Yajnvalkya Gita From Mahabharat Shanti Parva Ch 310-318 in Bengali:
॥ যাজ্ঞবল্ক্যগীতা মহাভারতে শান্তিপর্বে অধ্যায় ৩১০-৩১৮ ॥
৩১০/২৯৮
যুধিষ্ঠির উবাচ
ধর্মাধর্মবিমুক্তং যদ্বিমুক্তং সর্বসংশ্রয়াৎ ।
জন্মমৃত্যুবিমুক্তং চ বিমুক্তং পুণ্যপাপয়োঃ ॥ ১ ॥
যচ্ছিবং নিত্যমভয়ং নিত্যং চাক্ষরমব্যযম্ ।
শুচি নিত্যমনায়াসং তদ্ভবান্বক্তুমর্হতি ॥ ২ ॥
ভীষ্ম উবাচ
অত্র তে বর্তয়িষ্যেঽহমিতিহাসং পুরাতনম্ ।
যাজ্ঞবল্ক্যস্য সংবাদং জনকস্য চ ভারত ॥ ৩ ॥
যাজ্ঞবল্ক্যমৃষিশ্রেষ্ঠং দৈবরাতির্ময়া যশঃ ।
পপ্রচ্ছ জনকো রাজা প্রশ্নং প্রশ্নবিদাং বরঃ ॥ ৪ ॥
কতীন্দ্রিয়াণি বিপ্রর্ষে কতি প্রকৃতয়ঃ স্মৃতাঃ ।
কিমব্যক্তং পরং ব্রহ্ম তস্মাচ্চ পরতস্তু কিম্ ॥ ৫ ॥
প্রভবং চাপ্যযং চৈব কালসঙ্খ্যাং তথৈব চ ।
বক্তুমর্হসি বিপ্রেন্দ্র ৎবদনুগ্রহ কাঙ্ক্ষিণঃ ॥ ৬ ॥
অজ্ঞানাৎপরিপৃচ্ছামি ৎবং হি জ্ঞানময়ো নিধিঃ ।
তদহং শ্রোতুমিচ্ছামি সর্বমেতদসংশয়ম্ ॥ ৭ ॥
যাজ্ঞবল্ক্য উবাচ
শ্রূয়তামবনী পাল যদেতদনুপৃচ্ছসি ।
যোগানাং পরমং জ্ঞানং সাঙ্খ্যানাং চ বিশেষতঃ ॥ ৮ ॥
ন তবাবিদিতং কিং চিন্মাং তু জিজ্ঞাসতে ভবান্ ।
পৃষ্টেন চাপি বক্তব্যমেষ ধর্মঃ সনাতনঃ ॥ ৯ ॥
অস্তৌ প্রকৃতয়ঃ প্রোক্তা বিকারাশ্চাপি সোদশ ।
অথ সপ্ত তু ব্যক্তানি প্রাহুরধ্যাত্মচিন্তকাঃ ॥ ১০ ॥
অব্যক্তং চ মহাংশ্চৈব তথাহঙ্কার এব চ ।
পৃথিবী বায়ুরাকাশমাপো জ্যোতিশ্চ পঞ্চমম্ ॥ ১১ ॥
এতাঃ প্রকৃতয়স্ত্বস্তৌ বিকারানপি মে শৃণু ।
শ্রোত্রং ৎবক্চৈব চক্ষুশ্চ জিহ্বা ঘ্রাণং চ পঞ্চমম্ ॥ ১২ ॥
শব্দস্পর্শৌ চ রূপং চ রসো গন্ধস্তথৈব চ ।
বাক্চ হস্তৌ চ পাদৌ চ পায়ুর্মেধ্রং তথৈব চ ॥ ১৩ ॥
এতে বিশেষা রাজেন্দ্র মহাভূতেষু পঞ্চসু ।
বুদ্ধীন্দ্রিয়াণ্যথৈতানি সবিশেষাণি মৈথিল ॥ ১৪ ॥
মনঃ সোদশকং প্রাহুরধ্যাত্মগতিচিন্তকাঃ ।
ৎবং চৈবান্যে চ বিদ্বাংসস্তত্ত্ববুদ্ধিবিশারদাঃ ॥ ১৫ ॥
অব্যক্তাচ্চ মহানাত্মা সমুৎপদ্যতি পার্তিব ।
প্রথমং সর্গমিত্যেতদাহুঃ প্রাধানিকং বুধাঃ ॥ ১৬ ॥
মহতশ্চাপ্যহঙ্কার উৎপদ্যতি নরাধিপ ।
দ্বিতীয়ং সর্গমিত্যাহুরেতদ্বুদ্ধ্যাত্মকং স্মৃতম্ ॥ ১৭ ॥
অহঙ্কারাচ্চ সম্ভূতং মনো ভূতগুণাত্মকম্ ।
তৃতীয়ঃ সর্গ ইত্যেষ আহঙ্কারিক উচ্যতে ॥ ১৮ ॥
মনসস্তু সমুদ্ভূতা মহাভূতা নরাধিপ ।
চতুর্থং সর্গমিত্যেতন্মানসং পরিচক্ষতে ॥ ১৯ ॥
শব্দঃ স্পর্শশ্চ রূপং চ রসো গন্ধস্তথৈব চ ।
পঞ্চমং সর্গমিত্যাহুর্ভৌতিকং ভূতচিন্তকাঃ ॥ ২০ ॥
শ্রোত্রং ৎবক্চৈব চক্ষুশ্চ জিহ্বা ঘ্রাণং চ পঞ্চমম্ ।
সর্গং তু সস্থমিত্যাহুর্বহু চিন্তাত্মকং স্মৃতম্ ॥ ২১ ॥
অধঃ শ্রোত্রেন্দ্রিয় গ্রাম উৎপদ্যতি নরাধিপ ।
সপ্তমং সর্গমিত্যাহুরেতদৈন্দ্রিয়কং স্মৃতম্ ॥ ২২ ॥
ঊর্ধ্বস্রোতস্তথা তির্যগুৎপদ্যতি নরাধিপ ।
অস্তমং সর্গমিত্যাহুরেতদার্জবকং বুধাঃ ॥ ২৩ ॥
তির্যক্স্রোতস্ত্বধঃ স্রোত উৎপদ্যতি নরাধিপ ।
নবমং সর্গমিত্যাহুরেতদার্জবকং বুধাঃ ॥ ২৪ ॥
এতানি নব সর্গাণি তত্ত্বানি চ নরাধিপ ।
চতুর্বিংশতিরুক্তানি যথা শ্রুতিনিদর্শনাৎ ॥ ২৫ ॥
অত ঊর্ধ্বং মহারাজ গুণস্যৈতস্য তত্ত্বতঃ ।
মহাত্মভিরনুপ্রোক্তাং কালসঙ্খ্যাং নিবোধ মে ॥ ২৬ ॥
৩১১/২৯৯
যাজ্ঞবল্ক্য উবাচ
অব্যক্তস্য নরশ্রেষ্ঠ কালসঙ্খ্যাং নিবোধ মে ।
পঞ্চ কল্পসহস্রাণি দ্বিগুণান্যহরুচ্যতে ॥ ১ ॥
রাত্রিরেতাবতী চাস্য প্রতিবুদ্ধো নরাধিপ ।
সৃজত্যোষধিমেবাগ্রে জীবনং সর্বদেহিনাম্ ॥ ২ ॥
ততো ব্রহ্মাণমসৃজদ্ধৈরণ্যান্দ সমুদ্ভবম্ ।
সা মূর্তিঃ সর্বভূতানামিত্যেবমনুশুশ্রুম ॥ ৩ ॥
সংবৎসরমুষিৎবান্দে নিষ্ক্রম্য চ মহামুনিঃ ।
সন্দধেঽর্ধং মহীং কৃৎস্নাং দিবমর্ধং প্রজাপতিঃ ॥ ৪ ॥
দ্যাবাপৃথিব্যোরিত্যেষ রাজন্বেদেষু পথ্যতে ।
তয়োঃ শকলয়োর্মধ্যমাকাশমকরোৎপ্রভুঃ ॥ ৫ ॥
এতস্যাপি চ সঙ্খ্যানং বেদবেদাঙ্গপারগৈঃ ।
দশ কল্পসহস্রাণি পাদোনান্যহরুচ্যতে ।
রাত্রিমেতাবতীং চাস্য প্রাহুরধ্যাত্মচিন্তকাঃ ॥ ৬ ॥
সৃজত্যহঙ্কারমৃষির্ভূতং দিব্যাত্মকং তথা ।
চতুরশ্চাপরান্পুত্রান্দেহাৎপূর্বং মহানৃষিঃ ।
তে বৈ পিতৃভ্যঃ পিতরঃ শ্রূয়ন্তে রাজসত্তম ॥ ৭ ॥
দেবাঃ পিতৄণাং চ সুতা দেবৈর্লোকাঃ সমাবৃতাঃ ।
চরাচরা নরশ্রেষ্ঠ ইত্যেবমনুশুশ্রুম ॥ ৮ ॥
পরমেষ্ঠী ৎবহঙ্কারোঽসৃজদ্ভূতানি পঞ্চধা ।
পৃথিবী বায়ুরাকাশমাপো জ্যোতিশ্চ পঞ্চমম্ ॥ ৯ ॥
