Ashtottara Shatanama

Shri Dhumavatya Ashtottara Shatanama Stotram Lyrics in Malayalam | Shakthi Sloka

Sri Dhumavati Ashtottara Shatanama Stotram Lyrics in Malayalam:

॥ ശ്രീധൂമാവത്യഷ്ടോത്തരശതനാമസ്തോത്രം ॥

ഈശ്വര ഉവാച
ധൂമാവതീ ധൂംരവര്‍ണാ ധൂംരപാനപരായണാ ।
ധൂംരാക്ഷമഥിനീ ധന്യാ ധന്യസ്ഥാനനിവാസിനീ ॥ 1 ॥

അഘോരാചാരസന്തുഷ്ടാ അഘോരാചാരമണ്ഡിതാ ।
അഘോരമന്ത്രസമ്പ്രീതാ അഘോരമന്ത്രപൂജിതാ ॥ 2 ॥

അട്ടാട്ടഹാസനിരതാ മലിനാംബരധാരിണീ ।
വൃദ്ധാ വിരൂപാ വിധവാ വിദ്യാ ച വിരലദ്വിജാ ॥ 3 ॥

പ്രവൃദ്ധഘോണാ കുമുഖീ കുടിലാ കുടിലേക്ഷണാ ।
കരാലീ ച കരാലാസ്യാ കങ്കാലീ ശൂര്‍പധാരിണീ ॥ 4 ॥

കാകധ്വജരഥാരൂഢാ കേവലാ കഠിനാ കുഹൂഃ ।
ക്ഷുത്പിപാസാര്‍ദിതാ നിത്യാ ലലജ്ജിഹ്വാ ദിഗംബരീ ॥ 5 ॥

ദീര്‍ഘോദരീ ദീര്‍ഘരവാ ദീര്‍ഘാങ്ഗീ ദീര്‍ഘമസ്തകാ ।
വിമുക്തകുന്തലാ കീര്‍ത്യാ കൈലാസസ്ഥാനവാസിനീ ॥ 6 ॥

ക്രൂരാ കാലസ്വരൂപാ ച കാലചക്രപ്രവര്‍തിനീ ।
വിവര്‍ണാ ചഞ്ചലാ ദുഷ്ടാ ദുഷ്ടവിധ്വംസകാരിണീ ॥ 7 ॥

ചണ്ഡീ ചണ്ഡസ്വരൂപാ ച ചാമുണ്ഡാ ചണ്ഡനിസ്വനാ ।
ചണ്ഡവേഗാ ചണ്ഡഗതിശ്ചണ്ഡമുണ്ഡവിനാശിനീ ॥ 8 ॥

ചാണ്ഡാലിനീ ചിത്രരേഖാ ചിത്രാങ്ഗീ ചിത്രരൂപിണീ ।
കൃഷ്ണാ കപര്‍ദിനീ കുല്ലാ കൃഷ്ണാരൂപാ ക്രിയാവതീ ॥ 9 ॥

കുംഭസ്തനീ മഹോന്‍മത്താ മദിരാപാനവിഹ്വലാ ।
ചതുര്‍ഭുജാ ലലജ്ജിഹ്വാ ശത്രുസംഹാരകാരിണീ ॥ 10 ॥

ശവാരൂഢാ ശവഗതാ ശ്മശാനസ്ഥാനവാസിനീ ।
ദുരാരാധ്യാ ദുരാചാരാ ദുര്‍ജനപ്രീതിദായിനീ ॥ 11 ॥

നിര്‍മാംസാ ച നിരാകാരാ ധൂതഹസ്താ വരാന്വിതാ ।
കലഹാ ച കലിപ്രീതാ കലികല്‍മഷനാശിനീ ॥ 12 ॥

മഹാകാലസ്വരൂപാ ച മഹാകാലപ്രപൂജിതാ ।
മഹാദേവപ്രിയാ മേധാ മഹാസങ്കടനാശിനീ ॥ 13 ॥

ഭക്തപ്രിയാ ഭക്തഗതിര്‍ഭക്തശത്രുവിനാശിനീ ।
ഭൈരവീ ഭുവനാ ഭീമാ ഭാരതീ ഭുവനാത്മികാ ॥ 14 ॥

ഭേരുണ്ഡാ ഭീമനയനാ ത്രിനേത്രാ ബഹുരൂപിണീ ।
ത്രിലോകേശീ ത്രികാലജ്ഞാ ത്രിസ്വരൂപാ ത്രയീതനുഃ ॥ 15 ॥

ത്രിമൂര്‍തിശ്ച തഥാ തന്വീ ത്രിശക്തിശ്ച ത്രിശൂലിനീ ।
ഇതി ധൂമാമഹത്സ്തോത്രം നാംനാമഷ്ടോത്തരാത്മകം ॥ 16 ॥

മയാ തേ കഥിതം ദേവി ശത്രുസങ്ഘവിനാശനം ।
കാരാഗാരേ രിപുഗ്രസ്തേ മഹോത്പാതേ മഹാഭയേ ॥ 17 ॥

ഇദം സ്തോത്രം പഠേന്‍മര്‍ത്യോ മുച്യതേ സര്‍വസങ്കടൈഃ ।
ഗുഹ്യാദ്ഗുഹ്യതരം ഗുഹ്യം ഗോപനീയം പ്രയത്നതഃ ॥ 18 ॥

ചതുഷ്പദാര്‍ഥദം നൄണാം സര്‍വസമ്പത്പ്രദായകം ॥ 19 ॥

ഇതി ശ്രീധൂമാവത്യഷ്ടോത്തരശതനാമസ്തോത്രം സമ്പൂര്‍ണം ॥

Also Read:

Shri Dhumavatya Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil