Shivabhujanga Prayaata Stotram Lyrics in Bengali

শিৱভুজঙ্গ প্রযাত স্তোত্রম Lyrics in Bengali:

শিৱভুজঙ্গ প্রযাত স্তোত্রম |

গলদ্দানগণ্ডং মিলদ্ভৃঙ্গখণ্ডং চলচ্চারুশুণ্ডং জগত্রাণশৌণ্ডং |
লসদ্দন্তকাণ্ডং ৱিপদ্ভঙ্গচণ্ডং শিৱপ্রেমপিণ্ডং ভজে ৱক্রতুণ্ডম||১||

অনাদ্যন্তমাদ্যং পরন্তত্ত্ৱমর্থং চিদাকারমেকং তুরীযং ত্ৱমেযম |
হরিব্রহ্মমৃগ্যং পরব্রহ্মরূপং মনোৱাগতীতং মহঃ শৈৱমীডে ||২||

স্ৱশক্ত্যাদি শক্ত্য্ন্তসিংহাসনস্থং মনোহারিসর্ৱাংগরত্নাদিভূষম |
জটাহীংদুগংগাস্থিশশ্যর্কমৌলিং পরং শক্তিমিত্রং নুমঃ পঞ্চৱক্ত্রম ||৩||

শিৱেশানতত্পূরুষাঘোরৱামাদিভির্ব্রহ্মভির্হৃন্মুখৈঃ ষড্ভিরংগৈঃ |
অনৌপম্যষট্ত্রিংশতং তত্ত্ৱৱিদ্যামতীতং পরং ত্ৱাং কথং ৱেত্তি কো ৱা ||৪||

প্রৱালপ্রৱাহপ্রভাশোণমর্ধং মরুত্ৱন্মণিশ্রীমহঃ শ্যামমর্ধম |
গুণস্যূতমেকং ৱপুশ্চেকমন্তঃ স্মরামি স্মরাপত্তিসংপত্তিহেতুম ||৫||

স্ৱসেৱাসমাযাত দেৱাসুরেন্দ্রা নমন্মৌলিমন্দারমালাভিষিক্তম |
নমস্যামি শংভো পদাংভোরুহং তে ভৱাংভোধিপোতং ভৱানীৱিভাৱ্যম ||৬||

জগন্নাথ মন্নাথ গৌরীসনাথ প্রপন্নানুকংপিন্ৱিপন্নার্তিহারিন |
মহঃ স্তোমমূর্তে সমস্তৈকবন্ধো নমস্তে নমস্তে পুনস্তে নমোঽস্তু ||৭||

মহাদেৱ দেৱেশ দেৱাধিদেৱ স্মরারে পুরারে যমারে হরেতি |
ব্রুৱাণঃ স্মরিষ্ৱামি ভক্ত্যা ভৱন্তং ততো মে দযাশীল দেৱ প্রসীদ ||৮||

ৱিরূপাক্ষ ৱিশ্ৱেশ ৱিদ্যাদিকেশ ত্রযীমূল শংভো শিৱ ত্র্যংবক ত্ৱম |
প্রসীদ স্মর ত্রাহি পশ্যাৱ পুণ্য ক্ষমস্ৱাপ্নুহি ত্র্যক্ষ পাহি ত্ৱমস্মান ||৯||

ত্ৱদন্যঃ শরণ্যঃ প্রপন্ন্স্য নেতি প্রসীদ স্মরন্নৱ হন্যাস্তু দৈন্যম |
ন চেত্তে ভৱেদ্ভক্তৱাত্সল্যহানিস্ততো মে দযালো দযাং সন্নিধেহি ||১০||

অযং দানকালস্ত্ৱহং দানপাত্রং ভৱান্নাথ দাতা ত্ৱদন্যন্ন যাচে |
ভৱদ্ভক্তিমেৱ স্থিরাং দেহি মহ্যং কৃপাশীল শংভো কৃতার্থোঽস্মি তস্মাত ||১১||

পশুং ৱেত্সি চেন্মাং ত্ৱমেৱাধিরূঢঃ কলংকীতি ৱা মূর্ধ্নি ধত্সে ত্ৱমেৱ |
দ্ৱিজিহ্ৱঃ পুনঃ সোঽপি তে কণ্ঠভূষা ত্ৱদঙ্গকৃতাঃ শর্ৱ সর্ৱেঽপি ধন্যাঃ ||১২||

ন শক্নোমি কর্তুং পরদ্রোহলেশং কথং প্রীযসে ত্ৱং ন জানে গিরীশ |
তদা হি প্রসন্নোঽসি কস্যাপি কান্তাসুতদ্রোহিণো ৱা পিতৃদ্রোহিণো ৱা ||১৩||

স্তুতিং ধ্যানমর্চাং যথাৱদ্ৱিধাতুং ভজন্নপ্যজানন্মহেশাৱলংবে |
ত্রসন্তং সুতং ত্রাতুমগ্রে মৃকণ্ডোর্যমপ্রাণনির্ৱাপণং ত্ৱত্পদাব্জম ||১৪||

অকণ্ঠে কলঙ্কাদনঙ্গে ভুজঙ্গাদপাণৌ কপালাদভালেঽনলাক্ষাত |
অমৌলৌ শশাঙ্কাদৱামে কলত্রাদহং দেৱমন্যং ন মন্যে ন মন্যে ||১৫||

শিরোদ্দষ্টিহৃদ্রোগশূলপ্রমেহজ্ৱরার্শোজরাযক্ষ্মহিক্কাৱিষার্তান |
ত্ৱমাদ্যো ভিষগ্ভেষজং ভস্ম শংভো ত্ৱমুল্লাঘযাস্মান্ৱপুর্লাঘৱায ||

দরিদ্রোঽস্ম্যভদ্রোঽস্মি দূযে ৱিষণ্ণোঽস্মি সন্নোঽস্মি ভিন্নোঽস্মি চাহম |
ভৱান্প্রাণিনামন্তরাত্মাসি শংভো মমাধিং ন ৱেত্সি প্রভো রক্ষ মাং ত্ৱম ||১৬||

ত্ৱদক্ষ্ণোঃ কটাক্ষঃ পতেত ত্র্যক্ষ যত্র ক্ষণং ক্ষ্মা চ লক্ষ্মীঃ স্ৱযং তং ৱৃণীতে |
কিরীটস্ফুরচ্চামরচ্ছত্রমালাকলাচীগজক্ষামভূষাৱিশেষৈঃ ||১৭||

ভৱান্যৈ ভৱাযাপি মাত্রে চ পিত্রে মৃডান্যৈ মৃডাযাপ্যঘঘ্নে মখঘ্নে |
শিৱাঙ্গ্যৈ শিৱাঙ্গায কুর্মঃ শিৱাযৈ শিৱাযাম্বিকাযৈ নমস্যম্বকায ||১৮||

ভৱদ্গৌরৱং মল্লঘুত্ৱং ৱিদিত্ৱা প্রভো রক্ষ কারুণ্যদ্দষ্ট্যানুগং মাম |
শিৱাত্মানুভাৱস্তুতাৱক্ষমোঽহং স্ৱশক্ত্যা কৃতং মেঽপরাধং ক্ষমস্ৱ ||১৯||

যদা কর্ণরন্ধ্রং ৱ্রজেত্কালৱাহদ্ৱিষত্কণ্ঠঘণ্টাঘণাকারনাদঃ |
ৱৃষাধীশমারুহ্য দেৱৌপৱাহ্যং তদা ৱত্স মা ভীরিতি প্রীণয ত্ৱম ||২০||

যদা দারুণা ভাষণা ভীষণা মে ভৱিষ্যন্ত্যুপান্তে কৃতান্তস্য দূতাঃ |
তদা মন্মনস্ত্ৱত্পদাম্ভোরুহস্থং কথং নিশ্চলং স্যান্নমস্তেঽস্তু শংভো||২১||

যদা দুর্নিৱারৱ্যথোঽহং শযানো লুঠন্নিঃশ্ৱসন্নিঃসৃতা ৱ্যক্তৱাণিঃ |
তদা জহ্রুকন্যাজলালঙ্কঋতং তে জটামণ্ডলং মন্মনোমন্দিরং স্যাত ||২২||

যদা পুত্রমিত্রাদযো মত্সকাশে রুদন্ত্যস্য হা কীদ্দশীযং দশেতি |
তদা দেৱদেৱেশ গৌরীশ শংভো নমস্তে শিৱাযেত্যজস্রং ব্রৱাণি || ২৩||

যদা পশ্যতাং মামসৌ ৱেত্তি নাস্মানযং শ্ৱাস এৱেতি ৱাচো ভৱেযুঃ |
তদা ভূতিভূষং ভুজঙ্গাৱনদ্ধং পুরারে ভৱন্তং স্ফুটং ভাৱযেযম ||২৪||

যদা যাতনাদেহ সন্দেহৱাহী ভৱেদাত্মদেহে ন মোহো মহান্মে |
তদা কাশশীতাংশুসঙ্কাশমীশ স্মরারে ৱপুস্তে নমস্তে স্মরাণি ||২৫||

যদা পারমচ্ছাযমস্থানমদ্ভির্জনৈর্ৱা ৱিহীনং গমিষ্যামি মার্গম |
তদা তং নিরুব্ধন্কৃতান্তস্য মার্গং মহাদেৱ মহ্যং মনোজ্ঞং প্রযচ্ছ ||২৬||

যদা রৌরৱাদি স্মরন্নেৱ ভীত্যা ৱ্রজাম্যত্র মোহং মহাদেৱ ঘোরম |
তদা মামহো নাথ তস্তারযিষ্যত্যনাথং পরাধীনমর্ধেন্দুমৌলে ||২৭||

যদা শ্ৱেতপত্রাযতালঙ্ঘ্যশক্তেঃ কৃতান্তাদ্ভযং ভক্তৱাত্সল্যভাৱাত |
তদা পাহি মাং পার্ৱতীৱল্লভান্যং ন পশ্যামি পাতারমেতাদ্দশং মে ||২৮||

ইদানীমিদানীং মৃতির্মে ভৱিত্রীত্যহো সন্ততং চিন্তযা পীডিতোঽস্মি |
কথং নাম মা ভূন্মৃতৌ ভীতিরেষা নমস্তে গতীনাং গতে নীলকণ্ঠ ||২৯||

অমর্যাদমেৱাহমাঽঽবালৱৃদ্ধং হরন্তং কৃতান্তং সমীক্ষ্যাস্মি ভীতঃ |
মৃতৌ তাৱকাঙ্ঘ্র্যব্জদিৱ্যপ্রসাদাদ্ভৱানীপতে নির্ভযোঽহং ভৱানি ||৩০||

জরাজন্মগর্ভাধিৱাসাদিদুঃখান্যসহ্যানি জহ্যাং জগন্নাথদেৱ |
ভৱন্তং ৱিনা মে গতির্নৈৱ শংভো দযালো ন জাগর্তি কিং ৱা দযা তে || ৩১||

শিৱাযেতি শব্দো নমঃপূর্ৱ এষ স্মরন্মুক্তিকৃন্মৃত্যুহা তত্ত্ৱৱাচী |
মহেশান মা গান্মনস্তো ৱচস্তঃ সদা মহ্যমেতত্প্রদানং প্রযচ্ছ ||৩২||

ত্ৱমত্যম্ব মাং পশ্য শীতাংশুমৌলিপ্রিযে ভেষজং ত্ৱং ভৱৱ্যাধিশান্তৌ |
বহুক্লেশভাজং পদাম্ভোজপোতে ভৱাব্ধৌ নিমগ্নং নযস্ৱাদ্যপারম || ৩৩||

অনুদ্যল্ললাটাক্ষিৱহ্নিপ্ররোহৈরৱামস্ফুরচ্চারুৱামোরুশোভৈঃ |
অনঙ্গভ্রমদ্ভোগিভূষাৱিশেষরচন্দ্রার্ঘচূডৈরলং দৈৱতৈর্নঃ || ৩৪||

অকণ্ঠে কলঙ্কাদনঙ্গে ভুজঙ্গাদপাণৌ কপালাদভালেঽনলাক্ষাত |
অমৌলৌ শশাঙ্কাদৱামে কলত্রাদহং দেৱমন্যং ন মন্যে ন মন্যে ||৩৫||

মহাদেৱ শংভো গিরীশ ত্রিশূলিংস্ত্ৱযীদং সমস্তং ৱিভাতীতি যস্মাত |
শিৱাদন্যথা দৈৱতং নাভিজানে শিৱোঽহং শিৱোঽহং শিৱোঽহম ||৩৬||

যতোঽজাযতেদং প্রপঞ্চং ৱিচিত্রং স্থিতিং যাতি যস্মিন যদেকান্তমন্তে |
স কর্মাদিহীনঃ স্ৱযংজ্যোতিরাত্মা শিৱোঽহং শিৱোঽহং শিৱোঽহম ||৩৭||

কিরীটে নিশেশো ললাটে হুতাশো ভুজে ভোগিরাজো গলে কালিমা চ |
তনৌ কামিনী যস্য তত্তুল্যদেৱং ন জানে ন জানে ন জানে || ৩৮||

অনেন স্তৱেনাদরাদম্বিকেশং পরাং ভক্তিমাসাদ্য যং যে নমন্তি |
মৃতৌ নির্ভযাস্তে জনাস্তং ভজন্তে হৃদম্ভোজমধ্যে সদাসীনমীশম || ৩৯||

ভুজঙ্গপ্রিযাকল্প শম্ভো মযৈৱং ভুজঙ্গপ্রযাতেন ৱৃত্তেন ক্লৃপ্তম |
নরঃ স্তোত্রমেতত্পঠিত্ৱোরুভক্ত্যা সুপুত্রাযুরারোগ্যমৈশ্ৱর্যমেতি || ৪০||

ইতি শ্রীমত্পরমহংসপরিৱ্রাজকাচার্য শ্রীমচ্ছঙ্কারাচার্য
ৱিরচিতং শিৱভুজঙ্গ প্রযাতস্তোত্রং সংপূর্ণম ||