Yamuna or Kalindi Sahasranamastotram Lyrics in Bengali:
॥ শ্রী য়মুনা অপরনাম কালিন্দীসহস্রনামস্তোত্রম্ ॥
গর্গসংহিতাতঃ
মান্ধাতোবাচ
নাম্নাং সহস্রং কৃষ্ণায়াঃ সর্বসিদ্ধিকরং পরম্ ।
বদ মাং মুনিশার্দূল ত্বং সর্বজ্ঞো নিরাময়ঃ ॥ ১ ॥
সৌভরিরুবাচ
নাম্নাং সহস্রং কালিন্দ্যা মান্ধাতস্তে বদাম্যহম্ ।
সর্বসিদ্ধিকরং দিব্যং শ্রীকৃষ্ণবশকারকম্ ॥ ২ ॥
বিনিয়োগঃ ॥
অস্য শ্রীকালিন্দীসহস্রনামস্তোত্রমন্ত্রস্য সৌভরিরৃষিঃ ।
শ্রীয়মুনা দেবতা । অনুষ্টুপ্ ছন্দঃ । মায়াবীজমিতি কীলকম্ ।
রমাবীজমিতি শক্তিঃ । শ্রী কালিন্দনন্দিনীপ্রসাদসিদ্ধ্যর্থে পাঠে
বিনিয়োগঃ ।
অথ ধ্যানম্ ॥
ওঁ শ্যামামম্ভোজনেত্রাং সঘনঘনরুচিং রত্নমঞ্জীরকূজত্
কাঞ্চীকেয়ূরয়ুক্তাং কনকমণিময়ে বিভ্রতীং কুণ্ডলে দ্বে ।
ভাজচ্ছীনীলবস্ত্রাং স্ফুরদমলচলদ্ধারভারাং মনোজ্ঞাং
ধ্যায়েন্মার্তণ্ডপুত্রীং তনুকিরণচয়োদ্দীপ্তদীপাভিরামাম্ ॥ ৩ ॥
ওঁ কালিন্দী য়মুনা কৃষ্ণা কৃষ্ণরূপা সনাতনী ।
কৃষ্ণবামাংসসম্ভূতা পরমানন্দরূপিণী ॥ ৪ ॥
গোলোকবাসিনী শ্যামা বৃন্দাবনবিনোদিনী ।
রাধাসখী রাসলীলা রাসমণ্ডলমণ্ডিতা ॥ ৫ ॥
নিকুঞ্জমাধবীবল্লী রঙ্গবল্লীমনোহরা ।
শ্রীরাসমণ্ডলীভূতা য়ূথীভূতা হরিপ্রিয়া ॥ ৬ ॥
গোলোকতটিনী দিব্যা নিকুঞ্জতলবাসিনী ।
দীর্ঘোর্মিবেগগম্ভীরা পুষ্পপল্লববাসিনী ॥ ৭ ॥
ঘনশ্যামা মেঘমালা বলাকা পদ্মমালিনী ।
পরিপূর্ণতমা পূর্ণা পূর্ণব্রহ্মপ্রিয়া পরা ॥ ৮ ॥
মহাবেগবতী সাক্ষান্নিকুঞ্জদ্বারনির্গতা ।
মহানদী মন্দগতির্বিরজা বেগভেদিনী ॥ ৯ ॥
অনেকব্রহ্মাণ্ডগতা ব্রহ্মদ্রবসমাকুলা ।
গঙ্গা মিশ্রা নির্জলাভা নির্মলা সরিতাং বরা ॥ ১০ ॥
রত্নবদ্ধোভয়তটা হংসপদ্মাদিসঙ্কুলা । var তটী
নদী নির্মলপানীয়া সর্বব্রহ্মাণ্ডপাবনী ॥ ১১ ॥
বৈকুণ্ঠপরিখীভূতা পরিখা পাপহারিণী ।
ব্রহ্মলোকাগতা ব্রাহ্মী স্বর্গা স্বর্গনিবাসিনী ॥ ১২ ॥
উল্লসন্তী প্রোত্পতন্তী মেরুমালা মহোজ্জ্বলা ।
শ্রীগঙ্গাম্ভঃ শিখরিণী গণ্ডশৈলবিভেদিনী ॥ ১৩ ॥
দেশান্পুনন্তী গচ্ছন্তী মহতী ভূমিমধ্যগা ।
মার্তণ্ডতনুজা পুণ্যা কলিন্দগিরিনন্দিনী ॥ ১৪ ॥
য়মস্বসা মন্দহাসা সুদ্বিজা রচিতাম্বরা ।
নীলাম্বরা পদ্মমুখী চরন্তী চারুদর্শনা ॥ ১৫ ॥
রম্ভোরূঃ পদ্মনয়না মাধবী প্রমদোত্তমা ।
তপশ্চরন্তী সুশ্রোণী কূজন্নূপুরমেখলা ॥ ১৬ ॥
জলস্থিতা শ্যামলাঙ্গী খাণ্ডবাভা বিহারিণী ।
গাণ্ডীবিভাষিণী বন্যা শ্রীকৃষ্ণাম্বরমিচ্ছতী ॥ ১৭ ॥
দ্বারকাগমনা রাজ্ঞী পট্টরাজ্ঞী পরঙ্গতা ।
মহারাজ্ঞী রত্নভূষা গোমতীতীরচারিণী ॥ ১৮ ॥
স্বকীয়া স্বসুখা স্বার্থা স্বীয়কার্যার্থসাধিনী ।
নবলাঙ্গাঽবলা মুগ্ধা বরাঙ্গা বামলোচনা ॥ ১৯ ॥
অজ্ঞাতয়ৌবনাঽদীনা প্রভা কান্তির্দ্যুতিশ্ছবিঃ ।
সোমাভা পরমা কীর্তিঃ কুশলা জ্ঞাতয়ৌবনা ॥ ২০ ॥
নবোঢা মধ্যগা মধ্যা প্রৌঢিঃ প্রৌঢা প্রগল্ভকা ।
ধীরাঽধীরা ধৈর্যধরা জ্যেষ্ঠা শ্রেষ্ঠা কুলাঙ্গনা ॥ ২১ ॥
ক্ষণপ্রভা চঞ্চলার্চা বিদ্যুত্সৌদামিনী তডিত্ ।
স্বাধীনপতিকা লক্ষ্মীঃ পুষ্টা স্বাধীনভর্তৃকা ॥ ২২ ॥
কলহান্তরিতা ভীরুরিচ্ছা প্রোত্কণ্ঠিতাঽঽকুলা ।
কশিপুস্থা দিব্যশয়্যা গোবিন্দহৃতমানসা ॥ ২৩ ॥
খণ্ডিতাঽখণ্ডশোভাঢ্যা বিপ্রলব্ধাঽভিসারিকা ।
বিরহার্তা বিরহিণী নারী প্রোষিতভর্তৃকা ॥ ২৪ ॥
মানিনী মানদা প্রাজ্ঞা মন্দারবনবাসিনী ।
ঝঙ্কারিণী ঝণত্কারী রণন্মঞ্জীরনূপুরা ॥ ২৫ ॥
মেখলা মেখলাকাঞ্চী শ্রীকাঞ্চী কাঞ্চনাময়ী ।
কঞ্চুকী কঞ্চুকমণিঃ শ্রীকণ্ঠাঢ্যা মহামণিঃ ॥ ২৬ ॥
শ্রীহারিণী পদ্মহারা মুক্তা মুক্তাফলার্চিতা ।
রত্নকঙ্কণকেয়ূরা স্ফরদঙ্গুলিভূষণা ॥ ২৭ ॥
দর্পণা দর্পণীভূতা দুষ্টদর্পবিনাশিনী ।
কম্বুগ্রীবা কম্বুধরা গ্রৈবেয়কবিরাজিতা ॥ ২৮ ॥
তাটঙ্কিনী দন্তধরা হেমকুণ্ডলমণ্ডিতা ।
শিখাভূষা ভালপুষ্পা নাসামৌক্তিকশোভিতা ॥ ২৯ ॥
মণিভূমিগতা দেবী রৈবতাদ্রিবিহারিণী ।
বৃন্দাবনগতা বৃন্দা বৃন্দারণ্যনিবাসিনী ॥ ৩০ ॥
বৃন্দাবনলতা মাধ্বী বৃন্দারণ্যবিভূষণা ।
সৌন্দর্যলহরী লক্ষ্মীর্মথুরাতীর্থবাসিনী ॥ ৩১ ॥
বিশ্রান্তবাসিনী কাম্যা রম্যা গোকুলবাসিনী ।
রমণস্থলশোভাঢ্যা মহাবনমহানদী ॥ ৩২ ॥
প্রণতা প্রোন্নতা পুষ্টা ভারতী ভারতার্চিতা ।
তীর্থরাজগতির্গোত্রা গঙ্গাসাগরসঙ্গমা ॥ ৩৩ ॥
সপ্তাব্ধিভেদিনী লোলা সপ্তদ্বীপগতা বলাত্ ।
লুঠন্তী শৈলভিদ্যন্তী স্ফুরন্তী বেগবত্তরা ॥ ৩৪ ॥
কাঞ্চনী কাঞ্চনীভূমিঃ কাঞ্চনীভূমিভাবিতা ।
লোকদৃষ্টির্লোকলীলা লোকালোকাচলার্চিতা ॥ ৩৫ ॥
শৈলোদ্গতা স্বর্গগতা স্বর্গার্চ্যা স্বর্গপূজিতা ।
বৃন্দাবনবনাধ্যক্ষা রক্ষা কক্ষা তটী পটী ॥ ৩৬ ॥
অসিকুণ্ডগতা কচ্ছা স্বচ্ছন্দোচ্ছলিতাদ্রিজা ।
কুহরস্থা রয়প্রস্থা প্রস্থা শান্তেতরাতুরা ॥ ৩৭ ॥
অম্বুচ্ছটা সীকরাভা দর্দুরা দর্দুরীধরা ।
পাপাঙ্কুশা পাপসিংহী পাপদ্রুমকুঠারিণী ॥ ৩৮ ॥
পুণ্যসঙ্ঘা পুণ্যকীর্তিঃ পুণ্যদা পুণ্যবর্ধিনী ।
মধোর্বননদীমুখ্যা তুলা তালবনস্থিতা ॥ ৩৯ ॥
কুমুদ্বননদী কুব্জা কুমুদাম্ভোজবর্ধিনী ।
প্লবরূপা বেগবতী সিংহসর্পাদিবাহিনী ॥ ৪০ ॥
বহুলী বহুদা বহ্বী বহুলা বনবন্দিতা ।
রাধাকুণ্ডকলারাধ্যা কৃষ্ণাকুণ্ডজলাশ্রিতা ॥ ৪১ ॥
ললিতাকুণ্ডগা ঘণ্টা বিশাখাকুণ্ডমণ্ডিতা ।
গোবিন্দকুণ্ডনিলয়া গোপকুণ্ডতরঙ্গিণী ॥ ৪২ ॥
শ্রীগঙ্গা মানসীগঙ্গা কুসুমাম্বর ভাবিনী ।
গোবর্ধিনী গোধনাঢ্যা ময়ূরী বরবর্ণিনী ॥ ৪৩ ॥
সারসী নীলকণ্ঠাভা কূজত্কোকিলপোতকী ।
গিরিরাজপ্রভূর্ভূরিরাতপত্রাতপত্রিণী ॥ ৪৪ ॥
গোবর্ধনাঙ্কা গোদন্তী দিব্যৌষধিনিধিঃ শ্রুতিঃ । var শৃতিঃ
পারদী পারদময়ী নারদী শারদী ভৃতিঃ ॥ ৪৫ ॥
শ্রীকৃষ্ণচরণাঙ্কস্থা কামা কামবনাঞ্চিতা ।
কামাটবী নন্দিনী চ নন্দগ্রামমহীধরা ॥ ৪৬ ॥
বৃহত্সানুদ্যুতিঃ প্রোতা নন্দীশ্বরসমন্বিতা ।
কাকলী কোকিলময়ী ভাণ্ডারকুশকৌশলা ॥ ৪৭ ॥
লোহার্গলপ্রদাকারা কাশ্মীরবসনাবৃতা ।
বর্হিষদী শোণপুরী শূরক্ষেত্রপুরাধিকা ॥ ৪৮ ॥
নানাভরণশোভাঢ্যা নানাবর্ণসমন্বিতা ।
নানানারীকদম্বাঢ্যা নানাবস্ত্রবিরাজিতা ॥ ৪৯ ॥
নানালোকগতা বীচির্নানাজলসমন্বিতা ।
স্ত্রীরত্নং রত্ননিলয়া ললনারত্নরঞ্জিনী ॥ ৫০ ॥
রঙ্গিণী রঙ্গভূমাঢ্যা রঙ্গা রঙ্গমহীরুহা ।
রাজবিদ্যা রাজগুহ্যা জগত্কীর্তির্ঘনাপহা ॥ ৫১ ॥
বিলোলঘণ্টা কৃষ্ণাঙ্গী কৃষ্ণদেহসমুদ্ভবা ।
নীলপঙ্কজবর্ণাভা নীলপঙ্কজহারিণী ॥ ৫২ ॥
নীলাভা নীলপদ্মাঢ্যা নীলাম্ভোরুহবাসিনী ।
নাগবল্লী নাগপুরী নাগবল্লীদলার্চিতা ॥ ৫৩ ॥
তাম্বূলচর্চিতা চর্চা মকরন্দমনোহরা ।
সকেসরা কেসরিণী কেশপাশাভিশোভিতা ॥ ৫৪ ॥
কজ্জলাভা কজ্জলাক্তা কজ্জলীকলিতাঞ্জনা ।
অলক্তচরণা তাম্রা লালাতাম্রকৃতাম্বরা ॥ ৫৫ ॥
সিন্দূরিতা লিপ্তবাণী সুশ্রীঃ শ্রীখণ্ডমণ্ডিতা ।
পাটীরপঙ্কবসনা জটামাংসীরুচাম্বরা ॥ ৫৬ ॥
আগর্য্যগরুগন্ধাক্তা তগরাশ্রিতমারুতা ।
সুগন্ধিতৈলরুচিরা কুন্তলালিঃ সুকুন্তলা ॥ ৫৭ ॥
শকুন্তলাঽপাংসুলা চ পাতিব্রত্যপরায়ণা ।
সূর্যকোটিপ্রভা সূর্যকন্যা সূর্যসমুদ্ভবা ॥ ৫৮ ॥
কোটিসূর্যপ্রতীকাশা সূর্যজা সূর্যনন্দিনী ।
সংজ্ঞা সংজ্ঞাসুতা স্বেচ্ছা সংজ্ঞামোদপ্রদায়িনী ॥ ৫৯ ॥
সংজ্ঞাপুত্রী স্ফুরচ্ছায়া তপন্তী তাপকারিণী ।
সাবর্ণ্যানুভবা বেদী বডবা সৌখ্যপ্রদায়িনী ॥ ৬০ ॥
শনৈশ্চরানুজা কীলা চন্দ্রবংশবিবর্ধিনী ।
চন্দ্রবংশবধূশ্চন্দ্রা চন্দ্রাবলিসহায়িনী ॥ ৬১ ॥
চন্দ্রাবতী চন্দ্রলেখা চন্দ্রকান্তানুগাংশুকা ।
ভৈরবী পিঙ্গলাশঙ্কী লীলাবত্যাগরীময়ী ॥ ৬২ ॥
ধনশ্রীর্দেবগান্ধারী স্বর্মণির্গুণবর্ধিনী ।
ব্রজমল্লার্যন্ধকরী বিচিত্রা জয়কারিণী ॥ ৬৩ ॥ var ব্রজ
গান্ধারী মঞ্জরী টোঢী গুর্জর্যাসাবরী জয়া ।
কর্ণাটী রাগিণী গৌডী বৈরাটী গারবাটিকা ॥ ৬৪ ॥
চতুশ্চন্দ্রকলা হেরী তৈলঙ্গী বিজয়াবতী ।
তালী তালস্বরা গানক্রিয়া মাত্রাপ্রকাশিনী ॥ ৬৫ ॥
বৈশাখী চঞ্চলা চারুর্মাচারী ঘুঙ্ঘটী ঘটা ।
বৈরাগরী সোরঠী সা কৈদারী জলধারিকা ॥ ৬৬ ॥
কামাকরশ্রীকল্যাণী গৌডকল্যাণমিশ্রিতা ।
রামসঞ্জীবনী হেলা মন্দারী কামরূপিণী ॥ ৬৭ ॥
সারঙ্গী মারুতী হোঢা সাগরী কামবাদিনী ।
বৈভাসী মঙ্গলা চান্দ্রী রাসমণ্ডলমণ্ডনা ॥ ৬৮ ॥ var বৈভাসা
কামধেনুঃ কামলতা কামদা কমনীয়কা ।
কল্পবৃক্ষস্থলী স্থূলা ক্ষুধা সৌধনিবাসিনী ॥ ৬৯ ॥
গোলোকবাসিনী সুভ্রূর্যষ্টিভৃদ্দ্বারপালিকা ।
শৃঙ্গারপ্রকরা শৃঙ্গা স্বচ্ছাক্ষয়্যোপকারিকা ॥ ৭০ ॥
পার্ষদা সুমুখী সেব্যা শ্রীবৃন্দাবনপালিকা ।
নিকুঞ্জভৃত্কুঞ্জপুঞ্জা গুঞ্জাভরণভূষিতা ॥ ৭১ ॥
নিকুঞ্জবাসিনী প্রেষ্যা গোবর্ধনতটীভবা ।
বিশাখা ললিতা রামা নীরজা মধুমাধবী ॥ ৭২ ॥ var নীরুজা
একানেকসখী শুক্লা সখীমধ্যা মহামনাঃ ।
শ্রুতিরূপা ঋষিরূপা মৈথিলাঃ কৌশলাঃ স্ত্রিয়ঃ ॥ ৭ ॥
অয়োধ্যাপুরবাসিন্যো য়জ্ঞসীতাঃ পুলিন্দকাঃ ।
রমা বৈকুণ্ঠবাসিন্যঃ শ্বেতদ্বীপসখীজনাঃ ॥ ৭৪ ॥
ঊর্ধ্ববৈকুণ্ঠবাসিন্যো দিব্যাজিতপদাশ্রিতাঃ ।
শ্রীলোকাচলবাসিন্যঃ শ্রীসখ্যঃ সাগরোদ্ভবাঃ ॥ ৭৫ ॥
দিব্যা অদিব্যা দিব্যাঙ্গা ব্যাপ্তাস্ত্রিগুণবৃত্তয়ঃ ।
ভূমিগোপ্যো দেবনার্যো লতা ওষধিবীরুধঃ ॥ ৭৬ ॥
জালন্ধর্যঃ সিন্ধুসুতাঃ পৃথুবর্হিষ্মতীভবাঃ ।
দিব্যাম্বরা অপ্সরসঃ সৌতলা নাগকন্যকাঃ ॥ ৭৭ ॥
পরং ধাম পরং ব্রহ্ম পৌরুষা প্রকৃতিঃ পরা ।
তটস্থা গুণভূর্গীতা গুণাগুণময়ী গুণা ॥ ৭৮ ॥
চিদ্ঘনা সদসন্মালা দৃষ্টির্দৃশ্যা গুণাকরা ।
মহত্তত্ত্বমহঙ্কারো মনো বুদ্ধিঃ প্রচেতনা ॥ ৭৯ ॥
চেতোবৃত্তিঃ স্বান্তরাত্মা চতুর্ধা চতুরক্ষরা ।
চতুর্ব্যূহা চতুর্মূর্তির্ব্যোম বায়ুরদো জলম্ ॥ ৮০ ॥
মহী শব্দো রসো গন্ধঃ স্পর্শো রূপমনেকধা ।
কর্মেন্দ্রিয়ং কর্মময়ী জ্ঞানং জ্ঞানেন্দ্রিয়ং দ্বিধা ॥ ৮১ ॥
ত্রিধাধিভূতমধ্যাত্মমধিদৈবমধিস্থিতম্ ।
জ্ঞানশক্তিঃ ক্রিয়াশক্তিঃ সর্বদেবাধিদেবতা ॥ ৮২ ॥
তত্ত্বসঙ্ঘা বিরাণ্মূর্তির্ধারণা ধারণাময়ী ।
শ্রুতিঃ স্মৃতির্বেদমূর্তিঃ সংহিতা গর্গসংহিতা ॥ ৮৩ ॥
পারাশরী সৈব সৃষ্টিঃ পারহংসী বিধাতৃকা ।
য়াজ্ঞবল্কী ভাগবতী শ্রীমদ্ভাগবতার্চিতা ॥ ৮৪ ॥
রামায়ণময়ী রম্যা পুরাণপুরুষপ্রিয়া ।
পুরাণমূর্তিঃ পুণ্যাঙ্গী শাস্ত্রমূর্তির্মহোন্নতা ॥ ৮৫ ॥
মনীষা ধিষণা বুদ্ধির্বাণী ধীঃ শেমুষী মতিঃ ।
গায়ত্রী বেদসাবিত্রী ব্রহ্মাণী ব্রহ্মলক্ষণা ॥ ৮৬ ॥
দুর্গাঽপর্ণা সতী সত্যা পার্বতী চণ্ডিকাম্বিকা ।
আর্যা দাক্ষায়ণী দাক্ষী দক্ষয়জ্ঞবিঘাতিনী ॥ ৮৭ ॥
পুলোমজা শচীন্দ্রাণী বেদী দেববরার্পিতা ।
বয়ুনাধারিণী ধন্যা বায়বী বায়ুবেগগা ॥ ৮৮ ॥
য়মানুজা সংয়মনী সংজ্ঞা ছায়া স্ফুরদ্দ্যুতিঃ ।
রত্নদেবী রত্নবৃন্দা তারা তরণিমণ্ডলা ॥ ৮৯ ॥
রুচিঃ শান্তিঃ ক্ষমা শোভা দয়া দক্ষা দ্যুতিস্ত্রপা ।
তলতুষ্টির্বিভা পুষ্টিঃ সন্তুষ্টিঃ পুষ্টভাবনা ॥ ৯০ ॥
চতুর্ভুজা চারুনেত্রা দ্বিভুজাষ্টভুজা বলা ।
শঙ্খহস্তা পদ্মহস্তা চক্রহস্তা গদাধরা ॥ ৯১ ॥
নিষঙ্গধারিণী চর্মখড্গপাণির্ধনুর্ধরা ।
ধনুষ্টঙ্কারিণী য়োদ্ধ্রী দৈত্যোদ্ভটবিনাশিনী ॥ ৯২ ॥
রথস্থা গরুডারূঢা শ্রীকৃষ্ণহৃদয়স্থিতা ।
বংশীধরা কৃষ্ণবেষা স্রগ্বিণী বনমালিনী ॥ ৯৩ ॥
কিরীটধারিণী য়ানা মন্দা মন্দগতির্গতিঃ ।
চন্দ্রকোটিপ্রতীকাশা তন্বী কোমলবিগ্রহা ॥ ৯৪ ॥
ভৈষ্মী ভীষ্মসুতা ভীমা রুক্মিণী রুক্মরূপিণী ।
সত্যভামা জাম্ববতী সত্যা ভদ্রা সুদক্ষিণা ॥ ৯৫ ॥
মিত্রবিন্দা সখীবৃন্দা বৃন্দারণ্যধ্বজোর্ধ্বগা ।
শৃঙ্গারকারিণী শৃঙ্গা শৃঙ্গভূঃ শৃঙ্গদাঽঽশুগা ॥ ৯৬ ॥
তিতিক্ষেক্ষা স্মৃতিঃ স্পর্ধা স্পৃহা শ্রদ্ধা স্বনির্বৃতিঃ ।
ঈশা তৃষ্ণাভিধা প্রীতির্হিতা য়াঞ্চা ক্লমা কৃষিঃ ॥ ৯৭ ॥
আশা নিদ্রা য়োগনিদ্রা য়োগিনী য়োগদা য়ুগা ।
নিষ্ঠা প্রতিষ্ঠা সমিতিঃ সত্ত্বপ্রকৃতিরুত্তমা ॥ ৯৮ ॥
তমঃপ্রকৃতির্দুর্মর্ষা রজঃপ্রকৃতিরানতিঃ ।
ক্রিয়াঽক্রিয়াকৃতির্গ্লানিঃ সাত্ত্বিক্যাধ্যাত্মিকী বৃষা ॥ ৯৯ ॥
সেবা শিখামণির্বৃদ্ধিরাহূতিঃ সুমতির্দ্যুভূঃ ।
রাজ্জুর্দ্বিদাম্নী ষড্বর্গা সংহিতা সৌখ্যদায়িনী ॥ ১০০ ॥
মুক্তিঃ প্রোক্তির্দেশভাষা প্রকৃতিঃ পিঙ্গলোদ্ভবা ।
নাগভাবা নাগভূষা নাগরী নগরী নগা ॥ ১০১ ॥
নৌর্নৌকা ভবনৌর্ভাব্যা ভবসাগরসেতুকা ।
মনোময়ী দারুময়ী সৈকতী সিকতাময়ী ॥ ১০২ ॥
লেখ্যা লেপ্যা মণিময়ী প্রতিমা হেমনির্মিতা ।
শৈলা শৈলভবা শীলা শীলারামা চলাঽচলা ॥ ১০৩ ॥ var শীকরাভা
অস্থিতা স্বস্থিতা তূলী বৈদিকী তান্ত্রিকী বিধিঃ ।
সন্ধ্যা সন্ধ্যাভ্রবসনা বেদসন্ধিঃ সুধাময়ী ॥ ১০৪ ॥
সায়ন্তনী শিখাবেদ্যা সূক্ষ্মা জীবকলা কৃতিঃ ।
আত্মভূতা ভাবিতাঽণ্বী প্রহ্বা কমলকর্ণিকা ॥ ১০৫ ॥
নীরাজনী মহাবিদ্যা কন্দলী কার্যসাধিনী ।
পূজা প্রতিষ্ঠা বিপুলা পুনন্তী পারলৌকিকী ॥ ১০৬ ॥
শুক্লশুক্তির্মৌক্তিকা চ প্রতীতিঃ পরমেশ্বরী ।
বিরাজোষ্ণিগ্বিরাড্বেণী বেণুকা বেণুনাদিনী ॥ ১০৭ ॥
আবর্তিনী বার্তিকদা বার্ত্তা বৃত্তির্বিমানগা ।
সাসাঢ্যরাসিনী সাসী রাসমণ্ডলমণ্ডলী ॥ ১০৮ ॥
গোপগোপীশ্বরী গোপী গোপীগোপালবন্দিতা ।
গোচারিণী গোপনদী গোপানন্দপ্রদায়িনী ॥ ১০৯ ॥
পশব্যদা গোপসেব্যা কোটিশো গোগণাবৃতা ।
গোপানুগা গোপবতী গোবিন্দপদপাদুকা ॥ ১১০ ॥
বৃষভানুসুতা রাধা শ্রীকৃষ্ণবশকারিণী ।
কৃষ্ণপ্রাণাধিকা শশ্বদ্রসিকা রসিকেশ্বরী ॥ ১১১ ॥
অবটোদা তাম্রপর্ণী কৃতমালা বিহায়সী ।
কৃষ্ণা বেণী ভীমরথী তাপী রেবা মহাপগা ॥ ১১২ ॥
বৈয়াসকী চ কাবেরী তুঙ্গভদ্রা সরস্বতী ।
চন্দ্রভাগা বেত্রবতী গোবিন্দপদপাদুকা ॥ ১১৩ ॥
গোমতী কৌশিকী সিন্ধুর্বাণগঙ্গাতিসিদ্ধিদা ।
গোদাবরী রত্নমালা গঙ্গা মন্দাকিনী বলা ॥ ১১৪ ॥
স্বর্ণদী জাহ্নবী বেলা বৈষ্ণবী মঙ্গলালয়া ।
বালা বিষ্ণুপদীপ্রোক্তা সিন্ধুসাগরসঙ্গতা ॥ ১১৫ ॥
গঙ্গাসাগর শোভাঢ্যা সামুদ্রী রত্নদা ধুনী ।
ভাগীরথী স্বর্ধুনী ভূঃ শ্রীবামনপদচ্যুতা ॥ ১১৬ ॥
লক্ষ্মী রমা রামণীয়া ভার্গবী বিষ্ণুবল্লভা ।
সীতার্চির্জানকী মাতা কলঙ্করহিতা কলা ॥ ১১৭ ॥
কৃষ্ণপাদাব্জসম্ভূতা সর্বা ত্রিপথগামিনী ।
ধরা বিশ্বম্ভরাঽনন্তা ভূমির্ধাত্রী ক্ষমাময়ী ॥ ১১৮ ॥
স্থিরা ধরিত্রী ধরণিরুর্বী শেষফণস্থিতা ।
অয়োধ্যা রাঘবপুরী কৌশিকী রঘুবংশজা ॥ ১১৯ ॥
মথুরা মাথুরী পন্থা য়াদবী ধ্রুবপূজিতা ।
ময়ায়ুর্বিল্বনীলা দ্বার্গঙ্গাদ্বারবিনির্গতা ॥ ১২০ ॥
কুশাবর্তময়ী ধ্রৌব্যা ধ্রুবমণ্ডলমধ্যগা । var মণ্ডলনির্গতা
কাশী শিবপুরী শেষা বিন্ধ্যা বারাণসী শিবা ॥ ১২১ ॥
অবন্তিকা দেবপুরী প্রোজ্জ্বলোজ্জয়িনী জিতা ।
দ্বারাবতী দ্বারকামা কুশভূতা কুশস্থলী ॥ ১২২ ॥
মহাপুরী সপ্তপুরী নন্দিগ্রামস্থলস্থিতা ।
শাস্ত্রগ্রামশিলাদিত্যা শম্ভলগ্রামমধ্যগা ॥ ১২৩ ॥
বংশা গোপালিনী ক্ষিপ্রা হরিমন্দিরবর্তিনী ।
বর্হিষ্মতী হস্তিপুরী শক্রপ্রস্থনিবাসিনী ॥ ১২৪ ॥
দাডিমী সৈন্ধবী জম্বুঃ পৌষ্করী পুষ্করপ্রসূঃ ।
উত্পলাবর্তগমনা নৈমিষী নিমিষাবৃতা ॥ ১২৫ ॥
কুরুজাঙ্গলভূঃ কালী হৈমাবত্যর্বুদা বুধা ।
শূকরক্ষেত্রবিদিতা শ্বেতবারাহধারিতা ॥ ১২৬ ॥
সর্বতীর্থময়ী তীর্থা তীর্থানাং কীর্তিকারিণী ।
হারিণী সর্বদোষাণাং দায়িনী সর্বসম্পদাম্ ॥ ১২৭ ॥
বর্ধিনী তেজসাং সাক্ষাদ্গর্ভবাসনিকৃন্তনী ।
গোলোকধামধনিনী নিকুঞ্জনিজমঞ্জরী ॥ ১২৮ ॥
সর্বোত্তমা সর্বপুণ্যা সর্বসৌন্দর্যশৃঙ্খলা ।
সর্বতীর্থোপরিগতা সর্বতীর্থাধিদেবতা ॥ ১২৯ ॥
শ্রীদা শ্রীশা শ্রীনিবাসা শ্রীনিধিঃ শ্রীবিভাবনা ।
স্বক্ষা স্বঙ্গা শতানন্দা নন্দা জ্যোতির্গণেশ্বরী ॥ ১৩০ ॥
পহ্লশ্রুতি
নাম্নাং সহস্রং কালিন্দ্যাঃ কীর্তিদং কামদং পরম্ ।
মহাপাপহরং পুণ্যমায়ুর্বর্ধনমুত্তমম্ ॥ ১৩১ ॥
একবারং পঠেদ্রাত্রৌ চৌরেভ্যো ন ভয়ং ভবেত্ ।
দ্বিবারং প্রপঠেন্মার্গে দস্যুভ্যো ন ভয়ং ক্বচিত্ ॥ ১৩২ ॥
দ্বিতীয়াং তু সমারভ্য পঠেত্পূর্ণাবধিং দ্বিজঃ ।
দশবারমিদং ভক্ত্যা ধ্যাত্বা দেবো কলিন্দজাম্ ॥ ১৩৩ ॥
রোগী রোগাত্প্রমুচ্যেত বদ্ধো মুচ্যেত বন্ধনাত্ ।
গুর্বিণী জনয়েত্পুত্রং বিদ্যার্থী পণ্ডিতো ভবেত্ ॥ ১৩৪ ॥
মোহনং স্তম্ভনং শশ্বদ্বশীকরণমেব চ ।
উচ্চাটনং পাতনং চ শোষণং দীপনং তথা ॥ ১৩৫ ॥
উন্মাদনং তাপনং চ নিধিদর্শনমেব চ ।
য়দ্যদ্বাঞ্ছতি চিত্তেন তত্তত্প্রাপ্নোতি মানবঃ ॥ ১৩৬ ॥
ব্রাহ্মণো ব্রহ্মবর্চস্বী রাজন্যো জগতীপতিঃ ।
বৈশ্যো নিধিপতির্ভূয়াচ্ছূদ্রঃ শ্রুত্বা তু নির্মলঃ ॥ ১৩৭ ॥
পূজাকালে তু য়ো নিত্যং পঠতে ভক্তিভাবতঃ ।
লিপ্যতে ন স পাপেন পদ্মপত্রমিবাম্ভসা ॥ ১৩৮ ॥
শতবারং পঠেন্নিত্যং বর্ষাবধিমতঃ পরম্ ।
পটলং পদ্ধতিং কৃত্বা স্তবং চ কবচং তথা ॥ ১৩৯ ॥
সপ্তদ্বীপমহীরাজ্যং প্রাপ্নুয়ান্নাত্র সংশয়ঃ ।
নিষ্কারণং পঠেদ্যস্তু য়মুনাভক্তিসংয়ুতঃ ॥ ১৪০ ॥
ত্রৈবর্গ্যমেত্য সুকৃতী জীবন্মুক্তো ভবেদিহ ॥ ১৪১ ॥
নিকুঞ্জলীলাললিতং মনোহরং
কলিন্দজাকূললতাকদম্বকম্ ।
বৃন্দাবনোন্মত্তমিলিন্দশব্দিতং
ব্রজেত্স গোলোকমিদং পঠেচ্চ য়ঃ ॥ ১৪২ ॥
॥ ইতি গর্গসংহিতায়াং শ্রীয়মুনাসহস্রনামস্তোত্রং সম্পূর্ণম্ ॥
Also Read 1000 Names of Yamuna or Kalindi:
1000 Names of Yamuna or Kalindi | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
