Sri Vallabhabhava Ashtakam Lyrics in Telugu:
వల్లభభావాష్టకమ్
పతిః శ్రీవల్లభోఽస్మాకం గతిః శ్రీవల్లభః సదా ।
మతిః శ్రీవల్లభే హ్యస్తాం రతిః శ్రీవల్లభేఽస్తు మే ॥ ౧॥
వృత్తిః శ్రీవస్త్వభీయైవ కృతిః శ్రీవల్లభార్థినీ ।
దర్శనం శ్రీవల్లభస్య స్మరణం వల్లభప్రభోః ॥ ౨॥
త్వత్ప్రసాదసుధాఘ్రాణం త్వదుచ్ఛిష్టరసాగ్రహః ।
శ్రవణం త్వద్గుణానాం హి స్మరణం త్వత్పదాబ్జయోః ॥ ౩॥
గృణనం తన్మహిత్వస్య సేవనం కరయోర్భవేత్ ।
త్వత్స్వరూపాన్తరో భోగో గమనం తవ సన్నిధౌ ॥ ౪॥
త్వదగ్రే సర్వదా స్థానం సఙ్గస్త్వత్సేవకైః సదా ।
త్వద్వార్తాఽతిరుచిర్నిష్ఠా భూయాత్త్వద్వాక్యమాత్రగా ॥ ౫॥
శ్రద్ధా త్వదేకసమ్బధే విశ్వాసస్త్వత్పదాబ్జయోః ।
దాస్యం త్వదీయమేవాస్తు భూయాత్త్వచ్చరణాశ్రయః ॥ ౬॥
మస్తకే శ్రీవల్లభోస్తు హృది తిష్ఠతు వల్లభః ।
అభితః శ్రీవల్లభోఽస్తు సర్వం శ్రీవల్లభో మమ ॥ ౭॥
నమః శ్రీవల్లభాయైవ దైన్యం శ్రీవల్లభే సదా ।
ప్రార్థనా శ్రీవల్లభేఽస్తు తత్పదాధీనతా మమ ॥ ౮॥
ఏతదష్టకపాఠేన శ్రీవల్లభపదామ్బుజే ।
భవేద్భావో వినాఽఽయాసం భక్తిమార్గవతాత్మనామ్ ॥ ౯॥
ఇతి శ్రీహరిదాసోక్తం శ్రీవల్లభభావాష్టకమ్ సమ్పూర్ణమ్ ।
