Sri Vishnu Ashtottara Satadivyasthani Yanama Stotram Bengali Lyrics:
শ্রীবিষ্ণোরষ্টোত্তরশতদিব্যস্থানীয়নামস্তোত্রম্
অষ্টোত্তরশতস্থানেষ্বাবির্ভূতং জগত্পতিম্ ।
নমামি জগতামীশং নারায়ণমনন্যধীঃ ॥ ১ ॥
শ্রীবৈকুণ্ঠে বাসুদেবমামোদে কর্ষণাহ্বয়ম্ ।
প্রদ্যুম্নং চ প্রমোদাখ্যে সম্মোদে চানিরুদ্ধকম্ ॥ ২ ॥
সত্যলোকে তথা বিষ্ণুং পদ্মাক্ষং সূর্যমণ্ডলে ।
ক্ষীরাব্ধৌ শেষশয়নং শ্বেতদ্বীপেতু তারকম্ ॥ ৩ ॥
নারায়ণং বদর্যাখ্যে নৈমিষে হরিমব্যয়ম্ ।
শালগ্রামং হরিক্ষেত্রে অয়োধ্যায়াং রঘূত্তমম্ ॥ ৪ ॥
মথুরায়াং বালকৃষ্ণং মায়ায়াং মধুসূদনম্ ।
কাশ্যাং তু ভোগশয়নমবন্ত্যামবনীপতিম্ ॥ ৫ ॥
দ্বারবত্যাং য়াদবেন্দ্রং ব্রজে গোপীজনপ্রিয়ম্ ।
বৃন্দাবনে নন্দসূনুং গোবিন্দং কালিয়হ্রদে ॥ ৬ ॥
গোবর্ধনে গোপবেষং ভবঘ্নং ভক্তবত্সলম্ ।
গোমন্তপর্বতে শৌরিং হরিদ্বারে জগত্পতিম্ ॥ ৭ ॥
প্রয়াগে মাধবং চৈব গয়ায়াং তু গদাধরম্ ।
গঙ্গাসাগরগে বিষ্ণুং চিত্রকূটে তু রাঘবম্ ॥ ৮ ॥
নন্দিগ্রামে রাক্ষসঘ্নং প্রভাসে বিশ্বরূপিণম্ ।
শ্রীকূর্মে কূর্মমচলং নীলাদ্রৌ পুরুষোত্তমম্ ॥ ৯ ॥
সিংহাচলে মহাসিংহং গদিনং তুলসীবনে ।
ঘৃতশৈলে পাপহরং শ্বেতাদ্রৌ সিংহরূপিণম্ ॥ ১০ ॥
য়োগানন্দং ধর্মপুর্যাং কাকুলে ত্বান্ধ্রনায়কম্ ।
অহোবিলে গারুডাদ্রৌ হিরণ্যাসুরমর্দনম্ ॥ ১১ ॥
বিট্ঠলং পাণ্ডুরঙ্গে তু বেঙ্কটাদ্রৌ রমাসখম্ ।
নারায়ণং য়াদবাদ্রৌ নৃসিংহং ঘটিকাচলে ॥ ১২ ॥
বরদং বারণগিরৌ কাঞ্চ্যাং কমললোচনম্ ।
য়থোক্তকারিণং চৈব পরমেশপুরাশ্রয়ম্ ॥ ১৩ ॥
পাণ্ডবানাং তথা দূতং ত্রিবিক্রমমথোন্নতম্ ।
কামাসিক্যাং নৃসিংহং চ তথাষ্টভুজসজ্ঞকম্ ॥ ১৪ ॥
মেঘাকারং শুভাকারং শেষাকারং তু শোভনম্ ।
অন্তরা শিতিকণ্ঠস্য কামকোট্যাং শুভপ্রদম্ ॥ ১৫ ॥
কালমেঘং খগারূঢং কোটিসূর্যসমপ্রভম্ ।
দিব্যং দীপপ্রকাশং চ দেবানামধিপং মুনে ॥ ১৬ ॥
প্রবালবর্ণং দীপাভং কাঞ্চ্যামষ্টাদশস্থিতম্ ।
শ্রীগৃধ্রসরসস্তীরে ভান্তং বিজয়রাঘবম্ ॥ ১৭ ॥
বীক্ষারণ্যে মহাপুণ্যে শয়ানং বীররাঘবম্ ।
তোতাদ্রৌ তুঙ্গশয়নং গজার্তিঘ্নং গজস্থলে ॥ ১৮ ॥
মহাবলং বলিপুরে ভক্তিসারে জগত্পতিম্ ।
মহাবরাহং শ্রীমুষ্ণে মহীন্দ্রে পদ্মলোচনম্ ॥ ১৯ ॥
শ্রীরঙ্গে তু জগন্নাথং শ্রীধামে জানকীপ্রিয়ম্ ।
সারক্ষেত্রে সারনাথং খণ্ডনে হরচাপহম্ ॥ ২০ ॥
শ্রীনিবাসস্থলে পূর্ণং সুবর্ণং স্বর্ণমন্দিরে ।
ব্যাঘ্রপুর্যাং মহাবিষ্ণুং ভক্তিস্থানে তু ভক্তিদম্ ॥ ২১ ॥
শ্বেতহ্রদে শান্তমূর্তিমগ্নিপুর্যাং সুরপ্রিয়ম্ ।
ভর্গাখ্যং ভার্গবস্থানে বৈকুণ্ঠাখ্যে তু মাধবম্ ॥ ২২ ॥
পুরুষোত্তমে ভক্তসখং চক্রতীর্থে সুদর্শনম্ ।
কুম্ভকোণে চক্রপাণিং ভূতস্থানে তু শার্ঙ্গিণম্ ॥ ২৩ ॥
কপিস্থলে গজার্তিঘ্নং গোবিন্দং চিত্রকূটকে ।
অনুত্তমং চোত্তমায়াং শ্বেতাদ্রৌ পদ্মলোচনম্ ॥ ২৪ ॥
পার্থস্থলে পরব্রহ্ম কৃষ্ণাকোট্যাং মধুদ্বিষম্ ।
নন্দপুর্যাং মহানন্দং বৃদ্ধপুর্যাং বৃষাশ্রয়ম্ ॥ ২৫ ॥
অসঙ্গং সঙ্গমগ্রামে শরণ্যে শরণং মহত্ ।
দক্ষিণদ্বারকায়াং তু গোপালং জগতাং পতিম্ ॥ ২৬ ॥
সিংহক্ষেত্রে মহাসিংহং মল্লারিং মণিমণ্ডপে ।
নিবিডে নিবিডাকারং ধানুষ্কে জগদীশ্বরম্ ॥ ২৭ ॥
মৌহূরে কালমেঘং তু মধুরায়াং তু সুন্দরম্ ।
বৃষভাদ্রৌ মহাপুণ্যে পরমস্বামিসজ্ঞকম্ ॥ ২৮ ॥
শ্রীমদ্বরগুণে নাথং কুরুকায়াং রমাসখম্ ।
গোষ্ঠীপুরে গোষ্ঠপতিং শয়ানং দর্ভসংস্তরে ॥ ২৯ ॥
ধন্বিমঙ্গলকে শৌরিং বলাঢ্যং ভ্রমরস্থলে ।
কুরঙ্গে তু তথা পূর্ণং কৃষ্ণামেকং বটস্থলে ॥ ৩০ ॥
অচ্যুতং ক্ষুদ্রনদ্যাং তু পদ্মনাভমনন্তকে ।
এতানি বিষ্ণোঃ স্থানানি পূজিতানি মহাত্মভিঃ ॥ ৩১ ॥
অধিষ্ঠিতানি দেবেশ তত্রাসীনং চ মাধবম্ ।
য়ঃ স্মরেত্সততং ভক্ত্যা চেতসানন্যগামিনা ॥ ৩২ ॥
স বিধূয়াতিসংসারবন্ধং য়াতি হরেঃ পদম্ ।
অষ্টোত্তরশতং বিষ্ণোঃ স্থানানি পঠতা স্বয়ম্ ॥ ৩৩ ॥
অধীতাঃ সকলা বেদাঃ কৃতাশ্চ বিবিধা মখাঃ ।
সম্পাদিতা তথা মুক্তিঃ পরমানন্দদায়িনী ॥ ৩৪ ॥
অবগাঢানি তীর্থানি জ্ঞাতঃ স ভগবান্ হরিঃ ।
আদ্যমেতত্স্বয়ং ব্যক্তং বিমানং রঙ্গসজ্ঞকম্ ।
শ্রীমুষ্ণং বেঙ্কটাদ্রিং চ শালগ্রামং চ নৈমিষম্ ॥ ৩৫ ॥
তোতাদ্রিং পুষ্করং চৈব নরনারায়ণাশ্রমম্ ।
অষ্টৌ মে মূর্তয়ঃ সন্তি স্বয়ং ব্যক্তা মহীতলে ॥ ৩৬ ॥
॥ ইতি শ্রীবিষ্ণোরষ্টোত্তরশতদিব্যস্থানীয়নামস্তোত্রং সম্পূর্ণম্ ॥
Also Read:
Shri Vishnu Ashtottara Sata Divyasthani Yanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