এতস্যাপি নিশামাহুস্তৃতীয়মিহ কুর্বতঃ ।
পঞ্চ কল্পসহস্রাণি তাবদেবাহরুচ্যতে ॥ ১০ ॥
শব্দঃ স্পর্শশ্চ রূপং চ রসো গন্ধশ্চ পঞ্চমঃ ।
এতে বিশেষা রাজেন্দ্র মহাভূতেষু পঞ্চসু ।
যৈরাবিষ্টানি ভূতানি অহন্যহনি পার্থিব ॥ ১১ ॥
অন্যোন্যং স্পৃহয়ন্ত্যেতে অন্যোন্যস্য হিতে রতাঃ ।
অন্যোন্যমভিমন্যন্তে অন্যোন্যস্পর্ধিনস্তথা ॥ ১২ ॥
তে বধ্যমানা অন্যোন্যং গুণৈর্হারিভিরব্যযাঃ ।
ইহৈব পরিবর্তন্তে তির্যগ্যোনিপ্রবেশিনঃ ॥ ১৩ ॥
ত্রীণি কল্পসহস্রাণি এতেষাং অহরুচ্যতে ।
রত্রিরেতাবতী চৈব মনসশ্চ নরাধিপ ॥ ১৪ ॥
মনশ্চরতি রাজেন্দ্র চরিতং সর্বমিন্দ্রিয়ৈঃ ।
ন চেন্দ্রিয়াণি পশ্যন্তি মন এবাত্র পশ্যতি ॥ ১৫ ॥
চক্ষুঃ পশ্যতি রূপাণি মনসা তু ন চক্ষুষা ।
মনসি ব্যাকুলে চক্ষুঃ পশ্যন্নপি ন পশ্যতি ।
তথেন্দ্রিয়াণি সর্বাণি পশ্যন্তীত্যভিচক্ষতে ॥ ১৬ ॥
মনস্যুপরতে রাজন্নিন্দ্রিয়োপরমো ভবেৎ ।
ন চেন্দ্রিয়ব্যুপরমে মনস্যুপরমো ভবেৎ ।
এবং মনঃ প্রধানানি ইন্দ্রিয়াণি বিভাবয়েৎ ॥ ১৭ ॥
ইন্দ্রিয়াণাং হি সর্বেষামীশ্বরং মন উচ্যতে ।
এতদ্বিশন্তি ভূতানি সর্বাণীহ মহায়শঃ ॥ ১৮ ॥
৩১২/৩০০
যাজ্ঞবল্ক্য উবাচ
তত্ত্বানাং সর্গ সঙ্খ্যা চ কালসঙ্খ্যা তথৈব চ ।
ময়া প্রোক্তানুপূর্ব্যেণ সংহারমপি মে শৃণু ॥ ১ ॥
যথা সংহরতে জন্তূন্সসর্জ চ পুনঃ পুনঃ ।
অনাদিনিধনো ব্রহ্মা নিত্যশ্চাক্ষর এব চ ॥ ২ ॥
অহঃ ক্ষয়মথো বুদ্ধ্বা নিশি স্বপ্নমনাস্তথা ।
চোদয়ামাস ভবগানব্যক্তোঽহং কৃতং নরম্ ॥ ৩ ॥
ততঃ শতসহস্রাংশুরব্যক্তেনাভিচোদিতঃ ।
কৃৎবা দ্বাদশধাত্মানমাদিত্যো জ্বলদগ্নিবৎ ॥ ৪ ॥
চতুর্বিধং প্রজা জালং নির্দহত্যাশু তেজসা ।
জরায়্বন্দ স্বেদজাতমুদ্ভিজ্জং চ নরাধিপ ॥ ৫ ॥
এতদুন্মেষ মাত্রেণ বিনিষ্টং স্থানু জঙ্গমম্ ।
কূর্মপৃষ্ঠসমা ভূমির্ভবত্যথ সমন্ততঃ ॥ ৬ ॥
জগদ্দগ্ধ্বামিত বলঃ কেবলং জগতীং ততঃ ।
অম্ভসা বলিনা ক্ষিপ্রমাপূর্যত সমন্ততঃ ॥ ৭ ॥
ততঃ কালাগ্নিমাসাদ্য তদম্ভো যাতি সঙ্ক্ষয়ম্ ।
বিনস্তেঽম্ভসি রাজেন্দ্র জাজ্বলীত্যনলো মহা ॥ ৮ ॥
তমপ্রমেয়োঽতিবলং জ্বলমানং বিভাবসুম্ ।
ঊষ্মানং সর্বভূতানাং সপ্তার্চিষমথাঞ্জসা ॥ ৯ ॥
ভক্ষয়ামাস বলবান্বায়ুরস্তাত্মকো বলী ।
বিচরন্নমিতপ্রাণস্তির্যগূর্ধ্বমধস্তথা ॥ ১০ ॥
তমপ্রতিবলং ভীমমাকাশং গ্রসতেঽঽত্মনা ।
আকাশমপ্যতিনদন্মনো গ্রসতি চারিকম্ ॥ ১১ ॥
মনো গ্রসতি সর্বাত্মা সোঽহঙ্কারঃ প্রজাপতিঃ ।
অহঙ্কারং মহানাত্মা ভূতভব্য ভবিষ্যবিৎ ॥ ১২ ॥
তমপ্যনুপমাত্মানং বিশ্বং শম্ভঃ প্রজাপতিঃ ।
অনিমা লঘিমা প্রাপ্তিরীশানো জ্যোতিরব্যযঃ ॥ ১৩ ॥
সর্বতঃ পানি পাদান্তঃ সর্বতোঽক্ষিশিরোমুখঃ ।
সর্বতঃ শ্রুতিমাঁল্লোকে সর্বমাবৃত্য তিষ্ঠতি ॥ ১৪ ॥
হৃদয়ং সর্বভূতানাং পর্বণোঽঙ্গুষ্ঠ মাত্রকঃ ।
অনুগ্রসত্যনন্তং হি মহাত্মা বিশ্বমীশ্বরঃ ॥ ১৫ ॥
ততঃ সমভবৎসর্বমক্ষয়াব্যযমব্রণম্ ।
ভূতভব্য মনুষ্যাণাং স্রষ্টারমনঘং তথা ॥ ১৬ ॥
এষোঽপ্যযস্তে রাজেন্দ্র যথাবৎপরিভাসিতঃ ।
অধ্যাত্মমধিভূতং চ অধিদৈবং চ শ্রূয়তাম্ ॥ ১৭ ॥
৩১৩/৩০১
যাজ্ঞবল্ক্য উবাচ
পাদাবধ্যাত্মমিত্যাহুর্ব্রাহ্মণাস্তত্ত্বদর্শিনঃ ।
গন্তব্যমধিভূতং চ বিষ্ণুস্তত্রাধিদৈবতম্ ॥ ১ ॥
পায়ুরধ্যাত্মমিত্যাহুর্যথাতত্ত্বার্থ দর্শিনঃ ।
বিসর্গমধিভূতং চ মিত্রস্তত্রাধিদৈবতম্ ॥ ২ ॥
উপস্থোঽধ্যাত্মমিত্যাহুর্যথায়োগনিদর্শনম্ ।
অধিভূতং তথানন্দো দৈবতং চ প্রজাপতিঃ ॥ ৩ ॥
হস্তাবধ্যাত্মমিত্যাহুর্যথা সাঙ্খ্যনিদর্শনম্ ।
কর্তব্যমধিভূতং তু ইন্দ্রস্তত্রাধিদৈবতম্ ॥ ৪ ॥
বাগধ্যাত্মমিতি প্রাহুর্যথা শ্রুতিনিদর্শনম্ ।
বক্তব্যমধিভূতং তু বহ্নিস্তত্রাধিদৈবতম্ ॥ ৫ ॥
চক্ষুরধ্যাত্মমিত্যাহুর্যথা শ্রুতিনিদর্শনম্ ।
রূপমত্রাধিভূতং তু সূর্যস্তত্রাধিদৈবতম্ ॥ ৬ ॥
শ্রোত্রমধ্যাত্মমিত্যাহুর্যথা শ্রুতিনিদর্শনম্ ।
শব্দস্তত্রাধিভূতং তু দিশস্তত্রাধিদৈবতম্ ॥ ৭ ॥
জিহ্বামধ্যাত্মমিত্যাহুর্যথাতত্ত্বনিদর্শনম্ ।
রস এবাধিভূতং তু আপস্তত্রাধিদৈবতম্ ॥ ৮ ॥
ঘ্রাণমধ্যাত্মমিত্যাহুর্যথা শ্রুতিনিদর্শনম্ ।
গন্ধ এবাধিভূতং তু পৃথিবী চাধিদৈবতম্ ॥ ৯ ॥
ৎবগধ্যাত্মমিতি প্রাহুস্তত্ত্ববুদ্ধিবিশারদাঃ ।
স্পর্শ এবাধিভূতং তু পবনশ্চাধিদৈবতম্ ॥ ১০ ॥
মনোঽধ্যাত্মমিতি প্রাহুর্যথা শ্রুতিনিদর্শনম্ ।
মন্তব্যমধিভূতং তু চন্দ্রমাশ্চাধিদৈবতম্ ॥ ১১ ॥
অহঙ্কারিকমধ্যাত্মমাহুস্তত্ত্বনিদর্শনম্ ।
অভিমানোঽধিবূতং তু ভবস্তত্রাধিদৈবতম্ ॥ ১২ ॥
বুদ্ধিরধ্যাত্মমিত্যাহুর্যথা বেদ নিদর্শনম্ ।
বোদ্ধব্যমধিভূতং তু ক্ষেত্রজ্ঞোঽত্রাধিদৈবতম্ ॥ ১৩ ॥
এষা তে ব্যক্ততো রাজন্বিভূতিরনুবর্ণিতা ।
আদৌ মধ্যে তথা চান্তে যথাতত্ত্বেন তত্ত্ববিৎ ॥ ১৪ ॥
প্রকৃতির্গুণান্বিকুরুতে স্বচ্ছন্দেনাত্ম কাম্যযা ।
ক্রীদার্থং তু মহারাজ শতশোঽথ সহস্রশঃ ॥ ১৫ ॥
যথা দীপসহস্রাণি দীপান্মর্থায়্প্রকুর্বতে ।
প্রকৃতিস্তথা বিকুরুতে পুরুষস্য গুণান্বহূন্ ॥ ১৬ ॥
সত্ত্বমানন্দ উদ্রেকঃ প্রীতিঃ প্রাকাশ্যমেব চ ।
সুখং শুদ্ধিৎবমারোগ্যং সন্তোষঃ শ্রদ্দধানতা ॥ ১৭ ॥
অকার্পণ্যমসংরম্ভঃ ক্ষমা ধৃতিরহিংসতা ।
সমতা সত্যমানৃণ্যং মার্দবং হ্রীরচাপলম্ ॥ ১৮ ॥
শৌচমার্জবমাচারমলৌল্যং হৃদ্য সম্ভ্রমঃ ।
ইষ্টানিষ্ট বিয়োগানাং কৃতানামবিকত্থনম্ ॥ ১৯ ॥
দানেন চানুগ্রহণমস্পৃহার্থে পরার্থতা ।
সর্বভূতদয়া চৈব সত্ত্বস্যৈতে গুণাঃ স্মৃতাঃ ॥ ২০ ॥
রজোগুণানাং সঙ্ঘাতো রূপমৈশ্বর্যবিগ্রহে ।
অত্যাশিৎবমকারুণ্যং সুখদুঃখোপসেবনম্ ॥ ২১ ॥
পরাপবাদেষু রতির্বিবাদানাং চ সেবনম্ ।
অহঙ্কারস্ত্বসৎকারশ্চৈন্তা বৈরোপসেবনম্ ॥ ২২ ॥
পরিতাপোঽপহরণং হ্রীনাশোঽনার্জবং তথা ।
ভেদঃ পরুষতা চৈব কামক্রোধৌ মদস্তথা ।
দর্পো দ্বেষোঽতিবাদশ্চ এতে প্রোক্তা রজোগুণাঃ ॥ ২৩ ॥
তামসানাং তু সঙ্ঘাতং প্রবক্ষ্যাম্যুপধার্যতাম্ ।
মোহোঽপ্রকাশস্তামিস্রমন্ধতামিস্র সঞ্জ্ঞিতম্ ॥ ২৪ ॥
মরণং চান্ধতামিস্রং তামিস্রং ক্রোধ উচ্যতে ।
তমসো লক্ষণানীহ ভক্ষাণামভিরোচনম্ ॥ ২৫ ॥
ভোজনানানপর্যাপ্তিস্তথা পেয়েষ্বতৃপ্ততা ।
গন্ধবাসো বিহারেষু শয়নেষ্বাসনেষু চ ॥ ২৬ ॥
দিবা স্বপ্নে বিবাদে চ প্রমাদেষু চ বৈ রতিঃ ।
নৃত্যবাদিত্রগীতানামজ্ঞানাচ্ছ্রদ্দধানতা ।
দ্বেষো ধর্মবিশেষাণামেতে বৈ তামসা গুণাঃ ॥ ২৭ ॥
৩১৪/৩০২
যাজ্ঞবল্ক্য উবাচ
এতে প্রধানস্য গুণাস্ত্রয়ঃ পুরুষসত্তম ।
কৃৎস্নস্য চৈব জগতস্তিষ্ঠন্ত্যনপগাঃ সদা ॥ ১ ॥
শতধা সহস্রধা চৈব তথা শতসহস্রধা ।
কোতিশশ্চ করোত্যেষ প্রত্যগাত্মানমাত্মনা ॥ ২ ॥
সাত্ত্বিকস্যোত্তমং স্থানং রাজসস্যেহ মধ্যমম্ ।
তামসস্যাধমং স্থানং প্রাহুরধ্যাত্মচিন্তকাঃ ॥ ৩ ॥
কেলবেনেহ পুণ্যেন গতিমূর্ধ্বামবাপ্নুয়াৎ ।
পুণ্যপাপেনমানুষ্যমধর্মেণাপ্যধো গতিম্ ॥ ৪ ॥
দ্বন্দ্বমেষাং ত্রয়াণাং তু সংনিপাতং চ তত্ত্বতঃ ।
সত্ত্বস্য রজসশ্চৈব তমসশ্চ শৃণুষ্ব মে ॥ ৫ ॥
সত্ত্বস্য তু রজো দৃষ্টং রজসশ্চ তমস্তথা ।
তমসশ্চ তথা সত্ত্বং সত্ত্বস্যাব্যক্তমেব চ ॥ ৬ ॥
অব্যক্তসত্ত্বসংয়ুক্তো দেবলোকমবাপ্নুয়াৎ ।
রজঃ সত্ত্বসমায়ুক্তো মনুষ্যেষূপপদ্যতে ॥ ৭ ॥
রজস্তমো ভ্যাং সংয়ুক্তস্তির্যগ্যোনিষু জায়তে ।
রজস্তামসসত্ত্বৈশ্চ যুক্তো মানুষ্যমাপ্নুয়াৎ ॥ ৮ ॥
পুণ্যপাপবিয়ুক্তানাং স্থানমাহুর্মনীসিনাম্ ।
শাস্বতং চাব্যযং চৈব অক্ষরং চাভয়ং চ যৎ ॥ ৯ ॥
জ্ঞানিনাং সম্ভবং শ্রেষ্ঠং স্থানমব্রণমচ্যুতম্ ।
অতীন্দ্রিয়মবীলং চ জন্মমৃত্যুতমো নুদম্ ॥ ১০ ॥
অব্যক্তস্থং পরং যত্তৎপৃষ্ঠস্তেঽহং নরাধিপ ।
স এষ প্রকৃতিষ্ঠো হি তস্থুরিত্যভিধীয়তে ॥ ১১ ॥
অচেতনশ্চৈষ মতঃ প্রকৃতিষ্ঠশ্চ পার্থিব ।
এতেনাধিষ্ঠিতশ্চৈব সৃজতে সংহরত্যপি ॥ ১২ ॥
জনক উবাচ
অনাদিনিধনাবেতাবুভাবেব মহামুনে ।
অমূর্তিমন্তাবচলাবপ্রকম্প্যৌ চ নির্ব্রনৌ ॥ ১৩ ॥
অগ্রাহ্যাবৃষিশার্দূল কথমেকো হ্যচেতনঃ ।
চেতনাবাংস্তথা চৈকঃ ক্ষেত্রজ্ঞ ইতি ভাসিতঃ ॥ ১৪ ॥
ৎবং হি বিপ্রেন্দ্র কার্ত্স্ন্যেন মোক্ষধর্মমুপাসসে ।
সাকল্যং মোক্ষধর্মস্য শ্রোতুমিচ্ছামি তত্ত্বতঃ ॥ ১৫ ॥
অস্তিৎবং কেবলৎবং চ বিনা ভাবং তথৈব চ ।
তথৈবোৎক্রমণ স্থানং দেহিনোঽপি বিয়ুজ্যতঃ ॥ ১৬ ॥
কালেন যদ্ধি প্রাপ্নোতি স্থানং তদ্ব্রূহি মে দ্বিজ ।
সাঙ্খ্যজ্ঞানং চ তত্ত্বেন পৃথ যোগং তথৈব চ ॥ ১৭ ॥
অরিষ্টানি চ তত্ত্বেন বক্তুমর্হসি সত্তম ।
বিদিতং সর্বমেতত্তে পানাবামলকং যথা ॥ ১৮ ॥
৩১৫/৩০৩
যাজ্ঞবল্ক্য উবাচ
ন শক্যো নির্গুণস্তাত গুণী কর্তুং বিশাং পতে ।
গুণবাংশ্চাপ্যগুণবান্যথাতত্ত্বং নিবোধ মে ॥ ১ ॥
গুণৈর্হি গুণবানেব নির্গুণশ্চাগুণস্তথা ।
প্রাহুরেবং মহাত্মানো মুনয়স্তত্ত্বদর্শিনঃ ॥ ২ ॥
গুণস্বভাবস্ত্বব্যক্তো গুণানেবাভিবর্ততে ।
উপয়ুঙ্ক্তে চ তানেব স চৈবাজ্ঞঃ স্বভাবতঃ ॥ ৩ ॥
অব্যক্তস্তু ন জানীতে পুরুষো জ্ঞঃ স্বভাবতঃ ।
ন মত্তঃ পরমস্তীতি নিত্যমেবাভিমন্যতে ॥ ৪ ॥
অনেন কারণেনৈতদব্যক্তং স্যাদচেতনম্ ।
নিত্যৎবাদক্ষরৎবাচ্চ ক্ষরাণাং তত্ত্বতোঽন্যথা ॥ ৫ ॥
যদাজ্ঞানেন কুর্বীত গুণসর্গং পুনঃ পুনঃ ।
যদাত্মানং ন জানীতে তদাব্যক্তমিহোচ্যতে ॥ ৬ ॥
কর্তৃৎবাচ্চাপি তত্ত্বানাং তত্ত্বধর্মী তথোচ্যতে ।
কর্তৃৎবাচ্চৈব যোনীনাং যোনিধর্মা তথোচ্যতে ॥ ৭ ॥
কর্তৃৎবাৎপ্রকৃতীনাং তু তথা প্রকৃতিধর্মিতা ।
কর্তৃৎবাচ্চাপি বীজানাং বীজধর্মী তথোচ্যতে ॥ ৮ ॥
গুণানাং প্রসবৎবাচ্চ তথা প্রসব ধর্মবান্ ।
কর্তৃৎবাৎপ্রলয়ানাং চ তথা প্রলয় ধর্মিতা ॥ ৯ ॥
বীলৎবাৎপ্রকৃতিৎবাচ্চ প্রলয়ৎবাত্তথৈব চ ।
উপেক্ষকৎবাদন্যৎবাদভিমানাচ্চ কেবলম্ ॥ ১০ ॥
মন্যন্তে যতয়ঃ শুদ্ধা অধ্যাত্মবিগতজ্বরাঃ ।
অনিত্যং নিত্যমব্যক্তমেবমেতদ্ধি শুশ্রুম ॥ ১১ ॥
অব্যক্তৈকৎবমিত্যাহুর্নানাৎবং পুরুষস্তথা ।
সর্বভূতদয়াবন্তঃ কেবলং জ্ঞানমাস্থিতাঃ ॥ ১২ ॥
অন্যঃ স পুরুষোঽব্যক্তস্ত্বধ্রুবো ধ্রুবসঞ্জ্ঞিকঃ ।
যথা মুঞ্জ ইষীকায়াস্তথৈবৈতদ্ধি জায়তে ॥ ১৩ ॥
অন্যং চ মশকং বিদ্যাদন্যচ্চোদুম্বরং তথা ।
ন চোদুম্বর সংয়োগৈর্মশকস্তত্র লিপ্যতে ॥ ১৪ ॥
অন্য এব তথা মৎস্যস্তথান্যদুদকং স্মৃতম্ ।
ন চোদকস্য স্পর্শেন মৎস্যো লিপ্যতি সর্বশঃ ॥ ১৫ ॥
অন্যো হ্যগ্নিরুখাপ্যন্যা নিত্যমেবমবৈহি ভোঃ ।
ন চোপলিপ্যতে সোঽগ্নিরুখা সংস্পর্শনেন বৈ ॥ ১৬ ॥
পুষ্করং ৎবন্যদেবাত্র তথান্যদুদকং স্মৃতম্ ।
ন চোদকস্য স্পর্শেন লিপ্যতে তত্র পুষ্করম্ ॥ ১৭ ॥
এতেষাং সহ সংবাসং বিবাসং চৈব নিত্যশঃ ।
যথাতথৈনং পশ্যন্তি ন নিত্যং প্রাকৃতা জনাঃ ॥ ১৮ ॥
যে ৎবন্যথৈব পশ্যন্তি ন সম্যক্তেষু দর্শনম্ ।
তে ব্যক্তং নিরয়ং ঘোরং প্রবিশন্তি পুনঃ পুনঃ ॥ ১৯ ॥
সাঙ্খ্যদর্শনমেতত্তে পরিসঙ্খ্যাতমুত্তমম্ ।
এবং হি পরিসঙ্খ্যায় সাঙ্খ্যাঃ কেবলতাং গতাঃ ॥ ২০ ॥
যে ৎবন্যে তত্ত্বকুশলাস্তেষামেতন্নিদর্শনম্ ।
অতঃ পরং প্রবক্ষ্যামি যোগানামপি দর্শনম্ ॥ ২১ ॥
৩১৬/৩০৪
যাজ্ঞবল্ক্য উবাচ
সাঙ্খ্যজ্ঞানং ময়া প্রোক্তং যোগজ্ঞানং নিবোধ মে ।
যথা শ্রুতং যথাদৃষ্টং তত্ত্বেন নৃপসত্তম ॥ ১ ॥
নাস্তি সাঙ্ক্য সমং জ্ঞানং নাস্তি যোগসমং বলম্ ।
তাবুভাবেকচর্যৌ তু উভাবনিধনৌ স্মৃতৌ ॥ ২ ॥
পৃথক্পৃথক্তু পশ্যন্তি যেঽল্পবুদ্ধিরতা নরাঃ ।
বয়ং তু রাজন্পশ্যাম একমেব তু নিশ্চয়াৎ ॥ ৩ ॥
যদেব যোগাঃ পশ্যন্তি তৎসাঙ্খ্যৈরপি দৃশ্যতে ।
একং সাঙ্ক্যং চ যোগং চ যঃ পশ্যতি স তত্ত্ববিৎ ॥ ৪ ॥
রুদ্র প্রধানানপরান্বিদ্ধি যোগান্পরন্তপ ।
তেনৈব চাথ দেহেন বিচরন্তি দিশো দশ ॥ ৫ ॥
যাবদ্ধি প্রলয়স্তাত সূক্ষ্মেণাস্ত গুণেন বৈ ।
যোগেন লোকান্বিচরন্সুখং সংন্যস্য চানঘ ॥ ৬ ॥
বেদেষু চাস্ত গুণিতং যোগমাহুর্মনীষিণঃ ।
সূক্ষ্মমস্তগুণং প্রাহুর্নেতরং নৃপসত্তম ॥ ৭ ॥
দ্বিগুণং যোগকৃত্যং তু যোগানাং প্রাহুরুত্তমম্ ।
সগুণং নির্গুণং চৈব যথাশাস্ত্রনিদর্শনম্ ॥ ৮ ॥
ধারণা চৈব মনসঃ প্রাণায়ামশ্চ পার্থিব ।
প্রাণায়ামো হি সগুণো নির্গুণং ধারণং মনঃ ॥ ৯ ॥
যত্র দৃশ্যেত মুঞ্চন্বৈ প্রাণান্মৈথিল সত্তম ।
বাতাধিক্যং ভবত্যেব তস্মাদ্ধি ন সমাচরেৎ ॥ ১০ ॥
নিশায়াঃ প্রথমে যামে চোদনা দ্বাদশ স্মৃতাঃ ।
মধ্যে সুপ্ত্বা পরে যামে দ্বাদশৈব তু চোদনাঃ ॥ ১১ ॥
তদেবমুপশান্তেন দান্তেনৈকান্ত শীলনা ।
আত্মারামেণ বুদ্ধেন যোক্তব্যোঽঽত্মা ন সংশয়ঃ ॥ ১২ ॥
পঞ্চানামিন্দ্রিয়াণাং তু দোষানাক্ষিপ্য পঞ্চধা ।
শব্দং স্পর্শং তথারূপং রসং গন্ধং তথৈব চ ॥ ১৩ ॥
প্রতিভামপবর্গং চ প্রতিসংহৃত্য মৈথিল ।
ইন্দ্রিয়গ্রামমখিলং মনস্যভিনিবেশ্য হ ॥ ১৪ ॥
মনস্তথৈবাহঙ্কারে প্রতিষ্ঠাপ্য নরাধিপ ।
অহঙ্কারং তথা বুদ্ধৌ বুদ্ধিং চ প্রকৃতাবপি ॥ ১৫ ॥
এবং হি পরিসঙ্খ্যায় ততো ধ্যায়েত কেবলম্ ।
বিরজস্ক মলং নিত্যমনন্তং শুদ্ধমব্রণম্ ॥ ১৬ ॥
তস্থুষং পুরুষং সত্ত্বমভেদ্যমজরামরম্ ।
শাশ্বতং চাব্যযং চৈব ঈশানং ব্রহ্ম চাব্যযম্ ॥ ১৭ ॥
যুক্তস্য তু মহারাজ লক্ষণান্যুপধারয়েৎ ।
লক্ষণং তু প্রসাদস্য যথা তৃপ্তঃ সুখং স্বপেৎ ॥ ১৮ ॥
নিবাতে তু যথা দীপো জ্বলেৎস্নেহসমন্বিতঃ ।
নিশ্চলোর্ধ্ব শিখস্তদ্বদ্যুক্তমাহুর্মনীষিণঃ ॥ ১৯ ॥
পাষাণ ইব মেঘোত্থৈর্যথা বিন্দুভিরাহতঃ ।
নালং চালয়িতুং শক্যস্তথায়ুক্তস্য লক্ষণম্ ॥ ২০ ॥
শঙ্খদুন্দুভিনির্ঘোষৈর্বিবিধৈর্গীতবাদিতৈঃ ।
ক্রিয়মাণৈর্ন কম্পেত যুক্তস্যৈতন্নিদর্শনম্ ॥ ২১ ॥
তৈলপাত্রং যথা পূর্ণং করাভ্যাং গৃহ্য পূরুষঃ ।
সোপানমারুহেদ্ভীতস্তর্জ্যমানোঽসি পানিভিঃ ॥ ২২ ॥
সংয়তাত্মা ভয়াত্তেষাং ন পাত্রাদ্বিন্দুমুৎসৃজেৎ ।
তথৈবোত্তরমাণস্য একাগ্রমনসস্তথা ॥ ২৩ ॥
স্থিরৎবাদিন্দ্রিয়াণাং তু নিশ্চলৎবাত্তথৈব চ ।
এবং যুক্তস্য তু মুনের্লক্ষণান্যুপধারয়েৎ ॥ ২৪ ॥
স যুক্তঃ পশ্যতি ব্রহ্ম যত্তৎপরমমব্যযম্ ।
মহতস্তমসো মধ্যে স্থিতং জ্বলনসংনিভম্ ॥ ২৫ ॥
এতেন কেবলং যাতি ত্যক্ত্বা দেহমসাক্ষিকম্ ।
কালেন মহতা রাজঞ্শ্রুতিরেষা সনাতনী ॥ ২৬ ॥
এতদ্ধি যোগং যোগানাং কিমন্যদ্যোগলক্ষণম্ ।
বিজ্ঞায় তদ্ধি মন্যন্তে কৃতকৃত্যা মনীষিণঃ ॥ ২৭ ॥
৩১৭/৩০৫
যাজ্ঞবল্ক্য উবাচ
তথৈবোৎক্রমমাণং তু শৃণুষ্বাবহিতো নৃপ ।
পদ্ভ্যামুৎক্রমমাণস্য বৈষ্নবং স্থানমুচ্যতে ॥ ১ ॥
জঙ্ঘাভ্যাং তু বসূন্দেবানাপ্নুয়াদিতি নঃ শ্রুতম্ ।
জানুভ্যাং চ মহাভাগান্দেবান্সাধ্যানবাপ্নুয়াৎ ॥ ২ ॥
পায়ুনোৎক্রমমাণস্তু মৈত্রং স্থানমবাপ্নুয়াৎ ।
পৃথিবীং জঘনেনাথ ঊরুভ্যাং তু প্রজাপতিম্ ॥ ৩ ॥
পার্শ্বাভ্যাং মরুতো দেবান্নাসাভ্যামিন্দুমেব চ ।
বাহুভ্যামিন্দ্রমিত্যাহুরুরসা রুদ্রমেব চ ॥ ৪ ॥
গ্রীবায়াস্তমৃষিশ্রেষ্ঠং নরমাপ্নোত্যনুত্তমম্ ।
বিশ্বে দেবান্মুখেনাথ দিশঃ শ্রোত্রেণ চাপ্নুয়াৎ ॥ ৫ ॥
ঘ্রাণেন গন্ধবহনং নেত্রাভ্যাং সূর্যমেব চ ।
ভ্রূভ্যাং চৈবাশ্বিনৌ দেবৌ ললাতেন পিতৄনথ ॥ ৬ ॥
ব্রহ্মাণমাপ্নোতি বিভুং মূর্ধ্না দেবাগ্রজং তথা ।
এতান্যুৎক্রমণ স্থানান্যুক্তানি মিথিলেশ্বর ॥ ৭ ॥
অরিষ্টানি তু বক্ষ্যামি বিহিতানি মনীসিভিঃ ।
সংবৎসরবিয়োগস্য সম্ভবেয়ুঃ শরীরিণঃ ॥ ৮ ॥
যোঽরুন্ধতীং ন পশ্যেত দৃষ্টপূর্বাং কদা চন ।
তথৈব ধ্রুবমিত্যাহুঃ পূর্ণেন্দুং দীপমেব চ ।
খণ্ডাভাসং দক্ষিণতস্তেঽপি সংবৎসরায়ুষঃ ॥ ৯ ॥
পরচক্ষুষি চাত্মানং যে ন পশ্যন্তি পার্থিব ।
আত্মছায়া কৃতী ভূতং তেঽপি সংবৎসরায়ুষঃ ॥ ১০ ॥
অতিদ্যুতিরতিপ্রজ্ঞা অপ্রজ্ঞা চাদ্যুতিস্তথা ।
প্রকৃতের্বিক্রিয়াপত্তিঃ সো মাসান্মৃত্যুলক্ষণম্ ॥ ১১ ॥
দৈবতান্যবজানাতি ব্রাহ্মণৈশ্ চ বিরুধ্যতে ।
কৃষ্ণ শ্যাব ছবি ছায়ঃ সো মাসান্মৃত্যুলক্ষণম্ ॥ ১২ ॥
শীর্ণনাভি যথা চক্রং ছিদ্রং সোমং প্রপশ্যতি ।
তথৈব চ সহস্রাংশুং সপ্তরাত্রেণ মৃত্যুভাজ্ ॥ ১৩ ॥
শবগন্ধমুপাঘ্রাতি সুরভিং প্রাপ্য যো নরঃ ।
দেবতায়তনস্থস্তু সো রাত্রেণ স মৃত্যুভাজ্ ॥ ১৪ ॥
কর্ণনাসাবনমনং দন্তদৃষ্টিবিরাগিতা ।
সঞ্জ্ঞা লোপো নিরূস্মৎবং সদ্যো মৃত্যুনিদর্শনম্ ॥ ১৫ ॥
অকস্মাচ্চ স্রবেদ্যস্য বামমক্ষিনরাধিপ ।
মূর্ধতশ্চোৎপতেদ্ধূমঃ সদ্যো মৃত্যুনিদর্শনম্ ॥ ১৬ ॥
এতাবন্তি ৎবরিষ্টানি বিদিৎবা মানবোঽঽত্মবান্ ।
নিশি চাহনি চাত্মানং যোজয়েৎপরমাত্মনি ॥ ১৭ ॥
প্রতীক্ষমাণস্তৎকালং যৎকালং প্রতি তদ্ভবেৎ ।
অথাস্য নেষ্টং মরণং স্থাতুমিচ্ছেদিমাং ক্রিয়াম্ ॥ ১৮ ॥
সর্বগন্ধান্রসাংশ্চৈব ধারয়েত সমাহিতঃ ।
তথা হি মৃত্যুং জয়তি তৎপরেণান্তরাত্মনা ॥ ১৯ ॥
সসাঙ্খ্য ধারণং চৈব বিদিৎবা মনুজর্ষভ ।
জয়েচ্চ মৃত্যুং যোগেন তৎপরেণান্তরাত্মনা ॥ ২০ ॥
গচ্ছেৎপ্রাপ্যাক্ষয়ং কৃৎস্নমজন্ম শিবমব্যযম্ ।
শাশ্বতং স্থানমচলং দুষ্প্রাপমকৃতাত্মভিঃ ॥ ২১ ॥
৩১৮/৩০৬
যাজ্ঞবল্ক্য উবাচ
অব্যক্তস্থং পরং যত্তৎপৃষ্টস্তেঽহং নরাধিপ ।
পরং গুহ্যমিমং প্রশ্নং শৃণুষ্বাবহিতো নৃপ ॥ ১ ॥
যথার্ষেণেহ বিধিনা চরতাবমতেন হ ।
ময়াদিত্যাদবাপ্তানি যজূংসি মিথিলাধিপ ॥ ২ ॥
মহতা তপসা দেবস্তপিষ্ঠঃ সেবিতো ময়া ।
প্রীতেন চাহং বিভুনা সূর্যেণোক্তস্তদানঘ ॥ ৩ ॥
বরং বৃণীষ্ব বিপ্রর্ষে যদিষ্টং তে সুদুর্লভম্ ।
তত্তে দাস্যামি প্রীতাত্মা মৎপ্রসাদো হি দুর্লভঃ ॥ ৪ ॥
ততঃ প্রনম্য শিরসা ময়োক্তস্তপতাং বরঃ ।
যজূংসি নোপয়ুক্তানি ক্ষিপ্রমিচ্ছামি বেদিতুম্ ॥ ৫ ॥
ততো মাং ভগবানাহ বিতরিষ্যামি তে দ্বিজ ।
সরস্বতীহ বাগ্ভূতা শরীরং তে প্রবেক্ষ্যতি ॥ ৬ ॥
ততো মামাহ ভগবানাস্যং স্বং বিবৃতং কুরু ।
বিবৃতং চ ততো মেঽঽস্যং প্রবিষ্টা চ সরস্বতী ॥ ৭ ॥
ততো বিদহ্যমানোঽহং প্রবিষ্টোঽম্ভস্তদানঘ ।
অবিজ্ঞানাদমর্ষাচ্চ ভাস্করস্য মহাত্মনঃ ॥ ৮ ॥
ততো বিদহ্যমানং মামুবাচ ভগবান্রবিঃ ।
মুহূর্তং সহ্যতাং দাহস্ততঃ শীতী ভবিষ্যতি ॥ ৯ ॥
শীতী ভূতং চ মাং দৃষ্ট্বা ভগবানাহ ভাস্করঃ ।
প্রতিষ্ঠাস্যতি তে বেদঃ সোত্তরঃ সখিলো দ্বিজ ॥ ১০ ॥
কৃৎস্নং শতপথং চৈব প্রণেষ্যসি দ্বিজর্ষভ ।
তস্যান্তে চাপুনর্ভাবে বুদ্ধিস্তব ভবিষ্যতি ॥ ১১ ॥
প্রাপ্স্যসে চ যদিষ্টং তৎসাঙ্ক্য যোগেপ্সিতং পদম্ ।
এতাবদুক্ত্বা ভগবানস্তমেবাভ্যবর্তত ॥ ১২ ॥
ততোঽনুব্যাহৃতং শ্রুৎবা গতে দেবে বিভাবসৌ ।
গৃহমাগত্য সংহৃষ্টোঽচিন্তয়ং বৈ সরস্বতীম্ ॥ ১৩ ॥
ততঃ প্রবৃত্তাতিশুভা স্বরব্যঞ্জন ভূষিতা ।
ওঙ্কারমাদিতঃ কৃৎবা মম দেবী সরস্বতী ॥ ১৪ ॥
ততোঽহমর্ঘ্যং বিধিবৎসরস্বত্যৈ ন্যবেদয়ম্ ।
তপতাং চ বরিষ্ঠায় নিষণ্ণস্তৎপরায়নঃ ॥ ১৫ ॥
ততঃ শতপথং কৃৎস্নং সহরস্য সসঙ্গ্রহম্ ।
চক্রে সপরিশেষং চ হর্ষেণ পরমেণ হ ॥ ১৬ ॥
কৃৎবা চাধ্যযনং তেষাং শিষ্যাণাং শতমুত্তমম্ ।
বিপ্রিয়ার্থং সশিষ্যস্য মাতুলল্স্য মহাত্মনঃ ॥ ১৭ ॥
ততঃ সশিষ্যেণ ময়া সূর্যেণেব গভস্তিভিঃ ।
ব্যাপ্তো যজ্ঞো মহারাজ পিতুস্তব মহাত্মনঃ ॥ ১৮ ॥
মিষতো দেবলস্যাপি ততোঽর্ধং হৃতবানহম্ ।
স্ববেদ দক্ষিণায়াথ বিমর্দে মাতুলেন হ ॥ ১৯ ॥
সুমন্তু নাথ পৈলেন তথ জৈমিনিনা চ বৈ ।
পিত্রা তে মুনিভিশ্চৈব ততোঽহমনুমানিতঃ ॥ ২০ ॥
দশ পঞ্চ চ প্রাপ্তানি যজূংস্যর্কান্ময়ানঘ ।
তথৈব লোমহর্ষাচ্চ পুরাণমবধারিতম্ ॥ ২১ ॥
বীজমেতৎপুরস্কৃত্য দেবীং চৈব সরস্বতীম্ ।
সূর্যস্য চানুভাবেন প্রবৃত্তোঽহং নরাধিপ ॥ ২২ ॥
কর্তুং শতপথং বেদমপূর্বং কারিতং চ মে ।
যথাভিলসিতং মার্থং তথা তচ্চোপপাদিতম্ ॥ ২৩ ॥
শিষ্যাণামখিলং কৃৎস্নমনুজ্ঞাতং সসঙ্গ্রহম্ ।
সর্বে চ শিষ্যাঃ শুচয়ো গতাঃ পরমহর্ষিতাঃ ॥ ২৪ ॥
শাখাঃ পঞ্চদশেমাস্তু বিদ্যা ভাস্করদর্শিতাঃ ।
প্রতিষ্ঠাপ্য যথাকামং বেদ্যং তদনুচিন্তয়ম্ ॥ ২৫ ॥
কিমত্র ব্রহ্মণ্যমৃতং কিং চ বেদ্যমনুত্তমম্ ।
চিন্তয়ে তত্র চাগত্য গন্ধর্বো মামপৃচ্ছত ॥ ২৬ ॥
বিশ্বাবসুস্ততো রাজন্বেদান্তজ্ঞানকোবিদঃ ।
চতুর্বিংশতিকান্প্রশ্নান্পৃষ্ট্বা বেদস্য পার্থিব ।
পঞ্চবিংশতিমং প্রশ্নং পপ্রচ্ছান্বিক্ষিকীং তথা ॥ ২৭ ॥
বিশ্বা বিশ্বং তথাশ্বাশ্বং মিত্রং বরুণমেব চ ।
জ্ঞানং জ্ঞেয়ং তথাজ্ঞোঽজ্ঞঃ কস্তপা অপতা তথা ।
সূর্যাদঃ সূর্য ইতি চ বিদ্যাবিদ্যে তথৈব চ ॥ ২৮ ॥
বেদ্যাবেদ্যং তথা রাজন্নচলং চলমেব চ ।
অপূর্বমক্ষয়ং ক্ষয়্যমেতৎপ্রশ্নমনুত্তমম্ ॥ ২৯ ॥
অথোক্তশ্চ ময়া রাজন্রাজা গন্ধর্বসত্তমঃ ।
পৃষ্টবাননুপূর্বেণ প্রশ্নমুত্তমমর্থবৎ ॥ ৩০ ॥
মুহূর্তং মৃষ্যতাং তাবদ্যাবদেনং বিচিন্তয়ে ।
বাধমিত্যেব কৃৎবা স তূস্নীং গন্ধর্ব আস্থিতঃ ॥ ৩১ ॥
ততোঽন্বচিন্তয়মহং ভূয়ো দেবীং সরস্বতীম্ ।
মনসা স চ মে প্রশ্নো দধ্নো ঘৃতমিবোদ্ধৃতম্ ॥ ৩২ ॥
তত্রোপনিষদং চৈব পরিশেষং চ পার্থিব ।
মঘ্নামি মনসা তাত দৃষ্ট্বা চান্বীক্ষিকীং পরাম্ ॥ ৩৩ ॥
চতুর্থী রাজশার্দূল বিদ্যৈষা সাম্পরায়িকী ।
উদীরিতা ময়া তুভ্যং পঞ্চবিংশেঽধি ধিষ্ঠিতা ॥ ৩৪ ॥
অথোতস্তু ময়া রাজন্রাজা বিশ্বাবসুস্তদা ।
শ্রূয়তাং যদ্ভবানস্মান্প্রশ্নং সম্পৃষ্টবানিহ ॥ ৩৫ ॥
বিশ্বা বিশ্বেতি যদিদং গন্ধর্বেন্দ্রানুপৃচ্ছসি ।
বিশ্বাব্যক্তং পরং বিদ্যাদ্ভূতভব্য ভয়ঙ্করম্ ॥ ৩৬ ॥
ত্রিগুণং গুণকর্তৃৎবাদশিশ্বো নিষ্কলস্তথা ।
অশ্বস্তথৈব মিথুনমেবমেবানুদৃশ্যতে ॥ ৩৭ ॥
অব্যক্তং প্রকৃতিং প্রাহুঃ পুরুষেতি চ নির্গুণম্ ।
তথৈব মিত্রং পুরুষং বরুণং প্রকৃতিং তথা ॥ ৩৮ ॥
জ্ঞানং তু প্রকৃতিং প্রাহুর্জ্ঞেয়ং নিষ্কলমেব চ ।
অজ্ঞশ্চ জ্ঞশ্চ পুরুষস্তস্মান্নিষ্কল উচ্যতে ॥ ৩৯ ॥
কস্তপা অতপাঃ প্রোক্তাঃ কোঽসৌ পুরুষ উচ্যতে ।
তপাঃ প্রকৃতিরিত্যাহুরতপা নিষ্কলঃ স্মৃতঃ ॥ ৪০ ॥
তথৈবাবেদ্যমব্যক্তং বেধঃ পুরুষ উচ্যতে ।
চলাচলমিতি প্রোক্তং ৎবয়া তদপি মে শৃণু ॥ ৪১ ॥
চলাং তু প্রকৃতিং প্রাহুঃ কারণং ক্ষেপ সর্গয়োঃ ।
অক্ষেপ সর্গয়োঃ কর্তা নিশ্চলঃ পুরুষঃ স্মৃতঃ ॥ ৪২ ॥
অজাবুভাবপ্রজনুচাক্ষয়ৌ চাপ্যুভাবপি ।
অজৌনিত্যাবুভৌ প্রাহুরধ্যাত্মগতিনিশ্চয়াঃ ॥ ৪৩ ॥
অক্ষয়ৎবাৎপ্রজননে অজমত্রাহুরব্যযম্ ।
অক্ষয়ং পুরুষং প্রাহুঃ ক্ষয়ো হ্যস্য ন বিদ্যতে ॥ ৪৪ ॥
গুণক্ষয়ৎবাৎপ্রকৃতিঃ কর্তৃৎবাদক্ষয়ং বুধাঃ ।
এষা তেঽঽন্বীক্ষিকী বিদ্যা চতুর্থী সাম্পরায়িকী ॥ ৪৫ ॥
বিদ্যোপেতং ধনং কৃৎবা কর্মণা নিত্যকর্মণি ।
একান্তদর্শনা বেদাঃ সর্বে বিশ্বাবসো স্মৃতাঃ ॥ ৪৬ ॥
জায়ন্তে চ ম্রিয়ন্তে চ যস্মিন্নেতে যতশ্চ্যুতাঃ ।
বেদার্থং যে ন জানন্তি বেদ্যং গন্ধর্বসত্তম ॥ ৪৭ ॥
সাঙ্গোপাঙ্গানপি যদি পঞ্চ বেদানধীয়তে ।
বেদ বেদ্যং ন জানীতে বেদ ভারবহো হি সঃ ॥ ৪৮ ॥
যো ঘৃতার্থী খরী ক্ষীরং মথেদ্গন্ধর্বসত্তম ।
বিষ্ঠাং তত্রানুপশ্যেত ন মন্দং নাপি বা ঘৃতম্ ॥ ৪৯ ॥
তথা বেদ্যমবেদ্যং চ বেদ বিদ্যো ন বিন্দতি ।
স কেবলং মূঢ মতির্জ্ঞানভার বহঃ স্মৃতঃ ॥ ৫০ ॥
দ্রষ্টব্যৌ নিত্যমেবৈতৌ তৎপরেণান্তরাত্মনা ।
যথাস্য জন্ম নিধনে ন ভবেতাং পুনঃ পুনঃ ॥ ৫১ ॥
অজস্রং জন্ম নিধনং চিন্তয়িৎবা ত্রয়ীমিমাম্ ।
পরিত্যজ্য ক্ষয়মিহ অক্ষয়ং ধর্মমাস্থিতঃ ॥ ৫২ ॥
যদা তু পশ্যতেঽত্যন্তমহন্যহনি কাশ্যপ ।
তদা স কেবলী ভূতঃ সদ্বিংসমনুপশ্যতি ॥ ৫৩ ॥
অন্যশ্চ শশ্বদব্যক্তস্তথান্যঃ পঞ্চবিংশকঃ ।
তস্য দ্বাবনুপশ্যেত তমেকমিতি সাধবঃ ॥ ৫৪ ॥
তেনৈতন্নাভিজানন্তি পঞ্চবিংশকমচ্যুতম্ ।
জন্মমৃত্যুভয়াদ্যোগাঃ সাঙ্খ্যাশ্চ পরমৈষিণঃ ॥ ৫৫ ॥
বিশ্বাবসুরুবাচ
পঞ্চবিংশং যদেতত্তে প্রোক্তং ব্রাহ্মণসত্তম ।
তথা তন্ন তথা বেতি তদ্ভবান্বক্তুমর্হতি ॥ ৫৬ ॥
জৈগীসব্যস্যাসিতস্য দেবলস্য চ মে শ্রুতম্ ।
পরাশরস্য বিপ্রর্ষের্বার্ষগণ্যস্য ধীমতঃ ॥ ৫৭ ॥
ভিক্ষোঃ পঞ্চশিখস্যাথ কপিলস্য শুকস্য চ ।
গৌতমস্যার্ষ্টিষেণস্য গর্গস্য চ মহাত্মনঃ ॥ ৫৮ ॥
নারদস্যাসুরেশ্চৈব পুলস্ত্যস্য চ ধীমতঃ ।
সনৎকুমারস্য ততঃ শুক্রস্য চ মহাত্মনঃ ॥ ৫৯ ॥
কশ্যপস্য পিতুশ্চৈব পূর্বমেব ময়া শ্রুতম্ ।
তদনন্তরং চ রুদ্রস্য বিশ্বরূপস্য ধীমতঃ ॥ ৬০ ॥
দৈবতেভ্যঃ পিতৃভ্যশ্চ দৈত্যেভ্যশ্চ ততস্ততঃ ।
প্রাপ্তমেতন্ময়া কৃৎস্নং বেদ্যং নিত্যং বদন্ত্যুত ॥ ৬১ ॥
তস্মাত্তদ্বৈ ভবদ্বুদ্ধ্যা শ্রোতুমিচ্ছামি ব্রাহ্মণ ।
ভবান্প্রবর্হঃ শাস্ত্রাণাং প্রগল্ভশ্চাতিবুদ্ধিমান্ ॥ ৬২ ॥
ন তবাবিদিতং কিং চিদ্ভবাঞ্শ্রুতিনিধিঃ স্মৃতঃ ।
কথ্যতে দেবলোকে চ পিতৃলোকে চ ব্রাহ্মণ ॥ ৬৩ ॥
ব্রহ্মলোকগতাশ্চৈব কথয়ন্তি মহর্ষয়ঃ ।
পতিশ্চ তপতাং শশ্বদাদিত্যস্তব ভাসতে ॥ ৬৪ ॥
সাঙ্খ্যজ্ঞানং ৎবয়া ব্রহ্মন্নবাপ্তং কৃৎস্নমেব চ ।
তথৈব যোগজ্ঞানং চ যাজ্ঞবল্ক্য বিশেষতঃ ॥ ৬৫ ॥
নিঃসন্দিগ্ধং প্রবুদ্ধস্ত্বং বুধ্যমানশ্চরাচরম্ ।
শ্রোতুমিচ্ছামি তজ্জ্ঞানং ঘৃতং মন্দময়ং যথা ॥ ৬৬ ॥
যাজ্ঞবল্ক্য উবাচ
কৃৎস্নধারিণমেব ৎবাং মন্যে গন্ধর্বসত্তম ।
জিজ্ঞাসসি চ মাং রাজংস্তন্নিবোধ যথা শ্রুতম্ ॥ ৬৭ ॥
অবুধ্যমানাং প্রকৃতিং বুধ্যতে পঞ্চবিংশকঃ ।
ন তু বুধ্যতি গন্ধর্ব প্রকৃতিঃ পঞ্চবিংশকম্ ॥ ৬৮ ॥
অনেনাপ্রতিবোধেন প্রধানং প্রবদন্তি তম্ ।
সাঙ্খ্যযোগাশ্চ তত্ত্বজ্ঞা যথা শ্রুতিনিদর্শনাৎ ॥ ৬৯ ॥
পশ্যংস্তথৈবাপশ্যংশ্চ পশ্যত্যন্যস্তথানঘ ।
সদ্বিংশঃ পঞ্চবিংশং চ চতুর্বিংশং চ পশ্যতি ।
ন তু পশ্যতি পশ্যংস্তু যশ্চৈনমনুপশ্যতি ॥ ৭০ ॥
পঞ্চবিংশোঽভিমন্যেত নান্যোঽস্তি পরমো মম ।
ন চতুর্বিংশকোঽগ্রাহ্যো মনুজৈর্জ্ঞানদর্শিভিঃ ॥ ৭১ ॥
মৎস্যেবোদকমন্বেতি প্রবর্ততি প্রবর্তনাৎ ।
যথৈব বুধ্যতে মৎস্যস্তথৈষোঽপ্যনুবুধ্যতে ।
সস্নেহঃ সহ বাসাচ্চ সাভিমানশ্চনিত্যশঃ ॥ ৭২ ॥
স নিমজ্জতি কালস্য যদৈকৎবং ন বুধ্যতে ।
উন্মজ্জতি হি কালস্য মমৎবেনাভিসংবৃতঃ ॥ ৭৩ ॥
যদা তু মন্যতেঽন্যোঽহমন্য এষ ইতি দ্বিজঃ ।
তদা স কেবলী ভূতঃ সদ্বিংশমনুপশ্যতি ॥ ৭৪ ॥
অন্যশ্চ রাজন্নবরস্তথান্যঃ পঞ্চবিংশকঃ ।
তৎস্থৎবাদনুপশ্যন্তি এক এবেতি সাধবঃ ॥ ৭৫ ॥
তেনৈতন্নাভিনন্দন্তি পঞ্চবিংশকমচ্যুতম্ ।
জন্মমৃত্যুভয়াদ্ভীতা যোগাঃ সাঙ্খ্যাশ্চ কাশ্যপ ।
সদ্বিংসমনুপশ্যন্তি শুচয়স্তৎপরায়নাঃ ॥ ৭৬ ॥
যদা স কেবলী ভূতঃ সদ্বিংশমনুপশ্যতি ।
তদা স সর্ববিদ্বিদ্বান্ন পুনর্জন্ম বিন্দতি ॥ ৭৭ ॥
এবমপ্রতিবুদ্ধশ্চ বুধ্যমানশ্ চ তেঽনঘ ।
বুদ্ধশ্চোক্তো যথাতত্ত্বং ময়া শ্রুতিনিদর্শনাৎ ॥ ৭৮ ॥
পশ্যাপশ্যং যোঽনুপশ্যেৎক্ষেমং তত্ত্বং চ কাশ্যপ ।
কেবলাকেবলং চাদ্যং পঞ্চবিংশাৎপরং চ যৎ ॥ ৭৯ ॥
বিশ্বাবসুরুবাচ
তথ্যং শুভং চৈতদুক্তং ৎবয়া ভোঃ
সম্যক্ক্ষেম্যং দেবতাদ্যং যথাবৎ ।
স্বস্ত্য ক্ষয়ং ভবতশ্চাস্তু নিত্যং
বুদ্ধ্যা সদা বুধি যুক্তং নমস্তে ॥ ৮০ ॥
যাজ্ঞবল্ক্য উবাচ
এবমুক্ত্বা সম্প্রয়াতো দিবং স
বিভ্রাজন্বৈ শ্রীমত দর্শনেন ।
তুষ্টশ্চ তুষ্ট্যা পরয়াভিনন্দ্য
প্রদক্ষিণং মম কৃৎবা মহাত্মা ॥ ৮১ ॥
ব্রহ্মাদীনাং খেচরাণাং ক্ষিতৌ চ
যে চাধস্তাৎসংবসন্তে নরেন্দ্র ।
তত্রৈব তদ্দর্শনং দর্শয়ন্বৈ
সম্যক্ক্ষেম্যং যে পথং সংশ্রিতা বৈ ॥ ৮২ ॥
সাঙ্খ্যাঃ সর্বে সাঙ্খ্যধর্মে রতাশ্ চ
তদ্বদ্যোগা যোগধর্মে রতাশ্ চ ।
যে চাপ্যন্যে মোক্ষকামা মনুষ্যাস্
তেষামেতদ্দর্শনঞ্জ্ঞান দৃষ্টম্ ॥ ৮৩ ॥
জ্ঞানান্মোক্ষো জায়তে পূরুষানাং
নাস্ত্যজ্ঞানাদেবমাহুর্নরেন্দ্র ।
তস্মাজ্জ্ঞানং তত্ত্বতোঽন্বেষিতব্যং
যেনাত্মানং মোক্ষয়েজ্জন্মমৃত্যোঃ ॥ ৮৪ ॥
প্রাপ্য জ্ঞানং ব্রাহ্মণাৎক্ষত্রিয়াদ্বা
বৈশ্যাচ্ছূদ্রাদপি নীচাদভীক্ষ্ণম্ ।
শ্রদ্ধাতব্যং শ্রদ্দধানেন নিত্যং
ন শ্রদ্ধিনং জন্মমৃত্যূ বিশেতাম্ ॥ ৮৫ ॥
সর্বে বর্ণা ব্রাহ্মণা ব্রহ্মজাশ্ চ
সর্বে নিত্যং ব্যাহরন্তে চ ব্রহ্ম ।
তত্ত্বং শাস্ত্রং ব্রহ্ম বুদ্ধ্যা ব্রবীমি
সর্বং বিশ্বং ব্রহ্ম চৈতৎসমস্তম্ ॥ ৮৬ ॥
ব্রহ্মাস্যতো ব্রাহ্মণাঃ সম্প্রসূতা
বাহুভ্যাং বৈ ক্ষত্রিয়াঃ সম্প্রসূতাঃ ।
নাভ্যাং বৈশ্যাঃ পাদতশ্চাপি শূদ্রাঃ
সর্বে বর্ণা নান্যথা বেদিতব্যাঃ ॥ ৮৭ ॥
অজ্ঞানতঃ কর্ম যোনিং ভজন্তে
তাং তাং রাজংস্তে যথা যান্ত্যভাবম্ ।
তথা বর্ণা জ্ঞানহীনাঃ পতন্তে
ঘোরাদজ্ঞানাৎপ্রাকৃতং যোনিজালম্ ॥ ৮৮ ॥
তস্মাজ্জ্ঞানং সর্বতো মার্গিতব্যং
সর্বত্রস্থ চৈতদুক্তং ময়া তে ।
তস্থৌ ব্রহ্মা তস্থিবাংশ্চাপরো যস্
তস্মৈ নিত্যং মোক্ষমাহুর্দ্বিজেন্দ্রাঃ ॥ ৮৯ ॥
যত্তে পৃষ্ঠং তন্ময়া চোপদিষ্টং
যাথাতথ্যং তদ্বিশোকো ভবস্ব ।
রাজন্গচ্ছস্বৈতদর্থস্য পারং
সম্যক্প্রোক্তং স্বস্তি তেঽস্ত্বত্র নিত্যম্ ॥ ৯০ ॥
ভীষ্ম উবাচ
স এবমনুশাস্তস্তু যাজ্ঞবল্ক্যেন ধীমতা ।
প্রীতিমানভবদ্রাজা মিথিলাধিপতিস্তদা ॥ ৯১ ॥
গতে মুনিবরে তস্মিন্কৃতে চাপি প্রদক্ষিণে ।
দৈবরাতির্নরপতিরাসীনস্তত্র মোক্ষবিৎ ॥ ৯২ ॥
গোকোতিং স্পর্শয়ামাস হিরণ্যস্য তথৈব চ ।
রত্নাঞ্জলিমথৈকং চ ব্রাহ্মণেভ্যো দদৌ তদা ॥ ৯৩ ॥
বিদেহরাজ্যং চ তথা প্রতিষ্ঠাপ্য সুতস্য বৈ ।
যতি ধর্মমুপাসংশ্চাপ্যবসন্মিথিলাধিপঃ ॥ ৯৪ ॥
সাঙ্খ্যজ্ঞানমধীয়ানো যোগশাস্ত্রং চ কৃৎস্নশঃ ।
ধর্মাধর্মৌ চ রাজেন্দ্র প্রাকৃতং পরিগর্হয়ন্ ॥ ৯৫ ॥
অনন্তমিতি কৃৎবা স নিত্যং কেবলমেব চ ।
ধর্মাধর্মৌ পুণ্যপাপে সত্যাসত্যে তথৈব চ ॥ ৯৬ ॥
জন্মমৃত্যূ চ রাজেন্দ্র প্রাকৃতং তদচিন্তয়ৎ ।
ব্রহ্মাব্যক্তস্য কর্মেদমিতি নিত্যং নরাধিপ ॥ ৯৭ ॥
পশ্যন্তি যোগাঃ সাঙ্খ্যাশ্চ স্বশাস্ত্রকৃতলক্ষণাঃ ।
ইষ্টানিষ্ট বিয়ুক্তং হি তস্থৌ ব্রহ্ম পরাৎপরম্ ।
নিত্যং তমাহুর্বিদ্বাংসঃ শুচিস্তস্মাচ্ছুচির্ভব ॥ ৯৮ ॥
দীয়তে যচ্চ লভতে দত্তং যচ্চানুমন্যতে ।
দদাতি চ নরশ্রেষ্ঠ প্রতিগৃহ্ণাতি যচ্চ হ ।
দদাত্যব্যক্তমেবৈতৎপ্রতিগৃহ্ণাতি তচ্চ বৈ ॥ ৯৯ ॥
আত্মা হ্যেবাত্মনো হ্যেকঃ কোঽন্যস্ত্বত্তোঽধিকো ভবেৎ ।
এবং মন্যস্ব সততমন্যথা মা বিচিন্তয় ॥ ১০০ ॥
যস্যাব্যক্তং ন বিদিতং সগুণং নির্গুণং পুনঃ ।
তেন তীর্থানি যজ্ঞাশ্চ সেবিতব্যাবিপশ্চিতা ॥ ১০১ ॥
ন স্বাধ্যায়ৈস্তপোভির্বা যজ্ঞৈর্বা কুরুনন্দন ।
লভতেঽব্যক্তসংস্থানং জ্ঞাৎবাব্যক্তং মহীপতে ॥ ১০২ ॥
তথৈব মহতঃ স্থানমাহঙ্কারিকমেব চ ।
অহঙ্কারাৎপরং চাপি স্থানানি সমবাপ্নুয়াৎ ॥ ১০৩ ॥
যে ৎবব্যক্তাৎপরং নিত্যং জানতে শাস্ত্রতৎপরাঃ ।
জন্মমৃত্যুবিয়ুক্তং চ বিয়ুক্তং সদসচ্চ যৎ ॥ ১০৪ ॥
এতন্ময়াপ্তং জনকাৎপুরস্তাৎ
তেনাপি চাপ্তং নৃপ যাজ্ঞবল্ক্যাৎ ।
জ্ঞানং বিশিষ্টং ন তথা হি যজ্ঞা
জ্ঞানেন দুর্গং তরতে ন যজ্ঞৈঃ ॥ ১০৫ ॥
দুর্গং জন্ম নিধনং চাপি রাজন্
ন ভূতিকং জ্ঞানবিদো বদন্তি ।
যজ্ঞৈস্তপোভির্নিয়মৈর্ব্রতৈশ্ চ
দিবং সমাসাদ্য পতন্তি ভূমৌ ॥ ১০৬ ॥
তস্মাদুপাসস্ব পরং মহচ্ছুচি
শিবং বিমোক্ষং বিমলং পবিত্রম্ ।
ক্ষেত্রজ্ঞবিৎপার্থিব জ্ঞানয়জ্ঞম্
উপাস্য বৈ তত্ত্বমৃষির্ভবিষ্যসি ॥ ১০৭ ॥
উপনিষদমুপাকরোত্তদা বৈ জনক নৃপস্য পুরা হি যাজ্ঞবল্ক্যঃ ।
যদুপগণিতশাশ্বতাব্যযং তচ্-
ছুভমমৃতৎবমশোকমৃচ্ছতীতি ॥ ১০৮ ॥
Also Read:
Yajnvalkya Gita From Mahabharat Shanti Parva Ch 310-318 Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
