁଦା ତାପାନ୍ମମାପାକୁରୁ ॥ ୧୦ ॥

॥ ଦ୍ଵିତୀୟଂ ଦଶକମ୍ ॥
ପିବନ୍ତି ୟେ ତ୍ଵଚ୍ଚରିତାମୃତୌଘଂ
ସ୍ମରନ୍ତି ରୂପଂ ତଵ ଵିଶ୍ଵରମ୍ୟମ୍ ।
ହରନ୍ତି କାଲଂ ଚ ସହ ତ୍ଵଦୀୟୈଃ
ମନ୍ୟେଽତ୍ର ତାନ୍ ମାଧଵ ଧନ୍ୟଧନ୍ୟାନ୍ ॥ ୧ ॥

ସଦା ପ୍ରସକ୍ତାଂ ଵିଷୟେଷ୍ଵଶାନ୍ତାଂ
ମତିଂ ମଦୀୟାଂ ଜଗଦେକବନ୍ଧୋ! ।
ତଵୈଵ କାରୁଣ୍ୟଵଶାଦିଦାନୀଂ
ସନ୍ମାର୍ଗଗାଂ ପ୍ରେରୟ ଵାସୁଦେଵ! ॥ ୨ ॥

ଦୃଶୌ ଭଵନ୍ମୂର୍ତିଵିଲୋକଲୋଲେ
ଶ୍ରୁତୀ ଚ ତେ ଚାରୁକଥାପ୍ରସକ୍ତେ ।
କରୌ ଚ ତେ ପୂଜନବଦ୍ଧତୃଷ୍ଣୌ
ଵିଧେହି ନିତ୍ୟଂ ମମ ପଙ୍କଜାକ୍ଷ ! ॥ ୩ ॥

ନୃଣାଂ ଭଵତ୍ପାଦନିଷେଵଣଂ ତୁ
ମହୌଷଧଂ ସଂସୃତିରୋଗହାରୀ ।
ତଦେଵ ମେ ପଙ୍କଜନାଭ ଭୂୟାତ୍
ତ୍ଵନ୍ମାୟୟା ମୋହିତମାନସସ୍ୟ ॥ ୪ ॥

ୟଦୀହ ଭକ୍ତିସ୍ତଵପାଦପଦ୍ମେ
ସ୍ଥିରା ଜନାନାମଖିଲାର୍ତିହନ୍ତ୍ରୀ ।
ତଦା ଭଵେନ୍ମୁକ୍ତିରହୋ କରସ୍ଥା
ଧର୍ମାର୍ଥକାମାଃ କିମୁ ଵର୍ଣନୀୟାଃ ॥ ୫ ॥

ଵେଦୋଦିତାଭିର୍ଵ୍ରତସତ୍କ୍ରିୟାଭିର୍-
ନଶ୍ୟତ୍ୟଘୌଘୋ ନ ହି ଵାସନା ତୁ ।
ତ୍ଵତ୍ପାଦସେଵା ହରତି ଦ୍ଵୟଂ ୟତ୍
ତସ୍ମାତ୍ସ୍ଥିରା ସୈଵ ମମାଶୁ ଭୂୟାତ୍ ॥ ୬ ॥

ତ୍ଵଦୀୟନାମସ୍ମୃତିରପ୍ୟକସ୍ମାଦ୍
ଧୁନୋତି ପାପୌଘମସଂଶୟଂ ତତ୍ ।
ୟଦ୍ଵଦ୍ଗଦାନୌଷଧମାଶୁ ହନ୍ତି
ୟଥା କୃଶାନୁର୍ଭୁଵି ଦାରୁକୂଟମ୍ ॥ ୭ ॥

ୟଦ୍ୟତ୍ସ୍ମରନ୍ ପ୍ରୋଜ୍ଝତି ଦେହମେତତ୍
ପ୍ରୟାଣକାଲେ ଵିଵଶୋଽତ୍ର ଦେହୀ ।
ତତ୍ତତ୍କିଲାପ୍ନୋତି ୟଦନ୍ୟଭାଵେ
ତସ୍ମାତ୍ତଵୈଵ ସ୍ମୃତିରସ୍ତୁ ନିତ୍ୟମ୍ ॥ ୮ ॥

ଅନେକଧର୍ମାନ୍ ପ୍ରଚରନ୍ମନୁଷ୍ୟଃ
ନାକେ ନୁ ଭୁଙ୍କ୍ତେ ସୁଖମଵ୍ୟଲୀକମ୍ ।
ତସ୍ୟାଵଧୌ ସମ୍ପତତୀହଭୂମୌ
ତ୍ଵତ୍ସେଵକୋ ଜାତୁ ନ ଵିଚ୍ୟୁତଃ ସ୍ୟାତ୍ ॥ ୯ ॥

ତସ୍ମାତ୍ସମସ୍ତାର୍ତିହରଂ ଜନାନାଂ
ସ୍ଵପାଦଭାଜାଂ ଶ୍ରୁତିସାରମୃଗ୍ୟମ୍ ।
ତଵାଦ୍ୟ ରୂପଂ ପରିପୂର୍ଣସତ୍ଵଂ
ରମାମନୋହାରି ଵିଭାତୁ ଚିତ୍ତେ ॥ ୧୦ ॥

॥ ତୃତୀୟଂ ଦଶକମ୍ ॥
ଦିନମନୁପଦୟୁଗ୍ମଂ ଭାଵୟେୟଂ ମୁରାରେ
କୁଲିଶଶଫରମୁଖ୍ୟୈଶ୍ଚିହ୍ନିତେ ଚାରୁ ଚିହ୍ନୈଃ ।
ନଖମଣିଵିଧୁଦୀପ୍ତ୍ୟା ଧ୍ଵସ୍ତୟୋଗୀନ୍ଦ୍ରଚେତୋ –
ଗତତିମିରସମୂହଂ ପାଟଲାମ୍ଭୋଜଶୋଭମ୍ ॥ ୧ ॥

ୟଦୁଦିତଜଲଧାରା ପାଵନୀ ଜହ୍ନୁକନ୍ୟା
ପୁରଭିଦପି ମହାତ୍ମା ୟାଂ ବିଭର୍ତି ସ୍ଵମୂର୍ଧ୍ନା ।
ଭୁଜଗଶୟନ! ତତ୍ତେ ମଞ୍ଜୁମଞ୍ଜୀରୟୁକ୍ତଂ
ମୁହୁରପି ହୃଦି ସେଵେ ପାଦପଦ୍ମଂ ମନୋଜ୍ଞମ୍ ॥ ୨ ॥

ମୁରହର! ତଵ ଜଙ୍ଘେ ଜାନୁୟୁଗ୍ମଂ ଚ ସେଵେ
ଦୁରିତହର ତଥୋରୂ ମାଂସଳୌ ଚାରୁଶୋଭୌ ।
କନକରୁଚିରଚେଲେନାଵୃତୌ ଦେଵ! ନିତ୍ୟଂ
ଭୁଵନହୃଦୟମୋହଂ ସମ୍ୟଗାଶଙ୍କ୍ୟ ନୂନମ୍ ॥ ୩ ॥

ମଣିଗଣୟୁତକାଞ୍ଚୀଦାମ ସତ୍କିଙ୍କିଣୀଭିଃ
ମୁଖରତମମମେୟଂ ଭାଵୟେ ମଧ୍ୟଦେଶମ୍ ।
ନିଖିଲଭୁଵନଵାସସ୍ଥାନମପ୍ୟଦ୍ୟ କୁକ୍ଷିଂ
ମୁହୁରଜିତ! ନିଷେଵେ ସାଦରଂ ପଦ୍ମନାଭ! ॥ ୪ ॥

ଭଵହରଣ! ତଥା ଶ୍ରୀଵତ୍ସୟୁକ୍ତଂ ଚ ଵକ୍ଷୋ-
ଵିଲସଦରୁଣଭାସଂ କୌସ୍ତୁଭେନାଙ୍ଗ କଣ୍ଠମ୍ ।
ମଣିଵଲୟୟୁତଂ ତେ ବାହୁୟୁଗ୍ମଂ ଚ ସେଵେ
ଦନୁଜକୁଲଵିନାଶାୟୋଦ୍ୟତଂ ସନ୍ତତଂ ୟତ୍ ॥ ୫ ॥

ଵରଦ ଜଲଧିପୁତ୍ର୍ୟା ସାଧୁ ପୀତାମୃତଂ ତେ
ତ୍ଵଧରମିହ ଭଜେଽହଂ ଚାରୁବିମ୍ବାରୁଣାଭମ୍ ।
ଵିମଲଦଶନପଙ୍କ୍ତିଂ କୁନ୍ଦସଦ୍କୁଡ୍ମଲାଭାଂ
ମକରନିଭଵିରାଜତ୍କୁଣ୍ଡଲୋଲ୍ଲାସି ଗଣ୍ଡମ୍ ॥ ୬ ॥

ତିଲକୁସୁମସମାନାଂ ନାସିକାଂ ଚାଦ୍ୟ ସେଵେ
ଗରୁଡଗମନ! ଚିଲ୍ୟୌ ଦର୍ପକେଷ୍ଵାସତୁଲ୍ୟୌ ।
ମୃଗମଦକୃତପୁଣ୍ଡ୍ରଂ ତାଵକଂ ଫାଲଦେଶଂ
କୁଟିଲମଳକଜାଲଂ ନାଥ ନିତ୍ୟଂ ନିଷେଵେ ॥ ୭ ॥

ସଜଲଜଲଦନୀଲଂ ଭାଵୟେ କେଶଜାଲଂ
ମଣିମକୁଟମୁଦଞ୍ଚତ୍କୋଟିସୂର୍ୟପ୍ରକାଶମ୍ ।
ପୁନରନଘ! ମତିଂ ମେ ଦେଵ! ସଙ୍କୋଚ୍ୟ ୟୁଞ୍ଜେ
ତଵ ଵଦନସରୋଜେ ମନ୍ଦହାସେ ମନୋଜ୍ଞେ ॥ ୮ ॥

ଗିରିଧର ତଵ ରୂପଂ ତ୍ଵୀଦୃଶଂ ଵିଶ୍ଵରମ୍ୟଂ
ମମ ଵିହରତୁ ନିତ୍ୟଂ ମାନସାମ୍ଭୋଜମଧ୍ୟେ ।
ମନସିଜଶତକାନ୍ତଂ ମଞ୍ଜୁମାଧୁର୍ୟସାରଂ
ସତତମପି ଵିଚିନ୍ତ୍ୟଂ ୟୋଗିଭିଃ ତ୍ୟକ୍ତମୋହୈଃ ॥ ୯ ॥

ଅଥ ଭୁଵନପତେଽହଂ ସର୍ଗଵୃଦ୍ଧିକ୍ରମଂ ଵୈ
କିମପି କିମପି ଵକ୍ତୁଂ ପ୍ରାରଭେ ଦୀନବନ୍ଧୋ ।
ପରପୁରୁଷ! ତଦର୍ଥଂ ତ୍ଵତ୍କୃପା ସମ୍ପତେନ୍ମ-
ୟ୍ୟକୃତସୁକୃତଜାଲୈର୍ଦୁର୍ଲଭା ପଙ୍କଜାକ୍ଷ ! ॥ ୧୦ ॥

॥ ଚତୁର୍ଥଂ ଦଶକମ୍ ॥
ତାଵକନାଭିସରୋଜାତ୍
ଜାତୋ ଧାତା ସମସ୍ତଵେଦମୟଃ ।
ଶଂସତି ସକଲୋ ଲୋକୋ
ୟଂ କିଲ ହିରଣ୍ୟଗର୍ଭ ଇତି ॥ ୧ ॥

ତଦନୁ ସ ଵିସ୍ମିତଚେତାଃ
ଚତସୃଷୁ ଦିକ୍ଷୁ ସାଧୁ ସମ୍ପଶ୍ୟନ୍ ।
ସମଗାଦଚ୍ୟୁତ ତୂର୍ଣଂ
ଚତୁରାନନତାମିହାଷ୍ଟନୟନୟୁତାମ୍ ॥ ୨ ॥

ଦୃଷ୍ଟ୍ଵା କମଲଂ ସୋଽୟଂ
ତନ୍ମୂଲାଂ ତଵ ତନୁଂ ତ୍ଵସମ୍ପଶ୍ୟନ୍ ।
କୋଽହଂ ନିଶ୍ଶରଣୋଽଜଂ
କସ୍ମାଦଜନୀତି ଦେଵ! ଚିନ୍ତିତଵାନ୍ ॥ ୩ ॥

ଜ୍ଞାତୁଂ ତତ୍ଵଂ ସୋଽୟଂ
ସରସିଜନାଳାଧ୍ଵନା ତ୍ଵଧୋ ଗତ୍ଵା ।
ୟୋଗବଲେନ ମନୋଜ୍ଞାଂ
ତଵ ତନୁମଖିଲେଶ! ନାପ୍ୟପଶ୍ୟଦହୋ ॥ ୪ ॥

ତାଵଦ୍ଦୁଖିତହୃଦୟଃ
ପୁନରପି ଚ ନିଵୃତ୍ୟ ପୂର୍ଵଵଜ୍ଜଲଜେ ।
ତାଵକ କରୁଣାମିଚ୍ଛନ୍
ଚକ୍ରେ ସମାଧିମୟି! ଭଗଵନ୍ ॥ ୫ ॥

ଵତ୍ସରଶତକସ୍ୟାନ୍ତେ
ଦୃଢତରତପସା ପରିଵିଧୂତହୃଦୟମଲଃ ।
ସ ଵିଧିରପଶ୍ୟତ୍ସ୍ଵାନ୍ତେ
ସୂକ୍ଷ୍ମତୟା ତଵ ତନୁଂ ତୁ ସୁଭଗତମାମ୍ ॥ ୬ ॥

ପୁନରିହ ତେନ ନୁତସ୍ତ୍ଵଂ
ଶକ୍ତିମଦାସ୍ତସ୍ୟ ଭୁଵନନିର୍ମାଣେ ।
ପୂର୍ଵଂ ତ୍ଵସୃଜତ୍ସୋଽୟଂ
ସ୍ଥାଵରଜଙ୍ଗମମୟଂ ତୁ ସକଲଜଗତ୍ ॥ ୭ ॥

ସନକମୁଖାନ୍ ମୁନିଵର୍ୟାନ୍
ମନସାହ୍ୟସୃଜତ୍ତଵାଙ୍ଘ୍ରିରତହୃଦୟାନ୍ ।
ସୃଷ୍ଟୌ ତୁ ତେ ନିୟୁକ୍ତାଃ
ଜଗୃହୁର୍ଵାଣୀଂ ନ ଵୈଧସୀଂ ଭୂମନ୍! ॥ ୮ ॥

ଅଙ୍ଗାଦଭଵଂସ୍ତୂର୍ଣଂ
ନାରଦମୁଖ୍ୟା ମୁନୀଶ୍ଵରାସ୍ତସ୍ୟ ।
ମନୁଶତରୂପାତ୍ମାସୌ
ମାନୁଷସୃଷ୍ଟିଂ ଚକାର କମଲଭଵଃ ॥ ୯ ॥

ସର୍ଗସ୍ଥିତିଲୟମୂଲଂ
ସୁରମୁନିଜାଲୈରମେୟମହିମାନମ୍ ।
ତଂ ତ୍ଵାମେଵ ପ୍ରଣମନ୍
ମୁଦମତୁଲାଂ ପଦ୍ମନାଭ! କଲୟାମି ॥ ୧୦ ॥

॥ ପଞ୍ଚମଂ ଦଶକମ୍ ॥
ଭୁଵୋ ଭାରଂ ହର୍ତୁଂ ନିୟତମଵତାରାଂସ୍ତୁ ଭଵତୋ
ନିୟୁଙ୍କ୍ତେ ଵକ୍ତୁଂ ମାମପି ଜଡଧିୟଂ ଭକ୍ତିରଧୁନା ।
ତଦର୍ଥଂ କୃତ୍ଵା ମାମନୁପମପଟୁଂ ପାଲୟ ହରେ
ଭଵତ୍ପାଦାମ୍ଭୋଜପ୍ରଵଣହୃଦୟଂ ଦେଵ ସଦୟମ୍ ॥ ୧ ॥

ହୟଗ୍ରୀଵାଖ୍ୟେନ ତ୍ରିଦଶରିପୁଣା ଵେଦନିଵହେ
ହୃତେ ନିଦ୍ରାଣସ୍ୟାମ୍ବୁରୁହଜନୁଷୋ ହନ୍ତ ଵଦନାତ୍ ।
ନିହନ୍ତୁଂ ଦୁଷ୍ଟଂ ତଂ ଵିନିହିତମତିସ୍ତ୍ଵଂ ପୁରୁଦୟା-
ପୟୋଧିସ୍ତୂର୍ଣଂ ଵୈ ଦଧିତ ବତ ମାତ୍ସ୍ୟଂ କିଲ ଵପୁଃ ॥ ୨ ॥

ନଦୀତୋୟେ ସନ୍ତର୍ପୟତି କିଲ ସତ୍ୟଵ୍ରତନୃପେ
ଭଵାନ୍ ଦୃଷ୍ଟୋ ହସ୍ତେ ପରମତନୁଵୈସାରିଣଵପୁଃ ।
ତତୋ ନିନ୍ୟେ କୂପଂ ପୁନରପି ତଟାକଂ ଚ ତଟିନୀଂ
ମହାବ୍ଧିଂ ତେନାହୋ ସପଦି ଵଵୃଧେ ତାଵକ ଵପୁଃ ॥ ୩ ॥

ତତସ୍ତଂ ଭୂପାଲଂ ପ୍ରଲୟସମୟାଲୋକନପରଂ
ମୁନୀନ୍ଦ୍ରାନ୍ ସପ୍ତାପି କ୍ଷିତିତରଣିମାରୋପ୍ୟ ଚ ଭଵାନ୍ ।
ସମାକର୍ଷନ୍ ବଦ୍ଧାଂ ନିଜ ଵିପୁଲଶୃଙ୍ଗେ ପୁନରିମାଂ
ମୁଦା ତେଭ୍ୟଃ ସନ୍ଦର୍ଶିତଭୁଵନଭାଗଃ ସମଚରତ୍ ॥ ୪ ॥

ପୁନସ୍ସଂହୃତ୍ୟ ତ୍ଵଂ ନିଜପରୁଷଶୃଙ୍ଗେଣ ଦିତିଜଂ
କ୍ଷଣାଦ୍ଵେଦାନ୍ ପ୍ରାଦା ମୁଦିତମନସେ ଦେଵ ଵିଧୟେ ।
ତଥାଭୂତାଽମେୟପ୍ରଣତଜନସୌଭ୍ୟାଗ୍ୟଦ! ହରେ!
ମୁଦା ପାହି ତ୍ଵଂ ମାଂ ସରସିରୁହନାଭାଽଖିଲଗୁରୋ! ॥ ୫ ॥

ଵହଂସ୍ତ୍ଵଂ ମନ୍ଥାନଂ କମଠଵପୁଷା ମନ୍ଦରଗିରିଂ
ଦଧାନଃ ପାଣିଭ୍ୟାଂ ସ୍ଵୟମପି ଵରତ୍ରାଂ ଫଣିପତିମ୍ ।
ସୁରେଭ୍ୟଃ ସମ୍ପ୍ରଦାସ୍ତ୍ଵମୃତମିହ ମଥ୍ନନ୍ କିଲ ଜଵାତ୍
ହରେ ଦୁଗ୍ଧାମ୍ଭୋଧେଃ ସପଦି କମଲାଽଜାୟତ ତତଃ ॥ ୬ ॥

ତତୋ ନିକ୍ଷିପ୍ତା ଵୈ ସପଦି ଵରଣସ୍ରକ୍ ଖଲୁ ତୟା
ଭଵତ୍କଣ୍ଠେ ମାତ୍ରା ନିଖିଲଭୁଵନାନାଂ ସକୁତୁକମ୍ ।
ପପୌ ତ୍ଵତ୍ପ୍ରୀତ୍ୟର୍ଥଂ ସପଦି ବତ ହାଲାହଲଵିଷଂ
ଗିରୀଶଃ ପ୍ରାଦାସ୍ତ୍ଵଂ ସୁରତରୁଗଜାଦୀନି ହରୟେ ॥ ୭ ॥

ପୁରା ତେ ଦ୍ଵାସ୍ଥୌ ଦ୍ଵୌ ସନକମୁଖଶାପେନ ତୁ ଗତୌ
ହରେ! ସର୍ଵୈର୍ନିନ୍ଦ୍ୟଂ ଖଲୁ ଦନୁଜଜନ୍ମାତିକଠିନମ୍ ।
ତୟୋର୍ଭ୍ରାତା ଦୁଷ୍ଟୋ ମୁରହର କନୀୟାନ୍ ଵରବଲାତ୍
ହିରଣ୍ୟାକ୍ଷୋ ନାମ କ୍ଷିତିମିହ ଜଲେ ମଜ୍ଜୟଦସୌ ॥ ୮ ॥

ମହୀଂ ମଗ୍ନାଂ ଦୃଷ୍ଟ୍ଵା ତଦନୁ ମନୁନା ସେଵିତପଦାତ୍
ଵିଧେର୍ନାସାରନ୍ଧ୍ରାତ୍ସମଭଵଦହୋ ସୂକରଶିଶୁଃ ।
ତତୋ ଦୈତ୍ୟଂ ହତ୍ଵା ପରମମହିତଃ ପୀଵରତନୁଃ
ଭଵାନ୍ ନିନ୍ୟେ ଭୂମିଂ ସକଲଵିନୁତ ପ୍ରାକ୍ତନଦଶାମ୍ ॥ ୯ ॥

ଵଧେନ ସ୍ଵଭ୍ରାତୁଃ ପରମକୁପିତୋ ଦାନଵଵରୋ
ହିରଣ୍ୟପ୍ରାରମ୍ଭଃ କଶିପୁରିହ ମୋହାକୁଲମତିଃ ।
ଵିଜେତୁଂ ତ୍ଵାଂ ସୋଽୟଂ ନିଖିଲଜଗଦାଧାରଵପୁଷଂ
ପ୍ରତିଜ୍ଞାଂ ଚାକାର୍ଷୀଦ୍ଦନୁସୁତସଭାମଧ୍ୟନିଲୟଃ ॥ ୧୦ ॥

॥ ଷଷ୍ଠଂ ଦଶକମ୍ ॥
ପୁତ୍ରୋଽସ୍ୟ ଵୈ ସମଜନୀହ ତଵାଙ୍ଘ୍ରିଭକ୍ତଃ
ପ୍ରହ୍ଲାଦ ଇତ୍ୟଭିମତଃ ଖଲୁ ସଜ୍ଜନାନାମ୍ ।
ତଂ ତତ୍ପିତା ପରମଦୁଷ୍ଟମତିର୍ନ୍ୟରୌତ୍ସୀତ୍
ତ୍ଵତ୍ସେଵିନଂ କିମିହ ଦୁଷ୍କରମୀଶ ପାପୈଃ ॥ ୧ ॥

ଭୂୟୋଽପି ସୋଽଥ ଜଗଦୀଶ୍ଵର! ଗର୍ଭଵାସେ
ଶ୍ରୀନାରଦେନ ମୁନିନୋକ୍ତଭଵତ୍ପ୍ରଭାଵଃ ।
ଶୁଶ୍ରାଵ ନୋ ଜନକଵାକ୍ୟମସୌ ତଦାନୀଂ
ତତ୍ପ୍ରେରିତୈର୍ଗୁରୁଜନୈରପି ଶିକ୍ଷିତଶ୍ଚ ॥ ୨ ॥

ଦୃଷ୍ଟ୍ଵା ପିତାଽସ୍ୟ ନିଜପୁତ୍ରମତିଂ ତ୍ଵକମ୍ପାଂ
ତ୍ଵତ୍ପାଦପଦ୍ମୟୁଗଳାଦତିରୁଷ୍ଟଚେତାଃ ।
ଶୂଲୈଶ୍ଚ ଦିଗ୍ଗଜଗଣୈରପି ଦନ୍ତଶୂକୈଃ
ଏନଂ ନିହନ୍ତୁମିହ ୟତ୍ନଶତଂ ଚକାର ॥ ୩ ॥

ସୋଽୟଂ ଦୃଢଂ ତଵ କୃପାକଵଚାଵୃତାଙ୍ଗଃ
ନୋ କିଞ୍ଚିଦାପ କିଲ ଦେହରୁଜାମନନ୍ତ ! ।
“କସ୍ତେ ବଲଂ ଖଲ! ଵଦେ”ତ୍ୟଥ ଦେଵ ! ପୃଷ୍ଟୋ
“ଲୋକତ୍ରୟସ୍ୟ ତୁ ବଲଂ ହରି”ରିତ୍ୟଵାଦୀତ୍ ॥ ୪ ॥

ସ୍ତମ୍ଭେ ଵିଘଟ୍ଟୟତି କୁତ୍ର ହରିସ୍ତଵେତି
ରୂପଂ ତତଃ ସମଭଵତ୍ତଵ ଘୋରଘୋରମ୍ ।
ନୋ ଵା ମୃଗାତ୍ମ ନ ନରାତ୍ମ ଚ ସିଂହନାଦ-
ସନ୍ତ୍ରାସିତାଖିଲଜଗନ୍ନିକରାନ୍ତରାଳମ୍ ॥ ୫ ॥

ତୂର୍ଣଂ ପ୍ରଗୃହ୍ୟ ଦନୁଜଂ ପ୍ରଣିପାତ୍ୟ ଚୋରୌ
ଵକ୍ଷୋ ଵିଦାର୍ୟ ନଖରୈଃ ରୁଧିରଂ ନିପୀୟ ।
ପାଦାମ୍ବୁଜୈକନିରତସ୍ୟ ତୁ ବାଲକସ୍ୟ
କାୟାଧଵସ୍ୟ ଶିରସି ସ୍ଵକରଂ ନ୍ୟଧାସ୍ତ୍ଵମ୍ ॥ ୬ ॥

ଏଵଂ ସ୍ଵଭକ୍ତଜନକାମିତଦାନଲୋଲ !
ନିର୍ଲେପ! ନିର୍ଗୁଣ! ନିରୀହ! ସମସ୍ତମୂଲ ! ।
ମାଂ ପାହି ତାଵକ ପଦାବ୍ଜନିଵିଷ୍ଟଚିତ୍ତଂ
ଶ୍ରୀପଦ୍ମନାଭ! ପରପୂରଷ! ତେ ନମସ୍ତେ ॥ ୭ ॥

ଦୃଷ୍ଟୋ ଭଵାନଦିତିଜୋ ଵଟୁରୂପଧାରୀ
ଦୈତ୍ୟାଧିପେନ ବଲିନା ନିଜ ୟଜ୍ଞଗେହେ ।
ପୃଷ୍ଟଶ୍ଚ ତେନ “କିମୁ ଵାଞ୍ଛସି ବାଲକେ”ତି
ପାଦତ୍ରୟୀ ପ୍ରମିତଭୂମିତଲଂ ୟୟାଚେ ॥ ୮ ॥

ୟୁଗ୍ମେନ ଦେଵ! ଚରଣସ୍ୟ ତୁ ସର୍ଵଲୋକେ
ପୂର୍ଣେ ତୃତୀୟଚରଣଂ ତ୍ଵଵଶଃ ପ୍ରଦାତୁମ୍ ।
ବଦ୍ଧଶ୍ଚ ଦେହି ମମ ମୂର୍ଧ୍ନି ତୃତୀୟପାଦଂ
ଇତ୍ୟବ୍ରଵୀଦ୍ଗତମଦୋଽନୁଗୃହୀତ ଏଷଃ ॥ ୯ ॥

ଜାତୋଽସି ଦେଵ! ଜମଦଗ୍ନିସୁତୋ ମହାତ୍ମା
ତ୍ଵଂ ରେଣୁକାଜଠର ଈଶ୍ଵର! ଭାର୍ଗଵାଖ୍ୟଃ ।
ଶମ୍ଭୁପ୍ରସାଦ! ସୁଗୃହୀତଵରାସ୍ତ୍ରଜାଲଃ
କୃତ୍ତାଖିଲାରିନିକରୋରୁକୁଠାରପାଣିଃ ॥ ୧୦ ॥

॥ ସପ୍ତମଂ ଦଶକମ୍ ॥
ୟାଞ୍ଚାଭିସ୍ତ୍ଵଂ ଖଲୁ ଦିଵିଷଦାଂ ରାଵଣୋପଦ୍ରୁତାନାଂ
ପୁତ୍ରୀୟେଷ୍ଟ୍ୟା ଫଲଵିଲସିତଂ ମାନଵେ ଦେଵ! ଵଂଶେ ।
ଜାତୋ ରାମୋ ଦଶରଥନୃପାଲ୍ଲକ୍ଷ୍ମଣେନାନୁଜେନ
ଭ୍ରାତ୍ରା ୟୁକ୍ତୋ ଵରଦ! ଭରତେନାଥ ଶତ୍ରୁଘ୍ନନାମ୍ନା ॥ ୧ ॥

ଧୃତ୍ଵା ଚାପଂ ସହଜସହିତଃ ପାଲୟନ୍ କୌଶିକୀୟଂ
ୟଜ୍ଞଂ ମାରୀଚମୁଖସୁମହାରାକ୍ଷସେଭ୍ୟଃ ପରଂ ତ୍ଵମ୍ ।
କୃତ୍ଵାଽହଲ୍ୟାଂ ଚରଣରଜସା ଗୌତମସ୍ୟେଶ! ପତ୍ନୀଂ
ଭିତ୍ଵା ଶୈଵଂ ଧନୁରଥ ତଦା ଲବ୍ଧଵାଂଶ୍ଚାପି ସୀତାମ୍ ॥ ୨ ॥

ମଧ୍ୟେମାର୍ଗାଗତ ଭୃଗୁପତିଂ ଦେଵ! ଜିତ୍ଵାଽତିରୁଷ୍ଟଂ
ଭୂୟୋ ଗତ୍ଵା ପରମ! ନଗରୀଂ ସ୍ଵାମୟୋଧ୍ୟାଂ ଵସଂସ୍ତ୍ଵମ୍ ।
କୈକେୟୀଵାଗ୍ଭ୍ରମିତମନସୋ ହନ୍ତ ତାତସ୍ୟ ଵାଚା
ତ୍ୟକ୍ତ୍ଵା ରାଜ୍ୟଂ ଵିପିନମଗମୋ ଦୁଃଖିତାଶେଷଲୋକଃ ॥ ୩ ॥

ଗତ୍ଵାଽରଣ୍ୟଂ ସହ ଦୟିତୟା ଚାଥ ସୌମିତ୍ରିଣା ତ୍ଵଂ
ଗଙ୍ଗାଂ ତୀର୍ତ୍ଵା ସୁସୁଖମଵସଚ୍ଚିତ୍ରକୂଟାଖ୍ୟଶୈଲେ ।
ତତ୍ର ଶ୍ରୁତ୍ଵା ଭରତଵଚନାତ୍ତାତମୃତ୍ୟୁଂ ଵିଷଣ୍ଣଃ
ତସ୍ମୈ ପ୍ରାଦା ଵରଦ! ଧରଣିଂ ପାଦୁକାଂ ଚାତ୍ମନସ୍ତ୍ଵମ୍ ॥ ୪ ॥

ଭୂୟୋ ହତ୍ଵା ନିଶିଚରଵରାନ୍ ଦ୍ରାଗ୍ଵିରାଧାଦିକାଂସ୍ତ୍ଵଂ
କୁମ୍ଭୋଦ୍ଭୂତେନ ଖଲୁ ମୁନିନା ଦତ୍ତଦିଵ୍ୟାସ୍ତ୍ରଜାଲଃ ।
ଭ୍ରାତୃଚ୍ଛିନ୍ନଶ୍ରଵଣଵିନଦଚ୍ଛୂର୍ପଣଖ୍ୟା ଵଚୋଭିଃ
ତ୍ଵାୟାତାଂସ୍ତାନ୍ ଖରମୁଖମହାରାକ୍ଷସାନ୍ ପ୍ରାଵଧୀଶ୍ଚ ॥ ୫ ॥

ମାରୀଚଂ ତଂ କନକହରିଣଛଦ୍ମନାୟାତମାରାତ୍
ଜାୟାଵାକ୍ୟାଦଲମନୁଗତଃ ପ୍ରାଵଧୀଃ ସାୟକେନ ।
ତାଵଦ୍ଭୂମନ୍! କପଟୟତିଵେଷୋଽଥ ଲଙ୍କାଧିନାଥଃ
ସୀତାଦେଵୀମହରତ ତଦା ଦୁଃଖିତାତ୍ମାଽଭଵସ୍ତ୍ଵମ୍ ॥ ୬ ॥

ଦୃଷ୍ଟ୍ଵା ଲଙ୍କେଶ୍ଵରଵିନିହତଂ ତାତମିତ୍ରଂ ଜଟାୟୁଂ
ତସ୍ୟାଽଥ ତ୍ଵଂ ଵରଦ କୃତଵାନ୍ ପ୍ରେତକାର୍ୟଂ ଵିଷଣ୍ଣଃ ।
ଦୃଷ୍ଟସ୍ତତ୍ରାଽନୁପମ! ଭଵତା ମାରୁତିର୍ଭକ୍ତଵର୍ୟଃ
ଭୂୟସ୍ତୁଷ୍ଟଃ ସରସମକରୋଃ ସାଧୁ ସୁଗ୍ରୀଵସଖ୍ୟମ୍ ॥ ୭ ॥

ଛିତ୍ଵା ସାଲାନ୍ ସରସମିଷୁଣା ସପ୍ତସଙ୍ଖ୍ୟାନ୍ କ୍ଷଣେନ
ଵ୍ୟାଜେନ ତ୍ଵଂ ବତ ନିହତଵାନ୍ ବାଲିନଂ ଶକ୍ରସୂନୁମ୍ ।
ଭୂୟୋଽନ୍ଵେଷ୍ଟୁଂ ଜନକତନୟାଂ ଦିକ୍ଷୁ ସମ୍ପ୍ରେଷ୍ୟ କୀଶାନ୍
ସୁଗ୍ରୀଵୋକ୍ତାନ୍ ପଵନଜକରେ ଦତ୍ତଵାଂଶ୍ଚାଙ୍ଗୁଲୀୟମ୍ ॥ ୮ ॥

ଦୃଷ୍ଟ୍ଵା ସୀତାଂ ନିଶିଚରଗୃହେ ତାଵକଂ ଦେଵ! ଵୃତ୍ତଂ
କୃତ୍ସ୍ନଂ ତୂକ୍ତ୍ଵାପ୍ୟଵିଦିତ ଭଵତେ ମାରୁତିର୍ମୌଲିରତ୍ନମ୍ ।
ତୁଷ୍ଟସ୍ତାଵତ୍କିଲ ଜଲନିଧୌ ବାଣଵିତ୍ରାସିତେ ତ୍ଵଂ
ସେତୁଂ ବଦ୍ଧ୍ଵା ନିଶିଚରପୁରଂ ୟାତଵାନ୍ ପଦ୍ମନାଭ! ॥ ୯ ॥

ହତ୍ଵା ୟୁଦ୍ଧେ କିଲ ଦଶମୁଖଂ ଦେଵ! ସାମାତ୍ୟବନ୍ଧୁଂ
ସୀତାଂ ଗୃହ୍ଣନ୍ ପରିହୃତମଲାଂ ପୁଷ୍ପକେ ରାଜମାନଃ ।
ପ୍ରାପ୍ୟାୟୋଧ୍ୟାଂ ହରିଵରନିଷାଦେନ୍ଦ୍ରୟୁକ୍ତୋଽଭିଷିକ୍ତଃ
ତ୍ରାତାଶେଷୋ ରହିତଦୟିତଶ୍ଚାଗମୋଽନ୍ତେ ସ୍ଵଧିଷ୍ଣ୍ୟମ୍ ॥ ୧୦ ॥

