Rakaradi Shri Ramashtottarashatanama Stotram Lyrics in Kannada:
॥ ರಕಾರಾದಿ ಶ್ರೀರಾಮಾಷ್ಟೋತ್ತರಶತನಾಮಸ್ತೋತ್ರಮ್ ॥
ಶ್ರೀ ಹಯಗ್ರೀವಾಯ ನಮಃ ।
ಹರಿಃ ಓಂ
ರಾಮೋ ರಾಜೀವಪತ್ರಾಕ್ಷೋ ರಾಕಾಚನ್ದ್ರನಿಭಾನನಃ ।
ರಾತ್ರಿಂಚರಾರ್ದಿತಕ್ಷೋಣೀ ಪರಿತಾಪವಿನಾಶನಃ ॥ 1 ॥
ರಾಜೀವನಾಭೋ ರಾಜೇನ್ದ್ರೋ ರಾಜೀವಾಸನಸಂಸ್ತುತಃ ।
ರಾಜರಾಜಾದಿದಿಕ್ಪಾಲಮೌಲಿ ಮಾಣಿಕ್ಯದೀಪಿತಃ ॥ 2 ॥
ರಾಘವಾನ್ವಯಪಾಥೋಧಿಚನ್ದ್ರೋ ರಾಕೇನ್ದುಸದ್ಯಶಾಃ ।
ರಾಮಚನ್ದ್ರೋ ರಾಘವೇನ್ದ್ರೋ ರಾಜೀವರುಚಿರಾನನಃ ॥ 3 ॥
ರಾಜಾನುಜಾಮನ್ದಿರೋರಾ ರಾಜೀವವಿಲಸತ್ಪದಃ ।
ರಾಜೀವಹಸ್ತೋ ರಾಜೀವಪ್ರಿಯವಂಶಕೃತೋದಯಃ ॥ 4 ॥
ರಾತ್ರಿನವ್ಯಾಮ್ಬುಭೃನ್ಮೂರ್ತೀ ರಾಜಾಂಶುರುಚಿರಸ್ಮಿತಃ ।
ರಾಜೀವಹಾರೋ ರಾಜೀವಧಾರೀ ರಾಜೀವಜಾಪ್ರಿಯಃ ॥ 5 ॥
ರಾಘವೋತ್ಸಂಗವಿದ್ಯೋತೋ ರಾಕೇನ್ದ್ವಯುತಭಾಸ್ವರಃ ।
ರಾಜಲೇಖಾನಖಾಂಕೂರೋ ರಾಜೀವಪ್ರಿಯಭೂಷಣಃ ॥ 6 ॥
ರಾಜರಾಜನ್ಮಣೀಭೂಷೋ ರಾರಾಜದ್ಭ್ರಮರಾಲಕಃ ।
ರಾಜಲೇಖಾಭಸೀಮನ್ತೋ ರಾಜನ್ಮೃಗಮದಾಂಕನಃ ॥ 7 ॥
ರಾಜಹೀರಲಸಚ್ಛ್ರೋತ್ರೋ ರಾಜೀವಕರಗಾಮೃತಃ ।
ರತ್ನಕಾಂಚೀಧರೋ ರಮ್ಯೋ ರತ್ನಕಾಂಚನಕಂಕಣಃ ॥ 8 ॥
ರಣತ್ಕಾಂಚನಮಂಜೀರೋ ರಂಜಿತಾಖಿಲಭೂತಲಃ ।
ರಾರಾಜತ್ಕುನ್ದರದನೋ ರಮ್ಯಕಂಠೋ ರತವ್ರಜಃ ॥ 9 ॥
ರಂಜಿತಾದ್ಭುತಗಾಧೇಯೋ ರಾತ್ರಿಂಚರಸತೀಹರಃ ।
ರಾತ್ರಿಂಚರಭಯತ್ತ್ರಾತಗಾಧೇಯ ಸವನೋತ್ತಮಃ ॥ 10 ॥
ರಾರಾಜಚ್ಚರಣಾಮ್ಭೋಜರಜಃಪೂತಮುನಿಪ್ರಿಯಃ ।
ರಾಜರಾಜಸುಹೃಚ್ಚಾಪಭೇದನೋ ರಾಜಪೂಜಿತಃ ॥ 11 ॥
ರಮಾರಾಮಾಕರಾಮ್ಭೋಜ ಮಾಲೋನ್ಮೀಲಿತಕಂಠಮಃ ।
ರಮಾಕರಾಬ್ಜಮಾರನ್ದಬಿನ್ದುಮುಕ್ತಾಫಲಾವೃತಃ ॥ 12 ॥
ರತ್ನಕಂಕಣನಿಧ್ವಾನಮಿಷಲ್ಲಕ್ಷ್ಮೀಸ್ತುತಿಶ್ರುತಿಃ ।
ರಮಾವಾಮದೃಗನ್ತಾಲಿ ವ್ಯಾಪ್ತದುರ್ಲಕ್ಷ್ಯವಿಗ್ರಹಃ ॥ 13 ॥
ರಾಮತೇಜಸ್ಸಮಾಹರ್ತಾ ರಾಮಸೋಪಾನಭಂಜನಃ ।
ರಾಘವಾಜ್ಞಾಕೃತಾರಣ್ಯವಾಸೋ ರಾಮಾನುಜಾರ್ಚಿತಃ ॥ 14 ॥
ರಕ್ತಕಂಜಾತಚರಣೋ ರಮ್ಯವಲ್ಕಲವೇಷ್ಟಿತಃ ।
ರಾತ್ರ್ಯಮ್ಬುದಜಟಾಭಾರೋ ರಮ್ಯಾಂಗಶ್ರೀವಿಭೂಷಣಃ ॥ 15 ॥
ರಣಚ್ಚಾಪಗುಣೋರಕ್ತಮುನಿತ್ರಾಣಪರಾಯಣಃ ।
ರಾತ್ರಿಂಚರಗಣಪ್ರಾಣಹರ್ತಾ ರಮ್ಯಫಲಾದನಃ ॥ 16 ॥
ರಾತ್ರಿಂಚರೇನ್ದ್ರಭಗಿನೀಕರ್ಣನಾಸೋಷ್ಟಭೇದನಃ ।
ರಾತಮಾಯಾಮೃಗಪ್ರಾಣೋ ರಾವಣಾಹೃತಸತ್ಪ್ರಿಯಃ ॥ 17 ॥
ರಾಜೀವಬನ್ಧುಪುತ್ರಾಪ್ತೋ ರಾಜದೇವಸುತಾರ್ಧನಃ ।
ರಕ್ತಶ್ರೀಹನುಮದ್ವಾಹೋ ರತ್ನಾಕರನಿಬನ್ಧನಃ ॥ 18 ॥
ರುದ್ಧರಾತ್ರಿಂಚರಾವಾಸೋ ರಾವಣಾದಿವಿಮರ್ದನಃ ।
ರಾಮಾಸಮಾಲಿಂಗಿತಾಂಕೋ ರಾವಣಾನುಜಪೂಜಿತಃ ॥ 19 ॥
ರತ್ನಸಿಂಹಾಸನಾಸೀನೋ ರಾಜ್ಯಪಟ್ಟಾಭಿಷೇಚನಃ ।
ರಾಜನಕ್ಷತ್ರವಲಯವೃತ ರಾಕೇನ್ದುಸುನ್ದರಃ ॥ 20 ॥
ರಾಕೇನ್ದುಮಂಡಲಚ್ಚತ್ರೋ ರಾಜಾಂಶೂತ್ಕರಚಾಮರಃ ।
ರಾಜರ್ಷಿಗಣಸಂವೀತೋ ರಂಜಿತಪ್ಲವಗಾಧಿಪಃ ॥ 21 ॥
ರಮಾದೃಙ್ಮಾಲಿಕಾನೀಲಾ ನೀರಾಜಿತಪದಾಮ್ಬುಜಃ ।
ರಾಮತತ್ತ್ವಪ್ರವಚನೋ ರಾಜರಾಜಸಖೋದಯಃ ॥ 22 ॥
ರಾಜಬಿಮ್ಬಾನನಾಗಾನನರ್ತನಾಮೋದಿತಾನ್ತರಃ ।
ರಾಜ್ಯಲಕ್ಷ್ಮೀಪರೀರಮ್ಭಸಮ್ಭೃತಾದ್ಭುತಕಂಟಕಃ ॥ 23 ॥
ರಾಮಾಯಣಕಥಾಮಾಲಾನಾಯಕೋ ರಾಷ್ಟ್ರಶೋಭನಃ ।
ರಾಜಮಾಲಾಮೌಲಿಮಾಲಾಮಕರನ್ದಪ್ಲುತಾಂಘ್ರಿಕಃ ॥ 24 ॥
ರಾಜತಾದ್ರಿಮಹಾಧೀರೋ ರಾದ್ಧದೇವಗುರುದ್ವಿಜಃ ।
ರಾದ್ಧಭಕ್ತಾಶಯಾರಾಮೋ ರಮಿತಾಖಿಲದೈವತಃ ॥ 25 ॥
ರಾಗೀ ರಾಗವಿಹೀನಾತ್ಮಭಕ್ತಪ್ರಾಪ್ಯೋ ರಸಾತ್ಮಕಃ ।
ರಸಪ್ರದೋ ರಸಾಸ್ವಾದೋ ರಸಾಧೀಶೋ ರಸಾತಿಗಃ ॥ 26 ॥
ರಸನಾಪಾವನಾಭಿಖ್ಯೋ ರಾಮನಾಮಾಮೃತೋದಧಿಃ ।
ರಾಜರಾಜೀವಮಿತ್ರಾಕ್ಷೋ ರಾಜೀವಭವಕಾರಣಮ್ ॥ 27 ॥
ರಮಾರಾಮಾಶಯಾನನ್ದ ದುಗ್ಧಸಾಗರಚನ್ದ್ರಮಾಃ ।
ರಾಮಭದ್ರೋ ರಾಜಮಾನೋ ರಾಜೀವಪ್ರಿಯಬಿಮ್ಬಗಃ ॥ 28 ॥
ರಮಾರಾಮಾಭುಜಲತಾ ಕಂಠಾಲಿಂಗನಮಂಗಲಃ ।
ರಾಮಸೂರಿಹೃದಮ್ಭೋಧಿವೃತ್ತಿವೀಚೀವಿಹಾರವಾನ್ ॥ 29 ॥
॥ ಇತಿ ವಿಶ್ವಾವಸು ಚೈತ್ರಶುದ್ಧ ನವಮೀ ದಿನೇ ರಾಮೇಣ ಲಿಖಿತಂ
ಸಮರ್ಪಿತಂ ಚ ರಾಮಭದ್ರಾಯ ಸದ್ವಿಜಯತೇ ತರಾಮ್
ರಕಾರಾದಿ ಶ್ರೀ ರಾಮನಾಮಾಷ್ಟೋತ್ತರಶತಂ ॥
Also Read:
Rakaradi Sri Rama Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
