Templesinindiainfo

Best Spiritual Website

Achyuta Ashtakam Lyrics in Bengali | Hindu Ashtak

Achyutashtakam Lyrics in Bengali:

 ॥ অচ্যুতশতকম্ ॥ 

বেদান্তদেশিকবিরচিতম্ ।
(তিরুবহীন্দ্রপুরাখ্যে ঔষধগিরৌ)
(ইদং শতকং মূলং প্রাকৃতভাষায়ামাস্তে ।)
(লেখকৈরেব সংস্কৃতে পরিবর্তিতং মূলমেব অত্র দীয়তে ।)
নমত ত্রিদশানাং নাথং সত্যং দাসানামচ্যুতং স্থিরজ্যোতিঃ ।
গরুডনদীতটতমালং অহীন্দ্রনগরৌষধাচলৈকগজেন্দ্রম্ ॥ ১ ॥

কিঙ্করসত্য স্তুতিস্তব স্বয়ম্ভূ গেহিনী বিলাসব্যাহৃতিময়ী ।
ফণিতা বালেন ময়া পঞ্জরশুক জল্পিতমিব করোতু প্রসাদম্ ॥ ২ ॥

মলিনমপি ভাষিতং মম কিঙ্করসত্য তব কীর্তিজ্যোত্স্নাপ্রসরে ।
লগ্নং লভতাং বিশুদ্ধিং সলিলমিব ত্রিপথগাস্রোতোগতম্ ॥ ৩ ॥

ত্রস্তরি নয়েন স্থাপিতা শোভতাং ত্রিদশানাং নাথ তব সমাজে ।
বন্দিত্ব মহিতানাং মধ্যে শ্রুতীনাং বালিশা মম স্তুতিঃ ॥ ৪ ॥

অস্মদ্গুরূণামচ্যুত জিহ্বাসিংহাসনে লব্ধপ্রতিষ্ঠঃ ।
প্রতিপাদিতপরমার্থো বারয়স্যপণ্ডিতত্বমস্মাকম্ ॥ ৫ ॥

হৃদয়েষু দেশিকানাং জাহ্নবীলহরীষু পূর্ণচন্দ্র ইব স্ফুটঃ ।
কলুষজলেষ্বিব হংসঃ কষায়কর্বুরেষু তিষ্ঠস্যচ্যুত ন ক্ষণম্ ॥ ৬ ॥

আগমমাত্রপ্রমাণঃ আগোপীজনং প্রকাশ নিজমাহাত্ম্যঃ ।
শ্রদ্ধিতহৃদয়সুলভো দূরং মুঞ্চসি নতসত্য দোলায়মানান্ ॥ ৭ ॥

সদা ক্ষপিতসকলহেয়ং শরণাগতসত্য সত্যজ্ঞানানন্দম্ ।
উল্লঙ্ঘিতত্রিবিধান্তমুপনিষদাং শতানি গায়ন্তি ত্বাম্ ॥ ৮ ॥

করোষি ন ক্রিয়সে কেনাপি স্থাপয়সি ন সংস্থাপ্যসেঽনন্যস্থিতঃ ।
হরসি নিখিলং ন হ্রিয়সে অহীন্দ্রনগরেন্দ্রানঘজ্যোতিস্স্ফুরন্ ॥ ৯ ॥

অণুপ্রমিতস্যাপ্যচ্যুত শক্তিস্তব সকলধারণাদিপ্রভূতা ।
তেন প্রতিবস্তুপূর্ণঃ শ্রূয়সেঽপ্রতিহতনিজস্থিতিঃ সর্বগতঃ ॥ ১০ ॥

সকলানাং ধরণনিয়মনস্বামিত্বনিয়মসংস্থিতঃ সর্বতনুঃ ।
শ্রূয়সেঽচ্যুত সর্বঃ সদা দর্শিতকার্যকারণত্বকর্বুরঃ ॥ ১১ ॥

পুরুষপ্রধানশরীরো ভুবনানাং ভবস্যচ্যুতোপাদানম্ ।
নিজসঙ্কল্পসনাথো বহসি নিমিত্তত্ত্বমপ্যদ্ভুতশক্তিঃ ॥ ১২ ॥

বিষমগুণাঙ্কুরপ্রকরে জলমিব সামান্যকারণং তব কেলিঃ ।
নিজকর্মশক্তিনিয়তা অচ্যুত ব্রহ্মাদি স্থাবরান্তবিশেষাঃ ॥ ১৩ ॥

পুরুষাস্তব বিভূতিঃ অচ্যুত লক্ষ্ম্যাঃ স্ত্রীসংজ্ঞাঃ ।
নাস্তি পরং য়ুবয়োঃ সাপি শ্রীর্ভবতি তব কিং পুনরিতরত্ ॥ ১৪ ॥

ন খলু তব সদৃশাভ্যধিকাঃ নাথ ত্বমেব সর্বলোকশরণ্যঃ ।
এতাবজ্জ্ঞানসারমিতি জ্ঞাতুং ত্রিদশনাথেতরবিচিন্তা ॥ ১৫ ॥

ভাতি ফণীন্দ্রপুরাধিপ প্রতিপালয়ত্সু প্রকটপ্রভূতফলা ।
অপি দ্রুহিণপ্রমুখৈঃ আজ্ঞপ্তিস্তবালঙ্ঘনীয়প্রভাবা ॥ ১৬ ॥

নিয়মবিধীনাং প্রবৃত্তিঃ সর্বেষামপি দাসসত্যোদ্দিশ্য ত্বাম্ ।
শ্রাদ্ধনিমন্ত্রিতব্রাহ্মণসমাধিসিদ্ধাং লভন্তে ত্রিদশা ভুক্তম্ ॥ ১৭ ॥

আরাধ্য ত্রিদশবিলয়েঽচ্যুত নিত্যং ন তিষ্ঠসি য়দি নাম ত্বম্ ।
কর্মণাং কল্পিতানাং করিষ্যতি কল্পান্তরেষু কো নির্বেশম্ ॥ ১৮ ॥

কল্পয়সি কাঙ্ক্ষিতানি কল্পদ্রুম ইব শ্রীকাঞ্চনলতাসহিতঃ ।
নতসত্য সদাফলানি নিজচ্ছায়ানির্ভিন্ননিত্যতাপত্রিভুবনঃ ॥ ১৯ ॥

সকলাগমানাং নিষ্ঠা সকলসুরাণামপ্যন্তর আত্মা ।
সকলফলানাং প্রসূতিঃ সকলজনানাং সমঃ খলু নতসত্য ত্বম্ ॥ ২০ ॥

ইতি সর্বেষাং সমানঃ সত্যস্থিতো দাসসত্য সদা পরিপূর্ণঃ ।
কথং বহসি পক্ষপাতং পাণ্ডবপ্রমুখেষু প্রেষণমপি সহমানঃ ॥ ২১ ॥

বিষমে কর্মমার্গে বিপরিস্খলতাং বিহ্বলিতকরণানাম্ ।
নাথ নিখিলানামন্যো নাস্তি ত্বন্নতসত্য হস্তালম্বঃ ॥ ২২ ॥

জ্ঞানস্য কোঽবিষয়োঽচ্যুত করুণায়াস্তব কো দূরস্থিতঃ ।
শক্তেঃ কোঽতিভরস্তস্মাত্খলূপায়স্ত্বমেব স্বয়ং সিদ্ধঃ ॥ ২৩ ॥

সঙ্কল্পকর্ণধারঃ কিঙ্করসত্য ভবসাগরেঽতিগভীরে ।
অনঘস্ত্বং খলু পোত আত্মনঃ কৃপাসমীরণেন প্রয়ুক্তঃ ॥ ২৪ ॥

অচ্যুত ন দদতি মোক্ষমীশ্বরভাবেন ভাবিতা ইতরসুরাঃ ।
রাত্রিং পরিবর্তয়িতুং লক্ষমালেখ্য দিনকরাণামপি ন ক্ষমম্ ॥ ২৫ ॥

অমৃতরসসাগরস্যেব অহীন্দ্রপুরনাথ নির্মলমহার্ঘাণি ।
তীর্যন্তে ন বিগণয়িতুং অনন্যসুলভানি তব গুণরত্নানি ॥ ২৬ ॥

ভূষিতশ্রুতিসীমন্তো ভুজগেন্দ্রপুরেশ সর্বগুণসীমান্তঃ ।
ক্ষপিততৃষা মলমোহো মুনীনাং হৃদয়েষু স্ফুরসি শ্যামলময়ূখঃ ॥ ২৭ ॥

শুভলক্ষণশ্রীবত্সঃ শোভসে নির্মুক্তবিরহক্ষণশ্রীবত্সঃ ।
রণদেবন সবিহগঃ উদ্ভটগরুডনদীতীরবনসবিধগতঃ ॥ ২৮ ॥

অকুমারয়ৌবনস্থিতমহীন্দ্রপুরনাথাভিমতমনুরূপম্ ।
নিত্যং স্বভাবসিদ্ধং শ্রূয়তে সূরিমহিতং সুখং তব রূপম্ ॥ ২৯ ॥

ত্রিগুণং তস্য বিকারাঃ অচ্যুত পুরুষ ইত্যাগমগণ্যমানাঃ ।
অর্থাস্তব খলু সমস্তাঃ পরস্মিন্ রূপে ভূষণাস্ত্রস্বরূপাঃ ॥ ৩০ ॥

নির্যন্তি ত্বত্তোঽচ্যুত নিক্ষপিতবিপক্ষনিষ্ঠুরপরাক্রমণাঃ ।
সংস্থাপিতপরমধর্মাঃ সাধু পরিত্রাণসত্ফলা অবতারাঃ ॥ ৩১ ॥

হরিমণিসদৃক্ষ নিজরুচিহরিতায়মান ভুজগেন্দ্রপুরপর্যন্তঃ ।
কালে দাসজনানাং কৃষ্ণ ঘনো ভবসি দত্তকারুণ্যরসঃ ॥ ৩২ ॥

গরুডনদীকচ্ছারণ্যে লক্ষ্যসে লক্ষ্মী মহী করেণু মনোহরঃ ।
দৃশ্যমানবহুলদানো দিশা গজেন্দ্র ইব খণ্ডিতদনুজেন্দ্রদ্রুমঃ ॥ ৩৩ ॥

মুখচন্দ্রমৌলি দিনকরমধ্যস্থিতস্তব চিকুরভারান্ধকারঃ ।
অঘটিতঘটনাশক্তিং সত্যং স্থাপয়তি দাসসত্য সমগ্রাম্ ॥ ৩৪ ॥

পরিহসিতপূর্ণচন্দ্রং পদ্মসদৃক্ষপ্রসন্নলোচনয়ুগলম্ ।
সঙ্কল্পিতদুরিতান্যপি সংস্মৃতং হরতি দাসসত্য তব মুখম্ ॥ ৩৫ ॥

মাহাত্ম্যং তব মহিতং মাঙ্গলিকং তুলসীকৌস্তুভপ্রমুখানাম্ ।
অচ্যুত স্থিরবনমালং বত্সং দর্শয়তি লক্ষ্মী লক্ষণসুভগম্ ॥ ৩৬ ॥

নির্বিশতি নিত্যতাপো দেবজনো দেবনায়ক বিধিপ্রমুখঃ ।
শীতলশান্তপ্রভূতাং ছায়াং তব বিপুলবাহুকল্পদ্রুমাণাম্ ॥ ৩৭ ॥

সঙ্কল্পচন্দ্রক্ষোভিতত্রিগুণোদধি বিপুলবুদ্বুদপ্রকরৈঃ ।
ব্রহ্মাণ্ডৈরপি ভরিতং কিঙ্করসত্য তব কস্মান্নু কৃশমুদরম্ ॥ ৩৮ ॥

নাভিরুহং তব নলিনং ভুজগেশ্বরনগরনাথ শোভতে সুভগম্ ।
মধ্যস্থিতব্রহ্মভ্রমরং বত্সাসনলক্ষ্মীপাদপীঠসদৃক্ষম্ ॥ ৩৯ ॥

দৃঢপীডিতমধুকৈটভশোণিতপটলপরিপাটলাম্বরঘটিতা ।
রাজত্যচ্যুত মুখরা রতিনাথ গজেন্দ্রশৃঙ্খলা তব রশনা ॥ ৪০ ॥

দাসানাং সত্য দৃশ্যতে দানববীরাণাং দীর্ঘনিদ্রাশয়নম্ ।
তবোদরস্থিতত্রিভুবনপ্রাসাদস্তম্ভসচ্ছায়মূরুয়ুগম্ ॥ ৪১ ॥

জানুমণিদর্পণেন চ জঙ্ঘামরকতকলাচিকয়া চ ধন্যা ।
অচ্যুত ন মুঞ্চতি কান্তঃ লক্ষ্মীরিব সরোজলাঞ্ছনৌ তব চরণৌ ॥ ৪২ ॥

শ্রুতিসীমন্তপ্রসূনং শোভতে নতসত্য তব সর্বশরণ্যম্ ।
ক্রমণক্ষণজনিতসুরনদীপ্রশমিতত্রৈলোক্যপাতকং পদপদ্মম্ ॥ ৪৩ ॥

ইতি ত্রিভুবনৈকমূলমাস্বাদয়ন্ত্যনঘা অমৃতস্বাদুরসম্ ।
ওষধিমহীধরপার্শ্ব উদিতং ত্বামোষধিমিব দাসরুজাম্ ॥ ৪৪ ॥

সিদ্ধাঞ্জনমিব শ্যামাং তব তনুং নিজবিলোচনেষু ক্ষিপন্তঃ ।
অচ্যুত লক্ষ্মীনিবাসং নিত্যনিগূঢং নিধিমিব পশ্যন্তি ত্বাম্ ॥ ৪৫ ॥

বিঘটিত নিবিডান্ধকারো ঘটমানজ্যোতিস্ত্রিলোকৈকগ্রহপতিঃ ।
দৃষ্টগতো য়েষাং ত্বং নমত্সত্য ন খলু তেষাং মোহত্রিয়ামা ॥ ৪৬ ॥

বিষয়রসে বিরক্তাঃ বিকারজননৈরপি চ ন খলু বিক্রিয়মাণাঃ ।
জীবন্মুক্তসদৃশা অচ্যুত দৃশ্যন্তে পাবনাস্তব ভক্তাঃ ॥ ৪৭ ॥

গন্ধর্বনগরস্বপ্নসদৃক্ষাণাং শ্রিয়াং বনসরিতাম্ ।
ন স্মরতি ত্বদ্গৃহীতঃ শরণাগতসদামদো জীবগজঃ ॥ ৪৮ ॥

ন মহয়ন্তি জ্ঞানবন্তঃ তরঙ্গডিণ্ডীরবুদ্বুদসদৃক্ষাণি ।
বিধিপ্রমুখাণাং পদানি ঘনকন্দলীকন্দ কদলীস্তম্ভসমানি ॥ ৪৯ ॥

দৃষ্টস্বপরস্বভাবাঃ পুরুষা গৃহীত্বা স্বামিনস্তব শীলম্ ।
নাথ নতসত্য সঘৃণাঃ ন মুঞ্চতি কথমপি সর্বজনসৌহার্দম্ ॥ ৫০ ॥

মানমদের্ষ্যামত্সরদম্ভাসূয়াভয়ামর্ষলোভমুখাঃ ।
দৃশ্যন্তে ন মোহসুতাঃ দোষা দাসানাং সত্য তব ভক্তানাম্ ॥ ৫১ ॥

য়েষাং মতিরিতরমুখী কালঃ সকলোঽপি তেষাং কলিবিস্তারঃ ।
য়ে তব পদে প্রবণাঃ নাস্তি কলির্নাগপতিনগরপতে তেষাম্ ॥ ৫২ ॥

অত্যাসন্নবিনাশাঃ অচ্যুত পশ্যন্তি তাবকে ভক্তজনে ।
মোক্ষরুচীনাং মূঢা দিবসকরমণ্ডল ইব চ্ছিদ্রম্ ॥ ৫৩ ॥

নিত্রুটিতদুর্মানঘনাঃ নির্মলগুণঘটিততারকাপ্রাগ্ভারাঃ ।
ভাসমানভক্তিজ্যোত্স্নাঃ নতসত্য স্ফুরন্তি নভোনিভাস্তব ভক্তাঃ ॥

ন খলু য়মবিষয়ে গতির্নতসত্য পদাম্বুজং তব প্রপন্নানাম্ ।
স্খলিতানামপি য়থায়োগ্যং শিক্ষা শুদ্ধান্তকিঙ্করাণামিব লঘ্বী ॥ ৫৫ ॥

কর্মগতিদোষদুঃখিতাঃ কৃতান্তভ্রুকুটীভুজঙ্গীদর্শনত্রস্তাঃ ।
অর্চন্তি তব চরণৌ অচ্যুত প্রভ্রষ্টমন্মথরসাস্বাদাঃ ॥ ৫৬ ॥

আলগতি তব চরণৌ অচ্যুত বিধিনাঽপ্যর্চনাঽঽচরিতা ।
য়ৈকান্তপ্রয়ুক্তা শেষামিব স্বয়ং শিরসা প্রতিগৃহ্ণাসি তাম্ ॥ ৫৭ ॥

তব মুখজ্যোত্স্না দ্রাবিতমানসশশিকান্তপ্রবাহসন্নিভবাষ্পান্ ।
অচ্যুত ন মুঞ্চসি ভক্তান্ কদম্বগোলনিভকণ্টকায়মাননিজাঙ্গান্ ॥

সর্বেঽপি নির্বৈরাঃ শরণাগতসত্য গৃহীতশাশ্বতধর্মাঃ ।
গতসঙ্গাস্তব ভক্তাঃ য়ান্তি ত্বামেব দুর্লভমিতরৈঃ ॥ ৫৯ ॥

অহিপতিনগরেন্দ্র ত্বাং আসন্নমপি গগনমিব সদা দুর্গ্রহম্ ।
বিষয়েষু বিলগন্তঃ ত্বরমাণা অপি ন লভন্তে ডোলায়মানমনসঃ ॥ ৬০ ॥

ভক্তাস্তাবকসেবারসভরিতাঃ সকলরক্ষণোত্সুকরুচিনা ।
করণানি ধরন্তি চিরং কাঙ্ক্ষিতমোক্ষা অপ্যচ্যুত ত্বয়া স্থাপিতাঃ ॥

স্থিরগুণগিরিজনিতৈঃ সন্তারয়সি নতসত্য নিজভক্তৈঃ ।
জন্মপরিপাটীজলধিং জঙ্গমস্থিরসেতুদর্শনীয়ৈর্জনান্ ॥ ৬২ ॥

প্রশমিতভবান্তরভয়াঃ প্রাপ্তং প্রাপ্তং হিতমিতি পরিপশ্যন্তঃ ।
ভাবয়ন্তি তব ভক্তাঃ প্রিয়াতিথিমিব নতসত্য পশ্চিমদিবসম্ ॥ ৬৩ ॥

প্রকটতিমিরে ভুবনে পাত্রপ্রতিষ্ঠাপিতপরমজ্ঞানপ্রদীপাঃ ।
নীয়ন্তেঽচ্যুত ত্বয়া নিজং পদং সদা স্বয়ম্প্রভং কৃতকার্যাঃ ॥ ৬৪ ॥

দৃঢতীব্রভক্তিনয়নাঃ পরিপশ্যন্তোঽহীন্দ্রপুরনাথ ত্বাম্ ।
প্রাপ্তাস্তব সায়ুজ্যং পঙ্ক্তিং পূরয়ন্তি পন্নগেন্দ্রমুখানাম্ ॥ ৬৫ ॥

সন্নতসুলভমচ্যুত সমাধিসোপানক্রমবিলম্ববিমুখিতাঃ ।
শরণং গত্বা ত্বাং মুক্তা মুচুকুন্দ ক্ষত্রবন্ধুপ্রমুখাঃ ॥ ৬৬ ॥

দেবানাং পশুসমানো জন্তুর্গত্বা দেবনাথ তব পদম্ ।
তৈরেব সর্বৈঃ সংসরমাণৈর্ভবতি সদা দত্তবলিঃ ॥ ৬৭ ॥

মোহান্ধকারমহার্ণবমূর্চ্ছিতমায়ামহারজনিপ্রত্যূষঃ ।
অচ্যুত তব কটাক্ষো বিমুক্তিপ্রস্থানপ্রথমপরিকরবন্ধঃ ॥ ৬৮ ॥

মোক্ষসুখবৃক্ষমূলং মোহজরাতুরমহারসায়নপ্রবরম্ ।
সকলকুশলৈকক্ষেত্রং কিঙ্করসত্য তব কীর্তনমমৃতনিভম্ ॥ ৬৯ ॥

নাস্ত্যভিক্রমনাশো বিচ্ছেদেঽপি প্রত্যবায়প্রসঙ্গঃ ।
স্বল্পাঽপি তব সপর্যা রক্ষত্যচ্যুত মহত্তরাদ্ভয়াত্ ॥ ৭০ ॥

অপ্রসাদে অপ্রসন্নাস্তব প্রসাদে দাসসত্য প্রসন্নাঃ ।
আরাধ্যা ভবন্তি পরে কিং তৈঃ প্রসঙ্গলম্ভিতপ্রভাবৈঃ ॥ ৭১ ॥

ইতরত্রিদশাঃ প্রসন্নাঃ কিঙ্করসত্য মম কিং নু করিষ্যন্তি হিতম্ ।
নীহারঘনশতৈর্ন খলু পূর্যতে কথমপি চাতকতৃষ্ণা ॥ ৭২ ॥

অনুগতসুখমৃগতৃষ্ণা অচ্যুত বিশ্রাম্যতি তব মামকতৃষ্ণা ।
প্রবাহেষু প্রসৃতায়াঃ আশ্রিতপ্রবহদ্ধনকৃপাসরিতঃ ॥ ৭৩ ॥

বিকলসকলাঙ্গবিষমান্ ধর্মান্ নতসত্য ধ্বজনিভান্ ধারয়ন্ ।
কান্তারপান্থক ইব স্খলচ্চরণোঽস্মি কাতরবিশীর্যমাণঃ ॥ ৭৪ ॥

স্থিরধর্মবর্মস্থগিতং অধর্মপ্রবণানামগ্রস্কন্ধপ্রবৃত্তম্ ।
অঘটমানবিপ্রতীসারমচ্যুত মাং হসসি নূনং লক্ষ্মীসমক্ষম্ ॥ ৭৫ ॥

তরিতুমচ্যুত দুরিতমস্মিন্ দেহ এক দিবসেঽপি কৃতম্ ।
কালোঽলং ন সকলঃ করুণায়াস্তব পূর্ণপাত্রমস্ম্যয়ম্ ॥ ৭৬ ॥

অচ্যুত তব গুণানাং মম দোষাণামপি নাস্তি কুত্রাপি গণনা ।
তথাপি জয়ঃ প্রথমানামধিকং লীনানাং ভবতি ন খলু দৌর্বল্যম্ ॥ ৭৭ ॥

রাত্রিং দিবসমচ্যুত ত্রুটিতঃ পতন্ত্যায়ুর্দ্রুমখণ্ডানি ।
দৃষ্ট্বাপি দৃপ্তমনসং বালমিদানীমপি ভরস্ব মামপ্রমত্তঃ ॥ ৭৮ ॥

নিশ্বাসশঙ্কনীয়ে দেহে পটলান্তসলিলবিন্দুসদৃক্ষে ।
জানাসি নতসত্য ত্বং জরত্করণেঽপি দীর্ঘয়ৌবনতৃষ্ণম্ ॥ ৭৯ ॥

অজ্ঞাতনিজকর্তব্যং য়দৃচ্ছয়া জ্ঞাতেষু মামপি প্রতিকূলগতিম্ ।
ইতি নিজস্বভাবব্রীলিতং হাতুং দাসানাং সত্য ন খলু তব য়ুক্তম্ ॥ ৮০ ॥

কোঽহং কিং করণীয়ং পরিহরণীয়মপি কিমিতি জানাসি সর্বম্ ।
শক্নোষি চ তদ্ধিতং মম ত্রিদশেশ্বর কুরুষ্ব নিজহৃদয়নিক্ষিপ্তম্ ॥ ৮১ ॥

ইদানীমুপর্যপ্যয়ং গুণগৃহীতো দারুপুত্রক ইব পরবশঃ ।
তস্যাপি মম ত্রিদশেশ্বর ত্রিষ্বপি করণেষু ভব সুখসঙ্কল্পঃ ॥ ৮২ ॥

নিজকর্মনিগলয়ুগলমচ্যুত কৃত্বা মম প্রিয়াপ্রিয়বর্গে ।
কদা ঘোরকলেবরকারাগৃহকুহরনির্গতং করিষ্যসি মাম্ ॥ ৮৩ ॥

হার্দে ত্বয়ি কদা বিশ্রান্তং ব্রহ্মধমনিমার্গং গমিষ্যন্তম্ ।
দিনকরদত্তাগ্রকরমচ্যুত দ্রক্ষ্যসি দয়িত ডিম্ভমিব মাম্ ॥ ৮৪ ॥

কদা অমানবান্তাঃ অগ্নিমুখা আতিবাহিকাস্তব পুরুষাঃ ।
অতিলঙ্ঘয়িষ্যন্তি মামচ্যুত তমোগহনত্রিগুণমরুকান্তারম্ ॥ ৮৫ ॥

লঙ্ঘিতবিরজাসরিতং লম্ভিত সদা শুদ্ধসত্ত্বময় সৌম্যতনুম্ ।
কৃতব্রহ্মালঙ্কারং করিষ্যসি নতসত্য কিঙ্করং কদা মাম্ ॥ ৮৬ ॥

সংসারসাগরাদুত্ক্ষিপ্তং ত্রিদশনাথ স্ফুরিতালোকম্ ।
কদা করিষ্যসি হৃদয়ে কৌস্তুভমণিদর্পণমিব লক্ষ্মীপুলকিতম্ ॥ ৮৭ ॥

কদা তব পাদপদ্মে ভবিষ্যামি নতসত্য কেলিক্রান্ত ত্রিভুবনে
মদনরিপুমকুটমণ্ডনসুরসরিত্স্রোতঃ সূচিতমধুপ্রবাহে ॥ ৮৮ ॥

উপনিষচ্ছিরঃ কুসুমমুত্তংসয়িত্বা তব পদাম্বুজয়ুগল়ম্ ।
দয়িতো ভবিষ্যামি কদা দাসো দাসানাং সত্য সূরিসদৃক্ষঃ ॥ ৮৯ ॥

অপুনর্নিবৃত্তিয়োগ্যমবতারবিহারসহচরত্বধন্যম্ ।
আত্মসমভোগমাত্রমনুভবিষ্যসি দেবনাথ কদা নু মাম্ ॥ ৯০ ॥

ইতি স্ফুটমনোরথং মামেতাদৃশবচনমাত্রসারং বশগম্ ।
কুরুষ্ব নিজগুণগণৈঃ সত্যং দাসানাং সত্য সদা স্বচ্ছন্দঃ ॥ ৯১ ॥

বালপ্লবগ ইব তরল়ো মারুতিজাতিরিতি সাগরং তরিতুমনাঃ ।
প্রার্থয়ে ত্বামচ্যুত কাঙ্ক্ষিতপদপদ্ম ক্ষমস্ব মম কাপেয়ম্ ॥ ৯২ ॥

অচ্যুতবিষয়াক্রান্তং ভবার্ণবাবর্তভ্রমি নিস্ত্রুট্যমানম্ ।
জননী স্তনন্ধয়মিব মামুদ্ধৃত্য সেবস্ব স্বয়ং পথ্যম্ ॥ ৯৩ ॥

কর্মময়ঘর্মতপ্তং সুখমৃগতৃষ্ণাভিঃ কদাঽপ্যতৃষ্ণাকম্ ।
কারয় নির্বৃতং মাং করকাশিশিরৈরচ্যুত কটাক্ষৈঃ ॥ ৯৪ ॥

তব চিন্তনবিমুখানাং দৃষ্টবিষাণামিব দর্শনান্মোচয়ন্ ।
অমৃতমুখানামিব মামচ্যুত ভক্তানাং নয়স্ব নয়নাসারম্ ॥ ৯৫ ॥

বিষমিলিতমধুনিভেষু চ তৃণপ্রতিমেষু চ প্রতিগ্রহেষু প্রলুঠিতম্ ।
অমৃতনিধাবিবাচ্যুত স্থাপয় ত্বয়ি নির্মমং মম হৃদয়ম্ ॥ ৯৬ ॥

নিত্যমস্মিন্ কৃপণে নিক্ষিপ নমত্সত্য নিধিসদৃক্ষৌ ।
প্রবহন্নখপ্রভাঝরপ্রশমিতপ্রণমত্সঞ্জ্বরৌ তব চরণৌ ॥ ৯৭ ॥

শরণাগত ইতি জনিতে জনবাদেঽপি য়দ্যচ্যুত ন রক্ষসি মাম্ ।
ভবেত্খলু সাগরঘোষঃ সাগরপুলিনে তাদৃশং তব বচনম্ ॥ ৯৮ ॥

নিক্ষিপ্তোঽস্মি চাগতিঃ নিপুণৈস্ত্বয়ি নাথ কারুণিকৈঃ ।
তাংস্তব দৃষ্ট্বা প্রিয়ান্ ভৃতং নতসত্য ভরস্বাত্মনো ভরম্ ॥ ৯৯ ॥

নতসত্য পক্কণানীতগলিতকিরাতভ্রমনিজকুমারমিব নৃপঃ ।
ভবিষ্যদ্যৌবনবধূং বর ইব মাং লভস্ব মন্ত্রজনবিজ্ঞাপিতম্ ॥ ১০০ ॥

ইতি কবিতার্কিককেসরি বেদান্তাচার্য বেঙ্কটেশবিরচিতম্ ।
সুভগমচ্যুতশতকং সহৃদয়হৃদয়েষু শোভতাং সমগ্রগুণম্ ॥ ১০১ ॥

ইতি বেদান্তদেশিকবিরচিতং অচ্যুতশতকং সম্পূর্ণম্ ।

Also Read Achyutashtakam:

Achyuta Ashtakam in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Achyuta Ashtakam Lyrics in Bengali | Hindu Ashtak

Leave a Reply

Your email address will not be published. Required fields are marked *

Scroll to top