Ashtottara Shatanama

Rakaradi Sri Rama Ashtottara Shatanama Stotram Lyrics in Bengali | Vishnu Script

Rakaradi Shri Ramashtottarashatanama Stotram Lyrics in Bengali:

॥ রকারাদি শ্রীরামাষ্টোত্তরশতনামস্তোত্রম্ ॥
শ্রী হয়গ্রীবায় নমঃ ।
হরিঃ ওঁ

রামো রাজীবপত্রাক্ষো রাকাচন্দ্রনিভাননঃ ।
রাত্রিঞ্চরার্দিতক্ষোণী পরিতাপবিনাশনঃ ॥ ১ ॥

রাজীবনাভো রাজেন্দ্রো রাজীবাসনসংস্তুতঃ ।
রাজরাজাদিদিক্পালমৌলি মাণিক্যদীপিতঃ ॥ ২ ॥

রাঘবান্বয়পাথোধিচন্দ্রো রাকেন্দুসদ্যশাঃ ।
রামচন্দ্রো রাঘবেন্দ্রো রাজীবরুচিরাননঃ ॥ ৩ ॥

রাজানুজামন্দিরোরা রাজীববিলসত্পদঃ ।
রাজীবহস্তো রাজীবপ্রিয়বংশকৃতোদয়ঃ ॥ ৪ ॥

রাত্রিনব্যাম্বুভৃন্মূর্তী রাজাংশুরুচিরস্মিতঃ ।
রাজীবহারো রাজীবধারী রাজীবজাপ্রিয়ঃ ॥ ৫ ॥

রাঘবোত্সঙ্গবিদ্যোতো রাকেন্দ্বয়ুতভাস্বরঃ ।
রাজলেখানখাঙ্কূরো রাজীবপ্রিয়ভূষণঃ ॥ ৬ ॥

রাজরাজন্মণীভূষো রারাজদ্ভ্রমরালকঃ ।
রাজলেখাভসীমন্তো রাজন্মৃগমদাঙ্কনঃ ॥ ৭ ॥

রাজহীরলসচ্ছ্রোত্রো রাজীবকরগামৃতঃ ।
রত্নকাঞ্চীধরো রম্যো রত্নকাঞ্চনকঙ্কণঃ ॥ ৮ ॥

রণত্কাঞ্চনমঞ্জীরো রঞ্জিতাখিলভূতলঃ ।
রারাজত্কুন্দরদনো রম্যকণ্ঠো রতব্রজঃ ॥ ৯ ॥

রঞ্জিতাদ্ভুতগাধেয়ো রাত্রিঞ্চরসতীহরঃ ।
রাত্রিঞ্চরভয়ত্ত্রাতগাধেয় সবনোত্তমঃ ॥ ১০ ॥

রারাজচ্চরণাম্ভোজরজঃপূতমুনিপ্রিয়ঃ ।
রাজরাজসুহৃচ্চাপভেদনো রাজপূজিতঃ ॥ ১১ ॥

রমারামাকরাম্ভোজ মালোন্মীলিতকণ্ঠমঃ ।
রমাকরাব্জমারন্দবিন্দুমুক্তাফলাবৃতঃ ॥ ১২ ॥

রত্নকঙ্কণনিধ্বানমিষল্লক্ষ্মীস্তুতিশ্রুতিঃ ।
রমাবামদৃগন্তালি ব্যাপ্তদুর্লক্ষ্যবিগ্রহঃ ॥ ১৩ ॥

রামতেজস্সমাহর্তা রামসোপানভঞ্জনঃ ।
রাঘবাজ্ঞাকৃতারণ্যবাসো রামানুজার্চিতঃ ॥ ১৪ ॥

রক্তকঞ্জাতচরণো রম্যবল্কলবেষ্টিতঃ ।
রাত্র্যম্বুদজটাভারো রম্যাঙ্গশ্রীবিভূষণঃ ॥ ১৫ ॥

রণচ্চাপগুণোরক্তমুনিত্রাণপরায়ণঃ ।
রাত্রিঞ্চরগণপ্রাণহর্তা রম্যফলাদনঃ ॥ ১৬ ॥

রাত্রিঞ্চরেন্দ্রভগিনীকর্ণনাসোষ্টভেদনঃ ।
রাতমায়ামৃগপ্রাণো রাবণাহৃতসত্প্রিয়ঃ ॥ ১৭ ॥

রাজীববন্ধুপুত্রাপ্তো রাজদেবসুতার্ধনঃ ।
রক্তশ্রীহনুমদ্বাহো রত্নাকরনিবন্ধনঃ ॥ ১৮ ॥

রুদ্ধরাত্রিঞ্চরাবাসো রাবণাদিবিমর্দনঃ ।
রামাসমালিঙ্গিতাঙ্কো রাবণানুজপূজিতঃ ॥ ১৯ ॥

রত্নসিংহাসনাসীনো রাজ্যপট্টাভিষেচনঃ ।
রাজনক্ষত্রবলয়বৃত রাকেন্দুসুন্দরঃ ॥ ২০ ॥

রাকেন্দুমণ্ডলচ্চত্রো রাজাংশূত্করচামরঃ ।
রাজর্ষিগণসংবীতো রঞ্জিতপ্লবগাধিপঃ ॥ ২১ ॥

রমাদৃঙ্মালিকানীলা নীরাজিতপদাম্বুজঃ ।
রামতত্ত্বপ্রবচনো রাজরাজসখোদয়ঃ ॥ ২২ ॥

রাজবিম্বাননাগাননর্তনামোদিতান্তরঃ ।
রাজ্যলক্ষ্মীপরীরম্ভসম্ভৃতাদ্ভুতকণ্টকঃ ॥ ২৩ ॥

রামায়ণকথামালানায়কো রাষ্ট্রশোভনঃ ।
রাজমালামৌলিমালামকরন্দপ্লুতাঙ্ঘ্রিকঃ ॥ ২৪ ॥

রাজতাদ্রিমহাধীরো রাদ্ধদেবগুরুদ্বিজঃ ।
রাদ্ধভক্তাশয়ারামো রমিতাখিলদৈবতঃ ॥ ২৫ ॥

রাগী রাগবিহীনাত্মভক্তপ্রাপ্যো রসাত্মকঃ ।
রসপ্রদো রসাস্বাদো রসাধীশো রসাতিগঃ ॥ ২৬ ॥

রসনাপাবনাভিখ্যো রামনামামৃতোদধিঃ ।
রাজরাজীবমিত্রাক্ষো রাজীবভবকারণম্ ॥ ২৭ ॥

রমারামাশয়ানন্দ দুগ্ধসাগরচন্দ্রমাঃ ।
রামভদ্রো রাজমানো রাজীবপ্রিয়বিম্বগঃ ॥ ২৮ ॥

রমারামাভুজলতা কণ্ঠালিঙ্গনমঙ্গলঃ ।
রামসূরিহৃদম্ভোধিবৃত্তিবীচীবিহারবান্ ॥ ২৯ ॥

॥ ইতি বিশ্বাবসু চৈত্রশুদ্ধ নবমী দিনে রামেণ লিখিতং
সমর্পিতং চ রামভদ্রায় সদ্বিজয়তে তরাম্
রকারাদি শ্রী রামনামাষ্টোত্তরশতং ॥

Also Read:

Rakaradi Sri Rama Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil