Tantraraja Tantra Shri Durgasahasranamastotram 2 Lyrics in Bengali:
॥ শ্রীদুর্গাসহস্রনামস্তোত্রম্ ২ ॥
তন্ত্ররাজতন্ত্রে
পূর্বপীঠিকা
শ্রীশিব উবাচ –
শৃণু দেবি প্রবক্ষ্যামি দুর্গানামসহস্রকম্ ।
য়ত্প্রসাদান্মহাদেবি চতুর্বর্গফলং লভেত্ ॥ ১ ॥
পঠনং শ্রবণং চাস্য সর্বাশাপরিপূরকম্ ।
ধনপুত্রপ্রদং চৈব বালানাং শান্তিকারকম্ ॥ ২ ॥
উগ্ররোগপ্রশমনং গ্রহদোষবিনাশনম্ ।
অকালমৃত্যুহরণং বাণিজ্যে বিজয়প্রদম্ ॥ ৩ ॥
বিবাদে দুর্গমে য়ুদ্ধে নৌকায়াং শত্রুসঙ্কটে ।
রাজদ্বারে মহাঽরণ্যে সর্বত্র বিজয়প্রদম্ ॥ ৪ ॥
॥ বিনিয়োগ ॥
ওঁ অস্য শ্রীদুর্গাসহস্রনামমালামন্ত্রস্য শ্রীনারদ ঋষিঃ ।
গায়ত্রী ছন্দঃ । শ্রীদুর্গা দেবতা । দুং বীজম্ । হ্রীং শক্তিঃ ।
ওঁ কীলকম্ । শ্রীদুর্গাপ্রীত্যর্থং শ্রীদুর্গাসহস্রনামপাঠে বিনিয়োগঃ ॥
ঋষ্যাদি ন্যাসঃ ।
শ্রীনারদঋষয়ে নমঃ শিরসি । গায়ত্রীছন্দসে নমঃ মুখে ।
শ্রীদুর্গাদেবতায়ৈ নমঃ হৃদয়ে । দুং বীজায় নমঃ গুহ্যে ।
হ্রীং শক্তয়ে নমঃ পাদয়োঃ । ওঁ কীলকায় নমঃ নাভৌ ।
শ্রীদুর্গাপ্রীত্যর্থং শ্রীদুর্গাসহস্রনামপাঠে বিনিয়োগায় নমঃ সর্বাঙ্গে ॥
করন্যাসঃ ।
হ্রাং ওঁ হ্রীং দুং দুর্গায়ৈ অঙ্গুষ্ঠাভ্যাং নমঃ ।
হ্রীং ওঁ হ্রীং দুং দুর্গায়ৈ তর্জনীভ্যাং স্বাহা ।
হ্রূং ওঁ হ্রীং দুং দুর্গায়ৈ মধ্যমাভ্যাং বষট্ ।
হ্রৈং ওঁ হ্রীং দুং দুর্গায়ৈ অনামিকাভ্যাং হুম্ ।
হ্রৌং ওঁ হ্রীং দুং দুর্গায়ৈ কনিষ্ঠিকাভ্যাং বৌষট্ ।
হ্রঃ ওঁ হ্রীং দুং দুর্গায়ৈ করতলকরপৃষ্ঠাভ্যাং ফট্ ॥
অঙ্গন্যাসঃ ।
হ্রাং ওঁ হ্রীং দুং দুর্গায়ৈ হৃদয়ায় নমঃ ।
হ্রীং ওঁ হ্রীং দুং দুর্গায়ৈ শিরসে স্বাহা ।
হ্রূং ওঁ হ্রীং দুং দুর্গায়ৈ শিখায়ৈ বষট্ ।
হ্রৈং ওঁ হ্রীং দুং দুর্গায়ৈ কবচায় হুম্ ।
হ্রৌং ওঁ হ্রীং দুং দুর্গায়ৈ নেত্রত্রয়ায় বৌষট্ ।
হ্রঃ ওঁ হ্রীং দুং দুর্গায়ৈ অস্ত্রায় ফট্ ॥
॥ অথ ধ্যানম্ ॥
সিংহস্থা শশিশেখরা মরকতপ্রখ্যা চতুর্ভির্ভুজৈঃ ।
শঙ্গচক্রধনুঃশরাংশ্চ দধতী নেত্রৈস্ত্রিভিঃ শোভিতা ॥
আমুক্তাঙ্গদহারকঙ্কণরণত্কাঞ্চীক্বণন্নূপুরা ।
দুর্গা দুর্গতিহারিণী ভবতু বো রত্নোল্লসত্কুণ্ডলা ॥
॥ মানস পূজন ॥
লং পৃথিব্যাত্মকং গন্ধং সমর্পয়ামি ।
হং আকাশাত্মকং পুষ্পং সমর্পয়ামি ।
য়ং বায়্যাত্মকং ধূপং সমর্পয়ামি ।
রং বহ্ন্যাত্মকং দীপং দর্শয়ামি ।
বং অমৃতাত্মকং নৈবেদ্যং নিবেদয়ামি ।
সং সর্বাত্মকং তাম্বূলং নিবেদয়ামি ।
॥ মূল পাঠ ॥
অথ সহস্রনামস্তোত্রম্ ।
শ্রীদুর্গা দুর্গতি হরা পরিপূর্ণা পরাত্পরা ।
সর্বোপাধিবিনির্মুক্তা ভবভারবিনাশিনী ॥ ১ ॥
কার্যকারণনির্মুক্তা লীলাবিগ্রহধারিণী ।
সর্বশৃঙ্গারশোভাঢ্যা সর্বায়ুধসমন্বিতা ॥ ২ ॥
সূর্যকোটিসহস্রাভা চন্দ্রকোটিনিভাননা ।
গণেশকোটিলাবণ্যা বিষ্ণুকোট্যরিমর্দিনী ॥ ৩ ॥
দাবাগ্নিকোটিনলিনী রুদ্রকোট্যুগ্ররূপিণী ।
সমুদ্রকোটিগম্ভীরা বায়ুকোটিমহাবলা ॥ ৪ ॥
আকাশকোটিবিস্তারা য়মকোটিভয়ঙ্করী ।
মেরুকোটিসমুছ্রায়া গণকোটিসমৃদ্ধিদা ॥ ৫ ॥
নমস্যা প্রথমা পূজ্যা সকলা অখিলাম্বিকা ।
মহাপ্রকৃতি সর্বাত্মা ভুক্তিমুক্তিপ্রদায়িনী ॥ ৬ ॥
অজন্যা জননী জন্যা মহাবৃষভবাহিনী ।
কর্দমী কাশ্যপী পদ্মা সর্বতীর্থনিবাসিনী ॥ ৭ ॥
ভীমেশ্বরী ভীমনাদা ভবসাগরতারিণী ।
সবদেবশিরোরত্ননিঘৃষ্টচরণাম্বুজা ॥ ৮ ॥
স্মরতাং সর্বপাপঘ্নী সর্বকারণকারণা ।
সর্বার্থসাধিকা মাতা সর্বমঙ্গলমঙ্গলা ॥ ৯ ॥
পৃচ্ছা পৃশ্নী মহাজ্যোতিররণ্যা বনদেবতা ।
ভীতির্ভূতির্মতিঃ শক্তিস্তুষ্টিঃ পুষ্টিরুষা ধৃতিঃ ॥ ১০ ॥
উত্তানহস্তা সম্ভূতিঃ বৃক্ষবল্কলধারিণী ।
মহাপ্রভা মহাচণ্ডী দীপ্তাস্যা উগ্রলোচনা ॥ ১১ ॥
মহামেঘপ্রভা বিদ্যা মুক্তকেশী দিগম্বরী ।
হসনমুখী সাট্টহাসা লোলজিহ্বা মহেশ্বরী ॥ ১২ ॥
মুণ্ডালী অভয়া দক্ষা মহাভীমা বরোদ্যতা ।
খড্গমুণ্ডধরা মুক্তি কুমুদাজ্ঞাননাশিনী ॥ ১৩ ॥
অম্বালিকা মহাবীর্যা সারদা কনকেশ্বরী ।
পরমাত্মা পরা ক্ষিপ্তা শূলিনী পরমেশ্বরী ॥ ১৪ ॥
মহাকালসমাসক্তা শিবশতনিনাদিনী ।
ঘোরাঙ্গী মুণ্ডমুকুটা শ্মশানাস্থিকৃতাঽঽসনা ॥ ১৫ ॥
মহাশ্মশাননিলয়া মণিমণ্ডপমধ্যগা ।
পানপাত্রঘৃতা খর্বা পন্নগী পরদেবতা ॥ ১৬ ॥
সুগন্ধা তারিণী তারা ভবানী বনবাসিনী ।
লম্বোদরী মহাদীর্ঘা জটিনী চন্দ্রশেখরা ॥ ১৭ ॥
পরাঽম্বা পরমারাধ্যা পরেশী ব্রহ্মরূপিণী ।
দেবসেনা বিশ্বগর্ভা অগ্নিজিহ্বা চতুর্ভুজা ॥ ১৮ ॥
মহাদংষ্ট্রা মহারাত্রিঃ নীলা নীলসরস্বতী ।
দক্ষজা ভারতী রম্ভা মহামঙ্গলচণ্ডিকা ॥ ১৯ ॥
রুদ্রজা কৌশিকী পূতা য়মঘণ্টা মহাবলা ।
কাদম্বিনী চিদানন্দা ক্ষেত্রস্থা ক্ষেত্রকর্ষিণী ॥ ২০ ॥
পঞ্চপ্রেতসমারুঢা ললিতা ত্বরিতা সতী ।
ভৈরবী রূপসম্পন্না মদনাদলনাশিনী ॥ ২১ ॥
জাতাপহারিণী বার্তা মাতৃকা অষ্টমাতৃকা ।
অনঙ্গমেখলা ষষ্টী হৃল্লেখা পর্বতাত্মজা ॥ ২২ ॥
বসুন্ধরা ধরা ধারা বিধাত্রী বিন্ধ্যবাসিনী ।
অয়োধ্যা মথুরা কাঞ্চী মহৈশ্বর্যা মহোদরী ॥ ২৩ ॥
কোমলা মানদা ভব্যা মত্স্যোদরী মহালয়া ।
পাশাঙ্কুশধনুর্বাণা লাবণ্যাম্বুধিচন্দ্রিকা ॥ ২৪ ॥
রক্তবাসা রক্তলিপ্তা রক্তগন্ধবিনোদিনী ।
দুর্লভা সুলভা মত্স্যা মাধবী মণ্ডলেশ্বরী ॥ ২৫ ॥
পার্বতী অমরী অম্বা মহাপাতকনাশিনী ।
নিত্যতৃপ্তা নিরাভাসা অকুলা রোগনাশিনী ॥ ২৬ ॥
কনকেশী পঞ্চরূপা নূপুরা নীলবাহিনী ।
জগন্ময়ী জগদ্ধাত্রী অরুণা বারুণী জয়া ॥ ২৭ ॥
হিঙ্গুলা কোটরা সেনা কালিন্দী সুরপূজিতা ।
রামেশ্বরী দেবগর্ভা ত্রিস্রোতা অখিলেশ্বরী ॥ ২৮ ॥
ব্রহ্মাণী বৈষ্ণবী রৌদ্রী মহাকালমনোরমা ।
গারুডী বিমলা হংসী য়োগিনী রতিসুন্দরী ॥ ২৯ ॥
কপালিনী মহাচণ্ডা বিপ্রচিত্তা কুমারিকা ।
ঈশানী ঈশ্বরী ব্রাহ্মী মাহেশী বিশ্বমোহিনী ॥ ৩০ ॥
একবীরা কুলানন্দা কালপুত্রী সদাশিবা ।
শাকম্ভরী নীলবর্ণা মহিষাসুরমর্দিনী ॥ ৩১ ॥
কামদা কামিনী কুল্লা কুরুকুল্লা বিরোধিনী ।
উগ্রা উগ্রপ্রভা দীপ্তা প্রভা দংষ্ট্রা মনোজবা ॥ ৩২ ॥
কল্পবৃক্ষতলাসীনা শ্রীনাথগুরুপাদুকা ।
অব্যাজকরুণামূর্তিরানন্দঘনবিগ্রহা ॥ ৩৩ ॥
বিশ্বরূপা বিশ্বমাতা বজ্রিণী বজ্রবিগ্রহা ।
অনধা শাঙ্করী দিব্যা পবিত্রা সর্বসাক্ষিণী ॥ ৩৪ ॥
ধনুর্বাণগদাহস্তা আয়ুধা আয়ুধান্বিতা ।
লোকোত্তরা পদ্মনেত্রা য়োগমায়া জটেশ্বরী ॥ ৩৫ ॥
অনুচ্চার্যা ত্রিধা দৃপ্তা চিন্ময়ী শিবসুন্দরী ।
বিশ্বেশ্বরী মহামেধা উচ্ছিষ্টা বিস্ফুলিঙ্গিনী ॥ ৩৬ ॥
চিদম্বরী চিদাকারা অণিমা নীলকুন্তলা ।
দৈত্যেশ্বরী দেবমাতা মহাদেবী কুশপ্রিয়া ॥ ৩৭ ॥
সর্বদেবময়ী পুষ্টা ভূষ্যা ভূতপতিপ্রিয়া ।
মহাকিরাতিনী সাধ্যা ধর্মজ্ঞা ভীষণাননা ॥ ৩৮ ॥
উগ্রচণ্ডা শ্রীচাণ্ডালী মোহিনী চণ্ডবিক্রমা ।
চিন্তনীয়া মহাদীর্ঘা অমৃতা মৃতবান্ধবী ॥ ৩৯ ॥
পিনাকধারিণী শিপ্রা ধাত্রী ত্রিজগদীশ্বরী ।
রক্তপা রুধিরাক্তাঙ্গী রক্তখর্পরধারিণী ॥ ৪০ ॥
ত্রিপুরা ত্রিকূটা নিত্যা শ্রীনিত্যা ভুবনেশ্বরী ।
হব্যা কব্যা লোকগতির্গায়ত্রী পরমা গতিঃ ॥ ৪১ ॥
বিশ্বধাত্রী লোকমাতা পঞ্চমী পিতৃতৃপ্তিদা ।
কামেশ্বরী কামরূপা কামবীজা কলাত্মিকা ॥ ৪২ ॥
তাটঙ্কশোভিনী বন্দ্যা নিত্যক্লিন্না কুলেশ্বরী ।
ভুবনেশী মহারাজ্ঞী অক্ষরা অক্ষরাত্মিকা ॥ ৪৩ ॥
অনাদিবোধা সর্বজ্ঞা সর্বা সর্বতরা শুভা ।
ইচ্ছাজ্ঞানক্রিয়াশক্তিঃ সর্বাঢ্যা শর্বপূজিতা ॥ ৪৪ ॥
শ্রীমহাসুন্দরী রম্যা রাজ্ঞী শ্রীপরমাম্বিকা ।
রাজরাজেশ্বরী ভদ্রা শ্রীমত্ত্রিপুরসুন্দরী ॥ ৪৫ ॥
ত্রিসন্ধ্যা ইন্দিরা ঐন্দ্রী অজিতা অপরাজিতা ।
ভেরুণ্ডা দণ্ডিনী ঘোরা ইন্দ্রাণী চ তপস্বিনী ॥ ৪৬ ॥
শৈলপুত্রী চণ্ডধণ্টা কূষ্মাণ্ডা ব্রহ্মচারিণী ।
কাত্যায়নী স্কন্দমাতা কালরাত্রিঃ শুভঙ্করী ॥ ৪৭ ॥
মহাগৌরা সিদ্ধিদাত্রী নবদুর্গা নভঃস্থিতা ।
সুনন্দা নন্দিনী কৃত্যা মহাভাগা মহোজ্জ্বলা ॥ ৪৮ ॥
মহাবিদ্যা ব্রহ্মবিদ্যা দামিনী তাপহারিণী ।
উত্থিতা উত্পলা বাধ্যা প্রমোদা শুভদোত্তমা ॥ ৪৯ ॥
অতুল্যা অমূলা পূর্ণা হংসারূঢা হরিপ্রিয়া ।
সুলোচনা বিরূপাক্ষী বিদ্যুদ্গৌরী মহার্হণা ॥ ৫০ ॥
কাকধ্বজা শিবারাধ্যা শূর্পহস্তা কৃশাঙ্গিনী ।
শুভ্রকেশী কোটরাক্ষী বিধবা পতিঘাতিনী ॥ ৫১ ॥
সর্বসিদ্ধিকরী দুষ্টা ক্ষুধার্তা শিবভক্ষিণী ।
বর্গাত্মিকা ত্রিকালজ্ঞা ত্রিবর্গা ত্রিদশার্চিতা ॥ ৫২ ॥
শ্রীমতী ভোগিনী কাশী অবিমুক্তা গয়েশ্বরী ।
সিদ্ধাম্বিকা সুবর্ণাক্ষী কোলাম্বা সিদ্ধয়োগিনী ॥ ৫৩ ॥
দেবজ্যোতিঃ সমুদ্ভূতা দেবজ্যোতিঃস্বরূপিণী ।
অচ্ছেদ্যা অদ্ভুতা তীব্রা ব্রতস্থা ব্রতচারিণী ॥ ৫৪ ॥
সিদ্ধিদা ধূমিনী তন্বী ভ্রামরী রক্তদন্তিকা ।
স্বস্তিকা গগনা বাণী জাহ্নবী ভবভামিনী ॥ ৫৫ ॥
পতিব্রতা মহামোহা মুকুটা মুকুটেশ্বরী ।
গুহ্যেশ্বরী গুহ্যমাতা চণ্ডিকা গুহ্যকালিকা ॥ ৫৬ ॥
প্রসূতিরাকুতিশ্চিত্তা চিন্তা দেবাহুতিস্ত্রয়ী ।
অনুমতিঃ কুহূ রাকা সিনীবালী ত্বিষা রসা ॥ ৫৭ ॥
সুবর্চা বর্চলা শার্বী বিকেশা কৃষ্ণপিঙ্গলা ।
স্বপ্নাবতী চিত্রলেখা অন্নপূর্ণা চতুষ্টয়া ॥ ৫৮ ॥
পুণ্যলভ্যা বরারোহা শ্যামাঙ্গী শশিশেখরা ।
হরণী গৌতমী মেনা য়াদবা পূর্ণিমা অমা ॥ ৫৯ ॥
ত্রিখণ্ডা ত্রিমুণ্ডা মান্যা ভূতমাতা ভবেশ্বরী ।
ভোগদা স্বর্গদা মোক্ষা সুভগা য়জ্ঞরূপিণী ॥ ৬০ ॥
অন্নদা সর্বসম্পত্তিঃ সঙ্কটা সম্পদা স্মৃতিঃ ।
বৈদূর্যমুকুটা মেধা সর্ববিদ্যেশ্বরেশ্বরী ॥ ৬১ ॥
ব্রহ্মানন্দা ব্রহ্মদাত্রী মৃডানী কৈটভেশ্বরী ।
অরুন্ধতী অক্ষমালা অস্থিরা গ্রাম্যদেবতা ॥ ৬২ ॥
বর্ণেশ্বরী বর্ণমাতা চিন্তাপূর্ণী বিলক্ষণা ।
ত্রীক্ষণা মঙ্গলা কালী বৈরাটী পদ্মমালিনী ॥ ৬৩ ॥
অমলা বিকটা মুখ্যা অবিজ্ঞেয়া স্বয়ম্ভুবা ।
ঊর্জা তারাবতী বেলা মানবী চ চতুঃস্তনী ॥ ৬৪ ॥
চতুর্নেত্রা চতুর্হস্তা চতুর্দন্তা চতুর্মুখী ।
শতরূপা বহুরূপা অরূপা বিশ্চতোমুখী ॥ ৬৫ ॥
গরিষ্ঠা গুর্বিণী গুর্বী ব্যাপ্যা ভৌমী চ ভাবিনী ।
অজাতা সুজাতা ব্যক্তা অচলা অক্ষয়া ক্ষমা ॥ ৬৬ ॥
মারিষা ধর্মিণী হর্ষা ভূতধাত্রী চ ধেনুকা ।
অয়োনিজা অজা সাধ্বী শচী ক্ষেমা ক্ষয়ঙ্করী ॥ ৬৭ ॥
বুদ্ধির্লজ্জা মহাসিদ্ধিঃ শাক্রী শান্তিঃ ক্রিয়াবতী ।
প্রজ্ঞা প্রীতিঃ শ্রুতিঃ শ্রদ্ধা স্বাহা কান্তির্বপুঃস্বধা ॥ ৬৮ ॥
উন্নতিঃ সন্নতিঃ খ্যাতিঃ শুদ্ধিঃ স্থিতির্মনস্বিনী ।
উদ্যমা বীরিণী ক্ষান্তির্মার্কণ্ডেয়ী ত্রয়োদশী ॥ ৬৯ ॥
প্রসিদ্ধা প্রতিষ্ঠা ব্যাপ্তা অনসূয়াঽঽকৃতির্যমা ।
মহাধীরা মহাবীরা ভুজঙ্গী বলয়াকৃতিঃ ॥ ৭০ ॥
হরসিদ্ধা সিদ্ধকালী সিদ্ধাম্বা সিদ্ধপূজিতা ।
পরানন্দা পরাপ্রীতিঃ পরাতুষ্টিঃ পরেশ্বরী ॥ ৭১ ॥
বক্রেশ্বরী চতুর্বক্ত্রা অনাথা শিবসাধিকা ।
নারায়ণী নাদরূপা নাদিনী নর্তকী নটী ॥ ৭২ ॥
সর্বপ্রদা পঞ্চবক্ত্রা কামিলা কামিকা শিবা ।
দুর্গমা দুরতিক্রান্তা দুর্ধ্যেয়া দুষ্পরিগ্রহা ॥ ৭৩ ॥
দুর্জয়া দানবী দেবী দেত্যঘ্নী দৈত্যতাপিনী ।
ঊর্জস্বতী মহাবুদ্ধিঃ রটন্তী সিদ্ধদেবতা ॥ ৭৪ ॥
কীর্তিদা প্রবরা লভ্যা শরণ্যা শিবশোভনা ।
সন্মার্গদায়িনী শুদ্ধা সুরসা রক্তচণ্ডিকা ॥ ৭৫ ॥
সুরূপা দ্রবিণা রক্তা বিরক্তা ব্রহ্মবাদিনী ।
অগুণা নির্গুণা গুণ্যা ত্রিগুণা ত্রিগুণাত্মিকা ॥ ৭৬ ॥
উড্ডিয়ানা পূর্ণশৈলা কামস্যা চ জলন্ধরী ।
শ্মশানভৈরবী কালভৈরবী কুলভৈরবী ॥ ৭৭ ॥
ত্রিপুরাভৈরবীদেবী ভৈরবী বীরভৈরবী ।
শ্রীমহাভৈরবীদেবী সুখদানন্দভৈরবী ॥ ৭৮ ॥
মুক্তিদাভৈরবীদেবী জ্ঞানদানন্দভৈরবী ।
দাক্ষায়ণী দক্ষয়জ্ঞনাশিনী নগনন্দিনী ॥ ৭৯ ॥
রাজপুত্রী রাজপূজ্যা ভক্তিবশ্যা সনাতনী ।
অচ্যুতা চর্চিকা মায়া ষোডশী সুরসুন্দরী ॥ ৮০ ॥
চক্রেশী চক্রিণী চক্রা চক্ররাজনিবাসিনী ।
নায়িকা য়ক্ষিণী বোধা বোধিনী মুণ্ডকেশ্বরী ॥ ৮১ ॥
বীজরূপা চন্দ্রভাগা কুমারী কপিলেশ্বরী ।
বৃদ্ধাঽতিবৃদ্ধা রসিকা রসনা পাটলেশ্বরী ॥ ৮২ ॥
মাহেশ্বরী মহাঽঽনন্দা প্রবলা অবলা বলা ।
ব্যাঘ্রাম্বরী মহেশানী শর্বাণী তামসী দয়া ॥ ৮৩ ॥
ধরণী ধারিণী তৃষ্ণা মহামারী দুরত্যয়া ।
রঙ্গিনী টঙ্কিনী লীলা মহাবেগা মখেশ্বরী ॥ ৮৪ ॥
জয়দা জিত্বরা জেত্রী জয়শ্রী জয়শালিনী ।
নর্মদা য়মুনা গঙ্গা বেন্বা বেণী দৃষদ্বতী ॥ ৮৫ ॥
দশার্ণা অলকা সীতা তুঙ্গভদ্রা তরঙ্গিণী ।
মদোত্কটা ময়ূরাক্ষী মীনাক্ষী মণিকুণ্ডলা ॥ ৮৬ ॥
সুমহা মহতাং সেব্যা মায়ূরী নারসিংহিকা ।
বগলা স্তম্ভিনী পীতা পূজিতা শিবনায়িকা ॥ ৮৭ ॥
বেদবেদ্যা মহারৌদ্রী বেদবাহ্যা গতিপ্রদা ।
সর্বশাস্ত্রময়ী আর্যা অবাঙ্গমনসগোচরা ॥ ৮৮ ॥
অগ্নিজ্বালা মহাজ্বালা প্রজ্বালা দীপ্তজিহ্বিকা ।
রঞ্জনী রমণী রুদ্রা রমণীয়া প্রভঞ্জনী ॥ ৮৯ ॥
বরিষ্ঠা বিশিষ্টা শিষ্টা শ্রেষ্ঠা নিষ্ঠা কৃপাবতী ।
ঊর্ধ্বমুখী বিশালাস্যা রুদ্রভার্যা ভয়ঙ্করী ॥ ৯০ ॥
সিংহপৃষ্ঠসমাসীনা শিবতাণ্ডবদর্শিনী ।
হৈমবতী পদ্মগন্ধা গন্ধেশ্বরী ভবপ্রিয়া ॥ ৯১ ॥
অণুরূপা মহাসূক্ষ্মা প্রত্যক্ষা চ মখান্তকা ।
সর্ববিদ্যা রক্তনেত্রা বহুনেত্রা অনেত্রকা ॥ ৯২ ॥
বিশ্বম্ভরা বিশ্বয়োনিঃ সর্বাকারা সুদর্শনা ।
কৃষ্ণাজিনধরা দেবী উত্তরা কন্দবাসিনী ॥ ৯৩ ॥
প্রকৃষ্টা প্রহৃষ্টা হৃষ্টা চন্দ্রসূর্যাগ্নিভক্ষিণী ।
বিশ্বেদেবী মহামুণ্ডা পঞ্চমুণ্ডাধিবাসিনী ॥ ৯৪ ॥
প্রসাদসুমুখী গূঢা সুমুখা সুমুখেশ্বরী ।
তত্পদা সত্পদাঽত্যর্থা প্রভাবতী দয়াবতী ॥ ৯৫ ॥
চণ্ডদুর্গা চণ্ডীদেবী বনদুর্গা বনেশ্বরী ।
ধ্রুবেশ্বরী ধুবা ধ্রৌব্যা ধ্রুবারাধ্যা ধ্রুবাগতিঃ ॥ ৯৬ ॥
সচ্চিদা সচ্চিদানন্দা আপোময়ী মহাসুখা ।
বাগীশী বাগ্ভবাঽঽকণ্ঠবাসিনী বহ্নিসুন্দরী ॥ ৯৭ ॥
গণনাথপ্রিয়া জ্ঞানগম্যা চ সর্বলোকগা ।
প্রীতিদা গতিদা প্রেয়া ধ্যেয়া জ্ঞেয়া ভয়াপহা ॥ ৯৮ ॥
শ্রীকরী শ্রীধরী সুশ্রী শ্রীবিদ্যা শ্রীবিভাবনী ।
শ্রীয়ুতা শ্রীমতাং সেব্যা শ্রীমূর্তিঃ স্ত্রীস্বরূপিণী ॥ ৯৯ ॥
অনৃতা সুনৃতা সেব্যা সর্বলোকোত্তমোত্তমা ।
জয়ন্তী চন্দনা গৌরী গর্জিনী গগনোপমা ॥ ১০০ ॥
ছিন্নমস্তা মহামত্তা রেণুকা বনশঙ্করী ।
গ্রাহিকা গ্রাসিনী দেবভূষণা চ কপর্দিনী ॥ ১০১ ॥
সুমতিস্তপতী স্বস্থা হৃদিস্থা মৃগলোচনা ।
মনোহরা বজ্রদেহা কুলেশী কামচারিণী ॥ ১০২ ॥
রক্তাভা নিদ্রিতা নিদ্রা রক্তাঙ্গী রক্তলোচনা ।
কুলচণ্ডা চণ্ডবক্ত্রা চণ্ডোগ্রা চণ্ডমালিনী ॥ ১০৩ ॥
রক্তচণ্ডী রুদ্রচণ্ডী চণ্ডাক্ষী চণ্ডনায়িকা ।
ব্যাঘ্রাস্যা শৈলজা ভাষা বেদার্থা রণরঙ্গিণী ॥ ১০৪ ॥
বিল্বপত্রকৃতাবাসা তরুণী শিবমোহিনী ।
স্থাণুপ্রিয়া করালাস্যা গুণদা লিঙ্গবাসিনী ॥ ১০৫ ॥
অবিদ্যা মমতা অজ্ঞা অহন্তা অশুভা কৃশা ।
মহিষঘ্নী সুদুষ্প্রেক্ষ্যা তমসা ভবমোচনী ॥ ১০৬ ॥
পুরূহুতা সুপ্রতিষ্ঠা রজনী ইষ্টদেবতা ।
দুঃখিনী কাতরা ক্ষীণা গোমতী ত্র্যম্বকেশ্বরা ॥ ১০৭ ॥
দ্বারাবতী অপ্রমেয়া অব্যয়াঽমিতবিক্রমা ।
মায়াবতী কৃপামূর্তিঃ দ্বারেশী দ্বারবাসিনী ॥ ১০৮ ॥
তেজোময়ী বিশ্বকামা মন্মথা পুষ্করাবতী ।
চিত্রাদেবী মহাকালী কালহন্ত্রী ক্রিয়াময়ী ॥ ১০৯ ॥
কৃপাময়ী কৃপাশ্রেষ্ঠা করুণা করুণাময়ী ।
সুপ্রভা সুব্রতা মাধ্বী মধুঘ্নী মুণ্ডমর্দিনী ॥ ১১০ ॥
উল্লাসিনী মহোল্লাসা স্বামিনী শর্মদায়িনী ।
শ্রীমাতা শ্রীমহারাজ্ঞী প্রসন্না প্রসন্নাননা ॥ ১১১ ॥
স্বপ্রকাশা মহাভূমা ব্রহ্মরূপা শিবঙ্করী ।
শক্তিদা শান্তিদা কর্মফলদা শ্রীপ্রদায়িনী ॥ ১১২ ॥
প্রিয়দা ধনদা শ্রীদা মোক্ষদা জ্ঞানদা ভবা ।
ভূমানন্দকরী ভূমা প্রসীদশ্রুতিগোচরা ॥ ১১৩ ॥
রক্তচন্দনসিক্তাঙ্গী সিন্দূরাঙ্কিতভালিনী ।
স্বচ্ছন্দশক্তির্গহনা প্রজাবতী সুখাবহা ॥ ১১৪ ॥
য়োগেশ্বরী য়োগারাধ্যা মহাত্রিশূলধারিণী ।
রাজ্যেশী ত্রিপুরা সিদ্ধা মহাবিভবশালিনী ॥ ১১৫ ॥
হ্রীঙ্কারী শঙ্করী সর্বপঙ্কজস্থা শতশ্রুতিঃ ।
নিস্তারিণী জগন্মাতা জগদম্বা জগদ্ধিতা ॥ ১১৬ ॥
সাষ্টাঙ্গপ্রণতিপ্রীতা ভক্তানুগ্রহকারিণী ।
শরণাগতাদীনার্তপরিত্রাণপরায়ণা ॥ ১১৭ ॥
নিরাশ্রয়াশ্রয়া দীনতারিণী ভক্তবত্সলা ।
দীনাম্বা দীনশরণা ভক্তানামভয়ঙ্করী ॥ ১১৮ ॥
কৃতাঞ্জলিনমস্কারা স্বয়ম্ভুকুসুমার্চিতা ।
কৌলতর্পণসম্প্রীতা স্বয়ম্ভাতী বিভাতিনী ॥ ১১৯ ॥
শতশীর্ষাঽনন্তশীর্ষা শ্রীকণ্ঠার্ধশরীরিণী ।
জয়ধ্বনিপ্রিয়া কুলভাস্করী কুলসাধিকা ॥ ১২০ ॥
অভয়বরদহস্তা সর্বানন্দা চ সংবিদা ।
পৃথিবীধরা বিশ্বধরা বিশ্বগর্ভা প্রবর্তিকা ॥ ১২১ ॥
বিশ্বমায়া বিশ্বফালা পদ্মনাভপ্রসূঃ প্রজা । extra
মহীয়সী মহামূর্তিঃ সতী রাজ্ঞী ভয়ার্তিহা ॥ ১২২ ॥
ব্রহ্মময়ী বিশ্বপীঠা প্রজ্ঞানা মহিমাময়ী ।
সিংহারূঢা বৃষারূঢা অশ্বারূঢা অধীশ্বরী ॥ ১২৩ ॥
বরাভয়করা সর্ববরেণ্যা বিশ্ববিক্রমা ।
বিশ্বাশ্রয়া মহাভূতিঃ শ্রীপ্রজ্ঞাদিসমন্বিতা ॥ ১২৪ ॥
ফলশ্রুতিঃ ।
দুর্গানামসহস্রাখ্যং স্তোত্রং তন্ত্রোত্তমোত্তমম্ ।
পঠনাত্ শ্রবণাত্সদ্যো নরো মুচ্যেত সঙ্কটাত্ ॥ ১২৫ ॥
অশ্বমেধসহস্রাণাং বাজপেয়স্য কোটয়ঃ ।
সকৃত্পাঠেন জায়ন্তে মহামায়াপ্রসাদতঃ ॥ ১২৬ ॥
য় ইদং পঠতি নিত্যং দেব্যাগারে কৃতাঞ্জলিঃ ।
কিং তস্য দুর্লভং দেবি দিবি ভুবি রসাতলে ॥ ১২৭ ॥
স দীর্ধায়ুঃ সুখী বাগ্মী নিশ্চিতং পর্বতাত্মজে ।
শ্রদ্ধয়াঽশ্রদ্ধয়া বাপি দুর্গানামপ্রসাদতঃ ॥ ১২৮ ॥
য় ইদং পঠতে নিত্যং দেবীভক্তঃ মুদান্বিতঃ ।
তস্য শত্রুক্ষয়ং য়াতি য়দি শক্রসমো ভবেত্ ॥ ১২৯ ॥
প্রতিনাম সমুচ্চার্য স্রোতসি য়ঃ প্রপূজয়েত্ ।
ষণ্মাসাভ্যন্তরে দেবি নির্ধনী ধনবান্ ভবেত্ ॥ ১৩০ ॥
বন্ধ্যা বা কাকবন্ধ্যা বা মৃতবত্সা চ য়াঽঙ্গনা ।
অস্য প্রয়োগমাত্রেণ বহুপুত্রবতী ভবেত্ ॥ ১৩১ ॥
আরোগ্যার্থে শতাবৃত্তিঃ পুত্রার্থে হ্যেকবত্সরম্ ।
দীপ্তাগ্নিসন্নিধৌ পাঠাত্ অপাপো ভবতি ধ্রুবম্ ॥ ১৩২ ॥
অষ্টোত্তরশতেনাস্য পুরশ্চর্যা বিধীয়তে ।
কলৌ চতুর্গুণং প্রোক্তং পুরশ্চরণসিদ্ধয়ে ॥ ১৩৩ ॥
জপাকমলপুষ্পং চ চম্পকং নাগকেশরম্ ।
কদম্বং কুসুমং চাপি প্রতিনাম্না সমর্চয়েত্ ॥ ১৩৪ ॥
প্রণবাদিনমোঽন্তেন চতুর্থ্যন্তেন মন্ত্রবিত্ ।
স্রোতসি পূজয়িত্বা তু উপহারং সমর্পয়েত্ ॥ ১৩৫ ॥
ইচ্ছাজ্ঞানক্রিয়াসিদ্ধির্নিশ্চতং গিরিনন্দিনি ।
দেহান্তে পরমং স্থানং য়ত্সুরৈরপি দুর্লভম্ ॥ ১৩৬ ॥
স য়াস্যতি ন সন্দেহো শ্রীদুর্গানামকীর্তনাত্ ।
ভজেদ্ দুর্গাং স্মরেদ্ দুর্গাং জপেদ্ দুর্গাং শিবপ্রিয়াম্ ।
তত্ক্ষণাত্ শিবমাপ্নোতি সত্যং সত্যং বরাননে ॥ ১৩৭ ॥
॥ ইতি তন্ত্ররাজতন্ত্রে শ্রীদুর্গাসহস্রনামস্তোত্রং সম্পূর্ণম্ ॥
Also Read 1000 Names of Sri Durga 2:
1000 Names of Sri Durga 2 | Sahasranama Stotram from Tantraraja Tantra in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil