Kalisahasranamastotra from Brihannilatantra Lyrics in Oriya:
॥ କାଲୀସହସ୍ରନାମସ୍ତୋତ୍ରମ୍ ॥
ବୃହନ୍ନୀଲତନ୍ତ୍ରାନ୍ତର୍ଗତମ୍
ଶ୍ରୀଦେଵ୍ୟୁଵାଚ ।
ପୂର୍ଵଂ ହି ସୂଚିତଂ ଦେଵ କାଲୀନାମସହସ୍ରକମ୍ ।
ତଦ୍ଵଦସ୍ଵ ମହାଦେଵ ୟଦି ସ୍ନେହୋଽସ୍ତି ମାଂ ପ୍ରତି ॥ ୧ ॥
ଶ୍ରୀଭୈରଵ ଉଵାଚ ।
ତନ୍ତ୍ରେଽସ୍ମିନ୍ ପରମେଶାନି କାଲୀନାମସହସ୍ରକମ୍ ।
ଶୃଣୁଷ୍ଵୈକମନା ଦେଵି ଭକ୍ତାନାଂ ପ୍ରୀତିଵର୍ଦ୍ଧନମ୍ ॥ ୨ ॥
ଓଂ ଅସ୍ୟାଃ ଶ୍ରୀକାଲୀଦେଵ୍ୟାଃ ମନ୍ତ୍ରସହସ୍ରନାମସ୍ତୋତ୍ରସ୍ୟ
ମହାକାଲଭୈରଵ ଋଷିଃ । ଅନୁଷ୍ଟୁପ୍ ଛନ୍ଦଃ । ଶ୍ରୀକାଲୀ ଦେଵତା ।
କ୍ରୀଂ ବୀଜମ୍ । ହୂଂ ଶକ୍ତିଃ । ହ୍ରୀଂ କୀଲକମ୍ । ଧର୍ମାର୍ଥକାମମୋକ୍ଷାର୍ଥେ ଵିନିୟୋଗଃ ॥
କାଲିକା କାମଦା କୁଲ୍ଲା ଭଦ୍ରକାଲୀ ଗଣେଶ୍ଵରୀ ।
ଭୈରଵୀ ଭୈରଵପ୍ରୀତା ଭଵାନୀ ଭଵମୋଚିନୀ ॥ ୩ ॥
କାଲରାତ୍ରିର୍ମହାରାତ୍ରିର୍ମୋହରାତ୍ରିଶ୍ଚ ମୋହିନୀ ।
ମହାକାଲରତା ସୂକ୍ଷ୍ମା କୌଲଵ୍ରତପରାୟଣା ॥ ୪ ॥
କୋମଲାଙ୍ଗୀ କରାଲାଙ୍ଗୀ କମନୀୟା ଵରାଙ୍ଗନା ।
ଗନ୍ଧଚନ୍ଦନଦିଗ୍ଧାଙ୍ଗୀ ସତୀ ସାଧ୍ଵୀ ପତିଵ୍ରତା ॥ ୫ ॥
କାକିନୀ ଵର୍ଣରୂପା ଚ ମହାକାଲକୁଟୁମ୍ବିନୀ ।
କାମହନ୍ତ୍ରୀ କାମକଲା କାମଵିଜ୍ଞା ମହୋଦୟା ॥ ୬ ॥
କାନ୍ତରୂପା ମହାଲକ୍ଷ୍ମୀର୍ମହାକାଲସ୍ଵରୂପିଣୀ ।
କୁଲୀନା କୁଲସର୍ଵସ୍ଵା କୁଲଵର୍ତ୍ମପ୍ରଦର୍ଶିକା ॥ ୭ ॥
କୁଲରୂପା ଚକୋରାକ୍ଷୀ ଶ୍ରୀଦୁର୍ଗା ଦୁର୍ଗନାଶିନୀ ।
କନ୍ୟା କୁମାରୀ ଗୌରୀ ତୁ କୃଷ୍ଣଦେହା ମହାମନାଃ ॥ ୮ ॥
କୃଷ୍ଣାଙ୍ଗୀ ନୀଲଦେହା ଚ ପିଙ୍ଗକେଶୀ କୃଶୋଦରୀ ।
ପିଙ୍ଗାକ୍ଷୀ କମଲପ୍ରୀତା କାଲୀ କାଲପରାକ୍ରମା ॥ ୯ ॥
କଲାନାଥପ୍ରିୟା ଦେଵୀ କୁଲକାନ୍ତାଽପରାଜିତା ।
ଉଗ୍ରତାରା ମହୋଗ୍ରା ଚ ତଥା ଚୈକଜଟା ଶିଵା ॥ ୧୦ ॥
ନୀଲା ଘନା ବଲାକା ଚ କାଲଦାତ୍ରୀ କଲାତ୍ମିକା ।
ନାରାୟଣପ୍ରିୟା ସୂକ୍ଷ୍ମା ଵରଦା ଭକ୍ତଵତ୍ସଲା ॥ ୧୧ ॥
ଵରାରୋହା ମହାବାଣା କିଶୋରୀ ୟୁଵତୀ ସତୀ ।
ଦୀର୍ଘାଙ୍ଗୀ ଦୀର୍ଘକେଶା ଚ ନୃମୁଣ୍ଡଧାରିଣୀ ତଥା ॥ ୧୨ ॥
ମାଲିନୀ ନରମୁଣ୍ଡାଲୀ ଶଵମୁଣ୍ଡାସ୍ଥିଧାରିଣୀ ।
ରକ୍ତନେତ୍ରା ଵିଶାଲାକ୍ଷୀ ସିନ୍ଦୂରଭୂଷଣା ମହୀ ॥ ୧୩ ॥
ଘୋରରାତ୍ରିର୍ମହାରାତ୍ରିର୍ଘୋରାନ୍ତକଵିନାଶିନୀ ।
ନାରସିଂହୀ ମହାରୌଦ୍ରୀ ନୀଲରୂପା ଵୃଷାସନା ॥ ୧୪ ॥
ଵିଲୋଚନା ଵିରୂପାକ୍ଷୀ ରକ୍ତୋତ୍ପଲଵିଲୋଚନା ।
ପୂର୍ଣେନ୍ଦୁଵଦନା ଭୀମା ପ୍ରସନ୍ନଵଦନା ତଥା ॥ ୧୫ ॥
ପଦ୍ମନେତ୍ରା ଵିଶାଲାକ୍ଷୀ ଶରଜ୍ଜ୍ୟୋତ୍ସ୍ନାସମାକୁଲା ।
ପ୍ରଫୁଲ୍ଲପୁଣ୍ଡରୀକାଭଲୋଚନା ଭୟନାଶିନୀ ॥ ୧୬ ॥
ଅଟ୍ଟହାସା ମହୋଚ୍ଛ୍ଵାସା ମହାଵିଘ୍ନଵିନାଶିନୀ ।
କୋଟରାକ୍ଷୀ କୃଶଗ୍ରୀଵା କୁଲତୀର୍ଥପ୍ରସାଧିନୀ ॥ ୧୭ ॥
କୁଲଗର୍ତପ୍ରସନ୍ନାସ୍ୟା ମହତୀ କୁଲଭୂଷିକା ।
ବହୁଵାକ୍ୟାମୃତରସା ଚଣ୍ଡରୂପାତିଵେଗିନୀ ॥ ୧୮ ॥
ଵେଗଦର୍ପା ଵିଶାଲୈନ୍ଦ୍ରୀ ପ୍ରଚଣ୍ଡଚଣ୍ଡିକା ତଥା ।
ଚଣ୍ଡିକା କାଲଵଦନା ସୁତୀକ୍ଷ୍ଣନାସିକା ତଥା ॥ ୧୯ ॥
ଦୀର୍ଘକେଶୀ ସୁକେଶୀ ଚ କପିଲାଙ୍ଗୀ ମହାରୁଣା ।
ପ୍ରେତଭୂଷଣସମ୍ପ୍ରୀତା ପ୍ରେତଦୋର୍ଦଣ୍ଡଘଣ୍ଟିକା ॥ ୨୦ ॥
ଶଙ୍ଖିନୀ ଶଙ୍ଖମୁଦ୍ରା ଚ ଶଙ୍ଖଧ୍ଵନିନିନାଦିନୀ ।
ଶ୍ମଶାନଵାସିନୀ ପୂର୍ଣା ପୂର୍ଣେନ୍ଦୁଵଦନା ଶିଵା ॥ ୨୧ ॥
ଶିଵପ୍ରୀତା ଶିଵରତା ଶିଵାସନସମାଶ୍ରୟା ।
ପୁଣ୍ୟାଲୟା ମହାପୁଣ୍ୟା ପୁଣ୍ୟଦା ପୁଣ୍ୟଵଲ୍ଲଭା ॥ ୨୨ ॥
ନରମୁଣ୍ଡଧରା ଭୀମା ଭୀମାସୁରଵିନାଶିନୀ ।
ଦକ୍ଷିଣା ଦକ୍ଷିଣାପ୍ରୀତା ନାଗୟଜ୍ଞୋପଵୀତିନୀ ॥ ୨୩ ॥
ଦିଗମ୍ବରୀ ମହାକାଲୀ ଶାନ୍ତା ପୀନୋନ୍ନତସ୍ତନୀ ।
ଘୋରାସନା ଘୋରରୂପା ସୃକ୍ପ୍ରାନ୍ତେ ରକ୍ତଧାରିକା ॥ ୨୪ ॥
ମହାଧ୍ଵନିଃ ଶିଵାସକ୍ତା ମହାଶବ୍ଦା ମହୋଦରୀ ।
କାମାତୁରା କାମସକ୍ତା ପ୍ରମତ୍ତା ଶକ୍ତଭାଵନା ॥ ୨୫ ॥
ସମୁଦ୍ରନିଲୟା ଦେଵୀ ମହାମତ୍ତଜନପ୍ରିୟା ।
କର୍ଷିତା କର୍ଷଣପ୍ରୀତା ସର୍ଵାକର୍ଷଣକାରିଣୀ ॥ ୨୬ ॥
ଵାଦ୍ୟପ୍ରୀତା ମହାଗୀତରକ୍ତା ପ୍ରେତନିଵାସିନୀ ।
ନରମୁଣ୍ଡସୃଜା ଗୀତା ମାଲିନୀ ମାଲ୍ୟଭୂଷିତା ॥ ୨୭ ॥
ଚତୁର୍ଭୁଜା ମହାରୌଦ୍ରୀ ଦଶହସ୍ତା ପ୍ରିୟାତୁରା ।
ଜଗନ୍ମାତା ଜଗଦ୍ଧାତ୍ରୀ ଜଗତୀ ମୁକ୍ତିଦା ପରା ॥ ୨୮ ॥
ଜଗଦ୍ଧାତ୍ରୀ ଜଗତ୍ତ୍ରାତ୍ରୀ ଜଗଦାନନ୍ଦକାରିଣୀ ।
ଜଗଜ୍ଜୀଵମୟୀ ହୈମଵତୀ ମାୟା ମହାକଚା ॥ ୨୯ ॥
ନାଗାଙ୍ଗୀ ସଂହୃତାଙ୍ଗୀ ଚ ନାଗଶୟ୍ୟାସମାଗତା ।
କାଲରାତ୍ରିର୍ଦାରୁଣା ଚ ଚନ୍ଦ୍ରସୂର୍ୟପ୍ରତାପିନୀ ॥ ୩୦ ॥
ନାଗେନ୍ଦ୍ରନନ୍ଦିନୀ ଦେଵକନ୍ୟା ଚ ଶ୍ରୀମନୋରମା ।
ଵିଦ୍ୟାଧରୀ ଵେଦଵିଦ୍ୟା ୟକ୍ଷିଣୀ ଶିଵମୋହିନୀ ॥ ୩୧ ॥
ରାକ୍ଷସୀ ଡାକିନୀ ଦେଵମୟୀ ସର୍ଵଜଗଜ୍ଜୟା ।
ଶ୍ରୁତିରୂପା ତଥାଗ୍ନେୟୀ ମହାମୁକ୍ତିର୍ଜନେଶ୍ଵରୀ ॥ ୩୨ ॥
ପତିଵ୍ରତା ପତିରତା ପତିଭକ୍ତିପରାୟଣା ।
ସିଦ୍ଧିଦା ସିଦ୍ଧିସଂଦାତ୍ରୀ ତଥା ସିଦ୍ଧଜନପ୍ରିୟା ॥ ୩୩ ॥
କର୍ତ୍ରିହସ୍ତା ଶିଵାରୂଢା ଶିଵରୂପା ଶଵାସନା ।
ତମିସ୍ରା ତାମସୀ ଵିଜ୍ଞା ମହାମେଘସ୍ଵରୂପିଣୀ ॥ ୩୪ ॥
ଚାରୁଚିତ୍ରା ଚାରୁଵର୍ଣା ଚାରୁକେଶସମାକୁଲା ।
ଚାର୍ଵଙ୍ଗୀ ଚଞ୍ଚଲା ଲୋଲା ଚୀନାଚାରପରାୟଣା ॥ ୩୫ ॥
ଚୀନାଚାରପରା ଲଜ୍ଜାଵତୀ ଜୀଵପ୍ରଦାଽନଘା ।
ସରସ୍ଵତୀ ତଥା ଲକ୍ଷ୍ମୀର୍ମହାନୀଲସରସ୍ଵତୀ ॥ ୩୬ ॥
ଗରିଷ୍ଠା ଧର୍ମନିରତା ଧର୍ମାଧର୍ମଵିନାଶିନୀ ।
ଵିଶିଷ୍ଟା ମହତୀ ମାନ୍ୟା ତଥା ସୌମ୍ୟଜନପ୍ରିୟା ॥ ୩୭ ॥
ଭୟଦାତ୍ରୀ ଭୟରତା ଭୟାନକଜନପ୍ରିୟା ।
ଵାକ୍ୟରୂପା ଛିନ୍ନମସ୍ତା ଛିନ୍ନାସୁରପ୍ରିୟା ସଦା ॥ ୩୮ ॥
ଋଗ୍ଵେଦରୂପା ସାଵିତ୍ରୀ ରାଗୟୁକ୍ତା ରଜସ୍ଵଲା ।
ରଜଃପ୍ରୀତା ରଜୋରକ୍ତା ରଜଃସଂସର୍ଗଵର୍ଦ୍ଧିନୀ ॥ ୩୯ ॥
ରଜଃପ୍ଲୁତା ରଜଃସ୍ଫୀତା ରଜଃକୁନ୍ତଲଶୋଭିତା ।
କୁଣ୍ଡଲୀ କୁଣ୍ଡଲପ୍ରୀତା ତଥା କୁଣ୍ଡଲଶୋଭିତା ॥ ୪୦ ॥
ରେଵତୀ ରେଵତପ୍ରୀତା ରେଵା ଚୈରାଵତୀ ଶୁଭା ।
ଶକ୍ତିନୀ ଚକ୍ରିଣୀ ପଦ୍ମା ମହାପଦ୍ମନିଵାସିନୀ ॥ ୪୧ ॥
ପଦ୍ମାଲୟା ମହାପଦ୍ମା ପଦ୍ମିନୀ ପଦ୍ମଵଲ୍ଲଭା ।
ପଦ୍ମପ୍ରିୟା ପଦ୍ମରତା ମହାପଦ୍ମସୁଶୋଭିତା ॥ ୪୨ ॥
ଶୂଲହସ୍ତା ଶୂଲରତା ଶୂଲିନୀ ଶୂଲସଙ୍ଗିକା ।
ପିନାକଧାରିଣୀ ଵୀଣା ତଥା ଵୀଣାଵତୀ ମଘା ॥ ୪୩ ॥
ରୋହିଣୀ ବହୁଲପ୍ରୀତା ତଥା ଵାହନଵର୍ଦ୍ଧିତା ।
ରଣପ୍ରୀତା ରଣରତା ରଣାସୁରଵିନାଶିନୀ ॥ ୪୪ ॥
ରଣାଗ୍ରଵର୍ତିନୀ ରାଣା ରଣାଗ୍ରା ରଣପଣ୍ଡିତା ।
ଜଟାୟୁକ୍ତା ଜଟାପିଙ୍ଗା ଵଜ୍ରିଣୀ ଶୂଲିନୀ ତଥା ॥ ୪୫ ॥
ରତିପ୍ରିୟା ରତିରତା ରତିଭକ୍ତା ରତାତୁରା ।
ରତିଭୀତା ରତିଗତା ମହିଷାସୁରନାଶିନୀ ॥ ୪୬ ॥
ରକ୍ତପା ରକ୍ତସମ୍ପ୍ରୀତା ରକ୍ତାଖ୍ୟା ରକ୍ତଶୋଭିତା ।
ରକ୍ତରୂପା ରକ୍ତଗତା ରକ୍ତଖର୍ପରଧାରିଣୀ ॥ ୪୭ ॥
ଗଲଚ୍ଛୋଣିତମୁଣ୍ଡାଲୀ କଣ୍ଠମାଲାଵିଭୂଷିତା ।
ଵୃଷାସନା ଵୃଷରତା ଵୃଷାସନକୃତାଶ୍ରୟା ॥ ୪୮ ॥
ଵ୍ୟାଘ୍ରଚର୍ମାଵୃତା ରୌଦ୍ରୀ ଵ୍ୟାଘ୍ରଚର୍ମାଵଲୀ ତଥା ।
କାମାଙ୍ଗୀ ପରମା ପ୍ରୀତା ପରାସୁରନିଵାସିନୀ ॥ ୪୯ ॥
ତରୁଣା ତରୁଣପ୍ରାଣା ତଥା ତରୁଣମର୍ଦିନୀ ।
ତରୁଣପ୍ରେମଦା ଵୃଦ୍ଧା ତଥା ଵୃଦ୍ଧପ୍ରିୟା ସତୀ ॥ ୫୦ ॥
ସ୍ଵପ୍ନାଵତୀ ସ୍ଵପ୍ନରତା ନାରସିଂହୀ ମହାଲୟା ।
ଅମୋଘା ରୁନ୍ଧତୀ ରମ୍ୟା ତୀକ୍ଷ୍ଣା ଭୋଗଵତୀ ସଦା ॥ ୫୧ ॥
ମନ୍ଦାକିନୀ ମନ୍ଦରତା ମହାନନ୍ଦା ଵରପ୍ରଦା ।
ମାନଦା ମାନିନୀ ମାନ୍ୟା ମାନନୀୟା ମଦାତୁରା ॥ ୫୨ ॥
ମଦିରା ମଦିରୋନ୍ମାଦା ମଦିରାକ୍ଷୀ ମଦାଲୟା ।
ସୁଦୀର୍ଘା ମଧ୍ୟମା ନନ୍ଦା ଵିନତାସୁରନିର୍ଗତା ॥ ୫୩ ॥
ଜୟପ୍ରଦା ଜୟରତା ଦୁର୍ଜୟାସୁରନାଶିନୀ ।
ଦୁଷ୍ଟଦୈତ୍ୟନିହନ୍ତ୍ରୀ ଚ ଦୁଷ୍ଟାସୁରଵିନାଶିନୀ ॥ ୫୪ ॥
ସୁଖଦା ମୋକ୍ଷଦା ମୋକ୍ଷା ମହାମୋକ୍ଷପ୍ରଦାୟିନୀ ।
କୀର୍ତିର୍ୟଶସ୍ଵିନୀ ଭୂଷା ଭୂଷ୍ୟା ଭୂତପତିପ୍ରିୟା ॥ ୫୫ ॥
ଗୁଣାତୀତା ଗୁଣପ୍ରୀତା ଗୁଣରକ୍ତା ଗୁଣାତ୍ମିକା ।
ସଗୁଣା ନିର୍ଗୁଣା ସୀତା ନିଷ୍ଠା କାଷ୍ଠା ପ୍ରତିଷ୍ଠିତା ॥ ୫୬ ॥
ଧନିଷ୍ଠା ଧନଦା ଧନ୍ୟା ଵସୁଦା ସୁପ୍ରକାଶିନୀ ।
ଗୁର୍ଵୀ ଗୁରୁତରା ଧୌମ୍ୟା ଧୌମ୍ୟାସୁରଵିନାଶିନୀ ॥ ୫୭ ॥
ନିଷ୍କାମା ଧନଦା କାମା ସକାମା କାମଜୀଵନା ।
ଚିନ୍ତାମଣିଃ କଲ୍ପଲତା ତଥା ଶଙ୍କରଵାହିନୀ ॥ ୫୮ ॥
ଶଙ୍କରୀ ଶଙ୍କରରତା ତଥା ଶଙ୍କରମୋହିନୀ ।
ଭଵାନୀ ଭଵଦା ଭଵ୍ୟା ଭଵପ୍ରୀତା ଭଵାଲୟା ॥ ୫୯ ॥
ମହାଦେଵପ୍ରିୟା ରମ୍ୟା ରମଣୀ କାମସୁନ୍ଦରୀ ।
କଦଲୀସ୍ତମ୍ଭସଂରାମା ନିର୍ମଲାସନଵାସିନୀ ॥ ୬୦ ॥
ମାଥୁରୀ ମଥୁରା ମାୟା ତଥା ସୁରଭିଵର୍ଦ୍ଧିନୀ ।
ଵ୍ୟକ୍ତାଵ୍ୟକ୍ତାନେକରୂପା ସର୍ଵତୀର୍ଥାସ୍ପଦା ଶିଵା ॥ ୬୧ ॥
ତୀର୍ଥରୂପା ମହାରୂପା ତଥାଗସ୍ତ୍ୟଵଧୂରପି ।
ଶିଵାନୀ ଶୈଵଲପ୍ରୀତା ତଥା ଶୈଵଲଵାସିନୀ ॥ ୬୨ ॥
କୁନ୍ତଲା କୁନ୍ତଲପ୍ରୀତା ତଥା କୁନ୍ତଲଶୋଭିତା ।
ମହାକଚା ମହାବୁଦ୍ଧିର୍ମହାମାୟା ମହାଗଦା ॥ ୬୩ ॥
ମହାମେଘସ୍ଵରୂପା ଚ ତଥା କଙ୍କଣମୋହିନୀ ।
ଦେଵପୂଜ୍ୟା ଦେଵରତା ୟୁଵତୀ ସର୍ଵମଙ୍ଗଲା ॥ ୬୪ ॥
ସର୍ଵପ୍ରିୟଙ୍କରୀ ଭୋଗ୍ୟା ଭୋଗରୂପା ଭଗାକୃତିଃ ।
ଭଗପ୍ରୀତା ଭଗରତା ଭଗପ୍ରେମରତା ସଦା ॥ ୬୫ ॥
ଭଗସଂମର୍ଦନପ୍ରୀତା ଭଗୋପରିନିଵେଶିତା ।
ଭଗଦକ୍ଷା ଭଗାକ୍ରାନ୍ତା ଭଗସୌଭାଗ୍ୟଵର୍ଦ୍ଧିନୀ ॥ ୬୬ ॥
ଦକ୍ଷକନ୍ୟା ମହାଦକ୍ଷା ସର୍ଵଦକ୍ଷା ପ୍ରଚଣ୍ଡିକା ।
ଦଣ୍ଡପ୍ରିୟା ଦଣ୍ଡରତା ଦଣ୍ଡତାଡନତତ୍ପରା ॥ ୬୭ ॥
ଦଣ୍ଡଭୀତା ଦଣ୍ଡଗତା ଦଣ୍ଡସଂମର୍ଦନେ ରତା ।
ସୁଵେଦିଦଣ୍ଡମଧ୍ୟସ୍ଥା ଭୂର୍ଭୁଵଃସ୍ଵଃସ୍ଵରୂପିଣୀ ॥ ୬୮ ॥
ଆଦ୍ୟା ଦୁର୍ଗା ଜୟା ସୂକ୍ଷ୍ମା ସୂକ୍ଷ୍ମରୂପା ଜୟାକୃତିଃ ।
କ୍ଷେମଙ୍କରୀ ମହାଘୂର୍ଣା ଘୂର୍ଣନାସା ଵଶଙ୍କରୀ ॥ ୬୯ ॥
ଵିଶାଲାଵୟଵା ମେଘ୍ୟା ତ୍ରିଵଲୀଵଲୟା ଶୁଭା ।
ମଦୋନ୍ମତ୍ତା ମଦରତା ମତ୍ତାସୁରଵିନାଶିନୀ ॥ ୭୦ ॥
ମଧୁକୈଟଭସଂହନ୍ତ୍ରୀ ନିଶୁମ୍ଭାସୁରମର୍ଦିନୀ ।
ଚଣ୍ଡରୂପା ମହାଚଣ୍ଡୀ ଚଣ୍ଡିକା ଚଣ୍ଡନାୟିକା ॥ ୭୧ ॥
ଚଣ୍ଡୋଗ୍ରା ଚଣ୍ଡଵର୍ଣା ପ୍ରଚଣ୍ଡା ଚଣ୍ଡାଵତୀ ଶିଵା ।
ନୀଲାକାରା ନୀଲଵର୍ଣା ନୀଲେନ୍ଦୀଵରଲୋଚନା ॥ ୭୨ ॥
ଖଡ୍ଗହସ୍ତା ଚ ମୃଦ୍ଵଙ୍ଗୀ ତଥା ଖର୍ପରଧାରିଣୀ ।
ଭୀମା ଚ ଭୀମଵଦନା ମହାଭୀମା ଭୟାନକା ॥ ୭୩ ॥
କଲ୍ୟାଣୀ ମଙ୍ଗଲା ଶୁଦ୍ଧା ତଥା ପରମକୌତୁକା ।
ପରମେଷ୍ଠୀ ପରରତା ପରାତ୍ପରତରା ପରା ॥ ୭୪ ॥
ପରାନନ୍ଦସ୍ଵରୂପା ଚ ନିତ୍ୟାନନ୍ଦସ୍ଵରୂପିଣୀ ।
ନିତ୍ୟା ନିତ୍ୟପ୍ରିୟା ତନ୍ଦ୍ରୀ ଭଵାନୀ ଭଵସୁନ୍ଦରୀ ॥ ୭୫ ॥
ତ୍ରୈଲୋକ୍ୟମୋହିନୀ ସିଦ୍ଧା ତଥା ସିଦ୍ଧଜନପ୍ରିୟା ।
ଭୈରଵୀ ଭୈରଵପ୍ରୀତା ତଥା ଭୈରଵମୋହିନୀ ॥ ୭୬ ॥
ମାତଙ୍ଗୀ କମଲା ଲକ୍ଷ୍ମୀଃ ଷୋଡଶୀ ଵିଷୟାତୁରା ।
ଵିଷମଗ୍ନା ଵିଷରତା ଵିଷରକ୍ଷା ଜୟଦ୍ରଥା ॥ ୭୭ ॥
କାକପକ୍ଷଧରା ନିତ୍ୟା ସର୍ଵଵିସ୍ମୟକାରିଣୀ ।
ଗଦିନୀ କାମିନୀ ଖଡ୍ଗମୁଣ୍ଡମାଲାଵିଭୂଷିତା ॥ ୭୮ ॥
ୟୋଗୀଶ୍ଵରୀ ୟୋଗମାତା ୟୋଗାନନ୍ଦସ୍ଵରୂପିଣୀ ।
ଆନନ୍ଦଭୈରଵୀ ନନ୍ଦା ତଥା ନନ୍ଦଜନପ୍ରିୟା ॥ ୭୯ ॥
ନଲିନୀ ଲଲନା ଶୁଭ୍ରା ଶୁଭ୍ରାନନଵିଭୂଷିତା ।
ଲଲଜ୍ଜିହ୍ଵା ନୀଲପଦା ତଥା ସୁମଖଦକ୍ଷିଣା ॥ ୮୦ ॥
ବଲିଭକ୍ତା ବଲିରତା ବଲିଭୋଗ୍ୟା ମହାରତା ।
ଫଲଭୋଗ୍ୟା ଫଲରସା ଫଲଦା ଶ୍ରୀଫଲପ୍ରିୟା ॥ ୮୧ ॥
ଫଲିନୀ ଫଲସଂଵଜ୍ରା ଫଲାଫଲନିଵାରିଣୀ ।
ଫଲପ୍ରୀତା ଫଲଗତା ଫଲସଂଦାନସନ୍ଧିନୀ ॥ ୮୨ ॥
ଫଲୋନ୍ମୁଖୀ ସର୍ଵସତ୍ତ୍ଵା ମହାସତ୍ତ୍ଵା ଚ ସାତ୍ତ୍ଵିକୀ ।
ସର୍ଵରୂପା ସର୍ଵରତା ସର୍ଵସତ୍ତ୍ଵନିଵାସିନୀ ॥ ୮୩ ॥
ମହାରୂପା ମହାଭାଗା ମହାମେଘସ୍ଵରୂପିଣୀ ।
ଭୟନାସା ଗଣରତା ଗଣପ୍ରୀତା ମହାଗତିଃ ॥ ୮୪ ॥
ସଦ୍ଗତିଃ ସତ୍କୃତିଃ ସ୍ଵକ୍ଷା ଶଵାସନଗତା ଶୁଭା ।
ତ୍ରୈଲୋକ୍ୟମୋହିନୀ ଗଙ୍ଗା ସ୍ଵର୍ଗଙ୍ଗା ସ୍ଵର୍ଗଵାସିନୀ ॥ ୮୫ ॥
ମହାନନ୍ଦା ସଦାନନ୍ଦା ନିତ୍ୟାନିତ୍ୟସ୍ଵରୂପିକା ।
ସତ୍ୟଗନ୍ଧା ସତ୍ୟଗଣା ସତ୍ୟରୂପା ମହାକୃତିଃ ॥ ୮୬ ॥
ଶ୍ମଶାନଭୈରଵୀ କାଲୀ ତଥା ଭୟଵିମର୍ଦିନୀ ।
