Sri Gokuleshashtottarashatanama Stotram Lyrics in Bengali:
শ্রীগোকুলেশাষ্টোত্তরশতনামস্তোত্রম্
য়ন্নামাব্জং সদাপূর্ণং কৃপাজ্যোত্স্নাসমন্বিতম্ ।
পুষ্টিভক্তিসুধাবৃষ্টিকারকং চ সুখাল্পদম্ ॥ ১ ॥
অথ নামশতং সাষ্টং বল্লভস্য বদাম্যহম্ ।
দেবতা বল্লভো নাম্নাং ছন্দোঽনুষ্টুপ্ সুখাকরম্ ॥ ২ ॥
ফলং তু তত্পদাম্ভোজে ব্যসনং সর্বদা ভবেত্ ।
ঋষিস্তু বিষ্ণুদাসোঽত্র দাসায় বরণং মতম্ ॥ ৩ ॥
বল্লভো গোকুলেশশ্চ বিঠ্ঠলেশপ্রিয়াত্মজঃ ।
তাততুল্যস্বভাবস্থো ব্রজমঙ্গলভূষণঃ ॥ ৪ ॥
ধরাধরস্নেহদান্তো বহুনির্দোষবিগ্রহঃ ।
ভজনানন্দপীয়ূষপূর্ণো মঞ্জুদৃগঞ্চলঃ ॥ ৫ ॥
দাসবৃন্দচকোরেন্দুঃ করুণাদৃষ্টিবৃষ্টিকৃত্ ।
ষট্কর্মবাঞ্জনাধারঃ প্রতীতঃ পুরুষোত্তমঃ ॥ ৬ ॥
দাসলীলাবিষ্টচিত্তো গোপীবল্লভবল্লভঃ ।
গৃহস্থধর্মকর্তা চ মর্যাদামার্গরক্ষকঃ ॥ ৭ ॥
পুষ্টিমার্গস্থিতো নিত্যং কৃষ্ণপ্রেমরসাত্মকঃ ।
দ্বিজদারিদ্র্যদুঃখঘ্নো বাঞ্ছাকল্পতরুর্মহান্ ॥ ৮ ॥
অনন্যভক্তভাবজ্ঞো মোহনাদিসুখপ্রদঃ ।
বল্লভেষ্টপ্রদো নিত্যং গোকুলপ্রীতিবর্ধনঃ ॥ ৯ ॥
দাসজীবনরূপশ্চ কন্দর্পাদপি সুন্দরঃ ।
পাদপদ্মরসস্পর্শসর্বারিষ্টনিবারকঃ ॥ ১০ ॥
মালীরক্ষণকর্তা চ শুদ্ধসত্কীর্তিবর্ধনঃ ।
দুষ্টানান্দোষহন্তা য়ো ভক্তনির্ভয়কারকঃ ॥ ১১ ॥
ইন্দ্রাদিভির্নতো দক্ষো লাবণ্যামৃতবারিধিঃ ।
রসিকো দ্বিজরাজাখ্যো দ্বিজবংশবিভূষণঃ ॥ ১২ ॥
অসাধারণসদ্ধর্মা সাধারঃ সুজনাশ্রিতঃ ।
ক্ষমাবান্ ক্রোধমাত্সর্যতিরস্কারাদিবর্জিতঃ ॥ ১৩ ॥
গোপীকান্তো মনোহারী দামোদরগুণোত্সবঃ ।
বিহারী ভক্তপ্রাণেশো রাজীবদললোচনঃ ॥ ১৪ ॥
মুকুন্দানুগ্রহোত্সাহী ভক্তিমার্গরসাত্মকঃ ।
ভক্তভাগ্যফলং ধীরো বন্ধুসজ্জনবেষ্টিতঃ ॥ ১৫ ॥
বচনামৃতমাধুর্যতৃপ্তসেবকসংস্তুতঃ ।
নিত্যোত্সবো নিত্যশ্রেয়ো নিত্যদানপরায়ণঃ ॥ ১৬ ॥
ভববন্ধনদুঃখঘ্নো মহদাধিবিনাশকঃ ।
রসভাবনিগূঢাত্মা স্বীয়েষু জ্ঞাপিতাশয়ঃ ॥ ১৭ ॥ Possible missing verse
নয়নানন্দকর্তা চ বিশ্বমোহনরূপধৃক্ ।
শ্রুতিস্মৃতিপুরাণাদি-শাস্ত্রাতত্ত্বার্থপারগঃ ॥ ১৮ ॥
ধনাঢ্যো ধনদো ধর্মরক্ষাকর্তা শুভপ্রদঃ ।
সর্বেশ্বরঃ সদাপূর্ণজ্ঞানবান্ বিবুধপ্রিয়ঃ ॥ ১৯ ॥
ব্রহ্মবাদে সবিশ্বাসো মায়াবাদাদিখণ্ডনঃ ।
উগ্রপ্রতাপবান্ ধ্যেয়ো ভৃত্যদুঃখনিবারকঃ ॥ ২০ ॥
সতামাত্মাঽজাতশত্রুর্জীবমাত্রশুভস্পৃহঃ ।
দীনবন্ধুর্বিধুঃ শ্রীমান্ দয়ালুর্ভক্তবত্সলঃ ॥ ২১ ॥
অনবদ্যসুসঙ্কল্পো জগদুদ্ধারণক্ষমঃ ।
অনন্তশক্তিমান্ শুদ্ধগম্ভীরমৃদুলাশয়ঃ ॥ ২২ ॥
প্রণামমাত্রসন্তুষ্টঃ সর্বাধিকসুখপ্রদঃ ।
শৃঙ্গারাদিরসোত্কর্ষচাতুর্যবলিতস্মিতঃ ॥ ২৩ ॥
পাদাম্বুজরজঃস্পর্শমহাপতিতপাবনঃ ।
পিতৃপালিতসদ্ধর্মরক্ষণোত্সুকমানসঃ ॥ ২৪ ॥
ভক্তিসিদ্ধান্তমর্মজ্ঞো গূঢভাবপ্রকাশকঃ ।
পুষ্টিপ্রবাহমর্যাদামার্গনির্ধারকারকঃ ॥ ২৫ ॥
শ্রীভাগবতসারজ্ঞো সর্বাধিকতত্ত্ববোধকঃ ।
অনন্যভাবসন্তুষ্টঃ পরাশ্রয়নিবারকঃ ॥ ২৬ ॥
আচার্যার্ধ্যস্বরূপশ্চ সদাদ্ভুতচরিত্রবান্ ।
তৈলঙ্গতিলকো দৈবীসৃষ্টিসাফল্যকারকঃ ॥ ২৭ ॥
ইতি শ্রীগোকুলেশানাং নামাব্জাভিধমুত্তমম্ ।
স্তোত্রং সদ্ব্রহ্মভট্টেন বিষ্ণুদাসেন বর্ণিতম্ ॥ ২৮ ॥
য়ঃ পঠেচ্ছৃণুয়াদ্ভক্ত্যা প্রভুস্তস্য প্রিয়ো ভবেত্ ।
সংশয়োঽত্র ন কর্তব্যঃ সমর্থো গোকুলেশ্বরঃ ॥ ২৯ ॥
তত্কারুণ্যবলেনৈব ময়ৈতত্প্রকটীকৃতম্ ।
পঠন্তু সাধবোঽপ্যেতত্তদ্বদ্দেবানুকম্পয়া ॥ ৩০ ॥
মদীয়েয়ং তু বিজ্ঞপ্তির্বুদ্ধিদোষপ্রমত্ততাম্ ।
শোধয়িত্বা য়থায়ুক্তং তথা কুর্বন্তু সাধবঃ ॥ ৩১ ॥
ইতি শ্রীবিষ্ণুদাসবিরচিতমষ্টোত্তরশতনাম্নাং স্তোত্রং সম্পূর্ণম্ ।
Also Read:
Shri Gokulesh Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
