Shri Annapurna Sahasranama Stotram Lyrics in Bengali:
॥ শ্রীঅন্নপূর্ণাসহস্রনামস্তোত্রম্ ॥
শ্রীরুদ্রয়ামলে
কৈলাসশিখরাসীনং দেবদেবং মহেশ্বরম্ ।
প্রণম্য দণ্ডবদ্ভূমৌ পার্বতী পরিপৃচ্ছতি ॥ ১ ॥
শ্রীপার্বত্যুবাচ ।
অন্নপূর্ণা মহাদেবী ত্রৈলোক্যে জীবধারিণী ।
নাম্নাং সহস্রং তস্যাস্তু কথয়স্ব মহাপ্রভো ॥ ২ ॥
শ্রীশিব উবাচ ।
শৃণু দেবি বরারোহে জগত্কারণি কৌলিনি ।
আরাধনীয়া সর্বেষাং সর্বেষাং পরিপৃচ্ছসি ॥ ৩ ॥
সহস্রৈর্নামভির্দিব্যৈস্ত্রৈলোক্যপ্রাণিপূজিতৈঃ ।
অন্নদায়াস্স্তবং দিব্যং য়ত্সুরৈরপি বাঞ্ছিতম্ ॥ ৪ ॥
কথয়ামি তব স্নেহাত্সাবধানাঽবধারয় ।
গোপনীয়ং প্রয়ত্নেন স্তবরাজমিদং শুভম্ ॥ ৫ ॥
ন প্রকাশ্যং ত্বয়া ভদ্রে দুর্জনেভ্যো নিশেষতঃ ।
ন দেয়ং পরশিষ্যেভ্যো ভক্তিহীনায় পার্বতি ॥ ৬ ॥
দেয়ং শিষ্যায় শান্তায় গুরুদেবরতায় চ ।
অন্নপূর্ণাস্তবং দেয়ং কৌলিকায় কুলেশ্বরী ॥ ৭ ॥
ওঁ অস্য শ্রীমদন্নপূর্ণাসহস্রনামস্তোত্রমালামন্ত্রস্য,
শ্রীভগবান্ ঋষিঃ, অনুষ্টুপ্ছন্দঃ,
প্রকটগুপ্তগুপ্ততর সম্পদায় কুলোত্তীর্ণ নিগর্ভরহস্যাতি
রহস্যপরাপরাতিরহস্যাতিপূর্বাচিন্ত্যপ্রভাবা ভগবতী
শ্রীমদন্নপূর্ণাদেবতা, হলো বীজং, স্বরাশ্শক্তিঃ, জীবো বীজং,
বুদ্ধিশ্শক্তিঃ, উদানো বীজং, সুষুম্না নাডী, সরস্বতী শক্তিঃ,
ধর্মার্থকামমোক্ষার্থে পাঠে বিনিয়োগঃ ॥
ধ্যানম্ ।
অর্কোন্মুক্তশশাঙ্ককোটিবদনামাপীনতুঙ্গস্তনীং
চন্দ্রার্ধাঙ্কিতমস্তকাং মধুমদামালোলনেত্রত্রয়ীম্ ।
বিভ্রাণামনিশং বরং জপপটীং শূলং কপালং করৈঃ
আদ্যাং য়ৌবনগর্বিতাং লিপিতনুং বাগীশ্বরীমাশ্রয়ে ॥
অথ অন্নপূর্ণাসহস্রনামস্তোত্রম্ ।
॥ ওঁ অন্নপূর্ণায়ৈ নমঃ ॥
অন্নপূর্ণা অন্নদাত্রী অন্নরাশিকৃতালয়া ।
অন্নদা অন্নরূপা চ অন্নদানরতোত্সবা ॥ ১ ॥
অনন্তা চ অনন্তাক্ষী অনন্তগুণশালিনী ।
অচ্যুতা অচ্যুতপ্রাণা অচ্যুতানন্দকারিণী ॥ ২ ॥
অব্যক্তাঽনন্তমহিমা অনন্তস্য কুলেশ্বরী ।
অব্ধিস্থা অব্ধিশয়না অব্ধিজা অব্ধিনন্দিনী ॥ ৩ ॥
অব্জস্থা অব্জনিলয়া অব্জজা অব্জভূষণা ।
অব্জাভা অব্জহস্তা চ অব্জপত্রশুভেক্ষণা ॥ ৪ ॥
অব্জাননা অনন্তাত্মা অগ্রিস্থা অগ্নিরূপিণী ।
অগ্নিজায়া অগ্নিমুখী অগ্নিকুণ্ডকৃতালয়া ॥ ৫ ॥
অকারা অগ্নিমাতা চ অজয়াঽদিতিনন্দিনী ।
আদ্যা আদিত্যসঙ্কাশা আত্মজ্ঞা আত্মগোচরা ॥ ৬ ॥
আত্মসূরাত্মদয়িতা আধারা আত্মরূপিণী ।
আশা আকাশপদ্মস্থা অবকাশস্বরূপিণী ॥ ৭ ॥
আশাপূরী অগাধা চ অণিমাদিসুসেবিতা ।
অম্বিকা অবলা অম্বা অনাদ্যা চ অয়োনিজা ॥ ৮ ॥
অনীশা ঈশিকা ঈশা ঈশানী ঈশ্বরপ্রীয়া ।
ঈশ্বরী ঈশ্বরপ্রাণা ঈশ্বরানন্দদায়িনী ॥ ৯ ॥
ইন্দ্রাণী ইন্দ্রদয়িতা ইন্দ্রসূরিন্দ্রপালিনী ।
ইন্দিরা ইন্দ্রভগিনী ইন্দ্রিয়া ইন্দুভূষণা ॥ ১০ ॥
ইন্দুমাতা ইন্দুমুখী ইন্দ্রিয়াণাং বশঙ্করী ।
উমা উমাপতেঃ প্রাণা ওড্যাণপীঠবাসিনী ॥ ১১ ॥
উত্তরজ্ঞা উত্তরাখ্যা উকারা উত্তরাত্মিকা ।
ঋমাতা ঋভবা ঋস্থা ৠলৄকারস্বরূপিণী ॥ ১২ ॥
ঋকারা চ লৃকারা চ লৄতকপ্রীতিদায়িনী ।
একা চ একবীরা চ একারৈকাররূপিণী ॥ ১৩ ॥
ওকারী ওঘরূপা চ ওঘত্রয়সুপূজিতা ।
ওঘস্থা ওঘসম্ভূতা ওঘধাত্রী চ ওঘসূঃ ॥ ১৪ ॥
ষোডশস্বরসম্ভূতা ষোডশস্বররূপিণী ।
বর্ণাত্মা বর্ণনিলয়া শূলিনী বর্ণমালিনী ॥ ১৫ ॥
কালরাত্রির্মহারাত্রির্মোহরাত্রিঃ সুলোচনা ।
কালী কপালিনী কৃত্যা কালিকা সিংহগামিনী ॥ ১৬ ॥
কাত্যায়নী কলাধারা কালদৈত্যনিকৃন্তনী ।
কামিনী কামবন্দ্যা চ কমনীয়া বিনোদিনী ॥ ১৭ ॥
কামসূঃ কামবনিতা কামধুক্ কমলাবতী ।
কামদাত্রী করালী চ কামকেলিবিনোদিনী ॥ ১৮ ॥
কামনা কামদা কাম্যা কমলা কমলার্চিতা ।
কাশ্মীরলিপ্তবক্ষোজা কাশ্মীরদ্রবচর্চিতা ॥ ১৯ ॥
কনকা কনকপ্রাণা কনকাচলবাসিনী ।
কনকাভা কাননস্থা কামাখ্যা কনকপ্রদা ॥ ২০ ॥
কামপীঠস্থিতা নিত্যা কামধামনিবাসিনী ।
কম্বুকণ্ঠী করালাক্ষী কিশোরী চ কলাপিনী ॥ ২১ ॥
কলা কাষ্ঠা নিমেষা চ কালস্থা কালরূপিণী ।
কালজ্ঞা কালমাতা চ কালধাত্রী কলাবতী ॥ ২২ ॥
কালদা কালহা কুল্যা কুরুকুল্লা কুলাঙ্গনা ।
কীর্তিদা কীর্তিহা কীর্তিঃ কীর্তিস্থা কীর্তিবর্ধনী ॥ ২৩ ॥
কীর্তিজ্ঞা কীর্তিতপদা কৃত্তিকা কেশবপ্রিয়া ।
কেশিহা কেলীকারী চ কেশবানন্দকারিণী ॥ ২৪ ॥
কুমুদাভা কুমারী চ কর্মদা কমলেক্ষণা ।
কৌমুদী কুমুদানন্দা কৌলিনী চ কুমুদ্বতী ॥ ২৫ ॥
কোদণ্ডধারিণী ক্রোধা কূটস্থা কোটরাশ্রয়া ।
কালকণ্ঠী করালাঙ্গী কালাঙ্গী কালভূষণা ॥ ২৬ ॥
কঙ্কালী কামদামা চ কঙ্কালকৃতভূষণা ।
কপালকর্ত্রিককরা করবীরস্বরূপিণী ॥ ২৭ ॥
কপর্দিনী কোমলাঙ্গী কৃপাসিন্ধুঃ কৃপাময়ী ।
কুশাবতী কুণ্ডসংস্থা কৌবেরী কৌশিকী তথা ॥ ২৮ ॥
কাশ্যপী কদ্রুতনয়া কলিকল্মষনাশিনী ।
কঞ্জস্থা কঞ্জবদনা কঞ্জকিঞ্জল্কচর্চিতা ॥ ২৯ ॥
কঞ্জাভা কঞ্জমধ্যস্থা কঞ্জনেত্রা কচোদ্ভবা ।
কামরূপা চ হ্রীংকারী কশ্যপান্বয়বর্ধিনী ॥ ৩০ ॥
খর্বা চ খঞ্জনদ্বন্দ্বলোচনা খর্ববাহিনী ।
খড্গিনী খড্গহস্তা চ খেচরী খড্গরূপিণী ॥ ৩১ ॥
খগস্থা খগরূপা চ খগগা খগসম্ভবা ।
খগধাত্রী খগানন্দা খগয়োনিস্বরূপিণী ॥ ৩২ ॥
খগেশী খেটককরা খগানন্দবিবর্ধিনী ।
খগমান্যা খগাধারা খগগর্ববিমোচিনী ॥ ৩৩ ॥
গঙ্গা গোদাবরী গীতির্গায়ত্রী গগনালয়া ।
গীর্বাণসুন্দরী গৌশ্চ গাধা গীর্বাণপূজিতা ॥ ৩৪ ॥
গীর্বাণচর্চিতপদা গান্ধারী গোমতী তথা ।
গর্বিণী গর্বহন্ত্রী চ গর্ভস্থা গর্ভধারিণী ॥ ৩৫ ॥
