Sri Radha AshtottaraShatanama Stotram Lyrics in Malayalam:
ശ്രീരാധാഷ്ടോത്തരശതനാമസ്തോത്രം
അഥാസ്യാഃ സമ്പ്രവക്ഷ്യാമി നാംനാമഷ്ടോത്തരം ശതം ।
യസ്യ സങ്കീര്‍തനാദേവ ശ്രീകൃഷ്ണം വശയേദ്ധ്രുവം ॥ 1 ॥
രാധികാ സുന്ദരീ ഗോപീ കൃഷ്ണസങ്ഗമകാരിണീ ।
ചഞ്ചലാക്ഷീ കുരങ്ഗാക്ഷീ ഗാന്ധര്‍വീ വൃഷഭാനുജാ ॥ 2 ॥
വീണാപാണിഃ സ്മിതമുഖീ രക്താശോകലതാലയാ ।
ഗോവര്‍ധനചരീ ഗോപീ ഗോപീവേഷമനോഹരാ ॥ 3 ॥
ചന്ദ്രാവലീ-സപത്നീ ച ദര്‍പണസ്ഥാ കലാവതീ ।
കൃപാവതീ സുപ്രതീകാ തരുണീ ഹൃദയങ്ഗമാ ॥ 4 ॥
കൃഷ്ണപ്രിയാ കൃഷ്ണസഖീ വിപരീതരതിപ്രിയാ ।
പ്രവീണാ സുരതപ്രീതാ ചന്ദ്രാസ്യാ ചാരുവിഗ്രഹാ ॥ 5 ॥
കേകരാക്ഷാ ഹരേഃ കാന്താ മഹാലക്ഷ്മീ സുകേശിനീ ।
സങ്കേതവടസംസ്ഥാനാ കമനീയാ ച കാമിനീ ॥ 6 ॥
വൃഷഭാനുസുതാ രാധാ കിശോരീ ലലിതാ ലതാ ।
വിദ്യുദ്വല്ലീ കാഞ്ചനാഭാ കുമാരീ മുഗ്ധവേശിനീ ॥ 7 ॥
കേശിനീ കേശവസഖീ നവനീതൈകവിക്രയാ ।
ഷോഡശാബ്ദാ കലാപൂര്‍ണാ ജാരിണീ ജാരസങ്ഗിനീ ॥ 8 ॥
ഹര്‍ഷിണീ വര്‍ഷിണീ വീരാ ധീരാ ധാരാധരാ ധൃതിഃ ।
യൌവനസ്ഥാ വനസ്ഥാ ച മധുരാ മധുരാകൃതി ॥ 9 ॥
വൃഷഭാനുപുരാവാസാ മാനലീലാവിശാരദാ ।
ദാനലീലാ ദാനദാത്രീ ദണ്ഡഹസ്താ ഭ്രുവോന്നതാ ॥ 10 ॥
സുസ്തനീ മധുരാസ്യാ ച ബിംബോഷ്ഠീ പഞ്ചമസ്വരാ ।
സങ്ഗീതകുശലാ സേവ്യാ കൃഷ്ണവശ്യത്വകാരിണീ ॥ 11 ॥
താരിണീ ഹാരിണീ ഹ്രീലാ ശീലാ ലീലാ ലലാമികാ ।
ഗോപാലീ ദധിവിക്രേത്രീ പ്രൌഢാ മുഗ്ധാ ച മധ്യകാ ॥ 12 ॥
സ്വാധീനപകാ ചോക്താ ഖണ്ഡിതാ യാഽഭിസാരികാ ।
രസികാ രസിനീ രസ്യാ രസനാസ്ത്രൈകശേവധിഃ ॥ 13 ॥
പാലികാ ലാലികാ ലജ്ജാ ലാലസാ ലലനാമണിഃ ।
ബഹുരൂപാ സുരൂപാ ച സുപ്രസന്നാ മഹാമതിഃ ॥ 14 ॥
മരാലഗമനാ മത്താ മന്ത്രിണീ മന്ത്രനായികാ ।
മന്ത്രരാജൈകസംസേവ്യാ മന്ത്രരാജൈകസിദ്ധിദാ ॥ 15 ॥
അഷ്ടാദശാക്ഷരഫലാ അഷ്ടാക്ഷരനിഷേവിതാ ।
ഇത്യേതദ്രാധികാദേവ്യാ നാംനാമഷ്ടോത്തരശതം ॥ 16 ॥
കീര്‍തയേത്പ്രാതരുത്ഥായ കൃഷ്ണവശ്യത്വസിദ്ധയേ ।
ഏകൈകനാമോച്ചാരേണ വശീ ഭവതി കേശവഃ ॥ 17 ॥
വദനേ ചൈവ കണ്ഠേ ച ബാഹ്വോരുരസി ചോദരേ ।
പാദയോശ്ച ക്രമേണാസ്യാ ന്യസേന്‍മന്ത്രാന്‍പൃഥക്പൃഥക് ॥ 18 ॥
॥ ഓം തത്സത് ॥
ഇത്യൂര്‍ധ്വാംനായേ രാധാഷ്ടോത്തരശതനാമകഥനം നാമ പ്രഥമഃ പടലഃ ॥
Also Read:
Shri Radha Ashtottara Shatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil