Shri Premasudhasatram Lyrics in Oriya:
ଶ୍ରୀପ୍ରେମସୁଧାସତ୍ରମ୍
ଶ୍ରୀଵୃନ୍ଦାଵନେଶ୍ଵର୍ୟା ଅଷ୍ଟୋତ୍ତରଶତନାମସ୍ତୋତ୍ରଂ
ଶ୍ରୀରାଧିକାଷ୍ଟୋତ୍ତରଶତନାମସ୍ତୋତ୍ରଂ ଚ ।
ନମୋ ଵୃନ୍ଦାଵନେଶ୍ଵର୍ୟୈ ।
ମାନସଂ ମାନସଂ ତ୍ୟାଗାଦୁତ୍କଣ୍ଠାର୍ତଂ ନିରୁନ୍ଧତୀମ୍ ।
ରାଧାଂ ସଂଵିଦ୍ୟ ଵିଦ୍ୟାଢ୍ୟା ତୁଙ୍ଗଵିଦ୍ୟେଦମବ୍ରଵୀତ୍ ॥ ୧ ॥
ଵିମୁଞ୍ଚ ବନ୍ଧୁରେ ମାନଂ ନିର୍ବନ୍ଧଂ ଶୃଣୁ ମେ ଵଚଃ ।
ପୁରା କନ୍ଦର୍ପସୁନ୍ଦର୍ୟୈ ୟାନ୍ୟୁତ୍କଣ୍ଠିତଚେତସେ ॥ ୨ ॥
ଭଗଵତୋପଦିଷ୍ଟାନି ତଵ ସଖ୍ୟୋପଲବ୍ଧୟେ ।
ଇଙ୍ଗିତାଭିଜ୍ଞୟା ତାନି ସିନ୍ଦୂରେଣାଦ୍ୟ ଵୃନ୍ଦୟା ॥ ୩ ॥
ଵିଲିଖ୍ୟ ସଖି ଦତ୍ତାନି ସ ଜୀଵିତସୁହୃତ୍ତମଃ ।
ଵିରହାର୍ତସ୍ତଵେମାନି ଜପନ୍ନାମାନି ଶାମ୍ୟତି ॥ ୪ ॥
ରାଧା କୃଷ୍ଣଵନାଧୀଶା ମୁକୁନ୍ଦମଧୁମାଧଵୀ ।
ଗୋଵିନ୍ଦପ୍ରେୟସୀଵୃନ୍ଦମୁଖ୍ୟା ଵୃନ୍ଦାଵନେଶ୍ଵରୀ ॥ ୫ ॥
ବ୍ରହ୍ମାଣ୍ଡମଣ୍ଡଲୋତ୍ତଂସକୀରିତ୍ଃ କାର୍ତିକଦେଵତା ।
ଦାମୋଦରପ୍ରିୟସଖୀ ରାଧିକା ଵାର୍ଷଭାନଵୀ ॥ ୬ ॥
ଭାନୁଭକ୍ତିଭରାଭିଜ୍ଞା ଵୃଷଭାନୁକୁମାରିକା ।
ମୁଖରାପ୍ରାଣଦୌହିତ୍ରୀ କୀର୍ତିଦାକୀର୍ତିଦାୟିନୀ ॥ ୭ ॥
କୃଷ୍ଣପ୍ରେମାବ୍ଧିକରୀ ଵତ୍ସଲାଚ୍ୟୁତମାତୃକା ।
ସଖୀମଣ୍ଡଲଜୀଵାତୁର୍ଲଲିତାଜୀଵିତାଧିକା ॥ ୮ ॥
ଵିଶାଖାପ୍ରାଣସର୍ଵସ୍ଵଂ କାରୁଣ୍ୟାମୃତମେଦୁରା ।
ପୌର୍ଣମାସୀପୃଥୁପ୍ରେମପାତ୍ରୀ ସୁବଲନନ୍ଦିତା ॥ ୯ ॥
କୃଷ୍ଣାଧିରାଜମହିଷୀ ଵୃନ୍ଦାରଣ୍ୟଵିହାରିଣୀ ।
ଵିଶାଖାସଖ୍ୟଵିଖ୍ୟାତା ଲଲିତାପ୍ରେମଲାଲିତା ॥ ୧୦ ॥
ସଦା କିଶୋରିକା ଗୋଷ୍ଠୟୁଵରାଜଵିଲାସିନୀ ।
ଗୋଵିନ୍ଦପ୍ରେମଶିକ୍ଷାର୍ଥନଟୀକୃତନିଜାଂଶକା ॥ ୧୧ ॥
ପ୍ରବୋଧିନୀନିଶାନୃତ୍ୟମାହାତ୍ମ୍ୟଭରଦର୍ଶିନୀ ।
ଚନ୍ଦ୍ରକାନ୍ତିଚରୀ ସର୍ଵଗନ୍ଧର୍ଵକୁଲପାଵନୀ ॥ ୧୨ ॥
ସ୍ଵଜନ୍ମଭୂଷିତୋତ୍ତୁଙ୍ଗଵୃଷଭାନୁକୁଲସ୍ଥିତିଃ ।
ଲାସ୍ୟଵିଦ୍ୟାଵ୍ରତସ୍ନାତା ରାସକ୍ରୀଡାଦିକାରଣମ୍ ॥ ୧୩ ॥
ରାସୋତ୍ସଵୟପୁରଗଣ୍ୟା କୃଷ୍ଣନୀତରହଃସ୍ଥଲା ।
ଗୋଵିନ୍ଦବନ୍ଧକଵରୀ କୃଷ୍ଣୋତ୍ତଂସିତକୁନ୍ତଲା ॥ ୧୪ ॥
ଵ୍ୟକ୍ତଗୋଷ୍ଠାରଵିନ୍ଦାକ୍ଷି ଵୃନ୍ଦୋତ୍କର୍ଷାତିହର୍ଷିଣୀ ।
ଅନ୍ନତର୍ପିତଦୁର୍ଵାସା ଗାନ୍ଧର୍ଵା ଶ୍ରୁତିଵିଶ୍ରୁତା ॥ ୧୫ ॥
ଗାନ୍ଧର୍ଵିକା ସ୍ଵଗାନ୍ଧର୍ଵଵିସ୍ମାପିତବଲାଚ୍ୟୁତା ।
ଶଙ୍ଖଚୂଡାରିଦୟିତା ଗୋପୀଚୂଡାଗ୍ରମାଲିକା ॥ ୧୬ ॥
ଚାରୁଗୋରୋଚନାଗୌରୀ ଗାରୁତ୍ମତନିଭାମ୍ବରା ।
ଵିଚିତ୍ରପଟ୍ଟଚମରୀଚାରୁଵେଣୀଶିଖାରୁଚିଃ ॥ ୧୭ ॥
ପଦ୍ମେନ୍ଦୁଜୈତ୍ରଵକ୍ତ୍ରଶ୍ରୀନିରୁଦ୍ଧମୁରମର୍ଦନା ।
ଚକୋରିକାଚମତ୍କାରୀହରିହାରିଵିଲୋଚନା ॥ ୧୮ ॥
କାଲିୟଦମନୋତ୍କମ୍ପିଭଙ୍ଗୁରଭ୍ରୂଭୁଜଙ୍ଗମା ।
ନାସିକାଶିଖରାଲମ୍ବିଲଵଲୀସ୍ଥଲମୌକ୍ତିକା ॥ ୧୯ ॥
ବନ୍ଧୁରାଧରବନ୍ଧୂକଵିକୃଷ୍ଟମଧୁସୂଦନା ।
ଦନ୍ତନିର୍ଧୂତଶିଖରା ଶିଖରୀନ୍ଦ୍ରଧରପ୍ରିୟା ॥ ୨୦ ॥
କପୋଲମଣ୍ଡଲାନ୍ଦୋଲିମଣିକୁଣ୍ଡଲମଣ୍ଡିତା ।
ପୀତାଂଶୁକଶୁକାକର୍ଷିନିସ୍ତଲସ୍ତନଦାଡିମା ॥ ୨୧ ॥
ମଣିକିଙ୍କିଣ୍ୟଲଙ୍କାରଝଙ୍କାରିଶ୍ରୋଣିମଣ୍ଡଲା ।
ସ୍ଥଲାରଵିନ୍ଦଵିଞ୍ଛୋଲୀନିର୍ମଞ୍ଛିତପଦଦ୍ୟୁତିଃ ॥ ୨୨ ॥
ଅରିଷ୍ଟଵଧନର୍ମାର୍ଥନିର୍ମାପିତସରୋଵରା ।
ଗନ୍ଧୋନ୍ମାଦିତଗୋଵିନ୍ଦୋ ମାଧଵଦ୍ଵନ୍ଦ୍ଵତାଙ୍କିତା ॥ ୨୩ ॥
କାଲିନ୍ଦୀକୂଲକୁଞ୍ଜଶ୍ରୀର୍ଭାଣ୍ଡୀରତଟମଣ୍ଡନା ।
ଧୃତନନ୍ଦୀଶ୍ଵରସ୍ଥେମା ଗୋଵର୍ଧନଦରୀପ୍ରିୟା ॥ ୨୪ ॥
ଵଂଶୀବଡିଶିକାବିଦ୍ଧରସୋତ୍ତର୍ଷମନୋଝଷା ।
ଵଂଶିକାଧ୍ଵନିଵିଶ୍ରଂସିନୀଵୀବନ୍ଧଗ୍ରହାତୁରା ॥ ୨୫ ॥
ମୁକୁନ୍ଦନେତ୍ରଶଫରୀ ଵିହାରାମୃତଦୀର୍ଘିକା ।
ନିଜକୁଣ୍ଡକୁଡୁଙ୍ଗାନ୍ତସ୍ତୁଙ୍ଗାନଙ୍ଗରସୋନ୍ମଦା ॥ ୨୬ ॥
କୃଷ୍ଣଭ୍ରୂଚଣ୍ଡକୋଦଣ୍ଡୋଡ୍ଡୀନଧୈର୍ୟଵିହଙ୍ଗମା ।
ଅନୁରାଗସୁଧାସିନ୍ଧୁହିନ୍ଦୋଲାନ୍ଦୋଲିତାଚ୍ୟୁତା ॥ ୨୭ ॥
ଵ୍ରଜେନ୍ଦ୍ରନନ୍ଦନାସ୍ୟେନ୍ଦୁତୁଙ୍ଗିତାନଙ୍ଗସାଗରା ।
ଅନଙ୍ଗସଙ୍ଗରୋତ୍ତୃଷ୍ଣକୃଷ୍ଣଲୁଞ୍ଚିତକଞ୍ଚୁକା ॥ ୨୮ ॥
ଲୀଲାପଦ୍ମହତୋଦ୍ଦାମନର୍ମଲମ୍ପଟକେଶଵା ।
ହରିଵକ୍ଷୋହରିଗ୍ରାଵହରିତାଲୀୟରେଖିକା ॥ ୨୯ ॥
ମାଧଵୋତ୍ସଙ୍ଗପର୍ୟଙ୍କା କୃଷ୍ଣବାହୂପଧାନିକା ।
ରତିକେଲିଵିଶେଷୋହସଖୀସ୍ମିତଵିଲଜ୍ଜିତା ॥ ୩୦ ॥
ଆଲୀପୁରୋରହଃକେଲିଜଲ୍ପୋତ୍କହରିଵନ୍ଦିନୀ ।
ଵୈଜୟନ୍ତୀ କଲାଭିଜ୍ଞା ଵନସ୍ରକ୍ଶିଲ୍ପକଲ୍ପିନୀ ॥ ୩୧ ॥
ଧାତୁଚିତ୍ରାତିଵୈଚିତ୍ରୀଵିସୃଷ୍ଟିପରମେଷ୍ଠିନୀ ।
ଵିଅଦଗ୍ଧୀପ୍ରଥମାଚାର୍ୟା ଚାରୁଚାତୁର୍ୟଚିତ୍ରିତା ॥ ୩୨ ॥
ଅସାଧାରଣସୌଭାଗ୍ୟଭାଗ୍ୟାମୃତତରଙ୍ଗିନୀ ।
ମୌଗ୍ଧ୍ୟପ୍ରଗଲ୍ଭତାରମ୍ୟା ଧୀରାଧୀରାଙ୍କଭୂଷିତା ॥ ୩୩ ॥
ଶ୍ୟାମଲପ୍ରଚ୍ଛଦପଟୀ ମୂକନୂପୁରଧାରିଣୀ ।
ନିକୁଞ୍ଜଧାମସଂସ୍କାରମାଧଵାଧ୍ଵେକ୍ଷଣକ୍ରିୟା ॥ ୩୪ ॥
ପ୍ରାଦୁର୍ଭୂତଘନୋତ୍କଣ୍ଠା ଵିପ୍ରଲମ୍ଭଵିଷଣ୍ଣଧୀଃ ।
ପ୍ରାତରୁତ୍ପ୍ରାସିତୋପେନ୍ଦ୍ରା ଚନ୍ଦ୍ରାଵଲିକଟାକ୍ଷିଣୀ ॥ ୩୫ ॥
ଅନାକର୍ଣିତକଂସାରିକାକୂଵାଦା ମନସ୍ଵିନୀ ।
ଚାଟୁକାରହରିତ୍ୟାଗଜାତାନୁଶୟକାତରା ॥ ୩୬ ॥
ଧୃତକୃଷ୍ଣେକ୍ଷଣୋତ୍ସୁକ୍ୟା ଲଲିତାଭୀତିମାନିନୀ ।
ଵିପ୍ରୟୋଗଵ୍ୟଥାହାରିହରିସନ୍ଦେଶନନ୍ଦିତା ॥ ୩୭ ॥
ମଦାଲ୍ପଜଲ୍ପିତାଧୀନପୁଣ୍ଡରୀକାକ୍ଷମଣ୍ଡିତା ।
ଭ୍ରୂଲୀଲାମୋହିତୋପେନ୍ଦ୍ରହସ୍ତାଗ୍ରହୃତଵଂଶିକା ॥ ୩୮ ॥
ଅତୁଲାଚ୍ୟୁତମାଧୁର୍ୟସ୍ଵାଦନାଦ୍ଵୈତଭାଗ୍ୟଭୂଃ ।
ନିୟୁଦ୍ଧଶ୍ରାନ୍ତିନିଦ୍ରାଣ ହରିହାରାପହାରିଣୀ ॥ ୩୯ ॥
ଦ୍ୟୂତନିର୍ଜିତଵଂଶାର୍ଥିକଂସାରିପରିହାସିନୀ ।
ନିଜପ୍ରାଣାର୍ବୁଦପ୍ରେଷ୍ଠକୃଷ୍ଣପାଦନଖାଞ୍ଚଲା ॥ ୪୦ ॥
ଇତି ରାଧା ସଖୀଵାଚମାଚମ୍ୟ ପୁଲକାଞ୍ଚିତା ।
ଛଦ୍ମନା ପଦ୍ମନାଭସ୍ୟ ଲତାସଦ୍ମାନ୍ତିକଂ ଗତା ॥ ୪୧ ॥
ୟଃ ସେଵତେ ଜନୋ ରାଧାନାମ୍ନାମଷ୍ଟୋତ୍ତରଂ ଶତମ୍ ।
ନାମ୍ନା ପ୍ରେମସୁଧାସତ୍ରଂ ଲିହ୍ୟାତ୍ ପ୍ରେମସୁଧାମସୌ ॥ ୪୨ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ପ୍ରେମେନ୍ଦୁସୁଧାସତ୍ରନାମକ-
ଶ୍ରୀରାଧିକାଷ୍ଟୋତ୍ତରଶତନାମସ୍ତୋତ୍ରଂ ସମାପ୍ତମ୍ ।
Also Read:
Shri Prem Sudha Satram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
