Bhagavadgeetaa Mahatmayam and Dhyanamantra in Gujarati:
॥ ભગવદ્ગીતા માહાત્મ્યં અથવા ધ્યાનમંત્ર ॥
॥ શ્રી પરમાત્મને નમઃ ॥
॥ અથ શ્રીગીતામાહાત્મ્યપ્રારમ્ભઃ ॥
શ્રી ગણેશાય નમઃ ॥ શ્રીરાધારમણાય નમઃ ॥
ધરોવાચ ।
ભગવન્પરેમેશાન ભક્તિરવ્યભિચારિણી ।
પ્રારબ્ધં ભુજ્યમાનસ્ય કથં ભવતિ હે પ્રભો ॥ ૧ ॥
શ્રી વિષ્ણુરુવાચ ।
પ્રારબ્ધં ભુજ્યમાનો હિ ગીતાભ્યાસરતઃ સદા ।
સ મુક્તઃ સ સુખી લોકે કર્મણા નોપલિપ્યતે ॥ ૨ ॥
મહાપાપાદિપાપાનિ ગીતાધ્યાનં કરોતિ ચેત્ ।
ક્વચિત્સ્પર્શં ન કુર્વન્તિ નલિનીદલમમ્બુવત્ ॥ ૩ ॥
ગીતાયાઃ પુસ્તકં યત્ર યત્ર પાઠઃ પ્રવર્તતે ।
તત્ર સર્વાણિ તીર્થાણિ પ્રયાગાદીનિ તત્ર વૈ ॥ ૪ ॥
સર્વે દેવાશ્ચ ઋષયો યોગિનઃ પન્નગાશ્ચ યે ।
ગોપાલા ગોપિકા વાપિ નારદોદ્ધવપાર્ષદૈઃ ॥
સહાયો જાયતે શીઘ્રં યત્ર ગીતા પ્રવર્તતે ૫ ॥
યત્ર ગીતાવિચારશ્ચ પઠનં પાઠનં શૃતમ્ ।
તત્રાહં નિશ્ચિતં પૃથ્વિ નિવસામિ સદૈવ હિ ॥ ૬ ॥
ગીતાશ્રયેઽહં તિષ્ઠામિ ગીતા મે ચોત્તમં ગૃહમ્ ।
ગીતાજ્ઞાનમુપાશ્રિત્ય ત્રીંલોકાન્પાલયામ્યહમ્ ॥ ૭ ॥
ગીતા મે પરમા વિદ્યા બ્રહ્મરૂપા ન સંશયઃ ।
અર્ધમાત્રાક્ષરા નિત્યા સ્વાનિર્વાચ્યપદાત્મિકા ॥ ૮ ॥
ચિદાનન્દેન કૃષ્ણેન પ્રોક્તા સ્વમુખતોઽર્જુનમ્ ।
વેદત્રયી પરાનન્દા તત્ત્વાર્થજ્ઞાનસંયુતા ॥ ૯ ॥
યોઽષ્ટાદશજપો નિત્યં નરો નિશ્ચલમાનસઃ ।
જ્ઞાનસિદ્ધિં સ લભતે તતો યાતિ પરં પદમ્ ॥ ૧૦ ॥
પાઠેઽસમર્થઃ સમ્પૂર્ણે તતોઽર્ધં પાઠમાચરેત્ ।
તદા ગોદાનજં પુણ્યં લભતે નાત્ર સંશયઃ ॥ ૧૧ ॥
ત્રિભાગં પઠમાનસ્તુ ગઙ્ગાસ્નાનફલં લભેત્ ।
ષડંશં જપમાનસ્તુ સોમયાગફલં લભેત્ ॥ ૧૨ ॥
એકાધ્યાયં તુ યો નિત્યં પઠતે ભક્તિસંયુતઃ ।
રુદ્રલોકમવાપ્નોતિ ગણો ભૂત્વા વસેચ્ચિરમ્ ॥ ૧૩ ॥
અધ્યાયં શ્લોકપાદં વા નિત્યં યઃ પઠતે નરઃ ।
સ યાતિ નરતાં યાવન્મન્વન્તરં વસુન્ધરે ॥ ૧૪ ॥
ગીતાયાઃ શ્લોકદશકં સપ્ત પઞ્ચ ચતુષ્ટયમ્ ।
દ્વૌ ત્રીનેકં તદર્ધં વા શ્લોકાનાં યઃ પઠેન્નરઃ ॥ ૧૫ ॥
ચન્દ્રલોકમવાપ્નોતિ વર્ષાણામયુતં ધ્રુવમ્ ।
ગીતાપાઠસમાયુક્તો મૃતો માનુષતાં વ્રજેત્ ॥ ૧૬ ॥
ગીતાભ્યાસં પુનઃ કૃત્વા લભતે મુક્તિમુત્તમામ્ ।
ગીતેત્યુચ્ચારસંયુક્તો મ્રિયમાણો ગતિં લભેત્ ॥ ૧૭ ॥
ગીતાર્થશ્રવણાસક્તો મહાપાપયુતોઽપિ વા ।
વૈકુણ્ઠં સમવાપ્નોતિ વિષ્ણુના સહ મોદતે ॥ ૧૮ ॥
ગીતાર્થં ધ્યાયતે નિત્યં કૃત્વા કર્માણિ ભૂરિશઃ ।
જીવન્મુક્તઃ સ વિજ્ઞેયો દેહાન્તે પરમં પદમ્ ॥ ૧૯ ॥
ગીતામાશ્રિત્ય બહવો ભૂભુજો જનકાદયઃ ।
નિર્ધૂતકલ્મષા લોકે ગીતાયાતાઃ પરં પદમ્ ॥ ૨૦ ॥
ગીતાયાઃ પઠનં કૃત્વા માહાત્મ્યં નૈવ યઃ પઠેત્ ।
વૃથા પાઠો ભવેત્તસ્ય શ્રમ એવ હ્યુદાહૃતઃ ॥ ૨૧ ॥
એતન્માહાત્મ્યસંયુક્તં ગીતાભ્યાસં કરોતિ યઃ ।
સ તત્ફલમવાપ્નોતિ દુર્લભાં ગતિમાપ્નુયાત્ ॥ ૨૨ ॥
સૂત ઉવાચ ।
માહાત્મ્યમેતદ્ગીતાયા મયા પ્રોક્ત સતાતનમ્ ।
ગીતાન્તે ચ પઠેદ્યસ્તુ યદુક્તં તત્ફલં લભેત્ ॥ ૨૩ ॥
॥ ઇતિ શ્રીવારાહપુરાણે શ્રીગીતામાહાત્મ્યં સમ્પૂર્ણમ્ ॥
॥ અથ શ્રીમદ્ભગવદ્ગીતાધ્યાનાદિ ॥
શ્રી ગણેશાય નમઃ ॥ શ્રીગોપાલકૃષ્ણાય નમઃ ॥
અથ ધ્યાનમ્ ।
અથ કરન્યાસઃ.
ૐ અસ્ય શ્રીમદ્ભગવદ્ગીતામાલામન્ત્રસ્ય
ભગવાન્વેદવ્યાસ ઋષિઃ ॥ અનુષ્ટુપ્ છન્દઃ ॥
શ્રીકૃષ્ણ પરમાત્મા દેવતા ॥
અશોચ્યાનન્વશોચસ્ત્વં પ્રજ્ઞાવાદાંશ્ચ ભાષસે ઇતિ બીજમ્ ॥
સર્વધર્માન્ પરિત્યજ્ય મામેકં શરણં વ્રજ ઇતિ શક્તિઃ ॥
અહં ત્વા સર્વપાપેભ્યો મોક્ષયિષ્યામિ મા શુચ ઇતિ કીલકમ્ ॥
નૈનં છિન્દન્તિ શસ્ત્રાણિ નૈનં દહતિ
પાવક ઇત્યઙ્ગુષ્ઠાભ્યાં નમઃ ॥
ન ચૈનં ક્લેદયન્ત્યાપો ન શોષયતિ મારુત ઇતિ તર્જનીભ્યાં નમઃ ॥
અચ્છેદ્યોઽયમદાહ્યોઽયમક્લેદ્યોઽશોષ્ય
એવ ચ ઇતિ મધ્યમાભ્યાં નમઃ ॥
નિત્યઃ સર્વગતઃ સ્થાણુરચલોઽયં સનાતન ઇત્યનામિકાભ્યાં નમઃ ॥
પશ્ય મે પાર્થ્ રૂપાણિ શતશોઽથ
સહસ્રશ ઇતિ કનિષ્ઠિકાભ્યાં નમઃ ॥
નાનાવિધાનિ દિવ્યાનિ નાનાવર્ણાકૃતીનિ
ચ ઇતિ કરતલકરપૃષ્ઠાભ્યાં નમઃ ॥
ઇતિ કરન્યાસઃ ॥
અથ હૃદયાદિન્યાસઃ ॥
નૈનં છિન્દન્તિ શસ્ત્રાણિ નૈનં દહતિ
પાવક ઇતિ હૃદયાય નમઃ ॥
ન ચૈનં ક્લેદયન્ત્યાપો ન શોષયતિ મારુત ઇતિ શિરસે સ્વાહા ॥
અચ્છેદ્યોઽયમદાહ્યોઽયમક્લેદ્યોઽશોષ્ય
એવ ચેતિ શિખાયૈ વષટ્ ॥
નિત્યઃ સર્વગતઃ સ્થાણુરચલોઽયં સનાતન ઇતિ કવચાય હુમ્ ॥
પશ્ય મે પાર્થ્ રૂપાણિ શતશોઽથ
સહસ્રશ ઇતિ નેત્રત્રયાય વૌષટ્ ॥
નાનાવિધાનિ દિવ્યાનિ નાનાવર્ણાકૃતીનિ
ચેતિ અસ્ત્રાય ફટ્ ॥
શ્રીકૃષ્ણપ્રીત્યર્થે પાઠે વિનિયોગઃ ॥
ૐ પાર્થાય પ્રતિબોધિતાં ભગવતા નારાયણેન સ્વયં
વ્યાસેન ગ્રથિતાં પુરાણમુનિના મધ્યે મહાભારતમ્ ।
અદ્વૈતામૃતવર્ષિણીં ભગવતીમષ્ટાદશાધ્યાયિનીં
અમ્બ ત્વામનુસન્દધામિ ભગવદ્ગીતે ભવેદ્વેષિણીમ્ ॥ ૧ ॥
નમોઽસ્તુ તે વ્યાસ વિશાલબુદ્ધે ફુલ્લારવિન્દાયતપત્રનેત્ર ।
યેન ત્વયા ભારતતૈલપૂર્ણઃ પ્રજ્વાલિતો જ્ઞાનમયઃ પ્રદીપઃ ॥ ૨ ॥
પ્રપન્નપારિજાતાયતોત્રવેત્રૈકપાણયે ।
જ્ઞાનમુદ્રાય કૃષ્ણાય ગીતામૃતદુહે નમઃ ॥ ૩ ॥
વસુદેવસુતં દેવં કંસચાણૂરમર્દનમ્ ।
દેવકીપરમાનન્દં કૃષ્ણં વન્દે જગદ્ગુરુમ્ ॥ ૪ ॥
ભીષ્મદ્રોણતટા જયદ્રથજલા ગાન્ધારનીલોત્પલા
શલ્યગ્રાહવતી કૃપેણ વહની કર્ણેન વેલાકુલા ।
અશ્વત્થામવિકર્ણઘોરમકરા દુર્યોધનાવર્તિની
સોત્તીર્ણા ખલુ પાણ્ડવૈ રણનદી કૈવર્તકઃ કેશવઃ ॥ ૫ ॥
પારાશર્યવચઃ સરોજમમલં ગીતાર્થગન્ધોત્કટં
નાનાખ્યાનકકેસરં હરિકથાસમ્બોધનાબોધિતમ્ ।
લોકે સજ્જનષટ્પદૈરહરહઃ પેપીયમાનં મુદા
ભૂયાદ્ભારતપઙ્કજં કલિમલપ્રધ્વંસિ નઃ શ્રેયસે ॥ ૬ ॥
મૂકં કરોતિ વાચાલં પઙ્ગું લઙ્ઘયતે ગિરિમ્ ।
યત્કૃપા તમહં વન્દે પરમાનન્દમાધવમ્ ॥ ૭ ॥
અથ ગીતામાહાત્મ્યમ્ ।
ગીતાશાસ્ત્રમિદં પુણ્યં યઃ પઠેત્પ્રયતઃ પુમાન્ ।
વિષ્ણોઃ પદમવાપ્નોતિ ભયશોકાદિવર્જિતઃ ॥ ૧ ॥
ગીતાધ્યયનશીલસ્ય પ્રાણાયામપરસ્ય ચ ।
નૈવ સન્તિ હિ પાપાનિ પૂર્વજન્મકૃતાનિ ચ ॥ ૨ ॥
મલનિર્મોચનં પુંસાં જલસ્નાનં દિને દિને ।
સકૃદ્ગીતામ્ભસિ સ્નાનં સંસારમલનાશનમ્ ॥ ૩ ॥
ગીતા સુગીતા કર્તવ્યા કિમન્યૈઃ શાસ્ત્રવિસ્તરૈઃ ।
યા સ્વયં પદ્મનાભસ્ય મુખપદ્માદ્વિનિઃસૃતા ॥ ૪ ॥
ભારતામૃતસર્વસ્વં વિષ્ણોર્વક્ત્રાદ્વિનિઃસૃતમ્ ।
ગીતાગઙ્ગોદકં પીત્વા પુનર્જન્મ ન વિદ્યતે ॥ ૫ ॥
સર્વોપનિષદો ગાવો દોગ્ધા ગોપાલ નન્દનઃ ।
પાર્થો વત્સઃ સુધીર્ભોક્તા દુગ્ધં ગીતામૃતં મહત્ ॥ ૬ ॥
એકં શાસ્ત્રં દેવકીપુત્રગીતમેકો
દેવો દેવકીપુત્ર એવ ।
એકો મન્ત્રસ્તસ્ય નામાનિ યાનિ
કર્માપ્યેકં તસ્ય દેવસ્ય સેવા ॥ ૭ ॥
શાન્તાકારં ભુજગશયનં પદ્મનાભં સુરેશં
વિશ્વાધારં ગગનસદૃશં મેઘવર્ણં શુભાઙ્ગમ્ ।
લક્ષ્મીકાન્તં કમલનયનં યોગિભિર્ધ્યાનગમ્યં
વન્દે વિષ્ણું ભવભયહરં સર્વલોકૈકનાથમ્ ॥
યં બ્રહ્મા વરુણેન્દ્રરુદ્રમરુતઃ સ્તુન્વન્તિ દિવ્યૈઃ સ્તવૈઃ
વેદૈઃ સાઙ્ગપદક્રમોપનિષદૈર્ગાયન્તિ યં સામગાઃ ।
ધ્યાનાવસ્થિતતદ્ગતેન મનસા પશ્યન્તિ યં યોગિનો
યસ્યાન્તં ન વિદુઃ સુરાસુરગણા દેવાય તસ્મૈ નમઃ ॥ ૮ ॥
॥ ઇતિ ધ્યાનમ્ ॥
Also Read:
Bhagavad Gita Mahatmayam and Dhyanamantra Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
