Kakaradi Shrikrishna Sahasranama Stotram Lyrics in Bengali:
॥ ককারাদি শ্রীকৃষ্ণসহস্রনামস্তোত্রম্ ॥
ব্যাস উবাচ-
কৃতার্থোঽহং মুনিশ্রেষ্ঠ ত্বত্প্রসাদান্ন সংশয়ঃ ।
য়তো ময়া পরং জ্ঞানং ব্রহ্মগীতাত্মকং শ্রুতম্ ॥ ১ ॥
পরং তু য়েন মে জন্ম ন ভবেত্কর্হিচিন্মুনে ।
পূর্ণব্রহ্মৈকবিজ্ঞানবিরহো ন চ জায়তে ॥ ২ ॥
য়েন মে দৃঢবিশ্বাসো ভক্তাবুত্পদ্যতে হরেঃ ।
কালপাশবিনির্মুক্তিঃ কর্মবন্ধবিমোচনম্ ॥ ৩ ॥
জন্মমৃত্যুজরাব্যাধিক্লেশক্ষোভনিবারণম্ ।
কলিকালভয়ধ্বংসো ব্রহ্মজ্ঞানং দৃঢং হৃদি ॥ ৪ ॥
কীর্তিঃ শ্রীঃ সন্মতিঃ শান্তির্ভক্তির্মুক্তিশ্চ শাশ্বতী ।
জায়তে তদুপায়ং মে বদ বেদবিদাং বর ॥ ৫ ॥
নারদ উবাচ-
তত্ত্বমেকং ত্রিলোকেষু পূর্ণানন্দো জগদ্গুরুঃ ।
দৈবতং সর্বদেবানাং প্রাণিনাং মুক্তিকারণম্ ॥ ৬ ॥
তারণং ভবপাথোধের্দুঃখদারিদ্র্যহারণম্ ।
তদ্রূপং সর্বদা ধ্যেয়ং য়োগিভির্জ্ঞানিভিস্তথা ॥ ৭ ॥
জ্ঞেয়মেব সদা সিদ্ধৈঃ সিদ্ধান্তেন দৃঢীকৃতম্ ।
বেদান্তে গীতমাপ্তানাং হিতকৃত্কষ্টনাশনম্ ॥ ৮ ॥
সর্বেষামেব জীবানাং কর্মপাশবিমোচনম্ ।
সত্যজ্ঞানদয়াসিন্ধোঃ কাদিনামসহস্রকম্ ॥ ৯ ॥
অতিগুহ্যতরং লোকে নাকেঽপি ব্রহ্মবাদিনাম্ ।
কালপাশবিনির্মুক্তের্হেতুভূতং সনাতনম্ ॥ ১০ ॥
কামার্তিশমনং পুংসাং দুর্বুদ্ধিক্ষয়কারকম্ ।
সর্বব্যাধ্যাধিহরণং শরণং সাধুবাদিনাম্ ॥ ১১ ॥
কপটচ্ছলপাখণ্ডক্রোধলোভবিনাশনম্ ।
অজ্ঞানাধর্মবিধ্বংসি শ্রিতানন্দবিবর্ধনম্ ॥ ১২ ॥
বিজ্ঞানোদ্দীপনং দিব্যং সেব্যং সর্বজনৈরিহ ।
পঠনীয়ং প্রয়ত্নেন সর্বমন্ত্রৈকদোহনম্ ॥ ১৩ ॥
মোহমাত্সর্যমূঢানামগোচরমলৌকিকম্ ।
পূর্ণানন্দপ্রসাদেন লভ্যমেতত্সুদুর্লভম্ ॥ ১৪ ॥
পুর্ণানন্দঃ স্বয়ং ব্রহ্ম ভক্তোদ্ধারায় ভূতলে ।
অক্ষরাকারমাবিশ্য স্বেচ্ছয়াঽনন্তবিক্রমঃ ॥ ১৫ ॥
কৃষ্ণনাম্নাত্র বিখ্যাতঃ স্বয়ং নির্বাণদায়কঃ ।
অত এবাত্র বর্ণানাং ককারস্তন্ময়ো মতঃ ॥ ১৬ ॥
কাদিনামানি লোকেঽস্মিন্দুর্লভানি দুরাত্মনাম্ ।
ভক্তানাং সুলভানীহ নির্মলানাং য়তাত্মনাম্ ॥ ১৭ ॥
জ্ঞেয় এব স্বয়ং কৃষ্ণো ধ্যেয় এব নিরন্তরম্ ।
অমেয়োঽপ্যনুমানেন মেয় এবাত্মভাবতঃ ॥ ১৮ ॥
ব্রহ্মগীতাদিভির্গেয়ঃ সেবনীয়ো মুমুক্ষভিঃ ।
কৃষ্ণ এব গতিঃ পুংসাং সংসারেঽস্মিন্সুদুস্তরে ॥ ১৯ ॥
কালাস্যে পতিতং সর্বং কালেন কবলীকৃতম্ ।
কালাধীনং কালসংস্থং কালোত্পন্নং জগত্ত্রয়ম্ ॥ ২০ ॥
স কালস্তস্য ভৃত্যোঽস্তি তদধীনস্তদুদ্ভবঃ ।
তস্মাত্সর্বেষু কালেষু কৃষ্ণ এব গতির্নৃণাম্ ॥ ২১ ॥
অন্যে দেবাস্ত্রিলোকেষু কৃষ্ণাশ্রয়পরায়ণাঃ ।
কৃষ্ণমাশ্রিত্য তিষ্ঠন্তি কৃষ্ণস্যানুচরা হি তে ॥ ২২ ॥
য়থা সূর্যোদয়ে সর্বাস্তারকাঃ ক্ষীণকান্তয়ঃ ।
সর্বে দেবাস্তথা ব্যাস হতবীর্যা হতৌজসঃ ॥ ২৩ ॥
ন কৃষ্ণাদিতরত্তত্ত্বং ন কৃষ্ণাদিতরত্সুখম্ ।
ন কৃষ্ণাদিতরজ্জ্ঞানং ন কৃষ্ণাদিতরত্পদম্ ॥ ২৪ ॥
কৃষ্ণ এব জগন্মিত্রং কৃষ্ণ এব জগদ্গুরুঃ ।
কৃষ্ণ এব জগত্ত্রাতা কৃষ্ণ এব জগত্পিতা ॥ ২৫ ॥
কৃষ্ণ কৃষ্ণেতি য়ে জীবাঃ প্রবদন্তি নিরন্তরম্ ।
ন তেষাং পুনরাবৃত্তিঃ কল্পকোটিশতৈরপি ॥ ২৬ ॥
কৃষ্ণে তুষ্টে জগন্মিত্রং কৃষ্ণে রুষ্টে হি তদ্রিপুঃ ।
কৃষ্ণাত্মকং জগত্সর্বং কৃষ্ণমাশ্রিত্য তিষ্ঠতি ॥ ২৭ ॥
য়থা সূর্যোদয়ে সর্বে পদার্থজ্ঞানিনো নরাঃ ।
কৃষ্ণসূর্যোদয়েঽন্তঃস্থে তথাঽঽত্মজ্ঞানিনো বুধাঃ ॥ ২৮ ॥
তস্মাত্ত্বং সর্বভাবেন কৃষ্ণস্য শরণং ব্রজ ।
নান্যোপায়স্ত্রিলোকেষু ভবাব্ধিং তরিতুং সতাম্ ॥ ২৯ ॥
শ্রীব্যাস উবাচ-
কৃতার্থোঽহং মুনিশ্রেষ্ঠ ত্বত্প্রসাদাদতন্দ্রিতঃ ।
য়স্মাচ্ছ্রুতং ময়া জ্ঞানং শ্রীকৃষ্ণস্য মহাত্মনঃ ॥ ৩০ ॥
পরং তু শ্রেতুমিচ্ছামি ত্বত্তো ব্রহ্মবিদাং বর ।
নৈবাস্তি ত্বত্সমো জ্ঞানী ত্রিষু লোকেষু কুত্রচিত্ ॥ ৩১ ॥
কথং মে করুণাসিন্ধুঃ প্রসন্নো জায়তে হরিঃ ।
কেনোপায়েন তদ্ভক্তির্নিশ্চলা জায়তে ময়ি ॥ ৩২ ॥
কেনোপায়েন তদ্দাস্যং সখিত্বং দেবদুর্লভম্ ।
তদধীনত্বমেবাথ তত্স্বরূপৈকতা তথা ॥ ৩৩ ॥
এতন্মে বদ দেবর্ষে সর্বশাস্ত্রার্থদোহনম্ ।
বিনা কৃষ্ণং গতির্নাঽস্তি কৃষ্ণ এব গতির্মম ॥ ৩৪ ॥
নারদ উবাচ-
শ্রীকৃষ্ণঃ করুণাসিন্ধুর্দীনবন্ধুর্জগদ্গুরুঃ ।
কাদিনামহস্রেণ বিনা নান্যৈশ্চ সাধনৈঃ ॥ ৩৫ ॥
প্রসন্নো জায়তে নূনং তস্মাত্তানি বদামি তে ।
অবাচ্যান্যপি তে বচ্মি ত্রিষু লোকেষু কুত্রচিত্ ॥ ৩৬ ॥
ন প্রসিদ্ধানি দুষ্টানাং দুর্লভানি মহীতলে ।
সুলভানীহ ভক্তানাং ভাবিষ্যন্তি তদাজ্ঞয়া ॥ ৩৭ ॥
পুরা সারস্বতে কল্পে রম্যে বৃন্দাবনে নিশি ।
নিজভক্তহিতার্থায় বেণুনাদং হরিঃ স্বয়ম্ ॥ ৩৮ ॥
চকারোচ্চৈর্মনোহারী বিহারী বৈরনাশনঃ ।
তদা গোপীজনঃ সর্বঃ সহসোত্থায় বিহ্বলঃ ॥ ৩৯ ॥
নিশীথে সকলং ত্যক্ত্বাঽগচ্ছদ্বেণুবশীকৃতঃ ।
তেন সার্ধং কৃতা ক্রীডা স্বপ্নবদ্রাসমণ্ডলে ॥ ৪০ ॥
তত্রান্তর্ধানমগমত্তচ্চিত্তমপহৃত্য সঃ ।
তদা তা গোপিকাঃ সর্বাঃ দিঙ্মূঢা ইব গোগণাঃ ॥ ৪১ ॥
সমীপস্থমপি ভ্রান্ত্যা তং নাপশ্যন্নরোত্তমম্ ।
ইতস্ততো বিচিন্বন্ত্যঃ কস্তূরীমৃগবদ্বনে ॥ ৪২ ॥
অত্যন্তব্যাকুলীভূতাঃ খণ্ডিতাঃ শ্রুতয়ো য়থা ।
ব্রহ্মজ্ঞানাদ্যথা বিপ্রাঃ কালমায়াবশনুগাঃ ॥ ৪৩ ॥
তথৈতা গোপিকা ব্যাস কৃষ্ণদর্শনলালসাঃ ।
অত্যন্তবিরহাক্রান্তাস্তচ্চিত্তাস্তত্পরায়ণাঃ ॥ ৪৪ ॥
ভ্রমরীকীটবল্লীনা নান্যত্পশ্যন্তি তদ্বিনা ।
বিরহানলদগ্ধাঙ্গ্যঃ কামান্ধা ভয়বিহ্বলাঃ ॥ ৪৫ ॥
স্বাত্মানং ন বিদুর্দীনা জ্ঞানহীনা নরা ইব ।
তল্লীনমানসাকারা বিকারাদিবিবর্জিতাঃ ॥ ৪৬ ॥
তদাতিকৃপয়া কৃষ্ণো ভক্তাধীনো নিরঙ্কুশঃ ।
আবির্বভূব তত্রৈব য়থা সূর্যো নিশাত্যয়ে ॥ ৪৭ ॥
তদা তা গোপিকাঃ সর্বা দৃষ্ট্বা প্রাণপতিং হরিম্ ।
জন্মান্তরনিভং হিত্বা বিরহাগ্নিং সুদুঃসহম্ ॥ ৪৮ ॥
তবাবতারবন্মত্বা হর্ষনির্ভরমানসাঃ ।
পদ্মিন্য ইব কৃষ্ণার্কং দৃষ্ট্বা বিকসিতাস্তদা ॥ ৪৯ ॥
পপুর্নেত্রপুটৈরেনং ন চ তৃপ্তিমুপায়য়ুঃ ।
ক্রীডায়াঃ শান্তিমাপন্না মত্বা কৃষ্ণং জগদ্গুরুম্ ॥ ৫০ ॥
তং প্রত্যূচুঃ প্রীতিয়ুক্তা বিরক্তা বিরহানলাত্ ।
আসক্তাস্তত্পদে নিত্যং বিরক্তা ইব য়োগিনঃ ॥ ৫১ ॥
গোপ্য ঊচুঃ-
হে নাথ য়াহি নো দীনাস্ত্বন্নাথাস্ত্বত্পরায়ণাঃ ।
তবালম্বেন জীবন্ত্যস্তব দাস্যো বয়ং সদা ॥ ৫২ ॥
কেনোপায়েন ভো কৃষ্ণ ন ভবেদ্বিরহস্তব ।
ন ভবেত্পুনরাবৃত্তির্ন চ সংসারবাসনা ॥ ৫৩ ॥
ত্বয়ি ভক্তির্দৃঢা কেন সখীত্বং জায়তে তব ।
তদুপায়ং হি নো ব্রূহি কৃপাং কৃত্বা দয়ানিধে ॥ ৫৪ ॥
শ্রীকৃষ্ণ উবাচ-
অত্যন্তদুর্লভঃপ্রশ্নস্ত্বদীয়ঃ কলিনাশনঃ ।
ন কদাপি ময়া প্রোক্তঃ কস্যাপ্যগ্রে ব্রজাঙ্গনাঃ ॥ ৫৫ ॥
তথাপ্যত্যন্তভাবেন য়ুষ্মদ্ভক্ত্যা বশীকৃতঃ ।
রহস্যং কথয়াম্যদ্য মদীয়ং মদ্গতিপ্রদম্ ॥ ৫৬ ॥
কাদিনামসহস্রাখ্যমবিখ্যাতং ধরাতলে ।
গুহ্যাদ্গুহ্যতরং গোপ্যং বেদশাস্ত্রার্থদোহনম্ ॥ ৫৭ ॥
অলৌকিকমিদং পুংসাং সদ্যঃ শ্রেয়স্করং সতাম্ ।
শব্দব্রহ্মময়ং লোকে সূর্যবচ্চিত্প্রকাশনম্ ॥ ৫৮ ॥
সংসারসাগরে ঘোরে প্লবতুল্যং মনীষিণাম্ ।
সর্বসিদ্ধিপ্রদং পুংসামজ্ঞানার্ণবশোষণম্ ॥ ৫৯ ॥
জাতিস্মৃতিপ্রদং বিদ্যাবর্ধনং মোহনাশনম্ ।
ব্রহ্মজ্ঞানরহস্যং মে কাদিনামসহস্রকম্ ॥ ৬০ ॥
তদেবাহং প্রবক্ষ্যামি শৃণুধ্বং ভক্তিপূর্বকম্ ।
য়স্য স্মরণমাত্রেণ জীবন্মুক্তিঃ প্রজায়তে ॥ ৬১ ॥
ওঁ অস্য শ্রীপুরাণপুরুষোত্তমশ্রীকৃষ্ণকাদিসহস্রনামমন্ত্রস্য
নারদ ঋষিঃ অনুষ্টুপ্ছন্দঃ, সর্বাত্মস্বরূপী শ্রীপরমাত্মা দেবতা ।
ওঁ ইতি বীজং, নম ইতি শক্তিঃ, কৃষ্ণায়েতি কীলকং,
ধর্মার্থকামমোক্ষার্থে শ্রীকৃষ্ণপ্রীত্যর্থে জপে বিনিয়োগঃ ॥
অথ করন্যাসঃ ।
ওঁ কালাত্মেত্যঙ্গুষ্ঠাভ্যাং নমঃ ।
ওঁ কীর্তিবর্দ্ধন ইতি তর্জনীভ্যাং নমঃ ।
ওঁ কূটস্থসাক্ষীতি মধ্যমাভ্যাং নমঃ ।
ওঁ কৈবল্যজ্ঞানসাধন ইতি অনামিকাভ্যাং নমঃ ।
ওঁ কৌস্তুভোদ্ভাসিতোরস্ক ইতি কনিষ্ঠকাভ্যাং নমঃ ।
ওঁ কন্দর্পজ্বরনাশন ইতি করতলকরপৃষ্ঠাভ্যাং নমঃ ॥
অথ অঙ্গন্যাসঃ ।
ওঁ কালাত্মেতি হৃদয়ায় নমঃ ।
ওঁ কীর্তিবর্ধন ইতি শিরসে স্বাহা ।
ওঁ কূটস্থসাক্ষীতি শিখায়ৈ বষট্ ।
ওঁ কৈবল্যজ্ঞানসাধন ইতি কবচায় হুম্ ।
ওঁ কৌস্তুভোদ্ভাসিতোরস্ক ইতি নেত্রত্রয়ায় বৌষট্ ।
ওঁ কন্দর্পজ্বরনাশন ইত্যস্ত্রায় ফট্ ।
অথ ধ্যানম্ ।
বন্দে কৃষ্ণং কৃপালুং কলিকুলদলনং কেশবং কংসশত্রুং
ধর্মিষ্ঠং ব্রহ্মনিষ্ঠং দ্বিজবরবরদং কালমায়াতিরিক্তম্ ।
কালিন্দীকেলিসক্তং কুবলয়নয়নং কুণ্ডলোদ্ভাসিতাস্যং
কালাতীতস্বধামাশ্রিতনিজয়ুবতীবল্লভং কালকালম্ ॥ ৬২ ॥
শ্রীকৃষ্ণ উবাচ-
ওঁ কৃষ্ণঃ কৃষ্ণাত্মকঃ কৃষ্ণস্বরূপঃ কৃষ্ণনামধৃত্ ।
কৃষ্ণাঙ্গঃ কৃষ্ণদৈবত্যঃ কৃষ্ণারক্তবিলোচনঃ ॥ ৬৩ ॥
কৃষ্ণাশ্রয়ঃ কৃষ্ণবর্ত্ত্মা কৃষ্ণালক্তাভিরক্ষকঃ ।
কৃষ্ণেশপ্রীতিজনকঃ কৃষ্ণেশপ্রিয়কারকঃ ॥ ৬৪ ॥
কৃষ্ণেশারিষ্টসংহর্তা কৃষ্ণেশপ্রাণবল্লভঃ ।
কৃষ্ণেশানন্দজনকঃ কৃষ্ণেশায়ুর্বিবর্দ্ধনঃ ॥ ৬৫ ॥
কৃষ্ণেশারিসমূহঘ্নঃ কৃষ্ণেশাভীষ্টসিদ্ধিদঃ ।
কৃষ্ণাধীশঃ কৃষ্ণকেশঃ কৃষ্ণানন্দবিবর্দ্ধনঃ ॥ ৬৬ ॥
কৃষ্ণাগরুসুগন্ধাঢ্যঃ কৃষ্ণাগরুসুগন্ধবিত্ ।
কৃষ্ণাগরুবিবেকজ্ঞঃ কৃষ্ণাগরুবিলেপনঃ ॥ ৬৭ ॥
কৃতজ্ঞঃ কৃতকৃত্যাত্মা কৃপাসিন্ধুঃ কৃপাকরঃ ।
কৃষ্ণানন্দৈকবরদঃ কৃষ্ণানন্দপদাশ্রয়ঃ ॥ ৬৮ ॥
কমলাবল্লভাকারঃ কলিঘ্নঃ কমলাপতিঃ ।
কমলানন্দসম্পন্নঃ কমলাসেবিতাকৃতিঃ ॥ ৬৯ ॥
কমলামানসোল্লাসী কমলামানদায়কঃ ।
কমলালঙ্কৃতাকারঃ কমলাশ্রিতবিগ্রহঃ ॥ ৭০ ॥
কমলামুখপদ্মার্কঃ কমলাকরপূজিতঃ ।
কমলাকরমধ্যস্থঃ কমলাকরতোষিতঃ ॥ ৭১ ॥
কমলাকরসংসেব্যঃ কমলাকরভূষিতঃ ।
কমলাকরভাবজ্ঞঃ কমলাকরসংয়ুতঃ ॥ ৭২ ॥
কমলাকরপার্শ্বস্থঃ কমলাকররূপবান্ ।
কমলাকরশোভাঢ্যঃ কমলাকরপঙ্কজঃ ॥ ৭৩ ॥
কমলাকরপাপঘ্নঃ কমলাকরপুষ্টিকৃত্ ।
কমলারূপসৌভাগ্যবর্দ্ধনঃ কমলেক্ষণঃ ॥ ৭৪ ॥
কমলাকলিতাঙ্ঘ্র্যব্জঃ কমলাকলিতাকৃতিঃ ।
কমলাহৃদয়ানন্দবর্দ্ধনঃ কমলাপ্রিয়ঃ ॥ ৭৫ ॥
কমলাচলচিত্তাত্মা কমলালঙ্কৃতাকৃতিঃ ।
কমলাচলভাবজ্ঞঃ কমলালিঙ্গিতাকৃতিঃ ॥ ৭৬ ॥
কমলামলনেত্রশ্রীঃ কমলাচলমানসঃ ।
কমলাপরমানন্দবর্দ্ধনঃ কমলাননঃ ॥ ৭৭ ॥
কমলানন্দসৌভাগ্যবর্দ্ধনঃ কমলাশ্রয়ঃ ।
কমলাবিলসত্পাণিঃ কমলামললোচনঃ ॥ ৭৮ ॥
কমলামলভালশ্রীঃ কমলাকরপল্লবঃ ।
কমলেশঃ কমলভূঃ কমলানন্দদায়কঃ ॥ ৭৯ ॥
কমলোদ্ভবভীতিঘ্নঃ কমলোদ্ভবসংস্তুতঃ ।
কমলাকরপাশাঢ্যঃ কমলোদ্ভবপালকঃ ॥ ৮০ ॥
কমলাসনসংসেব্যঃ কমলাসনসংস্থিতঃ ।
কমলাসনরোগঘ্নঃ কমলাসনপাপহা ॥ ৮১ ॥
কমলোদরমধ্যস্থঃ কমলোদরদীপনঃ ।
কমলোদরসম্পন্নঃ কমলোদরসুন্দরঃ ॥ ৮২ ॥
কনকালঙ্কৃতাকারঃ কনকালঙ্কৃতাম্বরঃ ।
কনকালঙ্কৃতাগারঃ কনকালঙ্কৃতাসনঃ ॥ ৮৩ ॥
কনকালঙ্কৃতাস্যশ্রীঃ কনকালঙ্কৃতাস্পদঃ ।
কনকালঙ্কৃতাঙ্ঘ্র্যব্জঃ কনকালঙ্কৃতোদরঃ ॥ ৮৪ ॥
কনকাম্বরশোভাঢ্যঃ কনকাম্বরভূষণঃ ।
কনকোত্তমভালশ্রীঃ কনকোত্তমরূপধৃক্ ॥ ৮৫ ॥
কনকাগারমধ্যস্থঃ কনকাগারকারকঃ ।
কনকাচলমধ্যস্থঃ কনকাচলপালকঃ ॥ ৮৬ ॥
কনকাচলশোভাঢ্যঃ কনকাচলভূষণঃ ।
কনকৈকপ্রজাকর্তা কনকৈকপ্রদায়কঃ ॥ ৮৭ ॥
কলাননঃ কলরবঃ কলস্ত্রীপরিবেষ্টিতঃ ।
কলহংসপরিত্রাতা কলহংসপরাক্রমঃ ॥ ৮৮ ॥
কলহংসসমানশ্রীঃ কলহংসপ্রিয়ঙ্করঃ ।
কলহংসস্বভাবস্থঃ কলহংসৈকমানসঃ ॥ ৮৯ ॥
কলহংসসমারূঢঃ কলহংসসমপ্রভঃ ।
কলহংসবিবেকজ্ঞঃ কলহংসগতিপ্রদঃ ॥ ৯০ ॥
কলহংসপরিত্রাতা কলহংসসুখাস্পদঃ ।
কলহংসকুলাধীশঃ কলহংসকুলাস্পদঃ ॥ ৯১ ॥
কলহংসকুলাধারঃ কলহংসকুলেশ্বরঃ ।
কলহংসকুলাচারী কলহংসকুলপ্রিয়ঃ ॥ ৯২ ॥
কলহংসকুলত্রাতা কলহংসকুলাত্মকঃ ।
কবীশঃ কবিভাবস্থঃ কবিনাথঃ কবিপ্রিয়ঃ ॥ ৯৩ ॥
কবিমানসহংসাত্মা কবিবংশবিভূষণঃ ।
কবিনায়কসংসেব্যঃ কবিনায়কপালকঃ ॥ ৯৪ ॥
কবিবংশৈকবরদঃ কবিবংশশিরোমণিঃ ।
কবিবংশবিবেকজ্ঞঃ কবিবংশপ্রবোধকঃ ॥ ৯৫ ॥
কবিবংশপরিত্রাতা কবিবংশপ্রভাববিত্ ।
কবিত্বামৃতসংসিদ্ধঃ কবিত্বামৃতসাগরঃ ॥ ৯৬ ॥
কবিত্বাকারসংয়ুক্তঃ কবিত্বাকারপালকঃ ।
কবিত্বাদ্বৈতভাবস্থঃ কবিত্বাশ্রয়কারকঃ ॥ ৯৭ ॥
কবীন্দ্রহৃদয়ানন্দী কবীন্দ্রহৃদয়াস্পদঃ ।
কবীণ্দ্রহৃদয়ান্তঃস্থঃ কবীন্দ্রজ্ঞানদায়কঃ ॥ ৯৮ ॥
কবীন্দ্রহৃদয়াম্ভোজপ্রকাশৈকদিবাকরঃ ।
কবীন্দ্রহৃদয়াম্ভোজাহ্লাদনৈকনিশাকরঃ ॥ ৯৯ ॥
কবীন্দ্রহৃদয়াব্জস্থঃ কবীন্দ্রপ্রতিবোধকঃ ।
কবীন্দ্রানন্দজনকঃ কবীন্দ্রাশ্রিতপঙ্কজঃ ॥ ১০০ ॥
কবিশব্দৈকবরদঃ কবিশব্দৈকদোহনঃ ।
কবিশব্দৈকভাবস্থঃ কবিশব্দৈককারণঃ ॥ ১০১ ॥
কবিশব্দৈকসংস্তুত্যঃ কবিশব্দৈকভূষণঃ ।
কবিশব্দৈকরসিকঃ কবিশব্দবিবেকবিত্ ॥ ১০২ ॥
কবিত্বব্রহ্মবিখ্যাতঃ কবিত্বব্রহ্মগোচরঃ ।
কবিবাণীবিবেকজ্ঞঃ কবিবাণীবিভূষণঃ ॥ ১০৩ ॥
কবিবাণীসুধাস্বাদী কবিবাণীসুধাকরঃ ।
কবিবাণীবিবেকস্থঃ কবিবাণীবিবেকবিত্ ॥ ১০৪ ॥
কবিবাণীপরিত্রাতা কবিবাণীবিলাসবান্ ।
কবিশক্তিপ্রদাতা চ কবিশক্তিপ্রবর্তকঃ ॥ ১০৫ ॥
কবিশক্তিসমূহস্থঃ কবিশক্তিকলানিধিঃ ।
কলাকোটিসমায়ুক্তঃ কলাকোটিসমাবৃতঃ ॥ ১০৬ ॥
কলাকোটিপ্রকাশস্থঃ কলাকোটিপ্রবর্তকঃ ।
কলানিধিসমাকারঃ কলানিধিসমন্বিতঃ ॥ ১০৭ ॥
কলাকোটিপরিত্রাতা কলাকোটিপ্রবর্ধনঃ ।
কলানিধিসুধাস্বাদী কলানিধিসমাশ্রিতঃ ॥ ১০৮ ॥
কলঙ্করহিতাকারঃ কলঙ্করহিতাস্পদঃ ।
কলঙ্করহিতানন্দঃ কলঙ্করহিতাত্মকঃ ॥ ১০৯ ॥
কলঙ্করহিতাভাসঃ কলঙ্করহিতোদয়ঃ ।
কলঙ্করহিতোদ্দেশঃ কলঙ্করহিতাননঃ ॥ ১১০ ॥
কলঙ্করহিতশ্রীশঃ কলঙ্করহিতস্তুতিঃ ।
কলঙ্করহিতোত্সাহঃ কলঙ্করহিতপ্রিয়ঃ ॥ ১১১ ॥
কলঙ্করহিতোচ্চারঃ কলঙ্করহিতেন্দিরয়ঃ ।
কলঙ্করহিতাকারঃ কলঙ্করহিতোত্সবঃ ॥ ১১২ ॥
কলঙ্কাঙ্কিতদুষ্টঘ্নঃ কলঙ্কাঙ্কিতধর্মহা ।
কলঙ্কাঙ্কিতকর্মারিঃ কলঙ্কাঙ্কিতমার্গহৃত্ ॥ ১১৩ ॥
কলঙ্কাঙ্কিতদুর্দ্দর্শঃ কলঙ্কাঙ্কিতদুঃসহঃ ।
কলঙ্কাঙ্কিতদূরস্থঃ কলঙ্কাঙ্কিতদূষণঃ ॥ ১১৪ ॥
কলহোত্পত্তিসংহর্তা কলহোত্পত্তিকৃদ্রিপুঃ ।
কলহাতীতধামস্থঃ কলহাতীতনায়কঃ ॥ ১১৫ ॥
কলহাতীততত্ত্বজ্ঞঃ কলহাতীতবৈভবঃ ।
কলহাতীতভাবস্থঃ কলহাতীতসত্তমঃ ॥ ১১৬ ॥
কলিকালবলাতীতঃ কলিকালবিলোপকঃ ।
কলিকালৈকসংহর্তা কলিকালৈকদূষণঃ ॥ ১১৭ ॥
কলিকালকুলধ্বংসী কলিকালকুলাপহঃ ।
কলিকালভয়চ্ছেত্তা কলিকালমদাপহঃ ॥ ১১৮ ॥
কলিক্লেশবিনির্মুক্তঃ কলিক্লেশবিনাশনঃ ।
কলিগ্রস্তজনত্রাতা কলিগ্রস্তনিজার্তিহা ॥ ১১৯ ॥
কলিগ্রস্তজগন্মিত্রঃ কলিগ্রস্তজগত্পতিঃ ।
কলিগ্রস্তজগত্ত্রাতা কলিপাশবিনাশনঃ ॥ ১২০ ॥
কলিমুক্তিপ্রাদাতা কঃ কলিমুক্তকলেবরঃ ।
কলিমুক্তমনোবৃত্তিঃ কলিমুক্তমহামতিঃ ॥ ১২১ ॥
কলিকালমতাতীতঃ কলিধর্মবিলোপকঃ ।
কলিধর্মাধিপধ্বংসী কলিধর্মৈকখণ্ডনঃ ॥ ১২২ ॥
কলিধর্মাধিপালক্ষ্যঃ কলিকালবিকারহা ।
কলিকর্মকথাতীতঃ কলিকর্মকথারিপুঃ ॥ ১২৩ ॥
কলিকষ্টৈকশমনঃ কলিকষ্টবিবর্জ্জিতঃ ।
কলিঘ্নঃ কলিধর্মঘ্নঃ কলিধর্মাধিকারিহা ॥ ১২৪ ॥
কর্মবিত্কর্মকৃত্কর্মী কর্মকাণ্ডৈকদোহনঃ ।
কর্মস্থঃ কর্মজনকঃ কর্মিষ্ঠঃ কর্মসাধনঃ ॥ ১২৫ ॥
কর্মকর্তা কর্মভর্তা কর্মহর্তা চ কর্মজিত্ ।
কর্মজাতজগত্ত্রাতা কর্মজাতজগত্পতিঃ ॥ ১২৬ ॥
কর্মজাতজগন্মিত্রঃ কর্মজাতজগদ্গুরুঃ ।
কর্মভূতভবচ্ছাত্রঃ কর্মভূতভবাতিহা ॥ ১২৭ ॥
কর্মকাণ্ডপরিজ্ঞাতা কর্মকাণ্ডপ্রবর্ত্তকঃ ।
কর্মকাণ্ডপরিত্রাতা কর্মকাণ্ডপ্রমাণকৃত্ ॥ ১২৮ ॥
কর্মকাণ্ডবিবেকজ্ঞঃ কর্মকাণ্ডপ্রকারকঃ ।
কর্মকাণ্ডবিবেকস্থঃ কর্মকাণ্ডৈকদোহনঃ ॥ ১২৯ ॥
কর্মকাণ্ডরতাভীষ্টপ্রদাতা কর্মতত্পরঃ ।
কর্মবদ্ধজগত্ত্রাতা কর্মবদ্ধজগদ্গুরুঃ ॥ ১৩০ ॥
কর্মবন্ধার্তিশমনঃ কর্মবন্ধবিমোচনঃ ।
কর্মিষ্ঠদ্বিজবর্যস্থঃ কর্মিষ্ঠদ্বিজবল্লভঃ ॥ ১৩১ ॥
কর্মিষ্ঠদ্বিজজীবাত্মা কর্মিষ্ঠদ্বিজজীবনঃ ।
কর্মিষ্ঠদ্বিজভাবজ্ঞঃ কর্মিষ্ঠদ্বিজপালকঃ ॥ ১৩২ ॥
কর্মিষ্ঠদ্বিজজাতিস্থঃ কর্মিষ্ঠদ্বিজকামদঃ ।
কর্মিষ্ঠদ্বিজসংসেব্যঃ কর্মিষ্ঠদ্বিজপাপহা ॥ ১৩৩ ॥
কর্মিষ্ঠদ্বিজবুদ্ধিস্থঃ কর্মিষ্ঠদ্বিজবোধকঃ ।
কর্মিষ্ঠদ্বিজভীতিঘ্নঃ কর্মিষ্ঠদ্বিজমুক্তিদঃ ॥ ১৩৪ ॥
কর্মিষ্ঠদ্বিজদোষঘ্নঃ কর্মিষ্ঠদ্বিজকামধুক্ ।
কর্মিষ্ঠদ্বিজসম্পূজ্যঃ কর্মিষ্ঠদ্বিজতারকঃ ॥ ১৩৫ ॥
কর্মিষ্ঠারিষ্টসংহর্তা কর্মিষ্ঠাভীষ্টসিদ্ধিদঃ ।
কর্মিষ্ঠাদৃষ্টমধ্যস্থঃ কর্মিষ্ঠাদৃষ্টবর্ধনঃ ॥ ১৩৬ ॥
কর্মমূলজগদ্ধেতুঃ কর্মমূলনিকন্দনঃ ।
কর্মবীজপরিত্রাতা কর্মবীজবিবর্দ্ধনঃ ॥ ১৩৭ ॥
কর্মদ্রুমফলাধীশঃ কর্মদ্রুমফলপ্রদঃ ।
কস্তূরীদ্রবলিপ্তাঙ্গঃ কস্তূরীদ্রববল্লভঃ ॥ ১৩৮ ॥
কস্তূরীসৌরভগ্রাহী কস্তূরীমৃগবল্লভঃ ।
কস্তূরীতিলকানন্দী কস্তূরীতিলকপ্রিয়ঃ ॥ ১৩৯ ॥
কস্তূরীতিলকাশ্লেষী কস্তূরীতিলকাঙ্কিতঃ ।
কস্তূরীবাসনালীনঃ কস্তূরীবাসনাপ্রিয়ঃ ॥ ১৪০ ॥
কস্তূরীবাসনারূপঃ কস্তূরীবাসনাত্মকঃ ।
কস্তূরীবাসনান্তঃস্থঃ কস্তূরীবাসনাস্পদঃ ॥ ১৪১ ॥
কস্তূরীচন্দনগ্রাহী কস্তূরীচন্দনার্চিতঃ ।
কস্তূরীচন্দনাগারঃ কস্তূরীচন্দনান্বিতঃ ॥ ১৪২ ॥
কস্তূরীচন্দনাকারঃ কস্তূরীচন্দনাসনঃ ।
কস্তূরীচর্চিতোরস্কঃ কস্তূরীচর্বিতাননঃ ॥ ১৪৩ ॥
কস্তূরীচর্বিতশ্রীশঃ কস্তূরীচর্চিতাম্বরঃ ।
কস্তূরীচর্চিতাস্যশ্রীঃ কস্তূরীচর্চিতপ্রিয়ঃ ॥ ১৪৪ ॥
কস্তূরীমোদমুদিতঃ কস্তূরীমোদবর্দ্ধনঃ ।
কস্তূরীমোদদীপ্তাঙ্গঃ কস্তূরীসুন্দরাকৃতিঃ ॥ ১৪৫ ॥
কস্তূরীমোদরসিকঃ কস্তূরীমোদলোলুপঃ ।
কস্তূরীপরমানন্দী কস্তূরীপরমেশ্বরঃ ॥ ১৪৬ ॥
কস্তূরীদানসন্তুষ্টঃ কস্তূরীদানবল্লভঃ ।
কস্তূরীপরমাহ্লাদঃ কস্তূরীপুষ্টিবর্দ্ধনঃ ॥ ১৪৭ ॥
কস্তূরীমুদিতাত্মা চ কস্তূরীমুদিতাশয়ঃ ।
কদলীবনমধ্যস্থঃ কদলীবনপালকঃ ॥ ১৪৮ ॥
কদলীবনসঞ্চারী কদলীবনবল্লভঃ ।
কদলীদর্শনানন্দী কদলীদর্শনোত্সুকঃ ॥ ১৪৯ ॥
কদলীপল্লবাস্বাদী কদলীপল্লবাশ্রয়ঃ ।
কদলীফলসন্তুষ্টঃ কদলীফলদায়কঃ ॥ ১৫০ ॥
কদলীফলসম্পুষ্টঃ কদলীফলভোজনঃ ।
কদলীফলবর্যাশী কদলীফলতোষিতঃ ॥ ১৫১ ॥
কদলীফলমাধুর্যবল্লভঃ কদলীপ্রিয়ঃ ।
কপিধ্বজসমায়ুক্তঃ কপিধ্বজপরিস্তুতঃ ॥ ১৫২ ॥
কপিধ্বজপরিত্রাতা কপিধ্বজসমাশ্রিতঃ ।
কপিধ্বজপদান্তস্থঃ কপিধ্বজজয়প্রদঃ ॥ ১৫৩ ॥
কপিধ্বজরথারূঢঃ কপিধ্বজয়শঃপ্রদঃ ।
কপিধ্বজৈকপাপঘ্নঃ কপিধ্বজসুখপ্রদঃ ॥ ১৫৪ ॥
কপিধ্বজারিসংহর্তা কপিধ্বজভয়াপহঃ ।
কপিধ্বজমনোঽভিজ্ঞঃ কপিধ্বজমতিপ্রদঃ ॥ ১৫৫ ॥
কপিধ্বজসুহৃন্মিত্রঃ কপিধ্বজসুহৃত্সখঃ ।
কপিধ্বজাঙ্গনারাধ্যঃ কপিধ্বজগতিপ্রদঃ ॥ ১৫৬ ॥
কপিধ্বজাঙ্গনারিঘ্নঃ কপিধ্বজরতিপ্রদঃ ।
কপিধ্বজকুলত্রাতা কপিধ্বজকুলারিহা ॥ ১৫৭ ॥
কপিধ্বজকুলাধীশঃ কপিধ্বজকুলপ্রিয়ঃ ।
কপীন্দ্রসেবিতাঙ্ঘ্র্যব্জঃ কপীন্দ্রস্তুতিবল্লভঃ ॥ ১৫৮ ॥
কপীন্দ্রানন্দজনকঃ কপীন্দ্রাশ্রিতবিগ্রহঃ ।
কপীণ্দ্রাশ্রিতপাদাব্জঃ কপীন্দ্রাশ্রিতমানসঃ ॥ ১৫৯ ॥
কপীন্দ্রারাধিতাকারঃ কপীন্দ্রাভীষ্টসিদ্ধিদঃ ।
কপীন্দ্রারাতিসংহর্তা কপীন্দ্রাতিবলপ্রদঃ ॥ ১৬০ ॥
কপীন্দ্রৈকপরিত্রাতা কপীন্দ্রৈকয়শঃপ্রদঃ ॥ ১৬১ ॥
কপীন্দ্রানন্দসম্পন্নঃ কপীন্দ্রানন্দবর্দ্ধনঃ ।
কপীন্দ্রধ্যানগম্যাত্মা কপীন্দ্রজ্ঞানদায়কঃ ॥ ১৬২ ॥
কল্যাণমঙ্গলাকারঃ কল্যাণমঙ্গলাস্পদঃ ।
কল্যাণমঙ্গলাধীশঃ কল্যাণমঙ্গলপ্রদঃ ॥ ১৬৩ ॥
কল্যাণমঙ্গলাগারঃ কল্যাণমঙ্গলাত্মকঃ ।
কল্যাণানন্দসপন্নঃ কল্যাণানন্দবর্ধনঃ ॥ ১৬৪ ॥
কল্যাণানন্দসহিতঃ কল্যাণানন্দদায়কঃ ॥ ১৬৫ ॥
কল্যাণানন্দসন্তুষ্টঃ কল্যাণানন্দসংয়ুতঃ ।
কল্যাণীরাগসঙ্গীতঃ কল্যাণীরাগবল্লভঃ ॥ ১৬৬ ॥
কল্যাণীরাগরসিকঃ কল্যাণীরাগকারকঃ ।
কল্যাণীকেলিকুশলঃ কল্যাণীপ্রিয়দর্শনঃ ॥ ১৬৭ ॥
কল্পশাস্ত্রপরিজ্ঞাতা কল্পশাস্ত্রার্থদোহনঃ ।
কল্পশাস্ত্রসমুদ্ধর্তা কল্পশাস্ত্রপরিস্তুতঃ ॥ ১৬৮ ॥
কল্পকোটিশতাতীতঃ কল্পকোটিশতোত্তরঃ ।
কল্পকোটিশতজ্ঞানী কল্পকোটিশতপ্রভুঃ ॥ ১৬৯ ॥
কল্পবৃক্ষসমাকারঃ কল্পবৃক্ষসমপ্রভঃ ।
কল্পবৃক্ষসমোদারঃ কল্পবৃক্ষসমস্থিতঃ ॥ ১৭০ ॥
কল্পবৃক্ষপরিত্রাতা কল্পবৃক্ষসমাবৃতঃ ।
কল্পবৃক্ষবনাধীশঃ কল্পবৃক্ষবনাস্পদঃ ॥ ১৭১ ॥
কল্পান্তদহনাকারঃ কল্পান্তদহনোপমঃ ।
কল্পান্তকালশমনঃ কল্পান্তাতীতবিগ্রহঃ ॥ ১৭২ ॥
কলশোদ্ভবসংসেব্যঃ কলশোদ্ভববল্লভঃ ।
কলশোদ্ভবভীতিঘ্নঃ কলশোদ্ভবসিদ্ধিদঃ ॥ ১৭৩ ॥
কপিলঃ কপিলাকারঃ কপিলপ্রিয়দর্শনঃ ।
কর্দ্দমাত্মজভাবস্থঃ কর্দ্দমপ্রিয়কারকঃ ॥ ১৭৪ ॥
কন্যকানীকবরদঃ কন্যকানীকবল্লভঃ ।
কন্যকানীকসংস্তুত্যঃ কন্যকানীকনায়কঃ ॥ ১৭৫ ॥
কন্যাদানপ্রদত্রাতা কন্যাদানপ্রদপ্রিয়ঃ ।
কন্যাদানপ্রভাবজ্ঞঃ কন্যাদানপ্রদায়কঃ ॥ ১৭৬ ॥
কশ্যপাত্মজভাবস্থঃ কশ্যপাত্মজভাস্করঃ ।
কশ্যপাত্মজশত্রুঘ্নঃ কশ্যপাত্মজপালকঃ ॥ ১৭৭ ॥
কশ্যপাত্মজমধ্যস্থঃ কশ্যপাত্মজবল্লভঃ ।
কশ্যপাত্মজভীতিঘ্নঃ কশ্যপাত্মজদুর্লভঃ ॥ ১৭৮ ॥
কশ্যপাত্মজভাবস্থঃ কশ্যপাত্মজভাববিত্ ।
কশ্যপোদ্ভবদৈত্যারিঃ কশ্যপোদ্ভবদেবরাট্ ॥ ১৭৯ ॥
কশ্পয়ানন্দজনকঃ কশ্যপানন্দবর্দ্ধনঃ ।
কশ্যপারিষ্টসংহর্তা কশ্যপাভীষ্টসিদ্ধিদঃ ॥ ১৮০ ॥
কর্তৃকর্মক্রিয়াতীতঃ কর্তৃকর্মক্রিয়ান্বয়ঃ ।
কর্তৃকর্মক্রিয়ালক্ষ্যঃ কর্তৃকর্মক্রিয়াস্পদঃ ॥ ১৮১ ॥
কর্তৃকর্মক্রিয়াধীশঃ কর্তৃকর্মক্রিয়াত্মকঃ ।
কর্তৃকর্মক্রিয়াভাসঃ কর্তৃকর্মক্রিয়াপ্রদঃ ॥ ১৮২ ॥
কৃপানাথঃ কৃপাসিন্ধুঃ কৃপাধীশঃ কৃপাকরঃ ।
কৃপাসাগরমধ্যস্থঃ কৃপাপাত্রঃ কৃপানিধিঃ ॥ ১৮৩ ॥
কৃপাপাত্রৈকবরদঃ কৃপাপাত্রভয়াপহঃ ।
কৃপাকটাক্ষপাপঘ্নঃ কৃতকৃত্যঃ কৃতান্তকঃ ॥ ১৮৪ ॥
কদম্ববনমধ্যস্থঃ কদম্বকুসুমপ্রিয়ঃ ।
কদম্ববনসঞ্চারী কদম্ববনবল্লভঃ ॥ ১৮৫ ॥
কর্পূরামোদমুদিতঃ কর্পূরামোদবল্লভঃ ।
কর্পূরবাসনাসক্তঃ কর্পূরাগরুচর্চিতঃ ॥ ১৮৬ ॥
করুণারসংসম্পূর্ণঃ করুণারসবর্ধনঃ ।
করুণাকরবিখ্যাতঃ করুণাকরসাগরঃ ॥ ১৮৭ ॥
কালাত্মা কালজনকঃ কালাগ্নিঃ কালসংজ্ঞকঃ ।
কালঃ কালকলাতীতঃ কালস্থঃ কালভৈরবঃ ॥ ১৮৮ ॥
কালজ্ঞঃ কালসংহর্তা কালচক্রপ্রবর্তকঃ ।
কালরূপঃ কালনাথঃ কালকৃত্কালিকাপ্রিয়ঃ ॥ ১৮৯ ॥
কালৈকবরদঃ কালঃ কারণঃ কালরূপভাক্ ।
কালমায়াকলাতীতঃ কালমায়াপ্রবর্তকঃ ॥ ১৯০ ॥
কালমায়াবিনির্মুক্তঃ কালমায়াবলাপহঃ ।
কালত্রয়গতিজ্ঞাতা কালত্রয়পরাক্রমঃ ॥ ১৯১ ॥
কালজ্ঞানকলাতীতঃ কালজ্ঞানপ্রদায়কঃ ।
কালজ্ঞঃ কালরহিতঃ কালাননসমপ্রভঃ ॥ ১৯২ ॥
কালচক্রৈক হেতুস্থঃ কালরাত্রিদুরত্যয়ঃ ।
কালপাশবিনির্মুক্তঃ কালপাশবিমোচনঃ ॥ ১৯৩ ॥
কালব্যালৈকদলনঃ কালব্যালভয়াপহঃ ।
কালকর্মকলাতীতঃ কালকর্মকলাশ্রয়ঃ ॥ ১৯৪ ॥
কালকর্মকলাধীশঃ কালকর্মকলাত্মকঃ ।
কালব্যালপরিগ্রস্তনিজভক্তৈকমোচনঃ ॥ ১৯৫ ॥
কাশিরাজশিরশ্ছেত্তা কাশীশপ্রিয়কারকঃ ।
কাশীস্থার্তিহরঃ কাশীমধ্যস্থঃ কাশিকাপ্রিয়ঃ ॥ ১৯৬ ॥
কাশীবাসিজনানন্দী কাশীবাসিজনপ্রিয়ঃ ।
কাশীবাসিজনত্রাতা কাশীবাসিজনস্তুতঃ ॥ ১৯৭ ॥
কাশীবাসিবিকারঘ্নঃ কাশীবাসিবিমোচনঃ ।
কাশীবাসিজনোদ্ধর্তা কাশীবাসকুলপ্রদঃ ॥ ১৯৮ ॥
কাশীবাস্যাশ্রিতাঙ্ঘ্র্যব্জঃ কাশীবাসিসুখপ্রদঃ ।
কাশীস্থাভীষ্টফলদঃ কাশীস্থারিষ্টনাশনঃ ॥ ১৯৯ ॥
কাশীস্থদ্বিজসংসেব্যঃ কাশীস্থদ্বিজপালকঃ ।
কাশীস্থদ্বিজসদ্বুদ্ধিপ্রদাতা কাশিকাশ্রয়ঃ ॥ ২০০ ॥
কান্তীশঃ কান্তিদঃ কান্তঃ কান্তারপ্রিয়দর্শনঃ ।
কান্তিমান্কান্তিজনকঃ কান্তিস্থঃ কান্তিবর্ধনঃ ॥ ২০১ ॥
কালাগরুসুগন্ধাঢ্যঃ কালাগরুবিলেপনঃ ।
কালাগরুসুগন্ধজ্ঞঃ কালাগরুসুগন্ধকৃত্ ॥ ২০২ ॥
কাপট্যপটলচ্ছেত্তা কায়স্থঃ কায়বর্ধনঃ ।
কায়ভাগ্ভয়ভীতিঘ্নঃ কায়রোগাপহারকঃ ॥ ২০৩ ॥
কার্যকারণকর্তৃস্থঃ কার্যকারণকারকঃ ।
কার্যকারণসম্পন্নঃ কার্যকারণসিদ্ধিদঃ ॥ ২০৪ ॥
কাব্যামৃতরসাস্বাদী কাব্যামৃতরসাত্মকঃ ।
কাব্যামৃতরসাভিজ্ঞঃ কার্যামৃতরসপ্রিয়ঃ ॥ ২০৫ ॥
কাদিবর্ণৈকজনকঃ কাদিবর্ণপ্রবর্তকঃ ।
কাদিবর্ণবিবেকজ্ঞঃ কাদিবর্ণবিনোদবান্ ॥ ২০৬ ॥
কাদিহাদিমনুজ্ঞাতা কাদিহাদিমনুপ্রিয়ঃ ।
কাদিহাদিমনূদ্ধারকারকঃ কাদিসংজ্ঞকঃ ॥ ২০৭ ॥
কালুষ্যরহিতাকারঃ কালুষ্যৈকবিনাশনঃ ।
কারাগৃহবিমুক্তাত্মা কারাগৃহবিমোচনঃ ॥ ২০৮ ॥
কামাত্মা কামদঃ কামী কামেশঃ কামপূরকঃ ।
কামহৃত্কামজনকঃ কামিকামপ্রদায়কঃ ॥ ২০৯ ॥
কামপালঃ কামভর্তা কামকেলিকলানিধিঃ ।
কামকেলিকলাসক্তঃ কামকেলিকলাপ্রিয়ঃ ॥ ২১০ ॥
কামবীজৈকবরদঃ কামবীজসমন্বিতঃ ।
কামজিত্কামবরদঃ কামক্রীডাতিলালসঃ ॥ ২১১ ॥
কামার্তিশমনঃ কামালঙ্কৃতঃ কামসংস্তুতঃ ।
কামিনীকামজনকঃ কামিনীকামবর্ধনঃ ॥ ২১২ ॥
কামিনীকামরসিকঃ কামিনীকামপূরকঃ ।
কামিনীমানদঃ কামকলাকৌতূহলপ্রিয়ঃ ॥ ২১৩ ॥
কামিনীপ্রেমজনকঃ কামিনীপ্রেমবর্ধনঃ ।
কামিনীহাবভাবজ্ঞঃ কামিনীপ্রীতিবর্ধনঃ ॥ ২১৪ ॥
কামিনীরূপরসিকঃ কামিনীরূপভূষণঃ ।
কামিনীমানসোল্লাসী কামিনীমানসাস্পদঃ ॥ ২১৫ ॥
কামিভক্তজনত্রাতা কামিভক্তজনপ্রিয়ঃ ।
কামেশ্বরঃ কামদেবঃ কামবীজৈকজীবনঃ ॥ ২১৬ ॥
কালিন্দীবিষসংহর্তা কালিন্দীপ্রাণজীবনঃ ।
কালিন্দীহৃদয়ানন্দী কালিন্দীনীরবল্লভঃ ॥ ২১৬ ॥
কালিন্দীকেলিকুশলঃ কালিন্দীপ্রীতিবর্ধনঃ ।
কালিন্দীকেলিরসিকঃ কালিন্দীকেলিলালসঃ ॥ ২১৮ ॥
কালিন্দীনীরসঙ্খেলদ্গোপীয়ূথসমাবৃতঃ ।
কালিন্দীনীরমধ্যস্থঃ কালিন্দীনীরকেলিকৃত্ ॥ ২১৯ ॥
কালিন্দীরমণাসক্তঃ কালিনাগমদাপহঃ ।
কামধেনুপরিত্রাতা কামধেনুসমাবৃতঃ ॥ ২২০ ॥
কাঞ্চনাদ্রিসমানশ্রীঃ কাঞ্চনাদ্রিনিবাসকৃত্ ।
কাঞ্চনাভূষণাসক্তঃ কাঞ্চনৈকবিবর্ধনঃ ॥ ২২১ ॥
কাঞ্চনাভশ্রিয়াসক্তঃ কাঞ্চনাভশ্রিয়াশ্রিতঃ ।
কার্তিকেয়ৈকবরদঃ কার্তবীর্যমদাপহঃ ॥ ২২২ ॥
কিশোরীনায়িকাসক্তঃ কিশোরীনায়িকাপ্রিয়ঃ ।
কিশোরীকেলিকুশলঃ কিশোরীপ্রাণজীবনঃ ॥ ২২৩ ॥
কিশোরীবল্লভাকারঃ কিশোরীপ্রাণবল্লভঃ ।
কিশোরীপ্রীতিজনকঃ কিশোরীপ্রিয়দর্শনঃ ॥ ২২৪ ॥
কিশোরীকেলিসংসক্তঃ কিশোরীকেলিবল্লভঃ ।
কিশোরীকেলিসংয়ুক্তঃ কিশোরীকেলিলোলুপঃ ॥ ২২৫ ॥
কিশোরীহৃদয়ানন্দী কিশোরীহৃদয়াস্পদঃ ।
কিশোরীশঃ কিশোরাত্মা কিশোরঃ কিংশুকাকৃতিঃ ॥ ২২৬ ॥
কিংশুকাভরণালক্ষ্যঃ কিংশুকাভরণান্বিতঃ ।
কীর্তিমান্কীর্তিজনকঃ কীর্তনীয়পরাক্রমঃ ॥ ২২৭ ॥
কীর্তনীয়য়শোরাশিঃ কীর্তিস্থঃ কীর্তনপ্রিয়ঃ ।
কীর্তিশ্রীমতিদঃ কীশঃ কীর্তিজ্ঞঃ কীর্তিবর্ধনঃ ॥ ২২৮ ॥
ক্রিয়াত্মকঃ ক্রিয়াধারঃ কির্যাভাসঃ ক্রিয়াস্পদঃ ।
কীলালামলচিদ্বৃত্তিঃ কীলালাশ্রয়কারণঃ ॥ ২২৯ ॥
কুলধর্মাধিপাধীশঃ কুলধর্মাধিপপ্রিয়ঃ ।
কুলধর্মপরিত্রাতা কুলধর্মপতিস্তুতঃ ॥ ২৩০ ॥
কুলধর্মপদাধারঃ কুলধর্মপদাশ্রয়ঃ ।
কুলধর্মপতিপ্রাণঃ কুলধর্মপতিপ্রিয়ঃ ॥ ২৩১ ॥
কুলধর্মপতিত্রাতা কুলধর্মৈকরক্ষকঃ ।
কুলধর্মসমাসক্তঃ কুলধর্মৈকদোহনঃ ॥ ২৩২ ॥
কুলধর্মসমুদ্ধর্তা কুলধর্মপ্রভাববিত্ ।
কুলধর্মসমারাধ্যঃ কুলধর্মধুরন্ধরঃ ॥ ২৩৩ ॥
কুলমার্গরতাসক্তঃ কুলমার্গরতাশ্রয়ঃ ।
কুলমার্গসমাসীনঃ কুলমার্গসমুত্সুকঃ ॥ ২৩৪ ॥
কুলধর্মাধিকারস্থঃ কুলধর্মবিবর্ধনঃ ।
কুলাচারবিচারজ্ঞঃ কুলাচারসমাশ্রিতঃ ॥ ২৩৫ ॥
কুলাচারসমায়ুক্তঃ কুলাচারসুখপ্রদঃ ।
কুলাচারাতিচতুরঃ কুলাচারাতিবল্লভঃ ॥ ২৩৬ ॥
কুলাচারপবিত্রাঙ্গঃ কুলাচারপ্রমাণকৃত্ ।
কুলবৃক্ষৈকজনকঃ কুলবৃক্ষবিবর্ধনঃ ॥ ২৩৭ ॥
কুলবৃক্ষপরিত্রাতা কুলবৃক্ষফলপ্রদঃ ।
কুলবৃক্ষফলাধীশঃ কুলবৃক্ষফলাশনঃ ॥ ২৩৮ ॥
কুলমার্গকলাভিজ্ঞঃ কুলমার্গকলান্বিতঃ ।
কুকর্মনিরতাতীতঃ কুকর্মনিরতান্তকঃ ॥ ২৩৯ ॥
কুকর্মমার্গরহিতঃ কুকর্মৈকনিষূদনঃ ।
কুকর্মরহিতাধীশঃ কুকর্মরহিতাত্মকঃ ॥ ২৪০ ॥
কুকর্মরহিতাকারঃ কুকর্মরহিতাস্পদঃ ।
কুকর্মরহিতাচারঃ কুকর্মরহিতোত্সবঃ ॥ ২৪১ ॥
কুকর্মরহিতোদ্দেশঃ কুকর্মরহিতপ্রিয়ঃ ।
কুকর্মরহিতান্তস্থঃ কুকর্মরহিতেশ্বরঃ ॥ ২৪২ ॥
কুকর্মরহিতস্ত্রীশঃ কুকর্মরহিতপ্রজঃ ।
কুকর্মোদ্ভবপাপঘ্নঃ কুকর্মোদ্ভবদুঃখহা ॥ ২৪৩ ॥
কুতর্করহিতাধীশঃ কুতর্করহিতাকৃতিঃ ।
কূটস্থসাক্ষী কূটাত্মা কূটস্থাক্ষরনায়কঃ ॥ ২৪৪ ॥
কূটস্থাক্ষরসংসেব্যঃ কূটস্থাক্ষরকারণঃ ।
কুবেরবন্ধুঃ কুশলঃ কুম্ভকর্ণবিনাশনঃ ॥ ২৪৫ ॥
কূর্মাকৃতিধরঃ কূর্মঃ কূর্মস্থাবনিপালকঃ ।
কুমারীবরদঃ কুস্থঃ কুমারীগণসেবিতঃ ॥ ২৪৬ ॥
কুশস্থলীসমাসীনঃ কুশদৈত্যবিনাশনঃ ।
কেশবঃ ক্লেশসংহর্তা কেশিদৈত্যবিনাশনঃ ॥ ২৪৭ ॥
ক্লেশহীনমনোবৃত্তিঃ ক্লেশহীনপরিগ্রহঃ ।
ক্লেশাতীতপদাধীশঃ ক্লেশাতীতজনপ্রিয়ঃ ॥ ২৪৮ ॥
ক্লেশাতীতশুভাকারঃ ক্লেশাতীতসুখাস্পদঃ ।
ক্লেশাতীতসমাজস্থঃ ক্লেশাতীতমহামতিঃ ॥ ২৪৯ ॥
ক্লেশাতীতজনত্রাতা ক্লেশহীনজনেশ্বরঃ ।
ক্লেশহীনস্বধর্মস্থঃ ক্লেশহীনবিমুক্তিদঃ ॥ ২৫০ ॥
ক্লেশহীননরাধীশঃক্লেশহীননরোত্তমঃ ।
ক্লেশাতিরিক্তসদনঃ ক্লেশমূলনিকন্দনঃ ॥ ২৫১ ॥
ক্লেশাতিরিক্তভাবস্থঃ ক্লেশহীনৈকবল্লভঃ ।
ক্লেশহীনপদান্তস্থঃ ক্লেশহীনজনার্দ্দনঃ ॥ ২৫২ ॥
কেসরাঙ্কিতভালশ্রীঃ কেসরাঙ্কিতবল্লভঃ ।
কেসরালিপ্তহৃদয়ঃ কেসরালিপ্তসদ্ভুজঃ ॥ ২৫৩ ॥
কেসরাঙ্কিতবাসশ্রীঃ কেসরাঙ্কিতবিগ্রহঃ ।
কেসরাকৃতিগোপীশঃ কেসরামোদবল্লভঃ ॥ ২৫৪ ॥
কেসরামোদমধুপঃ কেসরামোদসুন্দরঃ ।
কেসরামোদমুদিতঃ কেসরামোদবর্ধনঃ ॥ ২৫৫ ॥
কেসরার্চিতভালশ্রীঃ কেসরার্চিতবিগ্রহঃ ।
কেসরার্চিতপাদাব্জঃ কেসরার্চিতকুণ্ডলঃ ॥ ২৫৬ ॥
কেসরামোদসম্পন্নঃ কেসরামোদলোলুপঃ ।
কেতকীকুসুমাসক্তঃকেতকীকুসুমপ্রিয়ঃ ॥ ২৫৭ ॥
কেতকীকুসুমাধীশঃকেতকীকুসুমাঙ্কিতঃ ।
কেতকীকুসুমামোদবর্ধনঃ কেতকীপ্রিয়ঃ ॥ ২৫৮ ॥
কেতকীশোভিতাকারঃ কেতকীশোভিতাম্বরঃ ।
কেতকীকুসুমামোদবল্লভঃ কেতকীশ্বরঃ ॥ ২৫৯ ॥
কেতকীসৌরভানন্দী কেতকীসৌরভপ্রিয়ঃ ।
কেয়ূরালঙ্কৃতভুজঃ কেয়ূরালঙ্কৃতাত্মকঃ ॥ ২৬০ ॥
কেয়ূরালঙ্কৃতশ্রীশঃকেয়ূরপ্রিয়দর্শনঃ ।
কেদারেশ্বরসংয়ুক্তঃ কেদারেশ্বরবল্লভঃ ॥ ২৬১ ॥
কেদারেশ্বরপার্শ্বস্থঃ কেদারেশ্বরভক্তপঃ ।
কেদারকল্পসারজ্ঞঃ কেদারস্থলবাসকৃত্ ॥ ২৬২ ॥
কেদারাশ্রিতভীতিঘ্নঃ কেদারাশ্রিতমুক্তিদঃ ।
কেদারাবাসিবরদঃ কেদারাশ্রিতদুঃখহা ॥ ২৬৩ ॥
কেদারপোষকঃ কেশঃ কেদারান্নবিবর্দ্ধনঃ ।
কেদারপুষ্টিজনকঃ কেদারপ্রিয়দর্শনঃ ॥ ২৬৪ ॥
কৈলাসেশসমাজস্থঃ কৈলাসেশপ্রিয়ঙ্করঃ ।
কৈলাসেশসমায়ুক্তঃ কৈলাসেশপ্রভাববিত্ ॥ ২৬৫ ॥
কৈলাসাধীশত্রুঘ্নঃ কৈলাসপতিতোষকঃ ।
কৈলাসাধীশসহিতঃ কৈলাসাধীশবল্লভঃ ॥ ২৬৬ ॥
কৈবল্যমুক্তিজনকঃ কৈবল্যপদবীশ্বরঃ ।
কৈবল্যপদবীত্রাতা কৈবল্যপদবীপ্রিয়ঃ ॥ ২৬৭ ॥
কৈবল্যজ্ঞানসম্পন্নঃ কৈবল্যজ্ঞানসাধনঃ ।
কৈবল্যজ্ঞানগম্যাত্মা কৈবল্যজ্ঞানদায়কঃ ॥ ২৬৮ ॥
কৈবল্যজ্ঞানসংসিদ্ধঃ কৈবল্যজ্ঞানদীপকঃ ।
কৈবল্যজ্ঞানবিখ্যাতঃ কৈবল্যৈকপ্রদায়কঃ ॥ ২৬৯ ॥
ক্রোধলোভভয়াতীতঃ ক্রোধলোভবিনাশনঃ ।
ক্রোধারিঃ ক্রোধহীনাত্মা ক্রোধহীনজনপ্রিয়ঃ ॥ ২৭০ ॥
ক্রোধহীনজনাধীশঃ ক্রোধহীনপ্রজেশ্বরঃ ।
কোপতাপোপশমনঃ কোপহীনবরপ্রদঃ ॥ ২৭১ ॥
কোপহীননরত্রাতা কোপহীনজনাধিপঃ ।
কোপহীননরান্তঃস্থঃ কোপহীনপ্রজাপতিঃ ॥ ২৭২ ॥
কোপহীনপ্রিয়াসক্তঃ কোপহীনজনার্তিহা ।
কোপহীনপদাধীশঃ কোপহীনপদপ্রদঃ ॥ ২৭৩ ॥
কোপহীননরস্বামী কোপহীনস্বরূপধৃক্ ।
কোকিলালাপসঙ্গীতঃ কোকিলালাপবল্লভঃ ॥ ২৭৪ ॥
কোকিলালাপলীনাত্মা কোকিলালাপকারকঃ ।
কোকিলালাপকান্তেশঃ কোকিলালাপভাববিত্ ॥ ২৭৫ ॥
কোকিলাগানরসিকঃ কোকিলাবরবল্লভঃ ।
কোটিসূর্যসমানশ্রীঃ কোটিচন্দ্রামৃতাত্মকঃ ॥ ২৭৬ ॥
কোটিদানবসংহর্তা কোটিকন্দর্পদর্পহা ।
কোটিদেবেন্দ্রসংসেব্যঃ কোটিব্রহ্মার্চিতাকৃতিঃ ॥ ২৭৭ ॥
কোটিব্রহ্মাণ্ডমধ্যস্থঃ কোটিবিদ্যুত্সমদ্যুতিঃ ।
কোট্যশ্বমেধপাপঘ্নঃ কোটিকামেশ্বরাকৃতিঃ ॥ ২৭৮ ॥
কোটিমেঘসমোদারঃ কোটিবহ্নিসুদুঃসহঃ ।
কোটিপাথোধিগম্ভীরঃ কোটিমেরুসমস্থিরঃ ॥ ২৭৯ ॥
কোটিগোপীজনাধীশঃ কোটিগোপাঙ্গনাবৃতঃ ।
কোটিদৈত্যেশদপ্রঘ্নঃ কোটিরুদ্রপরাকর্মঃ ॥ ২৮০ ॥
কোটিভক্তার্তিশমনঃ কোটিদুষ্টবিমর্দনঃ ।
কোটিভক্তজনোদ্ধর্তা কোটিয়জ্ঞফলপ্রদঃ ॥ ২৮১ ॥
কোটিদেবর্ষিসংসেব্যঃ কোটিব্রহ্মর্ষিমুক্তিদঃ ।
কোটিরাজর্ষিসংস্তুত্যঃ কোটিব্রহ্মাণ্ডমণ্ডনঃ ॥ ২৮২ ॥
কোট্যাকাশপ্রকাশাত্মা কোটিবায়ুমহাবলঃ ।
কোটিতেজোময়াকারঃ কোটিভূমিসমক্ষমী ॥ ২৮৩ ॥
কোটিনীরসমস্বচ্ছঃ কোটিদিগ্জ্ঞানদায়কঃ ।
কোটিব্রহ্মাণ্ডজনকঃ কোটিব্রহ্মাণ্ডপালকঃ ॥ ২৮৪ ॥
কোটিব্রহ্মাণ্ডসংহর্তা কোটিব্রহ্মাণ্ডবোধকঃ ।
কোটিবাক্পতিবাচালঃ কোটিশুক্রকবীশ্বরঃ ॥ ২৮৫ ॥
কোটিদ্বিজসমাচারঃ কোটিহেরম্ববিঘ্নহা ।
কোটিমানসহংসাত্মা কোটিমানসসংস্থিতঃ ॥ ২৮৬ ॥
কোটিচ্ছলকরারাতিঃ কোটিদাম্ভিকনাশনঃ ।
কোটিশূন্যপথচ্ছেত্তা কোটিপাখণ্ডখণ্ডনঃ ॥ ২৮৭ ॥
কোটিশেষধরাধারঃ কোটিকালপ্রবোধকঃ ।
কোটিবেদান্তসংবেদ্যঃ কোটিসিদ্ধান্তনিশ্চয়ঃ ॥ ২৮৮ ॥
কোটিয়োগীশ্বরাধীশঃ কোটিয়োগৈকসিদ্ধিদঃ ।
কোটিধামাধিপাধীশঃ কোটিলোকৈকপালকঃ ॥ ২৮৯ ॥
কোটিয়জ্ঞৈকভোক্তা চ কোটিয়জ্ঞফলপ্রদঃ ।
কোটিভক্তহৃদন্তস্থঃ কোটিভক্তাভয়প্রদঃ ॥ ২৯০ ॥
কোটিজন্মার্তিশমনঃ কোটিজন্মাঘনাশনঃ ।
কোটিজন্মান্তরজ্ঞানপ্রদাতা কোটিভক্তপঃ ॥ ২৯১ ॥
কোটিশক্তিসমায়ুক্তঃ কোটিচৈতন্যবোধকঃ ।
কোটিচক্রাবৃতাকারঃ কোটিচক্রপ্রবর্তকঃ ॥ ২৯২ ॥
কোটিচক্রার্চনত্রাতা কোটিবীরাবলীবৃতঃ ।
কোটিতীর্থজলান্তস্থঃ কোটিতীর্থফলপ্রদঃ ॥ ২৯৩ ॥
কোমলামলচিদ্বৃত্তিঃ কোমলামলমানসঃ ।
কৌস্তুভোদ্ভাসিতোরস্কঃ কৌস্তুভোদ্ভাসিতাকৃতিঃ ॥ ২৯৪ ॥
কৌরবানীকসংহর্তা কৌরবার্ণবকুম্ভভূঃ ।
কৌন্তেয়াশ্রিতপাদাব্জঃ কৌন্তেয়াভয়দায়কঃ ॥ ২৯৫ ॥
কৌন্তেয়ারাতিসংহর্তা কৌন্তেয়প্রতিপালকঃ ।
কৌন্তেয়ানন্দজনকঃ কৌন্তেয়প্রাণজীবনঃ ॥ ২৯৬ ॥
কৌন্তেয়াচলভাবজ্ঞঃ কৌন্তেয়াচলমুক্তিদঃ ।
কৌমুদীমুদিতাকারঃ কৌমুদীমুদিতাননঃ ॥ ২৯৭ ॥
কৌমুদীমুদিতপ্রাণঃ কৌমুদীমুদিতাশয়ঃ ।
কৌমুদীমোদমুদিতঃ কৌমুদীমোদবল্লভঃ ॥ ২৯৮ ॥
কৌমুদীমোদমধুপঃ কৌমুদীমোদবর্ধনঃ ।
কৌমুদীমোদমানাত্মা কৌমুদীমোদসুন্দরঃ ॥ ২৯৯ ॥
কৌমুদীদর্শনানন্দী কৌমুদীদর্শনোত্সুকঃ ।
কৌসল্যাপুত্রভাবস্থঃ কৌসল্যানন্দবর্ধনঃ ॥ ৩০০ ॥
কংসারিঃ কংসহীনাত্মা কংসপক্ষনিকন্দনঃ ।
কঙ্কালঃ কঙ্কবরদঃ কণ্টকক্ষয়কারকঃ ॥ ৩০১ ॥
কন্দর্পদর্পশমনঃ কন্দর্পাভিমনোহরঃ ।
কন্দর্পকামনাহীনঃ কন্দর্পজ্বরনাশনঃ ॥ ৩০২ ॥
কন্দর্পজ্বরনাশন ওঁ নম ইতি
ইতি শ্রীসর্বসৌভাগ্যবর্ধনং শ্রীপতিপ্রিয়ম্ ।
নাম্নামক্ষরকাদীনাং সহস্রং পরিকীর্তিতম্ ॥ ৩০৩ ॥
সর্বাপরাধশমনং রহস্যং শ্রুতিগোচরম্ ।
কলিকালৈকদমনং ক্রূরশত্রুনিকন্দনম্ ॥ ৩০৪ ॥
ক্রূরপাপসমূহঘ্নং ক্রূরকর্মবিনাশনম্ ।
ক্রূরাসুরৌঘসংহারকারকং ক্লেশনাশনম্ ॥ ৩০৫ ॥
কুমার্গদলনং কষ্টহরণং কল্মষাপহম্ ।
কুবুদ্ধিশমনং ক্রোধকন্দনং কান্তিবর্দ্ধনম্ ॥ ৩০৬ ॥
কুবিদ্যাদমনং কামমর্দনং কীর্তিদায়কম্ ।
কুতর্কনাশনং কান্তং কুপথার্ণবশোষণম্ ॥ ৩০৭ ॥
কোটিজন্মার্জিতারিষ্টহরং কালভয়াপহম্ ।
কোটিজন্মার্জিতাজ্ঞাননাশনৈকদিবাকরম্ ॥ ৩০৮ ॥
কাপট্যপটলধ্বংসিকার্পণ্যৈকহুতাশনম্ ।
কালুষ্যভাবশমনং কীর্তিশ্রীমতিদং সতাম্ ॥ ৩০৯ ॥
কোপোপতাপশমনং কংসারিস্মৃতিদায়কম্ ।
কুলাচারবিচারস্থং কুলধর্মপ্রবর্তকম্ ॥ ৩১০ ॥
কুলধর্মরতাভীষ্টসিদ্ধিদং কুলদীপকম্ ।
কুত্সামার্গনিরাকর্তৃ কুপথাচারবর্জিতম্ ॥ ৩১১ ॥
কল্যাণমঙ্গলাগারং কল্পবৃক্ষসমং সতাম্ ।
কৌটিল্যভাবশমনং কাশীবাসফলপ্রদম্ ॥ ৩১২ ॥
অতিগুহ্যতরং পুংসাং ভোগমোক্ষৈকসাধনম্ ।
অত্যন্তস্নেহভাবেন য়ুষ্মদগ্রে প্রকাশিতম্ ॥ ৩১৩ ॥
ন বক্তব্যং ন বক্তব্যং ন বক্তব্যং কদাচন ।
পাপ্যগ্রে কুটিলাগ্রে চ রাগ্যগ্রে পিশুনায় বৈ ॥ ৩১৪ ॥
দ্রোহ্যগ্রে মলিনাঘ্রে চ কপট্যগ্রে বিশেষতঃ ।
লম্পটাগ্রেঽভিমান্যগ্রে কাম্যতে ক্রোধিনে তথা ॥ ৩১৫ ॥
লোভ্যগ্রে তস্করাগ্রে চ গর্বাহঙ্কারভাজিনে ।
সংসারাসক্তচিত্তাগ্রে বাদ্যগ্রে ঘাতিনেঽপি বা ॥ ৩১৬ ॥
মতাভিমানিনে গোপ্যং মদীয়ং স্তোত্রমুত্তমম্ ।
বাচ্যং শান্তায় ভক্তায় নির্মলায় দয়ালবে ॥ ৩১৭ ॥
সন্তোষিণে সুশীলায় সুপাত্রায় দ্বিজাতয়ে ।
বিবেকিনে জ্ঞানিনে চ মদ্ভক্তায় বিশেষতঃ ॥ ৩১৮ ॥
য় ইদং শৃণুতে নিত্যং পঠতেঽহর্নিশং জনঃ ।
মাহাত্ম্যং তস্য পুণ্যস্য ময়া বক্তুং ন শক্যতে ॥ ৩১৯ ॥
একবরমিদং স্তোত্রং য়ঃ শৃণোতি নরোত্তমঃ ।
ভোগমোক্ষপ্রধানঃ স ভবিষ্যতি ন সংশয়ঃ ॥ ৩২০ ॥
কিং পুনঃ পঠনাদস্য সর্বসিদ্ধঃ করে স্থিতা ।
ভোগার্থী লভতে ভোগান্যোগার্থী য়োগসাধনাম্ ॥ ৩২১ ॥
কামার্থী লভতে কামান্প্রজার্থী লভতে প্রজাম্ ।
বিদ্যার্থী লভতে বিদ্যাং মোক্ষার্থী মোক্ষমব্যয়ম্ ॥ ৩২২ ॥
দ্রব্যাথী লভতে দ্রব্যং প্রিয়ার্থী লভতে প্রিয়ম্ ।
মানার্থী লভতে মানং রাজ্যার্থী রাজ্যমুত্তমম্ ॥ ৩২৩ ॥
জ্ঞানার্থী লভতে জ্ঞানং সুখার্থী লভতে সুখম্ ।
কীর্ত্যর্থী লভতে কীর্তিং ব্রহ্মার্থী ব্রহ্ম নির্গুণম্ ॥ ৩২৪ ॥
পুষ্ট্যর্থী লভতে পুষ্টিং তুষ্ট্যর্থী তুষ্টিমাত্মনি ।
নিরীহো লভতে নূনং মত্পদং দেবদুর্লভম্ ॥ ৩২৫ ॥
কিং দানৈঃ কিং ব্রতৈস্তীর্থৈর্যজ্ঞয়াগাদিভিস্তথা ।
অস্য শ্রবণমাত্রেণ সর্বয়জ্ঞফলং লভেত্ ॥ ৩২৬ ॥
নাতঃ পরতরং জ্ঞানং নাতঃ পরতরং তপঃ ।
নাতঃ পরতরং ধ্যানং নাতঃ পরতরো জপঃ ॥ ৩২৭ ॥
নাতঃ পরতরা সিদ্ধির্নাতঃ পরতরো মখঃ ।
নাতঃ পরতরং দ্রব্যং নাতঃ পরতরা ক্রিয়া ॥ ৩২৮ ॥
য় ইদং পঠতে ভক্ত্যা শৃণুয়াদ্বা সমাহিতঃ ।
স জ্ঞানী স তপস্বী চ স ধ্যানী জয়তত্পরঃ ॥ ৩২৯ ॥
স সিদ্ধো ভাগ্যবান্ শ্রীমান্ ক্রিয়াবান্বুদ্ধিমানপি ।
জিতং তেন জগত্সর্বং য়েনেদং পঠিতং শ্রুতম্ ॥ ৩৩০ ॥
কিং পুনর্ভক্তিভাবেন ভোগমোক্ষপ্রদং দ্রুতম্ ।
কোটিজন্মার্জিতৈঃ পুণ্যৈর্লভ্যতে ভাগ্যতো য়দা ॥ ৩৩১ ॥
তদা ভাগ্যোদয়ঃ পুংসাং নাত্র কার্যা বিচারণা ।
সারাত্সারতরং শাস্ত্রং তত্রাপি জ্ঞানদায়কম্ ॥ ৩৩২ ॥
জ্ঞানাদ্ধ্যানং পরং শ্রেষ্ঠং তত্রাপি লয়তা য়থা ।
তথৈবেদং মহাস্তোত্রং বিনা মত্কৃপয়া কিল ॥ ৩৩৩ ॥
দুর্লভং ত্রিষু লোকেষু সর্বসিদ্ধিপ্রদং সতাম্ ।
য়থা ভক্তিস্ত্রিলোকেষু দুর্লভা মম দেহিনাম্ ॥ ৩৩৪ ॥
তথৈবেদং মহাস্তোত্রং সদ্যঃ সায়ুজ্যদায়কম্ ।
সর্বাপরাধশমনং লোকে কল্পদ্রুমপ্রভম্ ॥ ৩৩৫ ॥
য়থা সুদর্শনং লোকে দুষ্টদৈত্যনিবর্হণম্ ।
তথৈবেদং পরং স্তোত্রং কামাদিকভয়াপহম্ ॥ ৩৩৬ ॥
অস্যৈকাবর্তনাত্পাপং নশ্যত্যাজন্মসঞ্চিতম্ ।
দশাবর্তনতঃ পুংসাং শতজন্মান্তরার্চিতম্ ॥ ৩৩৭ ॥
শতাবর্তনমাত্রেণ দেবরূপো ভবেন্নরঃ ।
আবর্তনসহস্রৈশ্চ মদ্গতিং লভতেঽচলাম্ ॥ ৩৩৮ ॥
লক্ষতো মম সায়ুজ্যং দশলক্ষাত্স্বয়ং হরিঃ ।
তস্মান্নৈব প্রদাতব্যং মদীয়ং স্তোত্রমুত্তমম্ ॥ ৩৩৯ ॥
পুত্রকামোঽয়ুতান্পাঠান্কারয়িত্বা মমালয়ে ।
সহস্রনামভির্দিব্যৈর্জুহুয়াদ্ঘৃতপায়সৈঃ ॥ ৩৪০ ॥
শর্করামধুসংয়ুক্তৈর্বিল্বীদলসমন্বিতঃ ।
ব্রাহ্মণান্ভোজয়েদ্ভক্ত্যা নামসঙ্খ্যামিতানিহ ॥ ৩৪১ ॥
রাজ্যকামোঽয়ুতান্নিত্যং পঠেদ্বা পাঠয়েদ্দ্বিজান্ ।
শিবালয়ে সহস্রৈশ্চ হোময়েদাজ্যপায়সৈঃ ॥ ৩৪২ ॥
ব্রাহ্মণান্ভোজয়েন্নূনময়ুতৈকং য়থাবিধি ।
দক্ষিণাং দাপয়েচ্ছক্ত্যা বিত্তশাঢ্যং ন কারয়েত্ ॥ ৩৪৩ ॥
সহস্রমেকং কন্যার্থী পঠেদ্বা পাঠয়েত্কিল ।
দেব্যালয়ে তথা নিত্যং ধনকামোঽপি পাঠয়েত্ ॥ ৩৪৪ ॥
কীর্তিকামোঽয়ুতং ভাক্ত্যা পঠেদ্বৃন্দাবনে সদা ।
জয়কামো হি দুর্গায়াং শত্রুসংহারকারকঃ ।
আয়ুঃ কামো নদীতীরে জ্ঞানার্থী পর্বতোপরি ॥ ৩৪৫ ॥
মোক্ষার্থী ভক্তিভাবেন মন্দিরে মম সন্নিধৌ ।
পাঠসঙ্খ্যান্দ্বিজান্ভোজ্যান্পায়সৈঃ শর্করাপ্লুতৈঃ ॥ ৩৪৬ ॥
জুহুয়াদ্ঘৃতধারাভির্মম প্রীতিবিবর্ধনৈঃ ।
সর্বকামপ্রদং নাম্নাং সহস্রং মম দুর্লভম্ ॥ ৩৪৭ ॥
কামনারহিতানাং চ মুক্তিদং ভবসাগরাত্ ।
ইদং সহস্রনামাখ্যং স্তোত্রমানন্দবর্দ্ধনম্ ॥ ৩৪৮ ॥
সর্বাপরাধশমনং পঠিতব্যমহর্নিশম্ ।
অন্যথা ন গতির্নূনং ত্রিষু লোকেষু কুত্রচিত্ ॥ ৩৪৯ ॥
বৈষ্ণবানাং বিশেষেণ বৈষ্ণবা মামকা জনাঃ ।
দুর্লভং দুষ্টজীবানাং মদীয়ং স্তোত্রমদ্ভুতম্ ॥ ৩৫০ ॥
লোকেঽস্মিন্দুর্লভো গোপ্যো মুক্তিমার্গো মনীষিণম্ ।
সুলভো মম ভক্তানাং স্তোত্রেণানেন নিশ্চিতম্ ॥ ৩৫১ ॥
তাবদ্গর্জন্তি পাপানি তাবদ্গর্জন্তি শত্রবঃ ।
তাবদ্গর্জতি দারিদ্র্যং য়াবত্স্তোত্রং ন লভ্যতে ॥ ৩৫২ ॥
কিমত্র বহুনোক্তেন ত্বদগ্রে গোপিকা ময়া ।
মম প্রাণাধিকং স্তোত্রং সদাঽঽনন্দবিবর্ধনম্ ॥ ৩৫৩ ॥
অত্যন্তস্নেহভাবেন ত্বদীয়েন ব্রজাঙ্গনাঃ ।
ময়া প্রকাশিতং স্তোত্রং ত্বদ্ভক্ত্যাঽহং বশীকৃতঃ ॥ ৩৫৪ ॥
এবমুক্ত্বা হৃষীকেশঃ শরণাগতবত্সলঃ ।
প্রহসন্সহসোত্থায় ক্রীডাং চক্রে পুনর্জলে ॥ ৩৫৫ ॥
নারদ উবাচ-
এতদ্গুহ্যতরং স্তোত্রং দুর্লভং দেহধারিণাম্ ।
ময়া তদাজ্ঞয়া প্রোক্তং তবাগ্রে ব্যাসভাবন ॥ ৩৫৬ ॥
ত্বয়ৈতন্নৈব বক্তব্যং কস্যাগ্রেঽপি বিনাঽঽজ্ঞয়া ।
স্বশিষ্যাগ্রে শুকাগ্রে বা গোপনীয়ং ধরাতলে ॥ ৩৫৭ ॥
এতদেব স্বয়ং সাক্ষাদগতীনাং গতিপ্রদঃ ।
বুদ্ধ্যাবিষ্টনিজাংশেন পূর্ণানন্দঃ স্বলীলয়া ॥ ৩৫৮ ॥
কলিগ্রস্তান্ জনান্স্বীয়ানুদ্ধর্তুং করুণানিধিঃ ।
স্বয়মেবাত্র বিখ্যাতং করিষ্যতি ন সংশয়ঃ ॥ ৩৫৯ ॥
এতদ্দিব্যসহস্রনাম পরমানন্দৈকসংবর্ধনং
লোকেস্মিন্কিল কাদিনামরচনালঙ্কারশোভান্বিতম্ ।
য়েষাং কর্ণপুটে পতিষ্যতি মহাভাগ্যাদিহালৌকিকং
তেষাং নৈব কিমপ্যলভ্যমচিরাত্কল্পদ্রুমাভং সতাম্ ॥ ৩৬০ ॥
ইতি শ্রীব্রহ্মাণ্ডপুরাণেঽধ্যাত্মকভাগবতে শ্রুতিরহস্যে
ককারাদি শ্রীকৃষ্ণসহস্রনামস্তোত্রং সম্পূর্ণম্ ।
Also Read 1000 Names of Kakaradi Shri Krishna:
1000 Names of Kakaradi Sri Krishna | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
