ശ്രീഗര്‍വാപഹാരാഷ്ടകം Lyrics in Malayalam:
സ്ഥൂലം വിലോക്യ വപുരാത്മഭുവാം സമൂഹം
ജായാം ധനാനി കുപഥേ പതിതാനി ഭൂയഃ ।
കിം തോഷമേഷി മനസാ സകലം സമാപ്തേ
പുണ്യേ വൃഥാ തവ ഭവിഷ്യതി മൂഢബുദ്ധേ ॥ 1॥
ഈശം ഭജാന്ധ വിനിയുങ്ക്ഷ്യ ബന്ധനാനി തത്ര
സാധൂന്‍സമര്‍ച പരിപൂജയ വിപ്രവൃന്ദം ।
ദീനാന്‍ ദയായുതദൃശാ പരിപശ്യ നിത്യം
നേയം ദശാ തവ ദശാനനതോ വിശിഷ്ടാ ॥ 2॥
ധനാനി സങ്ഗൃഹ്യ നിഗൃഹ്യ രസം വിഗൃഹ്യ നിഗൃഹ്യ ലോകം പരിഗൃഹ്യ മോഹേ ।
ദേഹം വൃഥാ പുഷ്ടമിമം വിധായ ന സാധവോ മൂഢ സഭാജിതാഃ കിം ॥ 3॥
ന നംരതാ കൃഷ്ണജനേഽതികൃഷ്ണധനേ പരം നൈവ ദയാതിദീനേ ।
കുടുംബപോഷൈകമതേ സദാ ന തേ വിധേഹി ബുദ്ധൌ ച വിമര്‍ഷമന്തഃ ॥ 4॥
നൈതേ ഹയാ നൈവ രഥാ ന ചോഷ്ട്രാ ന വാരണാ നേതരവാഹനാനി ।
വിഹായ ദേഹം സമയേ ഗതേ തേ പരമ്പ്രപാതസ്യ ത സാധനാനി ॥ 5॥
കൃഷ്ണസ്യ മായാമവഗത്യ മായാ സമൂഢതാന്തം ഹൃദയേ വിധായ ।
തദര്‍ഥമേവാഖിലലൌകികം തേ വിദേഹിരേ വൈദികമപ്യശേഷം ॥ 6॥
ആയുഃ പ്രയാതി ന ഹി യാതി സുതാദിരാത്മാ
രായോഽഖിലാ അപി വിഹായ മൃതം വ്രജന്തി ।
ഇത്ഥം വിചിന്ത്യ വിഷയേഷു വിസൃജ്യ സക്തിം
ഭക്തിം ഹരേഃ കുരു പരാം കരുണാര്‍ണവസ്യ ॥ 7॥
വിധായ മഹദാശ്രയം സമവഹായ സക്തിം സൃതേ-
ര്‍നിധായ ചരണാംബുജം ഹൃദി ഹരേഃ സുഖം സംവിശ ।
കിമര്‍ഥമതിചഞ്ചലം പ്രകുരുഷേ മനഃ സമ്പദോ
വിലോക്യ ന ഹിതാശ്ചലാഃ സുഖയിതും ക്ഷമാ ദുര്‍മദ ॥ 8॥
ഇതി ശ്രീഹരിരായഗ്രഥിതം ശ്രീഗര്‍വാപഹാരാഷ്ടകം സമാപ്തം ॥