ତ୍ରିପୁରା ପରମେଶାନୀ ସୁନ୍ଦରୀ ପୁରସୁନ୍ଦରୀ ॥ ୮୭ ॥
ତ୍ରିପୁରେଶୀ ପଞ୍ଚଦଶୀ ପଞ୍ଚମୀ ପୁରଵାସିନୀ ।
ମହାସପ୍ତଦଶୀ ଷଷ୍ଠୀ ସପ୍ତମୀ ଚାଷ୍ଟମୀ ତଥା ॥ ୮୮ ॥
ନଵମୀ ଦଶମୀ ଦେଵପ୍ରିୟା ଚୈକାଦଶୀ ଶିଵା ।
ଦ୍ଵାଦଶୀ ପରମା ଦିଵ୍ୟା ନୀଲରୂପା ତ୍ରୟୋଦଶୀ ॥ ୮୯ ॥
ଚତୁର୍ଦଶୀ ପୌର୍ଣମାସୀ ରାଜରାଜେଶ୍ଵରୀ ତଥା ।
ତ୍ରିପୁରା ତ୍ରିପୁରେଶୀ ଚ ତଥା ତ୍ରିପୁରମର୍ଦିନୀ ॥ ୯୦ ॥
ସର୍ଵାଙ୍ଗସୁନ୍ଦରୀ ରକ୍ତା ରକ୍ତଵସ୍ତ୍ରୋପଵୀତିନୀ ।
ଚାମରୀ ଚାମରପ୍ରୀତା ଚମରାସୁରମର୍ଦିନୀ ॥ ୯୧ ॥
ମନୋଜ୍ଞା ସୁନ୍ଦରୀ ରମ୍ୟା ହଂସୀ ଚ ଚାରୁହାସିନୀ ।
ନିତମ୍ବିନୀ ନିତମ୍ବାଢ୍ୟା ନିତମ୍ବଗୁରୁଶୋଭିତା ॥ ୯୨ ॥
ପଟ୍ଟଵସ୍ତ୍ରପରିଧାନା ପଟ୍ଟଵସ୍ତ୍ରଧରା ଶୁଭା ।
କର୍ପୂରଚନ୍ଦ୍ରଵଦନା କୁଙ୍କୁମଦ୍ରଵଶୋଭିତା ॥ ୯୩ ॥
ପୃଥିଵୀ ପୃଥୁରୂପା ସା ପାର୍ଥିଵେନ୍ଦ୍ରଵିନାଶିନୀ ।
ରତ୍ନଵେଦିଃ ସୁରେଶା ଚ ସୁରେଶୀ ସୁରମୋହିନୀ ॥ ୯୪ ॥
ଶିରୋମଣିର୍ମଣିଗ୍ରୀଵା ମଣିରତ୍ନଵିଭୂଷିତା ।
ଉର୍ଵଶୀ ଶମନୀ କାଲୀ ମହାକାଲସ୍ଵରୂପିଣୀ ॥ ୯୫ ॥
ସର୍ଵରୂପା ମହାସତ୍ତ୍ଵା ରୂପାନ୍ତରଵିଲାସିନୀ ।
ଶିଵା ଶୈଵା ଚ ରୁଦ୍ରାଣୀ ତଥା ଶିଵନିନାଦିନୀ ॥ ୯୬ ॥
ମାତଙ୍ଗିନୀ ଭ୍ରାମରୀ ଚ ତଥୈଵାଙ୍ଗନମେଖଲା ।
ୟୋଗିନୀ ଡାକିନୀ ଚୈଵ ତଥା ମହେଶ୍ଵରୀ ପରା ॥ ୯୭ ॥
ଅଲମ୍ବୁଷା ଭଵାନୀ ଚ ମହାଵିଦ୍ୟୌଘସଂଭୃତା ।
ଗୃଧ୍ରରୂପା ବ୍ରହ୍ମୟୋନିର୍ମହାନନ୍ଦା ମହୋଦୟା ॥ ୯୮ ॥
ଵିରୂପାକ୍ଷା ମହାନାଦା ଚଣ୍ଡରୂପା କୃତାକୃତିଃ ।
ଵରାରୋହା ମହାଵଲ୍ଲୀ ମହାତ୍ରିପୁରସୁନ୍ଦରୀ ॥ ୯୯ ॥
ଭଗାତ୍ମିକା ଭଗାଧାରରୂପିଣୀ ଭଗମାଲିନୀ ।
ଲିଙ୍ଗାଭିଧାୟିନୀ ଦେଵୀ ମହାମାୟା ମହାସ୍ମୃତିଃ ॥ ୧୦୦ ॥
ମହାମେଧା ମହାଶାନ୍ତା ଶାନ୍ତରୂପା ଵରାନନା ।
ଲିଙ୍ଗମାଲା ଲିଙ୍ଗଭୂଷା ଭଗମାଲାଵିଭୂଷଣା ॥ ୧୦୧ ॥
ଭଗଲିଙ୍ଗାମୃତପ୍ରୀତା ଭଗଲିଙ୍ଗାମୃତାତ୍ମିକା ।
ଭଗଲିଙ୍ଗାର୍ଚନପ୍ରୀତା ଭଗଲିଙ୍ଗସ୍ଵରୂପିଣୀ ॥ ୧୦୨ ॥
ସ୍ଵୟମ୍ଭୂକୁସୁମପ୍ରୀତା ସ୍ଵୟମ୍ଭୂକୁସୁମାସନା ।
ସ୍ଵୟମ୍ଭୂକୁସୁମରତା ଲତାଲିଙ୍ଗନତତ୍ପରା ॥ ୧୦୩ ॥
ସୁରାଶନା ସୁରାପ୍ରୀତା ସୁରାସଵଵିମର୍ଦିତା ।
ସୁରାପାନମହାତୀକ୍ଷ୍ଣା ସର୍ଵାଗମଵିନିନ୍ଦିତା ॥ ୧୦୪ ॥
କୁଣ୍ଡଗୋଲସଦାପ୍ରୀତା ଗୋଲପୁଷ୍ପସଦାରତିଃ ।
କୁଣ୍ଡଗୋଲୋଦ୍ଭଵପ୍ରୀତା କୁଣ୍ଡଗୋଲୋଦ୍ଭଵାତ୍ମିକା ॥ ୧୦୫ ॥
ସ୍ଵୟମ୍ଭଵା ଶିଵା ଧାତ୍ରୀ ପାଵନୀ ଲୋକପାଵନୀ ।
ମହାଲକ୍ଷ୍ମୀର୍ମହେଶାନୀ ମହାଵିଷ୍ଣୁପ୍ରଭାଵିନୀ ॥ ୧୦୬ ॥
ଵିଷ୍ଣୁପ୍ରିୟା ଵିଷ୍ଣୁରତା ଵିଷ୍ଣୁଭକ୍ତିପରାୟଣା ।
ଵିଷ୍ଣୋର୍ଵକ୍ଷଃସ୍ଥଲସ୍ଥା ଚ ଵିଷ୍ଣୁରୂପା ଚ ଵୈଷ୍ଣଵୀ ॥ ୧୦୭ ॥
ଅଶ୍ଵିନୀ ଭରଣୀ ଚୈଵ କୃତ୍ତିକା ରୋହିଣୀ ତଥା ।
ଧୃତିର୍ମେଧା ତଥା ତୁଷ୍ଟିଃ ପୁଷ୍ଟିରୂପା ଚିତା ଚିତିଃ ॥ ୧୦୮ ॥
ଚିତିରୂପା ଚିତ୍ସ୍ଵରୂପା ଜ୍ଞାନରୂପା ସନାତନୀ ।
