Tarasahasranamastotram from Brihan Nila Tantra Lyrics in Bengali:
॥ তারাসহস্রনামস্তোত্রম্ বৃহন্নীলতন্ত্রার্গতম্ ॥
শ্রীদেব্যুবাচ ।
দেব দেব মহাদেব সৃষ্টিস্থিত্যন্তকারক ।
প্রসঙ্গেন মহাদেব্যা বিস্তরং কথিতং ময়ি ॥ ১৮-১ ॥
দেব্যা নীলসরস্বত্যাঃ সহস্রং পরমেশ্বর ।
নাম্নাং শ্রোতুং মহেশান প্রসাদঃ ক্রিয়তাং ময়ি ।
কথয়স্ব মহাদেব য়দ্যহং তব বল্লভা ॥ ১৮-২ ॥
শ্রীভৈরব উবাচ ।
সাধু পৃষ্টং মহাদেবি সর্বতন্ত্রেষু গোপিতম্ ।
নাম্নাং সহস্রং তারায়াঃ কথিতুং নৈব শক্যতে ॥ ১৮-৩ ॥
প্রকাশাত্ সিদ্ধিহানিঃ স্যাত্ শ্রিয়া চ পরিহীয়তে ।
প্রকাশয়তি য়ো মোহাত্ ষণ্মাসাদ্ মৃত্যুমাপ্নুয়াত্ ॥ ১৮-৪ ॥
অকথ্যং পরমেশানি অকথ্যং চৈব সুন্দরি ।
ক্ষমস্ব বরদে দেবি য়দি স্নেহোঽস্তি মাং প্রতি ॥ ১৮-৫ ॥
সর্বস্বং শৃণু হে দেবি সর্বাগমবিদাং বরে ।
ধনসারং মহাদেবি গোপ্তব্যং পরমেশ্বরি ॥ ১৮-৬ ॥
আয়ুর্গোপ্যং গৃহচ্ছিদ্রং গোপ্যং ন পাপভাগ্ ভবেত্ ।
সুগোপ্যং পরমেশানি গোপনাত্ সিদ্ধিমশ্নুতে ॥ ১৮-৭ ॥
প্রকাশাত্ কার্যহানিশ্চ প্রকাশাত্ প্রলয়ং ভবেত্ ।
তস্মাদ্ ভদ্রে মহেশানি ন প্রকাশ্যং কদাচন ॥ ১৮-৮ ॥
ইতি দেববচঃ শ্রুত্বা দেবী পরমসুন্দরী ।
বিস্মিতা পরমেশানী বিষণা তত্র জায়তে ॥ ১৮-৯ ॥
শৃণু হে পরমেশান কৃপাসাগরপারগ ।
তব স্নেহো মহাদেব ময়ি নাস্ত্যত্র নিশ্চিতম্ ॥ ১৮-১০ ॥
ভদ্রং ভদ্রং মহাদেব ইতি কৃত্বা মহেশ্বরী ।
বিমুখীভূয় দেবেশী তত্রাস্তে শৈলজা শুভা ॥ ১৮-১১ ॥
বিলোক্য বিমুখীং দেবীং মহাদেবো মহেশ্বরঃ ।
প্রহস্য পরমেশানীং পরিষ্বজ্য প্রিয়াং কথাম্ ॥ ১৮-১২ ॥
কথয়ামাস তত্রৈব মহাদেব্যৈ মহেশ্বরি ।
মম সর্বস্বরূপা ত্বং জানীহি নগনন্দিনি ॥ ১৮-১৩ ॥
ত্বাং বিনাহং মহাদেবি পূর্বোক্তশবরূপবান্ ।
ক্ষমস্ব পরমানন্দে ক্ষমস্ব নগনন্দিনি ॥ ১৮-১৪ ॥
য়থা প্রাণো মহেশানি দেহে তিষ্ঠতি সুন্দরি ।
তথা ত্বং জগতামাদ্যে চরণে পতিতোঽস্ম্যহম্ ॥ ১৮-১৫ ॥
ইতি মত্বা মহাদেবি রক্ষ মাং তব কিঙ্করম্ ।
ততো দেবী মহেশানী ত্রৈলোক্যমোহিনী শিবা ॥ ১৮-১৬ ॥
মহাদেবং পরিষ্বজ্য প্রাহ গদ্গদয়া গিরা ।
সদা দেহস্বরূপাহং দেহী ত্বং পরমেশ্বর ॥ ১৮-১৭ ॥
তথাপি বঞ্চনাং কর্তুং মামিত্থং বদসি প্রিয়ম্ ।
মহাদেবঃ পুনঃ প্রাহ ভৈরবি প্রাণবল্লভে ॥ ১৮-১৮ ॥
নাম্নাং সহস্রং তারায়াঃ শ্রোতুমিচ্ছস্যশেষতঃ ।
শ্রীদেব্যুবাচ ।
ন শ্রুতং পরমেশান তারানামসহস্রকম্ ।
কথয়স্ব মহাভাগ সত্যং পরমসুন্দরম্ ॥ ১৮-১৯ ॥
শ্রীপার্বত্যুবাচ ।
কথমীশান সর্বজ্ঞ লভন্তে সিদ্ধিমুত্তমাম্ ।
সাধকাঃ সর্বদা য়েন তন্মে কথয় সুন্দর ॥ ১৮-২০ ॥
য়স্মাত্ পরতরং নাস্তি স্তোত্রং তন্ত্রেষু নিশ্চিতম্ ।
সর্বপাপহরং দিব্যং সর্বাপদ্বিনিবারকম্ ॥ ১৮-২১ ॥
সর্বজ্ঞানকরং পুণ্যং সর্বমঙ্গলসংয়ুতম্ ।
পুরশ্চর্যাশতৈস্তুল্যং স্তোত্রং সর্বপ্রিয়ঙ্করম্ ॥ ১৮-২২ ॥
বশ্যপ্রদং মারণদমুচ্চাটনপ্রদং মহত্ ।
নাম্নাং সহস্রং তারায়াঃ কথয়স্ব সুরেশ্বর ॥ ১৮-২৩ ॥
শ্রীমহাদেব উবাচ ।
নাম্নাং সহস্রং তারায়াঃ স্তোত্রপাঠাদ্ ভবিষ্যতি ।
নাম্নাং সহস্রং তারায়াঃ কথয়িষ্যাম্যশেষতঃ ॥ ১৮-২৪ ॥
শৃণু দেবি সদা ভক্ত্যা ভক্তানাং পরমং হিতম্ ।
বিনা পূজোপহারেণ বিনা জা(প্যেন য়ত্ ফলম্ ॥ ১৮-২৫ ॥
তত্ ফলং সকলং দেবি কথয়িষ্যামি তচ্ছৃণু ।
ওঁ অস্য শ্রীতারাসহস্রনামস্তোত্রমহামন্ত্রস্য,
অক্ষোভ্য ঋষিঃ, বৃহতী-উষ্ণিক্ ছন্দঃ,
শ্রী উগ্রতারা শ্রীমদেকজটা শ্রীনীলসরস্বতী দেবতা,
পুরুষার্থচতুষ্টয়সিদ্ধ্যর্থে বিনিয়োগঃ ॥
তারা রাত্রির্মহারাত্রির্কালরাত্রির্মহামতিঃ ।
কালিকা কামদা মায়া মহামায়া মহাস্মৃতিঃ ॥ ১৮-২৬ ॥
মহাদানরতা য়জ্ঞা য়জ্ঞোত্সববিভূষিতা ।
চন্দ্রব্বজ্রা চকোরাক্ষী চারুনেত্রা সুলোচনা ॥ ১৮-২৭ ॥
ত্রিনেত্রা মহতী দেবী কুরঙ্গাক্ষী মনোরমা ।
ব্রাহ্মী নারায়ণী জ্যোত্স্না চারুকেশী সুমূর্ধজা ॥ ১৮-২৮ ॥
বারাহী বারুণী বিদ্যা মহাবিদ্যা মহেশ্বরী ।
সিদ্ধা কুঞ্চিতকেশা চ মহায়জ্ঞস্বরূপিণী ॥ ১৮-২৯ ॥
গৌরী চম্পকবর্ণা চ কৃশাঙ্গী শিবমোহিনী ।
সর্বানন্দস্বরূপা চ সর্বশঙ্কৈকতারিণী ॥ ১৮-৩০ ॥
বিদ্যানন্দময়ী নন্দা ভদ্রকালীস্বরূপিণী ।
গায়ত্রী সুচরিত্রা চ কৌলব্রতপরায়ণা ॥ ১৮-৩১ ॥
হিরণ্যগর্ভা ভূগর্ভা মহাগর্ভা সুলোচনী ।
হিমবত্তনয়া দিব্যা মহামেঘস্বরূপিণী ॥ ১৮-৩২ ॥
জগন্মাতা জগদ্ধাত্রী জগতামুপকারিণী ।
ঐন্দ্রী সৌম্যা তথা ঘোরা বারুণী মাধবী তথা ॥ ১৮-৩৩ ॥
আগ্নেয়ী নৈরৃতী চৈব ঐশানী চণ্ডিকাত্মিকা ।
সুমেরুতনয়া নিত্যা সর্বেষামুপকারিণী ॥ ১৮-৩৪ ॥
ললজ্জিহ্বা সরোজাক্ষী মুণ্ডস্রক্পরিভূষিতা ।
সর্বানন্দময়ী সর্বা সর্বানন্দস্বরূপিণী ॥ ১৮-৩৫ ॥
ধৃতির্মেধা তথা লক্ষ্মীঃ শ্রদ্ধা পন্নগগামিনী ।
রুক্মিণী জানকী দুর্গাম্বিকা সত্যবতী রতিঃ ॥ ১৮-৩৬ ॥ ১৮-
কামাখ্যা কামদা নন্দা নারসিংহী সরস্বতী ।
মহাদেবরতা চণ্ডী চণ্ডদোর্দণ্ডখণ্ডিনী ॥ ১৮-৩৭ ॥
দীর্ঘকেশী সুকেশী চ পিঙ্গকেশী মহাকচা ।
ভবানী ভবপত্নী চ ভবভীতিহরা সতী ॥ ১৮-৩৮ ॥
পৌরন্দরী তথা বিষ্ণোর্জায়া মাহেশ্বরী তথা ।
সর্বেষাং জননী বিদ্যা চার্বঙ্গী দৈত্যনাশিনী ॥ ১৮-৩৯ ॥
সর্বরূপা মহেশানি কামিনী বরবর্ণিনী ।
মহাবিদ্যা মহামায়া মহামেধা মহোত্সবা ॥ ১৮-৪০ ॥
বিরূপা বিশ্বরূপা চ মৃডানী মৃডবল্লভা ।
কোটিচন্দ্রপ্রতীকাশা শতসূর্যপ্রকাশিনী ॥ ১৮-৪১ ॥
জহ্নুকন্যা মহোগ্রা চ পার্বতী বিশ্বমোহিনী ।
কামরূপা মহেশানী নিত্যোত্সাহা মনস্বিনী ॥ ১৮-৪২ ॥
বৈকুণ্ঠনাথপত্নী চ তথা শঙ্করমোহিনী ।
কাশ্যপী কমলা কৃষ্ণা কৃষ্ণরূপা চ কালিনী ॥ ১৮-৪৩ ॥
মাহেশ্বরী বৃষারূঢা সর্ববিস্ময়কারিণী ।
মান্যা মানবতী শুদ্ধা কন্যা হিমগিরেস্তথা ॥ ১৮-৪৪ ॥
অপর্ণা পদ্মপত্রাক্ষী নাগয়জ্ঞোপবীতিনী ।
মহাশঙ্খধরা কান্তা কমনীয়া নগাত্মজা ॥ ১৮-৪৫ ॥
ব্রহ্মাণী বৈষ্ণবী শম্ভোর্জায়া গঙ্গা জলেশ্বরী ।
ভাগীরথী মনোবুদ্ধির্নিত্যা বিদ্যাময়ী তথা ॥ ১৮-৪৬ ॥
হরপ্রিয়া গিরিসুতা হরপত্নী তপস্বিনী ।
মহাব্যাধিহরা দেবী মহাঘোরস্বরূপিণী ॥ ১৮-৪৭ ॥
মহাপুণ্যপ্রভা ভীমা মধুকৈটভনাশিনী ।
শঙ্খিনী বজ্রিণী ধাত্রী তথা পুস্তকধারিণী ॥ ১৮-৪৮ ॥
চামুণ্ডা চপলা তুঙ্গা শুম্বদৈত্যনিকৃন্তনী ।
শান্তির্নিদ্রা মহানিদ্রা পূর্ণনিদ্রা চ রেণুকা ॥ ১৮-৪৯ ॥
কৌমারী কুলজা কান্তী কৌলব্রতপরায়ণা ।
বনদুর্গা সদাচারা দ্রৌপদী দ্রুপদাত্মজা ॥ ১৮-৫০ ॥
য়শস্বিনী য়শস্যা চ য়শোধাত্রী য়শঃপ্রদা ।
সৃষ্টিরূপা মহাগৌরী নিশুম্বপ্রাণনাশিনী ॥ ১৮-৫১ ॥
পদ্মিনী বসুধা পৃথ্বী রোহিণী বিন্ধ্যবাসিনী ।
শিবশক্তির্মহাশক্তিঃ শঙ্খিনী শক্তিনির্গতা ॥ ১৮-৫২ ॥
দৈত্যপ্রাণহরা দেবী সর্বরক্ষণকারিণী ।
ক্ষান্তিঃ ক্ষেমঙ্করী চৈব বুদ্ধিরূপা মহাধনা ॥ ১৮-৫৩ ॥
শ্রীবিদ্যা ভৈরবি ভব্যা ভবানী ভবনাশিনী ।
তাপিনী ভাবিনী সীতা তীক্ষ্ণতেজঃস্বরূপিণী ॥ ১৮-৫৪ ॥
দাত্রী দানপরা কালী দুর্গা দৈত্যবিভূষণা ।
মহাপুণ্যপ্রদা ভীমা মধুকৈটভনাশিনী ॥ ১৮-৫৫ ॥
পদ্মা পদ্মাবতী কৃষ্ণা তুষ্টা পুষ্টা তথোর্বশী ।
বজ্রিণী বজ্রহস্তা চ তথা নারায়ণী শিবা ॥ ১৮-৫৬ ॥
খড্গিনী খড্গহস্তা চ খড্গখর্পরধারিণী ।
দেবাঙ্গনা দেবকন্যা দেবমাতা পুলোমজা ॥ ১৮-৫৭ ॥
সুখিনী স্বর্গদাত্রী চ সর্বসৌখ্যবিবর্ধিনী ।
শীলা শীলাবতী সূক্ষ্মা সূক্ষ্মাকারা বরপ্রদা ॥ ১৮-৫৮ ॥
বরেণ্যা বরদা বাণী জ্ঞানিনী জ্ঞানদা সদা ।
উগ্রকালী মহাকালী ভদ্রকালী চ দক্ষিণা ॥ ১৮-৫৯ ॥
ভৃগুবংশসমুদ্ভূতা ভার্গবী ভৃগুবল্লভা ।
শূলিনী শূলহস্তা চ কর্ত্রীখর্পরধারিণী ॥ ১৮-৬০ ॥
মহাবংশসমুদ্ভূতা ময়ূরবরবাহনা ।
মহাশঙ্খরতা রক্তা রক্তখর্পরধারিণী ॥ ১৮-৬১ ॥
রক্তাম্বরধরা রামা রমণী সুরনায়িকা ।
মোক্ষদা শিবদা শ্যামা মদবিভ্রমমন্থরা ॥ ১৮-৬২ ॥
পরমানন্দদা জ্যেষ্ঠা য়োগিনী গণসেবিতা ।
সারা জাম্ববতী চৈব সত্যভামা নগাত্মজা ॥ ১৮-৬৩ ॥
রৌদ্রা রৌদ্রবলা ঘোরা রুদ্রসারারুণাত্মিকা ।
রুদ্ররূপা মহারৌদ্রী রৌদ্রদৈত্যবিনাশিনী ॥ ১৮-৬৪ ॥
কৌমারী কৌশিকী চণ্ডা কালদৈত্যবিনাশিনী ।
শম্ভুপত্নী শম্ভুরতা শম্বুজায়া মহোদরী ॥ ১৮-৬৫ ॥
শিবপত্নী শিবরতা শিবজায়া শিবপ্রিয়া ।
হরপত্নী হররতা হরজায়া হরপ্রিয়া ॥ ১৮-৬৬ ॥
মদনান্তককান্তা চ মদনান্তকবল্লভা ।
গিরিজা গিরিকন্যা চ গিরীশস্য চ বল্লভা ॥ ১৮-৬৭ ॥
ভূতা ভব্যা ভবা স্পষ্টা পাবনী পরপালিনী ।
অদৃশ্যা চ ব্যক্তরূপা ইষ্টানিষ্টপ্রবর্দ্ধিনী ॥ ১৮-৬৮ ॥
অচ্যুতা প্রচ্যুতপ্রাণা প্রমদা বাসবেশ্বরী ।
অপাংনিধিসমুদ্ভূতা ধারিণী চ প্রতিষ্ঠিতা ॥ ১৮-৬৯ ॥
উদ্ভবা ক্ষোভণা ক্ষেমা শ্রীগর্ভা পরমেশ্বরী ।
কমলা পুষ্পদেহা চ কামিনী কঞ্জলোচনা ॥ ১৮-৭০ ॥
শরণ্যা কমলা প্রীতির্বিমলানন্দবর্ধিনী ।
কপর্দিনী করালা চ নির্মলা দেবরূপিণী ॥ ১৮-৭১ ॥
উদীর্ণভূষণা ভব্যা সুরসেনা মহোদরী ।
শ্রীমতী শিশিরা নব্যা শিশিরাচলকন্যকা ॥ ১৮-৭২ ॥
সুরমান্যা সুরশ্রেষ্ঠা জ্যেষ্ঠা প্রাণেশ্বরী স্থিরা ।
তমোঘ্নী ধ্বান্তসংহন্ত্রী প্রয়তাত্মা পতিব্রতা ॥ ১৮-৭৩ ॥
প্রদ্যোতিনী রথারূঢা সর্বলোকপ্রকাশিনী ।
মেধাবিনী মহাবীর্যা হংসী সংসারতারিণী ॥ ১৮-৭৪ ॥
প্রণতপ্রাণিনামার্তিহারিণী দৈত্যনাশিনী ।
ডাকিনী শাকিনীদেবী বরখট্বাঙ্গধারিণী ॥ ১৮-৭৫ ॥
কৌমুদী কুমুদা কুন্দা কৌলিকা কুলজামরা ।
গর্বিতা গুণসম্পন্না নগজা খগবাহিনী ॥ ১৮-৭৬ ॥
চন্দ্রাননা মহোগ্রা চ চারুমূর্ধজশোভনা ।
মনোজ্ঞা মাধবী মান্যা মাননীয়া সতাং সুহৃত্ ॥ ১৮-৭৭ ॥
জ্যেষ্ঠা শ্রেষ্ঠা মঘা পুষ্যা ধনিষ্ঠা পূর্বফাল্গুনী ।
রক্তবীজনিহন্ত্রী চ রক্তবীজবিনাশিনী ॥ ১৮-৭৮ ॥
চণ্ডমুণ্ডনিহন্ত্রী চ চণ্ডমুণ্ডবিনাশিনী ।
কর্ত্রী হর্ত্রী সুকর্ত্রী চ বিমলামলবাহিনী ॥ ১৮-৭৯ ॥
বিমলা ভাস্করী বীণা মহিষাসুরঘাতিনী ।
কালিন্দী য়মুনা বৃদ্ধা সুরভিঃ বালিকা সতী ॥ ১৮-৮০ ॥
কৌশল্যা কৌমুদী মৈত্রীরূপিণী চাপ্যরুন্ধতী ।
পুরারিগৃহিণী পূর্ণা পূর্ণানন্দস্বরূপিণী ॥ ১৮-৮১ ॥
পুণ্ডরীকাক্ষপত্নী চ পুণ্ডরীকাক্ষবল্লভা ।
সম্পূর্ণচন্দ্রবদনা বালচন্দ্রসমপ্রভা ॥ ১৮-৮২ ॥
রেবতী রমণী চিত্রা চিত্রাম্বরবিভূষণাং ।
সীতা বীণাবতী চৈব য়শোদা বিজয়া প্রিয়া ॥ ১৮-৮৩ ॥
নবপুষ্পসমুদ্ভূতা নবপুষ্পোত্সবোত্সবা ।
নবপুষ্পস্রজামালা মাল্যভূষণভূষিতা ॥ ১৮-৮৪ ॥
নবপুষ্পসমপ্রাণা নবপুষ্পোত্সবপ্রিয়া ।
প্রেতমণ্ডলমধ্যস্তা সর্বাঙ্গসুন্দরী শিবা ॥ ১৮-৮৫ ॥
নবপুষ্পাত্মিকা ষষ্ঠী পুষ্পস্তবকমণ্ডলা ।
নবপুষ্পগুণোপেতা শ্মশানভৈরবপ্রিয়া ॥ ১৮-৮৬ ॥
কুলশাস্ত্রপ্রদীপা চ কুলমার্গপ্রবর্দ্ধিনী ।
শ্মশানভৈরবী কালী ভৈরবী ভৈরবপ্রিয়া ॥ ১৮-৮৭ ॥
আনন্দভৈরবী ধ্যেয়া ভৈরবী কুরুভৈরবী ।
মহাভৈরবসম্প্রীতা ভৈরবীকুলমোহিনী ॥ ১৮-৮৮ ॥
শ্রীবিদ্যাভৈরবী নীতিভৈরবী গুণভৈরবী ।
সম্মোহভৈরবী পুষ্টিভৈরবী তুষ্টিভৈরবী ॥ ১৮-৮৯ ॥
সংহারভৈরবী সৃষ্টিভৈরবী স্থিতিভৈরবী ।
আনন্দভৈরবী বীরা সুন্দরী স্থিতিসুন্দরী ॥ ১৮-৯০ ॥
গুণানন্দস্বরূপা চ সুন্দরী কালরূপিণী ।
শ্রীমায়াসুন্দরী সৌম্যসুন্দরী লোকসুন্দরী ॥ ১৮-৯১ ॥
শ্রীবিদ্যামোহিনী বুদ্ধির্মহাবুদ্ধিস্বরূপিণী ।
মল্লিকা হাররসিকা হারালম্বনসুন্দরী ॥ ১৮-৯২ ॥
নীলপঙ্কজবর্ণা চ নাগকেসরভূষিতা ।
জপাকুসুমসঙ্কাশা জপাকুসুমশোভিতা ॥ ১৮-৯৩ ॥
প্রিয়া প্রিয়ঙ্করী বিষ্ণোর্দানবেন্দ্রবিনাশিনী ।
জ্ঞানেশ্বরী জ্ঞানদাত্রী জ্ঞানানন্দপ্রদায়িনী ॥ ১৮-৯৪ ॥
গুণগৌরবসম্পন্না গুণশীলসমন্বিতা ।
রূপয়ৌবনসম্পন্না রূপয়ৌবনশোভিতা ॥ ১৮-৯৫ ॥
গুণাশ্রয়া গুণরতা গুণগৌরবসুন্দরী ।
মদিরামোদমত্তা চ তাটঙ্কদ্বয়শোভিতা ॥ ১৮-৯৬ ॥
বৃক্ষমূলস্থিতা দেবী বৃক্ষশাখোপরিস্থিতা ।
তালমধ্যাগ্রনিলয়া বৃক্ষমধ্যনিবাসিনী ॥ ১৮-৯৭ ॥
স্বয়ম্ভূপুষ্পসংকাশা স্বয়ম্ভূপুষ্পধারিণী ।
স্বয়ম্ভূকুসুমপ্রীতা স্বয়ম্ভূপুষ্পশোভিনী ॥ ১৮-৯৮ ॥
স্বয়ম্ভূপুষ্পরসিকা নগ্না ধ্যানবতী সুধা ।
শুক্রপ্রিয়া শুক্ররতা শুক্রমজ্জনতত্পরা ॥ ১৮-৯৯ ॥
পূর্ণপর্ণা সুপর্ণা চ নিষ্পর্ণা পাপনাশিনী ।
মদিরামোদসম্পন্না মদিরামোদধারিণী ॥ ১৮-১০০ ॥
সর্বাশ্রয়া সর্বগুণা নন্দনন্দনধারিণী ।
নারীপুষ্পসমুদ্ভূতা নারীপুষ্পোত্সবোত্সবা ॥ ১৮-১০১ ॥
নারীপুষ্পসমপ্রাণা নারীপুষ্পরতা মৃগী ।
সর্বকালোদ্ভবপ্রীতা সর্বকালোদ্ভবোত্সবা ॥ ১৮-১০২ ॥
চতুর্ভুজা দশভুজা অষ্টাদশভুজা তথা ।
দ্বিভুজা ষড্ভুজা প্রীতা রক্তপঙ্কজশোভিতা ॥ ১৮-১০৩ ॥
