Sri Ramarahasyokta Shri Ramashtottara Shata Nama Stotram Lyrics in Bengali:
শ্রীরামরহস্যোক্ত শ্রীরামাষ্টোত্তরশতনামস্তোত্রম্
রামো রাবণসংহারকৃতমানুষবিগ্রহঃ ।
কৌসল্যাসুকৃতব্রাতফলং দশরথাত্মজঃ ॥ ১ ॥
লক্ষ্মণার্চিতপাদাব্জসর্বলোকপ্রিয়ঙ্করঃ
সাকেতবাসিনেত্রাব্জসংপ্রীণনদিবাকরঃ ॥ ২ ॥
বিশ্বামিত্রপ্রিয়শ্শান্তঃ তাটকাধ্বান্তভাস্করঃ ।
সুবাহুরাক্ষসরিপুঃ কৌশিকাধ্বরপালকঃ ॥ ৩ ॥
অহল্যাপাপসংহর্তা জনকেন্দ্রপ্রিয়াতিথিঃ ।
পুরারিচাপদলনো বীরলক্ষ্মীসমাশ্রয়ঃ ॥ ৪ ॥
সীতাবরণমাল্যাঢ্যো জামদগ্ন্যমদাপহঃ ।
বৈদেহীকৃতশৃঙ্গারঃ পিতৃপ্রীতিবিবর্ধনঃ ॥ ৫ ॥
তাতাজ্ঞোত্সৃষ্টহস্তস্থরাজ্যস্সত্যপ্রতিশ্রবঃ ।
তমসাতীরসংবাসী গুহানুগ্রহতত্পরঃ ॥ ৬ ॥
সুমন্ত্রসেবিতপদো ভরদ্বাজপ্রিয়াতিথিঃ ।
চিত্রকূটপ্রিয়াবাসঃ পাদুকান্যস্তভূভরঃ ॥ ৭ ॥ চিত্রকূটপ্রিয়স্থানঃ
অনসূয়াঙ্গরাগাঙ্কসীতাসাহিত্যশোভিতঃ ।
দণ্ডকারণ্যসঞ্চারী বিরাধস্বর্গদায়কঃ ॥ ৮ ॥
রক্ষঃকালান্তকস্সর্বমুনিসঙ্ঘমুদাবহঃ ।
প্রতিজ্ঞাতাস্শরবধঃ শরভভঙ্গগতিপ্রদঃ ॥ ৯ ॥
অগস্ত্যার্পিতবাণাসখড্গতূণীরমণ্ডিতঃ ।
প্রাপ্তপঞ্চবটীবাসো গৃধ্ররাজসহায়বান্ ॥ ১০ ॥
কামিশূর্পণখাকর্ণনাসাচ্ছেদনিয়ামকঃ ।
খরাদিরাক্ষসব্রাতখণ্ডনাবিতসজ্জনঃ ॥ ১১ ॥
সীতাসংশ্লিষ্টকায়াভাজিতবিদ্যুদ্যুতাম্বুদঃ ।
মারীচহন্তা মায়াঢ্যো জটায়ুর্মোক্ষদায়কঃ ॥ ১২ ॥
কবন্ধবাহুদলনশ্শবরীপ্রার্থিতাতিথিঃ ।
হনুমদ্বন্দিতপদস্সুগ্রীবসুহৃদব্যয়ঃ ॥ ১৩ ॥
দৈত্যকঙ্কালবিক্ষেপী সপ্ততালপ্রভেদকঃ ।
একেষুহতবালী চ তারাসংস্তুতসদ্গুণঃ ॥ ১৪ ॥
কপীন্দ্রীকৃতসুগ্রীবস্সর্ববানরপূজিতঃ ।
বায়ুসূনুসমানীতসীতাসন্দেশনন্দিতঃ ॥ ১৫ ॥
জৈত্রয়াত্রোত্সবঃ জিষ্ণুর্বিষ্ণুরূপো নিরাকৃতিঃ । জৈত্রয়াত্রোদ্যতো
কম্পিতাম্ভোনিধিস্সম্পত্প্রদস্সেতুনিবন্ধনঃ ॥ ১৬ ॥
লঙ্কাবিভেদনপটুর্নিশাচরবিনাশকঃ ।
কুম্ভকর্ণাখ্যকুম্ভীন্দ্রমৃগরাজপরাক্রমঃ ॥ ১৭ ॥
মেঘনাদবধোদ্যুক্তলক্ষ্মণাস্ত্রবলপ্রদঃ ।
দশগ্রীবান্ধতামিস্রপ্রমাপণপ্রভাকরঃ ॥ ১৮ ॥
ইন্দ্রাদিদেবতাস্তুত্যশ্চন্দ্রাভমুখমণ্ডলঃ ।
বিভীষণার্পিতনিশাচররাজ্যো বৃষপ্রিয়ঃ ॥ ১৯ ॥
বৈশ্বানরস্তুতগুণাবনিপুত্রীসমাগতঃ ।
পুষ্পকস্থানসুভগঃ পুণ্যবত্প্রাপ্যদর্শনঃ ॥ ২০ ॥
রাজ্যাভিষিক্তো রাজেন্দ্রো রাজীবসদৃশেক্ষণঃ ।
লোকতাপপরিহন্তা চ ধর্মসংস্থাপনোদ্যতঃ ॥ ২১ ॥ লোকতাপাপহর্তা
শরণ্যঃ কীর্তিমান্নিত্যো বদান্যঃ করুণার্ণবঃ ।
সংসারসিন্ধুসম্মগ্নতারকাখ্যামহোজ্জবলঃ ॥ ২২ ॥ তারকাখ্যমনোহরঃ
মধুরোমধুরোক্তিশ্চ মধুরানায়কাগ্রজঃ ।
শম্বূকদত্তস্বর্লোকশ্শম্বরারাতিসুন্দরঃ ॥ ২৩ ॥
অশ্বমেধমহায়াজী বাল্মীকিপ্রীতিমান্বশী ।
স্বয়ংরামায়ণশ্রোতা পুত্রপ্রাপ্তিপ্রমোদিতঃ ॥ ২৪ ॥
ব্রহ্মাদিস্তুতমাহাত্ম্যো ব্রহ্মর্ষিগণপূজিতঃ ।
বর্ণাশ্রমরতো বর্ণাশ্রমধর্মনিয়ামকঃ ॥ ২৫ ॥
রক্ষাপরো রাজবংশপ্রতিষ্ঠাপনতত্পরঃ । রক্ষাবহঃ
গন্ধর্বহিংসাসংহারী ধৃতিমান্দীনবত্সলঃ ॥ ২৬ ॥
জ্ঞানোপদেষ্টা বেদান্তবেদ্যো ভক্তপ্রিয়ঙ্করঃ ।
বৈকুণ্ঠবাসী পায়ান্নশ্চরাচরবিমুক্তিদঃ ॥ ২৭ ॥ বৈকুণ্ঠলোকসংবাসী
ইতি শ্রীরামরহস্যোক্তং শ্রীরামাষ্টোত্তরশতনামস্ত্তোরং সম্পূর্ণম্ ।
Also Read:
Sri Ramarahasyokta Shri Ramashtottara Shata Nama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