॥ ଅଷ୍ଟମଂ ଦଶକମ୍ ॥
ଦେଵ! ଦୁଷ୍ଟଜନୌଘଭରେଣ
ଵ୍ୟାକୁଲାଽଥ ଵସୁଧାମ୍ବୁଜୟୋନିମ୍ ।
ପ୍ରାପ୍ୟ ଦେଵନିକରୈଃ ଶ୍ରିତପାଦଂ
ସ୍ଵୀୟତାପମିହ ସମ୍ୟଗୁଵାଚ ॥ ୧ ॥

ପଦ୍ମଭୂରଥ ନିଶମ୍ୟ ଚ ତାପଂ
ଚିନ୍ତୟନ୍ ସପଦି ଦେଵ! ଭଵନ୍ତମ୍ ।
ୟୁଷ୍ମଦୀୟ ସକଲାଧିହରଃ ଶ୍ରୀ
ପଦ୍ମନାଭ ଇତି ତାନଵଦତ୍ସଃ ॥ ୨ ॥

ଭୂୟ ଏତ୍ୟ ତଵ ମନ୍ଦିରମେତେ
ହୀନପୁଣ୍ୟନିକରୈରନଵାପ୍ୟମ୍ ।
ତୁଷ୍ଟୁଵୁଃ ସଵିବୁଧୋ ଦ୍ରୁହିଣସ୍ତ୍ଵାଂ
ତାପମାଶ୍ଵକଥୟଦ୍ଵସୁଧାୟାଃ ॥ ୩ ॥

“ସଂଭଵାମି ତରସା ୟଦୁଵଂଶେ
ୟାଦଵାଃ କିଲ ଭଵନ୍ତ୍ଵିହ ଦେଵାଃ” ।
ଏଵମୀଶ! କଥିତେ ତଵ ଵାକ୍ୟେ
ଵେଧସା କିଲ ସୁରା ମୁଦମାପନ୍ ॥ ୪ ॥

ରୋହିଣୀଜଠରତଃ କିଲ ଜାତଃ
ପ୍ରେରଣାତ୍ତଵ ପରଂ ତ୍ଵହିରାଜଃ ।
ତ୍ଵଂ ଚ ଵିଶ୍ଵଗତକଲ୍ମଷହାରୀ
ଦେଵକୀଜଠରମାଶୁ ନିଵିଷ୍ଟଃ ॥ ୫ ॥

ଅର୍ଧରାତ୍ରସମୟେ ତୁ ଭଵନ୍ତଂ
ଦେଵକୀ ପ୍ରସୁଷୁଵେଽଧିକଧନ୍ୟା ।
ଶଙ୍ଖଚକ୍ରକମଲୋରୁଗଦାଭୀ –
ରାଜିତାତିରୁଚିବାହୁଚତୁଷ୍କମ୍ ॥ ୬ ॥

ତାଵଦୀଶ! ସକଲୋ ବତ ଲୋକୋ
ତୁଷ୍ଟିମାପ ତମୃତେ କିଲ କଂସମ୍ ।
ଅଷ୍ଟମଃ କିଲ ସୁତୋଽଥ ଭଗିନ୍ୟା-
ସ୍ତଦ୍ଵଧଂ କଲୟତୀତି ଚ ଵାକ୍ୟାତ୍ ॥ ୭ ॥

ବାଷ୍ପପୂର୍ଣନୟନୋ ଵସୁଦଵୋ
ନୀତଵାନ୍ ଵ୍ରଜପଦେଽଥ ଭଵନ୍ତମ୍ ।
ତତ୍ର ନନ୍ଦସଦନେ କିଲ ଜାତା –
ମମ୍ବିକାମନୟଦାତ୍ମନିକେତମ୍ ॥ ୮ ॥

କଂସ ଏତ୍ୟ କିଲ ସୂତିଗୃହେ ତେ
କନ୍ୟକାଂ ତୁ ଶୟିତାଂ ସ ନିଶାମ୍ୟ ।
ନୂନମେଵମଜିତସ୍ୟ ତୁ ମାୟା
ସେୟମିତ୍ୟୟମତୁଷ୍ଟିମୟାସୀତ୍ ॥ ୯ ॥

ତୂର୍ଣମେଷ ନିଧନେ ନିରତାଂସ୍ତେ
ପୂତନାଶକଟଧେନୁକମୁଖ୍ୟାନ୍ ।
ପ୍ରାହିଣୋଦଜିତ! ମନ୍ଦମତିସ୍ତାନ୍
ଦୁଷ୍କରଂ କିମିହ ଵିସ୍ମୃତପାପୈଃ ॥ ୧୦ ॥

॥ ନଵମଂ ଦଶକମ୍ ॥
ଏଵଂ ଘୋଷେ ଵିରାଜତ୍ୟୟି! ଭଵତି ଜଗନ୍ନେତ୍ରପୀୟୂଷମୂର୍ତୌ
ଦୁଷ୍ଟା କାଚିନ୍ନିଶାଚର୍ୟଥ ସମଧିଗତା ଚାରୁୟୋଷିତ୍ସ୍ଵରୂପା ।
ସ୍ତନ୍ୟଂ ଦାତୁଂ କୁଚାଗ୍ରଂ ତଵମୁଖଜଲଜେ ଦେଵ! ଚିକ୍ଷେପ ୟାଵତ୍
ତାଵତ୍କ୍ଷୀରଂ ସଜୀଵଂ କପଟଶିଶୁରହୋ ପୀତଵାଂସ୍ତ୍ଵଂ କ୍ଷଣେନ ॥ ୧ ॥

ଭୂୟଃ ଶୌରେ! ଵ୍ରଜେ ଵୈ ଶକଟଦନୁସୁତ ପ୍ରାପ୍ତଵାନ୍ ସଂହୃତୋଽୟଂ
ଵାତାତ୍ମା ଦାନଵଶ୍ଚ ପ୍ରଵିତତ ଧରଣୀଭାରନାଶେନ କୃତ୍ତଃ ।
ଦୃଷ୍ଟ୍ଵୈଵଂ ତେ ମହତ୍ଵଂ ଦନୁଜହୃତିଚଣଂ ତାଦୃଶୀଂ ବାଲଲୀଲାଂ
ତ୍ଵନ୍ମାୟାମୋହିତତ୍ଵାଦୟି! ବତ! ପଶୁପା ଵିସ୍ମୟଂ ମୋଦମାପନ୍ ॥ ୨ ॥

ନନ୍ଦଃ ପଶ୍ୟନ୍ କଦାଚିନ୍ନିଜନିଲୟଗତଂ ୟାଦଵାଚାର୍ୟଵର୍ୟଂ
ଗର୍ଗଂ ତେ କାରୟାମାସ ଚ ଵିଧିଵଦସୌ ନାମ କୃଷ୍ଣେତି ତେନ ।
ରାମାଖ୍ୟାଂ ସୋଦରେ ତେ ମୁନିରଥ କଲୟନ୍ ଵୈଭଵଂ ଚ ତ୍ଵଦୀୟଂ
ନନ୍ଦାଦିଭ୍ୟଃ ପ୍ରଶଂସନ୍ ନିଜପଦମିହ ସମ୍ପ୍ରାପ୍ତଵାନ୍ ଭକ୍ତଵର୍ୟଃ ॥ ୩ ॥

ଦୃଷ୍ଟଂ ମାତ୍ରା ସମସ୍ତଂ ଜଗଦିହ ଵଦନେ ମୃତ୍ତିକାଭକ୍ଷଣଂ ତେ
ଵ୍ୟାକୁର୍ଵନ୍ତ୍ୟା ଶିଶୂନାମଥ ଵଚନଵଶାତ୍କିଂ ତ୍ଵିତୋ ହନ୍ତ ଚିତ୍ରମ୍ ।
ଭୂୟସ୍ତୂର୍ଣଂ ଭଵାନ୍ ମଙ୍ଗଳଗୁଣ! ଗତଵାନ୍ଦେଵ! ଵୃନ୍ଦାଵନଂ ତତ୍
ୟୁଷ୍ମଦ୍ଗାତ୍ରୋରୁଶୋଭା ପ୍ରତୁଲିତ ୟମୁନାତୀରସଂସ୍ଥଂ ମନୋଜ୍ଞମ୍ ॥ ୪ ॥

ଵନ୍ୟାଶଂ ତ୍ଵୟ୍ୟଧୀଶେ କଲୟତି ତରସା ଶ୍ରୀଧରାହୋ ଵିରିଞ୍ଚୋ
ଗୋପାନ୍ ଵତ୍ସାନ୍ ତ୍ଵଦୀୟାନହରଦୟି! ଵିଭୋ! ତାଵଦେଵ ସ୍ଵରୂପମ୍ ।
ସଙ୍ଖ୍ୟାହୀନଂ ପରଂ ତ୍ଵାମପି କବଳଧରଂ ଵୀକ୍ଷ୍ୟ ସମ୍ଭ୍ରାନ୍ତଚେତାଃ
ତ୍ଵତ୍ପାଦାବ୍ଜେ ପତିତ୍ଵା ମୁହୁରପି ଭଗଵନ୍ନସ୍ତଵୀଦଚ୍ୟୁତଂ ତ୍ଵାମ୍ ॥ ୫ ॥

ସର୍ପଂ ତୋୟେ ନିମଗ୍ନଂ ପରମସୁକୁଟିଲଂ କାଳିୟଂ ଵୀକ୍ଷ୍ୟ ଶୌରେ!
ନୃତ୍ୟନ୍ ନୃତ୍ୟନ୍ ଫଣେ ତ୍ଵଂ ତଦନୁ ଗତମଦଂ ଚାକରୋସ୍ତଂ ଗତଂ ଚ ।
ଭୂୟସ୍ତ୍ଵଦ୍ଵେଣୁଗାନାଦଜିତ! ଜଗଦଲଂ ମୋହିତଂ ସର୍ଵମାସୀତ୍
ୟୋଷିଚ୍ଚିତ୍ତାପହାରେ ନିପୁଣମିଦମିତି ଶ୍ରୀଶ! କିଂ ଵର୍ଣନୀୟମ୍ ॥ ୬ ॥

ଧୃତ୍ଵା ଗୋଵର୍ଧନଂ ତ୍ଵଂ ଗିରିମଲମତନୋର୍ଵାସଵଂ ଵୀତଗର୍ଵଂ
ୟୋଷିଦ୍ଭିସ୍ତ୍ଵଂ ସଲୀଲଂ ରଜନିଷୁ କୃତଵାନ୍ ରାସକେଳିଂ ମନୋଜ୍ଞାମ୍ ।
ଭକ୍ତାଗ୍ର୍ୟଂ ଗାନ୍ଦିନେୟଂ ତଵ ଖଲୁ ନିକଟେ ପ୍ରେଷୟାମାସ କଂସଃ
ହତ୍ଵେଭେନ୍ଦ୍ରଂ ଚ ମଲ୍ଲାନ୍ ୟଦୁଵର! ସବଲୋ ମାତୁଲଂ ଚାଵଧୀସ୍ତ୍ଵମ୍ ॥ ୭ ॥

ଗତ୍ଵା ସାନ୍ଦୀପନିଂ ତ୍ଵଂ କତିପୟଦିଵସୈଃ ଜ୍ଞାତଵାନ୍ ସର୍ଵଵିଦ୍ୟାଃ
କୃତ୍ଵା ରାଜ୍ୟେ ନରେନ୍ଦ୍ରଂ ଵିମଲତମଗୁଣଂ ଚୋଗ୍ରସେନଂ ଜଵେନ ।
ରାଜାନଂ ଧର୍ମସୂନୁଂ ଚରଣରତମଵନ୍ ଚୈଦ୍ୟମୁଖ୍ୟାଦିହନ୍ତା
ରୁଗ୍ମିଣ୍ୟାଦ୍ୟଷ୍ଟୟୋଷାୟୁତବହୁଵନିତାଶ୍ଚାରମୋ ଦ୍ଵାରକାୟାମ୍ ॥ ୮ ॥

ଵିପ୍ରଂ ନିସ୍ସ୍ଵଂ କୁଚେଲଂ ସଦନମୁପଗତଂ ବାଲ୍ୟକାଲୈକମିତ୍ରଂ
ପଶ୍ୟନ୍ କାରୁଣ୍ୟଲୋଲଃ ପୃଥୁକମିହ କରାତ୍ତସ୍ୟ ସଙ୍ଗୃହ୍ୟ ତୂର୍ଣମ୍ ।
ଲକ୍ଷ୍ମୀସଂଵାରିତୋଽପି ସ୍ଵୟମପରିମିତଂ ଵିତ୍ତମସ୍ମୈ ଦଦାନଃ
କାରୁଣ୍ୟାମ୍ଭୋନିଧିସ୍ତ୍ଵଂ ଜୟ ଜୟ ଭଗଵନ୍! ସର୍ଵଲୋକାଧିନାଥ! ॥ ୯ ॥

ୟାଵଦ୍ଵୃଦ୍ଧିଃ କଲେର୍ଵୈ ଭଵତି ବତ ତଦା କଲ୍କିରୂପୋଽତିହୀନାନ୍
ମ୍ଲେଚ୍ଛାନ୍ ଧର୍ମୈକଶତ୍ରୂନ୍ ଭରିତପୁରୁରୁଷା ନାଶୟିଷ୍ୟତ୍ୟଶାନ୍ତାନ୍ ।
ସ ତ୍ଵଂ ସତ୍ଵୈକତାନାଂ ମମ ମତିମନିଶଂ ଦେହି ଶୌରେ! ତଦର୍ଥଂ
ତ୍ଵତ୍ପାଦାବ୍ଜେ ପତିତ୍ଵା ମୁହୁରହମଵଶଃ ପ୍ରାର୍ଥୟେ ପଦ୍ମନାଭ! ॥ ୧୦ ॥

॥ ଦଶମଂ ଦଶକମ୍ ॥
ଭୂଷଣେଷୁ କିଲ ହେମଵଜ୍ଜଗତି ମୃତ୍ତିକାଵଦଥଵା ଘଟେ
ତନ୍ତୁଜାଲଵଦହୋ ପଟେଷ୍ଵପି ରାଜିତାଦ୍ଵୟରସାତ୍ମକମ୍ ।
ସର୍ଵସତ୍ଵହୃଦୟୈକସାକ୍ଷିଣମିହାତିମାୟ ନିଜଵୈଭଵଂ
ଭାଵୟାମି ହୃଦୟେ ଭଵନ୍ତମିହ ପଦ୍ମନାଭ! ପରିପାହି ମାମ୍ ॥ ୧ ॥

ଚିନ୍ମୟାମ୍ବୁନିଧିଵୀଚିରୂପ! ସନକାଦିଚିନ୍ତ୍ୟଵିମଲାକୃତେ !
ଜାତିକର୍ମଗୁଣଭେଦହୀନ! ସକଲାଦିମୂଲ! ଜଗତାଂ ଗୁରୋ ! ।
ବ୍ରହ୍ମଶଙ୍କରମୁଖୈରମେୟଵିପୁଲାନୁଭାଵ! କରୁଣାନିଧେ!
ଭାଵୟାମି ହୃଦୟେ ଭଵନ୍ତମିହ ପଦ୍ମନାଭ! ପରିପାହି ମାମ୍ ॥ ୨ ॥

ମାୟୟାଵୃତତନୁର୍ବହିଃ ସୃଜସି ଲୋକଜାଲମଖିଲଂ ଭଵାନ୍
ସ୍ଵପ୍ନସନ୍ନିଭମିଦଂ ପୁନସ୍ସପଦି ସଂହରନ୍ନିଜବଲାଦହୋ! ।
ହନ୍ତ! କୂର୍ମ ଇଵ ପାଦମାତ୍ମନି ତୁ ଧାରୟତ୍ୟଥ ୟଦା ତଦା
ଦାରୁଣେ ତମସି ଵିସ୍ତୃତେ ଵିତିମିରୋ ଲସତ୍ୟନିଶମାତ୍ମନା ॥ ୩ ॥

ଦେଵଦେଵ! ତନୁଵାଙ୍ମନୋଭିରିହ ୟତ୍କରୋମି ସତତଂ ହରେ!
ତ୍ଵୟ୍ୟସାଵହମର୍ପୟାମ୍ୟଖିଲମେତଦୀଶ! ପରିତୁଷ୍ୟତାମ୍ ।
ତ୍ଵତ୍ପଦୈକମତିରନ୍ତ୍ୟଜୋଽପି ଖଲୁ ଲୋକମୀଶ୍ଵର! ପୁନାତ୍ୟହୋ!
ନୋ ରମେଶ! ଵିମୁଖାଶୟୋ ଭଵତି ଵିପ୍ରଜାତିରପି କେଵଲମ୍ ॥ ୪ ॥

ପାପ ଏଷ କିଲ ଗୂହିତୁଂ ନିଜ ଦୁଶ୍ଚରିତ୍ରମିହ ସର୍ଵଦା
କୃଷ୍ଣ! ରାମ! ମଧୁସୂଦନେତ୍ୟନିଶମାଲପତ୍ୟହହ! ନିଷ୍ଫଲମ୍ ।
ଏଵମୀଶ! ତଵ ସେଵକୋ ଭଵତି ନିନ୍ଦିତଃ ଖଲଜନୈଃ କଲୌ
ତାଦୃଶଂ ତ୍ଵନଘ! ମା କୃଥା ଵରଦ! ମାମସୀମତମଵୈଭଵ! ॥ ୫ ॥

କସ୍ତୁ ଲୋକ ଇହ ନିର୍ଭୟୋ ଭଵତି ତାଵକଂ କିଲ ଵିନା ପଦଂ
ସତ୍ୟଲୋକଵସତି ସ୍ଥିତୋଽପି ବତ ନ ସ୍ଥିରୋ ଵସତି ପଦ୍ମଭୂଃ ।
ଏଵମୀଶ ସତି କା କଥା ପରମ! ପାପିନାଂ ତୁ ନିରୟାତ୍ମନାଂ
ତନ୍ମଦୀୟ ଭଵବନ୍ଧମୋହମୟି! ଖଣ୍ଡୟାଽନଘ! ନମୋଽସ୍ତୁ ତେ ॥ ୬ ॥

ଭାଵୟନ୍ତି ହି ପରେ ଭଵନ୍ତମୟି! ଚାରୁ ବଦ୍ଧଵିମଲାସନାଃ
ନାସିକାଗ୍ରଧୃତଲୋଚନା ପରମ! ପୂରକାଦିଜିତମାରୁତାଃ ।
ଉଦ୍ଗତାଗ୍ରମଥ ଚିତ୍ତପଦ୍ମମୟି! ଭାଵୟନ୍ତ ଇହ ସାଦରଂ
ଭାନୁସୋମଶିଖିମଣ୍ଡଲୋପରି ତୁ ନୀଲନୀରଦସମପ୍ରଭମ୍ ॥ ୭ ॥

ଶ୍ଲକ୍ଷ୍ଣନୀଲକୁଟିଲାଳକଂ ମକରକୁଣ୍ଡଲଦ୍ୟୁତିଵିରାଜିତଂ
ମନ୍ଦହାସହୃତସର୍ଵଲୋକଵିପୁଲାତିଭାରମତିମୋହନମ୍ ।
କୌସ୍ତୁଭେନ ଵନମାଲୟାପି ଚ ଵିରାଜିତଂ ମଦନସୁନ୍ଦରଂ
କାଞ୍ଚନାଭଵସନଂ ଭଵନ୍ତମୟି! ଭାଵୟନ୍ତି ହୃତକଲ୍ମଷାଃ ॥ ୮ ॥

ଜ୍ଞାନମୀଶ! ବତ! କର୍ମ ଭକ୍ତିରପି ତତ୍ତ୍ରୟଂ ଭଵଦଵାପକଂ
ଜ୍ଞାନୟୋଗଵିଷୟେଽଧିକାର ଇହ ଵୈ ଵିରକ୍ତଜନତାହିତଃ ।
କର୍ମଣୀହ ତୁ ଭଵେନ୍ନୃଣାମଧିକସକ୍ତମାନସଜୁଷାଂ ହରେ!
ୟେ ତୁ ନାଧିକଵିରକ୍ତସକ୍ତହୃଦୟା ହି ଭକ୍ତିରୟି! ତଦ୍ଧିତା ॥ ୯ ॥

ଦେଵ! ଵୈଭଵମଜାନତାଦ୍ୟ ତଵ ୟନ୍ମୟା ନିଗଦିତଂ ହରେ!
କ୍ଷମ୍ୟତାଂ ଖଲୁ ସମସ୍ତମେତଦିହ ମୋଦମୀଶ! କୁରୁ ତାଵକେ ।
ଦୀର୍ଘମାୟୁରୟି! ଦେହସୌଖ୍ୟମପି ଵର୍ଧତାଂ ଭଵଦନୁଗ୍ରହାତ୍
ପଙ୍କଜାଭନୟନାପଦୋ ଦଲୟ ପଦ୍ମନାଭ! ଵିଜୟୀ ଭଵ! ॥ ୧୦ ॥

॥ ଇତି ମହାରାଜା ସ୍ଵାତି ତିରୁନାଳ୍ ଵିରଚିତଂ ପଦ୍ମନାଭଶତକମ୍ ॥

Also Read:

Sri Padmanabha Shatakam Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Sri Padmanabha Shatakam Lyrics in Oriya

Leave a Reply

Your email address will not be published. Required fields are marked *

Scroll to top