Kakaradi Shrikrishna Sahasranama Stotram Lyrics in Oriya:
॥ କକାରାଦି ଶ୍ରୀକୃଷ୍ଣସହସ୍ରନାମସ୍ତୋତ୍ରମ୍ ॥
ଵ୍ୟାସ ଉଵାଚ-
କୃତାର୍ଥୋଽହଂ ମୁନିଶ୍ରେଷ୍ଠ ତ୍ଵତ୍ପ୍ରସାଦାନ୍ନ ସଂଶୟଃ ।
ୟତୋ ମୟା ପରଂ ଜ୍ଞାନଂ ବ୍ରହ୍ମଗୀତାତ୍ମକଂ ଶ୍ରୁତମ୍ ॥ ୧ ॥
ପରଂ ତୁ ୟେନ ମେ ଜନ୍ମ ନ ଭଵେତ୍କର୍ହିଚିନ୍ମୁନେ ।
ପୂର୍ଣବ୍ରହ୍ମୈକଵିଜ୍ଞାନଵିରହୋ ନ ଚ ଜାୟତେ ॥ ୨ ॥
ୟେନ ମେ ଦୃଢଵିଶ୍ଵାସୋ ଭକ୍ତାଵୁତ୍ପଦ୍ୟତେ ହରେଃ ।
କାଲପାଶଵିନିର୍ମୁକ୍ତିଃ କର୍ମବନ୍ଧଵିମୋଚନମ୍ ॥ ୩ ॥
ଜନ୍ମମୃତ୍ୟୁଜରାଵ୍ୟାଧିକ୍ଲେଶକ୍ଷୋଭନିଵାରଣମ୍ ।
କଲିକାଲଭୟଧ୍ଵଂସୋ ବ୍ରହ୍ମଜ୍ଞାନଂ ଦୃଢଂ ହୃଦି ॥ ୪ ॥
କୀର୍ତିଃ ଶ୍ରୀଃ ସନ୍ମତିଃ ଶାନ୍ତିର୍ଭକ୍ତିର୍ମୁକ୍ତିଶ୍ଚ ଶାଶ୍ଵତୀ ।
ଜାୟତେ ତଦୁପାୟଂ ମେ ଵଦ ଵେଦଵିଦାଂ ଵର ॥ ୫ ॥
ନାରଦ ଉଵାଚ-
ତତ୍ତ୍ଵମେକଂ ତ୍ରିଲୋକେଷୁ ପୂର୍ଣାନନ୍ଦୋ ଜଗଦ୍ଗୁରୁଃ ।
ଦୈଵତଂ ସର୍ଵଦେଵାନାଂ ପ୍ରାଣିନାଂ ମୁକ୍ତିକାରଣମ୍ ॥ ୬ ॥
ତାରଣଂ ଭଵପାଥୋଧେର୍ଦୁଃଖଦାରିଦ୍ର୍ୟହାରଣମ୍ ।
ତଦ୍ରୂପଂ ସର୍ଵଦା ଧ୍ୟେୟଂ ୟୋଗିଭିର୍ଜ୍ଞାନିଭିସ୍ତଥା ॥ ୭ ॥
ଜ୍ଞେୟମେଵ ସଦା ସିଦ୍ଧୈଃ ସିଦ୍ଧାନ୍ତେନ ଦୃଢୀକୃତମ୍ ।
ଵେଦାନ୍ତେ ଗୀତମାପ୍ତାନାଂ ହିତକୃତ୍କଷ୍ଟନାଶନମ୍ ॥ ୮ ॥
ସର୍ଵେଷାମେଵ ଜୀଵାନାଂ କର୍ମପାଶଵିମୋଚନମ୍ ।
ସତ୍ୟଜ୍ଞାନଦୟାସିନ୍ଧୋଃ କାଦିନାମସହସ୍ରକମ୍ ॥ ୯ ॥
ଅତିଗୁହ୍ୟତରଂ ଲୋକେ ନାକେଽପି ବ୍ରହ୍ମଵାଦିନାମ୍ ।
କାଲପାଶଵିନିର୍ମୁକ୍ତେର୍ହେତୁଭୂତଂ ସନାତନମ୍ ॥ ୧୦ ॥
କାମାର୍ତିଶମନଂ ପୁଂସାଂ ଦୁର୍ବୁଦ୍ଧିକ୍ଷୟକାରକମ୍ ।
ସର୍ଵଵ୍ୟାଧ୍ୟାଧିହରଣଂ ଶରଣଂ ସାଧୁଵାଦିନାମ୍ ॥ ୧୧ ॥
କପଟଚ୍ଛଲପାଖଣ୍ଡକ୍ରୋଧଲୋଭଵିନାଶନମ୍ ।
ଅଜ୍ଞାନାଧର୍ମଵିଧ୍ଵଂସି ଶ୍ରିତାନନ୍ଦଵିଵର୍ଧନମ୍ ॥ ୧୨ ॥
ଵିଜ୍ଞାନୋଦ୍ଦୀପନଂ ଦିଵ୍ୟଂ ସେଵ୍ୟଂ ସର୍ଵଜନୈରିହ ।
ପଠନୀୟଂ ପ୍ରୟତ୍ନେନ ସର୍ଵମନ୍ତ୍ରୈକଦୋହନମ୍ ॥ ୧୩ ॥
ମୋହମାତ୍ସର୍ୟମୂଢାନାମଗୋଚରମଲୌକିକମ୍ ।
ପୂର୍ଣାନନ୍ଦପ୍ରସାଦେନ ଲଭ୍ୟମେତତ୍ସୁଦୁର୍ଲଭମ୍ ॥ ୧୪ ॥
ପୁର୍ଣାନନ୍ଦଃ ସ୍ଵୟଂ ବ୍ରହ୍ମ ଭକ୍ତୋଦ୍ଧାରାୟ ଭୂତଲେ ।
ଅକ୍ଷରାକାରମାଵିଶ୍ୟ ସ୍ଵେଚ୍ଛୟାଽନନ୍ତଵିକ୍ରମଃ ॥ ୧୫ ॥
କୃଷ୍ଣନାମ୍ନାତ୍ର ଵିଖ୍ୟାତଃ ସ୍ଵୟଂ ନିର୍ଵାଣଦାୟକଃ ।
ଅତ ଏଵାତ୍ର ଵର୍ଣାନାଂ କକାରସ୍ତନ୍ମୟୋ ମତଃ ॥ ୧୬ ॥
କାଦିନାମାନି ଲୋକେଽସ୍ମିନ୍ଦୁର୍ଲଭାନି ଦୁରାତ୍ମନାମ୍ ।
ଭକ୍ତାନାଂ ସୁଲଭାନୀହ ନିର୍ମଲାନାଂ ୟତାତ୍ମନାମ୍ ॥ ୧୭ ॥
ଜ୍ଞେୟ ଏଵ ସ୍ଵୟଂ କୃଷ୍ଣୋ ଧ୍ୟେୟ ଏଵ ନିରନ୍ତରମ୍ ।
ଅମେୟୋଽପ୍ୟନୁମାନେନ ମେୟ ଏଵାତ୍ମଭାଵତଃ ॥ ୧୮ ॥
ବ୍ରହ୍ମଗୀତାଦିଭିର୍ଗେୟଃ ସେଵନୀୟୋ ମୁମୁକ୍ଷଭିଃ ।
କୃଷ୍ଣ ଏଵ ଗତିଃ ପୁଂସାଂ ସଂସାରେଽସ୍ମିନ୍ସୁଦୁସ୍ତରେ ॥ ୧୯ ॥
କାଲାସ୍ୟେ ପତିତଂ ସର୍ଵଂ କାଲେନ କଵଲୀକୃତମ୍ ।
କାଲାଧୀନଂ କାଲସଂସ୍ଥଂ କାଲୋତ୍ପନ୍ନଂ ଜଗତ୍ତ୍ରୟମ୍ ॥ ୨୦ ॥
ସ କାଲସ୍ତସ୍ୟ ଭୃତ୍ୟୋଽସ୍ତି ତଦଧୀନସ୍ତଦୁଦ୍ଭଵଃ ।
ତସ୍ମାତ୍ସର୍ଵେଷୁ କାଲେଷୁ କୃଷ୍ଣ ଏଵ ଗତିର୍ନୃଣାମ୍ ॥ ୨୧ ॥
ଅନ୍ୟେ ଦେଵାସ୍ତ୍ରିଲୋକେଷୁ କୃଷ୍ଣାଶ୍ରୟପରାୟଣାଃ ।
କୃଷ୍ଣମାଶ୍ରିତ୍ୟ ତିଷ୍ଠନ୍ତି କୃଷ୍ଣସ୍ୟାନୁଚରା ହି ତେ ॥ ୨୨ ॥
ୟଥା ସୂର୍ୟୋଦୟେ ସର୍ଵାସ୍ତାରକାଃ କ୍ଷୀଣକାନ୍ତୟଃ ।
ସର୍ଵେ ଦେଵାସ୍ତଥା ଵ୍ୟାସ ହତଵୀର୍ୟା ହତୌଜସଃ ॥ ୨୩ ॥
ନ କୃଷ୍ଣାଦିତରତ୍ତତ୍ତ୍ଵଂ ନ କୃଷ୍ଣାଦିତରତ୍ସୁଖମ୍ ।
ନ କୃଷ୍ଣାଦିତରଜ୍ଜ୍ଞାନଂ ନ କୃଷ୍ଣାଦିତରତ୍ପଦମ୍ ॥ ୨୪ ॥
କୃଷ୍ଣ ଏଵ ଜଗନ୍ମିତ୍ରଂ କୃଷ୍ଣ ଏଵ ଜଗଦ୍ଗୁରୁଃ ।
କୃଷ୍ଣ ଏଵ ଜଗତ୍ତ୍ରାତା କୃଷ୍ଣ ଏଵ ଜଗତ୍ପିତା ॥ ୨୫ ॥
କୃଷ୍ଣ କୃଷ୍ଣେତି ୟେ ଜୀଵାଃ ପ୍ରଵଦନ୍ତି ନିରନ୍ତରମ୍ ।
ନ ତେଷାଂ ପୁନରାଵୃତ୍ତିଃ କଲ୍ପକୋଟିଶତୈରପି ॥ ୨୬ ॥
କୃଷ୍ଣେ ତୁଷ୍ଟେ ଜଗନ୍ମିତ୍ରଂ କୃଷ୍ଣେ ରୁଷ୍ଟେ ହି ତଦ୍ରିପୁଃ ।
କୃଷ୍ଣାତ୍ମକଂ ଜଗତ୍ସର୍ଵଂ କୃଷ୍ଣମାଶ୍ରିତ୍ୟ ତିଷ୍ଠତି ॥ ୨୭ ॥
ୟଥା ସୂର୍ୟୋଦୟେ ସର୍ଵେ ପଦାର୍ଥଜ୍ଞାନିନୋ ନରାଃ ।
କୃଷ୍ଣସୂର୍ୟୋଦୟେଽନ୍ତଃସ୍ଥେ ତଥାଽଽତ୍ମଜ୍ଞାନିନୋ ବୁଧାଃ ॥ ୨୮ ॥
ତସ୍ମାତ୍ତ୍ଵଂ ସର୍ଵଭାଵେନ କୃଷ୍ଣସ୍ୟ ଶରଣଂ ଵ୍ରଜ ।
ନାନ୍ୟୋପାୟସ୍ତ୍ରିଲୋକେଷୁ ଭଵାବ୍ଧିଂ ତରିତୁଂ ସତାମ୍ ॥ ୨୯ ॥
ଶ୍ରୀଵ୍ୟାସ ଉଵାଚ-
କୃତାର୍ଥୋଽହଂ ମୁନିଶ୍ରେଷ୍ଠ ତ୍ଵତ୍ପ୍ରସାଦାଦତନ୍ଦ୍ରିତଃ ।
ୟସ୍ମାଚ୍ଛ୍ରୁତଂ ମୟା ଜ୍ଞାନଂ ଶ୍ରୀକୃଷ୍ଣସ୍ୟ ମହାତ୍ମନଃ ॥ ୩୦ ॥
ପରଂ ତୁ ଶ୍ରେତୁମିଚ୍ଛାମି ତ୍ଵତ୍ତୋ ବ୍ରହ୍ମଵିଦାଂ ଵର ।
ନୈଵାସ୍ତି ତ୍ଵତ୍ସମୋ ଜ୍ଞାନୀ ତ୍ରିଷୁ ଲୋକେଷୁ କୁତ୍ରଚିତ୍ ॥ ୩୧ ॥
କଥଂ ମେ କରୁଣାସିନ୍ଧୁଃ ପ୍ରସନ୍ନୋ ଜାୟତେ ହରିଃ ।
କେନୋପାୟେନ ତଦ୍ଭକ୍ତିର୍ନିଶ୍ଚଲା ଜାୟତେ ମୟି ॥ ୩୨ ॥
କେନୋପାୟେନ ତଦ୍ଦାସ୍ୟଂ ସଖିତ୍ଵଂ ଦେଵଦୁର୍ଲଭମ୍ ।
ତଦଧୀନତ୍ଵମେଵାଥ ତତ୍ସ୍ଵରୂପୈକତା ତଥା ॥ ୩୩ ॥
ଏତନ୍ମେ ଵଦ ଦେଵର୍ଷେ ସର୍ଵଶାସ୍ତ୍ରାର୍ଥଦୋହନମ୍ ।
ଵିନା କୃଷ୍ଣଂ ଗତିର୍ନାଽସ୍ତି କୃଷ୍ଣ ଏଵ ଗତିର୍ମମ ॥ ୩୪ ॥
ନାରଦ ଉଵାଚ-
ଶ୍ରୀକୃଷ୍ଣଃ କରୁଣାସିନ୍ଧୁର୍ଦୀନବନ୍ଧୁର୍ଜଗଦ୍ଗୁରୁଃ ।
କାଦିନାମହସ୍ରେଣ ଵିନା ନାନ୍ୟୈଶ୍ଚ ସାଧନୈଃ ॥ ୩୫ ॥
ପ୍ରସନ୍ନୋ ଜାୟତେ ନୂନଂ ତସ୍ମାତ୍ତାନି ଵଦାମି ତେ ।
ଅଵାଚ୍ୟାନ୍ୟପି ତେ ଵଚ୍ମି ତ୍ରିଷୁ ଲୋକେଷୁ କୁତ୍ରଚିତ୍ ॥ ୩୬ ॥
ନ ପ୍ରସିଦ୍ଧାନି ଦୁଷ୍ଟାନାଂ ଦୁର୍ଲଭାନି ମହୀତଲେ ।
ସୁଲଭାନୀହ ଭକ୍ତାନାଂ ଭାଵିଷ୍ୟନ୍ତି ତଦାଜ୍ଞୟା ॥ ୩୭ ॥
ପୁରା ସାରସ୍ଵତେ କଲ୍ପେ ରମ୍ୟେ ଵୃନ୍ଦାଵନେ ନିଶି ।
ନିଜଭକ୍ତହିତାର୍ଥାୟ ଵେଣୁନାଦଂ ହରିଃ ସ୍ଵୟମ୍ ॥ ୩୮ ॥
ଚକାରୋଚ୍ଚୈର୍ମନୋହାରୀ ଵିହାରୀ ଵୈରନାଶନଃ ।
ତଦା ଗୋପୀଜନଃ ସର୍ଵଃ ସହସୋତ୍ଥାୟ ଵିହ୍ଵଲଃ ॥ ୩୯ ॥
ନିଶୀଥେ ସକଲଂ ତ୍ୟକ୍ତ୍ଵାଽଗଚ୍ଛଦ୍ଵେଣୁଵଶୀକୃତଃ ।
ତେନ ସାର୍ଧଂ କୃତା କ୍ରୀଡା ସ୍ଵପ୍ନଵଦ୍ରାସମଣ୍ଡଲେ ॥ ୪୦ ॥
ତତ୍ରାନ୍ତର୍ଧାନମଗମତ୍ତଚ୍ଚିତ୍ତମପହୃତ୍ୟ ସଃ ।
ତଦା ତା ଗୋପିକାଃ ସର୍ଵାଃ ଦିଙ୍ମୂଢା ଇଵ ଗୋଗଣାଃ ॥ ୪୧ ॥
ସମୀପସ୍ଥମପି ଭ୍ରାନ୍ତ୍ୟା ତଂ ନାପଶ୍ୟନ୍ନରୋତ୍ତମମ୍ ।
ଇତସ୍ତତୋ ଵିଚିନ୍ଵନ୍ତ୍ୟଃ କସ୍ତୂରୀମୃଗଵଦ୍ଵନେ ॥ ୪୨ ॥
ଅତ୍ୟନ୍ତଵ୍ୟାକୁଲୀଭୂତାଃ ଖଣ୍ଡିତାଃ ଶ୍ରୁତୟୋ ୟଥା ।
ବ୍ରହ୍ମଜ୍ଞାନାଦ୍ୟଥା ଵିପ୍ରାଃ କାଲମାୟାଵଶନୁଗାଃ ॥ ୪୩ ॥
ତଥୈତା ଗୋପିକା ଵ୍ୟାସ କୃଷ୍ଣଦର୍ଶନଲାଲସାଃ ।
ଅତ୍ୟନ୍ତଵିରହାକ୍ରାନ୍ତାସ୍ତଚ୍ଚିତ୍ତାସ୍ତତ୍ପରାୟଣାଃ ॥ ୪୪ ॥
ଭ୍ରମରୀକୀଟଵଲ୍ଲୀନା ନାନ୍ୟତ୍ପଶ୍ୟନ୍ତି ତଦ୍ଵିନା ।
ଵିରହାନଲଦଗ୍ଧାଙ୍ଗ୍ୟଃ କାମାନ୍ଧା ଭୟଵିହ୍ଵଲାଃ ॥ ୪୫ ॥
ସ୍ଵାତ୍ମାନଂ ନ ଵିଦୁର୍ଦୀନା ଜ୍ଞାନହୀନା ନରା ଇଵ ।
ତଲ୍ଲୀନମାନସାକାରା ଵିକାରାଦିଵିଵର୍ଜିତାଃ ॥ ୪୬ ॥
ତଦାତିକୃପୟା କୃଷ୍ଣୋ ଭକ୍ତାଧୀନୋ ନିରଙ୍କୁଶଃ ।
ଆଵିର୍ବଭୂଵ ତତ୍ରୈଵ ୟଥା ସୂର୍ୟୋ ନିଶାତ୍ୟୟେ ॥ ୪୭ ॥
ତଦା ତା ଗୋପିକାଃ ସର୍ଵା ଦୃଷ୍ଟ୍ଵା ପ୍ରାଣପତିଂ ହରିମ୍ ।
ଜନ୍ମାନ୍ତରନିଭଂ ହିତ୍ଵା ଵିରହାଗ୍ନିଂ ସୁଦୁଃସହମ୍ ॥ ୪୮ ॥
ତଵାଵତାରଵନ୍ମତ୍ଵା ହର୍ଷନିର୍ଭରମାନସାଃ ।
ପଦ୍ମିନ୍ୟ ଇଵ କୃଷ୍ଣାର୍କଂ ଦୃଷ୍ଟ୍ଵା ଵିକସିତାସ୍ତଦା ॥ ୪୯ ॥
ପପୁର୍ନେତ୍ରପୁଟୈରେନଂ ନ ଚ ତୃପ୍ତିମୁପାୟୟୁଃ ।
କ୍ରୀଡାୟାଃ ଶାନ୍ତିମାପନ୍ନା ମତ୍ଵା କୃଷ୍ଣଂ ଜଗଦ୍ଗୁରୁମ୍ ॥ ୫୦ ॥
ତଂ ପ୍ରତ୍ୟୂଚୁଃ ପ୍ରୀତିୟୁକ୍ତା ଵିରକ୍ତା ଵିରହାନଲାତ୍ ।
ଆସକ୍ତାସ୍ତତ୍ପଦେ ନିତ୍ୟଂ ଵିରକ୍ତା ଇଵ ୟୋଗିନଃ ॥ ୫୧ ॥
ଗୋପ୍ୟ ଊଚୁଃ-
ହେ ନାଥ ୟାହି ନୋ ଦୀନାସ୍ତ୍ଵନ୍ନାଥାସ୍ତ୍ଵତ୍ପରାୟଣାଃ ।
ତଵାଲମ୍ବେନ ଜୀଵନ୍ତ୍ୟସ୍ତଵ ଦାସ୍ୟୋ ଵୟଂ ସଦା ॥ ୫୨ ॥
କେନୋପାୟେନ ଭୋ କୃଷ୍ଣ ନ ଭଵେଦ୍ଵିରହସ୍ତଵ ।
ନ ଭଵେତ୍ପୁନରାଵୃତ୍ତିର୍ନ ଚ ସଂସାରଵାସନା ॥ ୫୩ ॥
ତ୍ଵୟି ଭକ୍ତିର୍ଦୃଢା କେନ ସଖୀତ୍ଵଂ ଜାୟତେ ତଵ ।
ତଦୁପାୟଂ ହି ନୋ ବ୍ରୂହି କୃପାଂ କୃତ୍ଵା ଦୟାନିଧେ ॥ ୫୪ ॥
ଶ୍ରୀକୃଷ୍ଣ ଉଵାଚ-
ଅତ୍ୟନ୍ତଦୁର୍ଲଭଃପ୍ରଶ୍ନସ୍ତ୍ଵଦୀୟଃ କଲିନାଶନଃ ।
ନ କଦାପି ମୟା ପ୍ରୋକ୍ତଃ କସ୍ୟାପ୍ୟଗ୍ରେ ଵ୍ରଜାଙ୍ଗନାଃ ॥ ୫୫ ॥
ତଥାପ୍ୟତ୍ୟନ୍ତଭାଵେନ ୟୁଷ୍ମଦ୍ଭକ୍ତ୍ୟା ଵଶୀକୃତଃ ।
ରହସ୍ୟଂ କଥୟାମ୍ୟଦ୍ୟ ମଦୀୟଂ ମଦ୍ଗତିପ୍ରଦମ୍ ॥ ୫୬ ॥
କାଦିନାମସହସ୍ରାଖ୍ୟମଵିଖ୍ୟାତଂ ଧରାତଲେ ।
ଗୁହ୍ୟାଦ୍ଗୁହ୍ୟତରଂ ଗୋପ୍ୟଂ ଵେଦଶାସ୍ତ୍ରାର୍ଥଦୋହନମ୍ ॥ ୫୭ ॥
ଅଲୌକିକମିଦଂ ପୁଂସାଂ ସଦ୍ୟଃ ଶ୍ରେୟସ୍କରଂ ସତାମ୍ ।
ଶବ୍ଦବ୍ରହ୍ମମୟଂ ଲୋକେ ସୂର୍ୟଵଚ୍ଚିତ୍ପ୍ରକାଶନମ୍ ॥ ୫୮ ॥
ସଂସାରସାଗରେ ଘୋରେ ପ୍ଲଵତୁଲ୍ୟଂ ମନୀଷିଣାମ୍ ।
ସର୍ଵସିଦ୍ଧିପ୍ରଦଂ ପୁଂସାମଜ୍ଞାନାର୍ଣଵଶୋଷଣମ୍ ॥ ୫୯ ॥
ଜାତିସ୍ମୃତିପ୍ରଦଂ ଵିଦ୍ୟାଵର୍ଧନଂ ମୋହନାଶନମ୍ ।
ବ୍ରହ୍ମଜ୍ଞାନରହସ୍ୟଂ ମେ କାଦିନାମସହସ୍ରକମ୍ ॥ ୬୦ ॥
ତଦେଵାହଂ ପ୍ରଵକ୍ଷ୍ୟାମି ଶୃଣୁଧ୍ଵଂ ଭକ୍ତିପୂର୍ଵକମ୍ ।
ୟସ୍ୟ ସ୍ମରଣମାତ୍ରେଣ ଜୀଵନ୍ମୁକ୍ତିଃ ପ୍ରଜାୟତେ ॥ ୬୧ ॥
ଓଂ ଅସ୍ୟ ଶ୍ରୀପୁରାଣପୁରୁଷୋତ୍ତମଶ୍ରୀକୃଷ୍ଣକାଦିସହସ୍ରନାମମନ୍ତ୍ରସ୍ୟ
ନାରଦ ଋଷିଃ ଅନୁଷ୍ଟୁପ୍ଛନ୍ଦଃ, ସର୍ଵାତ୍ମସ୍ଵରୂପୀ ଶ୍ରୀପରମାତ୍ମା ଦେଵତା ।
ଓଂ ଇତି ବୀଜଂ, ନମ ଇତି ଶକ୍ତିଃ, କୃଷ୍ଣାୟେତି କୀଲକଂ,
ଧର୍ମାର୍ଥକାମମୋକ୍ଷାର୍ଥେ ଶ୍ରୀକୃଷ୍ଣପ୍ରୀତ୍ୟର୍ଥେ ଜପେ ଵିନିୟୋଗଃ ॥
ଅଥ କରନ୍ୟାସଃ ।
ଓଂ କାଲାତ୍ମେତ୍ୟଙ୍ଗୁଷ୍ଠାଭ୍ୟାଂ ନମଃ ।
ଓଂ କୀର୍ତିଵର୍ଦ୍ଧନ ଇତି ତର୍ଜନୀଭ୍ୟାଂ ନମଃ ।
ଓଂ କୂଟସ୍ଥସାକ୍ଷୀତି ମଧ୍ୟମାଭ୍ୟାଂ ନମଃ ।
ଓଂ କୈଵଲ୍ୟଜ୍ଞାନସାଧନ ଇତି ଅନାମିକାଭ୍ୟାଂ ନମଃ ।
ଓଂ କୌସ୍ତୁଭୋଦ୍ଭାସିତୋରସ୍କ ଇତି କନିଷ୍ଠକାଭ୍ୟାଂ ନମଃ ।
ଓଂ କନ୍ଦର୍ପଜ୍ଵରନାଶନ ଇତି କରତଲକରପୃଷ୍ଠାଭ୍ୟାଂ ନମଃ ॥
ଅଥ ଅଙ୍ଗନ୍ୟାସଃ ।
ଓଂ କାଲାତ୍ମେତି ହୃଦୟାୟ ନମଃ ।
ଓଂ କୀର୍ତିଵର୍ଧନ ଇତି ଶିରସେ ସ୍ଵାହା ।
ଓଂ କୂଟସ୍ଥସାକ୍ଷୀତି ଶିଖାୟୈ ଵଷଟ୍ ।
ଓଂ କୈଵଲ୍ୟଜ୍ଞାନସାଧନ ଇତି କଵଚାୟ ହୁମ୍ ।
ଓଂ କୌସ୍ତୁଭୋଦ୍ଭାସିତୋରସ୍କ ଇତି ନେତ୍ରତ୍ରୟାୟ ଵୌଷଟ୍ ।
ଓଂ କନ୍ଦର୍ପଜ୍ଵରନାଶନ ଇତ୍ୟସ୍ତ୍ରାୟ ଫଟ୍ ।
ଅଥ ଧ୍ୟାନମ୍ ।
ଵନ୍ଦେ କୃଷ୍ଣଂ କୃପାଲୁଂ କଲିକୁଲଦଲନଂ କେଶଵଂ କଂସଶତ୍ରୁଂ
ଧର୍ମିଷ୍ଠଂ ବ୍ରହ୍ମନିଷ୍ଠଂ ଦ୍ଵିଜଵରଵରଦଂ କାଲମାୟାତିରିକ୍ତମ୍ ।
କାଲିନ୍ଦୀକେଲିସକ୍ତଂ କୁଵଲୟନୟନଂ କୁଣ୍ଡଲୋଦ୍ଭାସିତାସ୍ୟଂ
କାଲାତୀତସ୍ଵଧାମାଶ୍ରିତନିଜୟୁଵତୀଵଲ୍ଲଭଂ କାଲକାଲମ୍ ॥ ୬୨ ॥
ଶ୍ରୀକୃଷ୍ଣ ଉଵାଚ-
ଓଂ କୃଷ୍ଣଃ କୃଷ୍ଣାତ୍ମକଃ କୃଷ୍ଣସ୍ଵରୂପଃ କୃଷ୍ଣନାମଧୃତ୍ ।
କୃଷ୍ଣାଙ୍ଗଃ କୃଷ୍ଣଦୈଵତ୍ୟଃ କୃଷ୍ଣାରକ୍ତଵିଲୋଚନଃ ॥ ୬୩ ॥
କୃଷ୍ଣାଶ୍ରୟଃ କୃଷ୍ଣଵର୍ତ୍ତ୍ମା କୃଷ୍ଣାଲକ୍ତାଭିରକ୍ଷକଃ ।
କୃଷ୍ଣେଶପ୍ରୀତିଜନକଃ କୃଷ୍ଣେଶପ୍ରିୟକାରକଃ ॥ ୬୪ ॥
କୃଷ୍ଣେଶାରିଷ୍ଟସଂହର୍ତା କୃଷ୍ଣେଶପ୍ରାଣଵଲ୍ଲଭଃ ।
କୃଷ୍ଣେଶାନନ୍ଦଜନକଃ କୃଷ୍ଣେଶାୟୁର୍ଵିଵର୍ଦ୍ଧନଃ ॥ ୬୫ ॥
କୃଷ୍ଣେଶାରିସମୂହଘ୍ନଃ କୃଷ୍ଣେଶାଭୀଷ୍ଟସିଦ୍ଧିଦଃ ।
କୃଷ୍ଣାଧୀଶଃ କୃଷ୍ଣକେଶଃ କୃଷ୍ଣାନନ୍ଦଵିଵର୍ଦ୍ଧନଃ ॥ ୬୬ ॥
କୃଷ୍ଣାଗରୁସୁଗନ୍ଧାଢ୍ୟଃ କୃଷ୍ଣାଗରୁସୁଗନ୍ଧଵିତ୍ ।
କୃଷ୍ଣାଗରୁଵିଵେକଜ୍ଞଃ କୃଷ୍ଣାଗରୁଵିଲେପନଃ ॥ ୬୭ ॥
କୃତଜ୍ଞଃ କୃତକୃତ୍ୟାତ୍ମା କୃପାସିନ୍ଧୁଃ କୃପାକରଃ ।
କୃଷ୍ଣାନନ୍ଦୈକଵରଦଃ କୃଷ୍ଣାନନ୍ଦପଦାଶ୍ରୟଃ ॥ ୬୮ ॥
କମଲାଵଲ୍ଲଭାକାରଃ କଲିଘ୍ନଃ କମଲାପତିଃ ।
କମଲାନନ୍ଦସମ୍ପନ୍ନଃ କମଲାସେଵିତାକୃତିଃ ॥ ୬୯ ॥
କମଲାମାନସୋଲ୍ଲାସୀ କମଲାମାନଦାୟକଃ ।
କମଲାଲଙ୍କୃତାକାରଃ କମଲାଶ୍ରିତଵିଗ୍ରହଃ ॥ ୭୦ ॥
କମଲାମୁଖପଦ୍ମାର୍କଃ କମଲାକରପୂଜିତଃ ।
କମଲାକରମଧ୍ୟସ୍ଥଃ କମଲାକରତୋଷିତଃ ॥ ୭୧ ॥
କମଲାକରସଂସେଵ୍ୟଃ କମଲାକରଭୂଷିତଃ ।
କମଲାକରଭାଵଜ୍ଞଃ କମଲାକରସଂୟୁତଃ ॥ ୭୨ ॥
କମଲାକରପାର୍ଶ୍ଵସ୍ଥଃ କମଲାକରରୂପଵାନ୍ ।
କମଲାକରଶୋଭାଢ୍ୟଃ କମଲାକରପଙ୍କଜଃ ॥ ୭୩ ॥
କମଲାକରପାପଘ୍ନଃ କମଲାକରପୁଷ୍ଟିକୃତ୍ ।
କମଲାରୂପସୌଭାଗ୍ୟଵର୍ଦ୍ଧନଃ କମଲେକ୍ଷଣଃ ॥ ୭୪ ॥
କମଲାକଲିତାଙ୍ଘ୍ର୍ୟବ୍ଜଃ କମଲାକଲିତାକୃତିଃ ।
କମଲାହୃଦୟାନନ୍ଦଵର୍ଦ୍ଧନଃ କମଲାପ୍ରିୟଃ ॥ ୭୫ ॥
କମଲାଚଲଚିତ୍ତାତ୍ମା କମଲାଲଙ୍କୃତାକୃତିଃ ।
କମଲାଚଲଭାଵଜ୍ଞଃ କମଲାଲିଙ୍ଗିତାକୃତିଃ ॥ ୭୬ ॥
କମଲାମଲନେତ୍ରଶ୍ରୀଃ କମଲାଚଲମାନସଃ ।
କମଲାପରମାନନ୍ଦଵର୍ଦ୍ଧନଃ କମଲାନନଃ ॥ ୭୭ ॥
କମଲାନନ୍ଦସୌଭାଗ୍ୟଵର୍ଦ୍ଧନଃ କମଲାଶ୍ରୟଃ ।
କମଲାଵିଲସତ୍ପାଣିଃ କମଲାମଲଲୋଚନଃ ॥ ୭୮ ॥
କମଲାମଲଭାଲଶ୍ରୀଃ କମଲାକରପଲ୍ଲଵଃ ।
କମଲେଶଃ କମଲଭୂଃ କମଲାନନ୍ଦଦାୟକଃ ॥ ୭୯ ॥
କମଲୋଦ୍ଭଵଭୀତିଘ୍ନଃ କମଲୋଦ୍ଭଵସଂସ୍ତୁତଃ ।
କମଲାକରପାଶାଢ୍ୟଃ କମଲୋଦ୍ଭଵପାଲକଃ ॥ ୮୦ ॥
କମଲାସନସଂସେଵ୍ୟଃ କମଲାସନସଂସ୍ଥିତଃ ।
କମଲାସନରୋଗଘ୍ନଃ କମଲାସନପାପହା ॥ ୮୧ ॥
କମଲୋଦରମଧ୍ୟସ୍ଥଃ କମଲୋଦରଦୀପନଃ ।
କମଲୋଦରସମ୍ପନ୍ନଃ କମଲୋଦରସୁନ୍ଦରଃ ॥ ୮୨ ॥
କନକାଲଙ୍କୃତାକାରଃ କନକାଲଙ୍କୃତାମ୍ବରଃ ।
କନକାଲଙ୍କୃତାଗାରଃ କନକାଲଙ୍କୃତାସନଃ ॥ ୮୩ ॥
କନକାଲଙ୍କୃତାସ୍ୟଶ୍ରୀଃ କନକାଲଙ୍କୃତାସ୍ପଦଃ ।
କନକାଲଙ୍କୃତାଙ୍ଘ୍ର୍ୟବ୍ଜଃ କନକାଲଙ୍କୃତୋଦରଃ ॥ ୮୪ ॥
କନକାମ୍ବରଶୋଭାଢ୍ୟଃ କନକାମ୍ବରଭୂଷଣଃ ।
କନକୋତ୍ତମଭାଲଶ୍ରୀଃ କନକୋତ୍ତମରୂପଧୃକ୍ ॥ ୮୫ ॥
କନକାଗାରମଧ୍ୟସ୍ଥଃ କନକାଗାରକାରକଃ ।
କନକାଚଲମଧ୍ୟସ୍ଥଃ କନକାଚଲପାଲକଃ ॥ ୮୬ ॥
କନକାଚଲଶୋଭାଢ୍ୟଃ କନକାଚଲଭୂଷଣଃ ।
କନକୈକପ୍ରଜାକର୍ତା କନକୈକପ୍ରଦାୟକଃ ॥ ୮୭ ॥
କଲାନନଃ କଲରଵଃ କଲସ୍ତ୍ରୀପରିଵେଷ୍ଟିତଃ ।
କଲହଂସପରିତ୍ରାତା କଲହଂସପରାକ୍ରମଃ ॥ ୮୮ ॥
କଲହଂସସମାନଶ୍ରୀଃ କଲହଂସପ୍ରିୟଙ୍କରଃ ।
କଲହଂସସ୍ଵଭାଵସ୍ଥଃ କଲହଂସୈକମାନସଃ ॥ ୮୯ ॥
କଲହଂସସମାରୂଢଃ କଲହଂସସମପ୍ରଭଃ ।
କଲହଂସଵିଵେକଜ୍ଞଃ କଲହଂସଗତିପ୍ରଦଃ ॥ ୯୦ ॥
କଲହଂସପରିତ୍ରାତା କଲହଂସସୁଖାସ୍ପଦଃ ।
କଲହଂସକୁଲାଧୀଶଃ କଲହଂସକୁଲାସ୍ପଦଃ ॥ ୯୧ ॥
କଲହଂସକୁଲାଧାରଃ କଲହଂସକୁଲେଶ୍ଵରଃ ।
କଲହଂସକୁଲାଚାରୀ କଲହଂସକୁଲପ୍ରିୟଃ ॥ ୯୨ ॥
କଲହଂସକୁଲତ୍ରାତା କଲହଂସକୁଲାତ୍ମକଃ ।
କଵୀଶଃ କଵିଭାଵସ୍ଥଃ କଵିନାଥଃ କଵିପ୍ରିୟଃ ॥ ୯୩ ॥
କଵିମାନସହଂସାତ୍ମା କଵିଵଂଶଵିଭୂଷଣଃ ।
କଵିନାୟକସଂସେଵ୍ୟଃ କଵିନାୟକପାଲକଃ ॥ ୯୪ ॥
କଵିଵଂଶୈକଵରଦଃ କଵିଵଂଶଶିରୋମଣିଃ ।
କଵିଵଂଶଵିଵେକଜ୍ଞଃ କଵିଵଂଶପ୍ରବୋଧକଃ ॥ ୯୫ ॥
କଵିଵଂଶପରିତ୍ରାତା କଵିଵଂଶପ୍ରଭାଵଵିତ୍ ।
କଵିତ୍ଵାମୃତସଂସିଦ୍ଧଃ କଵିତ୍ଵାମୃତସାଗରଃ ॥ ୯୬ ॥
କଵିତ୍ଵାକାରସଂୟୁକ୍ତଃ କଵିତ୍ଵାକାରପାଲକଃ ।
କଵିତ୍ଵାଦ୍ଵୈତଭାଵସ୍ଥଃ କଵିତ୍ଵାଶ୍ରୟକାରକଃ ॥ ୯୭ ॥
କଵୀନ୍ଦ୍ରହୃଦୟାନନ୍ଦୀ କଵୀନ୍ଦ୍ରହୃଦୟାସ୍ପଦଃ ।
କଵୀଣ୍ଦ୍ରହୃଦୟାନ୍ତଃସ୍ଥଃ କଵୀନ୍ଦ୍ରଜ୍ଞାନଦାୟକଃ ॥ ୯୮ ॥
କଵୀନ୍ଦ୍ରହୃଦୟାମ୍ଭୋଜପ୍ରକାଶୈକଦିଵାକରଃ ।
କଵୀନ୍ଦ୍ରହୃଦୟାମ୍ଭୋଜାହ୍ଲାଦନୈକନିଶାକରଃ ॥ ୯୯ ॥
କଵୀନ୍ଦ୍ରହୃଦୟାବ୍ଜସ୍ଥଃ କଵୀନ୍ଦ୍ରପ୍ରତିବୋଧକଃ ।
କଵୀନ୍ଦ୍ରାନନ୍ଦଜନକଃ କଵୀନ୍ଦ୍ରାଶ୍ରିତପଙ୍କଜଃ ॥ ୧୦୦ ॥
କଵିଶବ୍ଦୈକଵରଦଃ କଵିଶବ୍ଦୈକଦୋହନଃ ।
କଵିଶବ୍ଦୈକଭାଵସ୍ଥଃ କଵିଶବ୍ଦୈକକାରଣଃ ॥ ୧୦୧ ॥
କଵିଶବ୍ଦୈକସଂସ୍ତୁତ୍ୟଃ କଵିଶବ୍ଦୈକଭୂଷଣଃ ।
କଵିଶବ୍ଦୈକରସିକଃ କଵିଶବ୍ଦଵିଵେକଵିତ୍ ॥ ୧୦୨ ॥
କଵିତ୍ଵବ୍ରହ୍ମଵିଖ୍ୟାତଃ କଵିତ୍ଵବ୍ରହ୍ମଗୋଚରଃ ।
କଵିଵାଣୀଵିଵେକଜ୍ଞଃ କଵିଵାଣୀଵିଭୂଷଣଃ ॥ ୧୦୩ ॥
କଵିଵାଣୀସୁଧାସ୍ଵାଦୀ କଵିଵାଣୀସୁଧାକରଃ ।
କଵିଵାଣୀଵିଵେକସ୍ଥଃ କଵିଵାଣୀଵିଵେକଵିତ୍ ॥ ୧୦୪ ॥
କଵିଵାଣୀପରିତ୍ରାତା କଵିଵାଣୀଵିଲାସଵାନ୍ ।
କଵିଶକ୍ତିପ୍ରଦାତା ଚ କଵିଶକ୍ତିପ୍ରଵର୍ତକଃ ॥ ୧୦୫ ॥
କଵିଶକ୍ତିସମୂହସ୍ଥଃ କଵିଶକ୍ତିକଲାନିଧିଃ ।
କଲାକୋଟିସମାୟୁକ୍ତଃ କଲାକୋଟିସମାଵୃତଃ ॥ ୧୦୬ ॥
କଲାକୋଟିପ୍ରକାଶସ୍ଥଃ କଲାକୋଟିପ୍ରଵର୍ତକଃ ।
କଲାନିଧିସମାକାରଃ କଲାନିଧିସମନ୍ଵିତଃ ॥ ୧୦୭ ॥
କଲାକୋଟିପରିତ୍ରାତା କଲାକୋଟିପ୍ରଵର୍ଧନଃ ।
କଲାନିଧିସୁଧାସ୍ଵାଦୀ କଲାନିଧିସମାଶ୍ରିତଃ ॥ ୧୦୮ ॥
କଲଙ୍କରହିତାକାରଃ କଲଙ୍କରହିତାସ୍ପଦଃ ।
କଲଙ୍କରହିତାନନ୍ଦଃ କଲଙ୍କରହିତାତ୍ମକଃ ॥ ୧୦୯ ॥
କଲଙ୍କରହିତାଭାସଃ କଲଙ୍କରହିତୋଦୟଃ ।
କଲଙ୍କରହିତୋଦ୍ଦେଶଃ କଲଙ୍କରହିତାନନଃ ॥ ୧୧୦ ॥
କଲଙ୍କରହିତଶ୍ରୀଶଃ କଲଙ୍କରହିତସ୍ତୁତିଃ ।
କଲଙ୍କରହିତୋତ୍ସାହଃ କଲଙ୍କରହିତପ୍ରିୟଃ ॥ ୧୧୧ ॥
କଲଙ୍କରହିତୋଚ୍ଚାରଃ କଲଙ୍କରହିତେନ୍ଦିରୟଃ ।
କଲଙ୍କରହିତାକାରଃ କଲଙ୍କରହିତୋତ୍ସଵଃ ॥ ୧୧୨ ॥
କଲଙ୍କାଙ୍କିତଦୁଷ୍ଟଘ୍ନଃ କଲଙ୍କାଙ୍କିତଧର୍ମହା ।
କଲଙ୍କାଙ୍କିତକର୍ମାରିଃ କଲଙ୍କାଙ୍କିତମାର୍ଗହୃତ୍ ॥ ୧୧୩ ॥
କଲଙ୍କାଙ୍କିତଦୁର୍ଦ୍ଦର୍ଶଃ କଲଙ୍କାଙ୍କିତଦୁଃସହଃ ।
କଲଙ୍କାଙ୍କିତଦୂରସ୍ଥଃ କଲଙ୍କାଙ୍କିତଦୂଷଣଃ ॥ ୧୧୪ ॥
କଲହୋତ୍ପତ୍ତିସଂହର୍ତା କଲହୋତ୍ପତ୍ତିକୃଦ୍ରିପୁଃ ।
କଲହାତୀତଧାମସ୍ଥଃ କଲହାତୀତନାୟକଃ ॥ ୧୧୫ ॥
କଲହାତୀତତତ୍ତ୍ଵଜ୍ଞଃ କଲହାତୀତଵୈଭଵଃ ।
କଲହାତୀତଭାଵସ୍ଥଃ କଲହାତୀତସତ୍ତମଃ ॥ ୧୧୬ ॥
କଲିକାଲବଲାତୀତଃ କଲିକାଲଵିଲୋପକଃ ।
କଲିକାଲୈକସଂହର୍ତା କଲିକାଲୈକଦୂଷଣଃ ॥ ୧୧୭ ॥
କଲିକାଲକୁଲଧ୍ଵଂସୀ କଲିକାଲକୁଲାପହଃ ।
କଲିକାଲଭୟଚ୍ଛେତ୍ତା କଲିକାଲମଦାପହଃ ॥ ୧୧୮ ॥
କଲିକ୍ଲେଶଵିନିର୍ମୁକ୍ତଃ କଲିକ୍ଲେଶଵିନାଶନଃ ।
କଲିଗ୍ରସ୍ତଜନତ୍ରାତା କଲିଗ୍ରସ୍ତନିଜାର୍ତିହା ॥ ୧୧୯ ॥
କଲିଗ୍ରସ୍ତଜଗନ୍ମିତ୍ରଃ କଲିଗ୍ରସ୍ତଜଗତ୍ପତିଃ ।
କଲିଗ୍ରସ୍ତଜଗତ୍ତ୍ରାତା କଲିପାଶଵିନାଶନଃ ॥ ୧୨୦ ॥
କଲିମୁକ୍ତିପ୍ରାଦାତା କଃ କଲିମୁକ୍ତକଲେଵରଃ ।
କଲିମୁକ୍ତମନୋଵୃତ୍ତିଃ କଲିମୁକ୍ତମହାମତିଃ ॥ ୧୨୧ ॥
କଲିକାଲମତାତୀତଃ କଲିଧର୍ମଵିଲୋପକଃ ।
କଲିଧର୍ମାଧିପଧ୍ଵଂସୀ କଲିଧର୍ମୈକଖଣ୍ଡନଃ ॥ ୧୨୨ ॥
କଲିଧର୍ମାଧିପାଲକ୍ଷ୍ୟଃ କଲିକାଲଵିକାରହା ।
କଲିକର୍ମକଥାତୀତଃ କଲିକର୍ମକଥାରିପୁଃ ॥ ୧୨୩ ॥
କଲିକଷ୍ଟୈକଶମନଃ କଲିକଷ୍ଟଵିଵର୍ଜ୍ଜିତଃ ।
କଲିଘ୍ନଃ କଲିଧର୍ମଘ୍ନଃ କଲିଧର୍ମାଧିକାରିହା ॥ ୧୨୪ ॥
କର୍ମଵିତ୍କର୍ମକୃତ୍କର୍ମୀ କର୍ମକାଣ୍ଡୈକଦୋହନଃ ।
କର୍ମସ୍ଥଃ କର୍ମଜନକଃ କର୍ମିଷ୍ଠଃ କର୍ମସାଧନଃ ॥ ୧୨୫ ॥
କର୍ମକର୍ତା କର୍ମଭର୍ତା କର୍ମହର୍ତା ଚ କର୍ମଜିତ୍ ।
କର୍ମଜାତଜଗତ୍ତ୍ରାତା କର୍ମଜାତଜଗତ୍ପତିଃ ॥ ୧୨୬ ॥
କର୍ମଜାତଜଗନ୍ମିତ୍ରଃ କର୍ମଜାତଜଗଦ୍ଗୁରୁଃ ।
କର୍ମଭୂତଭଵଚ୍ଛାତ୍ରଃ କର୍ମଭୂତଭଵାତିହା ॥ ୧୨୭ ॥
କର୍ମକାଣ୍ଡପରିଜ୍ଞାତା କର୍ମକାଣ୍ଡପ୍ରଵର୍ତ୍ତକଃ ।
କର୍ମକାଣ୍ଡପରିତ୍ରାତା କର୍ମକାଣ୍ଡପ୍ରମାଣକୃତ୍ ॥ ୧୨୮ ॥
କର୍ମକାଣ୍ଡଵିଵେକଜ୍ଞଃ କର୍ମକାଣ୍ଡପ୍ରକାରକଃ ।
କର୍ମକାଣ୍ଡଵିଵେକସ୍ଥଃ କର୍ମକାଣ୍ଡୈକଦୋହନଃ ॥ ୧୨୯ ॥
କର୍ମକାଣ୍ଡରତାଭୀଷ୍ଟପ୍ରଦାତା କର୍ମତତ୍ପରଃ ।
କର୍ମବଦ୍ଧଜଗତ୍ତ୍ରାତା କର୍ମବଦ୍ଧଜଗଦ୍ଗୁରୁଃ ॥ ୧୩୦ ॥
କର୍ମବନ୍ଧାର୍ତିଶମନଃ କର୍ମବନ୍ଧଵିମୋଚନଃ ।
କର୍ମିଷ୍ଠଦ୍ଵିଜଵର୍ୟସ୍ଥଃ କର୍ମିଷ୍ଠଦ୍ଵିଜଵଲ୍ଲଭଃ ॥ ୧୩୧ ॥
କର୍ମିଷ୍ଠଦ୍ଵିଜଜୀଵାତ୍ମା କର୍ମିଷ୍ଠଦ୍ଵିଜଜୀଵନଃ ।
କର୍ମିଷ୍ଠଦ୍ଵିଜଭାଵଜ୍ଞଃ କର୍ମିଷ୍ଠଦ୍ଵିଜପାଲକଃ ॥ ୧୩୨ ॥
କର୍ମିଷ୍ଠଦ୍ଵିଜଜାତିସ୍ଥଃ କର୍ମିଷ୍ଠଦ୍ଵିଜକାମଦଃ ।
କର୍ମିଷ୍ଠଦ୍ଵିଜସଂସେଵ୍ୟଃ କର୍ମିଷ୍ଠଦ୍ଵିଜପାପହା ॥ ୧୩୩ ॥
କର୍ମିଷ୍ଠଦ୍ଵିଜବୁଦ୍ଧିସ୍ଥଃ କର୍ମିଷ୍ଠଦ୍ଵିଜବୋଧକଃ ।
କର୍ମିଷ୍ଠଦ୍ଵିଜଭୀତିଘ୍ନଃ କର୍ମିଷ୍ଠଦ୍ଵିଜମୁକ୍ତିଦଃ ॥ ୧୩୪ ॥
କର୍ମିଷ୍ଠଦ୍ଵିଜଦୋଷଘ୍ନଃ କର୍ମିଷ୍ଠଦ୍ଵିଜକାମଧୁକ୍ ।
କର୍ମିଷ୍ଠଦ୍ଵିଜସମ୍ପୂଜ୍ୟଃ କର୍ମିଷ୍ଠଦ୍ଵିଜତାରକଃ ॥ ୧୩୫ ॥
କର୍ମିଷ୍ଠାରିଷ୍ଟସଂହର୍ତା କର୍ମିଷ୍ଠାଭୀଷ୍ଟସିଦ୍ଧିଦଃ ।
କର୍ମିଷ୍ଠାଦୃଷ୍ଟମଧ୍ୟସ୍ଥଃ କର୍ମିଷ୍ଠାଦୃଷ୍ଟଵର୍ଧନଃ ॥ ୧୩୬ ॥
କର୍ମମୂଲଜଗଦ୍ଧେତୁଃ କର୍ମମୂଲନିକନ୍ଦନଃ ।
କର୍ମବୀଜପରିତ୍ରାତା କର୍ମବୀଜଵିଵର୍ଦ୍ଧନଃ ॥ ୧୩୭ ॥
କର୍ମଦ୍ରୁମଫଲାଧୀଶଃ କର୍ମଦ୍ରୁମଫଲପ୍ରଦଃ ।
କସ୍ତୂରୀଦ୍ରଵଲିପ୍ତାଙ୍ଗଃ କସ୍ତୂରୀଦ୍ରଵଵଲ୍ଲଭଃ ॥ ୧୩୮ ॥
କସ୍ତୂରୀସୌରଭଗ୍ରାହୀ କସ୍ତୂରୀମୃଗଵଲ୍ଲଭଃ ।
କସ୍ତୂରୀତିଲକାନନ୍ଦୀ କସ୍ତୂରୀତିଲକପ୍ରିୟଃ ॥ ୧୩୯ ॥
କସ୍ତୂରୀତିଲକାଶ୍ଲେଷୀ କସ୍ତୂରୀତିଲକାଙ୍କିତଃ ।
କସ୍ତୂରୀଵାସନାଲୀନଃ କସ୍ତୂରୀଵାସନାପ୍ରିୟଃ ॥ ୧୪୦ ॥
କସ୍ତୂରୀଵାସନାରୂପଃ କସ୍ତୂରୀଵାସନାତ୍ମକଃ ।
କସ୍ତୂରୀଵାସନାନ୍ତଃସ୍ଥଃ କସ୍ତୂରୀଵାସନାସ୍ପଦଃ ॥ ୧୪୧ ॥
କସ୍ତୂରୀଚନ୍ଦନଗ୍ରାହୀ କସ୍ତୂରୀଚନ୍ଦନାର୍ଚିତଃ ।
କସ୍ତୂରୀଚନ୍ଦନାଗାରଃ କସ୍ତୂରୀଚନ୍ଦନାନ୍ଵିତଃ ॥ ୧୪୨ ॥
କସ୍ତୂରୀଚନ୍ଦନାକାରଃ କସ୍ତୂରୀଚନ୍ଦନାସନଃ ।
କସ୍ତୂରୀଚର୍ଚିତୋରସ୍କଃ କସ୍ତୂରୀଚର୍ଵିତାନନଃ ॥ ୧୪୩ ॥
କସ୍ତୂରୀଚର୍ଵିତଶ୍ରୀଶଃ କସ୍ତୂରୀଚର୍ଚିତାମ୍ବରଃ ।
କସ୍ତୂରୀଚର୍ଚିତାସ୍ୟଶ୍ରୀଃ କସ୍ତୂରୀଚର୍ଚିତପ୍ରିୟଃ ॥ ୧୪୪ ॥
କସ୍ତୂରୀମୋଦମୁଦିତଃ କସ୍ତୂରୀମୋଦଵର୍ଦ୍ଧନଃ ।
କସ୍ତୂରୀମୋଦଦୀପ୍ତାଙ୍ଗଃ କସ୍ତୂରୀସୁନ୍ଦରାକୃତିଃ ॥ ୧୪୫ ॥
କସ୍ତୂରୀମୋଦରସିକଃ କସ୍ତୂରୀମୋଦଲୋଲୁପଃ ।
କସ୍ତୂରୀପରମାନନ୍ଦୀ କସ୍ତୂରୀପରମେଶ୍ଵରଃ ॥ ୧୪୬ ॥
କସ୍ତୂରୀଦାନସନ୍ତୁଷ୍ଟଃ କସ୍ତୂରୀଦାନଵଲ୍ଲଭଃ ।
କସ୍ତୂରୀପରମାହ୍ଲାଦଃ କସ୍ତୂରୀପୁଷ୍ଟିଵର୍ଦ୍ଧନଃ ॥ ୧୪୭ ॥
କସ୍ତୂରୀମୁଦିତାତ୍ମା ଚ କସ୍ତୂରୀମୁଦିତାଶୟଃ ।
କଦଲୀଵନମଧ୍ୟସ୍ଥଃ କଦଲୀଵନପାଲକଃ ॥ ୧୪୮ ॥
କଦଲୀଵନସଞ୍ଚାରୀ କଦଲୀଵନଵଲ୍ଲଭଃ ।
କଦଲୀଦର୍ଶନାନନ୍ଦୀ କଦଲୀଦର୍ଶନୋତ୍ସୁକଃ ॥ ୧୪୯ ॥
କଦଲୀପଲ୍ଲଵାସ୍ଵାଦୀ କଦଲୀପଲ୍ଲଵାଶ୍ରୟଃ ।
କଦଲୀଫଲସନ୍ତୁଷ୍ଟଃ କଦଲୀଫଲଦାୟକଃ ॥ ୧୫୦ ॥
କଦଲୀଫଲସମ୍ପୁଷ୍ଟଃ କଦଲୀଫଲଭୋଜନଃ ।
କଦଲୀଫଲଵର୍ୟାଶୀ କଦଲୀଫଲତୋଷିତଃ ॥ ୧୫୧ ॥
କଦଲୀଫଲମାଧୁର୍ୟଵଲ୍ଲଭଃ କଦଲୀପ୍ରିୟଃ ।
କପିଧ୍ଵଜସମାୟୁକ୍ତଃ କପିଧ୍ଵଜପରିସ୍ତୁତଃ ॥ ୧୫୨ ॥
କପିଧ୍ଵଜପରିତ୍ରାତା କପିଧ୍ଵଜସମାଶ୍ରିତଃ ।
କପିଧ୍ଵଜପଦାନ୍ତସ୍ଥଃ କପିଧ୍ଵଜଜୟପ୍ରଦଃ ॥ ୧୫୩ ॥
କପିଧ୍ଵଜରଥାରୂଢଃ କପିଧ୍ଵଜୟଶଃପ୍ରଦଃ ।
କପିଧ୍ଵଜୈକପାପଘ୍ନଃ କପିଧ୍ଵଜସୁଖପ୍ରଦଃ ॥ ୧୫୪ ॥
କପିଧ୍ଵଜାରିସଂହର୍ତା କପିଧ୍ଵଜଭୟାପହଃ ।
କପିଧ୍ଵଜମନୋଽଭିଜ୍ଞଃ କପିଧ୍ଵଜମତିପ୍ରଦଃ ॥ ୧୫୫ ॥
କପିଧ୍ଵଜସୁହୃନ୍ମିତ୍ରଃ କପିଧ୍ଵଜସୁହୃତ୍ସଖଃ ।
କପିଧ୍ଵଜାଙ୍ଗନାରାଧ୍ୟଃ କପିଧ୍ଵଜଗତିପ୍ରଦଃ ॥ ୧୫୬ ॥
କପିଧ୍ଵଜାଙ୍ଗନାରିଘ୍ନଃ କପିଧ୍ଵଜରତିପ୍ରଦଃ ।
କପିଧ୍ଵଜକୁଲତ୍ରାତା କପିଧ୍ଵଜକୁଲାରିହା ॥ ୧୫୭ ॥
କପିଧ୍ଵଜକୁଲାଧୀଶଃ କପିଧ୍ଵଜକୁଲପ୍ରିୟଃ ।
କପୀନ୍ଦ୍ରସେଵିତାଙ୍ଘ୍ର୍ୟବ୍ଜଃ କପୀନ୍ଦ୍ରସ୍ତୁତିଵଲ୍ଲଭଃ ॥ ୧୫୮ ॥
କପୀନ୍ଦ୍ରାନନ୍ଦଜନକଃ କପୀନ୍ଦ୍ରାଶ୍ରିତଵିଗ୍ରହଃ ।
କପୀଣ୍ଦ୍ରାଶ୍ରିତପାଦାବ୍ଜଃ କପୀନ୍ଦ୍ରାଶ୍ରିତମାନସଃ ॥ ୧୫୯ ॥
କପୀନ୍ଦ୍ରାରାଧିତାକାରଃ କପୀନ୍ଦ୍ରାଭୀଷ୍ଟସିଦ୍ଧିଦଃ ।
କପୀନ୍ଦ୍ରାରାତିସଂହର୍ତା କପୀନ୍ଦ୍ରାତିବଲପ୍ରଦଃ ॥ ୧୬୦ ॥
କପୀନ୍ଦ୍ରୈକପରିତ୍ରାତା କପୀନ୍ଦ୍ରୈକୟଶଃପ୍ରଦଃ ॥ ୧୬୧ ॥
କପୀନ୍ଦ୍ରାନନ୍ଦସମ୍ପନ୍ନଃ କପୀନ୍ଦ୍ରାନନ୍ଦଵର୍ଦ୍ଧନଃ ।
କପୀନ୍ଦ୍ରଧ୍ୟାନଗମ୍ୟାତ୍ମା କପୀନ୍ଦ୍ରଜ୍ଞାନଦାୟକଃ ॥ ୧୬୨ ॥
କଲ୍ୟାଣମଙ୍ଗଲାକାରଃ କଲ୍ୟାଣମଙ୍ଗଲାସ୍ପଦଃ ।
କଲ୍ୟାଣମଙ୍ଗଲାଧୀଶଃ କଲ୍ୟାଣମଙ୍ଗଲପ୍ରଦଃ ॥ ୧୬୩ ॥
କଲ୍ୟାଣମଙ୍ଗଲାଗାରଃ କଲ୍ୟାଣମଙ୍ଗଲାତ୍ମକଃ ।
କଲ୍ୟାଣାନନ୍ଦସପନ୍ନଃ କଲ୍ୟାଣାନନ୍ଦଵର୍ଧନଃ ॥ ୧୬୪ ॥
କଲ୍ୟାଣାନନ୍ଦସହିତଃ କଲ୍ୟାଣାନନ୍ଦଦାୟକଃ ॥ ୧୬୫ ॥
କଲ୍ୟାଣାନନ୍ଦସନ୍ତୁଷ୍ଟଃ କଲ୍ୟାଣାନନ୍ଦସଂୟୁତଃ ।
କଲ୍ୟାଣୀରାଗସଙ୍ଗୀତଃ କଲ୍ୟାଣୀରାଗଵଲ୍ଲଭଃ ॥ ୧୬୬ ॥
କଲ୍ୟାଣୀରାଗରସିକଃ କଲ୍ୟାଣୀରାଗକାରକଃ ।
କଲ୍ୟାଣୀକେଲିକୁଶଲଃ କଲ୍ୟାଣୀପ୍ରିୟଦର୍ଶନଃ ॥ ୧୬୭ ॥
କଲ୍ପଶାସ୍ତ୍ରପରିଜ୍ଞାତା କଲ୍ପଶାସ୍ତ୍ରାର୍ଥଦୋହନଃ ।
କଲ୍ପଶାସ୍ତ୍ରସମୁଦ୍ଧର୍ତା କଲ୍ପଶାସ୍ତ୍ରପରିସ୍ତୁତଃ ॥ ୧୬୮ ॥
କଲ୍ପକୋଟିଶତାତୀତଃ କଲ୍ପକୋଟିଶତୋତ୍ତରଃ ।
କଲ୍ପକୋଟିଶତଜ୍ଞାନୀ କଲ୍ପକୋଟିଶତପ୍ରଭୁଃ ॥ ୧୬୯ ॥
କଲ୍ପଵୃକ୍ଷସମାକାରଃ କଲ୍ପଵୃକ୍ଷସମପ୍ରଭଃ ।
କଲ୍ପଵୃକ୍ଷସମୋଦାରଃ କଲ୍ପଵୃକ୍ଷସମସ୍ଥିତଃ ॥ ୧୭୦ ॥
କଲ୍ପଵୃକ୍ଷପରିତ୍ରାତା କଲ୍ପଵୃକ୍ଷସମାଵୃତଃ ।
କଲ୍ପଵୃକ୍ଷଵନାଧୀଶଃ କଲ୍ପଵୃକ୍ଷଵନାସ୍ପଦଃ ॥ ୧୭୧ ॥
କଲ୍ପାନ୍ତଦହନାକାରଃ କଲ୍ପାନ୍ତଦହନୋପମଃ ।
କଲ୍ପାନ୍ତକାଲଶମନଃ କଲ୍ପାନ୍ତାତୀତଵିଗ୍ରହଃ ॥ ୧୭୨ ॥
କଲଶୋଦ୍ଭଵସଂସେଵ୍ୟଃ କଲଶୋଦ୍ଭଵଵଲ୍ଲଭଃ ।
କଲଶୋଦ୍ଭଵଭୀତିଘ୍ନଃ କଲଶୋଦ୍ଭଵସିଦ୍ଧିଦଃ ॥ ୧୭୩ ॥
କପିଲଃ କପିଲାକାରଃ କପିଲପ୍ରିୟଦର୍ଶନଃ ।
କର୍ଦ୍ଦମାତ୍ମଜଭାଵସ୍ଥଃ କର୍ଦ୍ଦମପ୍ରିୟକାରକଃ ॥ ୧୭୪ ॥
କନ୍ୟକାନୀକଵରଦଃ କନ୍ୟକାନୀକଵଲ୍ଲଭଃ ।
କନ୍ୟକାନୀକସଂସ୍ତୁତ୍ୟଃ କନ୍ୟକାନୀକନାୟକଃ ॥ ୧୭୫ ॥
କନ୍ୟାଦାନପ୍ରଦତ୍ରାତା କନ୍ୟାଦାନପ୍ରଦପ୍ରିୟଃ ।
କନ୍ୟାଦାନପ୍ରଭାଵଜ୍ଞଃ କନ୍ୟାଦାନପ୍ରଦାୟକଃ ॥ ୧୭୬ ॥
କଶ୍ୟପାତ୍ମଜଭାଵସ୍ଥଃ କଶ୍ୟପାତ୍ମଜଭାସ୍କରଃ ।
କଶ୍ୟପାତ୍ମଜଶତ୍ରୁଘ୍ନଃ କଶ୍ୟପାତ୍ମଜପାଲକଃ ॥ ୧୭୭ ॥
କଶ୍ୟପାତ୍ମଜମଧ୍ୟସ୍ଥଃ କଶ୍ୟପାତ୍ମଜଵଲ୍ଲଭଃ ।
କଶ୍ୟପାତ୍ମଜଭୀତିଘ୍ନଃ କଶ୍ୟପାତ୍ମଜଦୁର୍ଲଭଃ ॥ ୧୭୮ ॥
କଶ୍ୟପାତ୍ମଜଭାଵସ୍ଥଃ କଶ୍ୟପାତ୍ମଜଭାଵଵିତ୍ ।
କଶ୍ୟପୋଦ୍ଭଵଦୈତ୍ୟାରିଃ କଶ୍ୟପୋଦ୍ଭଵଦେଵରାଟ୍ ॥ ୧୭୯ ॥
କଶ୍ପୟାନନ୍ଦଜନକଃ କଶ୍ୟପାନନ୍ଦଵର୍ଦ୍ଧନଃ ।
କଶ୍ୟପାରିଷ୍ଟସଂହର୍ତା କଶ୍ୟପାଭୀଷ୍ଟସିଦ୍ଧିଦଃ ॥ ୧୮୦ ॥
କର୍ତୃକର୍ମକ୍ରିୟାତୀତଃ କର୍ତୃକର୍ମକ୍ରିୟାନ୍ଵୟଃ ।
କର୍ତୃକର୍ମକ୍ରିୟାଲକ୍ଷ୍ୟଃ କର୍ତୃକର୍ମକ୍ରିୟାସ୍ପଦଃ ॥ ୧୮୧ ॥
କର୍ତୃକର୍ମକ୍ରିୟାଧୀଶଃ କର୍ତୃକର୍ମକ୍ରିୟାତ୍ମକଃ ।
କର୍ତୃକର୍ମକ୍ରିୟାଭାସଃ କର୍ତୃକର୍ମକ୍ରିୟାପ୍ରଦଃ ॥ ୧୮୨ ॥
କୃପାନାଥଃ କୃପାସିନ୍ଧୁଃ କୃପାଧୀଶଃ କୃପାକରଃ ।
କୃପାସାଗରମଧ୍ୟସ୍ଥଃ କୃପାପାତ୍ରଃ କୃପାନିଧିଃ ॥ ୧୮୩ ॥
କୃପାପାତ୍ରୈକଵରଦଃ କୃପାପାତ୍ରଭୟାପହଃ ।
କୃପାକଟାକ୍ଷପାପଘ୍ନଃ କୃତକୃତ୍ୟଃ କୃତାନ୍ତକଃ ॥ ୧୮୪ ॥
କଦମ୍ବଵନମଧ୍ୟସ୍ଥଃ କଦମ୍ବକୁସୁମପ୍ରିୟଃ ।
କଦମ୍ବଵନସଞ୍ଚାରୀ କଦମ୍ବଵନଵଲ୍ଲଭଃ ॥ ୧୮୫ ॥
କର୍ପୂରାମୋଦମୁଦିତଃ କର୍ପୂରାମୋଦଵଲ୍ଲଭଃ ।
କର୍ପୂରଵାସନାସକ୍ତଃ କର୍ପୂରାଗରୁଚର୍ଚିତଃ ॥ ୧୮୬ ॥
କରୁଣାରସଂସମ୍ପୂର୍ଣଃ କରୁଣାରସଵର୍ଧନଃ ।
କରୁଣାକରଵିଖ୍ୟାତଃ କରୁଣାକରସାଗରଃ ॥ ୧୮୭ ॥
କାଲାତ୍ମା କାଲଜନକଃ କାଲାଗ୍ନିଃ କାଲସଂଜ୍ଞକଃ ।
କାଲଃ କାଲକଲାତୀତଃ କାଲସ୍ଥଃ କାଲଭୈରଵଃ ॥ ୧୮୮ ॥
କାଲଜ୍ଞଃ କାଲସଂହର୍ତା କାଲଚକ୍ରପ୍ରଵର୍ତକଃ ।
କାଲରୂପଃ କାଲନାଥଃ କାଲକୃତ୍କାଲିକାପ୍ରିୟଃ ॥ ୧୮୯ ॥
କାଲୈକଵରଦଃ କାଲଃ କାରଣଃ କାଲରୂପଭାକ୍ ।
କାଲମାୟାକଲାତୀତଃ କାଲମାୟାପ୍ରଵର୍ତକଃ ॥ ୧୯୦ ॥
କାଲମାୟାଵିନିର୍ମୁକ୍ତଃ କାଲମାୟାବଲାପହଃ ।
କାଲତ୍ରୟଗତିଜ୍ଞାତା କାଲତ୍ରୟପରାକ୍ରମଃ ॥ ୧୯୧ ॥
କାଲଜ୍ଞାନକଲାତୀତଃ କାଲଜ୍ଞାନପ୍ରଦାୟକଃ ।
କାଲଜ୍ଞଃ କାଲରହିତଃ କାଲାନନସମପ୍ରଭଃ ॥ ୧୯୨ ॥
କାଲଚକ୍ରୈକ ହେତୁସ୍ଥଃ କାଲରାତ୍ରିଦୁରତ୍ୟୟଃ ।
କାଲପାଶଵିନିର୍ମୁକ୍ତଃ କାଲପାଶଵିମୋଚନଃ ॥ ୧୯୩ ॥
କାଲଵ୍ୟାଲୈକଦଲନଃ କାଲଵ୍ୟାଲଭୟାପହଃ ।
କାଲକର୍ମକଲାତୀତଃ କାଲକର୍ମକଲାଶ୍ରୟଃ ॥ ୧୯୪ ॥
କାଲକର୍ମକଲାଧୀଶଃ କାଲକର୍ମକଲାତ୍ମକଃ ।
କାଲଵ୍ୟାଲପରିଗ୍ରସ୍ତନିଜଭକ୍ତୈକମୋଚନଃ ॥ ୧୯୫ ॥
କାଶିରାଜଶିରଶ୍ଛେତ୍ତା କାଶୀଶପ୍ରିୟକାରକଃ ।
କାଶୀସ୍ଥାର୍ତିହରଃ କାଶୀମଧ୍ୟସ୍ଥଃ କାଶିକାପ୍ରିୟଃ ॥ ୧୯୬ ॥
କାଶୀଵାସିଜନାନନ୍ଦୀ କାଶୀଵାସିଜନପ୍ରିୟଃ ।
କାଶୀଵାସିଜନତ୍ରାତା କାଶୀଵାସିଜନସ୍ତୁତଃ ॥ ୧୯୭ ॥
କାଶୀଵାସିଵିକାରଘ୍ନଃ କାଶୀଵାସିଵିମୋଚନଃ ।
କାଶୀଵାସିଜନୋଦ୍ଧର୍ତା କାଶୀଵାସକୁଲପ୍ରଦଃ ॥ ୧୯୮ ॥
କାଶୀଵାସ୍ୟାଶ୍ରିତାଙ୍ଘ୍ର୍ୟବ୍ଜଃ କାଶୀଵାସିସୁଖପ୍ରଦଃ ।
କାଶୀସ୍ଥାଭୀଷ୍ଟଫଲଦଃ କାଶୀସ୍ଥାରିଷ୍ଟନାଶନଃ ॥ ୧୯୯ ॥
କାଶୀସ୍ଥଦ୍ଵିଜସଂସେଵ୍ୟଃ କାଶୀସ୍ଥଦ୍ଵିଜପାଲକଃ ।
କାଶୀସ୍ଥଦ୍ଵିଜସଦ୍ବୁଦ୍ଧିପ୍ରଦାତା କାଶିକାଶ୍ରୟଃ ॥ ୨୦୦ ॥
କାନ୍ତୀଶଃ କାନ୍ତିଦଃ କାନ୍ତଃ କାନ୍ତାରପ୍ରିୟଦର୍ଶନଃ ।
କାନ୍ତିମାନ୍କାନ୍ତିଜନକଃ କାନ୍ତିସ୍ଥଃ କାନ୍ତିଵର୍ଧନଃ ॥ ୨୦୧ ॥
କାଲାଗରୁସୁଗନ୍ଧାଢ୍ୟଃ କାଲାଗରୁଵିଲେପନଃ ।
କାଲାଗରୁସୁଗନ୍ଧଜ୍ଞଃ କାଲାଗରୁସୁଗନ୍ଧକୃତ୍ ॥ ୨୦୨ ॥
କାପଟ୍ୟପଟଲଚ୍ଛେତ୍ତା କାୟସ୍ଥଃ କାୟଵର୍ଧନଃ ।
କାୟଭାଗ୍ଭୟଭୀତିଘ୍ନଃ କାୟରୋଗାପହାରକଃ ॥ ୨୦୩ ॥
କାର୍ୟକାରଣକର୍ତୃସ୍ଥଃ କାର୍ୟକାରଣକାରକଃ ।
କାର୍ୟକାରଣସମ୍ପନ୍ନଃ କାର୍ୟକାରଣସିଦ୍ଧିଦଃ ॥ ୨୦୪ ॥
କାଵ୍ୟାମୃତରସାସ୍ଵାଦୀ କାଵ୍ୟାମୃତରସାତ୍ମକଃ ।
କାଵ୍ୟାମୃତରସାଭିଜ୍ଞଃ କାର୍ୟାମୃତରସପ୍ରିୟଃ ॥ ୨୦୫ ॥
କାଦିଵର୍ଣୈକଜନକଃ କାଦିଵର୍ଣପ୍ରଵର୍ତକଃ ।
କାଦିଵର୍ଣଵିଵେକଜ୍ଞଃ କାଦିଵର୍ଣଵିନୋଦଵାନ୍ ॥ ୨୦୬ ॥
କାଦିହାଦିମନୁଜ୍ଞାତା କାଦିହାଦିମନୁପ୍ରିୟଃ ।
କାଦିହାଦିମନୂଦ୍ଧାରକାରକଃ କାଦିସଂଜ୍ଞକଃ ॥ ୨୦୭ ॥
କାଲୁଷ୍ୟରହିତାକାରଃ କାଲୁଷ୍ୟୈକଵିନାଶନଃ ।
କାରାଗୃହଵିମୁକ୍ତାତ୍ମା କାରାଗୃହଵିମୋଚନଃ ॥ ୨୦୮ ॥
କାମାତ୍ମା କାମଦଃ କାମୀ କାମେଶଃ କାମପୂରକଃ ।
କାମହୃତ୍କାମଜନକଃ କାମିକାମପ୍ରଦାୟକଃ ॥ ୨୦୯ ॥
କାମପାଲଃ କାମଭର୍ତା କାମକେଲିକଲାନିଧିଃ ।
କାମକେଲିକଲାସକ୍ତଃ କାମକେଲିକଲାପ୍ରିୟଃ ॥ ୨୧୦ ॥
କାମବୀଜୈକଵରଦଃ କାମବୀଜସମନ୍ଵିତଃ ।
କାମଜିତ୍କାମଵରଦଃ କାମକ୍ରୀଡାତିଲାଲସଃ ॥ ୨୧୧ ॥
କାମାର୍ତିଶମନଃ କାମାଲଙ୍କୃତଃ କାମସଂସ୍ତୁତଃ ।
କାମିନୀକାମଜନକଃ କାମିନୀକାମଵର୍ଧନଃ ॥ ୨୧୨ ॥
କାମିନୀକାମରସିକଃ କାମିନୀକାମପୂରକଃ ।
କାମିନୀମାନଦଃ କାମକଲାକୌତୂହଲପ୍ରିୟଃ ॥ ୨୧୩ ॥
କାମିନୀପ୍ରେମଜନକଃ କାମିନୀପ୍ରେମଵର୍ଧନଃ ।
କାମିନୀହାଵଭାଵଜ୍ଞଃ କାମିନୀପ୍ରୀତିଵର୍ଧନଃ ॥ ୨୧୪ ॥
କାମିନୀରୂପରସିକଃ କାମିନୀରୂପଭୂଷଣଃ ।
କାମିନୀମାନସୋଲ୍ଲାସୀ କାମିନୀମାନସାସ୍ପଦଃ ॥ ୨୧୫ ॥
କାମିଭକ୍ତଜନତ୍ରାତା କାମିଭକ୍ତଜନପ୍ରିୟଃ ।
କାମେଶ୍ଵରଃ କାମଦେଵଃ କାମବୀଜୈକଜୀଵନଃ ॥ ୨୧୬ ॥
କାଲିନ୍ଦୀଵିଷସଂହର୍ତା କାଲିନ୍ଦୀପ୍ରାଣଜୀଵନଃ ।
କାଲିନ୍ଦୀହୃଦୟାନନ୍ଦୀ କାଲିନ୍ଦୀନୀରଵଲ୍ଲଭଃ ॥ ୨୧୬ ॥
କାଲିନ୍ଦୀକେଲିକୁଶଲଃ କାଲିନ୍ଦୀପ୍ରୀତିଵର୍ଧନଃ ।
କାଲିନ୍ଦୀକେଲିରସିକଃ କାଲିନ୍ଦୀକେଲିଲାଲସଃ ॥ ୨୧୮ ॥
କାଲିନ୍ଦୀନୀରସଙ୍ଖେଲଦ୍ଗୋପୀୟୂଥସମାଵୃତଃ ।
କାଲିନ୍ଦୀନୀରମଧ୍ୟସ୍ଥଃ କାଲିନ୍ଦୀନୀରକେଲିକୃତ୍ ॥ ୨୧୯ ॥
କାଲିନ୍ଦୀରମଣାସକ୍ତଃ କାଲିନାଗମଦାପହଃ ।
କାମଧେନୁପରିତ୍ରାତା କାମଧେନୁସମାଵୃତଃ ॥ ୨୨୦ ॥
କାଞ୍ଚନାଦ୍ରିସମାନଶ୍ରୀଃ କାଞ୍ଚନାଦ୍ରିନିଵାସକୃତ୍ ।
କାଞ୍ଚନାଭୂଷଣାସକ୍ତଃ କାଞ୍ଚନୈକଵିଵର୍ଧନଃ ॥ ୨୨୧ ॥
କାଞ୍ଚନାଭଶ୍ରିୟାସକ୍ତଃ କାଞ୍ଚନାଭଶ୍ରିୟାଶ୍ରିତଃ ।
କାର୍ତିକେୟୈକଵରଦଃ କାର୍ତଵୀର୍ୟମଦାପହଃ ॥ ୨୨୨ ॥
କିଶୋରୀନାୟିକାସକ୍ତଃ କିଶୋରୀନାୟିକାପ୍ରିୟଃ ।
କିଶୋରୀକେଲିକୁଶଲଃ କିଶୋରୀପ୍ରାଣଜୀଵନଃ ॥ ୨୨୩ ॥
କିଶୋରୀଵଲ୍ଲଭାକାରଃ କିଶୋରୀପ୍ରାଣଵଲ୍ଲଭଃ ।
କିଶୋରୀପ୍ରୀତିଜନକଃ କିଶୋରୀପ୍ରିୟଦର୍ଶନଃ ॥ ୨୨୪ ॥
କିଶୋରୀକେଲିସଂସକ୍ତଃ କିଶୋରୀକେଲିଵଲ୍ଲଭଃ ।
କିଶୋରୀକେଲିସଂୟୁକ୍ତଃ କିଶୋରୀକେଲିଲୋଲୁପଃ ॥ ୨୨୫ ॥
କିଶୋରୀହୃଦୟାନନ୍ଦୀ କିଶୋରୀହୃଦୟାସ୍ପଦଃ ।
କିଶୋରୀଶଃ କିଶୋରାତ୍ମା କିଶୋରଃ କିଂଶୁକାକୃତିଃ ॥ ୨୨୬ ॥
କିଂଶୁକାଭରଣାଲକ୍ଷ୍ୟଃ କିଂଶୁକାଭରଣାନ୍ଵିତଃ ।
କୀର୍ତିମାନ୍କୀର୍ତିଜନକଃ କୀର୍ତନୀୟପରାକ୍ରମଃ ॥ ୨୨୭ ॥
କୀର୍ତନୀୟୟଶୋରାଶିଃ କୀର୍ତିସ୍ଥଃ କୀର୍ତନପ୍ରିୟଃ ।
କୀର୍ତିଶ୍ରୀମତିଦଃ କୀଶଃ କୀର୍ତିଜ୍ଞଃ କୀର୍ତିଵର୍ଧନଃ ॥ ୨୨୮ ॥
କ୍ରିୟାତ୍ମକଃ କ୍ରିୟାଧାରଃ କିର୍ୟାଭାସଃ କ୍ରିୟାସ୍ପଦଃ ।
କୀଲାଲାମଲଚିଦ୍ଵୃତ୍ତିଃ କୀଲାଲାଶ୍ରୟକାରଣଃ ॥ ୨୨୯ ॥
କୁଲଧର୍ମାଧିପାଧୀଶଃ କୁଲଧର୍ମାଧିପପ୍ରିୟଃ ।
କୁଲଧର୍ମପରିତ୍ରାତା କୁଲଧର୍ମପତିସ୍ତୁତଃ ॥ ୨୩୦ ॥
କୁଲଧର୍ମପଦାଧାରଃ କୁଲଧର୍ମପଦାଶ୍ରୟଃ ।
କୁଲଧର୍ମପତିପ୍ରାଣଃ କୁଲଧର୍ମପତିପ୍ରିୟଃ ॥ ୨୩୧ ॥
କୁଲଧର୍ମପତିତ୍ରାତା କୁଲଧର୍ମୈକରକ୍ଷକଃ ।
କୁଲଧର୍ମସମାସକ୍ତଃ କୁଲଧର୍ମୈକଦୋହନଃ ॥ ୨୩୨ ॥
କୁଲଧର୍ମସମୁଦ୍ଧର୍ତା କୁଲଧର୍ମପ୍ରଭାଵଵିତ୍ ।
କୁଲଧର୍ମସମାରାଧ୍ୟଃ କୁଲଧର୍ମଧୁରନ୍ଧରଃ ॥ ୨୩୩ ॥
କୁଲମାର୍ଗରତାସକ୍ତଃ କୁଲମାର୍ଗରତାଶ୍ରୟଃ ।
କୁଲମାର୍ଗସମାସୀନଃ କୁଲମାର୍ଗସମୁତ୍ସୁକଃ ॥ ୨୩୪ ॥
କୁଲଧର୍ମାଧିକାରସ୍ଥଃ କୁଲଧର୍ମଵିଵର୍ଧନଃ ।
କୁଲାଚାରଵିଚାରଜ୍ଞଃ କୁଲାଚାରସମାଶ୍ରିତଃ ॥ ୨୩୫ ॥
କୁଲାଚାରସମାୟୁକ୍ତଃ କୁଲାଚାରସୁଖପ୍ରଦଃ ।
କୁଲାଚାରାତିଚତୁରଃ କୁଲାଚାରାତିଵଲ୍ଲଭଃ ॥ ୨୩୬ ॥
କୁଲାଚାରପଵିତ୍ରାଙ୍ଗଃ କୁଲାଚାରପ୍ରମାଣକୃତ୍ ।
କୁଲଵୃକ୍ଷୈକଜନକଃ କୁଲଵୃକ୍ଷଵିଵର୍ଧନଃ ॥ ୨୩୭ ॥
କୁଲଵୃକ୍ଷପରିତ୍ରାତା କୁଲଵୃକ୍ଷଫଲପ୍ରଦଃ ।
କୁଲଵୃକ୍ଷଫଲାଧୀଶଃ କୁଲଵୃକ୍ଷଫଲାଶନଃ ॥ ୨୩୮ ॥
କୁଲମାର୍ଗକଲାଭିଜ୍ଞଃ କୁଲମାର୍ଗକଲାନ୍ଵିତଃ ।
କୁକର୍ମନିରତାତୀତଃ କୁକର୍ମନିରତାନ୍ତକଃ ॥ ୨୩୯ ॥
କୁକର୍ମମାର୍ଗରହିତଃ କୁକର୍ମୈକନିଷୂଦନଃ ।
କୁକର୍ମରହିତାଧୀଶଃ କୁକର୍ମରହିତାତ୍ମକଃ ॥ ୨୪୦ ॥
କୁକର୍ମରହିତାକାରଃ କୁକର୍ମରହିତାସ୍ପଦଃ ।
କୁକର୍ମରହିତାଚାରଃ କୁକର୍ମରହିତୋତ୍ସଵଃ ॥ ୨୪୧ ॥
କୁକର୍ମରହିତୋଦ୍ଦେଶଃ କୁକର୍ମରହିତପ୍ରିୟଃ ।
କୁକର୍ମରହିତାନ୍ତସ୍ଥଃ କୁକର୍ମରହିତେଶ୍ଵରଃ ॥ ୨୪୨ ॥
କୁକର୍ମରହିତସ୍ତ୍ରୀଶଃ କୁକର୍ମରହିତପ୍ରଜଃ ।
କୁକର୍ମୋଦ୍ଭଵପାପଘ୍ନଃ କୁକର୍ମୋଦ୍ଭଵଦୁଃଖହା ॥ ୨୪୩ ॥
କୁତର୍କରହିତାଧୀଶଃ କୁତର୍କରହିତାକୃତିଃ ।
କୂଟସ୍ଥସାକ୍ଷୀ କୂଟାତ୍ମା କୂଟସ୍ଥାକ୍ଷରନାୟକଃ ॥ ୨୪୪ ॥
କୂଟସ୍ଥାକ୍ଷରସଂସେଵ୍ୟଃ କୂଟସ୍ଥାକ୍ଷରକାରଣଃ ।
କୁବେରବନ୍ଧୁଃ କୁଶଲଃ କୁମ୍ଭକର୍ଣଵିନାଶନଃ ॥ ୨୪୫ ॥
କୂର୍ମାକୃତିଧରଃ କୂର୍ମଃ କୂର୍ମସ୍ଥାଵନିପାଲକଃ ।
କୁମାରୀଵରଦଃ କୁସ୍ଥଃ କୁମାରୀଗଣସେଵିତଃ ॥ ୨୪୬ ॥
କୁଶସ୍ଥଲୀସମାସୀନଃ କୁଶଦୈତ୍ୟଵିନାଶନଃ ।
କେଶଵଃ କ୍ଲେଶସଂହର୍ତା କେଶିଦୈତ୍ୟଵିନାଶନଃ ॥ ୨୪୭ ॥
କ୍ଲେଶହୀନମନୋଵୃତ୍ତିଃ କ୍ଲେଶହୀନପରିଗ୍ରହଃ ।
କ୍ଲେଶାତୀତପଦାଧୀଶଃ କ୍ଲେଶାତୀତଜନପ୍ରିୟଃ ॥ ୨୪୮ ॥
କ୍ଲେଶାତୀତଶୁଭାକାରଃ କ୍ଲେଶାତୀତସୁଖାସ୍ପଦଃ ।
କ୍ଲେଶାତୀତସମାଜସ୍ଥଃ କ୍ଲେଶାତୀତମହାମତିଃ ॥ ୨୪୯ ॥
କ୍ଲେଶାତୀତଜନତ୍ରାତା କ୍ଲେଶହୀନଜନେଶ୍ଵରଃ ।
କ୍ଲେଶହୀନସ୍ଵଧର୍ମସ୍ଥଃ କ୍ଲେଶହୀନଵିମୁକ୍ତିଦଃ ॥ ୨୫୦ ॥
କ୍ଲେଶହୀନନରାଧୀଶଃକ୍ଲେଶହୀନନରୋତ୍ତମଃ ।
କ୍ଲେଶାତିରିକ୍ତସଦନଃ କ୍ଲେଶମୂଲନିକନ୍ଦନଃ ॥ ୨୫୧ ॥
କ୍ଲେଶାତିରିକ୍ତଭାଵସ୍ଥଃ କ୍ଲେଶହୀନୈକଵଲ୍ଲଭଃ ।
କ୍ଲେଶହୀନପଦାନ୍ତସ୍ଥଃ କ୍ଲେଶହୀନଜନାର୍ଦ୍ଦନଃ ॥ ୨୫୨ ॥
କେସରାଙ୍କିତଭାଲଶ୍ରୀଃ କେସରାଙ୍କିତଵଲ୍ଲଭଃ ।
କେସରାଲିପ୍ତହୃଦୟଃ କେସରାଲିପ୍ତସଦ୍ଭୁଜଃ ॥ ୨୫୩ ॥
କେସରାଙ୍କିତଵାସଶ୍ରୀଃ କେସରାଙ୍କିତଵିଗ୍ରହଃ ।
କେସରାକୃତିଗୋପୀଶଃ କେସରାମୋଦଵଲ୍ଲଭଃ ॥ ୨୫୪ ॥
କେସରାମୋଦମଧୁପଃ କେସରାମୋଦସୁନ୍ଦରଃ ।
କେସରାମୋଦମୁଦିତଃ କେସରାମୋଦଵର୍ଧନଃ ॥ ୨୫୫ ॥
କେସରାର୍ଚିତଭାଲଶ୍ରୀଃ କେସରାର୍ଚିତଵିଗ୍ରହଃ ।
କେସରାର୍ଚିତପାଦାବ୍ଜଃ କେସରାର୍ଚିତକୁଣ୍ଡଲଃ ॥ ୨୫୬ ॥
କେସରାମୋଦସମ୍ପନ୍ନଃ କେସରାମୋଦଲୋଲୁପଃ ।
କେତକୀକୁସୁମାସକ୍ତଃକେତକୀକୁସୁମପ୍ରିୟଃ ॥ ୨୫୭ ॥
କେତକୀକୁସୁମାଧୀଶଃକେତକୀକୁସୁମାଙ୍କିତଃ ।
କେତକୀକୁସୁମାମୋଦଵର୍ଧନଃ କେତକୀପ୍ରିୟଃ ॥ ୨୫୮ ॥
କେତକୀଶୋଭିତାକାରଃ କେତକୀଶୋଭିତାମ୍ବରଃ ।
କେତକୀକୁସୁମାମୋଦଵଲ୍ଲଭଃ କେତକୀଶ୍ଵରଃ ॥ ୨୫୯ ॥
କେତକୀସୌରଭାନନ୍ଦୀ କେତକୀସୌରଭପ୍ରିୟଃ ।
କେୟୂରାଲଙ୍କୃତଭୁଜଃ କେୟୂରାଲଙ୍କୃତାତ୍ମକଃ ॥ ୨୬୦ ॥
କେୟୂରାଲଙ୍କୃତଶ୍ରୀଶଃକେୟୂରପ୍ରିୟଦର୍ଶନଃ ।
କେଦାରେଶ୍ଵରସଂୟୁକ୍ତଃ କେଦାରେଶ୍ଵରଵଲ୍ଲଭଃ ॥ ୨୬୧ ॥
କେଦାରେଶ୍ଵରପାର୍ଶ୍ଵସ୍ଥଃ କେଦାରେଶ୍ଵରଭକ୍ତପଃ ।
କେଦାରକଲ୍ପସାରଜ୍ଞଃ କେଦାରସ୍ଥଲଵାସକୃତ୍ ॥ ୨୬୨ ॥
କେଦାରାଶ୍ରିତଭୀତିଘ୍ନଃ କେଦାରାଶ୍ରିତମୁକ୍ତିଦଃ ।
କେଦାରାଵାସିଵରଦଃ କେଦାରାଶ୍ରିତଦୁଃଖହା ॥ ୨୬୩ ॥
କେଦାରପୋଷକଃ କେଶଃ କେଦାରାନ୍ନଵିଵର୍ଦ୍ଧନଃ ।
କେଦାରପୁଷ୍ଟିଜନକଃ କେଦାରପ୍ରିୟଦର୍ଶନଃ ॥ ୨୬୪ ॥
କୈଲାସେଶସମାଜସ୍ଥଃ କୈଲାସେଶପ୍ରିୟଙ୍କରଃ ।
କୈଲାସେଶସମାୟୁକ୍ତଃ କୈଲାସେଶପ୍ରଭାଵଵିତ୍ ॥ ୨୬୫ ॥
କୈଲାସାଧୀଶତ୍ରୁଘ୍ନଃ କୈଲାସପତିତୋଷକଃ ।
କୈଲାସାଧୀଶସହିତଃ କୈଲାସାଧୀଶଵଲ୍ଲଭଃ ॥ ୨୬୬ ॥
କୈଵଲ୍ୟମୁକ୍ତିଜନକଃ କୈଵଲ୍ୟପଦଵୀଶ୍ଵରଃ ।
କୈଵଲ୍ୟପଦଵୀତ୍ରାତା କୈଵଲ୍ୟପଦଵୀପ୍ରିୟଃ ॥ ୨୬୭ ॥
କୈଵଲ୍ୟଜ୍ଞାନସମ୍ପନ୍ନଃ କୈଵଲ୍ୟଜ୍ଞାନସାଧନଃ ।
କୈଵଲ୍ୟଜ୍ଞାନଗମ୍ୟାତ୍ମା କୈଵଲ୍ୟଜ୍ଞାନଦାୟକଃ ॥ ୨୬୮ ॥
କୈଵଲ୍ୟଜ୍ଞାନସଂସିଦ୍ଧଃ କୈଵଲ୍ୟଜ୍ଞାନଦୀପକଃ ।
କୈଵଲ୍ୟଜ୍ଞାନଵିଖ୍ୟାତଃ କୈଵଲ୍ୟୈକପ୍ରଦାୟକଃ ॥ ୨୬୯ ॥
କ୍ରୋଧଲୋଭଭୟାତୀତଃ କ୍ରୋଧଲୋଭଵିନାଶନଃ ।
କ୍ରୋଧାରିଃ କ୍ରୋଧହୀନାତ୍ମା କ୍ରୋଧହୀନଜନପ୍ରିୟଃ ॥ ୨୭୦ ॥
କ୍ରୋଧହୀନଜନାଧୀଶଃ କ୍ରୋଧହୀନପ୍ରଜେଶ୍ଵରଃ ।
କୋପତାପୋପଶମନଃ କୋପହୀନଵରପ୍ରଦଃ ॥ ୨୭୧ ॥
କୋପହୀନନରତ୍ରାତା କୋପହୀନଜନାଧିପଃ ।
କୋପହୀନନରାନ୍ତଃସ୍ଥଃ କୋପହୀନପ୍ରଜାପତିଃ ॥ ୨୭୨ ॥
କୋପହୀନପ୍ରିୟାସକ୍ତଃ କୋପହୀନଜନାର୍ତିହା ।
କୋପହୀନପଦାଧୀଶଃ କୋପହୀନପଦପ୍ରଦଃ ॥ ୨୭୩ ॥
କୋପହୀନନରସ୍ଵାମୀ କୋପହୀନସ୍ଵରୂପଧୃକ୍ ।
କୋକିଲାଲାପସଙ୍ଗୀତଃ କୋକିଲାଲାପଵଲ୍ଲଭଃ ॥ ୨୭୪ ॥
କୋକିଲାଲାପଲୀନାତ୍ମା କୋକିଲାଲାପକାରକଃ ।
କୋକିଲାଲାପକାନ୍ତେଶଃ କୋକିଲାଲାପଭାଵଵିତ୍ ॥ ୨୭୫ ॥
କୋକିଲାଗାନରସିକଃ କୋକିଲାଵରଵଲ୍ଲଭଃ ।
କୋଟିସୂର୍ୟସମାନଶ୍ରୀଃ କୋଟିଚନ୍ଦ୍ରାମୃତାତ୍ମକଃ ॥ ୨୭୬ ॥
କୋଟିଦାନଵସଂହର୍ତା କୋଟିକନ୍ଦର୍ପଦର୍ପହା ।
କୋଟିଦେଵେନ୍ଦ୍ରସଂସେଵ୍ୟଃ କୋଟିବ୍ରହ୍ମାର୍ଚିତାକୃତିଃ ॥ ୨୭୭ ॥
କୋଟିବ୍ରହ୍ମାଣ୍ଡମଧ୍ୟସ୍ଥଃ କୋଟିଵିଦ୍ୟୁତ୍ସମଦ୍ୟୁତିଃ ।
କୋଟ୍ୟଶ୍ଵମେଧପାପଘ୍ନଃ କୋଟିକାମେଶ୍ଵରାକୃତିଃ ॥ ୨୭୮ ॥
କୋଟିମେଘସମୋଦାରଃ କୋଟିଵହ୍ନିସୁଦୁଃସହଃ ।
କୋଟିପାଥୋଧିଗମ୍ଭୀରଃ କୋଟିମେରୁସମସ୍ଥିରଃ ॥ ୨୭୯ ॥
କୋଟିଗୋପୀଜନାଧୀଶଃ କୋଟିଗୋପାଙ୍ଗନାଵୃତଃ ।
କୋଟିଦୈତ୍ୟେଶଦପ୍ରଘ୍ନଃ କୋଟିରୁଦ୍ରପରାକର୍ମଃ ॥ ୨୮୦ ॥
କୋଟିଭକ୍ତାର୍ତିଶମନଃ କୋଟିଦୁଷ୍ଟଵିମର୍ଦନଃ ।
କୋଟିଭକ୍ତଜନୋଦ୍ଧର୍ତା କୋଟିୟଜ୍ଞଫଲପ୍ରଦଃ ॥ ୨୮୧ ॥
କୋଟିଦେଵର୍ଷିସଂସେଵ୍ୟଃ କୋଟିବ୍ରହ୍ମର୍ଷିମୁକ୍ତିଦଃ ।
କୋଟିରାଜର୍ଷିସଂସ୍ତୁତ୍ୟଃ କୋଟିବ୍ରହ୍ମାଣ୍ଡମଣ୍ଡନଃ ॥ ୨୮୨ ॥
କୋଟ୍ୟାକାଶପ୍ରକାଶାତ୍ମା କୋଟିଵାୟୁମହାବଲଃ ।
କୋଟିତେଜୋମୟାକାରଃ କୋଟିଭୂମିସମକ୍ଷମୀ ॥ ୨୮୩ ॥
କୋଟିନୀରସମସ୍ଵଚ୍ଛଃ କୋଟିଦିଗ୍ଜ୍ଞାନଦାୟକଃ ।
କୋଟିବ୍ରହ୍ମାଣ୍ଡଜନକଃ କୋଟିବ୍ରହ୍ମାଣ୍ଡପାଲକଃ ॥ ୨୮୪ ॥
କୋଟିବ୍ରହ୍ମାଣ୍ଡସଂହର୍ତା କୋଟିବ୍ରହ୍ମାଣ୍ଡବୋଧକଃ ।
କୋଟିଵାକ୍ପତିଵାଚାଲଃ କୋଟିଶୁକ୍ରକଵୀଶ୍ଵରଃ ॥ ୨୮୫ ॥
କୋଟିଦ୍ଵିଜସମାଚାରଃ କୋଟିହେରମ୍ବଵିଘ୍ନହା ।
କୋଟିମାନସହଂସାତ୍ମା କୋଟିମାନସସଂସ୍ଥିତଃ ॥ ୨୮୬ ॥
କୋଟିଚ୍ଛଲକରାରାତିଃ କୋଟିଦାମ୍ଭିକନାଶନଃ ।
କୋଟିଶୂନ୍ୟପଥଚ୍ଛେତ୍ତା କୋଟିପାଖଣ୍ଡଖଣ୍ଡନଃ ॥ ୨୮୭ ॥
କୋଟିଶେଷଧରାଧାରଃ କୋଟିକାଲପ୍ରବୋଧକଃ ।
କୋଟିଵେଦାନ୍ତସଂଵେଦ୍ୟଃ କୋଟିସିଦ୍ଧାନ୍ତନିଶ୍ଚୟଃ ॥ ୨୮୮ ॥
କୋଟିୟୋଗୀଶ୍ଵରାଧୀଶଃ କୋଟିୟୋଗୈକସିଦ୍ଧିଦଃ ।
କୋଟିଧାମାଧିପାଧୀଶଃ କୋଟିଲୋକୈକପାଲକଃ ॥ ୨୮୯ ॥
କୋଟିୟଜ୍ଞୈକଭୋକ୍ତା ଚ କୋଟିୟଜ୍ଞଫଲପ୍ରଦଃ ।
କୋଟିଭକ୍ତହୃଦନ୍ତସ୍ଥଃ କୋଟିଭକ୍ତାଭୟପ୍ରଦଃ ॥ ୨୯୦ ॥
କୋଟିଜନ୍ମାର୍ତିଶମନଃ କୋଟିଜନ୍ମାଘନାଶନଃ ।
କୋଟିଜନ୍ମାନ୍ତରଜ୍ଞାନପ୍ରଦାତା କୋଟିଭକ୍ତପଃ ॥ ୨୯୧ ॥
କୋଟିଶକ୍ତିସମାୟୁକ୍ତଃ କୋଟିଚୈତନ୍ୟବୋଧକଃ ।
କୋଟିଚକ୍ରାଵୃତାକାରଃ କୋଟିଚକ୍ରପ୍ରଵର୍ତକଃ ॥ ୨୯୨ ॥
କୋଟିଚକ୍ରାର୍ଚନତ୍ରାତା କୋଟିଵୀରାଵଲୀଵୃତଃ ।
କୋଟିତୀର୍ଥଜଲାନ୍ତସ୍ଥଃ କୋଟିତୀର୍ଥଫଲପ୍ରଦଃ ॥ ୨୯୩ ॥
କୋମଲାମଲଚିଦ୍ଵୃତ୍ତିଃ କୋମଲାମଲମାନସଃ ।
କୌସ୍ତୁଭୋଦ୍ଭାସିତୋରସ୍କଃ କୌସ୍ତୁଭୋଦ୍ଭାସିତାକୃତିଃ ॥ ୨୯୪ ॥
କୌରଵାନୀକସଂହର୍ତା କୌରଵାର୍ଣଵକୁମ୍ଭଭୂଃ ।
କୌନ୍ତେୟାଶ୍ରିତପାଦାବ୍ଜଃ କୌନ୍ତେୟାଭୟଦାୟକଃ ॥ ୨୯୫ ॥
କୌନ୍ତେୟାରାତିସଂହର୍ତା କୌନ୍ତେୟପ୍ରତିପାଲକଃ ।
କୌନ୍ତେୟାନନ୍ଦଜନକଃ କୌନ୍ତେୟପ୍ରାଣଜୀଵନଃ ॥ ୨୯୬ ॥
କୌନ୍ତେୟାଚଲଭାଵଜ୍ଞଃ କୌନ୍ତେୟାଚଲମୁକ୍ତିଦଃ ।
କୌମୁଦୀମୁଦିତାକାରଃ କୌମୁଦୀମୁଦିତାନନଃ ॥ ୨୯୭ ॥
କୌମୁଦୀମୁଦିତପ୍ରାଣଃ କୌମୁଦୀମୁଦିତାଶୟଃ ।
କୌମୁଦୀମୋଦମୁଦିତଃ କୌମୁଦୀମୋଦଵଲ୍ଲଭଃ ॥ ୨୯୮ ॥
କୌମୁଦୀମୋଦମଧୁପଃ କୌମୁଦୀମୋଦଵର୍ଧନଃ ।
କୌମୁଦୀମୋଦମାନାତ୍ମା କୌମୁଦୀମୋଦସୁନ୍ଦରଃ ॥ ୨୯୯ ॥
କୌମୁଦୀଦର୍ଶନାନନ୍ଦୀ କୌମୁଦୀଦର୍ଶନୋତ୍ସୁକଃ ।
କୌସଲ୍ୟାପୁତ୍ରଭାଵସ୍ଥଃ କୌସଲ୍ୟାନନ୍ଦଵର୍ଧନଃ ॥ ୩୦୦ ॥
କଂସାରିଃ କଂସହୀନାତ୍ମା କଂସପକ୍ଷନିକନ୍ଦନଃ ।
କଙ୍କାଲଃ କଙ୍କଵରଦଃ କଣ୍ଟକକ୍ଷୟକାରକଃ ॥ ୩୦୧ ॥
କନ୍ଦର୍ପଦର୍ପଶମନଃ କନ୍ଦର୍ପାଭିମନୋହରଃ ।
କନ୍ଦର୍ପକାମନାହୀନଃ କନ୍ଦର୍ପଜ୍ଵରନାଶନଃ ॥ ୩୦୨ ॥
କନ୍ଦର୍ପଜ୍ଵରନାଶନ ଓଂ ନମ ଇତି
ଇତି ଶ୍ରୀସର୍ଵସୌଭାଗ୍ୟଵର୍ଧନଂ ଶ୍ରୀପତିପ୍ରିୟମ୍ ।
ନାମ୍ନାମକ୍ଷରକାଦୀନାଂ ସହସ୍ରଂ ପରିକୀର୍ତିତମ୍ ॥ ୩୦୩ ॥
ସର୍ଵାପରାଧଶମନଂ ରହସ୍ୟଂ ଶ୍ରୁତିଗୋଚରମ୍ ।
କଲିକାଲୈକଦମନଂ କ୍ରୂରଶତ୍ରୁନିକନ୍ଦନମ୍ ॥ ୩୦୪ ॥
କ୍ରୂରପାପସମୂହଘ୍ନଂ କ୍ରୂରକର୍ମଵିନାଶନମ୍ ।
କ୍ରୂରାସୁରୌଘସଂହାରକାରକଂ କ୍ଲେଶନାଶନମ୍ ॥ ୩୦୫ ॥
କୁମାର୍ଗଦଲନଂ କଷ୍ଟହରଣଂ କଲ୍ମଷାପହମ୍ ।
କୁବୁଦ୍ଧିଶମନଂ କ୍ରୋଧକନ୍ଦନଂ କାନ୍ତିଵର୍ଦ୍ଧନମ୍ ॥ ୩୦୬ ॥
କୁଵିଦ୍ୟାଦମନଂ କାମମର୍ଦନଂ କୀର୍ତିଦାୟକମ୍ ।
କୁତର୍କନାଶନଂ କାନ୍ତଂ କୁପଥାର୍ଣଵଶୋଷଣମ୍ ॥ ୩୦୭ ॥
କୋଟିଜନ୍ମାର୍ଜିତାରିଷ୍ଟହରଂ କାଲଭୟାପହମ୍ ।
କୋଟିଜନ୍ମାର୍ଜିତାଜ୍ଞାନନାଶନୈକଦିଵାକରମ୍ ॥ ୩୦୮ ॥
କାପଟ୍ୟପଟଲଧ୍ଵଂସିକାର୍ପଣ୍ୟୈକହୁତାଶନମ୍ ।
କାଲୁଷ୍ୟଭାଵଶମନଂ କୀର୍ତିଶ୍ରୀମତିଦଂ ସତାମ୍ ॥ ୩୦୯ ॥
କୋପୋପତାପଶମନଂ କଂସାରିସ୍ମୃତିଦାୟକମ୍ ।
କୁଲାଚାରଵିଚାରସ୍ଥଂ କୁଲଧର୍ମପ୍ରଵର୍ତକମ୍ ॥ ୩୧୦ ॥
କୁଲଧର୍ମରତାଭୀଷ୍ଟସିଦ୍ଧିଦଂ କୁଲଦୀପକମ୍ ।
କୁତ୍ସାମାର୍ଗନିରାକର୍ତୃ କୁପଥାଚାରଵର୍ଜିତମ୍ ॥ ୩୧୧ ॥
କଲ୍ୟାଣମଙ୍ଗଲାଗାରଂ କଲ୍ପଵୃକ୍ଷସମଂ ସତାମ୍ ।
କୌଟିଲ୍ୟଭାଵଶମନଂ କାଶୀଵାସଫଲପ୍ରଦମ୍ ॥ ୩୧୨ ॥
ଅତିଗୁହ୍ୟତରଂ ପୁଂସାଂ ଭୋଗମୋକ୍ଷୈକସାଧନମ୍ ।
ଅତ୍ୟନ୍ତସ୍ନେହଭାଵେନ ୟୁଷ୍ମଦଗ୍ରେ ପ୍ରକାଶିତମ୍ ॥ ୩୧୩ ॥
ନ ଵକ୍ତଵ୍ୟଂ ନ ଵକ୍ତଵ୍ୟଂ ନ ଵକ୍ତଵ୍ୟଂ କଦାଚନ ।
ପାପ୍ୟଗ୍ରେ କୁଟିଲାଗ୍ରେ ଚ ରାଗ୍ୟଗ୍ରେ ପିଶୁନାୟ ଵୈ ॥ ୩୧୪ ॥
ଦ୍ରୋହ୍ୟଗ୍ରେ ମଲିନାଘ୍ରେ ଚ କପଟ୍ୟଗ୍ରେ ଵିଶେଷତଃ ।
ଲମ୍ପଟାଗ୍ରେଽଭିମାନ୍ୟଗ୍ରେ କାମ୍ୟତେ କ୍ରୋଧିନେ ତଥା ॥ ୩୧୫ ॥
ଲୋଭ୍ୟଗ୍ରେ ତସ୍କରାଗ୍ରେ ଚ ଗର୍ଵାହଙ୍କାରଭାଜିନେ ।
ସଂସାରାସକ୍ତଚିତ୍ତାଗ୍ରେ ଵାଦ୍ୟଗ୍ରେ ଘାତିନେଽପି ଵା ॥ ୩୧୬ ॥
ମତାଭିମାନିନେ ଗୋପ୍ୟଂ ମଦୀୟଂ ସ୍ତୋତ୍ରମୁତ୍ତମମ୍ ।
ଵାଚ୍ୟଂ ଶାନ୍ତାୟ ଭକ୍ତାୟ ନିର୍ମଲାୟ ଦୟାଲଵେ ॥ ୩୧୭ ॥
ସନ୍ତୋଷିଣେ ସୁଶୀଲାୟ ସୁପାତ୍ରାୟ ଦ୍ଵିଜାତୟେ ।
ଵିଵେକିନେ ଜ୍ଞାନିନେ ଚ ମଦ୍ଭକ୍ତାୟ ଵିଶେଷତଃ ॥ ୩୧୮ ॥
ୟ ଇଦଂ ଶୃଣୁତେ ନିତ୍ୟଂ ପଠତେଽହର୍ନିଶଂ ଜନଃ ।
ମାହାତ୍ମ୍ୟଂ ତସ୍ୟ ପୁଣ୍ୟସ୍ୟ ମୟା ଵକ୍ତୁଂ ନ ଶକ୍ୟତେ ॥ ୩୧୯ ॥
ଏକଵରମିଦଂ ସ୍ତୋତ୍ରଂ ୟଃ ଶୃଣୋତି ନରୋତ୍ତମଃ ।
ଭୋଗମୋକ୍ଷପ୍ରଧାନଃ ସ ଭଵିଷ୍ୟତି ନ ସଂଶୟଃ ॥ ୩୨୦ ॥
କିଂ ପୁନଃ ପଠନାଦସ୍ୟ ସର୍ଵସିଦ୍ଧଃ କରେ ସ୍ଥିତା ।
ଭୋଗାର୍ଥୀ ଲଭତେ ଭୋଗାନ୍ୟୋଗାର୍ଥୀ ୟୋଗସାଧନାମ୍ ॥ ୩୨୧ ॥
କାମାର୍ଥୀ ଲଭତେ କାମାନ୍ପ୍ରଜାର୍ଥୀ ଲଭତେ ପ୍ରଜାମ୍ ।
ଵିଦ୍ୟାର୍ଥୀ ଲଭତେ ଵିଦ୍ୟାଂ ମୋକ୍ଷାର୍ଥୀ ମୋକ୍ଷମଵ୍ୟୟମ୍ ॥ ୩୨୨ ॥
ଦ୍ରଵ୍ୟାଥୀ ଲଭତେ ଦ୍ରଵ୍ୟଂ ପ୍ରିୟାର୍ଥୀ ଲଭତେ ପ୍ରିୟମ୍ ।
ମାନାର୍ଥୀ ଲଭତେ ମାନଂ ରାଜ୍ୟାର୍ଥୀ ରାଜ୍ୟମୁତ୍ତମମ୍ ॥ ୩୨୩ ॥
ଜ୍ଞାନାର୍ଥୀ ଲଭତେ ଜ୍ଞାନଂ ସୁଖାର୍ଥୀ ଲଭତେ ସୁଖମ୍ ।
କୀର୍ତ୍ୟର୍ଥୀ ଲଭତେ କୀର୍ତିଂ ବ୍ରହ୍ମାର୍ଥୀ ବ୍ରହ୍ମ ନିର୍ଗୁଣମ୍ ॥ ୩୨୪ ॥
ପୁଷ୍ଟ୍ୟର୍ଥୀ ଲଭତେ ପୁଷ୍ଟିଂ ତୁଷ୍ଟ୍ୟର୍ଥୀ ତୁଷ୍ଟିମାତ୍ମନି ।
ନିରୀହୋ ଲଭତେ ନୂନଂ ମତ୍ପଦଂ ଦେଵଦୁର୍ଲଭମ୍ ॥ ୩୨୫ ॥
କିଂ ଦାନୈଃ କିଂ ଵ୍ରତୈସ୍ତୀର୍ଥୈର୍ୟଜ୍ଞୟାଗାଦିଭିସ୍ତଥା ।
ଅସ୍ୟ ଶ୍ରଵଣମାତ୍ରେଣ ସର୍ଵୟଜ୍ଞଫଲଂ ଲଭେତ୍ ॥ ୩୨୬ ॥
ନାତଃ ପରତରଂ ଜ୍ଞାନଂ ନାତଃ ପରତରଂ ତପଃ ।
ନାତଃ ପରତରଂ ଧ୍ୟାନଂ ନାତଃ ପରତରୋ ଜପଃ ॥ ୩୨୭ ॥
ନାତଃ ପରତରା ସିଦ୍ଧିର୍ନାତଃ ପରତରୋ ମଖଃ ।
ନାତଃ ପରତରଂ ଦ୍ରଵ୍ୟଂ ନାତଃ ପରତରା କ୍ରିୟା ॥ ୩୨୮ ॥
ୟ ଇଦଂ ପଠତେ ଭକ୍ତ୍ୟା ଶୃଣୁୟାଦ୍ଵା ସମାହିତଃ ।
ସ ଜ୍ଞାନୀ ସ ତପସ୍ଵୀ ଚ ସ ଧ୍ୟାନୀ ଜୟତତ୍ପରଃ ॥ ୩୨୯ ॥
ସ ସିଦ୍ଧୋ ଭାଗ୍ୟଵାନ୍ ଶ୍ରୀମାନ୍ କ୍ରିୟାଵାନ୍ବୁଦ୍ଧିମାନପି ।
ଜିତଂ ତେନ ଜଗତ୍ସର୍ଵଂ ୟେନେଦଂ ପଠିତଂ ଶ୍ରୁତମ୍ ॥ ୩୩୦ ॥
କିଂ ପୁନର୍ଭକ୍ତିଭାଵେନ ଭୋଗମୋକ୍ଷପ୍ରଦଂ ଦ୍ରୁତମ୍ ।
କୋଟିଜନ୍ମାର୍ଜିତୈଃ ପୁଣ୍ୟୈର୍ଲଭ୍ୟତେ ଭାଗ୍ୟତୋ ୟଦା ॥ ୩୩୧ ॥
ତଦା ଭାଗ୍ୟୋଦୟଃ ପୁଂସାଂ ନାତ୍ର କାର୍ୟା ଵିଚାରଣା ।
ସାରାତ୍ସାରତରଂ ଶାସ୍ତ୍ରଂ ତତ୍ରାପି ଜ୍ଞାନଦାୟକମ୍ ॥ ୩୩୨ ॥
ଜ୍ଞାନାଦ୍ଧ୍ୟାନଂ ପରଂ ଶ୍ରେଷ୍ଠଂ ତତ୍ରାପି ଲୟତା ୟଥା ।
ତଥୈଵେଦଂ ମହାସ୍ତୋତ୍ରଂ ଵିନା ମତ୍କୃପୟା କିଲ ॥ ୩୩୩ ॥
ଦୁର୍ଲଭଂ ତ୍ରିଷୁ ଲୋକେଷୁ ସର୍ଵସିଦ୍ଧିପ୍ରଦଂ ସତାମ୍ ।
ୟଥା ଭକ୍ତିସ୍ତ୍ରିଲୋକେଷୁ ଦୁର୍ଲଭା ମମ ଦେହିନାମ୍ ॥ ୩୩୪ ॥
ତଥୈଵେଦଂ ମହାସ୍ତୋତ୍ରଂ ସଦ୍ୟଃ ସାୟୁଜ୍ୟଦାୟକମ୍ ।
ସର୍ଵାପରାଧଶମନଂ ଲୋକେ କଲ୍ପଦ୍ରୁମପ୍ରଭମ୍ ॥ ୩୩୫ ॥
ୟଥା ସୁଦର୍ଶନଂ ଲୋକେ ଦୁଷ୍ଟଦୈତ୍ୟନିବର୍ହଣମ୍ ।
ତଥୈଵେଦଂ ପରଂ ସ୍ତୋତ୍ରଂ କାମାଦିକଭୟାପହମ୍ ॥ ୩୩୬ ॥
ଅସ୍ୟୈକାଵର୍ତନାତ୍ପାପଂ ନଶ୍ୟତ୍ୟାଜନ୍ମସଞ୍ଚିତମ୍ ।
ଦଶାଵର୍ତନତଃ ପୁଂସାଂ ଶତଜନ୍ମାନ୍ତରାର୍ଚିତମ୍ ॥ ୩୩୭ ॥
ଶତାଵର୍ତନମାତ୍ରେଣ ଦେଵରୂପୋ ଭଵେନ୍ନରଃ ।
ଆଵର୍ତନସହସ୍ରୈଶ୍ଚ ମଦ୍ଗତିଂ ଲଭତେଽଚଲାମ୍ ॥ ୩୩୮ ॥
ଲକ୍ଷତୋ ମମ ସାୟୁଜ୍ୟଂ ଦଶଲକ୍ଷାତ୍ସ୍ଵୟଂ ହରିଃ ।
ତସ୍ମାନ୍ନୈଵ ପ୍ରଦାତଵ୍ୟଂ ମଦୀୟଂ ସ୍ତୋତ୍ରମୁତ୍ତମମ୍ ॥ ୩୩୯ ॥
ପୁତ୍ରକାମୋଽୟୁତାନ୍ପାଠାନ୍କାରୟିତ୍ଵା ମମାଲୟେ ।
ସହସ୍ରନାମଭିର୍ଦିଵ୍ୟୈର୍ଜୁହୁୟାଦ୍ଘୃତପାୟସୈଃ ॥ ୩୪୦ ॥
ଶର୍କରାମଧୁସଂୟୁକ୍ତୈର୍ବିଲ୍ଵୀଦଲସମନ୍ଵିତଃ ।
ବ୍ରାହ୍ମଣାନ୍ଭୋଜୟେଦ୍ଭକ୍ତ୍ୟା ନାମସଙ୍ଖ୍ୟାମିତାନିହ ॥ ୩୪୧ ॥
ରାଜ୍ୟକାମୋଽୟୁତାନ୍ନିତ୍ୟଂ ପଠେଦ୍ଵା ପାଠୟେଦ୍ଦ୍ଵିଜାନ୍ ।
ଶିଵାଲୟେ ସହସ୍ରୈଶ୍ଚ ହୋମୟେଦାଜ୍ୟପାୟସୈଃ ॥ ୩୪୨ ॥
ବ୍ରାହ୍ମଣାନ୍ଭୋଜୟେନ୍ନୂନମୟୁତୈକଂ ୟଥାଵିଧି ।
ଦକ୍ଷିଣାଂ ଦାପୟେଚ୍ଛକ୍ତ୍ୟା ଵିତ୍ତଶାଢ୍ୟଂ ନ କାରୟେତ୍ ॥ ୩୪୩ ॥
ସହସ୍ରମେକଂ କନ୍ୟାର୍ଥୀ ପଠେଦ୍ଵା ପାଠୟେତ୍କିଲ ।
ଦେଵ୍ୟାଲୟେ ତଥା ନିତ୍ୟଂ ଧନକାମୋଽପି ପାଠୟେତ୍ ॥ ୩୪୪ ॥
କୀର୍ତିକାମୋଽୟୁତଂ ଭାକ୍ତ୍ୟା ପଠେଦ୍ଵୃନ୍ଦାଵନେ ସଦା ।
ଜୟକାମୋ ହି ଦୁର୍ଗାୟାଂ ଶତ୍ରୁସଂହାରକାରକଃ ।
ଆୟୁଃ କାମୋ ନଦୀତୀରେ ଜ୍ଞାନାର୍ଥୀ ପର୍ଵତୋପରି ॥ ୩୪୫ ॥
ମୋକ୍ଷାର୍ଥୀ ଭକ୍ତିଭାଵେନ ମନ୍ଦିରେ ମମ ସନ୍ନିଧୌ ।
ପାଠସଙ୍ଖ୍ୟାନ୍ଦ୍ଵିଜାନ୍ଭୋଜ୍ୟାନ୍ପାୟସୈଃ ଶର୍କରାପ୍ଲୁତୈଃ ॥ ୩୪୬ ॥
ଜୁହୁୟାଦ୍ଘୃତଧାରାଭିର୍ମମ ପ୍ରୀତିଵିଵର୍ଧନୈଃ ।
ସର୍ଵକାମପ୍ରଦଂ ନାମ୍ନାଂ ସହସ୍ରଂ ମମ ଦୁର୍ଲଭମ୍ ॥ ୩୪୭ ॥
କାମନାରହିତାନାଂ ଚ ମୁକ୍ତିଦଂ ଭଵସାଗରାତ୍ ।
ଇଦଂ ସହସ୍ରନାମାଖ୍ୟଂ ସ୍ତୋତ୍ରମାନନ୍ଦଵର୍ଦ୍ଧନମ୍ ॥ ୩୪୮ ॥
ସର୍ଵାପରାଧଶମନଂ ପଠିତଵ୍ୟମହର୍ନିଶମ୍ ।
ଅନ୍ୟଥା ନ ଗତିର୍ନୂନଂ ତ୍ରିଷୁ ଲୋକେଷୁ କୁତ୍ରଚିତ୍ ॥ ୩୪୯ ॥
ଵୈଷ୍ଣଵାନାଂ ଵିଶେଷେଣ ଵୈଷ୍ଣଵା ମାମକା ଜନାଃ ।
ଦୁର୍ଲଭଂ ଦୁଷ୍ଟଜୀଵାନାଂ ମଦୀୟଂ ସ୍ତୋତ୍ରମଦ୍ଭୁତମ୍ ॥ ୩୫୦ ॥
ଲୋକେଽସ୍ମିନ୍ଦୁର୍ଲଭୋ ଗୋପ୍ୟୋ ମୁକ୍ତିମାର୍ଗୋ ମନୀଷିଣମ୍ ।
ସୁଲଭୋ ମମ ଭକ୍ତାନାଂ ସ୍ତୋତ୍ରେଣାନେନ ନିଶ୍ଚିତମ୍ ॥ ୩୫୧ ॥
ତାଵଦ୍ଗର୍ଜନ୍ତି ପାପାନି ତାଵଦ୍ଗର୍ଜନ୍ତି ଶତ୍ରଵଃ ।
ତାଵଦ୍ଗର୍ଜତି ଦାରିଦ୍ର୍ୟଂ ୟାଵତ୍ସ୍ତୋତ୍ରଂ ନ ଲଭ୍ୟତେ ॥ ୩୫୨ ॥
କିମତ୍ର ବହୁନୋକ୍ତେନ ତ୍ଵଦଗ୍ରେ ଗୋପିକା ମୟା ।
ମମ ପ୍ରାଣାଧିକଂ ସ୍ତୋତ୍ରଂ ସଦାଽଽନନ୍ଦଵିଵର୍ଧନମ୍ ॥ ୩୫୩ ॥
ଅତ୍ୟନ୍ତସ୍ନେହଭାଵେନ ତ୍ଵଦୀୟେନ ଵ୍ରଜାଙ୍ଗନାଃ ।
ମୟା ପ୍ରକାଶିତଂ ସ୍ତୋତ୍ରଂ ତ୍ଵଦ୍ଭକ୍ତ୍ୟାଽହଂ ଵଶୀକୃତଃ ॥ ୩୫୪ ॥
ଏଵମୁକ୍ତ୍ଵା ହୃଷୀକେଶଃ ଶରଣାଗତଵତ୍ସଲଃ ।
ପ୍ରହସନ୍ସହସୋତ୍ଥାୟ କ୍ରୀଡାଂ ଚକ୍ରେ ପୁନର୍ଜଲେ ॥ ୩୫୫ ॥
ନାରଦ ଉଵାଚ-
ଏତଦ୍ଗୁହ୍ୟତରଂ ସ୍ତୋତ୍ରଂ ଦୁର୍ଲଭଂ ଦେହଧାରିଣାମ୍ ।
ମୟା ତଦାଜ୍ଞୟା ପ୍ରୋକ୍ତଂ ତଵାଗ୍ରେ ଵ୍ୟାସଭାଵନ ॥ ୩୫୬ ॥
ତ୍ଵୟୈତନ୍ନୈଵ ଵକ୍ତଵ୍ୟଂ କସ୍ୟାଗ୍ରେଽପି ଵିନାଽଽଜ୍ଞୟା ।
ସ୍ଵଶିଷ୍ୟାଗ୍ରେ ଶୁକାଗ୍ରେ ଵା ଗୋପନୀୟଂ ଧରାତଲେ ॥ ୩୫୭ ॥
ଏତଦେଵ ସ୍ଵୟଂ ସାକ୍ଷାଦଗତୀନାଂ ଗତିପ୍ରଦଃ ।
ବୁଦ୍ଧ୍ୟାଵିଷ୍ଟନିଜାଂଶେନ ପୂର୍ଣାନନ୍ଦଃ ସ୍ଵଲୀଲୟା ॥ ୩୫୮ ॥
କଲିଗ୍ରସ୍ତାନ୍ ଜନାନ୍ସ୍ଵୀୟାନୁଦ୍ଧର୍ତୁଂ କରୁଣାନିଧିଃ ।
ସ୍ଵୟମେଵାତ୍ର ଵିଖ୍ୟାତଂ କରିଷ୍ୟତି ନ ସଂଶୟଃ ॥ ୩୫୯ ॥
ଏତଦ୍ଦିଵ୍ୟସହସ୍ରନାମ ପରମାନନ୍ଦୈକସଂଵର୍ଧନଂ
ଲୋକେସ୍ମିନ୍କିଲ କାଦିନାମରଚନାଲଙ୍କାରଶୋଭାନ୍ଵିତମ୍ ।
ୟେଷାଂ କର୍ଣପୁଟେ ପତିଷ୍ୟତି ମହାଭାଗ୍ୟାଦିହାଲୌକିକଂ
ତେଷାଂ ନୈଵ କିମପ୍ୟଲଭ୍ୟମଚିରାତ୍କଲ୍ପଦ୍ରୁମାଭଂ ସତାମ୍ ॥ ୩୬୦ ॥
ଇତି ଶ୍ରୀବ୍ରହ୍ମାଣ୍ଡପୁରାଣେଽଧ୍ୟାତ୍ମକଭାଗଵତେ ଶ୍ରୁତିରହସ୍ୟେ
କକାରାଦି ଶ୍ରୀକୃଷ୍ଣସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ।
Also Read 1000 Names of Kakaradi Shri Krishna:
1000 Names of Kakaradi Sri Krishna | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
