Templesinindiainfo

Best Spiritual Website

Shri Guruvayupureshvara Ashtottarashatanama Stotraratnam Lyrics in Malayalam

Sri Guruvayupureshvara Ashtottarashatanama Stotraratnam Lyrics in Malayalam:

ശ്രീഗുരുവായുപുരേശ്വരാഷ്ടോത്തരശതനാമസ്തോത്രരത്നം
ശ്രീവിദ്യാരാജഗോപാലാഭിധശ്രീമഹാവൈകുണ്ഠേശ്വരസ്വരൂപ
ശ്രീഗുരുവായുപുരേശ്വരാഷ്ടോത്തരശതനാമസ്തോത്രരത്നം ॥

പാര്‍വത്യുവാച –
ദേവദേവ മഹാദേവ മഹാവൈഷ്ണവതല്ലജ ।
ജീവവാതപുരേശസ്യ മാഹാത്മ്യമഖിലം ത്വയാ ॥ 1 ॥

മന്ത്രതന്ത്രരഹസ്യാഢ്യൈഃ സഹസ്രാധികനാമഭിഃ ।
അദ്യ മേ പ്രേമഭാരേണോപന്യസ്തമിദമദ്ഭുതം ॥ 2 ॥

മഹാവൈകുണ്ഠനാഥസ്യ പ്രഭാവമഖിലം പ്രഭോ ।
സങ്ഗ്രഹേണ ശ്രോതുമദ്യ ത്വരായുക്താസ്ംയഹം പ്രഭോ ॥ 3 ॥

യസ്യ ശ്രവണമാത്രേണ ജീവവൃന്ദേഷു സര്‍വതഃ ।
നാതികൃച്ഛ്രേണ യത്നേന ലസേയുഃ സര്‍വസിദ്ധയഃ ॥ 4 ॥

താദൃശം സുലഭം സ്തോത്രം ശ്രോതുമിച്ഛാമി ത്വന്‍മുഖാത് ।
ഈശ്വര ഉവാച –
മഹാദേവി ശിവേ ഭദ്രേ ജീവവാതപുരേശിതുഃ ॥ 5 ॥

മാഹാത്മ്യവാരിധൌ മഗ്നഃ പൂരയാമി ത്വദീപ്സിതം ।
പൂര്‍വം യന്നാമസാഹസ്രം തസ്യ ദേവസ്യ ഭാഷിതം ॥ 6 ॥

തസ്യാദൌ വിജൃംഭമാണൈരഷ്ടാധികശതേന തു ।
നാമഭിര്‍നിര്‍മിതം സ്തോത്രം സര്‍വസിദ്ധിവിധായകം ॥ 7 ॥

പഠിതും നാമസാഹസ്രം അശക്താഃ സന്തി യേ ശിവേ ।
തേഷാമര്‍ഥേ സ്തോത്രമേതത്സങ്ഗൃഹീതം ഫലപ്രദം ॥ 8 ॥

അനുകൂലൌ ദേശകാലൌ യസ്യ സ്തോ ജഗതീഹ തു ।
പഠിതവ്യം തേന നാമസാഹസ്രം യത്നതഃ ശിവേ ॥ 9 ॥

ആലസ്യദൂഷിതേ ചിത്തേ വിശ്വാസരഹിതേ തഥാ ।
ഗുരുവാതപുരേശസ്യ ന ഹി മൂര്‍തിഃ പ്രസീദതി ॥ 10 ॥

ഗുരോരന്യത്ര വിശ്വാസീ തഥാ വാതപുരേശിതുഃ ।
കഥമേതത്ഫലം പ്രോക്തം യഥാവദധിഗച്ഛതി ॥ 11 ॥

ഏക ഏവ ഗുരുര്യസ്യ വൈകുണ്ഠോ യസ്യ ദൈവതം ।
തസ്യ ഭക്തസ്യ നൂനം ഹി സ്തോത്രമേതത്ഫലിഷ്യതി ॥ 12 ॥

അദ്യ തേ ദേവി വക്ഷ്യാമി നാംനാമഷ്ടോത്തരം ശതം ।
സ്തോത്രരാജമിമം പുണ്യം സാവധാനമനാഃ ശൃണു ॥ 13 ॥

സ്തോത്രസ്യാസ്യ ഋഷിഃ പ്രോക്തോ ദക്ഷിണാമൂര്‍തിരീശ്വരഃ ।
ഛന്ദോഽനുഷ്ടുപ് തഥാ ദേവോ ഗുരുവായുപുരേശ്വരഃ ॥ 14 ॥

രമാശക്തിസ്മരൈര്‍ബീജൈഃ ബീജശക്തീ ച കീലകം ।
ധര്‍മാര്‍ഥകാമമോക്ഷേഷു വിനിയോഗഃ പ്രകീര്‍തിതഃ ॥ 15 ॥

മൂലമന്ത്രസ്യ ഷഡ്ഭാഗൈഃ കരാങ്ഗന്യാസമാചരേത് ।
മഹാവൈകുണ്ഠരൂപേണ ധ്യാതവ്യാത്ര ഹി ദേവതാ ॥ 16 ॥

ഇന്ദ്രനീലസമച്ഛായം പീതാംബരധരം ഹരിം ।
ശങ്ഖചക്രഗദാപദ്മൈര്ലസദ്ബാഹും വിചിന്തയേത് ॥ 17 ॥

ധ്യാനം –
ക്ഷീരാംഭോധിസ്ഥകല്‍പദ്രുമവനവിലസദ്രത്നയുങ്മണ്ടപാന്തഃ
ശങ്ഖം ചക്രം പ്രസൂനം കുസുമശരചയം ചേക്ഷുകോദണ്ഡപാശൌ ।
ഹസ്താഗ്രൈര്‍ധാരയന്തം സൃണിമപി ച ഗദാം ഭൂരമാഽഽലിങ്ഗിതം തം
ധ്യായേത്സിന്ദൂരകാന്തിം വിധിമുഖവിബുധൈരീഡ്യമാനം മുകുന്ദം ॥

അഥ അഷ്ടോത്തരശതനാമസ്തോത്രം ।
മഹാവൈകുണ്ഠനാഥാഖ്യോ മഹാനാരായണാഭിധഃ ।
താരശ്രീശക്തികന്ദര്‍പചതുര്‍ബീജകശോഭിതഃ ॥ 19 ॥

ഗോപാലസുന്ദരീരൂപഃ ശ്രീവിദ്യാമന്ത്രവിഗ്രഹഃ ।
രമാബീജസമാരംഭോ ഹൃല്ലേഖാസമലങ്കൃതഃ ॥ 20 ॥

മാരബീജസമായുക്തോ വാണീബീജസമന്വിതഃ ।
പരാബീജസമാരാധ്യോ മീനകേതനബീജകഃ ॥ 21 ॥

താരശക്തിരമായുക്തഃ കൃഷ്ണായപദപൂജിതഃ ।
കാദിവിദ്യാദ്യകൂടാഢ്യോ ഗോവിന്ദായപദപ്രിയഃ ॥ 22 ॥

കാമരാജാഖ്യകൂടേശോ ഗോപീജനസുഭാഷിതഃ ।
വല്ലഭായപദപ്രീതഃ ശക്തികൂടവിജൃംഭിതഃ ॥ 23 ॥

വഹ്നിജായാസമായുക്തഃ പരാവാങ്മദനപ്രിയഃ ।
മായാരമാസുസമ്പൂര്‍ണോ മന്ത്രരാജകലേബരഃ ॥ 24 ॥

ദ്വാദശാവൃതിചക്രേശോ യന്ത്രരാജശരീരകഃ ।
പിണ്ഡഗോപാലബീജാഢ്യഃ സര്‍വമോഹനചക്രഗഃ ॥ 25 ॥

ഷഡക്ഷരീമന്ത്രരൂപോ മന്ത്രാത്മരസകോണഗഃ ।
പഞ്ചാങ്ഗകമനുപ്രീതഃ സന്ധിചക്രസമര്‍ചിതഃ ॥ 26 ॥

അഷ്ടാക്ഷരീമന്ത്രരൂപോ മഹിഷ്യഷ്ടകസേവിതഃ ।
ഷോഡശാക്ഷരമന്ത്രാത്മാ കലാനിധികലാര്‍ചിതഃ ॥ 27 ॥

അഷ്ടാദശാക്ഷരീരൂപോഽഷ്ടാദശദലപൂജിതഃ ।
ചതുര്‍വിംശതിവര്‍ണാത്മഗായത്രീമനുസേവിതഃ ॥ 28 ॥

ചതുര്‍വിംശതിനാമാത്മശക്തിവൃന്ദനിഷേവിതഃ ।
ക്ലീങ്കാരബീജമധ്യസ്ഥഃ കാമവീഥീപ്രപൂജിതഃ ॥ 29 ॥

ദ്വാത്രിംശദക്ഷരാരൂഢോ ദ്വാത്രിംശദ്ഭക്തസേവിതഃ ।
പിണ്ഡഗോപാലമധ്യസ്ഥഃ പിണ്ഡഗോപാലവീഥിഗഃ ॥ 30 ॥

വര്‍ണമാലാസ്വരൂപാഢ്യോ മാതൃകാവീഥിമധ്യഗഃ ।
പാശാങ്കുശദ്വിബീജസ്ഥഃ ശക്തിപാശസ്വരൂപകഃ ॥ 31 ॥

പാശാങ്കുശീയചക്രേശോ ദേവേന്ദ്രാദിപ്രപൂജിതഃ ।
ലിഖിതോ ഭൂര്‍ജപത്രാദൌ ക്രമാരാധിതവൈഭവഃ ॥ 32 ॥

ഊര്‍ധ്വരേഖാസമായുക്തോ നിംനരേഖാപ്രതിഷ്ഠിതഃ ।
സമ്പൂര്‍ണമേരുരൂപേണ സമ്പൂജിതോഽഖിലപ്രദഃ ॥ 33
മന്ത്രാത്മവര്‍ണമാലാഭിഃ സംയക്ശോഭിതചക്രരാട് ।
ശ്രീചക്രബിന്ദുമധ്യസ്ഥയന്ത്രസംരാട്സ്വരൂപകഃ ॥ 34 ॥

കാമധര്‍മാര്‍ഥര്‍ഫലദഃ ശത്രുദസ്യുനിവാരകഃ ।
കീര്‍തികാന്തിധനാരോഗ്യരക്ഷാശ്രീവിജയപ്രദഃ ॥ 35 ॥

പുത്രപൌത്രപ്രദഃ സര്‍വഭൂതവേതാലനാശനഃ
കാസാപസ്മാരകുഷ്ഠാദിസര്‍വരോഗവിനാശകഃ ॥ 36 ॥

ത്വഗാദിധാതുസംബദ്ധസര്‍വാമയചികിത്സകഃ ।
ഡാകിന്യാദിസ്വരൂപേണ സപ്തധാതുഷു നിഷ്ഠിതഃ ॥ 37 ॥

സ്മൃതിമാത്രേണാഷ്ടലക്ഷ്മീവിശ്രാണനവിശാരദഃ ।
ശ്രുതിമൌലിസമാരാധ്യമഹാപാദുകലേബരഃ ॥ 38 ॥

മഹാപദാവനീമധ്യരമാദിഷോഡശീദ്വികഃ ।
രമാദിഷോഡശീയുക്തരാജഗോപദ്വയാന്വിതഃ ॥ 39 ॥

ശ്രീരാജഗോപമധ്യസ്ഥമഹാനാരായണദ്വികഃ ।
നാരായണദ്വയാലീഢമഹാനൃസിംഹരൂപകഃ ॥ 40 ॥

ലഘുരൂപമഹാപാദുഃ മഹാമഹാസുപാദുകഃ ।
മഹാപദാവനീധ്യാനസര്‍വസിദ്ധിവിലാസകഃ ॥ 41 ॥

മഹാപദാവനീന്യാസശതാധികകലാഷ്ടകഃ ।
പരമാനന്ദലഹരീസമാരബ്ധകലാന്വിതഃ ॥ 42 ॥

ശതാധികകലാന്തോദ്യച്ഛ്രീമച്ചരണവൈഭവഃ ।
ശിര-ആദിബ്രഹ്മരന്ധ്രസ്ഥാനന്യസ്തകലാവലിഃ ॥ 43 ॥

ഇന്ദ്രനീലസമച്ഛായഃ സൂര്യസ്പര്‍ധികിരീടകഃ ।
അഷ്ടമീചന്ദ്രവിഭ്രാജദലികസ്ഥലശോഭിതഃ ॥ 44 ॥

കസ്തൂരീതിലകോദ്ഭാസീ കാരുണ്യാകുലനേത്രകഃ ।
മന്ദഹാസമനോഹാരീ നവചമ്പകനാസികഃ ॥ 45 ॥

മകരകുണ്ഡലദ്വന്ദ്വസംശോഭിതകപോലകഃ ।
ശ്രീവത്സാങ്കിതവക്ഷഃശ്രീഃ വനമാലാവിരാജിതഃ ॥ 46 ॥

ദക്ഷിണോരഃ പ്രദേശസ്ഥപരാഹങ്കൃതിരാജിതഃ ।
ആകാശവത്ക്രശിഷ്ഠശ്രീമധ്യവല്ലീവിരാജിതഃ ॥ 47 ॥

ശങ്ഖചക്രഗദാപദ്മസംരാജിതചതുര്‍ഭുജഃ ।
കേയൂരാങ്ഗദഭൂഷാഢ്യഃ കങ്കണാലിമനോഹരഃ ॥ 48 ॥

നവരത്നപ്രഭാപുഞ്ജച്ഛുരിതാങ്ഗുലിഭൂഷണഃ ।
ഗുല്‍ഫാവധികസംശോഭിപീതചേലപ്രഭാന്വിതഃ ॥ 49 ॥

കിങ്കിണീനാദസംരാജത്കാഞ്ചീഭൂഷണശോഭിതഃ ।
വിശ്വക്ഷോഭകരശ്രീകമസൃണോരുദ്വയാന്വിതഃ ॥ 50 ॥

ഇന്ദ്രനീലാശ്മനിഷ്പന്നസമ്പുടാകൃതിജാനുകഃ ।
സ്മരതൂണാഭലക്ഷ്മീകജങ്ഘാദ്വയവിരാജിതഃ ॥ 51 ॥

മാംസലഗുല്‍ഫലക്ഷ്മീകോ മഹാസൌഭാഗ്യസംയുതഃ ।
ഹ്രീംങ്കാരതത്ത്വസംബോധിനൂപുരദ്വയരാജിതഃ ॥ 52 ॥

ആദികൂര്‍മാവതാരശ്രീജയിഷ്ണുപ്രപദാന്വിതഃ ।
നമജ്ജനതമോവൃന്ദവിധ്വംസകപദദ്വയഃ ॥ 53 ॥

നഖജ്യോത്സ്നാലിശൈശിര്യപരവിദ്യാപ്രകാശകഃ ।
രക്തശുക്ലപ്രഭാമിശ്രപാദുകാദ്വയവൈഭവഃ ॥ 54 ॥

ദയാഗുണമഹാവാര്‍ധിര്‍ഗുരുവായുപുരേശ്വരഃ ।

ഫലശ്രുതിഃ –
ഇത്യേവം കഥിതം ദേവി നാംനാമഷ്ടോത്തരം ശതം ॥ 55 ॥

ഗുരുവായുപുരേശസ്യ സര്‍വസിദ്ധിവിധായകം ।
കൃഷ്ണാഷ്ടമീസമാരബ്ധമാസേനൈകേന സിദ്ധിദം ॥ 56 ॥

കൃഷ്ണാഷ്ടമീം സമാരഭ്യ യാവദന്യാഽസിതാഽഷ്ടമീ ।
താവത്കാലം സ്തോത്രമേതത് പ്രത്യഹം ശതശഃ പഠേത് ॥ 57 ॥

മാതൃകാപുടിതം കൃത്വാ ഹിത്വാഽഽലസ്യം സുമങ്ഗലേ ।
ഏകാന്തഭക്തിയുക്തോ ഹി ഗുരുവായുപുരേശ്വരേ ॥ 58 ॥

ജീവന്നേവ സ ഭക്താഗ്ര്യോ മാധവാധിഷ്ഠിതോ ഭവേത് ।
തപ്തകാഞ്ചനഗൌരേ ഹി തച്ഛരീരേ സദാ ലസന്‍ ॥ 59 ॥

ഗുരുവായുപുരാധീശോഽദ്ഭുതാനി ഹി കരിഷ്യതി ।
അത ആവാം മഹേശാനി ഗച്ഛാവഃ ശരണം ഹി തം ॥ 60 ॥

കാരുണ്യമൂര്‍തിമീശാനം ഗുരുവായുപുരേശ്വരം ।
ഉഡ്ഡാമരേശതന്ത്രേഽസ്മിന്‍ പടലേ ക്ഷിപ്രസാധനേ ॥ 61 ॥

മഹാവൈകുണ്ഠനാഥസ്യ ഗുരുവായുപുരേശിതുഃ ।
അഷ്ടോത്തരശതം നാംനാം സര്‍വസിദ്ധിവിലാസകം ।
അധ്യായം സപ്തമം പൂര്‍ണമവദാതം കരോത്യുമേ ॥ 62 ॥

ഇതി ശ്രീഗുരുവായുപുരേശ്വരാഷ്ടോത്തരശതനാമസ്തോത്രരത്നം സമ്പൂര്‍ണം ।

॥ ശുഭം ॥

Also Read:

Shri Guruvayupureshvara Ashtottarashatanama Stotraratnam Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Shri Guruvayupureshvara Ashtottarashatanama Stotraratnam Lyrics in Malayalam

Leave a Reply

Your email address will not be published. Required fields are marked *

Scroll to top