മാതൃപഞ്ചകം Lyrics in Malayalam:
സച്ചിദാനന്ദതീര്‍ഥവിരചിതം
മാതഃ സോഽഹമുപസ്തിതോഽസ്മി പുരതഃ പൂര്‍വപ്രതിജ്ഞാം സ്മരന്‍
പ്രത്യശ്രാവി പുരാഹി തേഽന്ത്യ സമയേ പ്രാപ്തും സമീപം തവ ।
ഗ്രാഹഗ്രാസമിഷാദ്യയാ ഹ്യനുമതസ്തുര്യാശ്രമം പ്രാപ്തുവാന്‍
യത്പ്രീത്യൈ ച സമാഗതോഽഹമധുനാ തസ്യൈ ജനന്യൈ നമഃ ॥ 1॥
ബ്രൂതേ മാതൃസമാ ശ്രുതിര്‍ഭഗവതീ യദ്ബാര്‍ഹദാരണ്യകൈ
തത്ത്വം വേത്സ്യതി മാതൃമാംശ്ച പിതൃമാനാചാര്യവാനിത്യസൌ ।
തത്രാദൌ കില മാതൃശിക്ഷണവിധിം സര്‍വോത്തമം ശാസതീ
പൂജ്യാത്പൂജ്യതരാം സമര്‍ഥയതി യാം തസ്യൈ ജനന്യൈ നമഃ ॥ 2॥
അംബാ താത ഇതി സ്വശിക്ഷണവശാദുച്ചാരണപ്രക്രിയാം
യാ സൂതേ പ്രഥമം ക്വ ശക്തിരിഹ നോ മാതുസ്തു ശിക്ഷാം വിനാ ।
വ്യുത്പത്തിം ക്രമശശ്ച സാര്‍വജനികീം തത്തത്പദാര്‍ഥേഷു യാ
ഹ്യാധത്തേ വ്യവഹാരമപ്യവകിലം തസ്യൈ ജനന്യൈ നമഃ ॥ 3॥
ഇഷ്ടാനിഷ്ടഹിതാഹിതാദിധിഷണാഹൌനാ വയം ശൈശവേ
കീടാന്‍ ശഷ്കുലവിത് കരേണ ദധതോ ഭക്ഷ്യാശയാ ബാലിശാഃ ।
മാത്രാ വാരിതസാഹസാഃ ഖലുതതോ ഭക്ഷ്യാണ്യഭക്ഷ്യാണി വാ
വ്യജ്ഞാസിഷ്മ ഹിതാഹിതേ ച സുതരാം തസ്യൈ ജനന്യൈ നമഃ ॥ 4॥
ആത്മജ്ഞാനസമാര്‍ജനോപകരണം യദ്ദേഹയന്ത്രം വിദുഃ
തദ്രോഗാദിഭയാന്‍മൃഗോരഗരിപുവ്രാതാദവന്തീ സ്വയം ।
പുഷ്ണന്തീ ശിഷുമാദരാദ്ഗുരുകുലം പ്രാപയ്യ കാലക്രമാത്
യാ സര്‍വജ്ഞശിഖാമണിം വിതനുതേ തസ്യൈ ജനന്യൈ നമഃ ॥ 5॥
ഇതി ശ്രീമച്ഛൃങ്ഗഗിരിജഗദ്ഗുരുചരണസരോഹസേവാസമാസദിതസാരസ്വതവിഭവലേശസ്യ
ശ്രീശിവാനന്ദതീര്‍ഥസ്വാമിപൂജ്യപാദശിഷ്യസ്യ ശ്രീസച്ചിദാനന്ദതീര്‍ഥസ്യ
ഭാഷ്യസ്വാമിനഃ ച കൃതൌ മാതൃപഞ്ചകം
॥ ഓം തത്സത്॥
