Vibhishanagita – from Adhyatmaramayana Yuddha Kanda – 3rd Sarga – Slokas 13 to 37
Vibhishanagita from Adhyatmaramayana in Bengali:
॥ বিভীষণগীতা অধ্যাত্মরামায়ণে ॥
রামস্য বচনং শ্রুৎবা সুগ্রীবো হৃষ্টমানসঃ ।
বিভীষণমথানায়্য দর্শয়ামাস রাঘবম্ ॥ ১৩ ॥
বিভীষণস্তু সাষ্টাঙ্গং প্রণিপত্য রঘূত্তমম্ ।
হর্ষগদ্গদয়া বাচা ভক্ত্যা চ পরয়ান্বিতঃ ॥ ১৪ ॥
রামং শ্যামং বিশালাক্ষং প্রসন্নমুখপঙ্কজম্ ।
ধনুর্বাণধরং শান্তং লক্ষ্মণেন সমন্বিতম্ ॥ ১৫ ॥
কৃতাঞ্জলিপুটো ভূৎবা স্তোতুং সমুপচক্রমে ॥ ১৬ ॥
বিভীষণ উবাচ ।
নমস্তে রাম রাজেন্দ্র নমঃ সীতামনোরম ।
নমস্তে চণ্ডকোদণ্ড নমস্তে ভক্তবৎসল ॥ ১৭ ॥
নমোঽনন্তায় শান্তায় রামায়ামিততেজসে ।
সুগ্রীবমিত্রায় চ তে রঘূণাং পতয়ে নমঃ ॥ ১৮ ॥
জগদুৎপত্তিনাশানাং কারণায় মহাত্মনে ।
ত্রৈলোক্যগুরবেঽনাদিগৃহস্থায় নমো নমঃ ॥ ১৯ ॥
ৎবমাদির্জগতাং রাম ৎবমেব স্থিতিকারণম্ ।
ৎবমন্তে নিধনস্থানং স্বেচ্ছাচারস্ত্বমেব হি ॥ ২০ ॥
চরাচরাণাং ভূতানাং বহিরন্তশ্চ রাঘব ।
ব্যাপ্যব্যাপকরূপেণ ভবান্ ভাতি জগন্ময়ঃ ॥ ২১ ॥
ৎবন্মায়যা হৃতজ্ঞানা নষ্টাত্মানো বিচেতসঃ ।
গতাগতং প্রপদ্যন্তে পাপপুণ্যবশাৎ সদা ॥ ২২ ॥
তাবৎসত্যং জগদ্ভাতি শুক্তিকারজতং যথা
যাবন্ন জ্ঞায়তে জ্ঞানং চেতসানন্যগামিনা ॥ ২৩ ॥
ৎবদজ্ঞানাৎ সদা যুক্তাঃ পুত্রদারগৃহাদিষু ।
রমন্তে বিষয়ান্ সর্বানন্তে দুঃখপ্রদান্ বিভো। । ২৪ ॥
ৎবমিন্দ্রোঽগ্নির্যমো রক্ষো বরুণশ্চ তথানিলঃ ।
কুবেরশ্চ তথা রুদ্রস্ত্বমেব পুরুষোত্তম ॥ ২৫ ॥
ৎবমণোরপ্যণীয়াংশ্চ স্থূলাৎ স্থূলতরঃ প্রভো ।
ৎবং পিতা সর্বলোকানাং মাতা ধাতা ৎবমেব হি ॥ ২৬ ॥
আদিমধ্যান্তরহিতঃ পরিপূর্ণোঽচ্যুতোঽব্যযঃ ।
ৎবং পাণিপাদরহিতশ্চক্ষুঃশ্রোত্রবিবর্জিতঃ ॥ ২৭ ॥
শ্রোতা দ্রষ্টা গ্রহীতা চ জবনস্ত্বং খরান্তক ।
কোশেভ্যো ব্যতিরিক্তস্ত্বং নির্গুণো নিরুপাশ্রয়ঃ ॥ ২৮ ॥
নির্বিকল্পো নির্বিকারো নিরাকারো নিরীশ্বরঃ ।
ষড্ভাবরহিতোঽনাদিঃ পুরুষঃ প্রকৃতে পরঃ ॥ ২৯ ॥
মায়যা গৃহ্যমাণস্ত্বং মনুষ্য ইব ভাব্যসে ।
জ্ঞাৎবা ৎবাং নির্গুণমজং বৈষ্ণবা মোক্ষগামিনঃ ॥ ৩০ ॥
অহং ৎবৎপাদসদ্ভক্তিনিঃশ্রেণীং প্রাপ্য রাঘব ।
ইচ্ছামি জ্ঞানয়োগাখ্যং সৌধমারোঢুমীশ্বর ॥ ৩১ ॥
নমঃ সীতাপতে রাম নমঃ কারুণিকোত্তম ।
রাবণারে নমস্তুভ্যং ত্রাহি মাং ভবসাগরাৎ ॥ ৩২ ॥
ততঃ প্রসন্নঃ প্রোবাচ শ্রীরামো ভক্তবৎসলঃ ।
বরং বৃণীষ্ব ভদ্রং তে বাঞ্ছিতং বরদোঽস্ম্যহম্ ॥ ৩৩ ॥
বিভীষণ উবাচ ।
ধন্যোঽস্মি কৃতকৃত্যোঽস্মি কৃতকার্যোঽস্মি রাঘব ।
ৎবৎপাদদর্শনাদেব বিমুক্তোঽস্মি ন সংশয়ঃ ॥ ৩৪ ॥
নাস্তি মৎসদৃশো ধন্যো নাস্তি মৎসদৃশঃ শুচিঃ ।
নাস্তি মৎসদৃশো লোকে রাম ৎবন্মূর্তিদর্শনাৎ ॥ ৩৫ ॥
কর্মবন্ধবিনাশায় ৎবজ্জ্ঞানং ভক্তিলক্ষণম্ ।
ৎবদ্ধ্যানং পরমার্থং চ দেহি মে রঘুনন্দন ॥ ৩৬ ॥
ন যাচে রাম রাজেন্দ্র সুখং বিষয়সংভবম্ ।
ৎবৎপাদকমলে সক্তা ভক্তিরেব সদাস্তু মে ॥ ৩৭ ॥
Also Read:
Vibhishana Gita from Adhyatma Ramayana Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
