1008 - Sahasranamavali

1000 Names of Tara from Brihannilatantra | Sahasranama Stotram Lyrics in Oriya

Tarasahasranamastotram from Brihan Nila Tantra Lyrics in Oriya:

॥ ତାରାସହସ୍ରନାମସ୍ତୋତ୍ରମ୍ ବୃହନ୍ନୀଲତନ୍ତ୍ରାର୍ଗତମ୍ ॥

ଶ୍ରୀଦେଵ୍ୟୁଵାଚ ।

ଦେଵ ଦେଵ ମହାଦେଵ ସୃଷ୍ଟିସ୍ଥିତ୍ୟନ୍ତକାରକ ।
ପ୍ରସଙ୍ଗେନ ମହାଦେଵ୍ୟା ଵିସ୍ତରଂ କଥିତଂ ମୟି ॥ ୧୮-୧ ॥

ଦେଵ୍ୟା ନୀଲସରସ୍ଵତ୍ୟାଃ ସହସ୍ରଂ ପରମେଶ୍ଵର ।
ନାମ୍ନାଂ ଶ୍ରୋତୁଂ ମହେଶାନ ପ୍ରସାଦଃ କ୍ରିୟତାଂ ମୟି ।
କଥୟସ୍ଵ ମହାଦେଵ ୟଦ୍ୟହଂ ତଵ ଵଲ୍ଲଭା ॥ ୧୮-୨ ॥

ଶ୍ରୀଭୈରଵ ଉଵାଚ ।

ସାଧୁ ପୃଷ୍ଟଂ ମହାଦେଵି ସର୍ଵତନ୍ତ୍ରେଷୁ ଗୋପିତମ୍ ।
ନାମ୍ନାଂ ସହସ୍ରଂ ତାରାୟାଃ କଥିତୁଂ ନୈଵ ଶକ୍ୟତେ ॥ ୧୮-୩ ॥

ପ୍ରକାଶାତ୍ ସିଦ୍ଧିହାନିଃ ସ୍ୟାତ୍ ଶ୍ରିୟା ଚ ପରିହୀୟତେ ।
ପ୍ରକାଶୟତି ୟୋ ମୋହାତ୍ ଷଣ୍ମାସାଦ୍ ମୃତ୍ୟୁମାପ୍ନୁୟାତ୍ ॥ ୧୮-୪ ॥

ଅକଥ୍ୟଂ ପରମେଶାନି ଅକଥ୍ୟଂ ଚୈଵ ସୁନ୍ଦରି ।
କ୍ଷମସ୍ଵ ଵରଦେ ଦେଵି ୟଦି ସ୍ନେହୋଽସ୍ତି ମାଂ ପ୍ରତି ॥ ୧୮-୫ ॥

ସର୍ଵସ୍ଵଂ ଶୃଣୁ ହେ ଦେଵି ସର୍ଵାଗମଵିଦାଂ ଵରେ ।
ଧନସାରଂ ମହାଦେଵି ଗୋପ୍ତଵ୍ୟଂ ପରମେଶ୍ଵରି ॥ ୧୮-୬ ॥

ଆୟୁର୍ଗୋପ୍ୟଂ ଗୃହଚ୍ଛିଦ୍ରଂ ଗୋପ୍ୟଂ ନ ପାପଭାଗ୍ ଭଵେତ୍ ।
ସୁଗୋପ୍ୟଂ ପରମେଶାନି ଗୋପନାତ୍ ସିଦ୍ଧିମଶ୍ନୁତେ ॥ ୧୮-୭ ॥

ପ୍ରକାଶାତ୍ କାର୍ୟହାନିଶ୍ଚ ପ୍ରକାଶାତ୍ ପ୍ରଲୟଂ ଭଵେତ୍ ।
ତସ୍ମାଦ୍ ଭଦ୍ରେ ମହେଶାନି ନ ପ୍ରକାଶ୍ୟଂ କଦାଚନ ॥ ୧୮-୮ ॥

ଇତି ଦେଵଵଚଃ ଶ୍ରୁତ୍ଵା ଦେଵୀ ପରମସୁନ୍ଦରୀ ।
ଵିସ୍ମିତା ପରମେଶାନୀ ଵିଷଣା ତତ୍ର ଜାୟତେ ॥ ୧୮-୯ ॥

ଶୃଣୁ ହେ ପରମେଶାନ କୃପାସାଗରପାରଗ ।
ତଵ ସ୍ନେହୋ ମହାଦେଵ ମୟି ନାସ୍ତ୍ୟତ୍ର ନିଶ୍ଚିତମ୍ ॥ ୧୮-୧୦ ॥

ଭଦ୍ରଂ ଭଦ୍ରଂ ମହାଦେଵ ଇତି କୃତ୍ଵା ମହେଶ୍ଵରୀ ।
ଵିମୁଖୀଭୂୟ ଦେଵେଶୀ ତତ୍ରାସ୍ତେ ଶୈଲଜା ଶୁଭା ॥ ୧୮-୧୧ ॥

ଵିଲୋକ୍ୟ ଵିମୁଖୀଂ ଦେଵୀଂ ମହାଦେଵୋ ମହେଶ୍ଵରଃ ।
ପ୍ରହସ୍ୟ ପରମେଶାନୀଂ ପରିଷ୍ଵଜ୍ୟ ପ୍ରିୟାଂ କଥାମ୍ ॥ ୧୮-୧୨ ॥

କଥୟାମାସ ତତ୍ରୈଵ ମହାଦେଵ୍ୟୈ ମହେଶ୍ଵରି ।
ମମ ସର୍ଵସ୍ଵରୂପା ତ୍ଵଂ ଜାନୀହି ନଗନନ୍ଦିନି ॥ ୧୮-୧୩ ॥

ତ୍ଵାଂ ଵିନାହଂ ମହାଦେଵି ପୂର୍ଵୋକ୍ତଶଵରୂପଵାନ୍ ।
କ୍ଷମସ୍ଵ ପରମାନନ୍ଦେ କ୍ଷମସ୍ଵ ନଗନନ୍ଦିନି ॥ ୧୮-୧୪ ॥

ୟଥା ପ୍ରାଣୋ ମହେଶାନି ଦେହେ ତିଷ୍ଠତି ସୁନ୍ଦରି ।
ତଥା ତ୍ଵଂ ଜଗତାମାଦ୍ୟେ ଚରଣେ ପତିତୋଽସ୍ମ୍ୟହମ୍ ॥ ୧୮-୧୫ ॥

ଇତି ମତ୍ଵା ମହାଦେଵି ରକ୍ଷ ମାଂ ତଵ କିଙ୍କରମ୍ ।
ତତୋ ଦେଵୀ ମହେଶାନୀ ତ୍ରୈଲୋକ୍ୟମୋହିନୀ ଶିଵା ॥ ୧୮-୧୬ ॥

ମହାଦେଵଂ ପରିଷ୍ଵଜ୍ୟ ପ୍ରାହ ଗଦ୍ଗଦୟା ଗିରା ।
ସଦା ଦେହସ୍ଵରୂପାହଂ ଦେହୀ ତ୍ଵଂ ପରମେଶ୍ଵର ॥ ୧୮-୧୭ ॥

ତଥାପି ଵଞ୍ଚନାଂ କର୍ତୁଂ ମାମିତ୍ଥଂ ଵଦସି ପ୍ରିୟମ୍ ।
ମହାଦେଵଃ ପୁନଃ ପ୍ରାହ ଭୈରଵି ପ୍ରାଣଵଲ୍ଲଭେ ॥ ୧୮-୧୮ ॥

ନାମ୍ନାଂ ସହସ୍ରଂ ତାରାୟାଃ ଶ୍ରୋତୁମିଚ୍ଛସ୍ୟଶେଷତଃ ।

ଶ୍ରୀଦେଵ୍ୟୁଵାଚ ।

ନ ଶ୍ରୁତଂ ପରମେଶାନ ତାରାନାମସହସ୍ରକମ୍ ।
କଥୟସ୍ଵ ମହାଭାଗ ସତ୍ୟଂ ପରମସୁନ୍ଦରମ୍ ॥ ୧୮-୧୯ ॥

ଶ୍ରୀପାର୍ଵତ୍ୟୁଵାଚ ।

କଥମୀଶାନ ସର୍ଵଜ୍ଞ ଲଭନ୍ତେ ସିଦ୍ଧିମୁତ୍ତମାମ୍ ।
ସାଧକାଃ ସର୍ଵଦା ୟେନ ତନ୍ମେ କଥୟ ସୁନ୍ଦର ॥ ୧୮-୨୦ ॥

ୟସ୍ମାତ୍ ପରତରଂ ନାସ୍ତି ସ୍ତୋତ୍ରଂ ତନ୍ତ୍ରେଷୁ ନିଶ୍ଚିତମ୍ ।
ସର୍ଵପାପହରଂ ଦିଵ୍ୟଂ ସର୍ଵାପଦ୍ଵିନିଵାରକମ୍ ॥ ୧୮-୨୧ ॥

ସର୍ଵଜ୍ଞାନକରଂ ପୁଣ୍ୟଂ ସର୍ଵମଙ୍ଗଲସଂୟୁତମ୍ ।
ପୁରଶ୍ଚର୍ୟାଶତୈସ୍ତୁଲ୍ୟଂ ସ୍ତୋତ୍ରଂ ସର୍ଵପ୍ରିୟଙ୍କରମ୍ ॥ ୧୮-୨୨ ॥

ଵଶ୍ୟପ୍ରଦଂ ମାରଣଦମୁଚ୍ଚାଟନପ୍ରଦଂ ମହତ୍ ।
ନାମ୍ନାଂ ସହସ୍ରଂ ତାରାୟାଃ କଥୟସ୍ଵ ସୁରେଶ୍ଵର ॥ ୧୮-୨୩ ॥

ଶ୍ରୀମହାଦେଵ ଉଵାଚ ।

ନାମ୍ନାଂ ସହସ୍ରଂ ତାରାୟାଃ ସ୍ତୋତ୍ରପାଠାଦ୍ ଭଵିଷ୍ୟତି ।
ନାମ୍ନାଂ ସହସ୍ରଂ ତାରାୟାଃ କଥୟିଷ୍ୟାମ୍ୟଶେଷତଃ ॥ ୧୮-୨୪ ॥

ଶୃଣୁ ଦେଵି ସଦା ଭକ୍ତ୍ୟା ଭକ୍ତାନାଂ ପରମଂ ହିତମ୍ ।
ଵିନା ପୂଜୋପହାରେଣ ଵିନା ଜା(ପ୍ୟେନ ୟତ୍ ଫଲମ୍ ॥ ୧୮-୨୫ ॥

ତତ୍ ଫଲଂ ସକଲଂ ଦେଵି କଥୟିଷ୍ୟାମି ତଚ୍ଛୃଣୁ ।

ଓଂ ଅସ୍ୟ ଶ୍ରୀତାରାସହସ୍ରନାମସ୍ତୋତ୍ରମହାମନ୍ତ୍ରସ୍ୟ,
ଅକ୍ଷୋଭ୍ୟ ଋଷିଃ, ବୃହତୀ-ଉଷ୍ଣିକ୍ ଛନ୍ଦଃ,
ଶ୍ରୀ ଉଗ୍ରତାରା ଶ୍ରୀମଦେକଜଟା ଶ୍ରୀନୀଲସରସ୍ଵତୀ ଦେଵତା,
ପୁରୁଷାର୍ଥଚତୁଷ୍ଟୟସିଦ୍ଧ୍ୟର୍ଥେ ଵିନିୟୋଗଃ ॥

ତାରା ରାତ୍ରିର୍ମହାରାତ୍ରିର୍କାଲରାତ୍ରିର୍ମହାମତିଃ ।
କାଲିକା କାମଦା ମାୟା ମହାମାୟା ମହାସ୍ମୃତିଃ ॥ ୧୮-୨୬ ॥

ମହାଦାନରତା ୟଜ୍ଞା ୟଜ୍ଞୋତ୍ସଵଵିଭୂଷିତା ।
ଚନ୍ଦ୍ରଵ୍ଵଜ୍ରା ଚକୋରାକ୍ଷୀ ଚାରୁନେତ୍ରା ସୁଲୋଚନା ॥ ୧୮-୨୭ ॥

ତ୍ରିନେତ୍ରା ମହତୀ ଦେଵୀ କୁରଙ୍ଗାକ୍ଷୀ ମନୋରମା ।
ବ୍ରାହ୍ମୀ ନାରାୟଣୀ ଜ୍ୟୋତ୍ସ୍ନା ଚାରୁକେଶୀ ସୁମୂର୍ଧଜା ॥ ୧୮-୨୮ ॥

ଵାରାହୀ ଵାରୁଣୀ ଵିଦ୍ୟା ମହାଵିଦ୍ୟା ମହେଶ୍ଵରୀ ।
ସିଦ୍ଧା କୁଞ୍ଚିତକେଶା ଚ ମହାୟଜ୍ଞସ୍ଵରୂପିଣୀ ॥ ୧୮-୨୯ ॥

ଗୌରୀ ଚମ୍ପକଵର୍ଣା ଚ କୃଶାଙ୍ଗୀ ଶିଵମୋହିନୀ ।
ସର୍ଵାନନ୍ଦସ୍ଵରୂପା ଚ ସର୍ଵଶଙ୍କୈକତାରିଣୀ ॥ ୧୮-୩୦ ॥

ଵିଦ୍ୟାନନ୍ଦମୟୀ ନନ୍ଦା ଭଦ୍ରକାଲୀସ୍ଵରୂପିଣୀ ।
ଗାୟତ୍ରୀ ସୁଚରିତ୍ରା ଚ କୌଲଵ୍ରତପରାୟଣା ॥ ୧୮-୩୧ ॥

ହିରଣ୍ୟଗର୍ଭା ଭୂଗର୍ଭା ମହାଗର୍ଭା ସୁଲୋଚନୀ ।
ହିମଵତ୍ତନୟା ଦିଵ୍ୟା ମହାମେଘସ୍ଵରୂପିଣୀ ॥ ୧୮-୩୨ ॥

ଜଗନ୍ମାତା ଜଗଦ୍ଧାତ୍ରୀ ଜଗତାମୁପକାରିଣୀ ।
ଐନ୍ଦ୍ରୀ ସୌମ୍ୟା ତଥା ଘୋରା ଵାରୁଣୀ ମାଧଵୀ ତଥା ॥ ୧୮-୩୩ ॥

ଆଗ୍ନେୟୀ ନୈରୃତୀ ଚୈଵ ଐଶାନୀ ଚଣ୍ଡିକାତ୍ମିକା ।
ସୁମେରୁତନୟା ନିତ୍ୟା ସର୍ଵେଷାମୁପକାରିଣୀ ॥ ୧୮-୩୪ ॥

ଲଲଜ୍ଜିହ୍ଵା ସରୋଜାକ୍ଷୀ ମୁଣ୍ଡସ୍ରକ୍ପରିଭୂଷିତା ।
ସର୍ଵାନନ୍ଦମୟୀ ସର୍ଵା ସର୍ଵାନନ୍ଦସ୍ଵରୂପିଣୀ ॥ ୧୮-୩୫ ॥

ଧୃତିର୍ମେଧା ତଥା ଲକ୍ଷ୍ମୀଃ ଶ୍ରଦ୍ଧା ପନ୍ନଗଗାମିନୀ ।
ରୁକ୍ମିଣୀ ଜାନକୀ ଦୁର୍ଗାମ୍ବିକା ସତ୍ୟଵତୀ ରତିଃ ॥ ୧୮-୩୬ ॥ ୧୮-

କାମାଖ୍ୟା କାମଦା ନନ୍ଦା ନାରସିଂହୀ ସରସ୍ଵତୀ ।
ମହାଦେଵରତା ଚଣ୍ଡୀ ଚଣ୍ଡଦୋର୍ଦଣ୍ଡଖଣ୍ଡିନୀ ॥ ୧୮-୩୭ ॥

ଦୀର୍ଘକେଶୀ ସୁକେଶୀ ଚ ପିଙ୍ଗକେଶୀ ମହାକଚା ।
ଭଵାନୀ ଭଵପତ୍ନୀ ଚ ଭଵଭୀତିହରା ସତୀ ॥ ୧୮-୩୮ ॥

ପୌରନ୍ଦରୀ ତଥା ଵିଷ୍ଣୋର୍ଜାୟା ମାହେଶ୍ଵରୀ ତଥା ।
ସର୍ଵେଷାଂ ଜନନୀ ଵିଦ୍ୟା ଚାର୍ଵଙ୍ଗୀ ଦୈତ୍ୟନାଶିନୀ ॥ ୧୮-୩୯ ॥

ସର୍ଵରୂପା ମହେଶାନି କାମିନୀ ଵରଵର୍ଣିନୀ ।
ମହାଵିଦ୍ୟା ମହାମାୟା ମହାମେଧା ମହୋତ୍ସଵା ॥ ୧୮-୪୦ ॥

ଵିରୂପା ଵିଶ୍ଵରୂପା ଚ ମୃଡାନୀ ମୃଡଵଲ୍ଲଭା ।
କୋଟିଚନ୍ଦ୍ରପ୍ରତୀକାଶା ଶତସୂର୍ୟପ୍ରକାଶିନୀ ॥ ୧୮-୪୧ ॥

ଜହ୍ନୁକନ୍ୟା ମହୋଗ୍ରା ଚ ପାର୍ଵତୀ ଵିଶ୍ଵମୋହିନୀ ।
କାମରୂପା ମହେଶାନୀ ନିତ୍ୟୋତ୍ସାହା ମନସ୍ଵିନୀ ॥ ୧୮-୪୨ ॥

ଵୈକୁଣ୍ଠନାଥପତ୍ନୀ ଚ ତଥା ଶଙ୍କରମୋହିନୀ ।
କାଶ୍ୟପୀ କମଲା କୃଷ୍ଣା କୃଷ୍ଣରୂପା ଚ କାଲିନୀ ॥ ୧୮-୪୩ ॥

ମାହେଶ୍ଵରୀ ଵୃଷାରୂଢା ସର୍ଵଵିସ୍ମୟକାରିଣୀ ।
ମାନ୍ୟା ମାନଵତୀ ଶୁଦ୍ଧା କନ୍ୟା ହିମଗିରେସ୍ତଥା ॥ ୧୮-୪୪ ॥

ଅପର୍ଣା ପଦ୍ମପତ୍ରାକ୍ଷୀ ନାଗୟଜ୍ଞୋପଵୀତିନୀ ।
ମହାଶଙ୍ଖଧରା କାନ୍ତା କମନୀୟା ନଗାତ୍ମଜା ॥ ୧୮-୪୫ ॥

ବ୍ରହ୍ମାଣୀ ଵୈଷ୍ଣଵୀ ଶମ୍ଭୋର୍ଜାୟା ଗଙ୍ଗା ଜଲେଶ୍ଵରୀ ।
ଭାଗୀରଥୀ ମନୋବୁଦ୍ଧିର୍ନିତ୍ୟା ଵିଦ୍ୟାମୟୀ ତଥା ॥ ୧୮-୪୬ ॥

ହରପ୍ରିୟା ଗିରିସୁତା ହରପତ୍ନୀ ତପସ୍ଵିନୀ ।
ମହାଵ୍ୟାଧିହରା ଦେଵୀ ମହାଘୋରସ୍ଵରୂପିଣୀ ॥ ୧୮-୪୭ ॥

ମହାପୁଣ୍ୟପ୍ରଭା ଭୀମା ମଧୁକୈଟଭନାଶିନୀ ।
ଶଙ୍ଖିନୀ ଵଜ୍ରିଣୀ ଧାତ୍ରୀ ତଥା ପୁସ୍ତକଧାରିଣୀ ॥ ୧୮-୪୮ ॥

ଚାମୁଣ୍ଡା ଚପଲା ତୁଙ୍ଗା ଶୁମ୍ବଦୈତ୍ୟନିକୃନ୍ତନୀ ।
ଶାନ୍ତିର୍ନିଦ୍ରା ମହାନିଦ୍ରା ପୂର୍ଣନିଦ୍ରା ଚ ରେଣୁକା ॥ ୧୮-୪୯ ॥

କୌମାରୀ କୁଲଜା କାନ୍ତୀ କୌଲଵ୍ରତପରାୟଣା ।
ଵନଦୁର୍ଗା ସଦାଚାରା ଦ୍ରୌପଦୀ ଦ୍ରୁପଦାତ୍ମଜା ॥ ୧୮-୫୦ ॥

ୟଶସ୍ଵିନୀ ୟଶସ୍ୟା ଚ ୟଶୋଧାତ୍ରୀ ୟଶଃପ୍ରଦା ।
ସୃଷ୍ଟିରୂପା ମହାଗୌରୀ ନିଶୁମ୍ବପ୍ରାଣନାଶିନୀ ॥ ୧୮-୫୧ ॥

ପଦ୍ମିନୀ ଵସୁଧା ପୃଥ୍ଵୀ ରୋହିଣୀ ଵିନ୍ଧ୍ୟଵାସିନୀ ।
ଶିଵଶକ୍ତିର୍ମହାଶକ୍ତିଃ ଶଙ୍ଖିନୀ ଶକ୍ତିନିର୍ଗତା ॥ ୧୮-୫୨ ॥

ଦୈତ୍ୟପ୍ରାଣହରା ଦେଵୀ ସର୍ଵରକ୍ଷଣକାରିଣୀ ।
କ୍ଷାନ୍ତିଃ କ୍ଷେମଙ୍କରୀ ଚୈଵ ବୁଦ୍ଧିରୂପା ମହାଧନା ॥ ୧୮-୫୩ ॥

ଶ୍ରୀଵିଦ୍ୟା ଭୈରଵି ଭଵ୍ୟା ଭଵାନୀ ଭଵନାଶିନୀ ।
ତାପିନୀ ଭାଵିନୀ ସୀତା ତୀକ୍ଷ୍ଣତେଜଃସ୍ଵରୂପିଣୀ ॥ ୧୮-୫୪ ॥

ଦାତ୍ରୀ ଦାନପରା କାଲୀ ଦୁର୍ଗା ଦୈତ୍ୟଵିଭୂଷଣା ।
ମହାପୁଣ୍ୟପ୍ରଦା ଭୀମା ମଧୁକୈଟଭନାଶିନୀ ॥ ୧୮-୫୫ ॥

ପଦ୍ମା ପଦ୍ମାଵତୀ କୃଷ୍ଣା ତୁଷ୍ଟା ପୁଷ୍ଟା ତଥୋର୍ଵଶୀ ।
ଵଜ୍ରିଣୀ ଵଜ୍ରହସ୍ତା ଚ ତଥା ନାରାୟଣୀ ଶିଵା ॥ ୧୮-୫୬ ॥

ଖଡ୍ଗିନୀ ଖଡ୍ଗହସ୍ତା ଚ ଖଡ୍ଗଖର୍ପରଧାରିଣୀ ।
ଦେଵାଙ୍ଗନା ଦେଵକନ୍ୟା ଦେଵମାତା ପୁଲୋମଜା ॥ ୧୮-୫୭ ॥

ସୁଖିନୀ ସ୍ଵର୍ଗଦାତ୍ରୀ ଚ ସର୍ଵସୌଖ୍ୟଵିଵର୍ଧିନୀ ।
ଶୀଲା ଶୀଲାଵତୀ ସୂକ୍ଷ୍ମା ସୂକ୍ଷ୍ମାକାରା ଵରପ୍ରଦା ॥ ୧୮-୫୮ ॥

ଵରେଣ୍ୟା ଵରଦା ଵାଣୀ ଜ୍ଞାନିନୀ ଜ୍ଞାନଦା ସଦା ।
ଉଗ୍ରକାଲୀ ମହାକାଲୀ ଭଦ୍ରକାଲୀ ଚ ଦକ୍ଷିଣା ॥ ୧୮-୫୯ ॥

ଭୃଗୁଵଂଶସମୁଦ୍ଭୂତା ଭାର୍ଗଵୀ ଭୃଗୁଵଲ୍ଲଭା ।
ଶୂଲିନୀ ଶୂଲହସ୍ତା ଚ କର୍ତ୍ରୀଖର୍ପରଧାରିଣୀ ॥ ୧୮-୬୦ ॥

ମହାଵଂଶସମୁଦ୍ଭୂତା ମୟୂରଵରଵାହନା ।
ମହାଶଙ୍ଖରତା ରକ୍ତା ରକ୍ତଖର୍ପରଧାରିଣୀ ॥ ୧୮-୬୧ ॥

ରକ୍ତାମ୍ବରଧରା ରାମା ରମଣୀ ସୁରନାୟିକା ।
ମୋକ୍ଷଦା ଶିଵଦା ଶ୍ୟାମା ମଦଵିଭ୍ରମମନ୍ଥରା ॥ ୧୮-୬୨ ॥

ପରମାନନ୍ଦଦା ଜ୍ୟେଷ୍ଠା ୟୋଗିନୀ ଗଣସେଵିତା ।
ସାରା ଜାମ୍ବଵତୀ ଚୈଵ ସତ୍ୟଭାମା ନଗାତ୍ମଜା ॥ ୧୮-୬୩ ॥

ରୌଦ୍ରା ରୌଦ୍ରବଲା ଘୋରା ରୁଦ୍ରସାରାରୁଣାତ୍ମିକା ।
ରୁଦ୍ରରୂପା ମହାରୌଦ୍ରୀ ରୌଦ୍ରଦୈତ୍ୟଵିନାଶିନୀ ॥ ୧୮-୬୪ ॥

କୌମାରୀ କୌଶିକୀ ଚଣ୍ଡା କାଲଦୈତ୍ୟଵିନାଶିନୀ ।
ଶମ୍ଭୁପତ୍ନୀ ଶମ୍ଭୁରତା ଶମ୍ବୁଜାୟା ମହୋଦରୀ ॥ ୧୮-୬୫ ॥

ଶିଵପତ୍ନୀ ଶିଵରତା ଶିଵଜାୟା ଶିଵପ୍ରିୟା ।
ହରପତ୍ନୀ ହରରତା ହରଜାୟା ହରପ୍ରିୟା ॥ ୧୮-୬୬ ॥

ମଦନାନ୍ତକକାନ୍ତା ଚ ମଦନାନ୍ତକଵଲ୍ଲଭା ।
ଗିରିଜା ଗିରିକନ୍ୟା ଚ ଗିରୀଶସ୍ୟ ଚ ଵଲ୍ଲଭା ॥ ୧୮-୬୭ ॥

ଭୂତା ଭଵ୍ୟା ଭଵା ସ୍ପଷ୍ଟା ପାଵନୀ ପରପାଲିନୀ ।
ଅଦୃଶ୍ୟା ଚ ଵ୍ୟକ୍ତରୂପା ଇଷ୍ଟାନିଷ୍ଟପ୍ରଵର୍ଦ୍ଧିନୀ ॥ ୧୮-୬୮ ॥

ଅଚ୍ୟୁତା ପ୍ରଚ୍ୟୁତପ୍ରାଣା ପ୍ରମଦା ଵାସଵେଶ୍ଵରୀ ।
ଅପାଂନିଧିସମୁଦ୍ଭୂତା ଧାରିଣୀ ଚ ପ୍ରତିଷ୍ଠିତା ॥ ୧୮-୬୯ ॥

ଉଦ୍ଭଵା କ୍ଷୋଭଣା କ୍ଷେମା ଶ୍ରୀଗର୍ଭା ପରମେଶ୍ଵରୀ ।
କମଲା ପୁଷ୍ପଦେହା ଚ କାମିନୀ କଞ୍ଜଲୋଚନା ॥ ୧୮-୭୦ ॥

ଶରଣ୍ୟା କମଲା ପ୍ରୀତିର୍ଵିମଲାନନ୍ଦଵର୍ଧିନୀ ।
କପର୍ଦିନୀ କରାଲା ଚ ନିର୍ମଲା ଦେଵରୂପିଣୀ ॥ ୧୮-୭୧ ॥

ଉଦୀର୍ଣଭୂଷଣା ଭଵ୍ୟା ସୁରସେନା ମହୋଦରୀ ।
ଶ୍ରୀମତୀ ଶିଶିରା ନଵ୍ୟା ଶିଶିରାଚଲକନ୍ୟକା ॥ ୧୮-୭୨ ॥

ସୁରମାନ୍ୟା ସୁରଶ୍ରେଷ୍ଠା ଜ୍ୟେଷ୍ଠା ପ୍ରାଣେଶ୍ଵରୀ ସ୍ଥିରା ।
ତମୋଘ୍ନୀ ଧ୍ଵାନ୍ତସଂହନ୍ତ୍ରୀ ପ୍ରୟତାତ୍ମା ପତିଵ୍ରତା ॥ ୧୮-୭୩ ॥

ପ୍ରଦ୍ୟୋତିନୀ ରଥାରୂଢା ସର୍ଵଲୋକପ୍ରକାଶିନୀ ।
ମେଧାଵିନୀ ମହାଵୀର୍ୟା ହଂସୀ ସଂସାରତାରିଣୀ ॥ ୧୮-୭୪ ॥

ପ୍ରଣତପ୍ରାଣିନାମାର୍ତିହାରିଣୀ ଦୈତ୍ୟନାଶିନୀ ।
ଡାକିନୀ ଶାକିନୀଦେଵୀ ଵରଖଟ୍ଵାଙ୍ଗଧାରିଣୀ ॥ ୧୮-୭୫ ॥

କୌମୁଦୀ କୁମୁଦା କୁନ୍ଦା କୌଲିକା କୁଲଜାମରା ।
ଗର୍ଵିତା ଗୁଣସମ୍ପନ୍ନା ନଗଜା ଖଗଵାହିନୀ ॥ ୧୮-୭୬ ॥

ଚନ୍ଦ୍ରାନନା ମହୋଗ୍ରା ଚ ଚାରୁମୂର୍ଧଜଶୋଭନା ।
ମନୋଜ୍ଞା ମାଧଵୀ ମାନ୍ୟା ମାନନୀୟା ସତାଂ ସୁହୃତ୍ ॥ ୧୮-୭୭ ॥

ଜ୍ୟେଷ୍ଠା ଶ୍ରେଷ୍ଠା ମଘା ପୁଷ୍ୟା ଧନିଷ୍ଠା ପୂର୍ଵଫାଲ୍ଗୁନୀ ।
ରକ୍ତବୀଜନିହନ୍ତ୍ରୀ ଚ ରକ୍ତବୀଜଵିନାଶିନୀ ॥ ୧୮-୭୮ ॥

ଚଣ୍ଡମୁଣ୍ଡନିହନ୍ତ୍ରୀ ଚ ଚଣ୍ଡମୁଣ୍ଡଵିନାଶିନୀ ।
କର୍ତ୍ରୀ ହର୍ତ୍ରୀ ସୁକର୍ତ୍ରୀ ଚ ଵିମଲାମଲଵାହିନୀ ॥ ୧୮-୭୯ ॥

ଵିମଲା ଭାସ୍କରୀ ଵୀଣା ମହିଷାସୁରଘାତିନୀ ।
କାଲିନ୍ଦୀ ୟମୁନା ଵୃଦ୍ଧା ସୁରଭିଃ ବାଲିକା ସତୀ ॥ ୧୮-୮୦ ॥

କୌଶଲ୍ୟା କୌମୁଦୀ ମୈତ୍ରୀରୂପିଣୀ ଚାପ୍ୟରୁନ୍ଧତୀ ।
ପୁରାରିଗୃହିଣୀ ପୂର୍ଣା ପୂର୍ଣାନନ୍ଦସ୍ଵରୂପିଣୀ ॥ ୧୮-୮୧ ॥

ପୁଣ୍ଡରୀକାକ୍ଷପତ୍ନୀ ଚ ପୁଣ୍ଡରୀକାକ୍ଷଵଲ୍ଲଭା ।
ସମ୍ପୂର୍ଣଚନ୍ଦ୍ରଵଦନା ବାଲଚନ୍ଦ୍ରସମପ୍ରଭା ॥ ୧୮-୮୨ ॥

ରେଵତୀ ରମଣୀ ଚିତ୍ରା ଚିତ୍ରାମ୍ବରଵିଭୂଷଣାଂ ।
ସୀତା ଵୀଣାଵତୀ ଚୈଵ ୟଶୋଦା ଵିଜୟା ପ୍ରିୟା ॥ ୧୮-୮୩ ॥

ନଵପୁଷ୍ପସମୁଦ୍ଭୂତା ନଵପୁଷ୍ପୋତ୍ସଵୋତ୍ସଵା ।
ନଵପୁଷ୍ପସ୍ରଜାମାଲା ମାଲ୍ୟଭୂଷଣଭୂଷିତା ॥ ୧୮-୮୪ ॥

ନଵପୁଷ୍ପସମପ୍ରାଣା ନଵପୁଷ୍ପୋତ୍ସଵପ୍ରିୟା ।
ପ୍ରେତମଣ୍ଡଲମଧ୍ୟସ୍ତା ସର୍ଵାଙ୍ଗସୁନ୍ଦରୀ ଶିଵା ॥ ୧୮-୮୫ ॥

ନଵପୁଷ୍ପାତ୍ମିକା ଷଷ୍ଠୀ ପୁଷ୍ପସ୍ତଵକମଣ୍ଡଲା ।
ନଵପୁଷ୍ପଗୁଣୋପେତା ଶ୍ମଶାନଭୈରଵପ୍ରିୟା ॥ ୧୮-୮୬ ॥

କୁଲଶାସ୍ତ୍ରପ୍ରଦୀପା ଚ କୁଲମାର୍ଗପ୍ରଵର୍ଦ୍ଧିନୀ ।
ଶ୍ମଶାନଭୈରଵୀ କାଲୀ ଭୈରଵୀ ଭୈରଵପ୍ରିୟା ॥ ୧୮-୮୭ ॥

ଆନନ୍ଦଭୈରଵୀ ଧ୍ୟେୟା ଭୈରଵୀ କୁରୁଭୈରଵୀ ।
ମହାଭୈରଵସମ୍ପ୍ରୀତା ଭୈରଵୀକୁଲମୋହିନୀ ॥ ୧୮-୮୮ ॥

ଶ୍ରୀଵିଦ୍ୟାଭୈରଵୀ ନୀତିଭୈରଵୀ ଗୁଣଭୈରଵୀ ।
ସମ୍ମୋହଭୈରଵୀ ପୁଷ୍ଟିଭୈରଵୀ ତୁଷ୍ଟିଭୈରଵୀ ॥ ୧୮-୮୯ ॥

ସଂହାରଭୈରଵୀ ସୃଷ୍ଟିଭୈରଵୀ ସ୍ଥିତିଭୈରଵୀ ।
ଆନନ୍ଦଭୈରଵୀ ଵୀରା ସୁନ୍ଦରୀ ସ୍ଥିତିସୁନ୍ଦରୀ ॥ ୧୮-୯୦ ॥

ଗୁଣାନନ୍ଦସ୍ଵରୂପା ଚ ସୁନ୍ଦରୀ କାଲରୂପିଣୀ ।
ଶ୍ରୀମାୟାସୁନ୍ଦରୀ ସୌମ୍ୟସୁନ୍ଦରୀ ଲୋକସୁନ୍ଦରୀ ॥ ୧୮-୯୧ ॥

ଶ୍ରୀଵିଦ୍ୟାମୋହିନୀ ବୁଦ୍ଧିର୍ମହାବୁଦ୍ଧିସ୍ଵରୂପିଣୀ ।
ମଲ୍ଲିକା ହାରରସିକା ହାରାଲମ୍ବନସୁନ୍ଦରୀ ॥ ୧୮-୯୨ ॥

ନୀଲପଙ୍କଜଵର୍ଣା ଚ ନାଗକେସରଭୂଷିତା ।
ଜପାକୁସୁମସଙ୍କାଶା ଜପାକୁସୁମଶୋଭିତା ॥ ୧୮-୯୩ ॥

ପ୍ରିୟା ପ୍ରିୟଙ୍କରୀ ଵିଷ୍ଣୋର୍ଦାନଵେନ୍ଦ୍ରଵିନାଶିନୀ ।
ଜ୍ଞାନେଶ୍ଵରୀ ଜ୍ଞାନଦାତ୍ରୀ ଜ୍ଞାନାନନ୍ଦପ୍ରଦାୟିନୀ ॥ ୧୮-୯୪ ॥

ଗୁଣଗୌରଵସମ୍ପନ୍ନା ଗୁଣଶୀଲସମନ୍ଵିତା ।
ରୂପୟୌଵନସମ୍ପନ୍ନା ରୂପୟୌଵନଶୋଭିତା ॥ ୧୮-୯୫ ॥

ଗୁଣାଶ୍ରୟା ଗୁଣରତା ଗୁଣଗୌରଵସୁନ୍ଦରୀ ।
ମଦିରାମୋଦମତ୍ତା ଚ ତାଟଙ୍କଦ୍ଵୟଶୋଭିତା ॥ ୧୮-୯୬ ॥

ଵୃକ୍ଷମୂଲସ୍ଥିତା ଦେଵୀ ଵୃକ୍ଷଶାଖୋପରିସ୍ଥିତା ।
ତାଲମଧ୍ୟାଗ୍ରନିଲୟା ଵୃକ୍ଷମଧ୍ୟନିଵାସିନୀ ॥ ୧୮-୯୭ ॥

ସ୍ଵୟମ୍ଭୂପୁଷ୍ପସଂକାଶା ସ୍ଵୟମ୍ଭୂପୁଷ୍ପଧାରିଣୀ ।
ସ୍ଵୟମ୍ଭୂକୁସୁମପ୍ରୀତା ସ୍ଵୟମ୍ଭୂପୁଷ୍ପଶୋଭିନୀ ॥ ୧୮-୯୮ ॥

ସ୍ଵୟମ୍ଭୂପୁଷ୍ପରସିକା ନଗ୍ନା ଧ୍ୟାନଵତୀ ସୁଧା ।
ଶୁକ୍ରପ୍ରିୟା ଶୁକ୍ରରତା ଶୁକ୍ରମଜ୍ଜନତତ୍ପରା ॥ ୧୮-୯୯ ॥

ପୂର୍ଣପର୍ଣା ସୁପର୍ଣା ଚ ନିଷ୍ପର୍ଣା ପାପନାଶିନୀ ।
ମଦିରାମୋଦସମ୍ପନ୍ନା ମଦିରାମୋଦଧାରିଣୀ ॥ ୧୮-୧୦୦ ॥

ସର୍ଵାଶ୍ରୟା ସର୍ଵଗୁଣା ନନ୍ଦନନ୍ଦନଧାରିଣୀ ।
ନାରୀପୁଷ୍ପସମୁଦ୍ଭୂତା ନାରୀପୁଷ୍ପୋତ୍ସଵୋତ୍ସଵା ॥ ୧୮-୧୦୧ ॥

ନାରୀପୁଷ୍ପସମପ୍ରାଣା ନାରୀପୁଷ୍ପରତା ମୃଗୀ ।
ସର୍ଵକାଲୋଦ୍ଭଵପ୍ରୀତା ସର୍ଵକାଲୋଦ୍ଭଵୋତ୍ସଵା ॥ ୧୮-୧୦୨ ॥

