Sri Mahakala Kakaradi Ashtottara Shatanama Stotram Lyrics in Bengali:
শ্রীমহাকালককারাদ্যষ্টোত্তরশতনামস্তোত্রম্
কৈলাসশিখরে রম্যে সুখাসীনং জগদ্গুরুম্ ।
প্রণম্য পরয়া ভক্ত্যা পার্বতী পরিপৃচ্ছতি ॥ ১ ॥
শ্রীপার্বত্যুবাচ –
ত্বত্তঃ শ্রুতং পুরা দেব ভৈরবস্য মহাত্মনঃ ।
নাম্নামষ্টোত্তরশতং ককারাদিমভীষ্টদম্ ॥ ২ ॥
গুহ্যাদ্গুহ্যতরং গুহ্যং সর্বাভীষ্টার্থসাধকম্ ।
তন্মে বদস্ব দেবেশ! য়দ্যহং তব বল্লভা ॥ ৩ ॥
শ্রীশিবোবাচ –
লক্ষবারসহস্রাণি বারিতাঽসি পুনঃ পুনঃ ।
স্ত্রীস্বভাবান্মহাদেবি! পুনস্তত্ত্বং তু পৃচ্ছসি ॥ ৪ ॥
রহস্যাতিরহস্যং চ গোপ্যাদ্গোপ্যং মহত্তরম্ ।
তত্তে বক্ষ্যামি দেবেশি! স্নেহাত্তব শুচিস্মিতে ॥ ৫ ॥
কূর্চয়ুগ্মং মহাকাল প্রসীদেতি পদদ্বয়ম্ ।
লজ্জায়ুগ্মং বহ্নিজায়া রাজরাজেশ্বরো মহান্ ॥ ৬ ॥
মন্ত্রঃ –
“হ্রূং হ্রূং মহাকাল ! প্রসীদ প্রসীদ হ্রীং হ্রীং স্বাহা ।”
মন্ত্রগ্রহণমাত্রেণ ভবেত্সত্যং মহাকবিঃ ।
গদ্যপদ্যময়ী বাণী গঙ্গা নির্ঝরণী য়থা ॥
বিনিয়োগঃ –
ওঁ অস্য শ্রীরাজরাজেশ্বর শ্রীমহাকাল
ককারাদ্যষ্টোত্তরশতনামমালামন্ত্রস্য শ্রীদক্ষিণাকালিকা ঋষিঃ,
বিরাট্ ছন্দঃ, শ্রীমহাকালঃ দেবতা, হ্রূং বীজং, হ্রীং শক্তিঃ,
স্বাহা কীলকং, সর্বার্থসাধনে পাঠে বিনিয়োগঃ ।
ঋষ্যাদিন্যাসঃ –
শ্রীদক্ষিণাকালিকা ঋষয়ে নমঃ শিরসি । বিরাট্ ছন্দসে নমঃ মুখে ।
শ্রীমহাকাল দেবতায়ৈ নমঃ হৃদি । হ্রূং বীজায় নমঃ গুহ্যে ।
হ্রীং শক্তয়ে নমঃ পাদয়োঃ । স্বাহা কীলকায় নমঃ নাভৌ ।
বিনিয়োগায় নমঃ সর্বাঙ্গে ।
করন্যাসঃ এবং হৃদয়াদিন্যাসঃ –
ওঁ হ্রাং অঙ্গুষ্ঠাভ্যাং নমঃ, হৃদয়ায় নমঃ ।
ওঁ হ্রীং তর্জনীভ্যাং নমঃ, শিরসে স্বাহা ।
ওঁ হ্রূং মধ্যমাভ্যাং নমঃ, শিখায়ৈ বষট্ ।
ওঁ হ্রৈং অনামিকাভ্যাং নমঃ, কবচায় হুম্ ।
ওঁ হ্রৌং কনিষ্ঠিকাভ্যাং নমঃ, নেত্রত্রয়ায় বৌষট্ ।
ওঁ হ্রঃ করতলকরপৃষ্ঠাভ্যাং নমঃ, অস্ত্রায় ফট্ ।
ধ্যানম্ –
কোটি কালানলাভাসং চতুর্ভুজং ত্রিলোচনম্ ।
শ্মশানাষ্টকমধ্যস্থং মুণ্ডাষ্টকবিভূষিতম্ ॥
পঞ্চপ্রেতস্থিতং দেবং ত্রিশূলং ডমরুং তথা ।
খড্গং চ খর্পরং চৈব বামদক্ষিণয়োগতঃ ॥
বিশ্চতং সুন্দরং দেহং শ্মশানভস্মভূষিতম্ ।
নানাশবৈঃ ক্রীডমানং কালিকাহৃদয়স্থিতম্ ॥
লালয়ন্তং রতাসক্তং ঘোরচুম্বনতত্পরম্ ।
গৃধ্রগোমায়ুসংয়ুক্তং ফেরবীগণসংয়ুতম্ ॥
জটাপটল শোভাঢ্যং সর্বশূন্যালয়স্থিতম্ ।
সর্বশূন্যমুণ্ডভূষং প্রসন্নবদনং শিবম্ ॥
অথ স্তোত্রম্ ।
ওঁ কূং কূং কূং কূং শব্দরতঃ ক্রূং ক্রূং ক্রূং ক্রূং পরায়ণঃ ।
কবিকণ্ঠস্থিতঃ কৈ হ্রীং হ্রূং কং কং কবি পূর্ণদঃ ॥ ১ ॥
কপালকজ্জলসমঃ কজ্জলপ্রিয়তোষণঃ ।
কপালমালাঽঽভরণঃ কপালকরভূষণঃ ॥ ২ ॥
কপালপাত্রসন্তুষ্টঃ কপালার্ঘ্যপরায়ণঃ ।
কদম্বপুষ্পসম্পূজ্যঃ কদম্বপুষ্পহোমদঃ ॥ ৩ ॥
কুলপ্রিয়ঃ কুলধরঃ কুলাধারঃ কুলেশ্বরঃ ।
কৌলব্রতধরঃ কর্ম কামকেলিপ্রিয়ঃ ক্রতু ॥ ৪ ॥
কলহ হ্রীংমন্ত্রবর্ণঃ কলহ হ্রীংস্বরূপিণঃ ।
কঙ্কালভৈরবো দেবঃ কঙ্কালভৈরবেশ্বরঃ ॥ ৫ ॥
কাদম্বরীপানরতঃ তথা কাদম্বরীকলঃ ।
করালভৈরবানন্দঃ করালভৈরবেশ্বরঃ ॥ ৬ ॥
করালঃ কলনাধারঃ কপর্দীশবরপ্রদঃ ।
করবীরপ্রিয়প্রাণঃ করবীরপ্রপূজনঃ ॥ ৭ ॥
কলাধারঃ কালকণ্ঠঃ কূটস্থঃ কোটরাশ্রয়ঃ ।
করুণঃ করুণাবাসঃ কৌতুকীকালিকাপতিঃ ॥ ৮ ॥
কঠিনঃ কোমলঃ কর্ণঃ কৃত্তিবাসকলেবরঃ ।
কলানিধিঃ কীর্তিনাথঃ কামেন হৃদয়ঙ্গমঃ ॥ ৯ ॥
কৃষ্ণঃ কাশীপতিঃ কৌলঃ কুলচূডামণিঃ কুলঃ ।
কালাঞ্জনসমাকারঃ কালাঞ্জননিবাসনঃ ॥ ১০ ॥
কৌপীনধারী কৈবর্তঃ কৃতবীর্যঃ কপিধ্বজঃ ।
কামরূপঃ কামগতিঃ কাময়োগপরায়ণঃ ॥ ১১ ॥
কামসম্মর্দনরতঃ কামগৃহনিবাসনঃ ।
কালিকারমণঃ কালিনায়কঃ কালিকাপ্রিয়ঃ ॥ ১২ ॥
কালীশঃ কালিকাকান্তঃ কল্পদ্রুমলতামতঃ ।
কুলটালাপমধ্যস্থঃ কুলটাসঙ্গতোষিতঃ ॥ ১৩ ॥
কুলটাচুম্বনোদ্যুক্তঃ কুলটাকুচমর্দনঃ ।
কেরলাচারনিপুণঃ কেরলেন্দ্রগৃহস্থিতঃ ॥ ১৪ ॥
কস্তূরীতিলকানন্দঃ কস্তূরীতিলকপ্রিয়ঃ ।
কস্তূরীহোমসন্তুষ্টঃ কস্তূরীতর্পণোদ্যতঃ ॥ ১৫ ॥
কস্তূরীমার্জনোদ্যুক্তঃ কস্তূরীকুণ্ডমজ্জনঃ ।
কামিনীপুষ্পনিলয়ঃ কামিনীপুষ্পভূষণঃ ॥ ১৬ ॥
কামিনীকুণ্ডসংলগ্নঃ কামিনীকুণ্ডমধ্যগঃ ।
কামিনীমানসারাধ্যঃ কামিনীমানতোষিতঃ ॥ ১৭ ॥
কামমঞ্জীররণিতঃ কামদেবপ্রিয়াতুরঃ ।
কর্পূরামোদরুচিরঃ কর্পূরামোদধারণঃ ॥ ১৮ ॥
কর্পূরমালাঽঽভরণঃ কূর্পরার্ণবমধ্যগঃ ।
ক্রকসঃ ক্রকসারাধ্যঃ কলাপপুষ্পরূপকঃ ॥ ১৯ ॥
কুশলঃ কুশলাকর্ণী কুক্কুরাসঙ্গতোষিতঃ ।
কুক্কুরালয়মধ্যস্থঃ কাশ্মীরকরবীরভৃত্ ॥ ২০ ॥
কূটস্থঃ ক্রূরদৃষ্টিশ্চ কেশবাসক্তমানসঃ ।
কুম্ভীনসবিভূষাঢ্যঃ কুম্ভীনসবধোদ্যতঃ ॥ ২১ ॥
ফলশ্রুতিঃ –
নাম্নামষ্টোত্তরশতং স্তুত্বা মহাকালদেবম্ ।
ককারাদি জগদ্বন্দ্যং গোপনীয়ং প্রয়ত্নতঃ ॥ ১ ॥
য় ইদং পঠতে প্রাপ্তঃ ত্রিসন্ধ্যং বা পঠেন্নরঃ ।
বাঞ্ছিতং সমবাপ্নোতি নাত্র কার্যা বিচারণা ॥ ২ ॥
লভতে হ্যচলাং লক্ষ্মীং দেবানামপি দুর্লভাম্ ।
পূজাকালে জপান্তে চ পঠনীয়ং বিশেষতঃ ॥ ৩ ॥
য়ঃ পঠেত্সাধকাধীশঃ কালীরূপো হি বর্ষতঃ ।
পঠেদ্বা পাঠয়েদ্বাপি শৃণোতি শ্রাবয়েদপি ॥ ৪ ॥
বাচকং তোষয়েদ্বাপি স ভবেদ্ ভৈরবী তনুঃ ।
পশ্চিমাভিমুখং লিঙ্গং বৃষশূন্যং শিবালয়ম্ ॥ ৫ ॥
তত্র স্থিত্বা পঠেন্নাম্নাং সর্বকামাপ্তয়ে শিবে ।
ভৌমবারে নিশীথে চ অষ্টম্যাং বা নিশামুখে ॥ ৬ ॥
মাষভক্তবলিং ছাগং কৃসরান্নং চ পায়সম্ ।
মদ্যং মীনং শোণিতং চ দুগ্ধং মুদ্রাগুডার্দ্রকম্ ॥ ৭ ॥
বলিং দত্বা পঠেত্তত্র কুবেরাদধিকো ভবেত্ ।
পুরশ্চরণমেতস্য সহস্রাবৃত্তিরুচ্যতে ॥ ৮ ॥
মহাকালসমো ভূত্বা য়ঃ পঠেন্নিশি নির্ভয়ঃ ।
সর্বং হস্তগতং ভূয়ান্নাত্র কার্যা বিচারণা ॥ ৯ ॥
মুক্তকেশো দিশাবাসঃ তাম্বূলপূরিতাননঃ ।
কুজবারে মধ্যরাত্রৌ হোমং কৃত্বা শ্মশানকে ॥ ১০ ॥
পৃথ্বীশাকর্ষণং কৃত্বা মাত্র কার্যা বিচারণা ।
ব্রহ্মাণ্ডগোলে দেবেশি! য়া কাচিজ্জগতীতলে ॥ ১১ ॥
সমস্তা সিদ্ধয়ো দেবি! বাচকস্য করে স্থিতা ।
ভস্মাভিমন্ত্রিতং কৃত্বাগ্রহস্তে চ বিলেপয়েত্ ॥ ১২ ॥
ভস্ম সংলেপনাদ্দেবি! সর্বগ্রহবিনাশনম্ ।
বন্ধ্যা পুত্রপ্রদং দেবি! নাত্র কার্যা বিচারণা ॥ ১৩ ॥
গোপনীয়ং গোপনীয়ং গোপনীয়ং প্রয়ত্নতঃ ।
স্বয়োনিরিব গোপ্তব্যং ন দেয়ং য়স্য কস্যচিত্ ॥ ১৪ ॥
ইতি শ্রীমহাকালককারাদ্যষ্টোত্তরশতনামস্তোত্রং সম্পূর্ণম্ ।
Also Read:
Shri Mahakala Kakaradi Ashtottarashatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