ସର୍ଵଵିଜ୍ଞଜୟା ଗୌରୀ ଗୌରଵର୍ଣା ଶଚୀ ଶିଵା ॥ ୧୦୯ ॥
ଭଵରୂପା ଭଵପରା ଭଵାନୀ ଭଵମୋଚିନୀ ।
ପୁନର୍ଵସୁସ୍ତଥା ପୁଷ୍ୟା ତେଜସ୍ଵୀ ସିନ୍ଧୁଵାସିନୀ ॥ ୧୧୦ ॥
ଶୁକ୍ରାଶନା ଶୁକ୍ରଭୋଗା ଶୁକ୍ରୋତ୍ସାରଣତତ୍ପରା ।
ଶୁକ୍ରପୂଜ୍ୟା ଶୁକ୍ରଵନ୍ଦ୍ୟା ଶୁକ୍ରଭୋଗ୍ୟା ପୁଲୋମଜା ॥ ୧୧୧ ॥
ଶୁକ୍ରାର୍ଚ୍ୟା ଶୁକ୍ରସଂତୁଷ୍ଟା ସର୍ଵଶୁକ୍ରଵିମୁକ୍ତିଦା ।
ଶୁକ୍ରମୂର୍ତିଃ ଶୁକ୍ରଦେହା ଶୁକ୍ରାଙ୍ଗୀ ଶୁକ୍ରମୋହିନୀ ॥ ୧୧୨ ॥
ଦେଵପୂଜ୍ୟା ଦେଵରତା ୟୁଵତୀ ସର୍ଵମଙ୍ଗଲା ।
ସର୍ଵପ୍ରିୟଙ୍କରୀ ଭୋଗ୍ୟା ଭୋଗରୂପା ଭଗାକୃତିଃ ॥ ୧୧୩ ॥
ଭଗପ୍ରେତା ଭଗରତା ଭଗପ୍ରେମପରା ତଥା ।
ଭଗସଂମର୍ଦନପ୍ରୀତା ଭଗୋପରି ନିଵେଶିତା ॥ ୧୧୪ ॥
ଭଗଦକ୍ଷା ଭଗାକ୍ରାନ୍ତା ଭଗସୌଭାଗ୍ୟଵର୍ଦ୍ଧିନୀ ।
ଦକ୍ଷକନ୍ୟା ମହାଦକ୍ଷା ସର୍ଵଦକ୍ଷା ପ୍ରଦନ୍ତିକା ॥ ୧୧୫ ॥
ଦଣ୍ଡପ୍ରିୟା ଦଣ୍ଡରତା ଦଣ୍ଡତାଡନତତ୍ପରା ।
ଦଣ୍ଡଭୀତା ଦଣ୍ଡଗତା ଦଣ୍ଡସଂମର୍ଦନେ ରତା ॥ ୧୧୬ ॥
ଵେଦିମଣ୍ଡଲମଧ୍ୟସ୍ଥା ଭୂର୍ଭୁଵଃସ୍ଵଃସ୍ଵରୂପିଣୀ ।
ଆଦ୍ୟା ଦୁର୍ଗା ଜୟା ସୂକ୍ଷ୍ମା ସୂକ୍ଷ୍ମରୂପା ଜୟାକୃତିଃ ॥ ୧୧୭ ॥
କ୍ଷେମଙ୍କରୀ ମହାଘୂର୍ଣା ଘୂର୍ଣନାସା ଵଶଙ୍କରୀ ।
ଵିଶାଲାଵୟଵା ମେଧ୍ୟା ତ୍ରିଵଲୀଵଲୟା ଶୁଭା ॥ ୧୧୮ ॥
ମଦ୍ୟୋନ୍ମତ୍ତା ମଦ୍ୟରତା ମତ୍ତାସୁରଵିଲାସିନୀ ।
ମଧୁକୈଟଭସଂହନ୍ତ୍ରୀ ନିଶୁମ୍ଭାସୁରମର୍ଦିନୀ ॥ ୧୧୯ ॥
ଚଣ୍ଡରୂପା ମହାଚଣ୍ଡା ଚଣ୍ଡିକା ଚଣ୍ଡନାୟିକା ।
ଚଣ୍ଡୋଗ୍ରା ଚ ଚତୁର୍ଵର୍ଗା ତଥା ଚଣ୍ଡାଵତୀ ଶିଵା ॥ ୧୨୦ ॥
ନୀଲଦେହା ନୀଲଵର୍ଣା ନୀଲେନ୍ଦୀଵରଲୋଚନା ।
ନିତ୍ୟାନିତ୍ୟପ୍ରିୟା ଭଦ୍ରା ଭଵାନୀ ଭଵସୁନ୍ଦରୀ ॥ ୧୨୧ ॥
ଭୈରଵୀ ଭୈରଵପ୍ରୀତା ତଥା ଭୈରଵମୋହିନୀ ।
ମାତଙ୍ଗୀ କମଲା ଲକ୍ଷ୍ମୀଃ ଷୋଡଶୀ ଭୀଷଣାତୁରା ॥ ୧୨୨ ॥
ଵିଷମଗ୍ନା ଵିଷରତା ଵିଷଭକ୍ଷ୍ୟା ଜୟା ତଥା ।
କାକପକ୍ଷଧରା ନିତ୍ୟା ସର୍ଵଵିସ୍ମୟକାରିଣୀ ॥ ୧୨୩ ॥
ଗଦିନୀ କାମିନୀ ଖଡ୍ଗା ମୁଣ୍ଡମାଲାଵିଭୂଷିତା ।
ୟୋଗେଶ୍ଵରୀ ୟୋଗରତା ୟୋଗାନନ୍ଦସ୍ଵରୂପିଣୀ ॥ ୧୨୪ ॥
ଆନନ୍ଦଭୈରଵୀ ନନ୍ଦା ତଥାନନ୍ଦଜନପ୍ରିୟା ।
ନଲିନୀ ଲଲନା ଶୁଭ୍ରା ଶୁଭାନନଵିରାଜିତା ॥ ୧୨୫ ॥
ଲଲଜ୍ଜିହ୍ଵା ନୀଲପଦା ତଥା ସଂମୁଖଦକ୍ଷିଣା ।
ବଲିଭକ୍ତା ବଲିରତା ବଲିଭୋଗ୍ୟା ମହାରତା ॥ ୧୨୬ ॥
ଫଲଭୋଗ୍ୟା ଫଲରସା ଫଲଦାତ୍ରୀ ଫଲପ୍ରିୟା ।
ଫଲିନୀ ଫଲସଂରକ୍ତା ଫଲାଫଲନିଵାରିଣୀ ॥ ୧୨୭ ॥
ଫଲପ୍ରୀତା ଫଲଗତା ଫଲସନ୍ଧାନସନ୍ଧିନୀ ।
ଫଲୋନ୍ମୁଖୀ ସର୍ଵସତ୍ତ୍ଵା ମହାସତ୍ତ୍ଵା ଚ ସାତ୍ତ୍ଵିକା ॥ ୧୨୮ ॥
ସର୍ଵରୂପା ସର୍ଵରତା ସର୍ଵସତ୍ତ୍ଵନିଵାସିନୀ ।
ମହାରୂପା ମହାଭାଗା ମହାମେଘସ୍ଵରୂପିଣୀ ॥ ୧୨୯ ॥
ଭୟନାଶା ଗଣରତା ଗଣଗୀତା ମହାଗତିଃ ।
ସଦ୍ଗତିଃ ସତ୍କୃତିଃ ସାକ୍ଷାତ୍ ସଦାସନଗତା ଶୁଭା ॥ ୧୩୦ ॥
ତ୍ରୈଲୋକ୍ୟମୋହିନୀ ଗଙ୍ଗା ସ୍ଵର୍ଗଙ୍ଗା ସ୍ଵର୍ଗଵାସିନୀ ।
ମହାନନ୍ଦା ସଦାନନ୍ଦା ନିତ୍ୟା ସତ୍ୟସ୍ଵରୂପିଣୀ ॥ ୧୩୧ ॥
ଶୁକ୍ରସ୍ନାତା ଶୁକ୍ରକରୀ ଶୁକ୍ରସେଵ୍ୟାତିଶୁକ୍ରିଣୀ ।
ମହାଶୁକ୍ରା ଶୁକ୍ରରତା ଶୁକ୍ରସୃଷ୍ଟିଵିଧାୟିନୀ ॥ ୧୩୨ ॥
ସାରଦା ସାଧକପ୍ରାଣା ସାଧକପ୍ରେମଵର୍ଦ୍ଧିନୀ ।
ସାଧକାଭୀଷ୍ଟଦା ନିତ୍ୟଂ ସାଧକପ୍ରେମସେଵିତା ॥ ୧୩୩ ॥
ସାଧକପ୍ରେମସର୍ଵସ୍ଵା ସାଧକାଭକ୍ତରକ୍ତପା ।
ମଲ୍ଲିକା ମାଲତୀ ଜାତିଃ ସପ୍ତଵର୍ଣା ମହାକଚା ॥ ୧୩୪ ॥
ସର୍ଵମୟୀ ସର୍ଵଶୁଭ୍ରା ଗାଣପତ୍ୟପ୍ରଦା ତଥା ।
ଗଗନା ଗଗନପ୍ରୀତା ତଥା ଗଗନଵାସିନୀ ॥ ୧୩୫ ॥
ଗଣନାଥପ୍ରିୟା ଭଵ୍ୟା ଭଵାର୍ଚା ସର୍ଵମଙ୍ଗଲା ।
ଗୁହ୍ୟକାଲୀ ଭଦ୍ରକାଲୀ ଶିଵରୂପା ସତାଂଗତିଃ ॥ ୧୩୬ ॥
ସଦ୍ଭକ୍ତା ସତ୍ପରା ସେତୁଃ ସର୍ଵାଙ୍ଗସୁନ୍ଦରୀ ମଘା ।
କ୍ଷୀଣୋଦରୀ ମହାଵେଗା ଵେଗାନନ୍ଦସ୍ଵରୂପିଣୀ ॥ ୧୩୭ ॥
ରୁଧିରା ରୁଧିରପ୍ରୀତା ରୁଧିରାନନ୍ଦଶୋଭନା ।
ପଞ୍ଚମୀ ପଞ୍ଚମପ୍ରୀତା ତଥା ପଞ୍ଚମଭୂଷଣା ॥ ୧୩୮ ॥
ପଞ୍ଚମୀଜପସମ୍ପନ୍ନା ପଞ୍ଚମୀୟଜନେ ରତା ।
କକାରଵର୍ଣରୂପା ଚ କକାରାକ୍ଷରରୂପିଣୀ ॥ ୧୩୯ ॥
ମକାରପଞ୍ଚମପ୍ରୀତା ମକାରପଞ୍ଚଗୋଚରା ।
ଋଵର୍ଣରୂପପ୍ରଭଵା ଋଵର୍ଣା ସର୍ଵରୂପିଣୀ ॥ ୧୪୦ ॥
ସର୍ଵାଣୀ ସର୍ଵନିଲୟା ସର୍ଵସାରସମୁଦ୍ଭଵା ।
ସର୍ଵେଶ୍ଵରୀ ସର୍ଵସାରା ସର୍ଵେଚ୍ଛା ସର୍ଵମୋହିନୀ ॥ ୧୪୧ ॥
ଗଣେଶଜନନୀ ଦୁର୍ଗା ମହାମାୟା ମହେଶ୍ଵରୀ ।
ମହେଶଜନନୀ ମୋହା ଵିଦ୍ୟା ଵିଦ୍ୟୋତନୀ ଵିଭା ॥ ୧୪୨ ॥
ସ୍ଥିରା ଚ ସ୍ଥିରଚିତ୍ତା ଚ ସୁସ୍ଥିରା ଧର୍ମରଞ୍ଜିନୀ ।
ଧର୍ମରୂପା ଧର୍ମରତା ଧର୍ମାଚରଣତତ୍ପରା ॥ ୧୪୩ ॥
ଧର୍ମାନୁଷ୍ଠାନସନ୍ଦର୍ଭା ସର୍ଵସନ୍ଦର୍ଭସୁନ୍ଦରୀ ।
ସ୍ଵଧା ସ୍ଵାହା ଵଷଟ୍କାରା ଶ୍ରୌଷଟ୍ ଵୌଷଟ୍ ସ୍ଵଧାତ୍ମିକା ॥ ୧୪୪ ॥
ବ୍ରାହ୍ମଣୀ ବ୍ରହ୍ମସଂବନ୍ଧା ବ୍ରହ୍ମସ୍ଥାନନିଵାସିନୀ ।
ପଦ୍ମୟୋନିଃ ପଦ୍ମସଂସ୍ଥା ଚତୁର୍ଵର୍ଗଫଲପ୍ରଦା ॥ ୧୪୫ ॥
ଚତୁର୍ଭୁଜା ଶିଵୟୁତା ଶିଵଲିଙ୍ଗପ୍ରଵେଶିନୀ ।
ମହାଭୀମା ଚାରୁକେଶୀ ଗନ୍ଧମାଦନସଂସ୍ଥିତା ॥ ୧୪୬ ॥
ଗନ୍ଧର୍ଵପୂଜିତା ଗନ୍ଧା ସୁଗନ୍ଧା ସୁରପୂଜିତା ।
ଗନ୍ଧର୍ଵନିରତା ଦେଵୀ ସୁରଭୀ ସୁଗନ୍ଧା ତଥା ॥ ୧୪୭ ॥
ପଦ୍ମଗନ୍ଧା ମହାଗନ୍ଧା ଗନ୍ଧାମୋଦିତଦିଙ୍ମୁଖା ।
କାଲଦିଗ୍ଧା କାଲରତା ମହିଷାସୁରମର୍ଦିନୀ ॥ ୧୪୮ ॥
ଵିଦ୍ୟା ଵିଦ୍ୟାଵତୀ ଚୈଵ ଵିଦ୍ୟେଶା ଵିଜ୍ଞସଂଭଵା ।
ଵିଦ୍ୟାପ୍ରଦା ମହାଵାଣୀ ମହାଭୈରଵରୂପିଣୀ ॥ ୧୪୯ ॥
ଭୈରଵପ୍ରେମନିରତା ମହାକାଲରତା ଶୁଭା ।
ମାହେଶ୍ଵରୀ ଗଜାରୂଢା ଗଜେନ୍ଦ୍ରଗମନା ତଥା ॥ ୧୫୦ ॥
ୟଜ୍ଞେନ୍ଦ୍ରଲଲନା ଚଣ୍ଡୀ ଗଜାସନପରାଶ୍ରୟା ।
ଗଜେନ୍ଦ୍ରମନ୍ଦଗମନା ମହାଵିଦ୍ୟା ମହୋଜ୍ଜ୍ଵଲା ॥ ୧୫୧ ॥
ବଗଲା ଵାହିନୀ ଵୃଦ୍ଧା ବାଲା ଚ ବାଲରୂପିଣୀ ।
ବାଲକ୍ରୀଡାରତା ବାଲା ବଲାସୁରଵିନାଶିନୀ ॥ ୧୫୨ ॥
ବାଲ୍ୟସ୍ଥା ୟୌଵନସ୍ଥା ଚ ମହାୟୌଵନସଂରତା ।
ଵିଶିଷ୍ଟୟୌଵନା କାଲୀ କୃଷ୍ଣଦୁର୍ଗା ସରସ୍ଵତୀ ॥ ୧୫୩ ॥
କାତ୍ୟାୟନୀ ଚ ଚାମୁଣ୍ଡା ଚଣ୍ଡାସୁରଵିଘାତିନୀ ।
ଚଣ୍ଡମୁଣ୍ଡଧରା ଦେଵୀ ମଧୁକୈଟଭନାଶିନୀ ॥ ୧୫୪ ॥
ବ୍ରାହ୍ମୀ ମାହେଶ୍ଵରୀ ଚୈନ୍ଦ୍ରୀ ଵାରାହୀ ଵୈଷ୍ଣଵୀ ତଥା ।
ରୁଦ୍ରକାଲୀ ଵିଶାଲାକ୍ଷୀ ଭୈରଵୀ କାଲରୂପିଣୀ ॥ ୧୫୫ ॥
ମହାମାୟା ମହୋତ୍ସାହା ମହାଚଣ୍ଡଵିନାଶିନୀ ।
କୁଲଶ୍ରୀଃ କୁଲସଂକୀର୍ଣା କୁଲଗର୍ଭନିଵାସିନୀ ॥ ୧୫୬ ॥
କୁଲାଙ୍ଗାରା କୁଲୟୁତା କୁଲକୁନ୍ତଲସଂୟୁତା ।
କୁଲଦର୍ଭଗ୍ରହା ଚୈଵ କୁଲଗର୍ତପ୍ରଦାୟିନୀ ॥ ୧୫୭ ॥
କୁଲପ୍ରେମୟୁତା ସାଧ୍ଵୀ ଶିଵପ୍ରୀତିଃ ଶିଵାବଲିଃ ।
ଶିଵସକ୍ତା ଶିଵପ୍ରାଣା ମହାଦେଵକୃତାଲୟା ॥ ୧୫୮ ॥
ମହାଦେଵପ୍ରିୟା କାନ୍ତା ମହାଦେଵମଦାତୁରା ।
ମତ୍ତାମତ୍ତଜନପ୍ରେମଧାତ୍ରୀ ଵିଭଵଵର୍ଦ୍ଧିନୀ ॥ ୧୫୯ ॥
ମଦୋନ୍ମତ୍ତା ମହାଶୁଦ୍ଧା ମତ୍ତପ୍ରେମଵିଭୂଷିତା ।
ମତ୍ତପ୍ରମତ୍ତଵଦନା ମତ୍ତଚୁମ୍ବନତତ୍ପରା ॥ ୧୬୦ ॥
ମତ୍ତକ୍ରୀଡାତୁରା ଭୈମୀ ତଥା ହୈମଵତୀ ମତିଃ ।
ମଦାତୁରା ମଦଗତା ଵିପରୀତରତାତୁରା ॥ ୧୬୧ ॥
ଵିତ୍ତପ୍ରଦା ଵିତ୍ତରତା ଵିତ୍ତଵର୍ଧନତତ୍ପରା ।
ଇତି ତେ କଥିତଂ ସର୍ଵଂ କାଲୀନାମସହସ୍ରକମ୍ ॥ ୧୬୨ ॥
ସାରାତ୍ସାରତରଂ ଦିଵ୍ୟଂ ମହାଵିଭଵଵର୍ଦ୍ଧନମ୍ ।
ଗାଣପତ୍ୟପ୍ରଦଂ ରାଜ୍ୟପ୍ରଦଂ ଷଟ୍କର୍ମସାଧକମ୍ ॥ ୧୬୩ ॥
ୟଃ ପଠେତ୍ ସାଧକୋ ନିତ୍ୟଂ ସ ଭଵେତ୍ ସମ୍ପଦାଂ ପଦମ୍ ।
ୟଃ ପଠେତ୍ ପାଠୟେଦ୍ଵାପି ଶୃଣୋତି ଶ୍ରାଵୟେଦଥ ॥ ୧୬୪ ॥
ନ କିଞ୍ଚିଦ୍ ଦୁର୍ଲଭଂ ଲୋକେ ସ୍ତଵସ୍ୟାସ୍ୟ ପ୍ରସାଦତଃ ।
ବ୍ରହ୍ମହତ୍ୟା ସୁରାପାନଂ ସୁଵର୍ଣହରଣଂ ତଥା ॥ ୧୬୫ ॥
ଗୁରୁଦାରାଭିଗମନଂ ୟଚ୍ଚାନ୍ୟଦ୍ ଦୁଷ୍କୃତଂ କୃତମ୍ ।
ସର୍ଵମେତତ୍ପୁନାତ୍ୟେଵ ସତ୍ୟଂ ସୁରଗଣାର୍ଚିତେ ॥ ୧୬୬ ॥
ରଜସ୍ଵଲାଭଗଂ ଦୃଷ୍ଟ୍ଵା ପଠେତ୍ ସ୍ତୋତ୍ରମନନ୍ୟଧୀଃ ।
ସ ଶିଵଃ ସତ୍ୟଵାଦୀ ଚ ଭଵତ୍ୟେଵ ନ ସଂଶୟଃ ॥ ୧୬୭ ॥
ପରଦାରୟୁତୋ ଭୂତ୍ଵା ପଠେତ୍ ସ୍ତୋତ୍ରଂ ସମାହିତଃ ।
ସର୍ଵୈଶ୍ଵର୍ୟୟୁତୋ ଭୂତ୍ଵା ମହାରାଜତ୍ଵମାପ୍ନୁୟାତ୍ ॥ ୧୬୮ ॥
ପରନିନ୍ଦାଂ ପରଦ୍ରୋହଂ ପରହିଂସାଂ ନ କାରୟେତ୍ ।
ଶିଵଭକ୍ତାୟ ଶାନ୍ତାୟ ପ୍ରିୟଭକ୍ତାୟ ଵା ପୁନଃ ॥ ୧୬୯ ॥
ସ୍ତଵଂ ଚ ଦର୍ଶୟେଦେନମନ୍ୟଥା ମୃତ୍ୟୁମାପ୍ନୁୟାତ୍ ।
ଅସ୍ମାତ୍ ପରତରଂ ନାସ୍ତି ତନ୍ତ୍ରମଧ୍ୟେ ସୁରେଶ୍ଵରି ॥ ୧୭୦ ॥
ମହାକାଲୀ ମହାଦେଵୀ ତଥା ନୀଲସରସ୍ଵତୀ ।
ନ ଭେଦଃ ପରମେଶାନି ଭେଦକୃନ୍ନରକଂ ଵ୍ରଜେତ୍ ॥ ୧୭୧ ॥
ଇଦଂ ସ୍ତୋତ୍ରଂ ମୟା ଦିଵ୍ୟଂ ତଵ ସ୍ନେହାତ୍ ପ୍ରକଥ୍ୟତେ ।
ଉଭୟୋରେଵମେକତ୍ଵଂ ଭେଦବୁଦ୍ଧ୍ୟା ନ ତାଂ ଭଜେତ୍ ।
ସ ୟୋଗୀ ପରମେଶାନି ସମୋ ମାନାପମାନୟୋଃ ॥ ୧୭୨ ॥
॥ ଇତି ଶ୍ରୀବୃହନ୍ନୀଲତନ୍ତ୍ରେ ଭୈରଵପାର୍ଵତୀସଂଵାଦେ
କାଲୀସହସ୍ରନାମନିରୂପଣଂ ଦ୍ଵାଵିଂଶଃ ପଟଲଃ ॥ ୨୨ ॥
Also Read 1000 Names of Mata Kali :
Brihannila’s Tantra Kali 1000 Names | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
