Shri Pratyangira Sahasranamastotram Lyrics in Malayalam:
॥ ശ്രീപ്രത്യങ്ഗിരാസഹസ്രനാമസ്തോത്രം ॥
ശ്രീരുദ്രയാമലതന്ത്രേ ദശവിദ്യാരഹസ്യേ
ഈശ്വര ഉവാച ।
ശൃണു ദേവി പ്രവക്ഷ്യാമി സാമ്പ്രതം ത്വത്പുരഃസരം ।
സഹസ്രനാമ പരമം പ്രത്യങ്ഗിരായാഃ സിദ്ധയേ ॥
സഹസ്രനാമപാഠേ യഃ സര്‍വത്ര വിജയീ ഭവേത് ।
പരാഭവോ ന ചാസ്യാസ്തി സഭായാം വാസനേ രണേ ॥
തഥാ തുഷ്ടാ ഭവേദ്ദേവീ പ്രത്യങ്ഗിരാസ്യ പാഠതഃ ।
യഥാ ഭവതി ദേവേശി സാധകഃ ശിവ ഏവ ഹി ॥
അശ്വമേധസഹസ്രാണി വാജപേയസ്യ കോടയഃ ।
സകൃത്പാഠേന ജായന്തേ പ്രസന്നാ യത്പരാ ഭവേത് ॥
ഭൈരവോഽസ്യ ഋഷിശ്ഛന്ദോഽനുഷ്ടുപ് ദേവി സമീരിതാ ।
പ്രത്യങ്ഗിരാ വിനിയോഗഃ സ്യാത്സര്‍വസമ്പത്തി ഹേതവേ ॥
സര്‍വകാര്യേഷു സംസിദ്ധിഃ സര്‍വസമ്പത്തിദാ ഭവേത് ।
ഏവം ധ്യാത്വാ പഠേദ്ദേവീം യദീഛേദാത്മനോ ഹിതം ॥
അഥ ധ്യാനം ।
ആശാംബരാ മുക്തകചാ ഘനച്ഛവിര്‍ധ്യേയാ സചര്‍മാസികരാ വിഭൂഷണാ ।
ദംഷ്ട്രോഗ്രവക്ത്രാ ഗ്രസിതാഹിതാ ത്വയാ പ്രത്യങ്ഗിരാ ശങ്കരതേജസേരിതാ ॥
ഓം അസ്യ ശ്രീപ്രത്യങ്ഗിരാസഹസ്രനാമമഹാമന്ത്രസ്യ,
ഭൈരവ ഋഷിഃ, അനുഷ്ടുപ് ഛന്ദഃ, ശ്രീപ്രത്യങ്ഗിരാ ദേവതാ,
ഹ്രീം ബീജം, ശ്രീം ശക്തിഃ, സ്വാഹാ കീലകം
മമ സര്‍വകാര്യസിദ്ധയര്‍ഥേ വിദ്യാസിദ്ധ്യര്‍ഥേ നാമപാരായണേ വിനിയോഗഃ ।
ഓം ദേവീ പ്രത്യങ്ഗിരാ സേവ്യാ ശിരസാ ശശിശേഖരാ ।
സമാഽസമാ ധര്‍മിണീ ച സമസ്തസുരശേമുഷീ ॥ 1 ॥
സര്‍വസമ്പത്തിജനനീ സമദാ സിന്ധുസേവിനീ ।
ശംഭുസീമന്തിനീ സോമാരാധ്യാ ച വസുധാ രസാ ॥ 2 ॥
രസാ രസവതീ വേലാ വന്യാ ച വനമാലിനീ ।
വനജാക്ഷീ വനചരീ വനീ വനവിനോദിനീ ॥ 3 ॥
വേഗിനീ വേഗദാ വേഗബലാ സ്ഥാനബലാധികാ ।
കലാ കലാപ്രിയാ കൌലി കോമലാ കാലകാമിനീ ॥ 4 ॥
കമലാ കമലാസ്യാ ച കമലസ്ഥാ കലാവതീ ।
കുലീനാ കുടിലാ കാന്താ കോകിലാ കുലഭാഷിണീ ॥ 5 ॥
കീരകേലിഃ കലാ കാലീ കപാലിന്യപി കാലികാ ।
കേശിനീ ച കുശാവര്‍താ കൌശാംബീ കേശവപ്രിയാ ॥ 6 ॥
കാശീ കാശാപഹാ കാംശീസങ്കാശാ കേശദായിനീ ।
കുണ്ഡലീ കുണ്ഡലീസ്ഥാ ച കുണ്ഡലാങ്ഗദമണ്ഡിതാ ॥ 7 ॥
കുശാപാശീ കുമുദിനീ കുമുദപ്രീതിവര്‍ധിനീ ।
കുന്ദപ്രിയാ കുന്ദരുചിഃ കുരങ്ഗമദമോദിനീ ॥ 8 ॥
കുരങ്ഗനയനാ കുന്ദാ കുരുവൃന്ദാഭിനന്ദിനീ ।
കുസുംഭകുസുമാ കിഞ്ചിത്ക്വണത്കിങ്കിണികാ കടുഃ ॥ 9 ॥
കഠോരാ കരണാ കണ്ഠാ കൌമുദീ കംബുകണ്ഠിനീ ।
കപര്‍ദിനീ കപടിനീ കഠിനീ കാലകണ്ഠികാ ॥ 10 ॥
കിബ്രുഹസ്താ കുമാരീ ച കുരുന്ദാ കുസുമപ്രിയാ ।
കുഞ്ജരസ്ഥാ കുഞ്ജരതാ കുംഭികുംഭസ്തനദ്വയാ ॥ 11 ॥
കുംഭികാ കരഭോരുശ്ച കദലീദലശാലിനീ ।
കുപിതാ കോടരസ്ഥാ ച കങ്കാലീ കന്ദശേഖരാ ॥ 12 ॥
ഏകാന്തവാസിനീ കിഞ്ചിത്കമ്പമാനശിരോരുഹാ ।
കാദംബരീ കദംബസ്ഥാ കുങ്കുമീ പ്രേമധാരിണീ ॥ 13 ॥
കുടുംബിനീ പ്രിയായുക്താ ക്രതുഃ ക്രതുകരീ ക്രിയാ ।
കാത്യായനീ കൃത്തികാ ച കാര്‍തികേയപ്രവര്‍തിനീ ॥ 14 ॥
കാമപത്നീ കാമധാത്രീ കാമേശീ കാമവന്ദിതാ ।
കാമരൂപാ കാമഗതിഃ കാമാക്ഷീ കാമമോഹിതാ ॥ 15 ॥
ഖഡ്ഗിനീ ഖേചരീ ഖഞ്ജാ ഖഞ്ജരീടേക്ഷണാ ഖലാ ।
ഖരഗാ ഖരനാസാ ച ഖരാസ്യാ ഖേലനപ്രിയാ ॥ 16 ॥
ഖരാംശുഃ ഖേടിനീ ഖരഖട്വാങ്ഗധാരിണീ ।
ഖലഖണ്ഡിനി വിഖ്യാതിഃ ഖണ്ഡിതാ ഖണ്ഡവീ സ്ഥിരാ ॥ 17 ॥
ഖണ്ഡപ്രിയാ ഖണ്ഡഖാദ്യാ സേന്ദുഖണ്ഡാ ച ഖഞ്ജനീ ।
ഗങ്ഗാ ഗോദാവരീ ഗൌരീ ഗോമത്യാപി ച ഗൌതമീ ॥ 18 ॥
ഗയാ ഗൌര്‍ഗജീ ഗഗനാ ഗാരുഡീ ഗരുഡധ്വജാ ।
ഗീതാ ഗീതപ്രിയാ ഗോത്രാ ഗോത്രക്ഷയകരീ ഗദാ ॥ 19 ॥
ഗിരിഭൂപാലദുഹിതാ ഗോഗാ ഗോകുലവര്‍ധിനീ ।
ഘനസ്തനീ ഘനരുചിര്‍ഘനോരുര്‍ഘനനിഃസ്വനാ ॥ 20 ॥
ഘൂത്കാരിണീ ഘൂതകരീ ഘുഘൂകപരിവാരിതാ ।
ഘണ്ടാനാദപ്രിയാ ഘണ്ടാ ഘനാഘോടപ്രവാഹിനീ ॥ 21 ॥
ഘോരരൂപാ ച ഘോരാ ച ഘൂനീപ്രീതി ഘനാഞ്ജനീ ।
ഘൃതാചീ ഘനമുഷ്ടിശ്ച ഘടാഘണ്ടാ ഘടാമൃതാ ॥ 22 ॥
ഘടാസ്യാ ഘടാനാദാ ച ഘാതപാതനിവാരിണീ ।
ചഞ്ചരീകാ ചകോരീ ച ചാമുണ്ഡാ ചീരധാരിണീ ॥ 23 ॥
ചാതുരീ ചപലാ ചാരുശ്ചലാ ചേലാ ചലാചലാ ।
ചതുശ്ചിരന്തനാ ചാകാ ചിയാ ചാമീകരച്ഛവിഃ ॥ 24 ॥
ചാപിനീ ചപലാ ചമ്പൂശ്ചിത്തചിന്താമണിശ്ചിതാ ।
ചാതുര്‍വര്‍ണ്യമയീ ചഞ്ചച്ചൌരാ ചാപാ ചമത്കൃതിഃ ॥ 25 ॥
ചക്രവര്‍തി വധൂശ്ചക്രാ ചക്രാങ്ഗാ ചക്രമോദിനീ ।
ചേതശ്ചരീ ചിത്തവൃത്തിരചേതാ ചേതനാപ്രദാ ॥ 26 ॥
ചാമ്പേയീ ചമ്പകപ്രീതിശ്ചണ്ഡീ ചണ്ഡാലവാസിനീ । (ചപ്രിയാ ചക്രികാ)
ചിരഞ്ജീവിതദാചിത്താ തരുമൂലനിവാസിനീ ॥ 27 ॥
ഛുരികാ ഛത്രമധ്യസ്ഥാ ഛിദ്രാ ഛേദകരീ ഛിദാ ।
ഛുച്ഛുന്ദരീപലപ്രീതിഃ ഛുന്ദരീഭനിഭസ്വനാ ॥ 28 ॥
ഛലിനീ ഛലവച്ഛിന്നാ ഛിടികാ ഛേകകൃത്തഥാ ।
ഛദ്മിനീ ഛാന്ദസീ ഛായാ ഛായാകൃച്ഛാദിരിത്യപി ॥ 29 ॥
ജയാ ച ജയദാ ജാതിര്‍ജൃംഭിണീ ജാമലായുതാ ।
ജയാപുഷ്പപ്രിയാ ജായാ ജാപ്യാ ജാപ്യജഗജ്ജനിഃ ॥ 30 ॥
ജംബൂപ്രിയാ ജയസ്ഥാ ച ജങ്ഗമാ ജങ്ഗമപ്രിയാ ।
ജന്തുര്‍ജന്തുപ്രധാനാ ച ജരത്കര്‍ണാ ജരദ്ഗവാ ॥ 31 ॥
ജാതീപ്രിയാ ജീവനസ്ഥാ ജീമൂതസദൃശച്ഛവിഃ ।
ജന്യാ ജനഹിതാ ജായാ ജംഭജംഭിലശാലിനീ ॥ 32 ॥
ജവദാ ജവവദ്വാഹാ ജമാനീ ജ്വരഹാ ജ്വരീ ।
ഝഞ്ഝാ നീലമയീ ഝഞ്ഝാഝണത്കാരകരാചലാ ॥ 33 ॥
ഝിംടീശാ ഝസ്യകൃത് ഝമ്പാ യമത്രാസനിവാരിണീ ।
ടങ്കാരസ്ഥാ ടങ്കധരാ ടങ്കാരകാരണാ ടസീ ॥ 34 ॥ var ടകാരസ്ഥാ
ഠകുരാ ഠീകൃതിശ്ചൈവ ഠിണ്ഠീരവസനാവൃതാ ।
ഠണ്ഠാ നീലമയീ ഠണ്ഠാ ഠണത്കാരകരാ ഠസാ ॥ 35 ॥
ഡാകിനീ ഡാമരാ ചൈവ ഡിണ്ഡിമധ്വനിനാദിനീ ।
ഢക്കാപ്രിയസ്വനാ ഢക്കാതപിനീ താപിനീ തഥാ ॥ 36 ॥
തരുണീ തുന്ദിലാ തുന്ദാ താമസീ ച തപഃപ്രിയാ ।
താംരാ താംരാംബരാ താലീ താലീദലവിഭൂഷണാ ॥ 37 ॥
തുരങ്ഗാ ത്വരിതാ തോതാ തോതലാ താദിനീ തുലാ ।
താപത്രയഹരാ താരാ താലകേശീ തമാലിനീ ॥ 38 ॥
തമാലദലവച്ഛായാ താലസ്വനവതീ തമീ ।
താമസീ ച തമിസ്രാ ച തീവ്രാ തീവ്രപരാക്രമാ ॥ 39 ॥
തടസ്ഥാതിലതൈലാക്താ താരിണീ തപനദ്യുതിഃ ।
തിലോത്തമാ തിലകകൃത്താരകാധീശശേഖരാ ॥ 40 ॥
തിലപുഷ്പപ്രിയാ താരാ താരകേശകുടുംബിനീ ।
സ്ഥാണുപത്നീ സ്ഥിതികരീ സ്ഥലസ്ഥാ സ്ഥലവര്‍ധിനീ ॥ 41 ॥
സ്ഥിതിസ്ഥൈര്യാ സ്ഥവിഷ്ഠാ ച സ്ഥാവതിഃ സ്ഥൂലവിഗ്രഹാ ।
ദന്തിനീ ദണ്ഡിനീ ദീനാ ദരിദ്രാ ദീനവത്സലാ ॥ 42 ॥
ദേവീ ദേവവധൂര്‍ദൈത്യദമിനീ ദന്തഭൂഷണാ ।
ദയാവതീ ദമവതീ ദമദാ ദാഡിമസ്തനീ ॥ 43 ॥
ദന്ദശൂകനിഭാ ദൈത്യദാരിണീ ദേവതാഽഽനനാ ।
ദോലാക്രീഡാ ദയാലുശ്ച ദമ്പതീ ദേവതാമയീ ॥ 44 ॥
ദശാ ദീപസ്ഥിതാ ദോഷാ ദോഷഹാ ദോഷകാരിണീ ।
ദുര്‍ഗാ ദുര്‍ഗാര്‍തിശമനീ ദുര്‍ഗമാ ദുര്‍ഗവാസിനീ ॥ 45 ॥
ദുര്‍ഗന്ധനാശിനീ ദുഃസ്ഥാ ദുഃസ്വപ്നശമകാരിണീ ।
ദുര്‍വാരാ ദുന്ദുഭിധ്വാനാ ദൂരഗാ ദൂരവാസിനീ ॥ 46 ॥
ദരദാ ദരഹാ ദാത്രീ ദയാദാ ദുഹിതാ ദശാ ।
ധുരന്ധരാ ധുരീണാ ച ധൌരേയീ ധനദായിനീ ॥ 47 ॥
ധീരാ ധീരാധരിത്രീ ച ധര്‍മദാ ധീരമാനസാ ।
ധനുര്‍ധരാ ച ധമിനീ ധൂര്‍താ ധൂര്‍തപരിഗ്രഹാ ॥ 48 ॥
ധൂമവര്‍ണാ ധൂമപാനാ ധൂമലാ ധൂമമോദിനീ ।
നലിനീ നന്ദനീ നന്ദാ നന്ദിനീ നന്ദബാലികാ ॥ 49 ॥
നവീനാ നര്‍മദാ നര്‍മീ നേമിര്‍നിയമനിശ്ചയാ ।
നിര്‍മലാ നിഗമാചരാ നിംനഗാ നഗ്നികാ നിമിഃ ॥ 50 ॥
നാലാ നിരന്തരാ നിഘ്നീ നിര്ലേപാ നിര്‍ഗുണാ നതിഃ ।
നീലഗ്രീവാ നിരീഹാ ച നിരഞ്ജനജനീ നവീ ॥ 51 ॥
നവനീതപ്രിയാ നാരീ നരകാര്‍ണവതാരിണീ ।
നാരായണീ നിരാകാരാ നിപുണാ നിപുണപ്രിയാ ॥ 52 ॥
നിശാ നിദ്രാ നരേന്ദ്രസ്ഥാ നമിതാ നമിതാപി ച ।
നിര്‍ഗുണ്ഡികാ ച നിര്‍ഗുണ്ഡാ നിര്‍മാംസാ നാസികാഭിധാ ॥ 53 ॥
പതാകിനീ പതാകാ ച പലപ്രീതിര്യശശ്വിനീ ।
പീനാ പീനസ്തനാ പത്നീ പവനാശനശായിനീ ॥ 54 ॥
പരാ പരാകലാ പാകാ പാകകൃത്യരതിപ്രിയാ ।
പവനസ്ഥാ സുപവനാ താപസീ പ്രീതിവര്‍ധിനീ ॥ 55 ॥
പശുവൃദ്ധികരീ പുഷ്ടിഃ പോഷണീ പുഷ്പവര്‍ധിനീ ।
പുഷ്പിണീ പുസ്തകകരാ പുന്നാഗതലവാസിനീ ॥ 56 ॥
പുരന്ദരപ്രിയാ പ്രീതിഃ പുരമാര്‍ഗനിവാസിനീ ।
പേശാ പാശകരാ പാശബന്ധഹാ പാംശുലാപശുഃ ॥ 57 ॥
പടഃ പടാശാ പരശുധാരിണീ പാശിനീ തഥാ ।
പാപഘ്നീ പതിപത്നീ ച പതിതാഽപതിതാപി ച ॥ 58 ॥
പിശാചീ ച പിശാചഘ്നീ പിശിതാശനതോഷിതാ ।
പാനദാ പാനപാത്രാ ച പാനദാനകരോദ്യതാ ॥ 59 ॥
പേഷാ പ്രസിദ്ധിഃ പീയൂഷാ പൂര്‍ണാ പൂര്‍ണമനോരഥാ ।
പതദ്ഗര്‍ഭാ പതദ്ഗാത്രാ പൌനഃപുണ്യപിവാപുരാ ॥ 60 ॥
പങ്കിലാ പങ്കമഗ്നാ ച പാമീപാ പഞ്ജരസ്ഥിതാ ।
പഞ്ചമാ പഞ്ചയാമാ ച പഞ്ചതാ പഞ്ചമപ്രിയാ ॥ 61 ॥
പഞ്ചമുദ്രാ പുണ്ഡരീകാ പിങ്ഗലാ പിങ്ഗലോചനാ ।
പ്രിയങ്ഗുമഞ്ജരീ പിണ്ഡീ പണ്ഡിതാ പാണ്ഡുരപ്രഭാ ॥ 62 ॥
പ്രേതാസനാ പ്രിയാലുസ്ഥാ പാണ്ഡുഘ്നീ പീതസാപഹാ ।
ഫലിനീ ഫലദാത്രീ ച ഫലശ്രീ ഫണിഭൂഷണാ ॥ 63 ॥
ഫൂത്കാരകാരിണീ സ്ഫാരാ ഫുല്ലാ ഫുല്ലാംബുജാസനാ ।
ഫിരങ്ഗഹാ സ്ഫീതമതിഃ സ്ഫിതിഃ സ്ഫീതികരീ തഥാ ॥ 64 ॥
വനമായാ ബലാരാതിര്‍ബലിനീ ബലവര്‍ധിനീ ।
വേണുവാദ്യാ വനചരീ വീരാ ബീജമയീ അപി ॥ 65 ॥
വിദ്യാ വിദ്യാപ്രദാ വിദ്യാബോധിനീ വേദദായിനീ ।
ബുധമാതാ ച ബുദ്ധാ ച വനമാലാവതീ വരാ ॥ 66 ॥
വരദാ വാരുണീ വീണാ വീണാവാദനതത്പരാ ।
വിനോദിനീ വിനോദസ്ഥാ വൈഷ്ണവീ വിഷ്ണുവല്ലഭാ ॥ 67 ॥
വിദ്യാ വൈദ്യചികിത്സാ ച വിവശാ വിശ്വവിശ്രുതാ ।
വിതന്ദ്രാ വിഹ്വലാ വേലാ വിരാവാ വിരതിര്‍വരാ ॥ 68 ॥
വിവിധാര്‍കകരാ വീരാ ബിംബോഷ്ഠീ ബിംബവത്സലാ ।
വിന്ധ്യസ്ഥാ വീരവന്ദ്യാ ച വരീയാനപരാചവിത് ॥ 69 ॥
വേദാന്തവേദ്യാ വൈദ്യാ ച വേദസ്യ വിജയപ്രദാ ।
വിരോധവര്‍ധിനീ വന്ധ്യാ വന്ധ്യാബന്ധനിവാരിണീ ॥ 70 ॥
ഭഗിനീ ഭഗമാലാ ച ഭവാനീ ഭയഭാവിനീ ।
ഭീമാ ഭീമാനനാ ഭൈമീ ഭങ്ഗുരാ ഭീമദര്‍ശനാ ॥ 71 ॥
ഭില്ലീ ഭല്ലധരാ ഭീരുര്‍ഭേരുണ്ഡീ ഭീര്‍ഭയാപഹാ ।
ഭഗസര്‍പിണ്യപി ഭഗാ ഭഗരൂപാ ഭഗാലയാ ॥ 72 ॥
ഭഗാസനാ ഭഗാമോദാ ഭേരീ ഭങ്കാരരഞ്ജിതാ ।
ഭീഷണാ ഭീഷണാരാവാ ഭഗവത്യപി ഭൂഷണാ ॥ 73 ॥
ഭാരദ്വാജീ ഭോഗദാത്രീ ഭവഘ്നീ ഭൂതിഭൂഷണാ ।
ഭൂതിദാ ഭൂമിദാത്രീ ച ഭൂപതിത്വപ്രദായിനീ ॥ 74 ॥
ഭ്രമരീ ഭ്രാമരീ നീലാ ഭൂപാലമുകുടസ്ഥിതാ ।
മത്താ മനോഹരമനാ മാനിനീ മോഹനീ മഹീ ॥ 75 ॥ var ഭാമിനീ
മഹാലക്ഷ്മീര്‍മദക്ഷീബാ മദീയ മദിരാലയാ ।
മദോദ്ധതാ മതങ്ഗസ്ഥാ മാധവീ മധുമാദിനീ ॥ 76 ॥
മേധാ മേധാകരീ മേധ്യാ മധ്യാ മധ്യവയസ്ഥിതാ ।
മദ്യപാ മാംസലാ മത്സ്യമോദിനീ മൈഥുനോദ്ധതാ ॥ 77 ॥
മുദ്രാ മുദ്രാവതീ മാതാ മായാ മഹിമ മന്ദിരാ ।
മഹാമായാ മഹാവിദ്യാ മഹാമാരീ മഹേശ്വരീ ॥ 78 ॥
മഹാദേവവധൂര്‍മാന്യാ മധുരാ വീരമണ്ഡലാ ।
മേദസ്വിനീ മീലദശ്രീര്‍മഹിഷാസുരമര്‍ദിനീ ॥ 79 ॥
മണ്ഡപസ്ഥാ മഠസ്ഥാ ച മദിരാഗമഗര്‍വിതാ ।
മോക്ഷദാ മുണ്ഡമാലാ ച മാലാ മാലാവിലാസിനീ ॥ 80 ॥
മാതങ്ഗിനീ ച മാതങ്ഗീ മതങ്ഗതനയാപി ച ।
മധുസ്രവാ മധുരസാ മധൂകകുസുമപ്രിയാ ॥ 81 ॥
യാമിനീ യാമിനീനാഥഭൂഷാ യാവകരഞ്ജിതാ ।
യവാങ്കുരപ്രിയാ മായാ യവനീ യവനാധിപാ ॥ 82 ॥
യമഘ്നീ യമകന്യാ ച യജമാനസ്വരൂപിണീ ।
യജ്ഞാ യജ്വാ യജുര്യജ്വാ യശോനികരകാരിണീ ॥ 83 ॥
യജ്ഞസൂത്രപ്രദാ ജ്യേഷ്ഠാ യജ്ഞകര്‍മകരീ തഥാ ।
യശസ്വിനീ യകാരസ്ഥാ യൂപസ്തംഭനിവാസിനീ ॥ 84 ॥
രഞ്ജിതാ രാജപത്നീ ച രമാ രേഖാ രവേരണീ ।
രജോവതീ രജശ്ചിത്രാ രജനീ രജനീപതിഃ ॥ 85 ॥
രാഗിണീ രാജ്യനീരാജ്യാ രാജ്യദാ രാജ്യവര്‍ധിനീ ।
രാജന്വതീ രാജനീതിസ്തഥാ രജതവാസിനീ ॥ 86 ॥
രമണീ രമണീയാ ച രാമാ രാമാവതീ രതിഃ ।
രേതോവതീ രതോത്സാഹാ രോഗഹൃദ്രോഗകാരിണീ ॥ 87 ॥
രങ്ഗാ രങ്ഗവതീ രാഗാ രാഗജ്ഞാ രാഗകൃദ്രണാ ।
രഞ്ജികാ രഞ്ജികാരഞ്ജാ രഞ്ജിനീ രക്തലോചനാ ॥ 88 ॥
രക്തചര്‍മധരാ രഞ്ജാ രക്തസ്ഥാ രക്തവാദിനീ ।
രംഭാ രംഭാഫലപ്രീതി രംഭോരു രാഘവപ്രിയാ ॥ 89 ॥
രങ്ഗഭൃദ്രങ്ഗമധുരാ രോദസീ രോദസീഗ്രഹാ ।
രോധകൃദ്രോധഹന്ത്രീ ച രോഗഭൃദ്രോഗശായിനീ ॥ 90 ॥
വന്ദീ വദിസ്തുതാ ബന്ധാ ബന്ധൂകകുസുമാധരാ ।
വന്ദീത്രാ വന്ദിതാമാതാ വിന്ദുരാ വൈന്ദവീവിധാ ॥ 91 ॥
വിങ്കി വിങ്കപലാ വിങ്കാ വിങ്കസ്ഥാ വിങ്കവത്സലാ ।
വദിര്‍വിലഗ്നാ വിപ്രാ ച വിധിര്‍വിധികരീ വിധാ ॥ 92 ॥
ശങ്ഖിനീ ശങ്ഖവലയാ ശങ്ഖമാലാവതീ ശമീ ।
ശങ്ഖപാത്രാശിനീ ശങ്ഖാശങ്ഖാ ശങ്ഖഗലാ ശശീ ॥ 93 ॥
ശംവീ ശരാവതീ ശ്യാമാ ശ്യാമാങ്ഗീ ശ്യാമലോചനാ ।
ശ്മശാനസ്ഥാ ശ്മശാനാ ച ശ്മശാനസ്ഥലഭൂഷണാ ॥ 94 ॥
ശമദാ ശമഹന്ത്രീ ച ശാകിനീ ശങ്കുശേഖരാ ।
ശാന്തിഃ ശാന്തിപ്രദാ ശേഷാ ശേഷസ്ഥാ ശേഷദായിനീ ॥ 95 ॥
ശേമുഷീ ശോഷിണീ ശീരീ ശൌരിഃ ശൌര്യാ ശരാ ശിരിഃ ।
ശാപഹാ ശാപഹാനീശാ ശമ്പാ ശപഥദായിനീ ॥ 96 ॥
ശൃങ്ഗിണീ ശൃങ്ഗപലഭുക് ശങ്കരീ ശങ്കരീ ച യാ ।
ശങ്കാ ശങ്കാപഹാ സംസ്ഥാ ശാശ്വതീ ശീതലാ ശിവാ ॥ 97 ॥
ശിവസ്ഥാ ശവഭുക്താ ച ശവവര്‍ണാ ശിവോദരീ ।
ശായിനീ ശാവശയനാ ശിംശപാ ശിശുപാലിനീ ॥ 98 ॥
ശവകുണ്ഡലിനീ ശൈവാ ശങ്കരാ ശിശിരാ ശിരാ ।
ശവകാഞ്ചീ ശവശ്രീകാ ശവമാലാ ശവാകൃതിഃ ॥ 99 ॥
ശയനീ ശങ്കുവാ ശക്തിഃ ശന്തനുഃ ശീലദായിനീ ।
സിന്ധുഃ സരസ്വതീ സിന്ധുസുന്ദരീ സുന്ദരാനനാ ॥ 100 ॥
സാധുഃ സിദ്ധിഃ സിദ്ധിദാത്രീ സിദ്ധാ സിദ്ധസരസ്വതീ ।
സന്തതിഃ സമ്പദാ സമ്പത്സംവിത്സരതിദായിനീ ॥ 101 ॥
സപത്നീ സരസാ സാരാ സരസ്വതികരീ സ്വധാ ।
സരഃസമാ സമാനാ ച സമാരാധ്യാ സമസ്തദാ ॥ 102 ॥
സമിദ്ധാ സമദാ സമ്മാ സമ്മോഹാ സമദര്‍ശനാ ।
സമിതിഃ സമിധാ സീമാ സവിത്രീ സവിധാ സതീ ॥ 103 ॥
സവതാ സവനാദാരാ സാവനാ സമരാ സമീ ।
സിമിരാ സതതാ സാധ്വീ സഘ്രീചീ ച സഹായിനീ ॥ 104 ॥
ഹംസീ ഹംസഗതിര്‍ഹംസാ ഹംസോജ്ജ്വലനിചോലുയുക് ।
ഹലിനീ ഹലദാ ഹാലാ ഹരശ്രീര്‍ഹരവല്ലഭാ ॥ 105 ॥
ഹേലാ ഹേലാവതീ ഹേഷാ ഹ്രേഷസ്ഥാ ഹ്രേഷവര്‍ധിനീ ।
ഹന്താ ഹന്തിര്‍ഹതാ ഹത്യാ ഹാ ഹന്ത താപഹാരിണീ ॥ 106 ॥
ഹങ്കാരീ ഹന്തകൃദ്ധങ്കാ ഹീഹാ ഹാതാ ഹതാഹതാ ।
ഹേമപ്രദാ ഹംസവതീ ഹാരീ ഹാതരിസമ്മതാ ॥ 107 ॥
ഹോരീ ഹോത്രീ ഹോലികാ ച ഹോമാ ഹോമോ ഹവിര്‍ഹരിഃ ।
ഹാരിണീ ഹരിണീനേത്രാ ഹിമാചലനിവാസിനീ ॥ 108 ॥
ലംബോദരീ ലംബകര്‍ണാ ലംബികാ ലംബവിഗ്രഹാ ।
ലീലാ ലോലാവതീ ലോലാ ലലനീ ലാലിതാ ലതാ ॥ 109 ॥ var ലോകാ
ലലാമലോചനാ ലോച്യാ ലോലാക്ഷീ ലക്ഷണാ ലലാ ।
ലമ്പതീ ലുമ്പതീ ലമ്പാ ലോപാമുദ്രാ ലലന്തിനീ ॥ 110 ॥
ലന്തികാ ലംബികാ ലംബാ ലഘിമാ ലഘുമധ്യമാ ।
ലഘീയസീ ലഘുദയീ ലൂതാ ലൂതാനിവാരിണീ ॥ 111 ॥
ലോമഭൃല്ലോമലോപ്താ ച ലുലുതീ ലുലുസംയതീ ।
ലുലായസ്ഥാ ച ലഹരീ ലങ്കാപുരപുരന്ദരീ ॥ 112 ॥
ലക്ഷ്മീര്ലക്ഷ്മീപ്രദാ ലക്ഷ്ംയാ ലക്ഷാബലമതിപ്രദാ ।
ക്ഷുണ്ണാ ക്ഷുപാ ക്ഷണാ ക്ഷീണാ ക്ഷമാ ക്ഷാന്തിഃ ക്ഷണാവതീ ॥ 113 ॥
ക്ഷാമാ ക്ഷാമോദരീ ക്ഷീമാ ക്ഷൌമഭൃത്ക്ഷത്രിയാങ്ഗനാ ।
ക്ഷയാ ക്ഷയകരീ ക്ഷീരാ ക്ഷീരദാ ക്ഷീരസാഗരാ ॥ 114 ॥
ക്ഷേമങ്കരീ ക്ഷയകരീ ക്ഷയദാ ക്ഷണദാ ക്ഷതിഃ ।
ക്ഷുരന്തീ ക്ഷുദ്രികാ ക്ഷുദ്രാ ക്ഷുത്ക്ഷാമാ ക്ഷരപാതകാ ॥ 115 ॥
॥ ഫലശ്രുതിഃ ॥
മാതുഃ സഹസ്രനാമേദം പ്രത്യങ്ഗിര്യാ വരപ്രദം ॥ 1 ॥
യഃ പഠേത്പ്രയതോ നിത്യം സ ഏവ സ്യാന്‍മഹേശ്വരഃ ।
അനാചാന്തഃ പഠേന്നിത്യം ദരിദ്രോ ധനദോ ഭവേത് ॥ 2 ॥
( var യഃ പഠേത്പ്രയതോ നിത്യം ദരിദ്രോ ധനദോ ഭവേത്)
മൂകഃ സ്യാദ്വാക്പതിര്‍ദേവി രോഗീ നിരോഗതാം വ്രജേത് ।
അപുത്രഃ പുത്രമാപ്നോതി ത്രിഷു ലോകേഷു വിശ്രുതം ॥ 3 ॥
വന്ധ്യാപി സൂതേ തനയാന്‍ ഗാവശ്ച ബഹുദുഗ്ധദാഃ ।
രാജാനഃ പാദനംരാഃ സ്യുസ്തസ്യദാസാ ഇവ സ്ഫുടാഃ ॥ 4 ॥
അരയഃ സങ്ക്ഷയം യാന്തി മനസാ സംസ്മൃതാ അപി ।
ദര്‍ശനാദേവ ജായന്തേ നരാ നാര്യോഽപി തദ്വശാഃ ॥ 5 ॥
കര്‍താ ഹര്‍താ സ്വയംവീരോ ജായതേ നാത്രസംശയഃ ।
യം യം കാമയതേ കാമം തം തം പ്രാപ്നോതി നിശ്ചിതം ॥ 6 ॥
ദുരിതം ന ച തസ്യാസ്തേ നാസ്തി ശോകാഃ കദാചന ।
ചതുഷ്പഥേഽര്‍ധരാത്രേ ച യഃ പഠേത്സാധകോത്തമഃ ॥ 7 ॥
ഏകാകീ നിര്‍ഭയോ ധീരോ ദശാവര്‍തം സ്തവോത്തമം ।
മനസാ ചിന്തിതം കാര്യം തസ്യ സിധിര്‍ന സംശയഃ ॥ 8 ॥
വിനാ സഹസ്രനാംനാ യോ ജപേന്‍മന്ത്രം കദാചന ।
ന സിദ്ധോ ജായതേ തസ്യ മന്ത്രഃ കല്‍പശതൈരപി ॥ 9 ॥
കുജവാരേ ശ്മശാനേ ച മധ്യാന്‍ഹേ യോ ജപേദഥ ।
ശതാവര്‍ത്യാ സര്‍ജയേത കര്‍താ ഹര്‍താ നൃണാമിഹ ॥ 10 ॥
രോഗാന്തര്‍ധോ നിശായാന്തേ പഠിതാമസി സംസ്ഥിതഃ ।
സദ്യോ നീരോഗതാമേതി യദി സ്യാന്നിര്‍ഭയസ്തദാ ॥ 11 ॥
അര്‍ധരാത്രേ ശ്മശാനേ വാ ശനിവാരേ ജപേന്‍മനും ।
അഷ്ടോത്തരസഹസ്രം തദ്ദശവാരം ജപേത്തതഃ ॥ 12 ॥
സഹസ്രനാമ ചേത്തദ്ധി തദാ യാതി സ്വയം ശിവാ ।
മഹാപവനരൂപേണ ഘോരഗോമായുനാദിനീ ॥ 13 ॥
തദാ യദി ന ഭീതിഃ സ്യാത്തതോ ദ്രോഹീതി വാ ഭവേത് ।
തദാ പശുബലിം ദദ്യാത്സ്വയം ഗൃണ്‍ഹാതി ചണ്ഡികാ ॥ 14 ॥
യഥേഷ്ടം ച വരം ദത്ത്വാ യാതി പ്രത്യങ്ഗിരാ ശിവാ ।
രോചനാഗുരുകസ്തൂരീ കര്‍പൂരമദചന്ദനഃ ॥ 15 ॥
കുങ്കുമപ്രഥമാഭ്യാം തു ലിഖിതം ഭൂര്‍ജപത്രകേ ।
ശുഭനക്ഷത്രയോഗേ തു കൃത്രിമാകൃതസത്ക്രിയഃ ॥ 16 ॥
കൃതസമ്പാതനാസിദ്ധിര്‍ധാരയേദ്ദക്ഷിണേ കരേ ।
സഹസ്രാനാമ സ്വര്‍ണസ്ഥം കണ്ഠേ വാപീ ജിതേന്ദ്രിയഃ ॥ 17 ॥
തദാ യന്ത്രേ നമേന്‍മന്ത്രീ ക്രുദ്ധാ സമ്മ്രിയതേ നരഃ ।
യസ്മൈ ദദാതി യഃ സ്വസ്തി സ ഭവേദ്ധനദോപമഃ ॥ 18 ॥
ദുഷ്ടശ്വാപദജന്തൂനാം ന ഭീഃ കുത്രാപി ജായതേ ।
ബാലകാനാമിമാം രക്ഷാം ഗര്‍ഭിണീനാമപി ധ്രുവം ॥ 19 ॥
മോഹനം സ്തംഭനാകര്‍ഷമാരണോച്ചാടനാനി ച ।
യന്ത്രധാരണതോ നൂനം ജായന്തേ സാധകസ്യ തു ॥ 20 ॥
നീലവസ്ത്രേ വിലിഖതം ധ്വജായാം യദി തിഷ്ഠതി ।
തദാ നഷ്ടാ ഭവത്യേവ പ്രചണ്ഡാ പരിവാഹിനീ ॥ 21 ॥
ഏതജ്ജപ്തം മഹാഭസ്മ ലലാടേ യദി ധാരയേത് ।
തദ്ദര്‍ശനത ഏവ സ്യുഃ പ്രാണിനസ്തസ്യ കിങ്കരാഃ ॥ 22 ॥
രാജപത്ന്യോഽപി വശഗാഃ കിമന്യാഃ പരയോഷിതഃ ।
ഏതജ്ജപ്തം പിബേത്തോയം മാസൈകേന മഹാകവിഃ ॥ 23 ॥
പണ്ഡിതശ്ച മഹാദീക്ഷോ ജായതേ നാത്രസംശയഃ ।
ശക്തിം സമ്പൂജ്യ ദേവേശി പഠേത്സ്തോത്രം വരം ശുഭം ॥ 24 ॥
ഇഹ ലോകേ സുഖംഭുക്ത്വാ പരത്ര ത്രിദിവം വ്രജേത് ।
ഇതി നാമസഹസ്രം തു പ്രത്യങ്ഗിരാ മനോഹരം ॥ 25 ॥
ഗോപ്യം ഗുപ്തതമം ലോകേ ഗോപനീയം സ്വയോനിവത് ॥ 26 ॥
॥ ഇതി ശ്രീരുദ്രയാമലേ തന്ത്രേ ദശവിദ്യാരഹസ്യേ
ശ്രീപ്രത്യങ്ഗിരാസഹസ്രനമസ്തോത്രം സമ്പൂര്‍ണം ॥
Also Read 1000 Names of Sri Maha Pratyangira Devi:
1000 Names of Sri Pratyangira Devi | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
