Gangashtakam by Satya Jnanananda Tirtha in Telugu -

గఙ్గాష్టకం సత్యజ్ఞానానన్దతీర్థకృత Lyrics in Telugu:

శ్రీగణేశాయ నమః ॥

యదవధి తవ నీరం పాతకీ నైతి గఙ్గే
తదవధి మలజాలైర్నైవ ముక్తః కలౌ స్యాత్ ।
తవ జలకణికాఽలం పాపినాం పాపశుద్ధయై
పతితపరమదీనాంస్త్వం హి పాసి ప్రపన్నాన్ ॥ ౧॥

తవ శివజలలేశం వాయునీతం సమేత్య
సపది నిరయజాలం శూన్యతామేతి గఙ్గే ।
శమలగిరిసమూహాః ప్రస్ఫుణ్టతి ప్రచణ్డాస్త్వయి
సఖి విశతాం నః పాపశఙ్కా కుతః స్యాత్ ॥ ౨॥

తవ శివజలజాలం నిఃసృతం యర్హి
గఙ్గే సకలభువనజాలం పూతపూతం తదాఽభూత్ ।
యమభటకలివార్తా దేవి లుప్తా యమోఽపి
వ్యధికృతవరదేహాః పూర్ణకామాః సకామాః ॥ ౩॥

మధుమధువనపూగై రత్నపూగైర్నృపూగైర్-
మధుమధువనపూగైర్దేవపూగైః సపూగైః ।
పురహరపరమాఙ్గే భాసి మాయేవ గఙ్గే శమయసి
విషతాపం దేవదేవస్య వన్ద్యమ్ ॥ ౪॥

చలితశశికులాభైరుత్తరఙ్గైస్తరఙ్గైర్-
అమితనదనదీనామఙ్గసఙ్గైరసఙ్గైః ।
విహరసి జగదణ్డే ఖణ్డంయతీ గిరీన్ద్రాన్ రమయసి
నిజకాన్తం సాగరం కాన్తకాతే ॥ ౫॥

తవ పరమహిమానం చిత్తవాచామమానం
హరిహరవిధిశత్ర్కా నాపి గఙ్గే విదన్తి ।
శ్రుతికులమభిధత్తే శఙ్కితం తం గుణాన్తం
గుణగణసువిలాపైర్నేతి నేతీతి సత్యమ్ ॥ ౬॥

తవ నుతినతినామాన్యప్యఘం పావయన్తి దదతి
పరమశాన్తిం దివ్యభోగాన్ జనానామ్ ।
ఇతి పతితశరణ్యే త్వాం ప్రపన్నోఽస్మి
మాతర్లలితతరతరఙ్గే చాఙ్గ గవేప్రసీద ॥ ౭॥

శుభతరకృతయోగాద్విశ్వనాథ-
ప్రసాదాద్భవహరవరవిద్యాం ప్రాప్య కాశ్యాం హి గఙ్గే ।
భగవతి తవ తీరే నీరసారం నిపీయ
ముదితహృదయకఞ్జే నన్దసూనుం భజేఽహమ్ ॥ ౮॥

గఙ్గాష్టకమిదం కృత్వా భుక్తిముక్తిప్రదం నృణామ్ ।
సత్యజ్ఞానానన్దతీర్థయతినా స్వర్పితం శివే ॥ ౯॥

తేన ప్రణాతు భగవాన్ శివో గఙ్గాధరో విభుః ।
కరోతు శఙ్కరః కాశ్యాం జనానాం సతతం శివమ్ ॥ ౧౦॥

ఇతి సత్యజ్ఞానానన్దతీర్థయతినా విరచితం గఙ్గాష్టకం సమ్పూర్ణమ్ ॥