Adhyaya numbers 269-270 in Shanti Parva, Mahabharata critical edition (Bhandarkar Oriental Research Institute BORI). In Kinyavadekar’s edition, they are 279-280.
Vritra Geetaa in Bengali:
॥ বৃত্রগীতা ॥
অধ্যায়ঃ ২৭০
য্
ধন্যা ধন্যা ইতি জনাঃ সর্বেঽস্মান্প্রবদন্ত্যুত ।
ন দুঃখিততরঃ কশ্চিৎপুমানস্মাভিরস্তি হ ॥ ১ ॥
লোকসম্ভাবিতৈর্দুঃখং যৎপ্রাপ্তং কুরুসত্তম ।
প্রাপ্য জাতিং মনুষ্যেষু দেবৈরপি পিতামহ ॥ ২ ॥
কদা বয়ং করিষ্যামঃ সংন্যাসং দুঃখসঞ্জ্ঞকম্ ।
দুঃখমেতচ্ছরীরাণাং ধারণং কুরুসত্তম ॥ ৩ ॥
বিমুক্তাঃ সপ্তদশভির্হেতুভূতৈশ্চ পঞ্চভিঃ ।
ইন্দ্রিয়ার্থৈর্গুণৈশ্চৈব অস্তাভিঃ প্রপিতামহ ॥ ৪ ॥
ন গচ্ছন্তি পুনর্ভাবং মুনয়ঃ সংশিতব্রতাঃ ।
কদা বয়ং ভবিষ্যামো রাজ্যং হিৎবা পরন্তপ ॥ ৫ ॥
ভী
নাস্ত্যনন্তং মহারাজ সর্বং সঙ্খ্যান গোচরম্ ।
পুনর্ভাবোঽপি সঙ্খ্যাতো নাস্তি কিং চিদিহাচলম্ ॥ ৬ ॥
ন চাপি গম্যতে রাজন্নৈষ দোষঃ প্রসঙ্গতঃ ।
উদ্যোগাদেব ধর্মজ্ঞ কালেনৈব গমিষ্যথ ॥ ৭ ॥
ঈশোঽয়ং সততং দেহী নৃপতে পুণ্যপাপয়োঃ ।
তত এব সমুত্থেন তমসা রুধ্যতেঽপি চ ॥ ৮ ॥
যথাঞ্জন ময়ো বায়ুঃ পুনর্মানঃ শিলং রজঃ ।
অনুপ্রবিশ্য তদ্বর্ণো দৃশ্যতে রঞ্জয়ন্দিশঃ ॥ ৯ ॥
তথা কর্মফলৈর্দেহী রঞ্জিতস্তমসাবৃতঃ ।
বিবর্ণো বর্মমাশ্রিত্য দেহেষু পরিবর্ততে ॥ ১০ ॥
জ্ঞানেন হি যদা জন্তুরজ্ঞানপ্রভবং তমঃ ।
ব্যপোহতি তদা ব্রহ্ম প্রকাশেত সনাতনম্ ॥ ১১ ॥
অয়ত্ন সাধ্যং মুনয়ো বদন্তি
যে চাপি মুক্তাস্ত উপাসিতব্যাঃ ।
ৎবয়া চ লোকেন চ সামরেণ
তস্মান্ন শাম্যন্তি মহর্ষিসঙ্ঘাঃ ॥ ১২ ॥
অস্মিন্নর্থে পুরা গীতং শৃণুষ্বৈক মনা নৃপ ।
যথা দৈত্যেন বৃত্রেণ ভ্রষ্টৈশ্বর্যেণ চেষ্টিতম্ ॥ ১৩ ॥
নির্জিতেনাসহায়েন হৃতরাজ্যেন ভারত ।
অশোচতা শত্রুমধ্যে বুদ্ধিমাস্থায় কেবলাম্ ॥ ১৪ ॥
ভ্রষ্টৈশ্বর্যং পুরা বৃত্রমুশনা বাক্যমব্রবীৎ ।
কচ্চিৎপরাজিতস্যাদ্য ন ব্যথা তেঽস্তি দানব ॥ ১৫ ॥
ব্র্ত্র
সত্যেন তপসা চৈব বিদিৎবা সঙ্ক্ষয়ং হ্যহম্ ।
ন শোচামি ন হৃষ্যামি ভূতানামাগতিং গতিম্ ॥ ১৬ ॥
কালসঞ্চোদিতা জীবা মজ্জন্তি নরকেঽবশাঃ ।
পরিদৃষ্টানি সর্বাণি দিব্যান্যাহুর্মনীষিণঃ ॥ ১৭ ॥
ক্ষপয়িৎবা তু তং কালং গণিতং কালচোদিতাঃ ।
সাবশেষেণ কালেন সম্ভবন্তি পুনঃ পুনঃ ॥ ১৮ ॥
তির্যগ্যোনিসহস্রাণি গৎবা নরকমেব চ ।
নির্গচ্ছন্ত্যবশা জীবাঃ কালবন্ধন বন্ধনাঃ ॥ ১৯ ॥
এবং সংসরমাণানি জীবান্যহমদৃষ্টবান্ ।
যথা কর্ম তথা লাভ ইতি শাস্ত্রনিদর্শনম্ ॥ ২০ ॥
তির্যগ্গচ্ছন্তি নরকং মানুষ্যং দৈবমেব চ ।
সুখদুঃখে প্রিয়দ্বেষ্যে চরিৎবা পূর্বমেব চ ॥ ২১ ॥
কৃতান্তবিধিসংয়ুক্তং সর্বলোকঃ প্রপদ্যতে ।
গতং গচ্ছন্তি চাধ্বানং সর্বভূতানি সর্বদা ॥ ২২ ॥
ভী
কালসঙ্খ্যান সঙ্খ্যাতং সৃষ্টি স্থিতি পরায়নম্ ।
তং ভাসমানং ভগবানুশনাঃ প্রত্যভাসত ।
ভীমান্দুষ্টপ্রলাপাংস্ত্বং তাত কস্মাৎপ্রভাসসে ॥ ২৩ ॥
ব্র্ত্র
প্রত্যক্ষমেতদ্ভবতস্তথান্যেষাং মনীসিনাম্ ।
ময়া যজ্জয় লুব্ধেন পুরা তপ্তং মহত্তপঃ ॥ ২৪ ॥
গন্ধানাদায় ভূতানাং রসাংশ্চ বিবিধানপি ।
অবর্ধং ত্রীন্সমাক্রম্য লোকান্বৈ স্বেন তেজসা ॥ ২৫ ॥
জ্বালামালা পরিক্ষিপ্তো বৈহায়সচরস্তথা ।
অজেয়ঃ সর্বভূতানামাসং নিত্যমপেতভীঃ ॥ ২৬ ॥
ঐশ্বর্যং তপসা প্রাপ্তং ভ্রষ্টং তচ্চ স্বকর্মভিঃ ।
ধৃতিমাস্থায় ভগবন্ন শোচামি ততস্ত্বহম্ ॥ ২৭ ॥
যুয়ুৎসতা মহেন্দ্রেণ পুরা সার্ধং মহাত্মনা ।
ততো মে ভগবান্দৃষ্টো হরির্নারায়ণঃ প্রভুঃ ॥ ২৮ ॥
বৈকুণ্ঠঃ পুরুষো বিষ্ণুঃ শুক্লোঽনন্তঃ সনাতনঃ ।
মুঞ্জকেশো হরিশ্মশ্রুঃ সর্বভূতপিতামহঃ ॥ ২৯ ॥
নূনং তু তস্য তপসঃ সাবশেষং মমাস্তি বৈ ।
যদহং প্রস্তুমিচ্ছামি ভবন্তং কর্মণঃ ফলম্ ॥ ৩০ ॥
ঐশ্বর্যং বৈ মহদ্ব্রহ্মন্কস্মিন্বর্ণে প্রতিষ্ঠিতম্ ।
নিবর্ততে চাপি পুনঃ কথমৈশ্বর্যমুত্তমম্ ॥ ৩১ ॥
কস্মাদ্ভূতানি জীবন্তি প্রবর্তন্তেঽথ বা পুনঃ ।
কিং বা ফলং পরং প্রাপ্য জীবস্তিষ্ঠতি শাশ্বতঃ ॥ ৩২ ॥
কেন বা কর্মণা শক্যমথ জ্ঞানেন কেন বা ।
ব্রহ্মর্ষে তৎফলং প্রাপ্তুং তন্মে ব্যাখ্যাতুমর্হসি ॥ ৩৩ ॥
ইতীদমুক্তঃ স মুনিস্তদানীং
প্রত্যাহ যত্তচ্ছৃণু রাজসিংহ ।
ময়োচ্যমানং পুরুষর্ষভ ৎবম্
অনন্যচিত্তঃ সহ সোদরীয়ৈঃ ॥ ৩৪ ॥
অধ্যায়ঃ ২৭১
উশনস্
নমস্তস্মৈ ভগবতে দেবায় প্রভবিষ্ণবে ।
যস্য পৃথ্বী তলং তাত সাকাশং বাহুগোচরম্ ॥ ১ ॥
মূর্ধা যস্য ৎবনন্তং চ স্থানং দানব সত্তম ।
তস্যাহং তে প্রবক্ষ্যামি বিষ্ণোর্মাহাত্ম্যমুত্তমম্ ॥ ২ ॥
ভী
তয়োঃ সংবদতোরেবমাজগাম মহামুনিঃ ।
সনৎকুমারো ধর্মাত্মা সংশয় ছেদনায় বৈ ॥ ৩ ॥
স পূজিতোঽসুরেন্দ্রেণ মুনিনোশনসা তথা ।
নিষসাদাসনে রাজন্মহার্হে মুনিপুঙ্গবঃ ॥ ৪ ॥
তমাসীনং মহাপ্রাজ্ঞমুশনা বাক্যমব্রবীৎ ।
ব্রূহ্যস্মৈ দানবেন্দ্রায় বিন্সোর্মাহাত্ম্যমুত্তমম্ ॥ ৫ ॥
সনৎকুমারস্তু ততঃ শ্রুৎবা প্রাহ বচোঽর্থবৎ ।
বিষ্ণোর্মাহাত্ম্য সংয়ুক্তং দানবেন্দ্রায় ধীমতে ॥ ৬ ॥
শৃণু সর্বমিদং দৈত্য বিন্সোর্মাহাত্ম্যমুত্তমম্ ।
বিষ্ণৌ জগৎস্থিতং সর্বমিতি বিদ্ধি পরন্তপ ॥ ৭ ॥
সৃজত্যেষ মহাবাহো ভূতগ্রামং চরাচরম্ ।
এষ চাক্ষিপতে কালে কালে বিসৃজতে পুনঃ ।
অস্মিন্গচ্ছন্তি বিলয়মস্মাচ্চ প্রভবন্ত্যুত ॥ ৮ ॥
নৈষ দানবতা শক্যস্তপসা নৈব চেজ্যযা ।
সম্প্রাপ্তুমিন্দ্রিয়াণাং তু সংয়মেনৈব শক্যতে ॥ ৯ ॥
বাহ্যে চাভ্যন্তরে চৈব কর্মণা মনসি স্থিতঃ ।
নির্মলী কুরুতে বুদ্ধ্যা সোঽমুত্রানন্ত্যমশ্নুতে ॥ ১০ ॥
যথা হিরণ্যকর্তা বৈ রূপ্যমগ্নৌ বিশোধয়েৎ ।
বহুশোঽতিপ্রয়ত্নেন মহতাত্ম কৃতেন হ ॥ ১১ ॥
তদ্বজ্জাতিশতৈর্জীবঃ শুধ্যতেঽল্পেন কর্মণা ।
যত্নেন মহতা চৈবাপ্যেকজাতৌ বিশুধ্যতে ॥ ১২ ॥
লীলয়াল্পং যথা গাত্রাৎপ্রমৃজ্যাদাত্মনো রজঃ ।
বহু যত্নেন মহতা দোষনির্হরনং তথা ॥ ১৩ ॥
যথা চাল্পেন মাল্যেন বাসিতং তিলসর্ষপম্ ।
ন মুঞ্চতি স্বকং গন্ধং তদ্বৎসূক্ষ্মস্য দর্শনম্ ॥ ১৪ ॥
তদেব বহুভির্মাল্যৈর্বাস্যমানং পুনঃ পুনঃ ।
বিমুঞ্চতি স্বকং গন্ধং মাল্যগন্ধেঽবতিষ্ঠতি ॥ ১৫ ॥
এবং জাতিশতৈর্যুক্তো গুণৈরেব প্রসঙ্গিষু ।
বুদ্ধ্যা নিবর্ততে দোষো যত্নেনাভ্যাসজেন বৈ ॥ ১৬ ॥
কর্মণা স্বেন রক্তানি বিরক্তানি চ দানব ।
যথা কর্মবিশেষাংশ্চ প্রাপ্নুবন্তি তথা শৃণু ॥ ১৭ ॥
যথা চ সম্প্রবর্তন্তে যস্মিংস্তিষ্ঠন্তি বা বিভো ।
তত্তেঽনুপূর্ব্যা ব্যাখ্যাস্যে তদিহৈকমনাঃ শৃণু ॥ ১৮ ॥
অনাদি নিধনং শ্রীমান্হরির্নারায়ণঃ প্রভুঃ ।
স বৈ সৃজতি ভূতানি স্থাবরাণি চরাণি চ ॥ ১৯ ॥
এষ সর্বেষু ভূতেষু ক্ষরশ্চাক্ষর এব চ ।
একাদশ বিকারাত্মা জগৎপিবতি রশ্মিভিঃ ॥ ২০ ॥
পাদৌ তস্য মহীং বিদ্ধি মূর্ধানং দিবমেব চ ।
বাহবস্তু দিশো দৈত্য শ্রোত্রমাকাশমেব চ ॥ ২১ ॥
তস্য তেজোময়ঃ সূর্যো মনশ্ চন্দ্রমসি স্থিতম্ ।
বুদ্ধির্জ্ঞানগতা নিত্যং রসস্ত্বাপ্সু প্রবর্ততে ॥ ২২ ॥
ভ্রুবোরনন্তরাস্তস্য গ্রহা দানব সত্তম ।
নক্ষত্রচক্রং নেত্রাভ্যাং পাদয়োর্ভূশ্চ দানব ॥ ২৩ ॥
রজস্তমশ্চ সত্ত্বং চ বিদ্ধি নারায়ণাত্মকম্ ।
সোঽঽশ্রমাণাং মুখং তাত কর্মণস্তৎফলং বিদুঃ ॥ ২৪ ॥
অকর্মণঃ ফলং চৈব স এব পরমব্যযঃ ।
ছন্দাংসি তস্য রোমাণি অক্ষরং চ সরস্বতী ॥ ২৫ ॥
বহ্বাশ্রয়ো বহু মুখো ধর্মো হৃদি সমাশ্রিতঃ ।
স ব্রহ্ম পরমো ধর্মস্তপশ্চ সদসচ্চ সঃ ॥ ২৬ ॥
শ্রুতিশাস্ত্রগ্রহোপেতঃ ষোডশর্ত্বিক্ক্রতুশ্চ সঃ ।
পিতামহশ্চ বিষ্ণুশ্চ সোঽশ্বিনৌ স পুরন্দরঃ ॥ ২৭ ॥
মিত্রশ্চ বরুণশ্চৈব যমোঽথ ধনদস্তথা ।
তে পৃথগ্দর্শনাস্তস্য সংবিদন্তি তথৈকতাম্ ।
একস্য বিদ্ধি দেবস্য সর্বং জগদিদং বশে ॥ ২৮ ॥
নানা ভূতস্য দৈত্যেন্দ্র তস্যৈকৎবং বদত্যযম্ ।
জন্তুঃ পশ্যতি জ্ঞানেন ততঃ সত্ত্বং প্রকাশতে ॥ ২৯ ॥
সংহার বিক্ষেপসহস্রকোতীস্
তিষ্ঠন্তি জীবাঃ প্রচরন্তি চান্যে ।
প্রজা বিসর্গস্য চ পারিমাণ্যং
বাপী সহস্রাণি বহূনি দৈত্য ॥ ৩০ ॥
বাপ্যঃ পুনর্যোজনবিস্তৃতাস্তাঃ
ক্রোশং চ গম্ভীরতয়াবগাধাঃ ।
আয়ামতঃ পঞ্চশতাশ্চ সর্বাঃ
প্রত্যেকশো যোজনতঃ প্রবৃত্থাঃ ॥ ৩১ ॥
বাপ্যা জলং ক্ষিপ্যতি বালকোত্যা
ৎবহ্না সকৃচ্চাপ্যথ ন দ্বিতীয়ম্ ।
তাসাং ক্ষয়ে বিদ্ধি কৃতং বিসর্গং
সংহারমেকং চ তথা প্রজানাম্ ॥ ৩২ ॥
সো জীব বর্গাঃ পরমং প্রমাণং
কৃষ্ণো ধূম্রো নীলমথাস্য মধ্যম্ ।
রক্তং পুনঃ সহ্যতরং সুখং তু
হারিদ্র বর্ণং সুসুখং চ শুক্লম্ ॥ ৩৩ ॥
পরং তু শুক্লং বিমলং বিশোকং
গতক্লমং সিধ্যতি দানবেন্দ্র ।
গৎবা তু যোনিপ্রভবানি দৈত্য
সহস্রশঃ সিদ্ধিমুপৈতি জীবঃ ॥ ৩৪ ॥
গতিং চ যাং দর্শনমাহ দেবো
গৎবা শুভং দর্শনমেব চাহ ।
গতিঃ পুনর্বর্ণকৃতা প্রজানাং
বর্ণস্তথা কালকৃতোঽসুরেন্দ্র ॥ ৩৫ ॥
শতং সহস্রাণি চতুর্দশেহ
পরা গতির্জীব গুণস্য দৈত্য ।
আরোহণং তৎকৃতমেব বিদ্ধি
স্থানং তথা নিঃসরণং চ তেষাম্ ॥ ৩৬ ॥
কৃষ্ণস্য বর্ণস্য গতির্নিকৃষ্টা
স মজ্জতে নরকে পচ্যমানঃ ।
স্থানং তথা দুর্গতিভিস্তু তস্য
প্রজা বিসর্গান্সুবহূন্বদন্তি ॥ ৩৭ ॥
শতং সহস্রাণি ততশ্চরিৎবা
প্রাপ্নোতি বর্ণং হরিতং তু পশ্চাৎ ।
স চৈব তস্মিন্নিবসত্যনীশো
যুগক্ষয়ে তমসা সংবৃতাত্মা ॥ ৩৮ ॥
স বৈ যদা সত্ত্বগুণেন যুক্তস্
তমো ব্যপোহন্ঘততে স্ববুদ্ধ্যা ।
স লোহিতং বর্ণমুপৈতি নীলো
মনুষ্যলোকে পরিবর্ততে চ ॥ ৩৯ ॥
স তত্র সংহার বিসর্গমেব
স্বকর্মজৈর্বন্ধনৈঃ ক্লিশ্যমানঃ ।
ততঃ স হারিদ্রমুপৈতি বর্ণং
সংহার বিক্ষেপশতে ব্যতীতে ॥ ৪০ ॥
হারিদ্র বর্ণস্তু প্রজা বিসর্গান্
সহস্রশস্তিষ্ঠতি সঞ্চরন্বৈ ।
অবিপ্রমুক্তো নিরয়ে চ দৈত্য
ততঃ সহস্রাণি দশাপরানি ॥ ৪১ ॥
গতীঃ সহস্রাণি চ পঞ্চ তস্য
চৎবারি সংবর্তকৃতানি চৈব ।
বিমুক্তমেনং নিরয়াচ্চ বিদ্ধি
সর্বেষু চান্যেষু চ সম্ভবেষু ॥ ৪২ ॥
স দেবলোকে বিহরত্যভীক্ষ্ণং
ততশ্চ্যুতো মানুষতাম্ উপৈতি ।
সংহার বিক্ষেপশতানি চাষ্টৌ
মর্ত্যেষু তিষ্ঠন্নমৃতৎবমেতি ॥ ৪৩ ॥
সোঽস্মাদথ ভ্রশ্যতি কালয়োগাৎ
কৃষ্ণে তলে তিষ্ঠতি সর্বকস্তে ।
যথা ৎবয়ং সিধ্যতি জীবলোকস্
তত্তেঽভিধাস্যাম্যসুরপ্রবীর ॥ ৪৪ ॥
দৈবানি স ব্যূহ শতানি সপ্ত
রক্তো হরিদ্রোঽথ তথৈব শুক্লঃ ।
সংশ্রিত্য সন্ধাবতি শুক্লমেতম্
অস্তাপরানর্চ্যতমান্স লোকান্ ॥ ৪৫ ॥
অষ্টৌ চ ষষ্টিং চ শতানি যানি
মনো বিরুদ্ধানি মহাদ্যুতীনাম্ ।
শুক্লস্য বর্ণস্য পরা গতির্যা
ত্রীণ্যেব রুদ্ধানি মহানুভাব ॥ ৪৬ ॥
সংহার বিক্ষেপমনিষ্টমেকং
চৎবারি চান্যানি বসত্যনীশঃ ।
সস্থস্য বর্ণস্য পরা গতির্যা
সিদ্ধা বিশিষ্টস্য গতক্লমস্য ॥ ৪৭ ॥
সপ্তোত্তরং তেষু বসত্যনীশঃ
সংহার বিক্ষেপশতং সশেষম্ ।
তস্মাদুপাবৃত্য মনুষ্যলোকে
ততো মহান্মানুষতাম্ উপৈতি ॥ ৪৮ ॥
তস্মাদুপাবৃত্য ততঃ ক্রমেণ
সোঽগ্রে স্ম সন্তিষ্ঠতি ভূতসর্গম্ ।
স সপ্তকৃৎবশ্চ পরৈতি লোকান্
সংহার বিক্ষেপকৃতপ্রবাসঃ ॥ ৪৯ ॥
সপ্তৈব সংহারমুপপ্লবানি
সম্ভাব্য সন্তিষ্ঠতি সিদ্ধলোকে ।
ততোঽব্যযং স্থানমনন্তমেতি
দেবস্য বিষ্ণোরথ ব্রহ্মণশ্ চ ।
শেষস্য চৈবাথ নরস্য চৈব
দেবস্য বিষ্ণোঃ পরমস্য চৈব ॥ ৫০ ॥
সংহার কালে পরিদগ্ধ কায়া
ব্রহ্মাণমায়ান্তি সদা প্রজা হি ।
চেষ্টাত্মনো দেবগণাশ্ চ সর্বে
যে ব্রহ্মলোকাদমরাঃ স্ম তেঽপি ॥ ৫১ ॥
প্রজা বিসর্গং তু সশেষকালং
স্থানানি স্বান্যেব সরন্তি জীবাঃ ।
নিঃশেষাণাং তৎপদং যান্তি চান্তে
সর্বাপদা যে সদৃশা মনুষ্যাঃ ॥ ৫২ ॥
যে তু চ্যুতাঃ সিদ্ধলোকাৎক্রমেণ
তেষাং গতিং যান্তি তথানুপূর্ব্যা ।
জীবাঃ পরে তদ্বলবেষরূপা
বিধিং স্বকং যান্তি বিপর্যযেন ॥ ৫৩ ॥
স যাবদেবাস্তি সশেষভুক্তে
প্রজাশ্চ দেবৌ চ তথৈব শুক্লে ।
তাবত্তদা তেষু বিশুদ্ধভাবঃ
সংয়ম্য পঞ্চেন্দ্রিয় রূপমেতৎ ॥ ৫৪ ॥
শুদ্ধাং গতিং তাং পরমাং পরৈতি
শুদ্ধেন নিত্যং মনসা বিচিন্বন্ ।
ততোঽব্যযং স্থানুমুপৈতি ব্রহ্ম
দুষ্প্রাপমভ্যেতি স শাশ্বতং বৈ ।
ইত্যেতদাখ্যাতমহীনসত্ত্ব
নারায়ণস্যেহ বলং ময়া তে ॥ ৫৫ ॥
ব্র্ত্র
এবঙ্গতে মে ন বিষাদোঽস্তি কশ্ চিৎ
সম্যক্চ পশ্যামি বচস্তবৈতৎ ।
শ্রুৎবা চ তে বাচমদীনসত্ত্ব
বিকল্মষোঽস্ম্যদ্য তথা বিপাপ্মা ॥ ৫৬ ॥
প্রবৃত্তমেতদ্ভগবন্মহর্ষে
মহাদ্যুতেশ্চক্রমনন্ব বীর্যম্ ।
বিষ্ণোরনন্তস্য সনাতনং তৎ
স্থানং সর্গা যত্র সর্বে প্রবৃত্তাঃ ।
স বৈ মহাত্মা পুরুষোত্তমো বৈ
তস্মিঞ্জগৎসর্বমিদং প্রতিষ্ঠিতম্ ॥ ৫৭ ॥
ভী
এবমুক্ত্বা স কৌন্তেয় বৃত্রঃ প্রানানবাসৃজৎ ।
যোজয়িৎবা তথাত্মানং পরং স্থানমবাপ্তবান্ ॥ ৫৮ ॥
য্
অয়ং স ভগবান্দেবঃ পিতামহ জনার্দনঃ ।
সনৎকুমারো বৃত্রায় যত্তদাখ্যাতবান্পুরা ॥ ৫৯ ॥
ভী
মূলস্থায়ী স ভগবান্স্বেনানন্তেন তেজসা ।
তৎস্থঃ সৃজতি তান্ভাবান্নানারূপান্মহাতপঃ ॥ ৬০ ॥
তুরীয়ার্ধেন তস্যেমং বিদ্ধি কেশবমচ্যুতম্ ।
তুরীয়ার্ধেন লোকাংস্ত্রীন্ভাবয়ত্যেষ বুদ্ধিমান্ ॥ ৬১ ॥
অর্বাক্স্থিতস্তু যঃ স্থায়ী কল্পান্তে পরিবর্ততে ।
স শেতে ভগবানপ্সু যোঽসাবতিবলঃ প্রভুঃ ।
তান্বিধাতা প্রসন্নাত্মা লোকাংশ্চরতি শাশ্বতান্ ॥ ৬২ ॥
সর্বাণ্যশূন্যানি করোত্যনন্তঃ
সনৎকুমারঃ সঞ্চরতে চ লোকান্ ।
স চানিরুদ্ধঃ সৃজতে মহাত্মা
তৎস্থং জগৎসর্বমিদং বিচিত্রম্ ॥ ৬৩ ॥
য্
বৃত্রেণ পরমার্থজ্ঞ দৃষ্টা মন্যেঽঽত্মনো গতিঃ ।
শুভা তস্মাৎস সুখিতো ন শোচতি পিতামহ ॥ ৬৪ ॥
শুক্লঃ শুক্লাভিজাতীয়ঃ সাধ্যো নাবর্ততেঽনঘ ।
তির্যগ্গতেশ্চ নির্মুক্তো নিরয়াচ্চ পিতামহ ॥ ৬৫ ॥
হারিদ্র বর্ণে রক্তে বা বর্তমানস্তু পার্থিব ।
তির্যগেবানুপশ্যেত কর্মভিস্তামসৈর্বৃতঃ ॥ ৬৬ ॥
বয়ং তু ভৃশমাপন্না রক্তাঃ কস্ত মুখেঽসুখে ।
কাং গতিং প্রতিপৎস্যামো নীলাং কৃষ্ণাধমাম্ অথ ॥ ৬৭ ॥
ভী
শুদ্ধাভিজনসম্পন্নাঃ পাণ্ডবাঃ সংশিতব্রতাঃ ।
বিহৃত্য দেবলোকেষু পুনর্মানুষ্যমেষ্যথ ॥ ৬৮ ॥
প্রজা বিসর্গং চ সুখেন কালে
প্রত্যেত্য দেবেষু সুখানি ভুক্ত্বা ।
সুখেন সংয়াস্যথ সিদ্ধসঙ্খ্যাং
মা বো ভয়ং ভূদ্বিমলাঃ স্থ সর্বে ॥ ৬৯ ॥
॥ ইতি বৃত্রগীতা সমাপ্তা ॥
Also Read:
Vritra Gita from Adhyatma Ramayana Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
