Yamunashtapadi Lyrics in Bengali:
য়মুনাষ্টপদী
নমো দেবি য়মুনে নমো দেবি য়মুনে
হর কৃষ্ণমিলনান্তরায়ম্ ।
নিজনাথমার্গদায়িনি কুমারী-
কামপূরিকে কুরু ভক্তিরায়ম্ ॥ ধ্রু০॥
মধপকুলকলিতকমলীবলীব্যপদেশ-
ধারিতশ্রীকৃষ্ণয়ুতভক্তহৃদয়ে ।
সততমতিশয়িতহরিভাবনা-
জাততত্সারূপ্যগদিতহৃদয়ে ॥ ১॥
নিজকূলভববিবিধতরুকুসুম-
য়ুতনীরশোভয়া বিলসদলিবৃন্দে ।
স্মারয়সি গোপীবৃন্দপূজিত-
সরসমীশবপুরানন্দকন্দে ॥ ২॥
উপরি বলদমলকমলারুণ-
দ্যুতিরেণুপরিমলিতজলভরেণামুনা ।
ব্রজয়ুবতিকুচকুম্ভকুঙ্কুমারুণ-
মুরঃ স্মারয়ামি মারপিতুরধুনা ॥ ৩॥
অধিরজনি হরিবিহৃতিমীক্ষিতুং
কুবলয়াভিধসুভগনয়নান্যুশতি তনুষে ।
নয়নয়ুগমল্পমিতি বহুতরাণি
চ তানি রসিকতানিধিতয়া কুরুষে ॥ ৪॥
রজনিজাগরজনিতরাগরঞ্জিত-
নয়নপঙ্কজৈরহনি হরিমীক্ষসে ।
মকরন্দরভরমিষেণানন্দপূরিতা
সততমিহ হর্ষাশ্রু মুঞ্চসে ॥ ৫॥
তটগতানেকশুকসারিকামুনি-
গণস্তুতবিবিধগুণসীধুসাগরে ।
সঙ্গতা সততমিহ ভক্তজন-
তাপহৃদি রাজসে রাসরসসাগরে ॥ ৬॥
রতিভরশ্রমজলোদিতকমল-
পরিমলব্রজয়ুবতিমোদে ।
তাটঙ্কচলনসুনিরস্তসঙ্গীত-
য়ুতমদমুদিতমধুপকৃতবিনোদে ॥ ৭॥
নিজব্রজজনাবনাত্তগোবর্দ্ধনে
রাধিকাহৃদয়গতহৃদয়কমলে ।
রতিমতিশয়িতরসবিঠ্ঠলস্যাশু
কুরু বেণুনিনদাহ্বানসরলে ॥ ৮॥
শ্লোকৌ ।
ব্রজপরিবৃঢবল্লভে কদা ত্ব-
চ্চরণসরোরুহমীক্ষণাস্পদং মে ।
তব তটগতবালুকাঃ কদাহং
সকলনিজাঙ্কগতা মুদা করিষ্যে ॥ ১॥
বৃন্দাবনে চারুবৃহদ্বনে ম-
ন্মনোরথং পূরয় সূরসূতে ।
দৃগ্গোচরঃ কৃষ্ণবিহার এব
স্থিতিস্ত্বদীয়ে তট এব ভূয়াত্ ॥ ২॥
ইতি শ্রীবিঠ্ঠলেশ্বরবিরচিতা য়মুনাষ্টপদী সামাপ্ত ।