কৌবেরী কৌরবী কৌর্যা কুরুকুল্লা কপালিনী ।
সুদীর্ঘকদলীজঙ্ঘা রম্ভোরূ রামবল্লভা ॥ ১৮-১০৪ ॥
নিশাচরী নিশামূর্তির্নিশাচন্দ্রসমপ্রভা ।
চান্দ্রী চান্দ্রকলা চন্দ্রা চারুচন্দ্রনিভাননা ॥ ১৮-১০৫ ॥
স্রোতস্বতী স্রুতিমতী সর্বদুর্গতিনাশিনী ।
সর্বাধারা সর্বময়ী সর্বানন্দস্বরূপিণী ॥ ১৮-১০৬ ॥
সর্বচক্রেশ্বরী সর্বা সর্বমন্ত্রময়ী শুভা ।
সহস্রনয়নপ্রাণা সহস্রনয়নপ্রিয়া ॥ ১৮-১০৭ ॥
সহস্রশীর্ষা সুষমা সদম্ভা সর্বভক্ষিকা ।
য়ষ্টিকা য়ষ্টিচক্রস্থা ষদ্বর্গফলদায়িনী ॥ ১৮-১০৮ ॥
ষড্বিংশপদ্মমধ্যস্থা ষড্বিংশকুলমধ্যগা ।
হূঁকারবর্ণনিলয়া হূঁকারাক্ষরভূষণা ॥ ১৮-১০৯ ॥
হকারবর্ণনিলয়া হকারাক্ষরভূষণা ।
হারিণী হারবলিতা হারহীরকভূষণা ॥ ১৮-১১০ ॥
হ্রীংকারবীজসহিতা হ্রীংকারৈরুপশোভিতা ।
কন্দর্পস্য কলা কুন্দা কৌলিনী কুলদর্পিতা ॥ ১৮-১১১ ॥
কেতকীকুসুমপ্রাণা কেতকীকৃতভূষণা ।
কেতকীকুসুমাসক্তা কেতকীপরিভূষিতা ॥ ১৮-১১২ ॥
কর্পূরপূর্ণবদনা মহামায়া মহেশ্বরী ।
কলা কেলিঃ ক্রিয়া কীর্ণা কদম্বকুসুমোত্সুকা ॥ ১৮-১১৩ ॥
কাদম্বিনী করিশুণ্ডা কুঞ্জরেশ্বরগামিনী ।
খর্বা সুখঞ্জনয়না খঞ্জনদ্বন্দ্বভূষণা ॥ ১৮-১১৪ ॥
খদ্যোত ইব দুর্লক্ষা খদ্যোত ইব চঞ্চলা ।
মহামায়া জ্গদ্ধাত্রী গীতবাদ্যপ্রিয়া রতিঃ ॥ ১৮-১১৫ ॥
গণেশ্বরী গণেজ্যা চ গুণপূজ্যা গুণপ্রদা ।
গুণাঢ্যা গুণসম্পন্না গুণদাত্রী গুণাত্মিকা ॥ ১৮-১১৬ ॥
গুর্বী গুরুতরা গৌরী গাণপত্যফলপ্রদা ।
মহাবিদ্যা মহামেধা তুলিনী গণমোহিনী ॥ ১৮-১১৭ ॥
ভব্যা ভবপ্রিয়া ভাব্যা ভাবনীয়া ভবাত্মিকা ।
ঘর্ঘরা ঘোরবদনা ঘোরদৈত্যবিনাশিনী ॥ ১৮-১১৮ ॥
ঘোরা ঘোরবতী ঘোষা ঘোরপুত্রী ঘনাচলা ।
চর্চরী চারুনয়না চারুবক্ত্রা চতুর্গুণা ॥ ১৮-১১৯ ॥
চতুর্বেদময়ী চণ্ডী চন্দ্রাস্যা চতুরাননা ।
চলচ্চকোরনয়না চলত্খঞ্জনলোচনা ॥ ১৮-১২০ ॥
চলদম্ভোজনিলয়া চলদম্ভোজলোচনা ।
ছত্রী ছত্রপ্রিয়া ছত্রা ছত্রচামরশোভিতা ॥ ১৮-১২১ ॥
ছিন্নছদা ছিন্নশিরাশ্ছিন্ননাসা ছলাত্মিকা ।
ছলাঢ্যা ছলসংত্রস্তা ছলরূপা ছলস্থিরা ॥ ১৮-১২২ ॥
ছকারবর্ণনিলয়া ছকারাঢ্যা ছলপ্রিয়া ।
ছদ্মিনী ছদ্মনিরতা ছদ্মচ্ছদ্মনিবাসিনী ॥ ১৮-১২৩ ॥
জগন্নাথপ্রিয়া জীবা জগন্মুক্তিকরী মতা ।
জীর্ণা জীমূতবনিতা জীমূতৈরুপশোভিতা ॥ ১৮-১২৪ ॥
জামাতৃবরদা জম্ভা জমলার্জুনভঞ্জিনী ।
ঝর্ঝরী ঝাকৃতির্ঝল্লী ঝরী ঝর্ঝরিকা তথা ॥ ১৮-১২৫ ॥
টঙ্কারকারিণী টীকা সর্বটঙ্কারকারিণী ।
ঠংকরাঙ্গী ডমরুকা ডাকারা ডমরুপ্রিয়া ॥ ১৮-১২৬ ॥
ঢক্কারাবরতা নিত্যা তুলসী মণিভূষিতা ।
তুলা চ তোলিকা তীর্ণা তারা তারণিকা তথা ॥ ১৮-১২৭ ॥
তন্ত্রবিজ্ঞা তন্ত্ররতা তন্ত্রবিদ্যা চ তন্ত্রদা ।
তান্ত্রিকী তন্ত্রয়োগ্যা চ তন্ত্রসারা চ তন্ত্রিকা ॥ ১৮-১২৮ ॥
তন্ত্রধারী তন্ত্রকরী সর্বতন্ত্রস্বরূপিণী ।
তুহিনাংশুসমানাস্যা তুহিনাংশুসমপ্রভা ॥ ১৮-১২৯ ॥
তুষারাকরতুল্যাঙ্গী তুষারাধারসুন্দরী ।
তন্ত্রসারা তন্ত্রকরো তন্ত্রসারস্বরূপিণী ॥ ১৮-১৩০ ॥
তুষারধামতুল্যাস্যা তুষারাংশুসমপ্রভা ।
তুষারাদ্রিসুতা তার্ক্ষ্যা তারাঙ্গী তালসুন্দরী ॥ ১৮-১৩১ ॥
তারস্বরেণ সহিতা তারস্বরবিভূষিতা ।
থকারকূটনিলয়া থকারাক্ষরমালিনী ॥ ১৮-১৩২ ॥
দয়াবতী দীনরতা দুঃখদারিদ্র্যনাশিনী ।
দৌর্ভাগ্যদুঃখদলিনী দৌর্ভাগ্যপদনাশিনী ॥ ১৮-১৩৩ ॥
দুহিতা দীনবন্ধুশ্চ দানবেন্দ্রবিনাশিনী ।
দানপাত্রী দানরতা দানসম্মানতোষিতা ॥ ১৮-১৩৪ ॥
দান্ত্যাদিসেবিতা দান্তা দয়া দামোদরপ্রিয়া ।
দধীচিবরদা তুষ্টা দানবেন্দ্রবিমর্দিনী ॥ ১৮-১৩৫ ॥
দীর্ঘনেত্রা দীর্ঘকচা দীর্ঘনাসা চ দীর্ঘিকা ।
দারিদ্র্যদুঃখসংনাশা দারিদ্র্যদুঃখনাশিনী ॥ ১৮-১৩৬ ॥
দাম্ভিকা দন্তুরা দম্ভা দম্ভাসুরবরপ্রদা ।
ধনধান্যপ্রদা ধন্যা ধনেশ্বরধনপ্রদা ॥ ১৮-১৩৭ ॥
ধর্মপত্নী ধর্মরতা ধর্মাধর্মবিবিবর্দ্ধিনী ।
ধর্মিণী ধর্মিকা ধর্ম্যা ধর্মাধর্মবিবর্দ্ধিনী ॥ ১৮-১৩৮ ॥
ধনেশ্বরী ধর্মরতা ধর্মানন্দপ্রবর্দ্ধিনী ।
ধনাধ্যক্ষা ধনপ্রীতা ধনাঢ্যা ধনতোষিতা ॥ ১৮-১৩৯ ॥
ধীরা ধৈর্যবতী ধিষ্ণ্যা ধবলাম্ভোজসংনিভা ।
ধরিণী ধারিণী ধাত্রী ধূরণী ধরণী ধরা ॥ ১৮-১৪০ ॥
ধার্মিকা ধর্মসহিতা ধর্মনিন্দকবর্জিতা ।
নবীনা নগজা নিম্না নিম্ননাভির্নগেশ্বরী ॥ ১৮-১৪১ ॥
নূতনাম্ভোজনয়না নবীনাম্ভোজসুন্দরী ।
নাগরী নগরজ্যেষ্ঠা নগরাজসুতা নগা ॥ ১৮-১৪২ ॥
নাগরাজকৃততোষা নাগরাজবিভূষিতা ।
নাগেশ্বরী নাগরূঢা নাগরাজকুলেশ্বরী ॥ ১৮-১৪৩ ॥
নবীনেন্দুকলা নান্দী নন্দিকেশ্বরবল্লভা ।
নীরজা নীরজাক্ষী চ নীরজদ্বন্দ্বলোচনা ॥ ১৮-১৪৪ ॥
নীরা নীরভবা বাণী নীরনির্মলদেহিনী ।
নাগয়জ্ঞোপবীতাঢ্যা নাগয়জ্ঞোপবীতিকা ॥ ১৮-১৪৫ ॥
নাগকেসরসংতুষ্টা নাগকেসরমালিনী ।
নবীনকেতকীকুন্দ ? মল্লিকাম্ভোজভূষিতা ॥ ১৮-১৪৬ ॥
নায়িকা নায়কপ্রীতা নায়কপ্রেমভূষিতা ।
নায়কপ্রেমসহিতা নায়কপ্রেমভাবিতা ॥ ১৮-১৪৭ ॥
নায়কানন্দনিলয়া নায়কানন্দকারিণী ।
নর্মকর্মরতা নিত্যং নর্মকর্মফলপ্রদা ॥ ১৮-১৪৮ ॥
নর্মকর্মপ্রিয়া নর্মা নর্মকর্মকৃতালয়া ।
নর্মপ্রীতা নর্মরতা নর্মধ্যানপরায়ণা ॥ ১৮-১৪৯ ॥
পৌষ্ণপ্রিয়া চ পৌষ্পেজ্যা পুষ্পদামবিভূষিতা ।
পুণ্যদা পূর্ণিমা পূর্ণা কোটিপুণ্যফলপ্রদা ॥ ১৮-১৫০ ॥
পুরাণাগমগোপ্যা চ পুরাণাগমগোপিতা ।
পুরাণগোচরা পূর্ণা পূর্বা প্রৌঢা বিলাসিনী ॥ ১৮-১৫১ ॥
প্রহ্লাদহৃদয়াহ্লাদগেহিনী পুণ্যচারিণী ।
ফাল্গুনী ফাল্গুনপ্রীতা ফাল্গুনপ্রেধারিণী ॥ ১৮-১৫২ ॥
ফাল্গুনপ্রেমদা চৈব ফণিরাজবিভূষিতা ।
ফণিকাঞ্চী ফণিপ্রীতা ফণিহারবিভূষিতা ॥ ১৮-১৫৩ ॥
ফণীশকৃতসর্বাঙ্গভূষণা ফণিহারিণী ।
ফণিপ্রীতা ফণিরতা ফণিকঙ্কণধারিণী ॥ ১৮-১৫৪ ॥
ফলদা ত্রিফলা শক্তা ফলাভরণভূষিতা ।
ফকারকূটসর্বাঙ্গী ফাল্গুনানন্দবর্দ্ধিনী ॥ ১৮-১৫৫ ॥
বাসুদেবরতা বিজ্ঞা বিজ্ঞবিজ্ঞানকারিণী ।
বীণাবতী বলাকীর্ণা বালপীয়ূষরোচিকা ॥ ১৮-১৫৬ ॥
বালাবসুমতী বিদ্যা বিদ্যাহারবিভূষিতা ।
বিদ্যাবতী বৈদ্যপদপ্রীতা বৈবস্বতী বলিঃ ॥ ১৮-১৫৭ ॥
বলিবিধ্বংসিনী চৈব বরাঙ্গস্থা বরাননা ।
বিষ্ণোর্বক্ষঃস্থলস্থা চ বাগ্বতী বিন্ধ্যবাসিনী ॥ ১৮-১৫৮ ॥
ভীতিদা ভয়দা ভানোরংশুজালসমপ্রভা ।
ভার্গবেজ্যা ভৃগোঃ পূজ্যা ভরদ্বারনমস্কৃতা ॥ ১৮-১৫৯ ॥
ভীতিদা ভয়সংহন্ত্রী ভীমাকারা চ সুন্দরী ।
মায়াবতী মানরতা মানসম্মানতত্পরা ॥ ১৮-১৬০ ॥
মাধবানন্দদা মাধ্বী মদিরামুদিতেক্ষণা ।
মহোত্সবগুণোপেতা মহতী চ মহদ্গুণা ॥ ১৮-১৬১ ॥
মদিরামোদনিরতা মদিরামজ্জনে রতা ।
য়শোধরী য়শোবিদ্যা য়শোদানন্দবর্দ্ধিনী ॥ ১৮-১৬২ ॥
য়শঃকর্পূরধবলা য়শোদামবিভূষিতা ।
য়মরাজপ্রিয়া য়োগমার্গানন্দপ্রবর্দ্ধিনী ॥ ১৮-১৬৩ ॥
য়মস্বসা চ য়মুনা য়োগমার্গপ্রবর্দ্ধিনী ।
য়াদবানন্দকর্ত্রী চ য়াদবানন্দবর্দ্ধিনী ॥ ১৮-১৬৪ ॥
য়জ্ঞপ্রীতা য়জ্ঞময়ী য়জ্ঞকর্মবিভূষিতা ।
রামপ্রীতা রামরতা রামতোষণতত্পরা ॥ ১৮-১৬৫ ॥
রাজ্ঞী রাজকুলেজ্যা চ রাজরাজেশ্বরী রমা ।
রমণী রামণী রম্যা রামানন্দপ্রদায়িনী ॥ ১৮-১৬৬ ॥
রজনীকরপূর্ণাস্যা রক্তোত্পলবিলোচনা ।
লাঙ্গলিপ্রেমসংতুষ্টা লাঙ্গলিপ্রণয়প্রিয়া ॥ ১৮-১৬৭ ॥
লাক্ষারুণা চ ললনা লীলা লীলাবতী লয়া ।
লঙ্কেশ্বরগুণপ্রীতা লঙ্কেশবরদায়িনী ॥ ১৮-১৬৮ ॥
লবঙ্গীকুসুমপ্রীতা লবঙ্গকুসুমস্রজা ।
ধাতা বিবস্বদ্গৃহিণী বিবস্বত্প্রেমধারিণী ॥ ১৮-১৬৯ ॥
শবোপরিসমাসীনা শববক্ষঃস্থলস্থিতা ।
শরণাগতরক্ষিত্রী শরণ্যা শ্রীঃ শরদ্গুণা ॥ ১৮-১৭০ ॥
ষট্কোণচক্রমধ্যস্থা সম্পদার্থনিষেবিতা ।
হূংকারাকারিণী দেবী হূংকাররূপশোভিতা ॥ ১৮-১৭১ ॥
ক্ষেমঙ্করী তথা ক্ষেমা ক্ষেমধামবিবর্দ্ধিনী ।
ক্ষেমাম্নায়া তথাজ্ঞা চ ইডা ইশ্বরবল্লভা ॥ ১৮-১৭২ ॥
উগ্রদক্ষা তথা চোগ্রা অকারাদিস্বরোদ্ভবা ।
ঋকারবর্ণকূটস্থা ৠকারস্বরভূষিতা ॥ ১৮-১৭৩ ॥
একারা চ তথা চৈকা একারাক্ষরবাসিতা ।
ঐষ্টা চৈষা তথা চৌষা ঔকারাক্ষরধারিণী ॥ ১৮-১৭৪ ॥
অং অঃকারস্বরূপা চ সর্বাগমসুগোপিতা ।
ইত্যেতত্ কথিতং দেবি তারানামসহস্রকম্ ॥ ১৮-১৭৫ ॥
য় ইদং পঠতি স্তোত্রং প্রত্যহং ভক্তিভাবতঃ ।
দিবা বা য়দি বা রাত্রৌ সন্ধ্যয়োরুভয়োরপি ॥ ১৮-১৭৬ ॥
স্তবরাজস্য পাঠেন রাজা ভবতি কিঙ্করঃ ।
সর্বাগমেষু পূজ্যঃ স্যাত্ সর্বতন্ত্রে স্বয়ং হরঃ ॥ ১৮-১৭৭ ॥
শিবস্থানে শ্মশানে চ শূন্যাগারে চতুষ্পথে ।
য় পঠেচ্ছৃণুয়াদ্ বাপি স য়োগী নাত্র সংশয়ঃ ॥ ১৮-১৭৮ ॥
য়ানি নামানি সন্ত্যস্মিন্ প্রসঙ্গাদ্ মুরবৈরিণঃ ।
গ্রাহ্যাণি তানি কল্যাণি নান্যান্যপি কদাচন ॥ ১৮-১৭৯ ॥
হরের্নাম ন গৃহ্ণীয়াদ্ ন স্পৃশেত্ তুলসীদলম্ ।
নান্যচিন্তা প্রকর্তব্যা নান্যনিন্দা কদাচন ॥ ১৮-১৮০ ॥
সিন্দূরকরবীরাদ্যৈঃ পুষ্পৈর্লোহিতকৈস্তথা ।
য়োঽর্চয়েদ্ ভক্তিভাবেন তস্যাসাধ্যং ন কিঞ্চন ॥ ১৮-১৮১ ॥
বাতস্তম্ভং জলস্তম্ভং গতিস্তম্ভং বিবস্বতঃ ।
বহ্নেঃ স্তম্ভং করোত্যেব স্তবস্যাস্য প্রকীর্তনাত্ ॥ ১৮-
১৮২ ॥
শ্রিয়মাকর্ষয়েত্ তূর্ণমানৃণ্যং জায়তে হঠাত্ ।
য়থা তৃণং দহেদ্ বহ্নিস্তথারীন্ মর্দয়েত্ ক্ষণাত্ ॥ ১৮-১৮৩ ॥
মোহয়েদ্ রাজপত্নীশ্চ দেবানপি বশং নয়েত্ ।
য়ঃ পঠেত্ শৃণুয়াদ্ বাপি একচিত্তেন সর্বদা ॥ ১৮-১৮৪ ॥
দীর্ঘায়ুশ্চ সুখী বাগ্মী বাণী তস্য বশঙ্করী ।
সর্বতীর্থাভিষেকেণ গয়াশ্রাদ্ধেন য়ত্ ফলম্ ॥ ১৮-১৮৫ ॥
তত্ফলং লভতে সত্যং য়ঃ পঠেদেকচিত্ততঃ ।
য়েষামারাধনে শ্রদ্ধা য়ে তু সাধিতুমুদ্যতাঃ ॥ ১৮-১৮৬ ॥
তেষাং কৃতিত্বং সর্বং স্যাদ্ গতির্দেবি পরা চ সা ।
ঋতুয়ুক্তলতাগারে স্থিত্বা দণ্ডেন তাডয়েত্ ॥ ১৮-১৮৭ ॥
জপ্ত্বা স্তুত্বা চ ভক্ত্যা চ গচ্ছেদ্ বৈ তারিণীপদম্ ।
অষ্টম্যাং চ চতুর্দশ্যাং নবম্যাং শনিবাসরে ॥ ১৮-১৮৮ ॥
সংক্রান্ত্যাং মণ্ডলে রাত্রৌ অমাবাস্যাং চ য়োঽর্চয়েত্ ।
বর্ষং ব্যাপ্য চ দেবেশি তস্যাধীনাশ্চ সিদ্ধয়ঃ ॥ ১৮-১৮৯ ॥
সুতহীনা চ য়া নারী দৌর্ভাগ্যাময়পীডিতা ।
বন্ধ্যা বা কাকবন্ধ্যা বা মৃতগর্ভা চ য়াঙ্গনা ॥ ১৮-১৯০ ॥
ধনধান্যবিহীনা চ রোগশোকাকুলা চ য়া ।
সাপি চৈতদ্ মহাদেবি ভূর্জপত্রে লিখেত্ততঃ ॥ ১৮-১৯১ ॥
সব্যে ভুজে চ বধ্নীয়াত্ সর্বসৌখ্যবতী ভবেত্ ।
এবং পুমানপি প্রায়ো দুঃখেন পরিপীডিতঃ ॥ ১৮-১৯২ ॥
সভায়াং ব্যসনে ঘোরে বিবাদে শত্রুসংকটে ।
চতুরঙ্গে চ তথা য়ুদ্ধে সর্বত্রারিপ্রপীডিতে ॥ ১৮-১৯৩ ॥
স্মরণাদেব কল্যাণি সংক্ষয়ং য়ান্তি দূরতঃ ।
পূজনীয়ং প্রয়ত্নেন শূন্যাগারে শিবালয়ে ॥ ১৮-১৯৪ ॥
বিল্বমূলে শ্মশানে চ তটে বা কুলমণ্ডলে ।
শর্করাসবসংয়ুক্তৈর্ভক্তৈর্দুগ্ধৈঃ সপায়সৈঃ ॥ ১৮-১৯৫ ॥
অপূপাপিষ্টসংয়ুক্তৈর্নৈবেদ্যৈশ্চ য়থোচিতৈঃ ।
নিবেদিতং চ য়দ্দ্রব্যং ভোক্তব্যং চ বিধানতঃ ॥ ১৮-১৯৬ ॥
তন্ন চেদ্ ভুজ্যতে মোহাদ্ ভোক্তুং নেচ্ছন্তি দেবতাঃ ।
অনেনৈব বিধানেন য়োঽর্চয়েত্ পরমেশ্বরীম্ ॥ ১৮-১৯৭ ॥
স ভূমিবলয়ে দেবি সাক্ষাদীশো ন সংশয়ঃ ।
মহাশঙ্খেন দেবেশি সর্বং কার্যং জপাদিকম্ ॥ ১৮-১৯৮ ॥
কুলসর্বস্বকস্যৈবং প্রভাবো বর্ণিতো ময়া ।
ন শক্যতে সমাখ্যাতুং বর্ষকোটিশতৈরপি ॥ ১৮-১৯৯ ॥
কিঞ্চিদ্ ময়া চ চাপল্যাত্ কথিতং পরমেশ্বরি ।
জন্মান্তরসহস্রেণ বর্ণিতুং নৈব শক্যতে ॥ ১৮-২০০ ॥
কুলীনায় প্রদাতব্যং তারাভক্তিপরায় চ ।
অন্যভক্তায় নো দেয়ং বৈষ্ণবায় বিশেষতঃ ॥ ১৮-২০১ ॥
কুলীনায় মহেচ্ছায় ভক্তিশ্রদ্ধাপরায় চ ।
মহাত্মনে সদা দেয়ং পরীক্ষিতগুণায় চ ॥ ১৮-২০২ ॥
নাভক্তায় প্রদাতব্যং পথ্যন্তরপরায় চ ।
ন দেয়ং দেবদেবেশি গোপ্যং সর্বাগমেষু চ ॥ ১৮-২০৩ ॥
পূজাজপবিহীনায় স্ত্রীসুরানিন্দকায় চ ।
ন স্তবং দর্শয়েত্ ক্বাপি সন্দর্শ্য শিবহা ভবেত্ ॥ ১৮-২০৪ ॥
পঠনীয়ং সদা দেবি সর্বাবস্থাসু সর্বদা ।
য়ঃ স্তোত্রং কুলনায়িকে প্রতিদিনং ভক্ত্যা পঠেদ্ মানবঃ
স স্যাদ্বিত্তচয়ৈর্ধনেশ্বরসমো বিদ্যামদৈর্বাক্পতিঃ ।
সৌন্দর্যেণ চ মূর্তিমান্ মনসিজঃ কীর্ত্যা চ নারায়ণঃ
শক্ত্যা শঙ্কর এব সৌখ্যবিভবৈর্ভূমেঃ পতির্নান্যথা ॥ ১৮-২০৫ ॥
ইতি তে কথিতং গুহ্যং তারানামসহস্রকম্ ।
অস্মাত্ পরতরং স্তোত্রং নাস্তি তন্ত্রেষু নিশ্চয়ঃ ॥ ১৮-২০৬ ॥
ইতি শ্রীবৃহন্নীলতন্ত্রে ভৈরবভৈরবীসংবাদে তারাসহস্রনামনিরূপণং
অষ্টাদশঃ পটলঃ ॥ ১৮ ॥
Also Read 1000 Names of Tara Brihan Nila Tantra:
1000 Names of Tara from Brihannilatantra | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
