River Shri Yamuna Ashtakam 7 Lyrics in Bengali:
শ্রীয়মুনাষ্টকম্ ৭
ত্বয়ি স্নাতা ধ্যাতা তব সলিলপাতা নময়িতা
স্তুতেঃ কর্তা ধর্তা তব রজসি মর্তা রবিসুতে ।
ন চৈবাখ্যাং বক্তা শমনসদনে য়াতি য়মুনে
নমামস্ত্বাং নিত্যাং সকলগুণয়ুক্তাং রবিসুতাম্ ॥ ১॥
মুরারাতেঃ কায়প্রতিমললিতং বারি দধতীং
কলিন্দাদ্রেঃ শৃঙ্গাদপি পতনশীলাং গতিমতীম্ ।
স্বপাদাব্জং ধ্যাতুর্জনিমরণশোকং বিতুদতীং
নমামস্ত্বাং নিত্যাং সকলগুণয়ুক্তাং রবিসুতাম্ ॥ ২॥
কদম্বানাং পুষ্পাবলিভিরনিশং রূষিতজলাং
বিধীন্দ্রাদ্যৈর্দেবৈর্মুনিজনকুলৈঃ পূজিতপদাম্ ।
ভ্রমদ্গোগোধুগ্ভির্বিহগনিকরৈর্ভূষিততটাং
নমামস্ত্বাং নিত্যাং সকলগুণয়ুক্তাং রবিসুতাম্ ॥ ৩॥
রণদ্ভৃঙ্গশ্রেণীবিকসিতসরোজআবলিয়ুতাং
তরঙ্গান্তর্ভ্রাম্যন্মকরসফরীকচ্ছপকুলাম্ ।
জলক্রীডদ্রামানুজচরণসংশ্লেষরসিকাং
নমামস্ত্বাং নিত্যাং সকলগুণয়ুক্তাং রবিসুতাম্ ॥ ৪॥
তরুশ্রেণীকুঞ্জাবলিভিরভিতঃ শোভিততটাং
মহোক্ষাণাং শৃঙ্গাবলিভিরভিতো মর্দিততটাম্ ।
স্থিতাং বৃন্দাটব্যাং সততমভিতঃ পুষ্পিতবনাং
নমামস্ত্বাং নিত্যাং সকলগুণয়ুক্তাং রবিসুতাম্ ॥ ৫॥
নিশায়াং য়স্যাং বিম্বিতমমলতারাগণমহো
বিলোক্যোত্কণ্ঠন্তে সকলসফরা অত্তুমনিশম্ ।
বিকীর্ণং লাজানাং নিকরমিতি মত্বা সরভসং
নমামস্ত্বাং নিত্যাং সকলগুণয়ুক্তাং রবিসুতাম্ ॥ ৬॥
শরন্মেঘচ্ছায়া সকলমনুজৈর্যত্সলিলগা
হরেঃ স্বস্যামাপ্তুং স্নপনমিতি বুদ্ধ্যা সরভসম্ ।
কিমায়াতা গর্ভে সুরসরিদহো তর্ক্যত ইতি
নমামস্ত্বাং নিত্যাং সকলগুণয়ুক্তাং রবিসুতাম্ ॥ ৭॥
নৃণামীক্ষামাত্রাদপি সকলসৌখ্যং বিদধতী-
মনায়াসেনৈবাখিলভুবনভোগ্যং প্রদদতীম্ ।
স্বকান্তীনাং ব্যূহৈর্বলভিদুপলং চাপি তুদতীং
নমামস্ত্বাং নিত্যাং সকলগুণয়ুক্তাং রবিসুতাম্ ॥ ৮॥
মমৈষা বিজ্ঞপ্তিঃ পদকমলয়োস্তে তরণিজে
বটে হা ভাণ্ডীরে তব বিমলতীরে নিবসতঃ ।
হরে কৃষ্ণেত্যুচ্চৈরপি চ তব নামানি গদতঃ
সদা বৃন্দারণ্যে জননি জননং য়াতু মম বৈ ॥ ৯॥
কিমায়াতা কালঃ স ইহ জননে মে হতবিধে-
র্যদায়াতঃ কৃষ্ণো মধুমধুরবাঙ্নির্ঝরজলৈঃ ।
শ্রুতের্মার্গং সিঞ্চন্করকমলয়ুগ্মেন সহসা
মদঙ্গং স্বাঙ্গে হা ব্রততিমিব বৃক্ষো গময়িতা ॥ ১০॥
ইদং স্তোত্রং প্রাতঃ পঠতি য়মুনায়াঃ প্রতিদিনং
শরীরী য়স্তস্যোপরি ভবতি প্রীতা রবিসুতা ।
হরেঃ প্রেষ্ঠো ভূত্বা হরিচরণভক্তিং চ লভতে
ভুবো ভোগান্মুক্ত্বা ব্রজতি মরণান্তে হরিপদম্ ॥ ১১॥
ইতি শ্রীবনমালিশাস্ত্রিবিরচিতং শ্রীয়মুনাষ্টকম্ ।
