Sri Hanumada Ashtottara Shatanama Stotram 2 Lyrics in Oriya:
॥ ଶ୍ରୀହନୁମଦଷ୍ଟୋତ୍ତରଶତନାମସ୍ତୋତ୍ରମ୍ ୨ ॥
(ପାଞ୍ଚରାତ୍ରାଗମତଃ)
ରାମଦାସାଗ୍ରଣୀଃ ଶ୍ରୀମାନ୍ ହନୂମାନ୍ ପଵନାତ୍ମଜଃ ।
ଆଞ୍ଜନେୟଃ କପିଶ୍ରେଷ୍ଠଃ କେସରୀପ୍ରିୟନନ୍ଦନଃ ॥ ୧ ॥
ଆରୋପିତାଂସୟୁଗଲରାମରାମାନୁଜଃ ସୁଧୀଃ ।
ସୁଗ୍ରୀଵସଚିଵୋ ଵାଲିଜିତସୁଗ୍ରୀଵମାଲ୍ୟଦଃ ॥ ୨ ॥
ରାମୋପକାରଵିସ୍ମର୍ତୃସୁଗ୍ରୀଵସୁମତିପ୍ରଦଃ ।
ସୁଗ୍ରୀଵସତ୍ପକ୍ଷପାତୀ ରାମକାର୍ୟସୁସାଧକଃ ॥ ୩ ॥
ମୈନାକାଶ୍ଲେଷକୃନ୍ନାଗଜନନୀଜୀଵନପ୍ରଦଃ ।
ସର୍ଵଦେଵସ୍ତୁତଃ ସର୍ଵଦେଵାନନ୍ଦଵିଵର୍ଧନଃ ॥ ୪ ॥
ଛାୟାନ୍ତ୍ରମାଲାଧାରୀ ଚ ଛାୟାଗ୍ରହଵିଭେଦକଃ ।
ସୁମେରୁସୁମହାକାୟୋ ଗୋଷ୍ପଦୀକୃତଵାରିଧିଃ ॥
ବିଡାଲସଦୃଶାକାରସ୍ତପ୍ତତାମ୍ରସମାନନଃ ।
ଲଙ୍କାନିଭଞ୍ଜନଃ ସୀତାରାମମୁଦ୍ରାଙ୍ଗୁଲୀୟଦଃ ॥ ୬ ॥
ରାମଚେଷ୍ଟାନୁସାରେଣ ଚେଷ୍ଟାକୃଦ୍ଵିଶ୍ଵମଙ୍ଗଲଃ ।
ଶ୍ରୀରାମହୃଦୟାଭିଜ୍ଞୋ ନିଃଶେଷସୁରପୂଜିତଃ ॥ ୭ ॥
ଅଶୋକଵନସଞ୍ଚ୍ଛେତ୍ତା ଶିଂଶୁପାଵୃକ୍ଷରକ୍ଷକଃ ।
ସର୍ଵରକ୍ଷୋଵିନାଶାର୍ଥଂ କୃତକୋଲାହଲଧ୍ଵନିଃ ॥ ୮ ॥
ତଲପ୍ରହାରତଃ କ୍ଷୁଣ୍ଣବହୁକୋଟିନିଶାଚରଃ ।
ପୁଚ୍ଛଘାତଵିନିଷ୍ପିଷ୍ଟବହୁକୋଟିନରାଶନଃ ॥ ୯ ॥
ଜମ୍ବୁମାଲ୍ୟନ୍ତକଃ ସର୍ଵଲୋକାନ୍ତରସୁତଃ କପିଃ ।
ସ୍ଵଦେହପ୍ରାପ୍ତପିଷ୍ଟାଙ୍ଗଦୁର୍ଧର୍ଷାଭିଧରାକ୍ଷସଃ ॥ ୧୦ ॥
ତଲଚୂର୍ଣିତୟୂପାକ୍ଷୋ ଵିରୂପାକ୍ଷନିବର୍ହଣଃ ।
ସୁରାନ୍ତରାତ୍ମନଃ ପୁତ୍ରୋ ଭାସକର୍ଣଵିନାଶକଃ ॥ ୧୧ ॥
ଅଦ୍ରିଶୃଙ୍ଗଵିନିଷ୍ପିଷ୍ଟପ୍ରଘସାଭିଧରାକ୍ଷସଃ ।
ଦଶାସ୍ୟମନ୍ତ୍ରିପୁତ୍ରଘ୍ନଃ ପୋଥିତାକ୍ଷକୁମାରକଃ ॥ ୧୨ ॥
ସୁଵଞ୍ଚିତେନ୍ଦ୍ରଜିନ୍ମୁକ୍ତନାନାଶସ୍ତ୍ରାସ୍ତ୍ରଵୃଷ୍ଟିକଃ ।
ଇନ୍ଦ୍ରଶତ୍ରୁଵିନିର୍ମୁକ୍ତଶସ୍ତ୍ରାଚାଲ୍ୟସୁଵିଗ୍ରହଃ ॥ ୧୩ ॥
ସୁଖେଚ୍ଛୟେନ୍ଦ୍ରଜିନ୍ମୁକ୍ତବ୍ରହ୍ମାସ୍ତ୍ରଵଶଗଃ କୃତୀ ।
ତୃଣୀକୃତେନ୍ଦ୍ରଜିତ୍ପୂର୍ଵମହାରାକ୍ଷସୟୂଥପଃ ॥ ୧୪ ॥
ରାମଵିକ୍ରମସତ୍ସିନ୍ଧୁସ୍ତୋତ୍ରକୋପିତରାଵଣଃ ।
ସ୍ଵପୁଚ୍ଛଵହ୍ନିନିର୍ଦଗ୍ଧଲଙ୍କାଲଙ୍କାପୁରେଶ୍ଵରଃ ॥ ୧୫ ॥
ଵହ୍ନ୍ୟନିର୍ଦଗ୍ଧାଚ୍ଛପୁଚ୍ଛଃ ପୁନର୍ଲଙ୍ଘିତଵାରିଧିଃ ।
ଜଲଦୈଵତସୂନୁଶ୍ଚ ସର୍ଵଵାନରପୂଜିତଃ ॥ ୧୬ ॥
ସନ୍ତୁଷ୍ଟଃକପିଭିଃ ସାର୍ଧଂ ସୁଗ୍ରୀଵମଧୁଭକ୍ଷକଃ ।
ରାମପାଦାର୍ପିତଶ୍ରୀମଚ୍ଚୂଡାମଣିରନାକୁଲଃ ॥ ୧୭ ॥
ଭକ୍ତ୍ୟାକୃତାନେକରାମପ୍ରଣାମୋ ଵାୟୁନନ୍ଦନଃ ।
ରାମାଲିଙ୍ଗନତୁଷ୍ଟାଙ୍ଗୋ ରାମପ୍ରାଣପ୍ରିୟଃ ଶୁଚିଃ ॥ ୧୮ ॥
ରାମପାଦୈକନିରତଵିଭୀଷଣପରିଗ୍ରହଃ ।
ଵିଭୀଷଣଶ୍ରିୟଃ କର୍ତା ରାମଲାଲିତନୀତିମାନ୍ ॥ ୧୯ ॥
ଵିଦ୍ରାଵିତେନ୍ଦ୍ରଶତ୍ରୁଶ୍ଚ ଲକ୍ଷ୍ମଣୈକୟଶଃପ୍ରଦଃ ।
ଶିଲାପ୍ରହାରନିଷ୍ପିଷ୍ଟଧୂମ୍ରାକ୍ଷରଥସାରଥିଃ ॥ ୨୦ ॥
ଗିରିଶୃଙ୍ଗଵିନିଷ୍ପିଷ୍ଟଧୂମ୍ରାକ୍ଷୋ ବଲଵାରିଧିଃ ।
ଅକମ୍ପନପ୍ରାଣହର୍ତା ପୂର୍ଣଵିଜ୍ଞାନଚିଦ୍ଘନଃ ॥ ୨୧ ॥
ରଣାଧ୍ଵରେ କଣ୍ଠରୋଧମାରିତୈକନିକୁମ୍ଭକଃ ।
ନରାନ୍ତକରଥଚ୍ଛେତ୍ତା ଦେଵାନ୍ତକଵିନାଶକଃ ॥ ୨୨ ॥
ମତ୍ତାଖ୍ୟରାକ୍ଷସଚ୍ଛେତ୍ତା ୟୁଦ୍ଧୋନ୍ମତ୍ତନିକୃନ୍ତନଃ ।
ତ୍ରିଶିରୋଧନୁଷଶ୍ଛେତ୍ତା ତ୍ରିଶିରଃଖଡ୍ଗଭଞ୍ଜନଃ ॥ ୨୩ ॥
ତ୍ରିଶିରୋରଥସଂହାରୀ ତ୍ରିଶିରସ୍ତ୍ରିଶିରୋହରଃ ।
ରାଵଣୋରସି ନିଷ୍ପିଷ୍ଟମୁଷ୍ଟିର୍ଦୈତ୍ୟଭୟଙ୍କରଃ ॥ ୨୪ ॥
ଵଜ୍ରକଲ୍ପମହାମୁଷ୍ଟିଘାତଚୂର୍ଣିତରାଵଣଃ ।
ଅଶେଷଭୁଵନାଧାରୋ ଲକ୍ଷ୍ମଣୋଦ୍ଧରଣକ୍ଷମଃ ॥ ୨୫ ॥
ସୁଗ୍ରୀଵପ୍ରାଣରକ୍ଷାର୍ଥଂ ମକ୍ଷିକୋପମଵିଗ୍ରହଃ ।
କୁମ୍ଭକର୍ଣତ୍ରିଶୂଲୈକସଞ୍ଛେତ୍ତା ଵିଷ୍ଣୁଭକ୍ତିମାନ୍ ॥ ୨୬ ॥
ନାଗାସ୍ତ୍ରାସ୍ପୃଷ୍ଟସଦ୍ଦେହଃ କୁମ୍ଭକର୍ଣଵିମୋହକଃ ।
ଶସ୍ତ୍ରାସ୍ତ୍ରାସ୍ପୃଷ୍ଟସଦ୍ଦେହଃ ସୁଜ୍ଞାନୀ ରାମସମ୍ମତଃ ॥ ୨୭ ॥
ଅଶେଷକପିରକ୍ଷାର୍ଥମାନୀତୌଷଧିପର୍ଵତଃ ।
ସ୍ଵଶକ୍ତ୍ୟା ଲକ୍ଷ୍ମଣୋଦ୍ଧର୍ତା ଲକ୍ଷ୍ମଣୋଜ୍ଜୀଵନପ୍ରଦଃ ॥ ୨୮ ॥
ଲକ୍ଷ୍ମଣପ୍ରାଣରକ୍ଷାର୍ଥମାନୀତୌଷଧିପର୍ଵତଃ ।
ତପଃକୃଶାଙ୍ଗଭରତେ ରାମାଗମନଶଂସକଃ ॥ ୨୯ ॥
ରାମସ୍ତୁତସ୍ଵମହିମା ସଦା ସନ୍ଦୃଷ୍ଟରାଘଵଃ ।
ରାମଚ୍ଛତ୍ରଧରୋ ଦେଵୋ ଵେଦାନ୍ତପରିନିଷ୍ଠିତଃ ॥ ୩୦ ॥
ମୂଲରାମାୟଣସୁଧାସମୁଦ୍ରସ୍ନାନତତ୍ପରଃ ।
ବଦରୀଷଣ୍ଡମଧ୍ୟସ୍ଥନାରାୟଣନିଷେଵକଃ ॥ ୩୧ ॥
ଇତ୍ୟେତଚ୍ଛ୍ରୀହନୂମତୋ ନାମନମଷ୍ଟୋତ୍ତରଂ ଶତମ୍ ।
ପଠତାଂ ଶୃଣ୍ଵତାଂ ଚୈଵ ନିତ୍ୟମଭ୍ୟସତାଂ ସତାମ୍ ॥ ୩୨ ॥
ଅନନ୍ତପୁଣ୍ୟଫଲଦଂ ମହାପାତକନାଶନମ୍ ।
ମହାରୋଗପ୍ରଶମନଂ ମହାଦୁଃଖଵିନାଶନମ୍ ॥ ୩୩ ॥
ଦୁସ୍ତରାପତ୍ପ୍ରଶମନଂ ତାପତ୍ରୟଵିନାଶନମ୍ ।
ରାମକ୍ରୋଧାଦିଶମନଂ ବାହ୍ୟଶତ୍ରୁଵିନାଶନମ୍ ॥ ୩୪ ॥
ଅନାଦ୍ୟଜ୍ଞାନଶମନଂ ସଂସାରଭୟନାଶନମ୍ ।
ମହାବନ୍ଧହରଂ ସମ୍ୟକ୍ କର୍ମବନ୍ଧନିକୃନ୍ତନମ୍ ॥ ୩୫ ॥
ଵାଦେ ଵିଜୟଦଂ ନିତ୍ୟଂ ରଣେ ଶତ୍ରୁଵିନାଶନମ୍ ।
ଧନଧାନ୍ୟପ୍ରଦଂ ସମ୍ୟକ୍ ପୁତ୍ରପୌତ୍ରପ୍ରଵର୍ଧନମ୍ ॥ ୩୬ ॥
କିମତ୍ର ବହୁନୋକ୍ତେନ ମୋକ୍ଷୈକଫଲଦଂ ସତାମ୍ ।
ପୂର୍ଣାନୁଗ୍ରହତୋ ଵିଷ୍ଣୋର୍ୟୋ ଵାୟୁର୍ମୋକ୍ଷଦଃ ସତାମ୍ ॥
ତସ୍ୟ ସ୍ତୋତ୍ରସ୍ୟ ମାହାତ୍ମ୍ୟଂ କୋଽପି ଵର୍ଣୟିତୁଂ କ୍ଷମଃ ।
ଶ୍ରୁତିସ୍ମୃତିପୁରାଣାନି ଭାରତାଦ୍ୟୁକ୍ତୟସ୍ତଥା ॥ ୩୮ ॥
ଅସ୍ମିନ୍ନର୍ଥେ ପ୍ରମାଣାନି ସତ୍ୟଂ ସତ୍ୟଂ ଵଦାମ୍ୟହମ୍ ।
ସତ୍ୟଂ ସତ୍ୟଂ ପୁନଃ ସତ୍ୟଂ ନାତ୍ର କାର୍ୟା ଵିଚାରଣା ॥ ୩୯ ॥
(ପାଞ୍ଚରାତ୍ରାଗମତଃ)
Also Read:
Shri Hanumada Ashtottara Shatanama Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