গর্ভদা গর্ভহন্ত্রী চ গন্ধর্বকুলপূজিতা ।
গয়া গৌরী চ গিরিজা গিরিস্থা গিরিসম্ভবা ॥ ৩৬ ॥
গিরিগহ্বরমধ্যস্থা কুঞ্জরেশ্বরগামিনী ।
কিরীটিনী চ গদিনী গুঞ্জাহারবিভূষণা ॥ ৩৭ ॥
গণপা গণকা গণ্যা গণকানন্দকারিণী ।
গণপূজ্যা চ গীর্বাণী গণপাননন্দকারিণী ॥ ৩৮ ॥
গুরুমাতা গুরুরতা গুরুভক্তিপরায়ণা ।
গোত্রা গৌঃ কৃষ্ণভগিনী কৃষ্ণসূঃ কৃষ্ণনন্দিনী ॥ ৩৯ ॥
গোবর্ধনী গোত্রধরা গোবর্ধনকৃতালয়া ।
গোবর্ধনধরা গোদা গৌরাঙ্গী গৌতমাত্মজা ॥ ৪০ ॥
ঘর্ঘরা ঘোররূপা চ ঘোরা ঘর্ঘরনাদিনী ।
শ্যামা ঘনরবাঽঘোরা ঘনা ঘোরার্তিনাশিনী ॥ ৪১ ॥
ঘনস্থা চ ঘনানন্দা দারিদ্র্যঘননাশিনী ।
চিত্তজ্ঞা চিন্তিতপদা চিত্তস্থা চিত্তরূপিণী ॥ ৪২ ॥
চক্রিণী চারুচম্পাভা চারুচম্পকমালিনী ।
চন্দ্রিকা চন্দ্রকান্তিশ্চ চাপিনী চন্দ্রশেখরা ॥ ৪৩ ॥
চণ্ডিকা চণ্ডদৈত্যঘ্নী চন্দ্রশেখরবল্লভা ।
চাণ্ডালিনী চ চামুণ্ডা চণ্ডমুণ্ডবধোদ্যতা ॥ ৪৪ ॥
চৈতন্যভৈরবী চণ্ডা চৈতন্যঘনগেহিনী ।
চিত্স্বরূপা চিদাধারা চণ্ডবেগা চিদালয়া ॥ ৪৫ ॥
চন্দ্রমণ্ডলমধ্যস্থা চন্দ্রকোটিসুশীতলা ।
চপলা চন্দ্রভগিনী চন্দ্রকোটিনিভাননা ॥ ৪৬ ॥
চিন্তামণিগুণাধারা চিন্তামণিবিভূষণা ।
ভক্তচিন্তামণিলতা চিন্তামণিকৃতালয়া ॥ ৪৭ ॥
চারুচন্দনলিপ্তাঙ্গী চতুরা চ চতুর্মুখী ।
চৈতন্যদা চিদানন্দা চারুচামরবীজিতা ॥ ৪৮ ॥
ছত্রদা ছত্রধারী চ ছলচ্ছদ্মবিনাশিনী ।
ছত্রহা ছত্ররূপা চ ছত্রচ্ছায়াকৃতালয়া ॥ ৪৯ ॥
জগজ্জীবা জগদ্ধাত্রী জগদানন্দকারিণী ।
য়জ্ঞপ্রিয়া য়জ্ঞরতা জপয়জ্ঞপরায়ণা ॥ ৫০ ॥
জননী জানকী য়জ্বা য়জ্ঞহা য়জ্ঞনন্দিনী ।
য়জ্ঞদা য়জ্ঞফলদা য়জ্ঞস্থানকৃতালয়া ॥ ৫১ ॥
য়জ্ঞভোক্ত্রী য়জ্ঞরূপা য়জ্ঞবিঘ্নবিনাশিনী ।
জপাকুসুমসঙ্কাশা জপাকুসুমশোভিতা ॥ ৫২ ॥
জালন্ধরী জয়া জৈত্রী জীমূতচয়ভাষিণী ।
জয়দা জয়রূপা চ জয়স্থা জয়কারিণী ॥ ৫৩ ॥
জগদীশপ্রিয়া জীবা জলস্থা জলজেক্ষণা ।
জলরূপা জহ্নুকন্যা য়মুনা জলজোদরী ॥ ৫৪ ॥
জলজাস্যা জাহ্নবী চ জলজাভা জলোদরী ।
য়দুবংশোদ্ভবা জীবা য়াদবানন্দকারিণী ॥ ৫৫ ॥
য়শোদা য়শসাং রাশির্যশোদানন্দকারিণী ।
জ্বলিনী জ্বালিনী জ্বালা জ্বলত্পাবকসন্নিভা ॥ ৫৬ ॥
জ্বালামুখী জগন্মাতা য়মলার্জুনভঞ্জনী ।
জন্মদা জন্মহা জন্যা জন্মভূর্জনকাত্মজা ॥ ৫৭ ॥
জনানন্দা জাম্ববতী জম্বূদ্বীপকৃতালয়া ।
জাম্বূনদসমানাভা জাম্বূনদবিভূষণা ॥ ৫৮ ॥
জম্ভহা জাতিদা জাতির্জ্ঞানদা জ্ঞানগোচরা ।
জ্ঞানরূপাঽজ্ঞানহা চ জ্ঞানবিজ্ঞানশালিনী ॥ ৫৯ ॥
জিনজৈত্রী জিনাধারা জিনমাতা জিনেশ্বরী ।
জিতেন্দ্রিয়া জনাধারা অজিনাম্বরধারিণী ॥ ৬০ ॥
শম্ভুকোটিদুরাধর্ষা বিষ্ণুকোটিবিমর্দিনী ।
সমুদ্রকোটিগম্ভীরা বায়ুকোটিমহাবলা ॥ ৬১ ॥
সূর্যকোটিপ্রতীকাশা য়মকোটিদুরাপহা ।
কামধুক্কোটিফলদা শক্রকোটিসুরাজ্যদা ॥ ৬২ ॥
কন্দর্পকোটিলাবণ্যা পদ্মকোটিনিভাননা ।
পৃথ্বীকোটিজনাধারা অগ্নিকোটিভয়ঙ্করী ॥ ৬৩ ॥
অণিমা মহিমা প্রাপ্তির্গরিমা লঘিমা তথা ।
প্রাকাম্যদা বশকরী ঈশিকা সিদ্ধিদা তথা ॥ ৬৪ ॥
মহিমাদিগুণোপেতা অণিমাদ্যষ্টসিদ্ধিদা ।
জবনধ্নী জনাধীনা জামিনী চ জরাপহা ॥ ৬৫ ॥
তারিণী তারিকা তারা তোতলা তুলসীপ্রিয়া ।
তন্ত্রিণী তন্ত্ররূপা চ তন্ত্রজ্ঞা তন্ত্রধারিণী ॥ ৬৬ ॥
তারহারা চ তুলজা ডাকিনীতন্ত্রগোচরা ।
ত্রিপুরা ত্রিদশা ত্রিস্থা ত্রিপুরাসুরঘাতিনী ॥ ৬৭ ॥
ত্রিগুণা চ ত্রিকোণস্থা ত্রিমাত্রা ত্রিতনুস্থিতা ।
ত্রৈবিদ্যা চ ত্রয়ী ত্রিঘ্নী তুরীয়া ত্রিপুরেশ্বরী ॥ ৬৮ ॥
ত্রিকোদরস্থা ত্রিবিধা ত্রৈলোক্যা ত্রিপুরাত্মিকা ।
ত্রিধাম্নী ত্রিদশারাধ্যা ত্র্যক্ষা ত্রিপুরবাসিনী ॥ ৬৯ ॥
ত্রিবর্ণী ত্রিপদী তারা ত্রিমূর্তিজননী ত্বরা ।
ত্রিদিবা ত্রিদিবেশাঽঽদির্দেবী ত্রৈলোক্যধারিণী ॥ ৭০ ॥
ত্রিমূর্তিশ্চ ত্রিজননী ত্রীভূস্ত্রীপুরসুন্দরী ।
তপস্বিনী তপোনিষ্ঠা তরুণী তাররূপিণী ॥ ৭১ ॥
তামসী তাপসী চৈব তাপঘ্নী চ তমোপহা ।
তরুণার্কপ্রতীকাশা তপ্তকাঞ্চনসন্নিভা ॥ ৭২ ॥
উন্মাদিনী তন্তুরূপা ত্রৈলোক্যব্যাপিনীশ্বরী ।
তার্কিকী তর্কিকী বিদ্যা তাপত্রয়বিনাশিনী ॥ ৭৩ ॥
ত্রিপুষ্করা ত্রিকালজ্ঞা ত্রিসন্ধ্যা চ ত্রিলোচনা ।
ত্রিবর্গা চ ত্রিবর্গস্থা তপসস্সিদ্ধিদায়িনী ॥ ৭৪ ॥
অধোক্ষজা অয়োধ্যা চ অপর্ণা চ অবন্তিকা ।
কারিকা তীর্থরূপা চ তীরা তীর্থকরী তথা ॥ ৭৫ ॥
দারিদ্র্যদুঃখদলিনী অদীনা দীনবত্সলা ।
দীনানাথপ্রিয়া দীর্ঘা দয়াপূর্ণা দয়াত্মিকা ॥ ৭৬ ॥
দেবদানবসম্পূজ্যা দেবানাং প্রিয়কারিণী ।
দক্ষপুত্রী দক্ষমাতা দক্ষয়জ্ঞবিনাশিনী ॥ ৭৭ ॥
দেবসূর্দক্ষীণা দক্ষা দুর্গা দুর্গতিনাশিনী ।
দেবকীগর্ভসম্ভূতা দুর্গদৈত্যবিনাশিনী ॥ ৭৮ ॥
অট্টাঽট্টহাসিনী দোলা দোলাকর্মাভিনন্দিনী ।
দেবকী দেবিকা দেবী দুরিতঘ্নী তটিত্তথা ॥ ৭৯ ॥
গণ্ডকী গল্লকী ক্ষিপ্রা দ্বারা দ্বারবতী তথা ।
আনন্দোদধিমধ্যস্থা কটিসূত্রৈরলঙ্কৃতা ॥ ৮০ ॥
ঘোরাগ্নিদাহদমনী দুঃখদুস্স্বপ্ননাশিনী ।
শ্রীময়ী শ্রীমতী শ্রেষ্ঠা শ্রীকরী শ্রীবিভাবিনী ॥ ৮১ ॥
শ্রীদা শ্রীশা শ্রীনিবাসা শ্রীমতী শ্রীর্মতির্গতিঃ ।
ধনদা দামিনী দান্তা ধমদো ধনশালিনী ॥ ৮২ ॥
দাডিমীপুষ্পসঙ্কাশা ধনাগারা ধনঞ্জয়া ।
ধূম্রাভা ধূম্রদৈত্ত্রঘ্নী ধবলা ধবলপ্রিয়া ॥ ৮৩ ॥
ধূম্রবক্ত্রা ধূম্রনেত্রা ধূম্রকেশী চ ধূসরা ।
ধরণী ধরিণী ধৈর্যা ধরা ধাত্রী চ ধৈর্যদা ॥ ৮৪ ॥
দমিনী ধর্মিণী ধূশ্চ দয়া দোগ্ধ্রী দুরাসদা ।
নারায়ণী নারসিংহী নৃসিংহহৃদয়ালয়া ॥ ৮৫ ॥
নাগিনী নাগকন্যা চ নাগসূর্নাগনায়িকা ।
নানারত্নবিচিত্রাঙ্গী নানাভরণমণ্ডিতা ॥ ৮৬ ॥
দুর্গস্থা দুর্গরূপা চ দুঃখদুষ্কৃতনাশিনী ।
হীঙ্কারী চৈব শ্রীঙ্কারী হুঙ্কারী ক্লেশনাশিনী ॥ ৮৭ ॥
নগাত্মজা নাগরী চ নবীনা নূতনপ্রিয়া ।
নীরজাস্যা নীরদাভা নবলাবণ্যসুন্দরী ॥ ৮৮ ॥
নীতিজ্ঞা নীতিদা নীতির্নিমনাভির্নগেশ্বরী ।
নিষ্ঠা নিত্যা নিরাতঙ্কা নাগয়জ্ঞোপবীতিনী ॥ ৮৯ ॥
নিধিদা নিধিরূপাচ নির্গুণা নরবাহিনী ।
নরমাংসরতা নারী নরমুণ্ডবিভূষণা ॥ ৯০ ॥
নিরাধারা নির্বিকারা নুতির্নির্বাণসুন্দরী ।
নরাসৃক্পানমত্তা চ নির্বৈরা নাগগামিনী ॥ ৯১ ॥
পরমা প্রমিতা প্রাজ্ঞা পার্বতী পর্বতাত্মজা ।
পর্বপ্রিয়া পর্বরতা পর্বপাবনপাবনী ॥ ৯২ ॥
পরাত্পরতরা পূর্বা পশ্চিমা পাপনাশিনী ।
পশূনাং পতিপত্নী চ পতিভক্তিপরায়ণা ॥ ৯৩ ॥
পরেশী পারগা পারা পরঞ্জ্যোতিস্বরূপিণী ।
নিষ্ঠুরা ক্রূরহৃদয়া পরাসিদ্ধিঃ পরাগতিঃ ॥ ৯৪ ॥
পশুঘ্নী পশুরূপা চ পশুহা পশুবাহিনী ।
পিতা মাতা চ য়ন্ত্রী চ পশুপাশবিনাশিনী ॥ ৯৫ ॥
পদ্মিনী পদ্মহস্তা চ পদ্মকিঞ্জল্কবাসিনী ।
পদ্মবক্ত্রা চ পদ্মাক্ষী পদ্মস্থা পদ্মসম্ভবা ॥ ৯৬ ॥
পদ্মাস্যা পঞ্চমী পূর্ণা পূর্ণপীঠনিবাসিনী ।
পদ্মরাগপ্রতীকাশা পাঞ্চালী পঞ্চমপ্রিয়া ॥ ৯৭ ॥
পরব্রহ্মস্বরূপা চ পরব্রহ্মনিবাসিনী ।
পরমানন্দমুদিতা পরচক্রনিবাসিনী ॥ ৯৮ ॥
পরেশী পরমা পৃথ্বী পীনতুঙ্গপয়োধরা ।
পরাপরা পরাবিদ্যা পরমানন্দদায়িনী ॥ ৯৯ ॥
পূজ্যা প্রজ্ঞাবতী পুষ্টিঃ পিনাকিপরিকীর্তিতা ।
প্রাণঘ্নী প্রাণরূপা চ প্রাণদা চ প্রিয়ংবদা ॥ ১০০ ॥
ফণিভূষা ফণাবেশী ফকারকণ্ঠমালিনী ।
ফণিরাড্বৃতসর্বাঙ্গী ফলভাগনিবাসিনী ॥ ১০১ ॥
বলভদ্রস্য ভগিনী বালা বালপ্রদায়িনী ।
ফল্গুরুপা প্রলম্বধ্নী ফল্গূত্সব বিনোদিনী ॥ ১০২ ॥
ভবানী ভবপত্নী চ ভবভীতিহরা ভবা ।
ভবেশ্বরী ভবারাধ্যা ভবেশী ভবনায়িকা ॥ ১০৩ ॥
ভবমাতা ভবাগম্যা ভবকণ্টকনাশিনী ।
ভবপ্রিয়া ভবানন্দা ভব্যা চ ভবমোচনী ॥ ১০৪ ॥
ভাবনীয়া ভগবতী ভবভারবিনাশিনী ।
ভূতধাত্রী চ ভূতেশী ভূতস্থা ভূতরূপিণী ॥ ১০৫ ॥
ভূতমাতা চ ভূতঘ্নী ভূতপঞ্চকবাসিনী ।
ভোগোপচারকুশলা ভিস্সাধাত্রী চ ভূচরী ॥ ১০৬ ॥
ভীতিঘ্নী ভক্তিগম্যা চ ভক্তানামার্তিনাশিনী ।
ভক্তানুকম্পিনী ভীমা ভগিনী ভগনায়িকা ॥ ১০৭ ॥
ভগবিদ্যা ভগক্লিন্না ভগয়োনির্ভগপ্রদা ।
ভগেশী ভগরূপা চ ভগগুহ্যা ভগাপহা ॥ ১০৮ ॥
ভগোদরী ভগানন্দা ভগাদ্যা ভগমালিনী ।
ভোগপ্রদা ভোগবাসা ভোগমূলা চ ভোগিনী ॥ ১০৯ ॥
ভেরুণ্ডা ভেদিনী ভীমা ভদ্রকালী ভিদোজ্ঝিতা ।
ভৈরবী ভুবনেশানী ভুবনা ভুবনেশ্বরী ॥ ১১০ ॥
ভীমাক্ষী ভারতী চৈব ভৈরবাষ্টকসেবিতা ।
ভাস্বরা ভাস্বতী ভীতির্ভাস্বদুত্তানশায়িনী ॥ ১১১ ॥
ভাগীরথী ভোগবতী ভবঘ্নী ভুবনাত্মিকা ।
ভূতিদা ভূতিরূপা চ ভূতস্থা ভূতবর্ধিনী ॥ ১১২ ॥
মাহেশ্বরী মহামায়া মহাতেজা মহাসুরী ।
মহাজিহ্বা মহালোলা মহাদংষ্ট্রা মহাভুজা ॥ ১১৩ ॥
মহামোহান্ধকারঘ্নী মহামোক্ষপ্রদায়িনী ।
মহাদারিদ্র্যশমনী মহাশত্রুবিমর্দিনী ॥ ১১৪ ॥
মহাশক্তির্মহাজ্যোতির্মহাসুরবিমর্দিনী ।
মহাকায়া মহাবীর্যা মহাপাতকনাশিনী ॥ ১১৫ ॥
মহারবা মন্ত্রময়ী মণিপূরনিবাসিনী ।
মানসী মানদা মান্যা মনশ্চক্ষুরগোচরা ॥ ১১৬ ॥
মাহেন্দ্রী মধুরা মায়া মহিষাসুরমর্দিনী ।
মহাকুণ্ডলিনী শক্তির্মহাবিভববর্ধিনী ॥ ১১৭ ॥
মানসী মাধবী মেধা মতিদা মতিধারিণী ।
মেনকাগর্ভসম্ভূতা মেনকাভগিনী মতিঃ ॥ ১১৮ ॥
মহোদরী মুক্তকেশী মুক্তিকাম্যার্থসিদ্ধিদা ।
মাহেশী মহিষারূঢা মধুদৈত্যবিমর্দিনী ॥ ১১৯ ॥
মহাব্রতা মহামূর্ধা মহাভয়বিনাশিনী ।
মাতঙ্গী মত্তমাতঙ্গী মাতঙ্গকুলমণ্ডিতা ॥ ১২০ ॥
মহাঘোরা মাননীয়া মত্তমাতঙ্গগামিনী ।
মুক্তাহারলতোপেতা মদধূর্ণিতলোচনা ॥ ১২১ ॥
মহাপরাধরাশিঘ্রী মহাচোরভয়াপহা ।
মহাচিন্ত্যস্বরূপা চ মণীমন্ত্রমহৌষধী ॥ ১২২ ॥
মণিমণ্ডপমধ্যস্থা মণিমালাবিরাজিতা ।
মন্ত্রাত্মিকা মন্ত্রগম্যা মন্ত্রমাতা সুমন্ত্রিণী ॥ ১২৩ ॥
মেরুমন্দিরমধ্যস্থা মকরাকৃতিকুণ্ডলা ।
মন্থরা চ মহাসূক্ষ্মা মহাদূতী মহেশ্বরী ॥ ১২৪ ॥
মালিনী মানবী মাধ্বী মদরূপা মদোত্কটা ।
মদিরা মধুরা চৈব মোদিনী চ মহোদ্ধতা ॥ ১২৫ ॥
মঙ্গলাঙ্গী মধুময়ী মধুপানপরায়ণা ।
মনোরমা রমামাতা রাজরাজেশ্বরী রমা ॥ ১২৬ ॥
রাজমান্যা রাজপূজ্যা রক্তোত্পলবিভূষণা ।
রাজীবলোচনা রামা রাধিকা রামবল্লভা ॥ ১২৭ ॥
শাকিনী ডাকিনী চৈব লাবণ্যাম্বুধিবীচিকা ।
রুদ্রাণী রুদ্ররূপা চ রৌদ্রা রুদ্রার্তিনাশিনী ॥ ১২৮ ॥
রক্তপ্রিয়া রক্তবস্ত্রা রক্তাক্ষী রক্তলোচনা ।
রক্তকেশী রক্তদংষ্ট্রা রক্তচন্দনচর্চিতা ॥ ১২৯ ॥
রক্তাঙ্গী রক্তভূষা চ রক্তবীজনিপাতিনী ।
রাগাদিদোষরহিতা রতিজা রতিদায়িনী ॥ ১৩০ ॥
বিশ্বেশ্বরী বিশালাক্ষী বিন্ধ্যপীঠনিবাসিনী ।
বিশ্বভূর্বীরবিদ্যা চ বীরসূর্বীরনন্দিনী ॥ ১৩১ ॥
বীরেশ্বরী বিশালাক্ষী বিষ্ণুমায়া বিমোহিনী ।
বিদ্যাবতী বিষ্ণুরূপা বিশালনয়নোজ্জ্বলা ॥ ১৩২ ॥
বিষ্ণুমাতা চ বিশ্বাত্মা বিষ্ণুজায়াস্বরূপিণী ।
বারাহী বরদা বন্দ্যা বিখ্যাতা বিলসল্কচা ॥ ১৩৩ ॥
ব্রহ্মেশী ব্রহ্মদা ব্রাহ্মী ব্রহ্মাণী ব্রহ্মরূপিণী ।
দ্বারকা বিশ্ববন্দ্যা চ বিশ্বপাশবিমোচনী ।
বিশ্বাসকারিণী বিশ্বা বিশ্বশক্তির্বিচক্ষণা ॥ ১৩৪ ॥
বাণচাপধরা বীরা বিন্দুস্থা বিন্দুমালিনী ।
ষট্চক্রভেদিনী ষোঢা ষোডশারনিবাসিনী ॥ ১৩৫ ॥
শিতিকণ্ঠপ্রিয়া শান্তা শাকিনী বাতরূপিণী ।
শাশ্বতী শম্ভুবনিতা শাম্ভবী শিবরূপিণী ॥ ১৩৬ ॥
শিবমাতা চ শিবদা শিবা শিবহৃদাসনা ।
শুক্লাম্বরা শীতলা চ শীলা শীলপ্রদায়িনী ॥ ১৩৭ ॥
শিশুপ্রিয়া বৈদ্যবিদ্যা সালগ্রামশিলা শুচিঃ ।
হরিপ্রিয়া হরমূর্তির্হরিনেত্রকৃতালয়া ॥ ১৩৮ ॥
হরিবক্ত্রোদ্ভবা হালা হরিবক্ষঃস্থলস্থিতা ।
ক্ষেমঙ্করী ক্ষিতিঃ ক্ষেত্রা ক্ষুধিতস্য প্রপূরণী ॥ ১৩৯ ॥
বৈশ্যা চ ক্ষত্রিয়া শূদ্রী ক্ষত্রিয়াণাং কুলেশ্বরী ।
হরপত্নী হরারাধ্যা হরসূর্হররূপিণী ॥ ১৪০ ॥
সর্বানন্দময়ী সিদ্ধিস্সর্বরক্ষাস্বরূপিণী ।
সর্বদুষ্টপ্রশমনী সর্বেপ্সিতফলপ্রদা ॥ ১৪১ ॥
সর্বসিদ্ধেশ্বরারাধ্যা সর্বমঙ্গলমঙ্গলা ।
ফলশ্রুতিঃ ।
পুণ্যং সহস্রনামেদং তব প্রীত্যা প্রকাশিতম্ ॥ ১৪২ ॥
গোপনীয়ং প্রয়ত্নেন পঠনীয়ং প্রয়ত্নতঃ ।
নাতঃ পরতরং পুণ্যং নাতঃ পরতরং তপঃ ॥ ১৪৩ ॥
নাতঃ পরতরং স্তোত্রং নাতঃ পরতরা গতিঃ ।
স্তোত্রং নামসহস্রাখ্যং মম বক্ত্রাদ্বিনির্গতম্ ॥ ১৪৪ ॥
য়ঃ পঠেত্পরয়া ভক্ত্যা শৃণুয়াদ্বা সমাহিতঃ ।
মোক্ষার্থী লভতে মোক্ষং স্বর্গার্থী স্বর্গমাপ্নুয়াত্ ॥ ১৪৫ ॥
কামার্থী লভতে কামং ধনার্থী লভতে ধনম্ ।
বিদ্যার্থী লভতে বিদ্যাং য়শোঽর্থী লভতে য়শঃ ॥ ১৪৬ ॥
কন্যার্থী লভতে কন্যাং সুতার্থী লভতে সুতান্ ।
মূর্খোঽপি লভতে শাস্ত্রং চোরোঽপি লভতে গতিম্ ॥ ১৪৭ ॥
গুর্বিণী জনয়েত্পুত্রং কন্যাং বিন্দতি সত্পতিম্ ।
সংক্রান্ত্যাং চ চতুর্দশ্যামষ্টম্যাং চ বিশেষতঃ ॥ ১৪৮ ॥
পৌর্ণমাস্যামমাবাস্যাং নবম্যাং ভৌমবাসরে ।
পঠেদ্বা পাঠয়েদ্বাপি পূজয়েদ্বাপি পুস্তকম্ ॥ ১৪৯ ॥
স মুক্তস্সর্বপাপেভ্যঃ কামেশ্বরসমো ভবেত্ ।
লক্ষ্মীবান্ সুতবাংশ্চৈব বল্লভস্সর্বয়োষিতাম্ ॥ ১৫০ ॥
তস্য বশ্যং ভবেদাশু ত্রৈলোক্যং সচরাচরম্ ।
বিদ্যানাং পারগো বিপ্রঃ ক্ষত্রিয়ো বিজয়ী রণে ॥ ১৫১ ॥
বৈশ্যো ধনসমৃদ্ধস্স্যাচ্ছূদ্রস্সুখমবাপ্নুয়াত্ ।
ক্ষেত্রে চ বহুসস্যং স্যাদ্গাবশ্চ বহুদুগ্ধদাঃ ॥ ১৫২ ॥
নাশুভং নাপদস্তস্য ন ভয়ং নৃপশত্রুতঃ ।
জায়তে নাশুভা বুদ্ধির্লভতে কুলপূজ্যতাম্ ॥ ১৫৩ ॥
ন বাধন্তে গ্রহাস্তস্য ন রক্ষাংসি ন পন্নগাঃ ।
ন পিশাচা ন ডাকিন্যো ভূতভেতালডম্ভকাঃ ॥ ১৫৪ ॥
বালগ্রহাভিভূতানাং বালানাং শান্তিকারকম্ ।
দ্বন্দ্বানাং প্রতিভেদে চ মৈত্রীকরণমুত্তমম্ ॥ ১৫৫ ॥
লোহপাশৈদৃঢৈর্বদ্ধো বন্দী বেশ্মনি দুর্গমে ।
তিষ্ঠঞ্ছৃণ্বন্পতন্মর্ত্যো মুচ্যতে নাত্র সংশয়ঃ ॥ ১৫৬ ॥
পশ্যন্তি নহি তে শোকং বিয়োগং চিরজীবিনঃ ।
শৃণ্বতী বদ্ধগর্ভা চ সুখং চৈব প্রসূয়তে ॥ ১৫৭ ॥
একদা পঠনাদেব সর্বপাপক্ষয়ো ভবেত্ ।
নশ্যন্তি চ মহারোগা দশধাবর্তনেন চ ॥ ১৫৮ ॥
শতধাবর্তনে চৈব বাচাং সিদ্ধিঃ প্রজায়তে ।
নবরাত্রে জিতাহারো দৃঢবুদ্ধির্জিতেন্দ্রিয়ঃ ॥ ১৫৯ ॥
অম্বিকায়তনে বিদ্বান্ শুচিষ্মান্ মূর্তিসন্নিধৌ ।
একাকী চ দশাবর্তং পঠন্ধীরশ্চ নির্ভয়ঃ ॥ ১৬০ ॥
সাক্ষাত্ত্বগবতী তস্মৈ প্রয়চ্ছেদীপ্সিতং ফলম্ ।
সিদ্ধপীঠে গিরৌ রম্যে সিদ্ধক্ষেত্রে সুরালয়ে ॥ ১৬১ ॥
পঠনাত্সাধকস্যাশু সিদ্ধির্ভবতি বাঞ্ছিতা ।
দশাবর্তং পঠেন্নিত্যং ভূমীশায়ী নরশ্শুচিঃ ॥ ১৬২ ॥
স্বপ্নে মূর্তিময়াং দেবীং বরদাং সোঽপি পশ্যতি ।
আবর্তনসহস্রৈর্যে জপন্তি পুরুষোত্তমাঃ ॥ ১৬৩ ॥
তে সিদ্ধা সিদ্ধিদা লোকে শাপানুগ্রহণক্ষমাঃ ।
প্রয়চ্ছন্তশ্চ সর্বস্বং সেবন্তে তান্মহীশ্বরাঃ ॥ ১৬৪ ॥
ভূর্জপত্রেঽষ্টগন্ধেন লিখিত্বা তু শুভে দিনে ।
ধারয়েদ্যন্ত্রিতং শীর্ষে পূজয়িত্বা কুমারিকাম্ ॥ ১৬৫ ॥
ব্রাহ্মণান্ বরনারীশ্চ ধূপৈঃ কুসুমচন্দনৈঃ ।
ক্ষীরখণ্ডাদিভোজ্যাংশ্চ ভোজয়িত্বা সুভক্তিতঃ ॥ ১৬৬ ॥
বধ্নন্তি য়ে মহারক্ষাং বালানাং চ বিশেষতঃ ।
রুদ্রং দৃষ্ট্বা য়থা দেবং বিষ্ণুং দৃষ্ট্বা চ দানবাঃ ॥ ১৬৭ ॥
পন্নগা গরুডং দৃষ্ট্বা সিংহং দৃষ্ট্বা য়থা গজাঃ ।
মণ্ডূকা ভোগিনং দৃষ্ট্বা মার্জারং মূষিকাস্তথা ॥ ১৬৮ ॥
বিঘ্নভূতাঃ পলায়ন্তে তস্য বক্ত্রবিলোকনাত্ ।
অগ্নিচোরভয়ং তস্য কদাচিন্নৈব সম্ভবেত্ ॥ ১৬৯ ॥
পাতকান্বিবিধান্সোঽপি মেরুমন্দরসন্নিভান্ ।
ভস্মিতান্কুরুতে ক্ষিপ্রং তৃণং বহ্নিহুতং য়থা ॥ ১৭০ ॥
নৃপাশ্চ বশ্যতাং য়ান্তি নৃপপূজ্যাশ্চ তে নরাঃ ।
মহার্ণবে মহানদ্যাং পোতস্থে চ ন ভীঃ কচিত্ ॥ ১৭১ ॥
রণে দ্যূতে বিবাদে চ বিজয়ং প্রাপ্নুবন্তি তে ।
সর্বত্র পূজিতো লোকৈর্বহুমানপুরস্সরৈঃ ॥ ১৭২ ॥
রতিরাগবিবৃদ্ধাশ্চ বিহ্বলাঃ কামপীডিতাঃ ।
য়ৌবনাক্রান্তদেহাস্তান্ শ্রয়ন্তে বামলোচনাঃ ॥ ১৭৩ ॥
সহস্রং জপতে য়স্তু খেচরী জায়তে নরঃ ।
সহস্রদশকং দেবি য়ঃ পঠেদ্ভক্তিমান্নরঃ ॥ ১৭৪ ॥
সা তস্য জগতাং ধাত্রী প্রত্যক্ষা ভবতি ধ্রুবম্ ।
লক্ষং পূর্ণং য়দা দেবি স্তোত্ররাজং জপেত্সুধীঃ ॥ ১৭৫ ॥
ভবপাশবিনির্মুক্তো মম তুল্যো ন সংশয়ঃ ।
সর্বতীর্থেষু য়ত্পুণ্যং সর্বতীর্থেষু য়ত্ফলম্ ॥ ১৭৬ ॥
সর্বধর্মেষু য়জ্ঞেষু সর্বদানেষু য়ত্ফলম্ ।
সর্ববেদেষু প্রোক্তেষু য়ত্ফলং পরিকীর্তিতম্ ॥ ১৭৭ ॥
তত্পুণ্যং কোটিগুণিতং সকৃজ্জপ্ত্বা লভেন্নরঃ ।
দেহান্তে পরমং স্থানং য়ত্সুরৈরপি দুর্লভম্ ।
স য়াস্যতি ন সন্দেহস্স্তবরাজস্য কীর্তনাত্ ॥ ১৭৮ ॥
॥ ইতি রুদ্রয়ামলে শ্রীঅন্নপূর্ণাসহস্রনামস্তোত্রং সম্পূর্ণম্ ॥
Also Read 1000 Names of Annapurna Devi:
1000 Names of Sri Annapurna | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
