Shri Jagannatha Sahasranama Stotram Lyrics in Bengali:
॥ শ্রীজগন্নাথসহস্রনামস্তোত্রম্ ॥
॥ ওঁ শ্রীজগন্নাথায় নমো নমঃ ॥
প্রার্থনা
দেবদানবগন্ধর্বয়ক্ষবিদ্যাধরোরগৈঃ ।
সেব্যমানং সদা চারুকোটিসূর্যসমপ্রভম্ ॥ ১ ॥
ধ্যায়েন্নারায়ণং দেবং চতুর্বর্গফলপ্রদম্ ।
জয় কৃষ্ণ জগন্নাথ জয় সর্বাধিনায়ক ॥ ২ ॥
জয়াশেষজগদ্বন্দ্যপাদাম্ভোজ নমোঽস্তু তে ॥ ৩ ॥
য়ুধিষ্ঠির উবাচ
য়স্য প্রসাদাত্তু সর্বং য়স্তু বিষ্ণুপরায়ণঃ ।
য়স্তু ধাতা বিধাতা চ য়শ্চ সত্যং পরো ভবেত্ ॥ ১ ॥
য়স্য মায়াময়ং জালং ত্রৈলোক্যং সচরাচরম্ ।
মর্ত্যাংশ্চ মৃগতৃষ্ণায়াং ভ্রাময়ত্যপি কেবলম্ ॥ ২ ॥
নমাম্যহং জগতপ্রীত্যা নামানি চ জগত্পতিম্।
বৃহত্যা কথিতং য়চ্চ তন্মে কথয় সাম্প্রতম্ ॥ ৩ ॥
ভীষ্ম উবাচ
য়ুধিষ্ঠির মহাবাহো কথয়ামি শৃণুষ্ব মে ।
জগন্নাথস্য নামানি পবিত্রাণি শুভানি চ ॥ ১ ॥
মায়য়া য়স্য সংসারো ব্যাপৃতঃ সচরাচরঃ ।
য়স্য প্রসাদাদ্ব্রহ্মাণং সৃষ্ট্বা পাতি চ সর্বদা ॥ ২ ॥
ব্রহ্মাদিদশদিক্পালান্ মায়াবিমোহিতান্ খলু ।
য়স্য চেষ্টাবরোহশ্চ ব্রহ্মাণ্ডখণ্ডগোচরঃ ॥ ৩ ॥
দয়া বা মমতা য়স্য সর্বভূতেষু সর্বগঃ ।
সত্যধর্মবিভূষস্য জগন্নাথস্য সর্বতঃ ॥ ৪ ॥
কথয়ামি সহস্রাণি নামানি তব চানঘ ॥ ৫ ॥
অথ শ্রীজগন্নাথস্য সহস্রনামস্তোত্রম্ ।
অথ বিনিয়োগঃ ।
অস্য মাতৃকা মন্ত্রস্য, বেদব্যাসো ঋষিঃ, অনুষ্টুপ্ছন্দঃ,
শ্রীজগন্নাথো দেবতা, ভগবতঃ শ্রীজগন্নাথস্য প্রীত্যর্থে
সহস্রনাম পঠনে বিনিয়োগঃ ।
ধ্যানম্
নীলাদ্রৌ শঙ্খমধ্যে শতদলকমলে রত্নসিংহাসনস্থং
সর্বালঙ্কারয়ুক্তং নবঘনরুচিরং সংয়ুতং চাগ্রজেন ।
ভদ্রায়া বামভাগে রথচরণয়ুতং ব্রহ্মরুদ্রেন্দ্রবন্দ্যং
বেদানাং সারমীশং স্বজনপরিবৃতং ব্রহ্মদারু স্মরামি ॥
শ্রীভগবানুবাচ
চতুর্ভুজো জগন্নাথঃ কণ্ঠশোভিতকৌস্তুভঃ ।
পদ্মনাভো বেদগর্ভশ্চন্দ্রসূর্যবিলোচনঃ ॥ ১ ॥
জগন্নাথো লোকনাথো নীলাদ্রীশঃ পরো হরিঃ ।
দীনবন্ধুর্দয়াসিন্ধুঃ কৃপালুঃ জনরক্ষকঃ ॥ ২ ॥
কম্বুপাণিঃ চক্রপাণিঃ পদ্মনাভো নরোত্তমঃ ।
জগতাং পালকো ব্যাপী সর্বব্যাপী সুরেশ্বরঃ ॥ ৩ ॥
লোকরাজো দেবরাজঃ শক্রো ভূপশ্চ ভূপতিঃ ।
নীলাদ্রিপতিনাথশ্চ অনন্তঃ পুরুষোত্তমঃ ॥ ৪ ॥
তার্ক্ষ্যোধ্যায়ঃ কল্পতরুঃ বিমলাপ্রীতিবর্দ্ধনঃ । var? তার্ক্ষ্যধ্বজঃ
বলভদ্রো বাসুদেবো মাধবো মধুসূদনঃ ॥ ৫ ॥
দৈত্যারিঃ পুণ্ডরীকাক্ষো বনমালী বলপ্রিয়ঃ ।
ব্রহ্মা বিষ্ণুঃ বৃষ্ণিবংশো মুরারিঃ কৃষ্ণকেশবঃ ॥ ৬ ॥
শ্রীরামঃ সচ্চিদানন্দো গোবিন্দঃ পরমেশ্বরঃ ।
বিষ্ণুর্জিষ্ণুর্মহাবিষ্ণুঃ প্রভবিষ্ণুর্মহেশ্বরঃ ॥ ৭ ॥
লোককর্তা জগন্নাথো মহাকর্তা মহায়শাঃ ।
মহর্ষিঃ কপিলাচার্যো লোকচারী সুরো হরিঃ ॥ ৮ ॥
আত্মা চ জীবপালশ্চ শূরঃ সংসারপালকঃ ।
একোনৈকো মমপ্রিয়ো ব্রহ্মবাদী মহেশ্বরঃ ॥ ৯ ॥ var? সর্বপ্রিয়ো রমাপ্রিয়ো
দ্বিভুজশ্চ চতুর্বাহুঃ শতবাহুঃ সহস্রকঃ ।
পদ্মপত্রবিশালাক্ষঃ পদ্মগর্ভঃ পরো হরিঃ ॥ ১০ ॥
পদ্মহস্তো দেবপালো দৈত্যারির্দৈত্যনাশনঃ ।
চতুর্মূর্তিশ্চতুর্বাহুশ্চতুরাননসেবিতঃ ॥ ১১ ॥
পদ্মহস্তশ্চক্রপাণিঃ শঙ্খহস্তো গদাধরঃ ।
মহাবৈকুণ্ঠবাসী চ লক্ষ্মীপ্রীতিকরঃ সদা ॥ ১২ ॥
বিশ্বনাথঃ প্রীতিদশ্চ সর্বদেবপ্রিয়ংকরঃ ।
বিশ্বব্যাপী দারুরূপশ্চন্দ্রসূর্যবিলোচনঃ ॥ ১৩ ॥ var প্রিয়ব্যাপি
গুপ্তগঙ্গোপলব্ধিশ্চ তুলসীপ্রীতিবর্দ্ধনঃ ।
জগদীশঃ শ্রীনিবাসঃ শ্রীপতিঃ শ্রীগদাগ্রজঃ ॥ ১৪ ॥
সরস্বতীমূলাধারঃ শ্রীবত্সঃ শ্রীদয়ানিধিঃ ।
প্রজাপতিঃ ভৃগুপতির্ভার্গবো নীলসুন্দরঃ ॥ ১৫ ॥
য়োগমায়াগুণারূপো জগদ্যোনীশ্বরো হরিঃ ।
আদিত্যঃ প্রলয়োদ্ধারী আদৌ সংসারপালকঃ ॥ ১৬ ॥
কৃপাবিষ্টঃ পদ্মপাণিরমূর্তির্জগদাশ্রয়ঃ ।
পদ্মনাভো নিরাকারঃ নির্লিপ্তঃ পুরুষোত্তমঃ ॥ ১৭ ॥
কৃপাকরঃ জগদ্ব্যাপী শ্রীকরঃ শঙ্খশোভিতঃ ।
সমুদ্রকোটিগম্ভীরো দেবতাপ্রীতিদঃ সদা ॥ ১৮ ॥
সুরপতির্ভূতপতির্ব্রহ্মচারী পুরন্দরঃ ।
আকাশবায়ুমূর্তিশ্চ ব্রহ্মমূর্তির্জলেস্থিতঃ ॥ ১৯ ॥
ব্রহ্মা বিষ্ণুর্দৃষ্টিপালঃ পরমোঽমৃতদায়কঃ ।
পরমানন্দসম্পূর্ণঃ পুণ্যদেবঃ পরায়ণঃ ॥ ২০ ॥ var পুণ্যদেহঃ
ধনী চ ধনদাতা চ ধনগর্ভো মহেশ্বরঃ ।
পাশপাণিঃ সর্বজীবঃ সর্বসংসাররক্ষকঃ ॥ ২১ ॥
দেবকর্তা ব্রহ্মকর্তা বষিষ্ঠো ব্রহ্মপালকঃ ।
জগত্পতিঃ সুরাচার্যো জগদ্ব্যাপী জিতেন্দ্রিয়ঃ ॥ ২২ ॥
মহামূর্তির্বিশ্বমূর্তির্মহাবুদ্ধিঃ পরাক্রমঃ ।
সর্ববীজার্থচারী চ দ্রষ্টা বেদপতিঃ সদা ॥ ২৩ ॥
সর্বজীবস্য জীবশ্চ গোপতির্মরুতাং পতিঃ ।
মনোবুদ্ধিরহংকারকামাদিক্রোধনাশনঃ ॥ ২৪ ॥ var ক্রোধশাতনঃ
কামদেবঃ কামপালঃ কামাঙ্গঃ কামবল্লভঃ ।
শত্রুনাশী কৃপাসিন্ধুঃ কৃপালুঃ পরমেশ্বরঃ ॥ ২৫ ॥
দেবত্রাতা দেবমাতা ভ্রাতা বন্ধুঃ পিতা সখা ।
বালবৃদ্ধস্তনূরূপো বিশ্বকর্মা বলোঽবলঃ ॥ ২৬ ॥ var বলোদ্বলঃ
অনেকমূর্তিঃ সততং সত্যবাদী সতাংগতিঃ ।
লোকব্রহ্ম বৃহদ্ব্রহ্ম স্থূলব্রহ্ম সুরেশ্বরঃ ॥ ২৭ ॥
জগদ্ব্যাপী সদাচারী সর্বভূতশ্চ ভূপতিঃ । var? সর্বভুঈপশ্চ
দুর্গপালঃ ক্ষেত্রনাথো রতীশো রতিনায়কঃ ॥ ২৮ ॥
বলী বিশ্ববলাচারী বলদো বলি-বামনঃ ।
দরহ্রাসঃ শরচ্চন্দ্রঃ পরমঃ পরপালকঃ ॥ ২৯ ॥
অকারাদিমকারান্তো মধ্যোকারঃ স্বরূপধৃক্ ।
স্তুতিস্থায়ী সোমপাশ্চ স্বাহাকারঃ স্বধাকরঃ ॥ ৩০ ॥
মত্স্যঃ কূর্মো বরাহশ্চ নরসিংহশ্চ বামনঃ ।
পরশুরামো মহাবীর্যো রামো দশরথাত্মজঃ ॥ ৩১ ॥
দেবকীনন্দনঃ শ্রেষ্ঠো নৃহরিঃ নরপালকঃ ।
বনমালী দেহধারী পদ্মমালী বিভূষণঃ ॥ ৩২ ॥
মল্লীকামালধারী চ জাতীয়ূথিপ্রিয়ঃ সদা ।
বৃহত্পিতা মহাপিতা ব্রাহ্মণো ব্রাহ্মণপ্রিয়ঃ ॥ ৩৩ ॥
কল্পরাজঃ খগপতির্দেবেশো দেববল্লভঃ ।
পরমাত্মা বলো রাজ্ঞাং মাঙ্গল্যং সর্বমঙ্গলঃ ॥ ৩৪ ॥ var রাজা
সর্ববলো দেহধারী রাজ্ঞাং চ বলদায়কঃ ।
নানাপক্ষিপতঙ্গানাং পাবনঃ পরিপালকঃ ॥ ৩৫ ॥
বৃন্দাবনবিহারী চ নিত্যস্থলবিহারকঃ ।
ক্ষেত্রপালো মানবশ্চ ভুবনো ভবপালকঃ ॥ ৩৬ ॥
সত্ত্বং রজস্তমোবুদ্ধিরহঙ্কারপরোঽপি চ ।
আকাশংগঃ রবিঃ সোমো ধরিত্রীধরণীধরঃ ॥ ৩৭ ॥
নিশ্চিন্তো য়োগনিদ্রশ্চ কৃপালুঃ দেহধারকঃ । var শোকনিদ্রশ্চ
সহস্রশীর্ষা শ্রীবিষ্ণুর্নিত্যো জিষ্ণুর্নিরালয়ঃ ॥ ৩৮ ॥
কর্তা হর্তা চ ধাতা চ সত্যদীক্ষাদিপালকঃ । var শক্রদীক্ষাদি
কমলাক্ষঃ স্বয়ম্ভূতঃ কৃষ্ণবর্ণো বনপ্রিয়ঃ ॥ ৩৯ ॥
কল্পদ্রুমঃ পাদপারিঃ কল্পকারী স্বয়ং হরিঃ ।
দেবানাং চ গুরুঃ সর্বদেবরূপো নমস্কৃতঃ ॥ ৪০ ॥
নিগমাগমচারী চ কৃষ্ণগম্যঃ স্বয়ংয়শঃ ।
নারায়ণো নরাণাং চ লোকানাং প্রভুরুত্তমঃ ॥ ৪১ ॥
জীবানাং পরমাত্মা চ জগদ্বন্দ্যঃ পরো য়মঃ ।
ভূতাবাসো পরোক্ষশ্চ সর্ববাসী চরাশ্রয়ঃ ॥ ৪২ ॥
ভাগীরথী মনোবুদ্ধির্ভবমৃত্যুঃ পরিস্থিতঃ ।
সংসারপ্রণয়ী প্রীতঃ সংসাররক্ষকঃ সদা ॥ ৪৩ ॥
নানাবর্ণধরো দেবো নানাপুষ্পবিভূষণঃ ।
নন্দধ্বজো ব্রহ্মরূপো গিরিবাসী গণাধিপঃ ॥ ৪৪ ॥
মায়াধরো বর্ণধারী য়োগীশঃ শ্রীধরো হরিঃ ।
মহাজ্যোতির্মহাবীর্যো বলবাংশ্চ বলোদ্ভবঃ ॥ ৪৫ ॥ var বলোদ্ভবঃ
ভূতকৃত্ ভবনো দেবো ব্রহ্মচারী সুরাধিপঃ ।
সরস্বতী সুরাচার্যঃ সুরদেবঃ সুরেশ্বরঃ ॥ ৪৬ ॥
অষ্টমূর্তিধরো রুদ্র ইচ্ছামূর্তিঃ পরাক্রমঃ ।
মহানাগপতিশ্চৈব পুণ্যকর্মা তপশ্চরঃ ॥ ৪৭ ॥
দিনপো দীনপালশ্চ দিব্যসিংহো দিবাকরঃ ।
অনভোক্তা সভোক্তা চ হবির্ভোক্তা পরোঽপরঃ ॥ ৪৮ ॥
মন্ত্রদো জ্ঞানদাতা চ সর্বদাতা পরো হরিঃ ।
পরর্দ্ধিঃ পরধর্মা চ সর্বধর্মনমস্কৃতঃ ॥ ৪৯ ॥
ক্ষমাদশ্চ দয়াদশ্চ সত্যদঃ সত্যপালকঃ ।
কংসারিঃ কেশিনাশী চ নাশনো দুষ্টনাশনঃ ॥ ৫০ ॥
পাণ্ডবপ্রীতিদশ্চৈব পরমঃ পরপালকঃ ।
জগদ্ধাতা জগত্কর্তা গোপগোবত্সপালকঃ ॥ ৫১ ॥
সনাতনো মহাব্রহ্ম ফলদঃ কর্মচারিণাম্ ।
পরমঃ পরমানন্দঃ পরর্দ্ধিঃ পরমেশ্বরঃ ॥ ৫২ ॥
শরণঃ সর্বলোকানাং সর্বশাস্ত্রপরিগ্রহঃ ।
ধর্মকীর্তির্মহাধর্মো ধর্মাত্মা ধর্মবান্ধবঃ ॥ ৫৩ ॥
মনঃকর্তা মহাবুদ্ধির্মহামহিমদায়কঃ ।
ভূর্ভুবঃ স্বো মহামূর্তিঃ ভীমো ভীমপরাক্রমঃ ॥ ৫৪ ॥
পথ্যভূতাত্মকো দেবঃ পথ্যমূর্তিঃ পরাত্পরঃ ।
বিশ্বাকারো বিশ্বগর্ভঃ সুরামন্দো সুরেশ্বরঃ ॥ ৫৫ ॥ var সুরহা চ
ভুবনেশঃ সর্বব্যাপী ভবেশঃ ভবপালকঃ ।
দর্শনীয়শ্চতুর্বেদঃ শুভাঙ্গো লোকদর্শনঃ ॥ ৫৬ ॥
শ্যামলঃ শান্তমূর্তিশ্চ সুশান্তশ্চতুরোত্তমঃ ।
সামপ্রীতিশ্চ ঋক্ প্রীতির্যজুষোঽথর্বণপ্রিয়ঃ ॥ ৫৭ ॥
শ্যামচন্দ্রশ্চতুমূর্তিশ্চতুর্বাহুশ্চতুর্গতিঃ ।
মহাজ্যোতির্মহামূর্তির্মহাধামা মহেশ্বরঃ ॥ ৫৮ ॥
অগস্তির্বরদাতা চ সর্বদেবপিতামহঃ ।
প্রহ্লাদস্য প্রীতিকরো ধ্রুবাভিমানতারকঃ ॥ ৫৯ ॥
মণ্ডিতঃ সুতনুর্দাতা সাধুভক্তিপ্রদায়কঃ ।
ওঁকারশ্চ পরংব্রহ্ম ওঁ নিরালংবনো হরিঃ ॥ ৬০ ॥
সদ্গতিঃ পরমো হংসো জীবাত্মা জননায়কঃ ।
মনশ্চিন্ত্যশ্চিত্তহারী মনোজ্ঞশ্চাপধারকঃ ॥ ৬১ ॥
ব্রাহ্মণো ব্রহ্মজাতীনামিন্দ্রিয়াণাং গতিঃ প্রভুঃ ।
ত্রিপাদাদূর্দ্ধ্বসম্ভূতো বিরাট্ চৈব সুরেশ্বরঃ ॥ ৬২ ॥ var বিরাটশ্চ
পরাত্পরঃ পরঃ পাদঃ পদ্মস্থঃ কমলাসনঃ ।
নানাসন্দেহবিষয়স্তত্ত্বজ্ঞানাভিনিবৃতঃ ॥ ৬৩ ॥
সর্বজ্ঞশ্চ জগদ্বন্ধুর্মনোজজ্ঞাতকারকঃ ।
মুখসংভূতবিপ্রস্তু বাহসম্ভূতরাজকঃ ॥ ৬৪ ॥
ঊরোবৈশ্যঃ পদোভূতঃ শূদ্রো নিত্যোপনিত্যকঃ ।
জ্ঞানী মানী বর্ণদশ্চ সর্বদঃ সর্বভূষিতঃ ॥ ৬৫ ॥
অনাদিবর্ণসন্দেহো নানাকর্মোপরিস্থিতঃ ।
শুদ্ধাদিধর্মসন্দেহো ব্রহ্মদেহঃ স্মিতাননঃ ॥ ৬৬ ॥
শংবরারির্বেদপতিঃ সুকৃতঃ সত্ত্ববর্দ্ধনঃ ।
সকলং সর্বভূতানাং সর্বদাতা জগন্ময়ঃ ॥ ৬৭ ॥
সর্বভূতহিতৈষী চ সর্বপ্রাণিহিতে রতঃ ।
সর্বদা দেহধারী চ বটকো বটুগঃ সদা ॥ ৬৮ ॥ var বটুকো
সর্বকর্মবিধাতা চ জ্ঞানদঃ করুণাত্মকঃ ।
পুণ্যসম্পত্তিদাতা চ কর্তা হর্তা তথৈব চ ॥ ৬৯ ॥
সদা নীলাদ্রিবাসী চ নতাস্যশ্চ পুরন্দরঃ ।
নরো নারায়ণো দেবো নির্মলো নিরুপদ্রবঃ ॥ ৭০ ॥
ব্রহ্মাশম্ভুঃ সুরশ্রেষ্ঠঃ কম্বুপাণির্বলোঽর্জুনঃ ।
জগদ্ধাতা চিরায়ুশ্চ গোবিন্দো গোপবল্লভঃ ॥ ৭১ ॥
দেবো দেবো মহাব্রহ্ম মহারাজো মহাগতিঃ ।
অনন্তো ভূতনাথশ্চ অনন্তভূতসম্ভবঃ ॥ ৭২ ॥
সমুদ্রপর্বতানাং চ গন্ধর্বাণাং তথাঽঽশ্রয়ঃ ।
শ্রীকৃষ্ণো দেবকীপুত্রো মুরারির্বেণুহস্তকঃ ॥ ৭৩ ॥
জগত্স্থায়ী জগদ্ব্যাপী সর্বসংসারভূতিদঃ ।
রত্নগর্ভো রত্নহস্তো রত্নাকরসুতাপতিঃ ॥ ৭৪ ॥
কন্দর্পরক্ষাকারী চ কামদেবপিতামহঃ ।
কোটিভাস্করসংজ্যোতিঃ কোটিচন্দ্রসুশীতলঃ ॥ ৭৫ ॥
কোটিকন্দর্পলাবণ্যঃ কামমূর্তির্বৃহত্তপঃ ।
মথুরাপুরবাসী চ দ্বারিকো দ্বারিকাপতিঃ ॥ ৭৬ ॥
বসন্তঋতুনাথশ্চ মাধবঃ প্রীতিদঃ সদা ।
শ্যামবন্ধুর্ঘনশ্যামো ঘনাঘনসমদ্যুতিঃ ॥ ৭৭ ॥
অনন্তকল্পবাসী চ কল্পসাক্ষী চ কল্পকৃত্ । var অনন্তঃ কল্পবাসী
সত্যনাথঃ সত্যচারী সত্যবাদী সদাস্থিতঃ ॥ ৭৮ ॥
চতুর্মূর্তিশ্চতুর্বাহুশ্চতুর্যুগপতির্ভবঃ ।
রামকৃষ্ণো য়ুগান্তশ্চ বলভদ্রো বলো বলী ॥ ৭৯ ॥
লক্ষ্মীনারায়ণো দেবঃ শালগ্রামশিলাপ্রভুঃ ।
প্রাণোঽপানঃ সমানশ্চোদানব্যানৌ তথৈব চ ॥ ৮০ ॥
পঞ্চাত্মা পঞ্চতত্ত্বং চ শরণাগতপালকঃ ।
য়ত্কিংচিত্ দৃশ্যতে লোকে তত্সর্বং জগদীশ্বরঃ ॥ ৮১ ॥
জগদীশো মহদ্ব্রহ্ম জগন্নাথায় তে নমঃ ।
জগদীশো মহদ্ব্রহ্ম জগন্নাথায় তে নমঃ ।
জগদীশো মহদ্ব্রহ্ম জগন্নাথায় তে নমঃ ।
॥ ইতি শ্রীজগন্নাথসহস্রনামস্তোত্রম্ ॥
অথ শ্রীজগন্নাথসহস্রনাম মাহাত্ম্যম্ ।
এবং নামসহস্রেণ স্তবোঽয়ং পঠ্যতে য়দি ।
পাঠং পাঠয়তে য়স্তু শৃণুয়াদপি মানবঃ ॥ ১ ॥
সহস্রাণাং শতেনৈব য়জ্ঞেন পরিপূজ্যতে ।
য়ত্পুণ্যং সর্বতীর্থেষু বেদেষু চ বিশেষতঃ ॥ ২ ॥
তত্পুণ্যং কোটিগুণিতং অচিরাল্লভতে নরঃ ।
জগন্নাথস্য নামানি পুণ্যানি সফলানি চ ॥ ৩ ॥
বিদ্যার্থী লভতে বিদ্যাং য়োগার্থী য়োগমাপ্নুয়াত্ ।
কন্যার্থী লভতে কন্যাং জয়ার্থী লভতে জয়ম্ ॥ ৪ ॥
কামার্থী লভতে কামং পুত্রার্থী লভতে সুতম্ ।
ক্ষত্রিয়াণাং প্রয়োগেণ সংগ্রামে জয়দঃ সদা ॥ ৫ ॥
বৈশ্যানাং সর্বধর্মঃ স্যাচ্ছূদ্রাণাং সুখমেধতে ।
সাধূনাং পঠতো নিত্যং জ্ঞানদঃ ফলদস্তথা ॥ ৬ ॥
নাঽপবাদং ন দুঃখং চ কদা চ লভতে নরঃ ।
সর্বসৌখ্যং ফলং প্রাপ্য চিরংজীবী ভবেন্নরঃ ॥ ৭ ॥
শৃণু রাজন্ মহাবাহো মহিমানং জগত্পতেঃ ।
য়স্য স্মরণমাত্রেণ সর্বপাপৈঃ প্রমুচ্যতে ॥ ৮ ॥
জগন্নাথং লোকনাথং পঠতে য়ঃ সদা শুচিঃ ।
কলিকালোদ্ভবং পাপং তত্ক্ষণাত্তস্য নশ্যতি ॥ ৯ ॥
ইতি শ্রীব্রহ্মপুরাণে ভীষ্ম-য়ুধিষ্ঠির-সংবাদে
শ্রীজগন্নাথসহস্রনামস্তোত্রং সমাপ্তম্ ॥
Also Read 1000 Names of Jagannatha:
1000 Names of Sri Jagannatha | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil