Kakinya Ashtottara Sahasranama Stotram Lyrics in Gujarati:
॥ કાકિન્યષ્ટોત્તરસહસ્રનામસ્તોત્ર ॥
શ્રીગણેશાય નમઃ ।
શ્રીઆનન્દભૈરવ ઉવાચ ।
વદ કલ્યાણિ કામેશિ ત્રૈલોક્યપરિપૂજિતે ।
બ્રહ્માણ્ડાનન્તનિલયે કૈલાસશિખરોજ્જ્વલે ॥ ૧ ॥
કાલિકે કાલરાત્રિસ્થે મહાકાલનિષેવિતે ।
શબ્દબ્રહ્મસ્વરૂપે ત્વં વક્તુમર્હસિ સાદરાત્ ॥ ૨ ॥
સહસ્રનામયોગાખ્યમ્ અષ્ટોત્તરમનન્તરમ્ ।
અનન્તકોટિબ્રહ્માણ્ડં સારં પરમમઙ્ગલમ્ ॥ ૩ ॥
જ્ઞાનસિદ્ધિકરં સાક્ષાદ્ અત્યન્તાનન્દવર્ધનમ્ ।
સઙ્કેતશબ્દમોક્ષાર્થં કાકિનીશ્વરસંયુતમ્ ॥ ૪ ॥
પરાનન્દકરં બ્રહ્મ નિર્વાણપદલાલિતમ્ ।
સ્નેહાદભિસુખાનન્દાદાદૌ બ્રહ્મ વરાનને ॥ ૫ ॥
ઇચ્છામિ સર્વદા માતર્જગતાં સુરસુન્દરિ ।
સ્નેહાનન્દરસોદ્રેકસમ્બન્ધાન્ કથય દ્રુતમ્ ॥ ૬ ॥
શ્રીઆનન્દભૈરવી ઉવાચ
ઈશ્વર શ્રીનીલકણ્ઠ નાગમાલાવિભૂષિતઃ ।
નાગેન્દ્રચિત્રમાલાઢ્ય નાગાધિપરમેશ્વરઃ ॥ ૭ ॥
કાકિનીશ્વરયોગાઢ્યં સહસ્રનામ મઙ્ગલમ્ ।
અષ્ટોત્તરં વૃતાકારં કોટિસૌદામિનીપ્રભમ્ ॥ ૮ ॥
આયુરારોગ્યજનનં શૃણુષ્વાવહિતો મમ ।
અનન્તકોટિબ્રહ્માણ્ડસારં નિત્યં પરાત્પરમ્ ॥ ૯ ॥
સાધનં બ્રહ્મણો જ્ઞાનં યોગાનાં યોગસાધનમ્ ।
સાર્વજ્ઞગુહ્યસંસ્કારં સંસ્કારાદિફલપ્રદમ્ ॥ ૧૦ ॥
વાઞ્છાસિદ્ધિકરં સાક્ષાન્મહાપાતકનાશનમ્ ।
મહાદારિદ્ર્યશમનં મહૈશ્વર્યપ્રદાયકમ્ ॥ ૧૧ ॥
જપેદ્યઃ પ્રાતરિ પ્રીતો મધ્યાહ્નેઽસ્તમિતે રવૌ ।
નમસ્કૃત્ય જપેન્નામ ધ્યાનયોગપરાયણઃ ॥ ૧૨ ॥
કાકિનીશ્વરસંયોગં ધ્યાનં ધ્યાનગુણોદયમ્ ।
આદૌ ધ્યાનં સમાચર્ય નિર્મલોઽમલચેતસા ॥ ૧૩ ॥
ધ્યાયેદ્ દેવીં મહાકાલીં કાકિનીં કાલરૂપિણીમ્ ।
પરાનન્દરસોન્મત્તાં શ્યામાં કામદુઘાં પરામ્ ॥ ૧૪ ॥
ચતુર્ભુજાં ખડ્ગચર્મવરપદ્મધરાં હરામ્ ।
શત્રુક્ષયકરીં રત્નાઽલઙ્કારકોટિમણ્ડિતામ્ ॥ ૧૫ ॥
તરુણાનન્દરસિકાં પીતવસ્ત્રાં મનોરમામ્ ।
કેયૂરહારલલિતાં તાટઙ્કદ્વયશોભિતામ્ ॥ ૧૬ ॥
ઈશ્વરીં કામરત્નાખ્યાં કાકચઞ્ચુપુટાનનામ્ ।
સુન્દરીં વનમાલાઢ્યાં ચારુસિંહાસનસ્થિતામ્ ॥ ૧૭ ॥
હૃત્પદ્મકર્ણિકામધ્યાકાશસૌદામિનીપ્રભામ્ ।
એવં ધ્યાત્વા પઠેન્નામમઙ્ગલાનિ પુનઃ પુનઃ ॥ ૧૮ ॥
ઈશ્વરં કોટિસૂર્યાભં ધ્યાયેદ્ધૃદયમણ્ડલે ।
ચતુર્ભુજં વીરરૂપં લાવણ્યં ભાવસમ્ભવમ્ ॥ ૧૯ ॥
શ્યામં હિરણ્યભૂષાઙ્ગં ચન્દ્રકોટિસુશીતલમ્ ।
અભયં વરદં પદ્મં મહાખડ્ગધરં વિભુમ્ ॥ ૨૦ ॥
કિરીટિનં મહાકાયં સ્મિતહાસ્યં પ્રકાશકમ્ ।
હૃદયામ્બુજમધ્યસ્થં નૂપુરૈરુપશોભિતમ્ ॥ ૨૧ ॥
કોટિકાલાનલં દીપ્તં કાકિનીદક્ષિણસ્થિતમ્ ।
એવં વિચિન્ત્ય મનસા યોગિનં પરમેશ્વરમ્ ॥ ૨૨ ॥
તતઃ પઠેત્ સહસ્રાખ્યં વદામિ શૃણુ તત્પ્રભો ॥ ૨૩ ॥
અસ્ય શ્રીકાકિનીશ્વરસહસ્રનામસ્તોત્રસ્ય બ્રહ્માઋષિ ,
ગાયત્રીચ્છન્દઃ , જગદીશ્વર કાકિની દેવતા ,
નિર્વાણયોગાર્થ સિદ્ધયર્થે જપે વિનિયોગઃ ।
ૐ ઈશ્વરઃ કાકિનીશાન ઈશાન કમલેશ્વરી ।
ઈશઃ કાકેશ્વરીશાની ઈશ્વરીશઃ કુલેશ્વરી ॥ ૨૪ ॥
ઈશમોક્ષઃ કામધેનુઃ કપર્દીશઃ કપર્દિની ।
કૌલઃ કુલીનાન્તરગા કવિઃ કાવ્યપ્રકાશિની ॥ ૨૫ ॥
કલાદેશઃ સુકવિતા કારણઃ કરુણામયી ।
કઞ્જપત્રેક્ષણઃ કાલી કામઃ કોલાવલીશ્વરી ॥ ૨૬ ॥
કિરાતરૂપી કૈવલ્યા કિરણઃ કામનાશના ।
કાર્ણાટેશઃ સકર્ણાટી કલિકઃ કાલિકાપુટા ॥ ૨૭ ॥
કિશોરઃ કીશુનમિતા કેશવેશઃ કુલેશ્વરી ।
કેશકિઞ્જલ્કકુટિલઃ કામરાજકુતૂહલા ॥ ૨૮ ॥
કરકોટિધરઃ કૂટા ક્રિયાક્રૂરઃ ક્રિયાવતી ।
કુમ્ભહા કુમ્ભહન્ત્રી ચ કટકચ્છકલાવતી ॥ ૨૯ ॥
કઞ્જવક્ત્રઃ કાલમુખી કોટિસૂર્યકરાનના ।
કમ્રઃ કલપઃ સમૃદ્ધિસ્થા કુપોઽન્તસ્થઃ કુલાચલા ॥ ૩૦ ॥
કુણપઃ કૌલપાકાશા સ્વકાન્તઃ કામવાસિની ।
સુકૃતિઃ શાઙ્કરી વિદ્યા કલકઃ કલનાશ્રયા ॥ ૩૧ ॥
કર્કન્ધુસ્થઃ કૌલકન્યા કુલીનઃ કન્યકાકુલા ।
કુમારઃ કેશરી વિદ્યા કામહા કુલપણ્ડિતા ॥ ૩૨ ॥
કલ્કીશઃ કમનીયાઙ્ગી કુશલઃ કુશલાવતી ।
કેતકીપુષ્પમાલાઢ્યઃ કેતકીકુસુમાન્વિતા ॥ ૩૩ ॥
કુસુમાનન્દમાલાઢ્યઃ કુસુમામલમાલિકા ।
કવીન્દ્રઃ કાવ્યસમ્ભૂતઃ કામમઞ્જીરરઞ્જિની ॥ ૩૪ ॥
કુશાસનસ્થઃ કૌશલ્યાકુલપઃ કલ્પપાદપા ।
કલ્પવૃક્ષઃ કલ્પલતા વિકલ્પઃ કલ્પગામિની ॥ ૩૫ ॥
કઠોરસ્થઃ કાચનિભા કરાલઃ કાલવાસિની ।
કાલકૂટાશ્રયાનન્દઃ કર્કશાકાશવાહિની ॥ ૩૬ ॥
કટધૂમાકૃતિચ્છાયો વિકટાસનસંસ્થિતા ।
કાયધારી કૂપકરી કરવીરાગતઃ કૃષી ॥ ૩૭ ॥
કાલગમ્ભીરનાદાન્તા વિકલાલાપમાનસા ।
પ્રકૃતીશઃ સત્પ્રકૃતિઃ પ્રકૃષ્ટઃ કર્ષિણીશ્વરી ॥ ૩૮ ॥
ભગવાન્ વારુણીવર્ણા વિવર્ણો વર્ણરૂપિણી ।
સુવર્ણવર્ણો હેમાભો મહાન્ મહેન્દ્રપૂજિતા ॥ ૩૯ ॥
મહાત્મા મહતીશાની મહેશો મત્તગામિની ।
મહાવીરો મહાવેગા મહાલક્ષ્મીશ્વરો મતિઃ ॥ ૪૦ ॥
મહાદેવો મહાદેવી મહાનન્દો મહાકલા ।
મહાકાલો મહાકાલી મહાબલો મહાબલા ॥ ૪૧ ॥
મહામાન્યો મહામાન્યા મહાધન્યો મહાધની ।
મહામાલો મહામાલા મહાકાશો મહાકાશા ॥ ૪૨ ॥
મહાયશો મહાયજ્ઞા મહારાજો મહારજા ।
મહાવિદ્યો મહાવિદ્યા મહામુખ્યો મહામખી ॥ ૪૩ ॥
મહારાત્રો મહારાત્રિર્મહાધીરો મહાશયા ।
મહાક્ષેત્રો મહાક્ષેત્રા કુરુક્ષેત્રઃ કુરુપ્રિયા ॥ ૪૪ ॥
મહાચણ્ડો મહોગ્રા ચ મહામત્તો મહામતિઃ ।
મહાવેદો મહાવેદા મહોત્સાહો મહોત્સવા ॥ ૪૫ ॥
મહાકલ્પો મહાકલ્પા મહાયોગો મહાગતિઃ ।
મહાભદ્રો મહાભદ્રા મહાસૂક્ષ્મો મહાચલા ॥ ૪૬ ॥
મહાવાક્યો મહાવાણી મહાયજ્વા મહાજવા ।
મહામૂર્તીર્મહાકાન્તા મહાધર્મો મહાધના ॥ ૪૭ ॥
મહામહોગ્રો મહિષી મહાભોગ્યો મહાપ્રભા ।
મહાક્ષેમો મહામાયા મહામાયા મહારમા ॥ ૪૮ ॥
મહેન્દ્રપૂજિતા માતા વિભાલો મણ્ડલેશ્વરી ।
મહાવિકાલો વિકલા પ્રતલસ્થલલામગા ॥ ૪૯ ॥
કૈવલ્યદાતા કૈવલ્યા કૌતુકસ્થો વિકર્ષિણી ।
વાલાપ્રતિર્વાલપત્ની બલરામો વલાઙ્ગજા ॥ ૫૦ ॥
અવલેશઃ કામવીરા પ્રાણેશઃ પ્રાણરક્ષિણી ।
પઞ્ચમાચારગઃ પઞ્ચાપઞ્ચમઃ પઞ્ચમીશ્વરી ॥ ૫૧ ॥
પ્રપઞ્ચઃ પઞ્ચરસગા નિષ્પ્રપઞ્ચઃ કૃપામયી ।
કામરૂપી કામરૂપા કામક્રોધવિવર્જિતા ॥ ૫૨ ॥
કામાત્મા કામનિલયા કામાખ્યા કામચઞ્ચલા ।
કામપુષ્પધરઃ કામા કામેશઃ કામપુષ્પિણી ॥ ૫૩ ॥
મહામુદ્રાધરો મુદ્રા સન્મુદ્રઃ કામમુદ્રિકા ।
ચન્દ્રાર્ધકૃતભાલાભો વિધુકોટિમુખામ્બુજા ॥ ૫૪ ॥
ચન્દ્રકોટિપ્રભાધારી ચન્દ્રજ્યોતિઃસ્વરૂપિણી ।
સૂર્યાભો વીરકિરણા સૂર્યકોટિવિભાવિતા ॥ ૫૫ ॥
મિહિરેશો માનવકા અન્તર્ગ્ગામી નિરાશ્રયા ।
પ્રજાપતીશઃ કલ્યાણી દક્ષેશઃ કુલરોહિણી ॥ ૫૬ ॥
અપ્રચેતાઃ પ્રચેતસ્થા વ્યાસેશો વ્યાસપૂજિતા ।
કાશ્યપેશઃ કાશ્યપેશી ભૃગ્વીશો ભાર્ગવેશ્વરી ॥ ૫૭ ॥
વશિષ્ઠઃ પ્રિયભાવસ્થો વશિષ્ઠબાધિતાપરા ।
પુલસ્ત્યપૂજિતો દેવઃ પુલસ્ત્યચિત્તસંસ્થિતા ॥ ૫૮ ॥
અગસ્ત્યાર્ચ્યોઽગસ્ત્યમાતા પ્રહ્લાદેશો વલીશ્વરી ।
કર્દમેશઃ કર્દમાદ્યા બાલકો બાલપૂજિતા ॥ ૫૯ ॥
મનસ્થશ્ચાન્તરિક્ષસ્થા શબ્દજ્ઞાની સરસ્વતી ।
રૂપાતીતા રૂપશૂન્યા વિરૂપો રૂપમોહિની ॥ ૬૦ ॥
વિદ્યાધરેશો વિદ્યેશી વૃષસ્થો વૃષવાહિની ।
રસજ્ઞો રસિકાનન્દા વિરસો રસવર્જિતા ॥ ૬૧ ॥
સૌનઃ સનત્કુમારેશી યોગચર્યેશ્વરઃ પ્રિયા ।
દુર્વાશાઃ પ્રાણનિલયઃ સાઙ્ખ્યયોગસમુદ્ભવા ॥ ૬૨ ॥
અસઙ્ખ્યેયો માંસભક્ષા સુમાંસાશી મનોરમા ।
નરમાંસવિભોક્તા ચ નરમાંસવિનોદિની ॥ ૬૩ ॥
મીનવક્ત્રપ્રિયો મીના મીનભુઙ્મીનભક્ષિણી ।
રોહિતાશી મત્સ્યગન્ધા મત્સ્યનાથો રસાપહા ॥ ૬૪ ॥
પાર્વતીપ્રેમનિકરો વિધિદેવાધિપૂજિતા ।
વિધાતૃવરદો વેદ્યા વેદો વેદકુમારિકા ॥ ૬૫ ॥
શ્યામેશો સિતવર્ણા ચ ચાસિતોઽસિતરૂપિણી ।
મહામત્તાઽઽસવાશી ચ મહામત્તાઽઽસવપ્રિયા ॥ ૬૬ ॥
આસવાઢ્યોઽમનાદેવી નિર્મલાસવપામરા ।
વિસત્તો મદિરામત્તા મત્તકુઞ્જરગામિની ॥ ૬૭ ॥
મણિમાલાધરો માલામાતૃકેશઃ પ્રસન્નધીઃ ।
જરામૃત્યુહરો ગૌરી ગાયનસ્થો જરામરા ॥ ૬૮ ॥
સુચઞ્ચલોઽતિદુર્ધર્ષા કણ્ઠસ્થો હૃદ્ગતા સતી ।
અશોકઃ શોકરહિતા મન્દરસ્થો હિ મન્ત્રિણી ॥ ૬૯ ॥
મન્ત્રમાલાધરાનન્દો મન્ત્રયન્ત્રપ્રકાશિની ।
મન્ત્રાર્થચૈતન્યકરો મન્ત્રસિદ્ધિપ્રકાશિની ॥ ૭૦ ॥
મન્ત્રજ્ઞો મન્ત્રનિલયા મન્ત્રાર્થામન્ત્રમન્ત્રિણી ।
બીજધ્યાનસમન્તસ્થા મન્ત્રમાલેઽતિસિદ્ધિદા ॥ ૭૧ ॥
મન્ત્રવેત્તા મન્ત્રસિદ્ધિર્મન્ત્રસ્થો માન્ત્રિકાન્તરા ।
બીજસ્વરૂપો બીજેશી બીજમાલેઽતિ બીજિકા ॥ ૭૨ ॥
બીજાત્મા બીજનિલયા બીજાઢ્યા બીજમાલિની ।
બીજધ્યાનો બીજયજ્ઞા બીજાઢ્યા બીજમાલિની ॥ ૭૩ ॥
મહાબીજધરો બીજા બીજાઢ્યા બીજવલ્લભા ।
મેઘમાલા મેઘમાલો વનમાલી હલાયુધા ॥ ૭૪ ॥
કૃષ્ણાજિનધરો રૌદ્રા રૌદ્રી રૌદ્રગણાશ્રયા ।
રૌદ્રપ્રિયો રૌદ્રકર્ત્રી રૌદ્રલોકપ્રદઃ પ્રભા ॥ ૭૫ ॥
વિનાશી સર્વગાનાં ચ સર્વાણી સર્વસમ્પદા ।
નારદેશઃ પ્રધાનેશી વારણેશો વનેશ્વરી ॥ ૭૬ ॥
કૃષ્ણેશ્વરઃ કેશવેશી કૃષ્ણવર્ણસ્ત્રિલોચના ।
કામેશ્વરો રાઘવેશી બાલેશી વા બાણપૂજિતઃ ॥ ૭૭ ॥
ભવાનીશો ભવાની ચ ભવેન્દ્રો ભવવલ્લભા ।
ભવાનન્દોઽતિસૂક્ષ્માખ્યા ભવમૂતીર્ભવેશ્વરી ॥ ૭૮ ॥
ભવચ્છાયો ભવાનન્દો ભવભીતિહરો વલા ।
ભાષાજ્ઞાનીભાષમાલા મહાજીવોઽતિવાસના ॥ ૭૯ ॥
લોભાપદો લોભકર્ત્રી પ્રલોભો લોભવર્ધિની ।
મોહાતીતો મોહમાતા મોહજાલો મહાવતી ॥ ૮૦ ॥
મોહમુદ્ગરધારી ચ મોહમુદ્ગરધારિણી ।
મોહાન્વિતો મોહમુગ્ધા કામેશઃ કામિનીશ્વરી ॥ ૮૧ ॥
કામલાપકરોઽકામા સત્કામો કામનાશિની ।
બૃહન્મુખો બૃહન્નેત્રા પદ્માભોઽમ્બુજલોચના ॥ ૮૨ ॥
પદ્મમાલઃ પદ્મમાલા શ્રીદેવો દેવરક્ષિણી ।
અસિતોઽપ્યસિતા ચૈવ આહ્લાદો દેવમાતૃકા ॥ ૮૩ ॥
નાગેશ્વરઃ શૈલમાતા નાગેન્દ્રો વૈ નગાત્મજા ।
નારાયણેશ્વરઃ કીર્તિઃ સત્કીર્તિઃ કીર્તિવર્ધિની ॥ ૮૪ ॥
કાર્તિકેશઃ કાર્તિકી ચ વિકર્તા ગહનાશ્રયા ।
વિરક્તો ગરુડારૂઢા ગરુડસ્થો હિ ગારુડી ॥ ૮૫ ॥
ગરુડેશો ગુરુમયી ગુરુદેવો ગુરુપ્રદા ।
ગૌરાઙ્ગેશો ગૌરકન્યા ગઙ્ગેશઃ પ્રાઙ્ગણેશ્વરી ॥ ૮૬ ॥
પ્રતિકેશો વિશાલા ચ નિરાલોકો નિરીન્દ્રિયા ।
પ્રેતબીજસ્વરૂપશ્ચ પ્રેતાઽલઙ્કારભૂષિતા ॥ ૮૭ ॥
પ્રેમગેહઃ પ્રેમહન્ત્રી હરીન્દ્રો હરિણેક્ષણા ।
કાલેશઃ કાલિકેશાની કૌલિકેશશ્ચ કાકિની ॥ ૮૮ ॥
કાલમઞ્જીરધારી ચ કાલમઞ્જીરમોહિની ।
કરાલવદનઃ કાલી કૈવલ્યદાનદઃ કથા ॥ ૮૯ ॥
કમલાપાલકઃ કુન્તી કૈકેયીશઃ સુતઃ કલા ।
કાલાનલઃ કુલજ્ઞા ચ કુલગામી કુલાશ્રયા ॥ ૯૦ ॥
કુલધર્મસ્થિતઃ કૌલા કુલમાર્ગઃ કુલાતુરા ।
કુલજિહ્વઃ કુલાનન્દા કૃષ્ણઃ કૃષ્ણસમુદ્ભવા ॥ ૯૧ ॥
કૃષ્ણેશઃ કૃષ્ણમહિષી કાકસ્થઃ કાકચઞ્ચુકા ।
કાલધર્મઃ કાલરૂપા કાલઃ કાલપ્રકાશિની ॥ ૯૨ ॥
કાલજઃ કાલકન્યા ચ કાલેશઃ કાલસુન્દરી ।
ખડ્ગહસ્તઃ ખર્પરાઢ્યા ખરગઃ ખરખડ્ગની ॥ ૯૩ ॥
ખલબુદ્ધિહરઃ ખેલા ખઞ્જનેશઃ સુખાઞ્જની ।
ગીતપ્રિયો ગાયનસ્થા ગણપાલો ગૃહાશ્રયા ॥ ૯૪ ॥
ગર્ગપ્રિયો ગયાપ્રાપ્તિર્ગર્ગસ્થો હિ ગભીરિણા ।
ગારુડીશો હિ ગાન્ધર્વી ગતીશો ગાર્હવહ્નિજા ॥ ૯૫ ॥
ગણગન્ધર્વગોપાલો ગણગન્ધર્વગો ગતા ।
ગભીરમાની સમ્ભેદો ગભીરકોટિસાગરા ॥ ૯૬ ॥
ગતિસ્થો ગાણપત્યસ્થા ગણનાદ્યો ગવા તનૂઃ ।
ગન્ધદ્વારો ગન્ધમાલા ગન્ધાઢ્યો ગન્ધનિર્ગમા ॥ ૯૭ ॥
ગન્ધમોહિતસર્વાઙ્ગો ગન્ધચઞ્ચલમોહિની ।
ગન્ધપુષ્પધૂપદીપનૈવેદ્યાદિપ્રપૂજિતા ॥ ૯૮ ॥
ગન્ધાગુરુસુકસ્તૂરી કુઙ્કુમાદિવિમણ્ડિતા ।
ગોકુલા મધુરાનન્દા પુષ્પગન્ધાન્તરસ્થિતા ॥ ૯૯ ॥
ગન્ધમાદનસમ્ભૂતપુષ્પમાલ્યવિભૂષિતઃ ।
રત્નાદ્યશેષાલઙ્કારમાલામણ્ડિતવિગ્રહઃ ॥ ૧૦૦ ॥
સ્વર્ણાદ્યશેષાલઙ્કારહારમાલાવિમણ્ડિતા ।
કરવીરા યુતપ્રખ્યરક્તલોચનપઙ્કજઃ ॥ ૧૦૧ ॥
જવાકોટિકોટિશત ચારુલોચનપઙ્કજા ।
ઘનકોટિમહાનાસ્ય પઙ્કજાલોલવિગ્રહા ॥ ૧૦૨ ॥
ઘર્ઘરધ્વનિમાનન્દકાવ્યામ્બુધિમુખામ્બુજા ।
ઘોરચિત્રસર્પરાજ માલાકોટિશતાઙ્કભૃત્ ॥ ૧૦૩ ॥
ઘનઘોરમહાનાગ ચિત્રમાલાવિભૂષિતા ।
ઘણ્ટાકોટિમહાનાદમાનન્દલોલવિગ્રહઃ ॥ ૧૦૪ ॥
ઘણ્ટાડમરુમન્ત્રાદિ ધ્યાનાનન્દકરામ્બુજા ।
ઘટકોટિકોટિશતસહસ્રમઙ્ગલાસના ॥ ૧૦૫ ॥
ઘણ્ટાશઙ્ખપદ્મચક્રવરાભયકરામ્બુજા ।
ઘાતકો રિપુકોટીનાં શુમ્ભાદીનાં તથા સતામ્ ॥ ૧૦૬ ॥
ઘાતિનીદૈત્યઘોરાશ્ચ શઙ્ખાનાં સતતં તથા ।
ચાર્વાકમતસઙ્ઘાતચતુરાનનપઙ્કજઃ ॥ ૧૦૭ ॥
ચઞ્ચલાનન્દસર્વાર્થસારવાગ્વાદિનીશ્વરી ।
ચન્દ્રકોટિસુનિર્માલ માલાલમ્બિતકણ્ઠભૃત્ ॥ ૧૦૮ ॥
ચન્દ્રકોટિસમાનસ્ય પઙ્કેરુહમનોહરા ।
ચન્દ્રજ્યોત્સ્નાયુતપ્રખ્યહારભૂષિતમસ્તકઃ ॥ ૧૦૯ ॥
ચન્દ્રબિમ્બસહસ્રાભાયુતભૂષિતમસ્તકઃ ।
ચારુચન્દ્રકાન્તમણિમણિહારાયુતાઙ્ગભૃત્ ॥ ૧૧૦ ॥
ચન્દનાગુરુકસ્તૂરી કુઙ્કુમાસક્તમાલિની ।
ચણ્ડમુણ્ડમહામુણ્ડાયુતનિર્મલમાલ્યભૃત્ ॥ ૧૧૧ ॥
ચણ્ડમુણ્ડઘોરમુણ્ડનિર્માણકુલમાલિની ।
ચણ્ડાટ્ટહાસઘોરાઢ્યવદનામ્ભોજચઞ્ચલઃ ॥ ૧૧૨ ॥
ચલત્ખઞ્જનનેત્રામ્ભોરુહમોહિતશઙ્કરા ।
ચલદમ્ભોજનયનાનન્દપુષ્પકરમોહિતઃ ॥ ૧૧૩ ॥
ચલદિન્દુભાષમાણાવગ્રહખેદચન્દ્રિકા ।
ચન્દ્રાર્ધકોટિકિરણચૂડામણ્ડલમણ્ડિતઃ ॥ ૧૧૪ ॥
ચન્દ્રચૂડામ્ભોજમાલા ઉત્તમાઙ્ગવિમણ્ડિતઃ ।
ચલદર્કસહસ્રાન્ત રત્નહારવિભૂષિતઃ ॥ ૧૧૫ ॥
ચલદર્કકોટિશતમુખામ્ભોજતપોજ્જ્વલા ।
ચારુરત્નાસનામ્ભોજચન્દ્રિકામધ્યસંસ્થિતઃ ॥ ૧૧૬ ॥
ચારુદ્વાદશપત્રાદિ કર્ણિકાસુપ્રકાશિકા ।
ચમત્કારગટઙ્કારધુનર્બાણકરામ્બુજઃ ॥ ૧૧૭ ॥
ચતુર્થવેદગાથાદિ સ્તુતિકોટિસુસિદ્ધિદા ।
ચલદમ્બુજનેત્રાર્કવહ્નિચન્દ્રત્રયાન્વિતઃ ॥ ૧૧૮ ॥
ચલત્સહસ્રસઙ્ખ્યાત પઙ્કજાદિપ્રકાશિકા ।
ચમત્કારાટ્ટહાસાસ્ય સ્મિતપઙ્કજરાજયઃ ॥ ૧૧૯ ॥
ચમત્કારમહાઘોરસાટ્ટાટ્ટહાસશોભિતા ।
છાયાસહસ્રસંસારશીતલાનિલશીતલઃ ॥ ૧૨૦ ॥
છદપદ્મપ્રભામાનસિંહાસનસમાસ્થિતા ।
છલત્કોટિદૈત્યરાજમુણ્ડમાલાવિભૂષિતઃ ॥ ૧૨૧ ॥
છિન્નાદિકોટિમન્ત્રાર્થજ્ઞાનચૈતન્યકારિણી ।
ચિત્રમાર્ગમહાધ્વાન્તગ્રન્થિસમ્ભેદકારકઃ ॥ ૧૨૨ ॥
અસ્ત્રકાસ્ત્રાદિબ્રહ્માસ્ત્રસહસ્રકોટિધારિણી ।
અજામાંસાદિસદ્ભક્ષરસામોદપ્રવાહગઃ ॥ ૧૨૩ ॥
છેદનાદિમહોગ્રાસ્ત્રે ભુજવામપ્રકાશિની ।
જયાખ્યાદિમહાસામ જ્ઞાનાર્થસ્ય પ્રકાશકઃ ॥ ૧૨૪ ॥
જાયાગણહૃદમ્ભોજ બુદ્ધિજ્ઞાનપ્રકાશિની ।
જનાર્દનપ્રેમભાવ મહાધનસુખપ્રદઃ ॥ ૧૨૫ ॥
જગદીશકુલાનન્દસિન્ધુપઙ્કજવાસિની ।
જીવનાસ્થાદિજનકઃ પરમાનન્દયોગિનામ્ ॥ ૧૨૬ ॥
જનની યોગશાસ્ત્રાણાં ભક્તાનાં પાદપદ્મયોઃ ।
રુક્ષપવનનિર્વાતમહોલ્કાપાતકારુણઃ ॥ ૧૨૭ ॥
ઝર્ઝરીમધુરી વીણા વેણુશઙ્ખપ્રવાદિની ।
ઝનત્કારૌઘસંહારકરદણ્ડવિશાનધૃક્ ॥ ૧૨૮ ॥
ઝર્ઝરીનાયિકાર્ય્યાદિકરામ્ભોજનિષેવિતા ।
ટઙ્કારભાવસંહારમહાજાગરવેશધૃક્ ॥ ૧૨૯ ॥
ટઙ્કાસિપાશુપાતાસ્ત્રચર્મકાર્મુકધારિણી ।
ટલનાનલસઙ્ઘટ્ટપટ્ટામ્બરવિભૂષિતઃ ॥ ૧૩૦ ॥
ટુલ્ટુની કિઙ્કિણી કોટિ વિચિત્રધ્વનિગામિની ।
ઠં ઠં ઠં મનુમૂલાન્તઃ સ્વપ્રકાશપ્રબોધકઃ ॥ ૧૩૧ ॥
ઠં ઠં ઠં પ્રખરાહ્લાદનાદસંવાદવાદિની ।
ઠં ઠં ઠં કૂર્મપૃષ્ઠસ્થઃ કામચાકારભાસનઃ ॥ ૧૩૨ ॥
ઠં ઠં ઠં બીજવહ્નિસ્થ હાતુકભ્રૂવિભૂષિતા ।
ડામરપ્રખરાહ્લાદસિદ્ધિવિદ્યાપ્રકાશકઃ ॥ ૧૩૩ ॥
ડિણ્ડિમધ્વાનમધુરવાણીસમ્મુખપઙ્કજા ।
ડં ડં ડં ખરકૃત્યાદિ મારણાન્તઃપ્રકાશિકા ॥ ૧૩૪ ॥
ઢક્કારવાદ્યભૂપૂરતારસપ્તસ્વરાશ્રયઃ ।
ઢૌં ઢૌં ઢૌં ઢૌકઢક્કલં વહ્નિજાયામનુપ્રિયઃ ॥ ૧૩૫ ॥
ઢં ઢં ઢં ઢૌં ઢ ઢં ઢ કૃત્યેત્થાહેતિ વાસિની ।
તારકબ્રહ્મમન્ત્રસ્થઃ શ્રીપાદપદ્મભાવકઃ ॥ ૧૩૬ ॥
તારિણ્યાદિમહામન્ત્ર સિદ્ધિસર્વાર્થસિદ્ધિદા ।
તન્ત્રમન્ત્રમહાયન્ત્ર વેદયોગસુસારવિત્ ॥ ૧૩૭ ॥
તાલવેતાલદૈતાલશ્રીતાલાદિસુસિદ્ધદા ।
તરુકલ્પલતાપુષ્પકલબીજપ્રકાશકઃ ॥ ૧૩૮ ॥
ડિન્તિડીતાલહિન્તાલતુલસીકુલવૃક્ષજા ।
અકારકૂટવિન્દ્વિન્દુમાલામણ્ડિતવિગ્રહઃ ॥ ૧૩૯ ॥
સ્થાતૃપ્રસ્થપ્રથાગાથાસ્થૂલસ્થિત્યન્તસંહરા ।
દરીકુઞ્જહેમમાલાવનમાલાદિભૂષિતઃ ॥ ૧૪૦ ॥
દારિદ્ર્યદુઃખદહનકાલાનલશતોપમઃ ।
દશસાહસ્રવક્ત્રામ્ભોરુહશોભિતવિગ્રહઃ ॥ ૧૪૧ ॥
પાશાભયવરાહ્લાદધનધર્માદિવર્ધિની ।
ધર્મકોટિશતોલ્લાસસિદ્ધિઋદ્ધિસમૃદ્ધિદા ॥ ૧૪૨ ॥
ધ્યાનયોગજ્ઞાનયોગમન્ત્રયોગફલપ્રદા ।
નામકોટિશતાનન્તસુકીર્તિગુણમોહનઃ ॥ ૧૪૩ ॥
નિમિત્તફલસદ્ભાવભાવાભાવવિવર્જિતા ।
પરમાનન્દપદવી દાનલોલપદામ્બુજઃ ॥ ૧૪૪ ॥
પ્રતિષ્ઠાસુનિવૃત્તાદિ સમાધિફલસાધિની ।
ફેરવીગણસન્માનવસુસિદ્ધિપ્રદાયકઃ ॥ ૧૪૫ ॥
ફેત્કારીકુલતન્ત્રાદિ ફલસિદ્ધિસ્વરૂપિણી ।
વરાઙ્ગનાકોટિકોટિકરામ્ભોજનિસેવિતા ॥ ૧૪૬ ॥
વરદાનજ્ઞાનદાન મોક્ષદાતિચઞ્ચલા ।
ભૈરવાનન્દનાથાખ્ય શતકોટિમુદાન્વિતઃ ॥ ૧૪૭ ॥
ભાવસિદ્ધિક્રિયાસિદ્ધિ સાષ્ટાઙ્ગસિદ્ધિદાયિની ।
મકારપઞ્ચકાહ્લાદમહામોદશરીરધૃક્ ॥ ૧૪૮ ॥
મદિરાદિપઞ્ચતત્ત્વનિર્વાણજ્ઞાનદાયિની ।
યજમાનક્રિયાયોગવિભાગફલદાયકઃ ॥ ૧૪૯ ॥
યશઃ સહસ્રકોટિસ્થ ગુણગાયનતત્પરા ।
રણમધ્યસ્થકાલાગ્નિ ક્રોધધારસુવિગ્રહઃ ॥ ૧૫૦ ॥
કાકિનીશાકિનીશક્તિયોગાદિ કાકિનીકલા ।
લક્ષણાયુતકોટીન્દુલલાટતિલકાન્વિતઃ ॥ ૧૫૧ ॥
લાક્ષાબન્ધૂકસિન્દૂરવર્ણલાવણ્યલાલિતા ।
વાતાયુતસહસ્રાઙ્ગઘૂર્ણાયમાનભૂધરઃ ॥ ૧૫૨ ॥
વિવસ્વત્પ્રેમભક્તિસ્થ ચરણદ્વન્દ્વનિર્મલા ।
શ્રીસીતાપતિશુદ્ધાઙ્ગ વ્યાપ્તેન્દ્રનીલસન્નિભઃ ॥ ૧૫૩ ॥
શીતનીલાશતાનન્દસાગરપ્રેમભક્તિદા ।
ષટ્પઙ્કેરુહદેવાદિસ્વપ્રકાશપ્રબોધિની ॥ ૧૫૪ ॥
મહોમીસ્થષડાધારપ્રસન્નહૃદયામ્બુજા ।
શ્યામપ્રેમકલાબન્ધસર્વાઙ્ગકુલનાયકઃ ॥ ૧૫૫ ॥
સંસારસારશાસ્ત્રાદિ સમ્બન્ધસુન્દરાશ્રયા ।
હ્સૌઃ પ્રેતમહાબીજમાલાચિત્રિતકણ્ઠધૃક્ ॥ ૧૫૬ ॥
હકારવામકર્ણાઢ્ય ચન્દ્રબિન્દુવિભૂષિતા ।
લયસૃષ્ટિસ્થિતિક્ષેત્રપાનપાલકનામધૃક્ ॥ ૧૫૭ ॥
લક્ષ્મીલક્ષજપાનન્દસિદ્ધિસિદ્ધાન્તવર્ણિની ।
ક્ષુન્નિવૃત્તિક્ષપારક્ષા ક્ષુધાક્ષોભનિવારકઃ ॥ ૧૫૮ ॥
ક્ષત્રિયાદિકુરુક્ષેત્રારુણાક્ષિપ્તત્રિલોચના ।
અનન્ત ઇતિહાસસ્થ આજ્ઞાગામી ચ ઈશ્વરી ॥ ૧૫૯ ॥
ઉમેશ ઉટકન્યેશી ઋદ્ધિસ્થહૃસ્થગોમુખી ।
ગકારેશ્વરસંયુક્ત ત્રિકુણ્ડદેવતારિણી ॥ ૧૬૦ ॥
ઐણાચીશપ્રિયાનન્દ ઐરાવતકુલેશ્વરી ।
ઓઢ્રપુષ્પાનન્તદીપ્ત ઓઢ્રપુષ્પાનખાગ્રકા ॥ ૧૬૧ ॥
એહૃત્યશતકોટિસ્થ ઔ દીર્ઘપ્રણવાશ્રયા ।
અઙ્ગસ્થાઙ્ગદેવસ્થા અર્યસ્થશ્ચાર્યમેશ્વરી ॥ ૧૬૨ ॥
માતૃકાવર્ણનિલયઃ સર્વમાતૃકલાન્વિતા ।
માતૃકામન્ત્રજાલસ્થઃ પ્રસન્નગુણદાયિની ॥ ૧૬૩ ॥
અત્યુત્કટપથિપ્રજ્ઞા ગુણમાતૃપદે સ્થિતા ।
સ્થાવરાનન્દદેવેશો વિસર્ગાન્તરગામિની ॥ ૧૬૪ ॥
અકલઙ્કો નિષ્કલઙ્કો નિરાધારો નિરાશ્રયા ।
નિરાશ્રયો નિરાધારો નિર્બીજો બીજયોગિની ॥ ૧૬૫ ॥
નિઃશઙ્કો નિસ્પૃહાનન્દો સિન્ધૂરત્નાવલિપ્રભા ।
આકાશસ્થઃ ખેચરી ચ સ્વર્ગદાતા શિવેશ્વરી ॥ ૧૬૬ ॥
સૂક્ષ્માતિસૂક્ષ્માત્વૈર્જ્ઞેયા દારાપદુઃખહારિણી ।
નાનાદેશસમુદ્ભૂતો નાનાલઙ્કારલઙ્કૃતા ॥ ૧૬૭ ॥
નવીનાખ્યો નૂતનસ્થ નયનાબ્જનિવાસિની ।
વિષયાખ્યવિષાનન્દા વિષયાશી વિષાપહા ॥ ૧૬૮ ॥
વિષયાતીતભાવસ્થો વિષયાનન્દઘાતિની ।
વિષયચ્છેદનાસ્ત્રસ્થો વિષયજ્ઞાનનાશિની ॥ ૧૬૯ ॥
સંસારછેદકચ્છાયો ભવચ્છાયો ભવાન્તકા ।
સંસારાર્થપ્રવર્તશ્ચ સંસારપરિવર્તિકા ॥ ૧૭૦ ॥
સંસારમોહહન્તા ચ સંસારાર્ણવતારિણી ।
સંસારઘટકશ્રીદાસંસારધ્વાન્તમોહિની ॥ ૧૭૧ ॥
પઞ્ચતત્ત્વસ્વરૂપશ્ચ પઞ્ચતત્ત્વપ્રબોધિની ।
પાર્થિવઃ પૃથિવીશાની પૃથુપૂજ્યઃ પુરાતની ॥ ૧૭૨ ॥
વરુણેશો વારુણા ચ વારિદેશો જલોદ્યમા ।
મરુસ્થો જીવનસ્થા ચ જલભુગ્જલવાહના ॥ ૧૭૩ ॥
તેજઃ કાન્તઃ પ્રોજ્જ્વલસ્થા તેજોરાશેસ્તુ તેજસી ।
તેજસ્થસ્તેજસો માલા તેજઃ કીર્તિઃ સ્વરશ્મિગા ॥ ૧૭૪ ॥
પવનેશશ્ચાનિલસ્થા પરમાત્મા નિનાન્તરા ।
વાયુપૂરકકારી ચ વાયુકુમ્ભકવર્ધિની ॥ ૧૭૫ ॥
વાયુચ્છિદ્રકરો વાતા વાયુનિર્ગમમુદ્રિકા ।
કુમ્ભકસ્થો રેચકસ્થા પૂરકસ્થાતિપૂરિણી ॥ ૧૭૬ ॥
વાય્વાકાશાધારરૂપી વાયુસઞ્ચારકારિણી ।
વાયુસિદ્ધિકરો દાત્રી વાયુયોગી ચ વાયુગા ॥ ૧૭૭ ॥
આકાશપ્રકરો બ્રાહ્મી આકાશાન્તર્ગતદ્રિગા ।
આકાશકુમ્ભકાનન્દો ગગનાહ્લાદવર્ધિની ॥ ૧૭૮ ॥
ગગનાચ્છન્નદેહસ્થો ગગનાભેદકારિણી ।
ગગનાદિમહાસિદ્ધો ગગનગ્રન્થિભેદિની ॥ ૧૭૯ ॥
કલકર્મા મહાકાલી કાલયોગી ચ કાલિકા ।
કાલછત્રઃ કાલહત્યા કાલદેવો હિ કાલિકા ॥ ૧૮૦ ॥
કાલબ્રહ્મસ્વરૂપશ્ચ કાલિતત્ત્વાર્થરક્ષિણી ।
દિગમ્બરો દિક્પતિસ્થા દિગાત્મા દિગિભાસ્વરા ॥ ૧૮૧ ॥
દિક્પાલસ્થો દિક્પ્રસન્ના દિગ્વલો દિક્કુલેશ્વરી ।
દિગઘોરો દિગ્વસના દિગ્વીરા દિક્પતીશ્વરી ॥ ૧૮૨ ॥
આત્માર્થો વ્યાપિતત્ત્વજ્ઞ આત્મજ્ઞાની ચ સાત્મિકા ।
આત્મીયશ્ચાત્મબીજસ્થા ચાન્તરાત્માત્મમોહિની ॥ ૧૮૩ ॥
આત્મસઞ્જ્ઞાનકારી ચ આત્માનન્દસ્વરૂપિણી ।
આત્મયજ્ઞો મહાત્મજ્ઞા મહાત્માત્મપ્રકાશિની ॥ ૧૮૪ ॥
આત્મવિકારહન્તા ચ વિદ્યાત્મીયાદિદેવતા ।
મનોયોગકરો દુર્ગા મનઃ પ્રત્યક્ષ ઈશ્વરી ॥ ૧૮૫ ॥
મનોભવનિહન્તા ચ મનોભવવિવર્ધિની ।
મનશ્ચાન્તરીક્ષયોગો નિરાકારગુણોદયા ॥ ૧૮૬ ॥
મનોનિરાકારયોગી મનોયોગેન્દ્રસાક્ષિણી ।
મનઃપ્રતિષ્ઠો મનસા માનશઙ્કા મનોગતિઃ ॥ ૧૮૭ ॥
નવદ્રવ્યનિગૂઢાર્થો નરેન્દ્રવિનિવારિણી ।
નવીનગુણકર્માદિસાકારઃ ખગગામિની ॥ ૧૮૮ ॥
અત્યુન્મત્તા મહાવાણી વાયવીશો મહાનિલા ।
સર્વપાપાપહન્તા ચ સર્વવ્યાધિનિવારિણી ॥ ૧૮૯ ॥
દ્વારદેવીશ્વરી પ્રીતિઃ પ્રલયાગ્નિઃ કરાલિની ।
ભૂષણ્ડગણતાતશ્ચ ભૂઃષણ્ડરુધિરપ્રદા ॥ ૧૯૦ ॥
કાકાવલીશઃ સર્વેશી કાકપુચ્છધરો જયા ।
અજિતેશો જિતાનન્દા વીરભદ્રઃ પ્રભાવતી ॥ ૧૯૧ ॥
અન્તર્નાડીગતપ્રાણો વૈશેષિકગુણોદયા ।
રત્નનિર્મિતપીઠસ્થઃ સિંહસ્થા રથગામિની ॥ ૧૯૨ ॥
કુલકોટીશ્વરાચાર્યો વાસુદેવનિષેવિતા ।
આધારવિરહજ્ઞાની સર્વાધારસ્વરૂપિણી ॥ ૧૯૩ ॥
સર્વજ્ઞઃ સર્વવિજ્ઞાના માર્તણ્ડો યશ ઇલ્વલા ।
ઇન્દ્રેશો વિન્ધ્યશૈલેશી વારણેશઃ પ્રકાશિની ॥ ૧૯૪ ॥
અનન્તભુજરાજેન્દ્રો અનન્તાક્ષરનાશિની ।
આશીર્વાદસ્તુ વરદોઽનુગ્રહોઽનુગ્રહક્રિયા ॥ ૧૯૫ ॥
પ્રેતાસનસમાસીનો મેરુકુઞ્જનિવાસિની ।
મણિમન્દિરમધ્યસ્થો મણિપીઠનિવાસિની ॥ ૧૯૬ ॥
સર્વપ્રહરણઃ પ્રેતો વિધિવિદ્યાપ્રકાશિની ।
પ્રચણ્ડનયનાનન્દો મઞ્જીરકલરઞ્જિની ॥ ૧૯૭ ॥
કલમઞ્જીરપાદાબ્જો બલમૃત્યુપરાયણા ।
કુલમાલાવ્યાપિતાઙ્ગઃ કુલેન્દ્રઃ કુલપણ્ડિતા ॥ ૧૯૮ ॥
બાલિકેશો રુદ્રચણ્ડા બાલેન્દ્રાઃ પ્રાણબાલિકા ।
કુમારીશઃ કામમાતા મન્દિરેશઃ સ્વમન્દિરા ॥ ૧૯૯ ॥
અકાલજનનીનાથો વિદગ્ધાત્મા પ્રિયઙ્કરી ।
વેદાદ્યો વેદજનની વૈરાગ્યસ્થો વિરાગદા ॥ ૨૦૦ ॥
સ્મિતહાસ્યાસ્યકમલઃ સ્મિતહાસ્યવિમોહિની ।
દન્તુરેશો દન્તુરુ ચ દન્તીશો દર્શનપ્રભા ॥ ૨૦૧ ॥
દિગ્દન્તો હિ દિગ્દશના ભ્રષ્ટભુક્ ચર્વણપ્રિયા ।
માંસપ્રધાના ભોક્તા ચ પ્રધાનમાંસભક્ષિણી ॥ ૨૦૨ ॥
મત્સ્યમાંસમહામુદ્રા રજોરુધિરભુક્પ્રિયા ।
સુરામાંસમહામીનમુદ્રામૈથુનસુપ્રિયા ॥ ૨૦૩ ॥
કુલદ્રવ્યપ્રિયાનન્દો મદ્યાદિકુલસિદ્ધિદા ।
હૃત્કણ્ઠભ્રૂસહસ્રારભેદનોઽન્તે વિભેદિની ॥ ૨૦૪ ॥
પ્રસન્નહૃદયામ્ભોજઃ પ્રસન્નહૃદયામ્બુજા ।
પ્રસન્નવરદાનાઢ્યઃ પ્રસન્નવરદાયિની ॥ ૨૦૫ ॥
પ્રેમભક્તિપ્રકાશાઢ્યઃ પ્રેમાનન્દપ્રકાશિની ॥ ૨૦૬ ॥
પ્રભાકરફલોદયઃ પરમસૂક્ષ્મપુરપ્રિયા ।
પ્રભાતરવિરશ્મિગઃ પ્રથમભાનુશોભાન્વિતા ।
પ્રચણ્ડરિપુમન્મથઃ પ્રચલિતેન્દુદેહોદ્ગતઃ ।
પ્રભાપટલપાટલપ્રચયધર્મપુઞ્જાચીતા ॥ ૨૦૭ ॥
સુરેન્દ્રગણપૂજિતઃ સુરવરેશસમ્પૂજિતા ।
સુરેન્દ્રકુલ સેવિતો નરપતીન્દ્રસંસેવિતા ।
ગણેન્દ્ર ગણનાયકો ગણપતીન્દ્ર દેવાત્મજા ।
ભવાર્ણવર્ગતારકો જલધિકર્ણધારપ્રિયા ॥ ૨૦૮ ॥
સુરાસુરકુલોદ્ભવઃ સુરરિપુપ્રસિદ્ધિસ્થિતા
સુરારિગણઘાતકઃ સુરગણેન્દ્રસંસિદ્ધિદા ।
અભીપ્સિતફલપ્રદઃ સુરવરાદિસિદ્ધિપ્રદા
પ્રિયાઙ્ગજ કુલાર્થદઃ સુતધનાપવર્ગપ્રદા ॥ ૨૦૯ ॥
શિવસ્વશિવકાકિની હરહરા ચ ભીમસ્વના
ક્ષિતીશ ઇષુરક્ષકા સમનદર્પહન્તોદયા ।
ગુણેશ્વર ઉમાપતી હૃદયપદ્મભેદી ગતિઃ
ક્ષપાકરલલાટધૃક્ સ્વસુખમાર્ગસન્દાયિની ॥ ૨૧૦ ॥
શ્મશાનતટનિષ્પટ પ્રચટહાસકાલઙ્કૃતા
હઠત્શઠમનસ્તટે સુરકપાટસંછેદકઃ ।
સ્મરાનનવિવર્ધનઃ પ્રિયવસન્તસમ્બાયવી
વિરાજિતમુખામ્બુજઃ કમલમઞ્જસિંહાસના ॥ ૨૧૧ ॥
ભવો ભવપતિપ્રભાભવઃ કવિશ્ચ ભાવ્યાસુરૈઃ
ક્રિયેશ્વર ઈલાવતી તરુણગાહિતારાવતી ।
મુનીન્દ્રમનુસિદ્ધિદઃ સુરમુનીન્દ્રસિદ્ધાયુષી
મુરારિહરદેહગસ્ત્રિભુવના વિનાશક્રિયા ॥ ૨૧૨ ॥
દ્વિકઃ કનકકાકિની કનકતુઙ્ગકીલાલકઃ
કમલાકુલઃ કુલકલાર્કમાલામલા ।
સુભક્ત તમસાધકપ્રકૃતિયોગયોગ્યાર્ચિતો
વિવેકગતમાનસઃ પ્રભુપરાદિહસ્તાચીતા ॥ ૨૧૩ ॥
ત્વમેવ કુલનાયકઃ પ્રલયયોગવિદ્યેશ્વરી
પ્રચણ્ડગણગો નગાભુવનદર્પહારી હરા ।
ચરાચરસહસ્રગઃ સકલરૂપમધ્યસ્થિતઃ
સ્વનામગુણપૂરકઃ સ્વગુણનામસમ્પૂરણી ॥ ૨૧૪ ॥
ઇતિ તે કથિતં નાથ સહસ્રનામ મઙ્ગલમ્ ।
અત્યદ્ભુતં પરાનન્દરસસિદ્ધાન્તદાયકમ્ ॥ ૨૧૫ ॥
માતૃકામન્ત્રઘટિતં સર્વસિદ્ધાન્તસાગરમ્ ।
સિદ્ધવિદ્યામહોલ્લાસ માનન્દગુણસાધનમ્ ॥ ૨૧૬ ॥
દુર્લભં સર્વલોકેષુ યામલે તત્પ્રકાશિતમ્ ।
તવ સ્નેહરસામોદમોહિતાનન્દભૈરવ ॥ ૨૧૭ ॥
કુત્રાપિ નાપિ કથિતં સ્વસિદ્ધ હાનિશઙ્કયા ।
સર્વાદિયોગ સિદ્ધાન્તસિદ્ધયે ભુક્તિમુક્તયે ॥ ૨૧૮ ॥
પ્રેમાહ્લાદરસેનૈવ દુર્લભં તત્પ્રકાશિતમ્ ।
યેન વિજ્ઞાતમાત્રેણ ભવેદ્છ્રીભૈરવેશ્વરઃ ॥ ૨૧૯ ॥
એતન્નામ શુભફલં વક્તું ન ચ સમર્થકઃ ।
કોટિવર્ષશતૈનાપિ યત્ફલં લભતે નરઃ ॥ ૨૨૦ ॥
તત્ફલં યોગિનામેક ક્ષણાલ્લભ્યં ભવાર્ણવે ।
યઃ પઠેત્ પ્રાતરુત્થાય દુર્ગગ્રહનિવરણાત્ ॥ ૨૨૧ ॥
દુષ્ટેન્દ્રિયભયેનાપિ મહાભયનિવારણાત્ ।
ધ્યાત્વા નામ જપેન્નિત્યં મધ્યાહ્ને ચ વિશેષતઃ ॥ ૨૨૨ ॥
સન્ધ્યાયાં રાત્રિયોગે ચ સાધયેન્નામસાધનમ્ ।
યોગાભ્યાસે ગ્રન્થિભેદે યોગધ્યાનનિરૂપણે ॥ ૨૨૩ ॥
પઠનાદ્ યોગસિદ્ધિઃ સ્યાદ્ ગ્રન્થિભેદો દિને દિને ।
યોગજ્ઞાનપ્રસિદ્ધિઃ સ્યાદ્ યોગઃ સ્યાદેકચિત્તતઃ ॥ ૨૨૪ ॥
દેહસ્થ દેવવશ્યાય મહામોહપ્રશાન્તયે ।
સ્તમ્ભનાયારિસૈન્યાનાં પ્રત્યહં પ્રપઠેચ્છુચિઃ ॥ ૨૨૫ ॥
ભક્તિભાવેન પાઠેન સર્વકર્મસુ સુક્ષમઃ ।
સ્તમ્ભયેત્ પરસૈન્યાનિ વારૈકપાઠમાત્રતઃ ॥ ૨૨૬ ॥
વારત્રયપ્રપઠનાદ્ વશયેદ્ ભુવનત્રયમ્ ।
વારત્રયં તુ પ્રપઠેદ્ યો મૂર્ખઃ પણ્ડિતોઽપિ વા ॥ ૨૨૭ ॥
શાન્તિમાપ્નોતિ પરમાં વિદ્યાં ભુવનમોહિનીમ્ ।
પ્રતિષ્ઠાઞ્ચ તતઃ પ્રાપ્ય મોક્ષનિર્વાણમાપ્નુયાત્ ॥ ૨૨૮ ॥
વિનાશયેદરીઞ્છીઘ્રં ચતુર્વારપ્રપાઠને ।
પઞ્ચાવૃત્તિપ્રપાઠેન શત્રુમુચ્ચાટયેત્ ક્ષણાત્ ॥ ૨૨૯ ॥
ષડાવૃત્યા સાધકેન્દ્રઃ શત્રૂણાં નાશકો ભવેત્ ।
આકર્ષયેત્ પરદ્રવ્યં સપ્તવારં પઠેદ્ યદિ ॥ ૨૩૦ ॥
એવં ક્રમગતં ધ્યાત્વા યઃ પઠેદતિભક્તિતઃ ।
સ ભવેદ્ યોગિનીનાથો મહાકલ્પદ્રુમોપમઃ ॥ ૨૩૧ ॥
ગ્રન્થિભેદસમર્થઃ સ્યાન્માસમાત્રં પઠેદ્ યદિ ।
દૂરદર્શી મહાવીરો બલવાન્ પણ્ડિતેશ્વરઃ ॥ ૨૩૨ ॥
મહાજ્ઞાની લોકનાથો ભવત્યેવ ન સંશયઃ ।
માસૈકેન સમર્થઃ સ્યાન્નિર્વાણમોક્ષસિદ્ધિભાક્ ॥ ૨૩૩ ॥
પ્રપઠેદ્ યોગસિદ્ધ્યર્થં ભાવકઃ પરમપ્રિયઃ ।
શૂન્યાગારે ભૂમિગર્તમણ્ડપે શૂન્યદેશકે ॥ ૨૩૪ ॥
ગઙ્ગાગર્ભે મહારણ્યે ચૈકાન્તે નિર્જનેઽપિ વા ।
દુર્ભિક્ષવર્જિતે દેશે સર્વોપદ્રવવર્જિતે ॥ ૨૩૫ ॥
શ્મશાને પ્રાન્તરેઽશ્વત્થમૂલે વટતરુસ્થલે ।
ઇષ્ટકામયગેહે વા યત્ર લોકો ન વર્તતે ॥ ૨૩૬ ॥
તત્ર તત્રાનન્દરૂપી મહાપીઠસ્થલેઽપિ ચ ।
દૃઢાસનસ્થઃ પ્રજપેન્નામમઙ્ગલમુત્તમમ્ ॥ ૨૩૭ ॥
ધ્યાનધારણશુદ્ધાઙ્ગો ન્યાસપૂજાપરાયણઃ ।
ધ્યાત્વા સ્તૌતિ પ્રભાતે ચ મૃત્યુજેતા ભવેદ્ ધ્રુવમ્ ॥ ૨૩૮ ॥
અષ્ટાઙ્ગસિદ્ધિમાપ્નોતિ ચામરત્વમવાપ્નુયાત્ ।
ગુરુદેવમહામન્ત્રભક્તો ભવતિ નિશ્ચિતમ્ ॥ ૨૩૯ ॥
શરીરે તસ્ય દુઃખાનિ ન ભવન્તિ કુવૃદ્ધયઃ ।
દુષ્ટગ્રહાઃ પલાયન્તે તં દૃષ્ટ્વા યોગિનં પરમ્ ॥ ૨૪૦ ॥
યઃ પઠેત્ સતતં મન્ત્રી તસ્ય હસ્તેઽષ્ટસિદ્ધયઃ ।
તસ્ય હૃત્પદ્મલિઙ્ગસ્થા દેવાઃ સિદ્ધ્યન્તિ ચાપરાઃ ॥ ૨૪૧ ॥
યુગકોટિસહસ્રાણિ ચિરાયુર્યોગિરાડ્ ભવેત્ ।
શુદ્ધશીલો નિરાકારો બ્રહ્મા વિષ્ણુઃ શિવઃ સ ચ ।
સ નિત્યઃ કાર્યસિદ્ધશ્ચ સ જીવન્મુક્તિમાપ્નુયાત્ ॥ ૨૪૨ ॥
॥ ઇતિ શ્રીરુદ્રયામલે ઉત્તરતન્ત્રે મહાતન્ત્રોદ્દીપને
ઈશ્વરશક્તિકાકિન્યષ્ટોત્તર સહસ્રનામસ્તોત્રં સમ્પૂર્ણમ્ ॥
Also Read 1000 Names of Kakinya:
1000 Names of Kakinya Ashtottara | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
