Guru Vatapuradhish Ashtottarashatanama Stotram in Bengali:
শ্রীগুরুবাতপুরাধীশাষ্টোত্তরশতনামস্তোত্রম্
ধ্যানম্ –
পীতাম্বরং করবিরাজিতশঙ্খচক্র-
কৌমোদকীসরসিজং করুণাসমুদ্রম্ ।
রাধাসহায়মতিসুন্দরমন্দহাসং
বাতালয়েশমনিশাং হৃদি ভাবয়ামি ॥
কৃষ্ণো বাতপুরাধীশঃ ভক্তকল্পদ্রুমঃ প্রভুঃ ।
রোগহন্তা পরং ধামা কলৌ সর্বসুখপ্রদঃ ॥ ১ ॥
বাতরোগহরো বিষ্ণুঃ উদ্ধবাদিপ্রপূজিতঃ ।
ভক্তমানসসংবিষ্টঃ ভক্তকামপ্রপূরকঃ ॥ ২ ॥
লোকবিখ্যাতচারিত্রঃ শঙ্করাচার্যপূজিতঃ ।
পাণ্ড্যেশবিষহন্তা চ পাণ্ড্যরাজকৃতালয়ঃ ॥ ৩ ॥
নারায়ণকবিপ্রোক্তস্তোত্রসন্তুষ্টমানসঃ ।
নারায়ণসরস্তীরবাসী নারদপূজিতঃ ॥ ৪ ॥
বিপ্রনিত্যান্নদাতা চ বিবিধাকৃতিশোভিতঃ ।
তৈলাভিষেকসন্তুষ্টঃ সিক্ততৈলার্তিহারকঃ ॥ ৫ ॥
কৌপীনদরুজাহন্তা পীতাম্বরধরোঽব্যয়ঃ ।
ক্ষীরাভিষেকাত্সৌভাগ্যদাতা কলিয়ুগপ্রভুঃ ॥ ৬ ॥
নির্মাল্যদর্শনাদ্ভক্তচিত্তচিন্তানিবারকঃ ।
দেবকীবসুদেবাত্তপুণ্যপুঞ্জোঽঘনাশকঃ ॥ ৭ ॥
পুষ্টিদঃ কীর্তিদো নিত্যকল্যাণততিদায়কঃ ।
মন্দারমালাসংবীতঃ মুক্তাদামবিভূষিতঃ ॥ ৮ ॥
পদ্মহস্তশ্চক্রধারী গদাশঙ্খমনোহরঃ ।
গদাপহন্তা গাঙ্গেয়মোক্ষদাতা সদোত্সবঃ ॥ ৯ ॥
গানবিদ্যাপ্রদাতা চ বেণুনাদবিশারদঃ ।
ভক্তান্নদানসন্তুষ্টঃ বৈকুণ্ঠীকৃতকেরল়ঃ ॥ ১০ ॥
তুলাভারসমায়াতজনসর্বার্থদায়কঃ ।
পদ্মমালী পদ্মনাভঃ পদ্মনেত্রঃ শ্রিয়ঃপতিঃ ॥ ১১ ॥
পাদনিস্সৃতগাঙ্গোদঃ পুণ্যশালিপ্রপূজিতঃ ।
তুল়সীদামসন্তুষ্টঃ বিল্বমঙ্গল়পূজিতঃ ॥ ১২ ॥
পূন্তানবিপ্রসন্দৃষ্টদিব্যমঙ্গল়বিগ্রহঃ ।
পাবনঃ পরমো ধাতা পুত্রপৌত্রপ্রদায়কঃ ॥ ১৩ ॥
মহারোগহরো বৈদ্যনাথো বেদবিদর্চিতঃ ।
ধন্বন্তরির্ধর্মরূপো ধনধান্যসুখপ্রদঃ ॥ ১৪ ॥
আরোগ্যদাতা বিশ্বেশঃ বিধিরুদ্রাদিসেবিতঃ ।
বেদান্তবেদ্যো বাগীশঃ সম্যগ্বাক্ছক্তিদায়কঃ ॥ ১৫ ॥
মন্ত্রমূর্তির্বেদমূর্তিঃ তেজোমূর্তিঃ স্তুতিপ্রিয়ঃ ।
পূর্বপুণ্যবদারাধ্যঃ মহালাভকরো মহান্ ॥ ১৬ ॥
দেবকীবসুদেবাদিপূজিতো রাধিকাপতিঃ ।
শ্রীরুক্মিণীসত্যভামাসংলালিতপদাম্বুজঃ ॥ ১৭ ॥
কন্যাষোডশসাহস্রকণ্ঠমাঙ্গল্যসূত্রদঃ ।
অন্নপ্রাশনসম্প্রাপ্তবহুবালসুখপ্রদঃ ॥ ১৮ ॥
গুরুবায়ুসুসঙ্ক্লৃপ্তসত্প্রতিষ্ঠঃ সুরার্চিতঃ ।
পায়সান্নপ্রিয়ো নিত্যঙ্গজরাশিসমুজ্জ্বলঃ ॥ ১৯ ॥
পুরাণরত্নপঠনশ্রবণানন্দপূরিতঃ ।
মাঙ্গল্যদাননিরতঃ দক্ষিণদ্বারকাপতিঃ ॥ ২০ ॥
দীপায়ুতোত্থসজ্জ্বালাপ্রকাশিতনিজালয়ঃ ।
পদ্মমালাধরঃ শ্রীমান্ পদ্মনাভোঽখিলার্থদঃ ॥ ২১ ॥
আয়ুর্দাতা মৃত্যুহর্তা রোগনাশনদীক্ষিতঃ ।
নবনীতপ্রিয়ো নন্দনন্দনো রাসনায়কঃ ॥ ২২ ॥
য়শোদাপুণ্যসঞ্জাতঃ গোপিকাহৃদয়স্থিতঃ ।
ভক্তার্তিঘ্নো ভব্যফলঃ ভূতানুগ্রহতত্পরঃ ।
দীক্ষিতানন্তরামোক্তনামসুপ্রীতমানসঃ ॥ ২৩ ॥
গুরুবাতপুরীশস্য নাম্নামষ্টোত্তরং শতম্ ।
দীক্ষিতানন্তরামেণ ভক্ত্যা স্তোত্রং কৃতং মহত্ ॥ ২৪ ॥
শ্রদ্ধায়ুক্তঃ পঠেন্নিত্যং স্মরন্ বাতপুরাধিপম্ ।
তস্য দেবো বাসুদেবঃ সর্বার্থফলদো ভবেত্ ॥ ২৫ ॥
ইতি ব্রহ্মশ্রী সেংগলীপুরং অনন্তরামদীক্ষিতবিরচিতং
শ্রীগুরুবাতপুরীশাষ্টোত্তরশতনামস্তোত্রং সম্পূর্ণম্ ॥
Also Read:
Guru Vatapuradhish Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