ଚତୁର୍ଭୁଜା ଦଶଭୁଜା ଅଷ୍ଟାଦଶଭୁଜା ତଥା ।
ଦ୍ଵିଭୁଜା ଷଡ୍ଭୁଜା ପ୍ରୀତା ରକ୍ତପଙ୍କଜଶୋଭିତା ॥ ୧୮-୧୦୩ ॥

କୌବେରୀ କୌରଵୀ କୌର୍ୟା କୁରୁକୁଲ୍ଲା କପାଲିନୀ ।
ସୁଦୀର୍ଘକଦଲୀଜଙ୍ଘା ରମ୍ଭୋରୂ ରାମଵଲ୍ଲଭା ॥ ୧୮-୧୦୪ ॥

ନିଶାଚରୀ ନିଶାମୂର୍ତିର୍ନିଶାଚନ୍ଦ୍ରସମପ୍ରଭା ।
ଚାନ୍ଦ୍ରୀ ଚାନ୍ଦ୍ରକଲା ଚନ୍ଦ୍ରା ଚାରୁଚନ୍ଦ୍ରନିଭାନନା ॥ ୧୮-୧୦୫ ॥

ସ୍ରୋତସ୍ଵତୀ ସ୍ରୁତିମତୀ ସର୍ଵଦୁର୍ଗତିନାଶିନୀ ।
ସର୍ଵାଧାରା ସର୍ଵମୟୀ ସର୍ଵାନନ୍ଦସ୍ଵରୂପିଣୀ ॥ ୧୮-୧୦୬ ॥

ସର୍ଵଚକ୍ରେଶ୍ଵରୀ ସର୍ଵା ସର୍ଵମନ୍ତ୍ରମୟୀ ଶୁଭା ।
ସହସ୍ରନୟନପ୍ରାଣା ସହସ୍ରନୟନପ୍ରିୟା ॥ ୧୮-୧୦୭ ॥

ସହସ୍ରଶୀର୍ଷା ସୁଷମା ସଦମ୍ଭା ସର୍ଵଭକ୍ଷିକା ।
ୟଷ୍ଟିକା ୟଷ୍ଟିଚକ୍ରସ୍ଥା ଷଦ୍ଵର୍ଗଫଲଦାୟିନୀ ॥ ୧୮-୧୦୮ ॥

ଷଡ୍ଵିଂଶପଦ୍ମମଧ୍ୟସ୍ଥା ଷଡ୍ଵିଂଶକୁଲମଧ୍ୟଗା ।
ହୂଁକାରଵର୍ଣନିଲୟା ହୂଁକାରାକ୍ଷରଭୂଷଣା ॥ ୧୮-୧୦୯ ॥

ହକାରଵର୍ଣନିଲୟା ହକାରାକ୍ଷରଭୂଷଣା ।
ହାରିଣୀ ହାରଵଲିତା ହାରହୀରକଭୂଷଣା ॥ ୧୮-୧୧୦ ॥

ହ୍ରୀଂକାରବୀଜସହିତା ହ୍ରୀଂକାରୈରୁପଶୋଭିତା ।
କନ୍ଦର୍ପସ୍ୟ କଲା କୁନ୍ଦା କୌଲିନୀ କୁଲଦର୍ପିତା ॥ ୧୮-୧୧୧ ॥

କେତକୀକୁସୁମପ୍ରାଣା କେତକୀକୃତଭୂଷଣା ।
କେତକୀକୁସୁମାସକ୍ତା କେତକୀପରିଭୂଷିତା ॥ ୧୮-୧୧୨ ॥

କର୍ପୂରପୂର୍ଣଵଦନା ମହାମାୟା ମହେଶ୍ଵରୀ ।
କଲା କେଲିଃ କ୍ରିୟା କୀର୍ଣା କଦମ୍ବକୁସୁମୋତ୍ସୁକା ॥ ୧୮-୧୧୩ ॥

କାଦମ୍ବିନୀ କରିଶୁଣ୍ଡା କୁଞ୍ଜରେଶ୍ଵରଗାମିନୀ ।
ଖର୍ଵା ସୁଖଞ୍ଜନୟନା ଖଞ୍ଜନଦ୍ଵନ୍ଦ୍ଵଭୂଷଣା ॥ ୧୮-୧୧୪ ॥

ଖଦ୍ୟୋତ ଇଵ ଦୁର୍ଲକ୍ଷା ଖଦ୍ୟୋତ ଇଵ ଚଞ୍ଚଲା ।
ମହାମାୟା ଜ୍ଗଦ୍ଧାତ୍ରୀ ଗୀତଵାଦ୍ୟପ୍ରିୟା ରତିଃ ॥ ୧୮-୧୧୫ ॥

ଗଣେଶ୍ଵରୀ ଗଣେଜ୍ୟା ଚ ଗୁଣପୂଜ୍ୟା ଗୁଣପ୍ରଦା ।
ଗୁଣାଢ୍ୟା ଗୁଣସମ୍ପନ୍ନା ଗୁଣଦାତ୍ରୀ ଗୁଣାତ୍ମିକା ॥ ୧୮-୧୧୬ ॥

ଗୁର୍ଵୀ ଗୁରୁତରା ଗୌରୀ ଗାଣପତ୍ୟଫଲପ୍ରଦା ।
ମହାଵିଦ୍ୟା ମହାମେଧା ତୁଲିନୀ ଗଣମୋହିନୀ ॥ ୧୮-୧୧୭ ॥

ଭଵ୍ୟା ଭଵପ୍ରିୟା ଭାଵ୍ୟା ଭାଵନୀୟା ଭଵାତ୍ମିକା ।
ଘର୍ଘରା ଘୋରଵଦନା ଘୋରଦୈତ୍ୟଵିନାଶିନୀ ॥ ୧୮-୧୧୮ ॥

ଘୋରା ଘୋରଵତୀ ଘୋଷା ଘୋରପୁତ୍ରୀ ଘନାଚଲା ।
ଚର୍ଚରୀ ଚାରୁନୟନା ଚାରୁଵକ୍ତ୍ରା ଚତୁର୍ଗୁଣା ॥ ୧୮-୧୧୯ ॥

ଚତୁର୍ଵେଦମୟୀ ଚଣ୍ଡୀ ଚନ୍ଦ୍ରାସ୍ୟା ଚତୁରାନନା ।
ଚଲଚ୍ଚକୋରନୟନା ଚଲତ୍ଖଞ୍ଜନଲୋଚନା ॥ ୧୮-୧୨୦ ॥

ଚଲଦମ୍ଭୋଜନିଲୟା ଚଲଦମ୍ଭୋଜଲୋଚନା ।
ଛତ୍ରୀ ଛତ୍ରପ୍ରିୟା ଛତ୍ରା ଛତ୍ରଚାମରଶୋଭିତା ॥ ୧୮-୧୨୧ ॥

ଛିନ୍ନଛଦା ଛିନ୍ନଶିରାଶ୍ଛିନ୍ନନାସା ଛଲାତ୍ମିକା ।
ଛଲାଢ୍ୟା ଛଲସଂତ୍ରସ୍ତା ଛଲରୂପା ଛଲସ୍ଥିରା ॥ ୧୮-୧୨୨ ॥

ଛକାରଵର୍ଣନିଲୟା ଛକାରାଢ୍ୟା ଛଲପ୍ରିୟା ।
ଛଦ୍ମିନୀ ଛଦ୍ମନିରତା ଛଦ୍ମଚ୍ଛଦ୍ମନିଵାସିନୀ ॥ ୧୮-୧୨୩ ॥

ଜଗନ୍ନାଥପ୍ରିୟା ଜୀଵା ଜଗନ୍ମୁକ୍ତିକରୀ ମତା ।
ଜୀର୍ଣା ଜୀମୂତଵନିତା ଜୀମୂତୈରୁପଶୋଭିତା ॥ ୧୮-୧୨୪ ॥

ଜାମାତୃଵରଦା ଜମ୍ଭା ଜମଲାର୍ଜୁନଭଞ୍ଜିନୀ ।
ଝର୍ଝରୀ ଝାକୃତିର୍ଝଲ୍ଲୀ ଝରୀ ଝର୍ଝରିକା ତଥା ॥ ୧୮-୧୨୫ ॥

ଟଙ୍କାରକାରିଣୀ ଟୀକା ସର୍ଵଟଙ୍କାରକାରିଣୀ ।
ଠଂକରାଙ୍ଗୀ ଡମରୁକା ଡାକାରା ଡମରୁପ୍ରିୟା ॥ ୧୮-୧୨୬ ॥

ଢକ୍କାରାଵରତା ନିତ୍ୟା ତୁଲସୀ ମଣିଭୂଷିତା ।
ତୁଲା ଚ ତୋଲିକା ତୀର୍ଣା ତାରା ତାରଣିକା ତଥା ॥ ୧୮-୧୨୭ ॥

ତନ୍ତ୍ରଵିଜ୍ଞା ତନ୍ତ୍ରରତା ତନ୍ତ୍ରଵିଦ୍ୟା ଚ ତନ୍ତ୍ରଦା ।
ତାନ୍ତ୍ରିକୀ ତନ୍ତ୍ରୟୋଗ୍ୟା ଚ ତନ୍ତ୍ରସାରା ଚ ତନ୍ତ୍ରିକା ॥ ୧୮-୧୨୮ ॥

ତନ୍ତ୍ରଧାରୀ ତନ୍ତ୍ରକରୀ ସର୍ଵତନ୍ତ୍ରସ୍ଵରୂପିଣୀ ।
ତୁହିନାଂଶୁସମାନାସ୍ୟା ତୁହିନାଂଶୁସମପ୍ରଭା ॥ ୧୮-୧୨୯ ॥

ତୁଷାରାକରତୁଲ୍ୟାଙ୍ଗୀ ତୁଷାରାଧାରସୁନ୍ଦରୀ ।
ତନ୍ତ୍ରସାରା ତନ୍ତ୍ରକରୋ ତନ୍ତ୍ରସାରସ୍ଵରୂପିଣୀ ॥ ୧୮-୧୩୦ ॥

ତୁଷାରଧାମତୁଲ୍ୟାସ୍ୟା ତୁଷାରାଂଶୁସମପ୍ରଭା ।
ତୁଷାରାଦ୍ରିସୁତା ତାର୍କ୍ଷ୍ୟା ତାରାଙ୍ଗୀ ତାଲସୁନ୍ଦରୀ ॥ ୧୮-୧୩୧ ॥

ତାରସ୍ଵରେଣ ସହିତା ତାରସ୍ଵରଵିଭୂଷିତା ।
ଥକାରକୂଟନିଲୟା ଥକାରାକ୍ଷରମାଲିନୀ ॥ ୧୮-୧୩୨ ॥

ଦୟାଵତୀ ଦୀନରତା ଦୁଃଖଦାରିଦ୍ର୍ୟନାଶିନୀ ।
ଦୌର୍ଭାଗ୍ୟଦୁଃଖଦଲିନୀ ଦୌର୍ଭାଗ୍ୟପଦନାଶିନୀ ॥ ୧୮-୧୩୩ ॥

ଦୁହିତା ଦୀନବନ୍ଧୁଶ୍ଚ ଦାନଵେନ୍ଦ୍ରଵିନାଶିନୀ ।
ଦାନପାତ୍ରୀ ଦାନରତା ଦାନସମ୍ମାନତୋଷିତା ॥ ୧୮-୧୩୪ ॥

ଦାନ୍ତ୍ୟାଦିସେଵିତା ଦାନ୍ତା ଦୟା ଦାମୋଦରପ୍ରିୟା ।
ଦଧୀଚିଵରଦା ତୁଷ୍ଟା ଦାନଵେନ୍ଦ୍ରଵିମର୍ଦିନୀ ॥ ୧୮-୧୩୫ ॥

ଦୀର୍ଘନେତ୍ରା ଦୀର୍ଘକଚା ଦୀର୍ଘନାସା ଚ ଦୀର୍ଘିକା ।
ଦାରିଦ୍ର୍ୟଦୁଃଖସଂନାଶା ଦାରିଦ୍ର୍ୟଦୁଃଖନାଶିନୀ ॥ ୧୮-୧୩୬ ॥

ଦାମ୍ଭିକା ଦନ୍ତୁରା ଦମ୍ଭା ଦମ୍ଭାସୁରଵରପ୍ରଦା ।
ଧନଧାନ୍ୟପ୍ରଦା ଧନ୍ୟା ଧନେଶ୍ଵରଧନପ୍ରଦା ॥ ୧୮-୧୩୭ ॥

ଧର୍ମପତ୍ନୀ ଧର୍ମରତା ଧର୍ମାଧର୍ମଵିଵିଵର୍ଦ୍ଧିନୀ ।
ଧର୍ମିଣୀ ଧର୍ମିକା ଧର୍ମ୍ୟା ଧର୍ମାଧର୍ମଵିଵର୍ଦ୍ଧିନୀ ॥ ୧୮-୧୩୮ ॥

ଧନେଶ୍ଵରୀ ଧର୍ମରତା ଧର୍ମାନନ୍ଦପ୍ରଵର୍ଦ୍ଧିନୀ ।
ଧନାଧ୍ୟକ୍ଷା ଧନପ୍ରୀତା ଧନାଢ୍ୟା ଧନତୋଷିତା ॥ ୧୮-୧୩୯ ॥

ଧୀରା ଧୈର୍ୟଵତୀ ଧିଷ୍ଣ୍ୟା ଧଵଲାମ୍ଭୋଜସଂନିଭା ।
ଧରିଣୀ ଧାରିଣୀ ଧାତ୍ରୀ ଧୂରଣୀ ଧରଣୀ ଧରା ॥ ୧୮-୧୪୦ ॥

ଧାର୍ମିକା ଧର୍ମସହିତା ଧର୍ମନିନ୍ଦକଵର୍ଜିତା ।
ନଵୀନା ନଗଜା ନିମ୍ନା ନିମ୍ନନାଭିର୍ନଗେଶ୍ଵରୀ ॥ ୧୮-୧୪୧ ॥

ନୂତନାମ୍ଭୋଜନୟନା ନଵୀନାମ୍ଭୋଜସୁନ୍ଦରୀ ।
ନାଗରୀ ନଗରଜ୍ୟେଷ୍ଠା ନଗରାଜସୁତା ନଗା ॥ ୧୮-୧୪୨ ॥

ନାଗରାଜକୃତତୋଷା ନାଗରାଜଵିଭୂଷିତା ।
ନାଗେଶ୍ଵରୀ ନାଗରୂଢା ନାଗରାଜକୁଲେଶ୍ଵରୀ ॥ ୧୮-୧୪୩ ॥

ନଵୀନେନ୍ଦୁକଲା ନାନ୍ଦୀ ନନ୍ଦିକେଶ୍ଵରଵଲ୍ଲଭା ।
ନୀରଜା ନୀରଜାକ୍ଷୀ ଚ ନୀରଜଦ୍ଵନ୍ଦ୍ଵଲୋଚନା ॥ ୧୮-୧୪୪ ॥

ନୀରା ନୀରଭଵା ଵାଣୀ ନୀରନିର୍ମଲଦେହିନୀ ।
ନାଗୟଜ୍ଞୋପଵୀତାଢ୍ୟା ନାଗୟଜ୍ଞୋପଵୀତିକା ॥ ୧୮-୧୪୫ ॥

ନାଗକେସରସଂତୁଷ୍ଟା ନାଗକେସରମାଲିନୀ ।
ନଵୀନକେତକୀକୁନ୍ଦ ? ମଲ୍ଲିକାମ୍ଭୋଜଭୂଷିତା ॥ ୧୮-୧୪୬ ॥

ନାୟିକା ନାୟକପ୍ରୀତା ନାୟକପ୍ରେମଭୂଷିତା ।
ନାୟକପ୍ରେମସହିତା ନାୟକପ୍ରେମଭାଵିତା ॥ ୧୮-୧୪୭ ॥

ନାୟକାନନ୍ଦନିଲୟା ନାୟକାନନ୍ଦକାରିଣୀ ।
ନର୍ମକର୍ମରତା ନିତ୍ୟଂ ନର୍ମକର୍ମଫଲପ୍ରଦା ॥ ୧୮-୧୪୮ ॥

ନର୍ମକର୍ମପ୍ରିୟା ନର୍ମା ନର୍ମକର୍ମକୃତାଲୟା ।
ନର୍ମପ୍ରୀତା ନର୍ମରତା ନର୍ମଧ୍ୟାନପରାୟଣା ॥ ୧୮-୧୪୯ ॥

ପୌଷ୍ଣପ୍ରିୟା ଚ ପୌଷ୍ପେଜ୍ୟା ପୁଷ୍ପଦାମଵିଭୂଷିତା ।
ପୁଣ୍ୟଦା ପୂର୍ଣିମା ପୂର୍ଣା କୋଟିପୁଣ୍ୟଫଲପ୍ରଦା ॥ ୧୮-୧୫୦ ॥

ପୁରାଣାଗମଗୋପ୍ୟା ଚ ପୁରାଣାଗମଗୋପିତା ।
ପୁରାଣଗୋଚରା ପୂର୍ଣା ପୂର୍ଵା ପ୍ରୌଢା ଵିଲାସିନୀ ॥ ୧୮-୧୫୧ ॥

ପ୍ରହ୍ଲାଦହୃଦୟାହ୍ଲାଦଗେହିନୀ ପୁଣ୍ୟଚାରିଣୀ ।
ଫାଲ୍ଗୁନୀ ଫାଲ୍ଗୁନପ୍ରୀତା ଫାଲ୍ଗୁନପ୍ରେଧାରିଣୀ ॥ ୧୮-୧୫୨ ॥

ଫାଲ୍ଗୁନପ୍ରେମଦା ଚୈଵ ଫଣିରାଜଵିଭୂଷିତା ।
ଫଣିକାଞ୍ଚୀ ଫଣିପ୍ରୀତା ଫଣିହାରଵିଭୂଷିତା ॥ ୧୮-୧୫୩ ॥

ଫଣୀଶକୃତସର୍ଵାଙ୍ଗଭୂଷଣା ଫଣିହାରିଣୀ ।
ଫଣିପ୍ରୀତା ଫଣିରତା ଫଣିକଙ୍କଣଧାରିଣୀ ॥ ୧୮-୧୫୪ ॥

ଫଲଦା ତ୍ରିଫଲା ଶକ୍ତା ଫଲାଭରଣଭୂଷିତା ।
ଫକାରକୂଟସର୍ଵାଙ୍ଗୀ ଫାଲ୍ଗୁନାନନ୍ଦଵର୍ଦ୍ଧିନୀ ॥ ୧୮-୧୫୫ ॥

ଵାସୁଦେଵରତା ଵିଜ୍ଞା ଵିଜ୍ଞଵିଜ୍ଞାନକାରିଣୀ ।
ଵୀଣାଵତୀ ବଲାକୀର୍ଣା ବାଲପୀୟୂଷରୋଚିକା ॥ ୧୮-୧୫୬ ॥

ବାଲାଵସୁମତୀ ଵିଦ୍ୟା ଵିଦ୍ୟାହାରଵିଭୂଷିତା ।
ଵିଦ୍ୟାଵତୀ ଵୈଦ୍ୟପଦପ୍ରୀତା ଵୈଵସ୍ଵତୀ ବଲିଃ ॥ ୧୮-୧୫୭ ॥

ବଲିଵିଧ୍ଵଂସିନୀ ଚୈଵ ଵରାଙ୍ଗସ୍ଥା ଵରାନନା ।
ଵିଷ୍ଣୋର୍ଵକ୍ଷଃସ୍ଥଲସ୍ଥା ଚ ଵାଗ୍ଵତୀ ଵିନ୍ଧ୍ୟଵାସିନୀ ॥ ୧୮-୧୫୮ ॥

ଭୀତିଦା ଭୟଦା ଭାନୋରଂଶୁଜାଲସମପ୍ରଭା ।
ଭାର୍ଗଵେଜ୍ୟା ଭୃଗୋଃ ପୂଜ୍ୟା ଭରଦ୍ଵାରନମସ୍କୃତା ॥ ୧୮-୧୫୯ ॥

ଭୀତିଦା ଭୟସଂହନ୍ତ୍ରୀ ଭୀମାକାରା ଚ ସୁନ୍ଦରୀ ।
ମାୟାଵତୀ ମାନରତା ମାନସମ୍ମାନତତ୍ପରା ॥ ୧୮-୧୬୦ ॥

ମାଧଵାନନ୍ଦଦା ମାଧ୍ଵୀ ମଦିରାମୁଦିତେକ୍ଷଣା ।
ମହୋତ୍ସଵଗୁଣୋପେତା ମହତୀ ଚ ମହଦ୍ଗୁଣା ॥ ୧୮-୧୬୧ ॥

ମଦିରାମୋଦନିରତା ମଦିରାମଜ୍ଜନେ ରତା ।
ୟଶୋଧରୀ ୟଶୋଵିଦ୍ୟା ୟଶୋଦାନନ୍ଦଵର୍ଦ୍ଧିନୀ ॥ ୧୮-୧୬୨ ॥

ୟଶଃକର୍ପୂରଧଵଲା ୟଶୋଦାମଵିଭୂଷିତା ।
ୟମରାଜପ୍ରିୟା ୟୋଗମାର୍ଗାନନ୍ଦପ୍ରଵର୍ଦ୍ଧିନୀ ॥ ୧୮-୧୬୩ ॥

ୟମସ୍ଵସା ଚ ୟମୁନା ୟୋଗମାର୍ଗପ୍ରଵର୍ଦ୍ଧିନୀ ।
ୟାଦଵାନନ୍ଦକର୍ତ୍ରୀ ଚ ୟାଦଵାନନ୍ଦଵର୍ଦ୍ଧିନୀ ॥ ୧୮-୧୬୪ ॥

ୟଜ୍ଞପ୍ରୀତା ୟଜ୍ଞମୟୀ ୟଜ୍ଞକର୍ମଵିଭୂଷିତା ।
ରାମପ୍ରୀତା ରାମରତା ରାମତୋଷଣତତ୍ପରା ॥ ୧୮-୧୬୫ ॥

ରାଜ୍ଞୀ ରାଜକୁଲେଜ୍ୟା ଚ ରାଜରାଜେଶ୍ଵରୀ ରମା ।
ରମଣୀ ରାମଣୀ ରମ୍ୟା ରାମାନନ୍ଦପ୍ରଦାୟିନୀ ॥ ୧୮-୧୬୬ ॥

ରଜନୀକରପୂର୍ଣାସ୍ୟା ରକ୍ତୋତ୍ପଲଵିଲୋଚନା ।
ଲାଙ୍ଗଲିପ୍ରେମସଂତୁଷ୍ଟା ଲାଙ୍ଗଲିପ୍ରଣୟପ୍ରିୟା ॥ ୧୮-୧୬୭ ॥

ଲାକ୍ଷାରୁଣା ଚ ଲଲନା ଲୀଲା ଲୀଲାଵତୀ ଲୟା ।
ଲଙ୍କେଶ୍ଵରଗୁଣପ୍ରୀତା ଲଙ୍କେଶଵରଦାୟିନୀ ॥ ୧୮-୧୬୮ ॥

ଲଵଙ୍ଗୀକୁସୁମପ୍ରୀତା ଲଵଙ୍ଗକୁସୁମସ୍ରଜା ।
ଧାତା ଵିଵସ୍ଵଦ୍ଗୃହିଣୀ ଵିଵସ୍ଵତ୍ପ୍ରେମଧାରିଣୀ ॥ ୧୮-୧୬୯ ॥

ଶଵୋପରିସମାସୀନା ଶଵଵକ୍ଷଃସ୍ଥଲସ୍ଥିତା ।
ଶରଣାଗତରକ୍ଷିତ୍ରୀ ଶରଣ୍ୟା ଶ୍ରୀଃ ଶରଦ୍ଗୁଣା ॥ ୧୮-୧୭୦ ॥

ଷଟ୍କୋଣଚକ୍ରମଧ୍ୟସ୍ଥା ସମ୍ପଦାର୍ଥନିଷେଵିତା ।
ହୂଂକାରାକାରିଣୀ ଦେଵୀ ହୂଂକାରରୂପଶୋଭିତା ॥ ୧୮-୧୭୧ ॥

କ୍ଷେମଙ୍କରୀ ତଥା କ୍ଷେମା କ୍ଷେମଧାମଵିଵର୍ଦ୍ଧିନୀ ।
କ୍ଷେମାମ୍ନାୟା ତଥାଜ୍ଞା ଚ ଇଡା ଇଶ୍ଵରଵଲ୍ଲଭା ॥ ୧୮-୧୭୨ ॥

ଉଗ୍ରଦକ୍ଷା ତଥା ଚୋଗ୍ରା ଅକାରାଦିସ୍ଵରୋଦ୍ଭଵା ।
ଋକାରଵର୍ଣକୂଟସ୍ଥା ୠକାରସ୍ଵରଭୂଷିତା ॥ ୧୮-୧୭୩ ॥

ଏକାରା ଚ ତଥା ଚୈକା ଏକାରାକ୍ଷରଵାସିତା ।
ଐଷ୍ଟା ଚୈଷା ତଥା ଚୌଷା ଔକାରାକ୍ଷରଧାରିଣୀ ॥ ୧୮-୧୭୪ ॥

ଅଂ ଅଃକାରସ୍ଵରୂପା ଚ ସର୍ଵାଗମସୁଗୋପିତା ।
ଇତ୍ୟେତତ୍ କଥିତଂ ଦେଵି ତାରାନାମସହସ୍ରକମ୍ ॥ ୧୮-୧୭୫ ॥

ୟ ଇଦଂ ପଠତି ସ୍ତୋତ୍ରଂ ପ୍ରତ୍ୟହଂ ଭକ୍ତିଭାଵତଃ ।
ଦିଵା ଵା ୟଦି ଵା ରାତ୍ରୌ ସନ୍ଧ୍ୟୟୋରୁଭୟୋରପି ॥ ୧୮-୧୭୬ ॥

ସ୍ତଵରାଜସ୍ୟ ପାଠେନ ରାଜା ଭଵତି କିଙ୍କରଃ ।
ସର୍ଵାଗମେଷୁ ପୂଜ୍ୟଃ ସ୍ୟାତ୍ ସର୍ଵତନ୍ତ୍ରେ ସ୍ଵୟଂ ହରଃ ॥ ୧୮-୧୭୭ ॥

ଶିଵସ୍ଥାନେ ଶ୍ମଶାନେ ଚ ଶୂନ୍ୟାଗାରେ ଚତୁଷ୍ପଥେ ।
ୟ ପଠେଚ୍ଛୃଣୁୟାଦ୍ ଵାପି ସ ୟୋଗୀ ନାତ୍ର ସଂଶୟଃ ॥ ୧୮-୧୭୮ ॥

ୟାନି ନାମାନି ସନ୍ତ୍ୟସ୍ମିନ୍ ପ୍ରସଙ୍ଗାଦ୍ ମୁରଵୈରିଣଃ ।
ଗ୍ରାହ୍ୟାଣି ତାନି କଲ୍ୟାଣି ନାନ୍ୟାନ୍ୟପି କଦାଚନ ॥ ୧୮-୧୭୯ ॥

ହରେର୍ନାମ ନ ଗୃହ୍ଣୀୟାଦ୍ ନ ସ୍ପୃଶେତ୍ ତୁଲସୀଦଲମ୍ ।
ନାନ୍ୟଚିନ୍ତା ପ୍ରକର୍ତଵ୍ୟା ନାନ୍ୟନିନ୍ଦା କଦାଚନ ॥ ୧୮-୧୮୦ ॥

ସିନ୍ଦୂରକରଵୀରାଦ୍ୟୈଃ ପୁଷ୍ପୈର୍ଲୋହିତକୈସ୍ତଥା ।
ୟୋଽର୍ଚୟେଦ୍ ଭକ୍ତିଭାଵେନ ତସ୍ୟାସାଧ୍ୟଂ ନ କିଞ୍ଚନ ॥ ୧୮-୧୮୧ ॥

ଵାତସ୍ତମ୍ଭଂ ଜଲସ୍ତମ୍ଭଂ ଗତିସ୍ତମ୍ଭଂ ଵିଵସ୍ଵତଃ ।
ଵହ୍ନେଃ ସ୍ତମ୍ଭଂ କରୋତ୍ୟେଵ ସ୍ତଵସ୍ୟାସ୍ୟ ପ୍ରକୀର୍ତନାତ୍ ॥ ୧୮-
୧୮୨ ॥

ଶ୍ରିୟମାକର୍ଷୟେତ୍ ତୂର୍ଣମାନୃଣ୍ୟଂ ଜାୟତେ ହଠାତ୍ ।
ୟଥା ତୃଣଂ ଦହେଦ୍ ଵହ୍ନିସ୍ତଥାରୀନ୍ ମର୍ଦୟେତ୍ କ୍ଷଣାତ୍ ॥ ୧୮-୧୮୩ ॥

ମୋହୟେଦ୍ ରାଜପତ୍ନୀଶ୍ଚ ଦେଵାନପି ଵଶଂ ନୟେତ୍ ।
ୟଃ ପଠେତ୍ ଶୃଣୁୟାଦ୍ ଵାପି ଏକଚିତ୍ତେନ ସର୍ଵଦା ॥ ୧୮-୧୮୪ ॥

ଦୀର୍ଘାୟୁଶ୍ଚ ସୁଖୀ ଵାଗ୍ମୀ ଵାଣୀ ତସ୍ୟ ଵଶଙ୍କରୀ ।
ସର୍ଵତୀର୍ଥାଭିଷେକେଣ ଗୟାଶ୍ରାଦ୍ଧେନ ୟତ୍ ଫଲମ୍ ॥ ୧୮-୧୮୫ ॥

ତତ୍ଫଲଂ ଲଭତେ ସତ୍ୟଂ ୟଃ ପଠେଦେକଚିତ୍ତତଃ ।
ୟେଷାମାରାଧନେ ଶ୍ରଦ୍ଧା ୟେ ତୁ ସାଧିତୁମୁଦ୍ୟତାଃ ॥ ୧୮-୧୮୬ ॥

ତେଷାଂ କୃତିତ୍ଵଂ ସର୍ଵଂ ସ୍ୟାଦ୍ ଗତିର୍ଦେଵି ପରା ଚ ସା ।
ଋତୁୟୁକ୍ତଲତାଗାରେ ସ୍ଥିତ୍ଵା ଦଣ୍ଡେନ ତାଡୟେତ୍ ॥ ୧୮-୧୮୭ ॥

ଜପ୍ତ୍ଵା ସ୍ତୁତ୍ଵା ଚ ଭକ୍ତ୍ୟା ଚ ଗଚ୍ଛେଦ୍ ଵୈ ତାରିଣୀପଦମ୍ ।
ଅଷ୍ଟମ୍ୟାଂ ଚ ଚତୁର୍ଦଶ୍ୟାଂ ନଵମ୍ୟାଂ ଶନିଵାସରେ ॥ ୧୮-୧୮୮ ॥

ସଂକ୍ରାନ୍ତ୍ୟାଂ ମଣ୍ଡଲେ ରାତ୍ରୌ ଅମାଵାସ୍ୟାଂ ଚ ୟୋଽର୍ଚୟେତ୍ ।
ଵର୍ଷଂ ଵ୍ୟାପ୍ୟ ଚ ଦେଵେଶି ତସ୍ୟାଧୀନାଶ୍ଚ ସିଦ୍ଧୟଃ ॥ ୧୮-୧୮୯ ॥

ସୁତହୀନା ଚ ୟା ନାରୀ ଦୌର୍ଭାଗ୍ୟାମୟପୀଡିତା ।
ଵନ୍ଧ୍ୟା ଵା କାକଵନ୍ଧ୍ୟା ଵା ମୃତଗର୍ଭା ଚ ୟାଙ୍ଗନା ॥ ୧୮-୧୯୦ ॥

ଧନଧାନ୍ୟଵିହୀନା ଚ ରୋଗଶୋକାକୁଲା ଚ ୟା ।
ସାପି ଚୈତଦ୍ ମହାଦେଵି ଭୂର୍ଜପତ୍ରେ ଲିଖେତ୍ତତଃ ॥ ୧୮-୧୯୧ ॥

ସଵ୍ୟେ ଭୁଜେ ଚ ବଧ୍ନୀୟାତ୍ ସର୍ଵସୌଖ୍ୟଵତୀ ଭଵେତ୍ ।
ଏଵଂ ପୁମାନପି ପ୍ରାୟୋ ଦୁଃଖେନ ପରିପୀଡିତଃ ॥ ୧୮-୧୯୨ ॥

ସଭାୟାଂ ଵ୍ୟସନେ ଘୋରେ ଵିଵାଦେ ଶତ୍ରୁସଂକଟେ ।
ଚତୁରଙ୍ଗେ ଚ ତଥା ୟୁଦ୍ଧେ ସର୍ଵତ୍ରାରିପ୍ରପୀଡିତେ ॥ ୧୮-୧୯୩ ॥

ସ୍ମରଣାଦେଵ କଲ୍ୟାଣି ସଂକ୍ଷୟଂ ୟାନ୍ତି ଦୂରତଃ ।
ପୂଜନୀୟଂ ପ୍ରୟତ୍ନେନ ଶୂନ୍ୟାଗାରେ ଶିଵାଲୟେ ॥ ୧୮-୧୯୪ ॥

ବିଲ୍ଵମୂଲେ ଶ୍ମଶାନେ ଚ ତଟେ ଵା କୁଲମଣ୍ଡଲେ ।
ଶର୍କରାସଵସଂୟୁକ୍ତୈର୍ଭକ୍ତୈର୍ଦୁଗ୍ଧୈଃ ସପାୟସୈଃ ॥ ୧୮-୧୯୫ ॥

ଅପୂପାପିଷ୍ଟସଂୟୁକ୍ତୈର୍ନୈଵେଦ୍ୟୈଶ୍ଚ ୟଥୋଚିତୈଃ ।
ନିଵେଦିତଂ ଚ ୟଦ୍ଦ୍ରଵ୍ୟଂ ଭୋକ୍ତଵ୍ୟଂ ଚ ଵିଧାନତଃ ॥ ୧୮-୧୯୬ ॥

ତନ୍ନ ଚେଦ୍ ଭୁଜ୍ୟତେ ମୋହାଦ୍ ଭୋକ୍ତୁଂ ନେଚ୍ଛନ୍ତି ଦେଵତାଃ ।
ଅନେନୈଵ ଵିଧାନେନ ୟୋଽର୍ଚୟେତ୍ ପରମେଶ୍ଵରୀମ୍ ॥ ୧୮-୧୯୭ ॥

ସ ଭୂମିଵଲୟେ ଦେଵି ସାକ୍ଷାଦୀଶୋ ନ ସଂଶୟଃ ।
ମହାଶଙ୍ଖେନ ଦେଵେଶି ସର୍ଵଂ କାର୍ୟଂ ଜପାଦିକମ୍ ॥ ୧୮-୧୯୮ ॥

କୁଲସର୍ଵସ୍ଵକସ୍ୟୈଵଂ ପ୍ରଭାଵୋ ଵର୍ଣିତୋ ମୟା ।
ନ ଶକ୍ୟତେ ସମାଖ୍ୟାତୁଂ ଵର୍ଷକୋଟିଶତୈରପି ॥ ୧୮-୧୯୯ ॥

କିଞ୍ଚିଦ୍ ମୟା ଚ ଚାପଲ୍ୟାତ୍ କଥିତଂ ପରମେଶ୍ଵରି ।
ଜନ୍ମାନ୍ତରସହସ୍ରେଣ ଵର୍ଣିତୁଂ ନୈଵ ଶକ୍ୟତେ ॥ ୧୮-୨୦୦ ॥

କୁଲୀନାୟ ପ୍ରଦାତଵ୍ୟଂ ତାରାଭକ୍ତିପରାୟ ଚ ।
ଅନ୍ୟଭକ୍ତାୟ ନୋ ଦେୟଂ ଵୈଷ୍ଣଵାୟ ଵିଶେଷତଃ ॥ ୧୮-୨୦୧ ॥

କୁଲୀନାୟ ମହେଚ୍ଛାୟ ଭକ୍ତିଶ୍ରଦ୍ଧାପରାୟ ଚ ।
ମହାତ୍ମନେ ସଦା ଦେୟଂ ପରୀକ୍ଷିତଗୁଣାୟ ଚ ॥ ୧୮-୨୦୨ ॥

ନାଭକ୍ତାୟ ପ୍ରଦାତଵ୍ୟଂ ପଥ୍ୟନ୍ତରପରାୟ ଚ ।
ନ ଦେୟଂ ଦେଵଦେଵେଶି ଗୋପ୍ୟଂ ସର୍ଵାଗମେଷୁ ଚ ॥ ୧୮-୨୦୩ ॥

ପୂଜାଜପଵିହୀନାୟ ସ୍ତ୍ରୀସୁରାନିନ୍ଦକାୟ ଚ ।
ନ ସ୍ତଵଂ ଦର୍ଶୟେତ୍ କ୍ଵାପି ସନ୍ଦର୍ଶ୍ୟ ଶିଵହା ଭଵେତ୍ ॥ ୧୮-୨୦୪ ॥

ପଠନୀୟଂ ସଦା ଦେଵି ସର୍ଵାଵସ୍ଥାସୁ ସର୍ଵଦା ।
ୟଃ ସ୍ତୋତ୍ରଂ କୁଲନାୟିକେ ପ୍ରତିଦିନଂ ଭକ୍ତ୍ୟା ପଠେଦ୍ ମାନଵଃ
ସ ସ୍ୟାଦ୍ଵିତ୍ତଚୟୈର୍ଧନେଶ୍ଵରସମୋ ଵିଦ୍ୟାମଦୈର୍ଵାକ୍ପତିଃ ।
ସୌନ୍ଦର୍ୟେଣ ଚ ମୂର୍ତିମାନ୍ ମନସିଜଃ କୀର୍ତ୍ୟା ଚ ନାରାୟଣଃ
ଶକ୍ତ୍ୟା ଶଙ୍କର ଏଵ ସୌଖ୍ୟଵିଭଵୈର୍ଭୂମେଃ ପତିର୍ନାନ୍ୟଥା ॥ ୧୮-୨୦୫ ॥

ଇତି ତେ କଥିତଂ ଗୁହ୍ୟଂ ତାରାନାମସହସ୍ରକମ୍ ।
ଅସ୍ମାତ୍ ପରତରଂ ସ୍ତୋତ୍ରଂ ନାସ୍ତି ତନ୍ତ୍ରେଷୁ ନିଶ୍ଚୟଃ ॥ ୧୮-୨୦୬ ॥

ଇତି ଶ୍ରୀବୃହନ୍ନୀଲତନ୍ତ୍ରେ ଭୈରଵଭୈରଵୀସଂଵାଦେ ତାରାସହସ୍ରନାମନିରୂପଣଂ
ଅଷ୍ଟାଦଶଃ ପଟଲଃ ॥ ୧୮ ॥

Also Read 1000 Names of Tara Brihan Nila Tantra:

1000 Names of Tara from Brihannilatantra | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment