Sri Nrusimha Giri Ashtothara Shatanama Stotram Lyrics in Oriya:
॥ ଶ୍ରୀନୃସିଂହଗିରିମହାମଣ୍ଡଲେଶ୍ଵରାଷ୍ଟୋତ୍ତରଶତନାମସ୍ତୋତ୍ରମ୍ ॥
ବ୍ରହ୍ମଵର୍ଣ ସମୁଦ୍ଭୂତୋ ବ୍ରହ୍ମମାର୍ଗପ୍ରଵର୍ଦ୍ଧକଃ ।
ବ୍ରହ୍ମଜ୍ଞାନସଦାସକ୍ତୋ ଵ୍ରହ୍ମଜ୍ଞାନପରାୟଣଃ ॥ ୧ ॥
ଶିଵପଞ୍ଚାକ୍ଷରରତୋଽଶିଵଜ୍ଞାନଵିନାଶକଃ ॥
ଶିଵାଭିଷେକନିରତଃ ଶିଵପୂଜାପରାୟଣଃ ॥ ୨ ॥
ନାରାୟଣପ୍ରଵଚନୋ ନାରାୟଣପରାୟଣଃ ।
ନାରାୟଣପ୍ରତ୍ନତନୁର୍ନାରାୟଣନୟସ୍ଥିତଃ ॥ ୩ ॥
ଦକ୍ଷିଣାମୂର୍ତିପୀଠସ୍ଥୋ ଦକ୍ଷିଣାମୂର୍ତିଦେଵତଃ ।
ଶ୍ରୀମେଧାଦକ୍ଷିଣାମୂର୍ତିମନ୍ତ୍ରୟନ୍ତ୍ରସଦାରତଃ ॥ ୪ ॥
ମଣ୍ଡଲେଶଵରପ୍ରେଷ୍ଠୋ ମଣ୍ଡଲେଶଵରପ୍ରଦଃ ।
ମଣ୍ଡଲେଶଗୁରୁଶ୍ରେଷ୍ଠୋ ମଣ୍ଡଲେଶଵରସ୍ତୁତଃ ॥ ୫ ॥
ନିରଞ୍ଜନପ୍ରପୀଠସ୍ଥୋ ନିରଞ୍ଜନଵିଚାରକଃ ।
ନିରଞ୍ଜନସଦାଚାରୋ ନିରଞ୍ଜନତନୁସ୍ଥିତଃ ॥ ୬ ॥
ଵେଦଵିଦ୍ଵେଦହୃଦୟୋ ଵେଦପାଠପ୍ରଵର୍ତକଃ।
ଵେଦରାଦ୍ଧାନ୍ତସଂଵିଷ୍ଟୋଽଵେଦପଥପ୍ରଖଣ୍ଡକଃ ॥ ୭ ॥
ଶାଙ୍କରାଦ୍ଵୈତଵ୍ୟାଖ୍ୟାତା ଶାଙ୍କରାଦ୍ଵୈତସଂସ୍ଥିତଃ ।
ଶାକରାଦ୍ଵୈତଵିଦ୍ଵେଷ୍ଟୃଵିନାଶନପରାୟଣଃ ॥ ୮ ॥
ଅତ୍ୟାଶ୍ରମାଚାରରତୋ ଭୂତିଧାରଣତତ୍ପରଃ ।
ସିଦ୍ଧାସନସମାସୀନୋ କାଞ୍ଚନାଭୋ ମନୋହରଃ ॥ ୯ ॥
ଅକ୍ଷମାଲାଧୃତଗ୍ରୀଵଃ କାଷାୟପରିଵେଷ୍ଟିତଃ ।
ଜ୍ଞାନମୁଦ୍ରାଦକ୍ଷହସ୍ତୋ ଵାମହସ୍ତକମଣ୍ଡଲୁଃ ॥ ୧୦ ॥
ସନ୍ନ୍ୟାସାଶ୍ରମନିର୍ଭାତା ପରହଂସଧୁରନ୍ଧରଃ ।
ସନ୍ନ୍ୟାସିନୟସଂସ୍କର୍ତା ପରହଂସପ୍ରମାଣକଃ ॥ ୧୧ ॥
ମାଧୁର୍ୟପୂର୍ଣଚରିତୋ ମଧୁରାକାରଵିଗ୍ରହଃ ।
ମଧୁଵାଙ୍ନିଗ୍ରହରତୋ ମଧୁଵିଦ୍ୟାପ୍ରଦାୟକଃ ॥ ୧୨ ॥
ମଧୁରାଲାପଚତୁରୋ ନିଗ୍ରହାନୁଗ୍ରହକ୍ଷମଃ ।
ଆର୍ଦ୍ଧରାତ୍ରଧ୍ୟାନରତସ୍ତ୍ରିପୁଣ୍ଡ୍ରାଙ୍କିତମସ୍ତକଃ ॥ ୧୩ ॥
ଆରଣ୍ୟଵାର୍ତିକପରଃ ପୁଷ୍ପମାଲାଵିଭୂଷିତଃ ।
ଵେଦାନ୍ତଵାର୍ତାନିରତଃ ପ୍ରସ୍ଥାନତ୍ରୟଭୂଷଣଃ ॥ ୧୪ ॥
ସାନନ୍ଦଜ୍ଞାନଭାଷ୍ୟାଦିଗ୍ରନ୍ଥଗ୍ରନ୍ଥିପ୍ରଭେଦକଃ ।
ଦୃଷ୍ଟାନ୍ତାନୂକ୍ତିକୁଶଲୋ ଦୃଷ୍ଟାନ୍ତାର୍ଥନିରୂପକଃ ॥ ୧୫ ॥
ଵୀକାନେରଗୁରୁର୍ଵାଗ୍ମୀ ଵଙ୍ଗଦେଶପ୍ରପୂଜିତଃ ।
ଲାହୌରସରଗୋଦାଦୌ ହିନ୍ଦୂଧର୍ମପ୍ରଚାରକଃ ॥ ୧୬ ॥
ଗଣେଶଜୟୟାତ୍ରାଦିପ୍ରତିଷ୍ଠାପନତତ୍ପରଃ ।
ଗଣେଶଶକ୍ତିସୂର୍ୟେଶଵିଷ୍ଣୁଭକ୍ତିପ୍ରଚାରକଃ ॥ ୧୭ ॥
ସର୍ଵଵର୍ଣସମାମ୍ନାତଲିଙ୍ଗପୂଜାପ୍ରଵର୍ଦ୍ଧକଃ ।
ଗୀତୋତ୍ସଵସପର୍ୟାଦିଚିତ୍ରୟଜ୍ଞପ୍ରଵର୍ତକଃ ॥ ୧୮ ॥
ଲୋକେଶ୍ଵରାନନ୍ଦପ୍ରିୟୋ ଦୟାନନ୍ଦପ୍ରସେଵିତଃ ।
ଆତ୍ମାନନ୍ଦଗିରିଜ୍ଞାନସତୀର୍ଥ୍ୟପରିଵେଷ୍ଟିତଃ ॥ ୧୯ ॥
ଅନନ୍ତଶ୍ରଦ୍ଧାପରମପ୍ରକାଶାନନ୍ଦପୂଜିତଃ ।
ଜୂନାପୀଠସ୍ଥରାମେଶଵରାନନ୍ଦଗିରେର୍ଗୁରୁଃ ॥ ୨୦ ॥
ମାଧଵାନନ୍ଦସଂଵେଷ୍ଟା କାଶିକାନନ୍ଦଦେଶିକଃ ।
ଵେଦାନ୍ତମୂର୍ତିରାଚାର୍ୟୋ ଶାନ୍ତୋ ଦାନ୍ତଃ ପ୍ରଭୁସ୍ସୁହୃତ୍ ॥ ୨୧ ॥
ନିର୍ମମୋ ଵିଶ୍ଵତରଣିଃ ସ୍ମିତାସ୍ୟୋ ନିର୍ମଲୋ ମହାନ୍ ।
ତତ୍ତ୍ଵମସ୍ୟାଦିଵାକ୍ୟୋତ୍ଥଦିଵ୍ୟଜ୍ଞାନପ୍ରଦାୟକଃ ॥ ୨୨ ॥
ଗିରୀଶାନନ୍ଦସମ୍ପ୍ରାପ୍ତପରମହଂସପରମ୍ପରା
ଜନାର୍ଦନଗିରିବ୍ରହ୍ୟସଂନ୍ୟାସାଶ୍ରମଦୀକ୍ଷିତଃ ॥ ୨୩ ॥
ମଣ୍ଡଲେଶକୁଲଶ୍ରେଷ୍ଠଜୟେନ୍ଦ୍ରପୁରୀସଂସ୍ତୁତଃ ।
ରାମାନନ୍ଦଗିରିସ୍ଥାନସ୍ଥାପିତୋ ମଣ୍ଡଲେଶ୍ଵରଃ ॥ ୨୪ ॥
ଶନ୍ଦମହେଶାନନ୍ଦାୟ ସ୍ଵକୀୟପଦଦାୟକଃ ।
ୟତୀନ୍ଦ୍ରକୃଷ୍ଣାନନ୍ଦୈଶ୍ଚ ପୂଜିତପାଦପଦ୍ମକ୍ଃ ॥ ୨୫ ॥
ଉଷୋତ୍ଥାନସ୍ନାନପୂଜାଜପଧ୍ୟାନପ୍ରଚୋଦକଃ ।
ତୁରୀୟାଶ୍ରମସଂଵିଷ୍ଠଭାଷ୍ୟପାଠପ୍ରଵର୍ତକଃ ॥ ୨୬ ॥
ଅଷ୍ଟଲକ୍ଷ୍ୟୀପ୍ରଦସ୍ତୃପ୍ତଃ ସ୍ପର୍ଶଦୀକ୍ଷାଵିଧାୟକଃ ।
ଅହୈତୁକକୃପାସିନ୍ଧୁରନଘୋଭକ୍ତଵତ୍ସଲଃ ॥ ୨୭ ॥
ଵିକାରଶୂନ୍ୟୋ ଦୁର୍ଧର୍ଷଃ ଶିଵସକ୍ତୋ ଵରପ୍ରଦଃ ।
କାଶୀଵାସପ୍ରିୟୋ ମୁକ୍ତୋ ଭକ୍ତମୁକ୍ତିଵିଧାୟକଃ ॥ ୨୮ ॥
ଶ୍ରୀଭତ୍ପରମହଂସାଦିସମସ୍ତବିରୁଦାଙ୍କିତଃ ।
ନୃସିଂହବ୍ରହ୍ମ ଵେଦାନ୍ତଜଗତ୍ୟଦ୍ୟ ଜଗଦ୍ଗୁରୁଃ ॥ ୨୯ ॥
ଵିଲୟଂ ୟାନ୍ତି ପାପାନି ଗୁରୁନାମାନୁକୀର୍ତନାତ୍ ।
ମୁଚ୍ୟତେ ନାତ୍ର ସନ୍ଦେହଃ ଶ୍ରଦ୍ଧାଭକ୍ତିସମନ୍ଵିତଃ ॥ ୩୦ ॥
ଇତି ଶ୍ରୀନୃସିଂହଗିରିମହାମଣ୍ଡଲେଶ୍ଵରାଷ୍ଟୋତ୍ତରଶତନାମସ୍ତୋତ୍ରମ୍ ॥
Also Read:
Shri Nrisimhagiri Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
